1 ⲁϥⲥⲟⲛϩϥ ϩⲛϩⲉⲛϩⲁⲗⲁⲥⲓⲥ ⲙⲡⲉⲛⲓⲡⲉ ⲛⲁⲧⲃⲱⲗ ⲉⲃⲟⲗ ·
…
2 ⲟⲩⲇⲉ ⲙⲡⲟⲩⲕⲁⲁϥ ⲉϥⲥⲟⲛϩ ϩⲓϫⲙⲡⲕⲁϩ ⲙⲙⲁⲧⲉ ·
…
3 ⲁⲗⲗⲁ ⲉϥⲥⲏϩ ϫⲉⲁϥⲛⲟϫϥ ⲉⲧⲗⲓⲙⲛⲏ ⲛⲥⲁⲧⲉ ⲉⲧϫⲉⲣⲟ ⲉⲓϫⲱ ⲙⲙⲟⲥ ϫⲉϥⲙⲡⲉⲥⲏⲧ ⲙⲡⲛⲟⲩⲛ ⲙⲛⲡⲕⲁⲕⲉ ·
…
4 ⲁⲩⲱ ϫⲉⲕⲁⲥ ⲉⲕⲉⲉⲓⲙⲉ ⲉⲧⲙⲉ ·
…
5 ⲁⲛⲟⲛ ⲇⲉ ϩⲱⲱⲛ ⲱ ⲛⲁⲙⲉⲣⲁⲧⲉ ϩⲱⲥ ϫⲉⲁⲛⲉⲓⲙⲉ ϫⲉⲟⲩⲛⲟϭ ⲡⲉ ⲡⲣⲁϣⲉ ⲙⲡⲓϣⲁ ⲉⲧⲡⲟⲣϣ ⲛⲁⲛ ⲉⲃⲟⲗ ⲙⲡϩⲟⲟⲩ ·
…
6 ⲙⲁⲣⲛⲥⲧⲟⲗⲓⲍⲉ ⲙⲙⲟⲛ ⲡⲟⲩⲁ ⲡⲟⲩⲁ ϩⲓϩⲟⲩⲛ ⲁⲩⲱ ϩⲓⲃⲟⲗ · ⲛⲛⲁⲃⲱⲕ ⲉⲡⲉⲓⲛⲟϭ ⲛⲁⲣⲓⲥⲧⲱⲛ ⲙⲡϩⲟⲟⲩ ·
…
7 ϫⲉⲕⲁⲥ ⲛⲛⲁⲟⲩⲱⲙ ⲉⲃⲟⲗ ϩⲛⲛⲁⲅⲁⲑⲱⲛ ⲛⲧⲁϥⲥⲃⲧⲱⲧⲟⲩ ⲛⲁⲛ : ⲛϭⲓⲡⲛⲟϭ ⲙⲡⲟⲗⲉⲙⲏⲥⲧⲏⲥ ⲙⲡⲣⲣⲟ ⲛⲛⲉⲣⲣⲱⲟⲩ · ⲙⲓⲭⲁⲏⲗ ·
…
8 ⲁⲗⲗⲁ ϫⲉⲉϣϫⲉ ⲟⲩⲁⲣⲓⲥⲧⲱⲛ ⲛⲃⲁⲥⲓⲗⲓⲕⲟⲛ ⲡⲉ ·
…
9 ⲡⲉⲧⲉϣϣⲉ ⲉⲣⲟⲛ ⲡⲉ ⲉⲕⲁⲧⲉⲭⲉ ϣⲁⲛⲧⲟⲩⲧⲱϩⲙ ·
…
10 ⲛϣⲟⲣⲡ ⲛⲉⲧⲟ ⲛⲛⲟϭ ϩⲛⲧⲁⲩⲗⲏ ⲙⲡⲣⲣⲟ · ⲙⲛⲡⲉϥⲛⲟϭ ⲛⲁⲣⲭⲁⲅⲅⲉⲗⲟⲥⲙⲓⲭⲁⲏⲗ ·
…
11 ⲙⲛⲛⲥⲱⲥ ⲛⲧⲛⲟⲩⲁϩⲛ ϩⲱⲱⲛ ⲛⲥⲱⲟⲩ · ⲕⲁⲗⲱⲥ ⲁⲧⲉⲧⲛϣⲓⲛⲉ ⲱ ⲛⲁⲙⲉⲣⲁⲧⲉ · ϣⲁⲣⲉⲡⲉⲑⲃⲃⲓⲱ ⲅⲁⲣ ϫⲓⲥⲉ ·
…
12 ⲁⲩⲱ ϣⲁϥⲥⲟⲟⲩⲧⲛ · ⲁⲗⲗⲁ ⲁⲙⲏⲓⲧⲛ ⲟⲩⲉϩⲧⲏⲩⲧⲛ ⲛⲥⲱⲓ · ϫⲉⲉⲓⲥ ⲛⲛⲟϭ ·
…
13 ⲁⲩⲟⲩⲱ ⲉⲩⲃⲏⲕ · ⲉⲡⲁⲣⲓⲥⲧⲟⲛ ⲙⲙⲓⲭⲁⲏⲗ ·
…
14 ⲁⲩⲛⲟϫⲟⲩ · ⲁϣ ⲛⲉ ⲛⲛⲟϭ ⲛⲧⲁⲩⲣϣⲟⲣⲡ ⲛⲛⲟϫⲟⲩ ·
…
15 ⲥⲱⲧⲙ ⲇⲉ ϩⲛⲟⲩϯϩⲧⲏϥ ·
…
16 ⲁⲇⲁⲙ ⲇⲉ ⲙⲛⲁⲃⲉⲗ · ⲙⲛⲥⲉⲧⲉⲡⲉϥϣⲏⲣⲉ ·
…
17 ⲙⲱⲩⲥⲏⲥ ⲙⲛⲁⲁⲣⲱⲛ ⲙⲛⲓⲏⲥⲟⲩ ⲛⲛⲁⲩⲏ ⲅⲉⲇⲉⲱⲛ · ⲃⲁⲣⲁⲕ · ⲥⲁⲙⲯⲱⲛ · ⲇⲁⲩⲉⲓⲇ ⲡⲉ ⲙⲛⲥⲱⲗⲟⲙⲟⲛ · ⲙⲛⲓⲉⲍⲉⲕⲓⲁⲥ ⲛⲉⲣⲣⲱⲟⲩ ·
…
18 ⲏⲥⲁⲓⲁⲥ ⲡⲉ · ⲙⲛⲓⲉⲣⲏⲙⲓⲁⲥ · ⲙⲛⲉⲍⲉⲕⲓⲏⲗ · ⲙⲛⲇⲁⲛⲓⲏⲗ · ⲙⲛⲡϣⲟⲙⲛⲧ · ⲛϩⲁⲅⲓⲟⲥ · ⲙⲛϩⲩⲗⲓⲁⲥ ⲛϩⲉⲗⲉⲥⲁⲓⲟⲥ · ⲛⲉⲓⲛⲟϭ ⲙⲡⲣⲟⲫⲏⲧⲏⲥ · ⲍⲁⲭⲁⲣⲓⲁⲥ ⲡⲉ · ⲙⲛⲓⲱϩⲁⲛⲛⲏⲥ ⲡⲉϥϣⲏⲣⲉ · ⲙⲛⲡⲙⲛⲧⲥⲛⲟⲟⲩⲥ ⲛⲁⲡⲟⲥⲧⲟⲗⲟⲥ · ⲙⲛⲥⲧⲉⲫⲁⲛⲟⲥ ⲡⲁⲣⲭⲏⲇⲓⲁⲕⲟⲛⲟⲥ · ⲙⲛⲡϩⲗⲗⲟ ⲛϩⲁⲅⲓⲟⲥ ⲁⲩⲱ ⲛⲛⲟⲩⲏⲏⲃ · ⲁⲡⲁ ⲥⲩⲙⲉⲱⲛ ⲙⲛⲙⲙⲁⲣⲧⲩⲣⲟⲥ · ⲙⲛⲛⲇⲓⲕⲁⲓⲟⲥ ⲧⲏⲣⲟⲩ ⁖ⲻ
…
19 ⲁϩⲣⲟⲓ ⲉⲓϣⲁϫⲉ ⲉⲛⲁⲡⲕⲁϩ ⲙⲙⲁⲧⲉ ·
…
20 ⲁⲗⲗⲁ ϥⲙⲙⲁⲩ ⲛϭⲓⲡϫⲟⲉⲓⲥ ⲙⲡⲉⲟⲟⲩ · ⲙⲛⲛⲧⲁⲅⲙⲁ ⲧⲏⲣⲟⲩ ⲛⲙⲡⲏⲩⲉ · ⲛⲁⲅⲅⲉⲗⲟⲥ ⲙⲛⲛⲁⲣⲭⲁⲅⲅⲉⲗⲟⲥ · ⲛⲁⲣⲭⲏ ⲛⲛⲉⲝⲟⲩⲥⲓⲁ ·
…
21 ⲛⲉⲭⲉⲣⲟⲩⲃⲓⲛ ⲙⲛⲥⲉⲣⲁⲫⲓⲛ ·
…
22 ⲛⲉⲑⲣⲟⲛⲟⲥ ⲙⲛⲙⲙⲛⲧϫⲟⲉⲓⲥ · ⲙⲛⲛϭⲟⲙ ⲥⲉ ⲙⲙⲁⲩ ·
…
23 ⲛϭⲓⲛⲁⲓ ⲧⲏⲣⲟⲩ ⲉⲩϯⲉⲟⲟⲩ ⲙⲡⲛⲟⲩⲧⲉ ⲙⲛⲡⲉϥⲛⲟϭ ⲛⲁⲣⲭⲁⲅⲅⲉⲗⲟⲥ ⲉⲧⲟⲩⲁⲁⲃ ⲙⲓⲭⲁⲏⲗ ·
…
24 ⲁⲗⲗⲁ ϯⲟⲩⲱϣ ⲉⲉⲕⲧⲟⲓ ⲛⲕⲉⲥⲟⲡ ⲉⲧⲁⲩⲗⲏ ⲙⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ·
…
25 ϣⲁⲛⲉⲓⲛⲟϭ ⲛⲣⲱⲙⲉ ⲛⲣⲙⲛⲕⲁϩ · ⲛⲧⲁϫⲛⲟⲩ ·
…
26 ⲉⲧⲃⲉⲡⲉⲓⲛⲟϭ ⲛϣⲁ ⲉⲧⲡⲟⲣϣ ⲉⲃⲟⲗ ⲙⲡϩⲟⲟⲩ ·
…
27 ϫⲉⲕⲁⲥ ⲉⲓⲉⲣⲁϣⲉ ϩⲱⲱⲧ ⲙⲛⲛⲉⲧⲣⲁϣⲉ · ⲕⲁⲧⲁⲡϣⲁϫⲉ ⲙⲡⲥⲁϩ ⲡⲁⲩⲗⲟⲥ ⲡⲁⲡⲟⲥⲧⲟⲗⲟⲥ ⁖ⲻ
…
28 ⲡⲗⲏⲛ ϯⲛⲁⲁⲣⲭⲉⲓ ⲛϣⲟⲣⲡ ·
…
29 ϫⲓⲛⲙⲡⲉⲓⲱⲧ ⲛⲧⲙⲛⲧⲣⲱⲙⲉ ⲧⲏⲣⲥ ·
…
30 ⲡⲉⲛⲧⲁⲡⲛⲟⲩⲧⲉ ⲡⲗⲁⲥⲥⲉ ⲙⲙⲟϥ ⲕⲁⲧⲁⲡⲉϥⲉⲓⲛⲉ ⲙⲛⲧⲉϥϩⲓⲕⲱⲛ · ⲛⲧⲟϥ ⲅⲁⲣ ⲡⲉⲧⲓⲛⲁⲩ ⲉⲣⲟϥ ⲉϥⲟ ⲙⲡⲣⲟⲧⲱⲥ ·
…
31 ϩⲙⲡⲙⲁ ⲛⲛⲟϫϥ ϩⲙⲡⲉⲓϣⲁ ⲙⲡϩⲟⲟⲩ ⲛⲧⲁϫⲛⲟⲩϥ ·
…
32 ⲁⲣⲁ ϯⲛⲁⲧⲟⲗⲙⲁ ⲛⲧⲁϫⲟⲟⲥ ⲛⲁϥ ϫⲉϯⲣϩⲟⲧⲉ ·
…
33 ⲁⲩⲱ ϯⲥⲧⲱⲧ ·
…
34 ⲉⲓⲥϩⲏⲏⲧⲉ ⲟⲛ ⲧⲉⲛⲟⲩ ϯⲛⲁⲩ ⲉⲛⲉⲧ ϩⲙⲡⲉⲁⲣⲓⲥⲧⲟⲛ ⲧⲏⲣⲟⲩ ⲙⲡϩⲟⲟⲩ · ⲉⲩϯⲉⲟⲟⲩ ⲛⲁϥ ·
…
35 ⲁⲩⲱ ⲉⲩϯⲙⲁ ⲙⲙⲟϥ ⲁⲛⲟⲕ ϩⲱⲧⲉⲓⲛⲁⲟⲡⲧ ⲙⲛⲟⲩⲁ ⲙⲙⲟⲟⲩ ·
…
36 ⲕⲁⲛ ⲉϣϫⲉ ⲁⲛⲅⲟⲩⲣⲉϥⲣⲛⲟⲃⲉ ⲟⲛ ·
…
37 ϯⲛⲁϯ ⲛⲁϥ ⲙⲡⲣⲁϣⲉ ⲙⲡⲁⲗⲁⲥ · ⲛⲧⲉⲓϩⲉ ϫⲉⲭⲁⲓⲣⲉ ⲡⲁⲉⲓⲱⲧ ⲉⲧⲟⲩⲁⲁⲃ ·
…
38 ⲕⲩⲣⲓⲟⲥ ⲭⲁⲓⲣⲉ ⲡⲉⲓⲱⲧ ⲛⲛⲁⲉⲓⲟⲧⲉ ⲧⲏⲣⲟⲩ · ⲙⲛⲧⲙⲛⲧⲣⲱⲙⲉ ⲧⲏⲣⲥ ⲉⲧⲛⲁϣⲱⲡⲉ ·
…
39 ⲉⲓϣⲁⲛϯ ⲙⲡⲉⲓϣⲟⲙⲛⲧ ⲛⲣⲁϣⲉ ⲛⲁϥ ⲉⲧⲧⲟⲙⲉ ⲉⲡⲉϥⲉⲟⲟⲩ ·
…
40 ⲡⲁⲛⲧⲱⲥ ϥⲛⲁⲱϣ ⲉⲃⲟⲗ ϩⲱⲱϥ ⲛⲧϩⲉ ⲛⲟⲩⲉⲓⲱⲧ ⲙⲡⲉϥϣⲏⲣⲉ · ⲁⲙⲟⲩ ϩⲱⲱⲕ ⲛⲅⲣⲁϣⲉ ⲛⲙⲙⲁⲛ · ϩⲙⲡⲉⲛⲟϭ ⲛϣⲁ ⲉⲧⲡⲟⲣϣ ⲛⲁⲛ ⲉⲃⲟⲗ ⲙⲡϩⲟⲟⲩ ϩⲙⲡⲧⲣⲁϭⲛ ⲡⲁⲣⲣⲏⲥⲓⲁ ϩⲁϩⲧⲏϥ ·
…
41 ϯⲛⲁϫⲛⲟϥ ϫⲉⲡⲁϫⲟⲉⲓⲥ ⲛⲉⲓⲱⲧ ⲙⲏ ⲛⲧⲟⲕ ⲁⲛ ⲛⲡⲉⲛⲧⲁⲡⲛⲟⲩⲧⲉ ⲡⲗⲁⲥⲥⲉ ⲙⲙⲟϥ · ϩⲛⲛⲉϥϭⲓϫ ⲙⲙⲓⲛ ⲉⲙⲙⲟϥ ·
…
42 ⲁϥⲙⲟϩⲕ ϩⲙⲡⲉⲟⲟⲩ ⲙⲡⲉϥⲉⲓⲛⲉ · ⲙⲛⲧⲉϥϩⲓⲕⲱⲛ ·
…
43 ⲙⲏ ⲛⲧⲟⲕ ⲁⲛ ⲡⲉⲛⲧⲁⲡⲛⲟⲩⲧⲉ ⲟⲩⲉϩⲥⲁϩⲛⲉ ⲛⲛⲧⲁⲅⲙⲁ ⲧⲏⲣⲟⲩ ⲛⲙⲡⲏⲩⲉ · ϫⲉⲁⲙⲏⲓⲧⲛ ⲛⲉⲧⲛⲟⲩⲱϣⲧ ⲙⲡϩⲱⲃ ⲛⲛⲁϭⲓϫ · ⲡⲁⲉⲓⲛⲉ ⲙⲛⲧⲁϩⲓⲕⲱⲛ ·
…
44 ⲁϥⲟⲩⲱϣⲃ ⲛϭⲓⲁⲇⲁⲙ ϫⲉⲁϩⲉ · ⲁⲛⲟⲕ ⲡⲉ ⲡⲁϣⲏⲣⲉ ·
…
45 ⲡⲉⲛⲧⲁⲛⲁⲓ ⲧⲏⲣⲟⲩ ϣⲱⲡⲉ ⲙⲙⲟϥ ⲧⲛⲁⲟⲩⲱϣⲃ ⲛⲁϥ ⲟⲛ ϫⲉⲡⲁϫⲟⲉⲓⲥ ⲛⲉⲓⲱⲧ ⲙⲏ ⲙⲡⲉⲛⲁⲓ ⲧⲏⲣⲟⲩ ϣⲱⲡⲉ · ⲛⲧⲉⲛⲁⲅⲅⲉⲗⲟⲥ ⲧⲏⲣⲟⲩ ⲡⲣⲟⲥⲕⲩⲛⲉⲓ ⲛⲁⲕ · ϣⲁⲧ
…
46 ⲙⲡⲉⲟⲩⲁ ⲛⲟⲩⲱⲧ ⲙⲛⲧⲉϥⲧⲁⲝⲓⲥ ·
…
47 ⲁϥⲟⲩⲱϣⲃ ϫⲉⲉϩⲉ ⲁⲡⲁϫⲟⲉⲓⲥ ⲧⲣⲉⲛⲕⲁ ⲛⲓⲙ ϩⲩⲡⲟⲧⲁⲥⲉ ⲛⲁⲓ ϩⲁⲧϩⲏ ⲉⲧⲣⲉⲩⲕⲁⲁⲧ ϩⲙⲡⲡⲁⲣⲁⲇⲓⲥⲟⲥ ⁖ⲻ
…
48 ϯⲛⲁⲧⲟⲗⲙⲁ ⲛⲧⲁϫⲟⲟⲥ ·
…
49 ⲛⲁϥ ϫⲉⲁϩⲣⲟⲕ ⲙⲛⲡⲉⲓϣⲁⲙⲡϩⲟⲟⲩ ⲉⲙⲛⲁⲅⲅⲉⲗⲟⲥ ϫⲟⲥⲉ ⲉⲣⲟⲕ ⲛⲧⲟⲕ ⲡⲉ ⲡⲉⲓⲛⲉ ⲁⲩⲱ ⲧϩⲓⲕⲱⲛ ⲙⲡⲛⲟⲩⲧⲉ ·
…
50 ⲁⲗⲗⲁ ⲡⲉϫⲁϥ ⲛϭⲓⲁⲇⲁⲙ ϫⲉⲥⲱⲧⲙ ⲉⲣⲟⲓ ⲡⲁϣⲏⲣⲉ ·
…
51 ⲁⲛⲟⲕ ⲡⲉⲧⲛⲁⲧⲁⲙⲟⲕ ⲉⲡⲧⲁⲉⲓⲟ ⲙⲡⲉⲓϣⲁⲙⲡⲟⲟⲩ ⲉⲡⲉⲓⲇⲏ ϯⲛⲟⲉⲓ ⲛϩⲟⲩⲟ ⲉⲣⲟⲕ ·
…
52 ⲁⲩⲱ ϯ ⲙⲙⲁⲩ ⲉⲣⲉⲛⲁⲓ ⲧⲏⲣⲟⲩ ⲛⲁϣⲱⲡⲉ · ⲙⲡⲉⲟⲩⲟⲉⲓϣ ⲛⲧⲁⲡⲁϫⲟⲉⲓⲥ ·
…
53 ⲁⲩⲱ ⲡⲁⲛⲟⲩⲧⲉ ·
…
54 ⲁⲩⲱ ⲡⲁⲇⲩⲙⲓⲟⲩⲣⲅⲟⲥ ⲧⲁⲙⲓⲟⲓ ⲕⲁⲧⲁⲡⲉϥⲉⲓⲛⲉ ⲙⲛⲧⲉϥϩⲓⲕⲱⲛ ·
…
55 ⲁϥⲕⲟⲥⲙⲉⲓ ⲙⲙⲟⲓ ⲕⲁⲗⲱⲥ ·
…
56 ⲁϥⲛⲓϥⲉ ⲉϩⲟⲩⲛ ⲛϩⲣⲁⲓ ⲛⲟⲩⲡⲛⲟⲏ · ⲛⲱⲛϩ ·
…
57 ⲁϥⲑⲙⲥⲟⲓ ϩⲓϫⲛⲟⲩⲑⲣⲟⲛⲟⲥ ⲛⲉⲟⲟⲩ ⲙⲡⲉϥⲙⲧⲟ ⲉⲃⲟⲗ ·
…
58 ⲁϥⲟⲩⲉϩⲥⲁϩⲛⲉⲛⲉⲛⲧⲁⲝⲓⲥ ⲧⲏⲣⲟⲩ ⲛⲙⲡⲏⲩⲉ ϩⲛⲧⲉϥⲉⲝⲟⲩⲥⲓⲁ ⲙⲙⲉ ⲉϥϫⲱ ⲙⲙⲟⲥ ϫⲉⲁⲙⲏⲓⲧⲛ ⲛⲧⲉⲧⲛⲟⲩⲱϣⲧ ⲙⲡϩⲱⲃ ⲛⲛⲁϭⲓϫ ⲡⲁⲉⲓⲛⲉ ⲙⲛⲧⲁϩⲓⲕⲱⲛ ⲛⲉϥⲙⲙⲁⲩ ϩⲱⲱϥ ⲛϭⲓⲙⲁⲥⲧⲏⲙⲁ ⲉϥⲟ ⲙⲡⲣⲟⲧⲱⲡⲗⲁⲥⲙⲁ ·
…
59 ⲡⲁⲓ ⲧⲉⲛⲟⲩ ⲉⲧⲟⲩⲙⲟⲩⲧⲉ ⲉⲣⲟϥ ϫⲉⲡⲇⲓⲁⲃⲟⲗⲟⲥ · ⲉϥⲟ ϩⲱⲱϥ ⲛⲁⲣⲭⲁⲅⲅⲉⲗⲟⲥ ⁖ⲻ
…
60 ⲗⲟⲓⲡⲟⲛ ⲛⲧⲉⲣⲉⲡⲟⲩⲉϩⲥⲁϩⲛⲉ ⲉⲓ ⲉⲃⲟⲗ ϩⲛⲣⲱϥ ⲙⲡⲉⲓⲱⲧ ·
…
61 ⲁϥⲉⲓ ⲛϭⲓⲙⲓⲭⲁⲏⲗ ⲡⲟⲩⲁ ⲉⲃⲟⲗ ϩⲙⲡⲥⲁϣϥⲉ ⲉⲛⲁⲅⲅⲉⲗⲟⲥ ·
…
62 ⲙⲛⲧⲉϥⲧⲁⲝⲓⲥ ⲧⲏⲣⲥ ⲁⲩⲟⲩⲱϣⲧ ⲙⲡⲛⲟⲩⲧⲉ ⲡⲉⲛⲣⲣⲟ ·
…
63 ⲙⲛⲛⲥⲱⲥ ⲁⲩⲟⲩⲱϣⲧ ⲛⲁⲓ ϩⲱⲧ · ⲉⲩϫⲱ ⲙⲙⲟⲥ ϫⲉⲧⲛⲟⲩⲱϣⲧ ⲛⲁⲕ ⲡⲛⲟⲩⲧⲉ ⲡⲇⲓⲙⲓⲟⲩⲣⲅⲟⲥ ·
…
64 ⲁⲩⲱ ⲧⲛⲟⲩⲱϣⲧ ⲙⲡⲉⲛⲧⲁⲕⲧⲁⲙⲓⲟϥ ⲕⲁⲧⲁⲡⲉⲕⲉⲓⲛⲉ ⲙⲛⲧⲉⲕϩⲓⲕⲱⲛ ⁖ⲻ
…
65 ⲙⲛⲛⲥⲱⲥ ⲁϥⲉⲓ ⲛϭⲓⲅⲁⲃⲣⲓⲏⲗ ⲙⲛⲧⲉϥⲧⲁⲝⲓⲥ ⲧⲏⲣⲥ ⲁⲩⲟⲩⲱϣⲧ ⲛⲁⲓ ϩⲱ ⲛⲧϩⲉ ⲙⲙⲓⲭⲁⲏⲗ ·
…
66 ϩⲟⲙⲁⲓⲱⲥ ⲛⲧⲁⲅⲙⲁ ⲧⲏⲣⲟⲩ ⲛⲙⲡⲏⲩⲉ ⲕⲁⲧⲁⲧⲁⲝⲓⲥ ⲙⲛⲛⲉⲩⲟⲣⲇⲓⲛⲟⲛ ·
…
67 ⲉⲡϩⲁⲏ ⲛⲛⲁⲓ ⲧⲏⲣⲟⲩ ⲡⲉϫⲁϥ ⲛϭⲓⲡⲇⲉⲥⲡⲟⲧⲏⲥ ⲙⲙⲁⲥⲧⲏⲙⲁ ⲉⲧⲉⲡⲁⲓ ⲡⲉ ⲡⲙⲉⲥⲧⲉ · ϫⲉⲁⲙⲟⲩ ϩⲱⲱⲕ ⲛⲅⲟⲩⲱϣⲧ ⲙⲡϩⲱⲃ ⲛⲛⲁϭⲓϫ · ⲡⲁⲉⲓⲛⲉ ⲙⲛⲧⲁϩⲓⲕⲱⲛ · ⲛⲧϩⲉ ⲛⲛⲉⲕϣⲃⲏⲣ ⲧⲏⲣⲟⲩ ·
…
68 ⲁϥⲟⲩⲱϣⲃ ϩⲛⲟⲩⲛϩⲟⲧ · ⲛϭⲓⲥⲁⲧⲁⲛⲁⲏⲗ ⲡⲉϫⲁϥ ⲙⲡϫⲟⲉⲓⲥ · ϫⲉⲉϣϫⲉ ⲙⲛⲗⲁⲁⲩ ⲛⲧⲁⲝⲓⲥ ϩⲁⲣⲁⲧⲕ · ⲉϥϫⲟⲥⲉ ⲉⲣⲟⲓ ⲛⲥⲁⲃⲗⲗⲁⲓ ⲙⲙⲁⲧⲉ
…
69 ⲁⲩⲱ ⲙⲛⲛⲥⲱⲕ ⲁⲛⲟⲕ ⲡⲉ ϩⲙⲡⲉⲟⲟⲩ · ϫⲉⲁⲛⲅⲟⲩⲡⲣⲟⲧⲟⲡⲗⲁⲥⲙⲁ · ⲉⲓⲛⲁⲉⲓ ⲧⲉⲛⲟⲩ ⲛⲧⲁⲟⲩⲱϣⲧ ⲛⲟⲩⲕⲁϩ ·
…
70 ⲛⲛⲉⲥϣⲱⲡⲉ ⲙⲙⲟⲓ ⲉⲧⲣⲁⲟⲩⲱϣⲧ ⲙⲡⲁⲓ · ⲁⲗⲗⲁ ⲛⲧⲟϥ ⲡⲉⲧ ⲛⲁⲟⲩⲱϣⲧ ⲛⲁⲓ · ϫⲉϯⲟ ⲛϣⲟⲣⲡ ⲉⲣⲟϥ ·
…
71 ⲡⲉϫⲁϥ ⲛϭⲓⲡⲛⲁⲏⲧ ϫⲉⲥⲁⲧⲁⲛⲁⲏⲗ ⲥⲱⲧⲙ ⲛⲥⲱⲓ · ⲁⲛⲟⲕ ⲡⲉ ⲡⲉⲕⲛⲟⲩⲧⲉ · ⲁⲛⲟⲕ ⲡⲉ ⲡⲉⲕⲇⲩⲙⲓⲟⲩⲣⲅⲟⲥ · ⲁⲙⲟⲩ ⲧⲉⲛⲟⲩ ⲛⲅⲟⲩⲱϣⲧ ⲙⲡϩⲱⲃ ⲛⲛⲁϭⲓϫ ⁖ⲻ
…
72 ⲡⲉϫⲁϥ ⲛϭⲓⲙⲁⲥⲧⲏⲙⲁ ϫⲉⲛⲛⲉⲥϣⲱⲡⲉ ⲙⲙⲟⲓ ·
…
73 ⲟⲩⲇⲉ ⲁⲛⲟⲕ ·
…
74 ⲟⲩⲇⲉ ⲧⲁⲗⲉⲅⲉⲱⲛ ⲧⲏⲣⲥ ⲉⲧⲣⲉⲛⲟⲩⲱϣⲧ ⲙⲡⲉⲧⲥⲟⲃⲕ ⲉⲣⲟⲛ ·
…
75 ⲕⲁⲓ ⲅⲁⲣ ⲁⲛⲟⲛ ϩⲉⲛⲡⲛⲉⲩⲙⲁ ⲡⲁⲓ ⲇⲉ ⲟⲩⲕⲁϩ ⲡⲉ ⲛϯⲛⲁⲟⲩⲱϣⲧ ⲛⲁϥ ⲁⲛ ·
…
76 ⲡⲉϫⲁϥ ⲟⲛ ⲛⲁϥ ⲙⲡⲙⲉϩⲥⲡⲥⲛⲁⲩ ⲙⲛⲡⲙⲉϩϣⲟⲙⲛⲧ ⲛⲥⲟⲡ ϫⲉⲡⲁⲡⲣⲟⲧⲟⲡⲗⲁⲥⲙⲁ ⲙⲏ ⲛⲁⲛⲟⲕ ⲁⲛ ⲡⲉⲛⲧⲁⲓⲕⲁⲑⲓⲥⲧⲁ ⲙⲙⲟⲕ ⲛⲁⲣⲭⲏⲥⲧⲣⲁⲧⲏⲕⲟⲥ ϩⲁⲣⲁⲧ ⲁⲓⲧⲣⲉⲛⲁⲁⲅⲅⲉⲗⲟⲥ ϩⲩⲡⲟⲧⲁⲥⲉ ϩⲁⲣⲁⲧⲕ ·
…
77 ⲧⲉⲛⲟⲩ ϭⲉ ⲉⲕⲛⲁⲥⲧⲁⲥⲓⲁⲍⲉ ⲛⲧⲁⲙⲛⲧⲣⲣⲟ ·
…
78 ⲧⲉⲛⲟⲩ ⲉⲕⲛⲁⲟⲩⲱⲛϩ ⲉⲃⲟⲗ ⲛⲟⲩⲙⲛⲧⲁⲧⲥⲱⲧⲙ · ⲉⲧⲣⲉⲥϣⲱⲡⲉ ⲉⲥⲙⲏⲛ ⲉⲃⲟⲗ ϣⲁⲉⲛⲉϩ ·
…
79 ⲧⲉⲛⲟⲩ ⲉⲕⲛⲁⲧⲥⲁⲃⲉ ⲛϩⲙϩⲁⲗ ⲉⲧⲱⲟⲩⲛ ⲉϫⲛⲛⲉⲩϫⲓⲥⲟⲟⲩⲉ ·
…
80 ⲧⲉⲛⲟⲩ ⲉⲕⲛⲁⲥⲩⲙⲁⲛⲉ ⲛⲟⲩⲙⲛⲧⲁⲧⲥⲱⲧⲙ ⲱ ⲙⲁⲥⲧⲏⲙⲁ · ⲙⲏ ⲛⲧⲟⲕ ⲡⲁϩⲙϩⲁⲗ ⲁⲛ · ⲙⲏ ⲁⲛⲟⲕ ⲁⲛ ⲡⲉ ⲡⲉⲕϫⲟⲉⲓⲥ ·
…
81 ⲙⲏ ⲙⲛⲧⲁⲓⲉⲝⲟⲩⲥⲓⲁ ⲙⲙⲁⲩ ⲉⲛⲟϫⲕ ⲉⲃⲟⲗ ϩⲁⲡⲁϩⲟ ⲁⲩⲱ ⲉϥⲓ ⲛⲧⲟⲟⲧⲕ ⲙⲡⲁⲛⲟϭ ⲉⲛⲉⲟⲟⲩ ·
…
82 ⲡⲁⲓ ⲧⲉⲛⲟⲩ ⲉⲧⲉⲙⲛⲟⲩⲟⲛ ϩⲛⲧⲁⲙⲛⲧⲣⲣⲟ ⲧⲏⲣⲥ ϣⲏϣ ⲛⲙⲙⲁϥ ·
…
83 ⲉⲓⲙⲏⲧⲓ ⲁⲛⲟⲕ ⲙⲛⲡⲁⲉⲓⲱⲧ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲥⲱⲧⲙ ⲛⲥⲱⲓ ⲛⲅⲟⲩⲱϣⲧ ⲙⲡⲁⲡⲗⲁⲥⲙⲁ ·
…
84 ⲡⲉϫⲁϥ ⲛϭⲓⲡϣⲟⲩϣⲟ ⲛⲣⲉϥⲫⲑⲟⲛⲉⲓ ⲛⲛⲁϩⲣⲛⲡⲉⲧⲉⲣⲉⲡⲧⲏⲣϥ ϩⲩⲡⲟⲧⲁⲥⲉ ⲛⲁϥ ϫⲉⲛⲛⲉⲥϣⲱⲡⲉ ⲙⲙⲟⲓ ⲉⲛⲉϩ ⲉⲧⲣⲁⲟⲩⲱϣⲧ ⲛϫⲟⲉⲓⲥ ⲥⲛⲁⲩ · ⲁⲛⲟⲕ ⲙⲛⲧⲁⲧⲁⲝⲓⲥ ⲧⲏⲣⲥ ·
…
85 ⲕⲁⲓ ⲙⲁⲗⲓⲥⲧⲁ ⲙⲛⲡⲉⲡⲉⲧⲟ ⲛⲛⲟϭ ⲉⲣⲟⲓ ⲉⲓⲙⲏⲧⲓ ⲛⲧⲟⲕ ϩⲛⲧⲙⲛⲧⲣⲣⲟ ⲧⲏⲣⲥ ⲛⲧⲡⲉ
…
86 ⲁⲩⲱ ⲉⲓϣⲁⲛⲣϩⲛⲁⲓ ϯⲛⲁⲣⲱϣⲉ ϩⲱ · ⲙⲛⲧⲁⲧⲁⲝⲓⲥ ⲉⲧⲁⲙⲛⲧⲣⲣⲟ ⲧⲏⲣⲥ ⲙⲁⲩⲁⲁⲧ ⁖ⲻ
…
87 ⲛⲛⲉⲥϣⲱⲡⲉ ⲙⲙⲟⲓ ⲉⲟⲩⲱϣⲧ ⲙⲡⲉⲧⲥⲟⲃⲕ ⲉⲣⲟⲓ ·
…
88 ⲁⲩⲱ ⲛⲧⲉⲩⲛⲟⲩ ⲁϥϭⲱⲛⲧ ⲛϭⲓⲡⲛⲟⲩⲧⲉ ⲡⲁⲧ‐ϭⲱⲛⲧ ·
…
89 ⲁϥⲟⲩⲉϩⲥⲁϩⲛⲉ ⲛⲟⲩⲛⲟϭ ⲛⲭⲉⲣⲟⲩⲃⲓⲛ ⲁϥⲣⲁϩⲧϥ ⲁϥⲁⲁϥ ⲛϭⲱⲃ ·
…
90 ⲁϥⲕⲉⲗⲉⲉⲩⲉ ⲙⲙⲓⲭⲁⲏⲗ ⲁϥⲟⲩⲟϣϥ ⲙⲡϩⲱⲕ ⲙⲛⲧⲉϭⲣⲏⲡⲉ ·
…
91 ⲙⲛⲡⲉϩⲣⲁⲃⲇⲟⲥ ⲛⲟⲩⲟⲉⲓⲛ ⲙⲛⲡⲙⲟϫϩϥ ⲛⲥⲁⲡⲡⲓⲣⲟⲛ ·
…
92 ⲁϥϥⲓ ϩⲓϫⲱϥ ⲙⲡⲉⲟⲟⲩ ⲧⲏⲣϥ ⲁϥϯ ⲛⲁϥ ⲛⲟⲩϩⲃⲣⲛⲕⲁⲕⲉ ⲙⲛⲛⲉⲧⲛⲙⲙⲁϥ ⲧⲏⲣⲟⲩ ⲁϥⲛⲟϫϥ ⲉⲃⲟⲗ ⲛⲧⲉϥⲙⲛⲧⲣⲣⲟ ·
…
93 ⲁⲩⲱ ⲁⲙⲓⲭⲁⲏⲗ ⲉⲓⲣⲉ ⲛϩⲱⲃ ⲛⲓⲙ ⲛⲧⲁⲩⲉϩⲥⲁϩⲛⲉ ⲙⲙⲟⲟⲩ ⲛⲁϥ ·
…
94 ⲁϥⲁⲙⲁϩⲧⲉ ⲙⲡⲥⲁⲧⲁⲛⲁⲥ ⲁϥⲃⲟϣϥ ⲛⲧⲉϥϭⲟⲙ ⲁϥⲛⲟϫϥ ⲉⲃⲟⲗ ϩⲛⲧⲡⲉ ⲙⲛⲛⲉⲧ ⲛⲙⲙⲁϥ ⲧⲏⲣⲟⲩ ⲁϥⲛⲟϫϥ ⲉⲃⲟⲗ ⲛⲧⲉϥⲙⲛⲧⲣⲣⲟ ·
…
95 ⲁⲡⲛⲟⲩⲧⲉ ⲡⲁⲅⲁⲑⲟⲥ ⲙⲟⲩⲧⲉ ⲉⲙⲓⲭⲁⲏⲗ ϩⲙⲡⲧⲣⲉϥⲛⲁⲩ ⲉⲡⲉϥⲟⲩⲣⲟⲧ ⲉϩⲟⲩⲛ ⲉⲡⲉϥⲡⲗⲁⲥⲙⲁ ·
…
96 ⲁⲩⲱ ⲧⲉϥⲙⲛⲧⲣⲉϥⲙⲓϣⲉ ⲉϫⲙⲡⲉϥϫⲟⲉⲓⲥ ·
…
97 ⲡⲉϫⲁϥ ⲛⲁϥ ϩⲛⲧⲙⲏⲏⲧⲉ ⲛⲛⲉϥⲧⲁⲝⲓⲥ ⲧⲏⲣⲟⲩ ⲛⲙⲡⲏⲩⲉ ϫⲉⲙⲓⲭⲁⲏⲗ ⲉⲧⲉⲡⲉϥⲟⲩⲱϩⲙ ⲡⲉ ⲧϭⲟⲙ ⲏⲗ ϩⲱⲱϥ ⲡⲉ ⲡⲛⲟⲩⲧⲉ ⲁⲙⲟⲩ ⲡⲉϫⲁϥ ⲡⲁⲉⲡⲓⲧⲣⲟⲡⲟⲥ ⲉⲧⲟⲩⲁⲁⲃ ⲙⲓⲭⲁⲏⲗ ·
…
98 ⲁⲙⲟⲩ ⲡⲉⲛⲧⲁϥⲙⲓϣⲉ ⲁϥϫⲣⲟⲓ ⁖ⲻ ⲁⲙⲟⲩ ϣⲁⲣⲟⲓ ⲱ ⲙⲓⲭⲁⲏⲗ ⲡⲣⲉϥⲇⲓⲁⲕⲟⲛⲉⲓ ⲉⲡⲟⲩⲉϩⲥⲁϩⲛⲉ ⲙⲡⲉϥⲣⲣⲟ ·
…
99 ⲉⲓⲥϩⲏⲏⲧⲉ ⲁⲓⲉⲓⲙⲉ ⲉⲡⲉⲕⲟⲩⲱϣ ⲉϩⲟⲩⲛ ⲉⲣⲟⲓ ⲙⲛⲡⲁⲡⲗⲁⲥⲙⲁ ⲧⲏⲣϥ ·
…
100 ⲁⲛⲟⲕ ϩⲱⲧ ϯⲛⲁⲥⲟⲟⲩⲧⲛ ⲙⲡⲁⲟⲩⲱϣ ⲉϩⲟⲩⲛ ⲉⲣⲟⲕ ·
…
101 ⲁⲩⲟⲩⲱⲛ ⲛⲧⲉⲕⲧⲁⲡⲣⲟ ⲱ ⲙⲓⲭⲁⲏⲗ ϫⲓ ⲛⲁⲕ ⲛⲛⲁⲙⲛⲧϣ ⲛϩⲧⲏϥ ⲧⲏⲣⲟⲩ ⲉϩⲣⲁⲓ ⲉϩⲏⲧⲕ ·
…
102 ϫⲉⲕⲁⲥ ⲉⲕⲛⲁϭⲱ ⲉⲕⲥⲟⲡⲥⲡ ⲙⲙⲟⲓ ⲛⲛⲁⲩ ⲛⲓⲙ ⲉϫⲙⲡⲁⲉⲓⲛⲉ ⲙⲛⲧⲁϩⲓⲕⲱⲛ ·
…
103 ⲁⲛⲟⲕ ϩⲱ ⲛⲧⲁⲕⲱ ⲛⲁⲩ ⲉⲃⲟⲗ ·
…
104 ϯⲥⲟⲟⲩⲛ ⲅⲁⲣ ϫⲉⲙⲁⲥⲧⲏⲙⲁ ⲛⲁϯ ⲧⲱⲛ ⲙⲛⲡⲁⲡⲗⲁⲥⲙⲁ ⲉϥⲟⲩⲱϣ ⲉⲉⲧⲣⲁⲛⲟϫⲟⲩ ⲛⲥⲁⲃⲟⲗ ⲙⲙⲟⲓ ⲛⲧϩⲉ ⲛⲧⲁⲓⲛⲟϫϥ ⲉⲃⲟⲗ ϩⲛⲧⲁⲙⲛⲧⲣⲣⲟ ·
…
105 ⲁⲗⲗⲁ ⲉⲓⲥϩⲏⲏⲧⲉ ⲁⲓⲧⲛϩⲟⲩⲧⲕ ⲉⲡⲡⲗⲁⲥⲙⲁ ϫⲉⲕⲁⲥ ⲉⲕⲉⲧⲟⲩϫⲟⲟⲩ ⲉⲛⲉϥⲡⲁϣ ·
…
106 ⲁⲩⲱ ⲛⲅⲡⲁⲣⲁⲕⲁⲗⲉⲓ ⲙⲙⲟⲓ ϩⲁⲣⲟⲟⲩ ·
…
107 ⲉⲩϣⲁⲛϣⲱϥⲧ ⲛⲧⲁⲕⲱ ⲛⲁⲩ ⲉⲃⲟⲗ ϫⲉⲁⲛⲅⲟⲩⲛⲟⲩⲧⲉ ⲛϣⲛϩⲧⲏϥ ·
…
108 ⲉⲓⲥϩⲏⲏⲧⲉ ⲱ ⲙⲓⲭⲁⲏⲗ ϯⲧⲁϩⲟ ⲙⲙⲟⲕ ⲉⲣⲁⲧⲕ ⲙⲡϩⲟⲟⲩ ⲉϫⲛⲛⲧⲁⲅⲙⲁ ⲧⲏⲣⲟⲩ ⲛⲧⲁⲙⲛⲧⲣⲣⲟ ·
…
109 ⲁⲩⲱ ⲛⲥⲁⲃⲗⲗⲁⲓ ⲙⲛⲡⲁⲉⲓⲱⲧ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲙⲛⲡⲉⲧⲟ ⲛⲛⲟϭ ⲉⲣⲟⲕ ϩⲛⲛⲧⲁⲝⲓⲥ ⲧⲏⲣⲟⲩ ⲛⲙⲡⲏⲩⲉ ·
…
110 ⲱ ⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ⲁⲙⲟⲩ ⲛⲅⲁϩⲉⲣⲁⲧⲕ ⲛⲥⲁⲟⲩⲛⲁⲙ ⲙⲙⲟⲓ ⲛⲅϣⲱⲡⲉ ⲉⲕⲧⲏⲕ ⲉⲡⲁⲑⲣⲟⲛⲟⲥ ⲛⲟⲩⲟⲉⲓϣ ⲛⲓⲙ ⲉⲕⲟⲩⲉϩⲥⲁϩⲛⲉ ⲛⲛϭⲟⲙ ⲧⲏⲣⲟⲩ ⲛⲙⲡⲏⲩⲏ · ⲉⲩⲥⲱⲧⲙ ⲛⲥⲱⲕ ϩⲛϩⲱⲃ ⲛⲓⲙ ·
…
111 ⲱ ⲙⲓⲭⲁⲏⲗ ⲛⲧⲟⲕ ⲡⲉⲧⲛⲁⲧⲥⲁⲃⲉ ⲛⲧⲁⲝⲓⲥ ⲧⲏⲣⲟⲩ ⲉϣⲙϣⲉ ⲛⲁⲓ ϩⲛⲟⲩⲥⲟⲟⲩⲧⲛ ⲙⲓⲭⲁⲏⲗ ⲛⲧⲟⲕ ⲡⲉ ⲡϣⲟⲩϣⲟⲩ ·
…
112 ⲁⲩⲱ ⲡⲥⲟⲟⲩⲛ ⲛⲧⲁⲙⲛⲧⲣⲣⲟ ·
…
113 ⲥⲟⲟⲩⲧⲛ ⲉⲃⲟⲗ ⲛⲧⲉⲕⲁⲡⲏ ⲧⲁⲓ ⲛⲧⲁⲕⲕⲁⲁⲥ ⲉⲡⲉⲥⲏⲧ
…
114 ⲁⲕⲟⲩⲱϣⲧ ⲙⲡⲁⲡⲗⲁⲥⲙⲁ ⲛϩⲏⲧⲥ ⲛⲧⲁϯ ⲉϫⲱⲥ ⲙⲡⲉⲓⲛⲟϭ ⲛⲉⲟⲟⲩ ⲛⲧⲁⲓϥⲓⲧϥ ⲛⲧⲟⲟⲧϥ ⲙⲡϫⲁⲥⲓϩⲏⲧ ·
…
115 ⲥⲟⲟⲩⲧⲛ ⲉⲃⲟⲗ ⲛⲧⲉⲕϭⲓϫ ⲛⲅϫⲓ ⲛⲁⲕ ⲙⲡⲉϩⲣⲁⲃⲇⲟⲥ ⲛⲟⲩⲟⲉⲓⲛ ·
…
116 ⲛⲅϣⲱⲡⲉ ⲛⲁⲣⲭⲏⲥⲧⲣⲁⲧⲏⲕⲟⲥ ⲉⲡⲙⲁ ⲙⲡⲁⲣⲭⲏⲥⲧⲣⲁⲧⲏⲕⲟⲥ ⲙⲡϣⲓⲡⲉ ⲱ ⲙⲓⲭⲁⲏⲗ ⲥⲟⲟⲩⲧⲛ ⲉⲃⲟⲗ ⲛⲧⲉⲕϭⲓϫ ⲛⲅϫⲓ ⲛⲁⲕ ⲙⲡⲉϩⲣⲁⲃⲇⲟⲥ ⲛⲅϣⲱⲡⲉ ⲛⲁⲣⲭⲏⲥⲧⲣⲁⲧⲏⲕⲟⲥ ⲉⲡⲙⲁ ⲙⲡⲕⲁⲧⲏⲅⲟⲣⲟⲥ · ⲙⲡϣⲓⲡⲉ · ⲱ ⲙⲓⲭⲁⲏⲗ ⲥⲟⲟⲩⲧⲛ ⲉⲃⲟⲗ ⲛⲧⲉⲕϭⲓϫ ⲛϩⲃⲟⲩⲣ ·
…
117 ⲛⲅϫⲓ ⲛⲁⲕ ⲙⲡⲉⲓⲛⲟϭ ⲛϩⲟⲡⲗⲟⲛ · ⲛⲅⲥⲃⲧⲱⲧⲕ ⲉⲙⲓϣⲉ ⲙⲛⲛϫⲁϫⲉ ⲙⲡⲉⲕⲣⲣⲟ ·
…
118 ⲱ ⲙⲓⲭⲁⲏⲗ ϫⲓ ⲛⲁⲕ ⲙⲡⲙⲟϫϩϥ ⲛⲥⲁⲡⲡⲓⲣⲟⲛ ⲛⲅⲙⲟⲣϥ · ⲉϫⲛⲧⲉⲕϯⲡⲉ ·
…
119 ϫⲉⲕⲁⲥ ⲉⲣⲉⲛⲉⲧⲛⲁϯⲟⲩⲃⲉ ⲉⲡⲉⲕϫⲟⲉⲓⲥ ⲛⲁⲛⲁⲩ ⲉⲣⲟⲕ ⲛⲥⲉϭⲱⲧⲡ ϩⲛⲟⲩϭⲉⲡⲏ ⁖ⲻ
…
120 ⲁⲩⲟⲩⲱⲛ ⲛⲧⲉⲕⲧⲁⲡⲣⲟ ⲱ ⲡⲁⲗⲉⲓⲧⲟⲩⲣⲅⲟⲥ ·
…
121 ϫⲓ ⲛⲁⲕ ⲛⲟⲩϭⲟⲙ ·
…
122 ϫⲉⲕⲁⲥ ⲉⲣⲉⲡⲉⲕϣⲁϫⲉ ⲛⲁⲣⲧϩⲉ ⲙⲡⲉϩⲣⲟⲟⲩ ⲛⲟⲩⲙⲏⲏϣⲉ · ⲉϥϣⲁϫⲉ ·
…
123 ⲁⲙⲟⲩ ⲫⲱⲣⲉⲓ ⲙⲡⲁⲉⲟⲟⲩ ⲱ ⲙⲓⲭⲁⲏⲗ ·
…
124 ϫⲉⲕⲁⲥ ⲉⲕⲛⲁⲧⲥⲁⲃⲉ ⲟⲩⲟⲛ ⲛⲓⲙ ⲉϯⲉⲟⲟⲩ ⲛⲁⲓ ·
…
125 ⲉⲓⲥϩⲏⲏⲧⲉ ⲁⲓⲉⲓⲙⲉ ⲉⲡⲉⲕⲟⲩⲱϣⲉ ⲧⲏⲣϥ ⲉϩⲟⲩⲛ ⲉⲡⲁⲡⲗⲁⲥⲙⲁ ·
…
126 ⲁⲙⲟⲩ ⲧⲉⲛⲟⲩ ⲛⲅⲇⲓⲁⲕⲟⲛⲉⲓ ⲛⲁⲓ ⲉⲡⲃⲓⲟⲥ ⲧⲏⲣϥ ⲛⲧⲁϩⲓⲕⲱⲛ ·
…
127 ⲉⲓⲥⲁⲇⲁⲙ ⲧⲉⲛⲟⲩ ⲉⲕⲛⲁⲩ ⲉⲣⲟϥ ⲙⲙⲁⲩ ⲙⲁⲩⲁⲁϥ · ⲉⲙⲛⲕⲉⲟⲩⲁ ⲕⲁⲧⲁⲣⲟϥ ·
…
128 ⲁⲗⲗⲁ ⲉⲓⲥ ⲟⲩⲙⲁⲉⲓⲛ ⲁⲓⲕⲁⲁϥ ϩⲙⲡⲉϥⲥⲡⲓⲣ · ⲉϥⲛⲁϣⲱⲡⲉ ⲙⲙⲟϥ ·
…
129 ⲉⲡⲉⲓⲇⲏ ⲁⲓⲟⲩⲱ ⲉⲓϫⲱ ⲙⲙⲟⲥ ⲱ ⲙⲓⲭⲁⲏⲗ ϫⲉⲛⲁⲛⲟⲩⲡⲣⲱⲙⲉ ⲁⲛ ⲉⲧⲣⲉϥϭⲱ ⲙⲁⲩⲁⲁϥ ·
…
130 ⲁⲗⲗⲁ ⲙⲁⲣⲛⲧⲁⲙⲓⲟ ⲛⲁϥ ⲛⲟⲩⲃⲟⲏⲑⲟⲥ ⲕⲁⲧⲁⲣⲟϥ · ⲱ ⲙⲓⲭⲁⲏⲗ ⲧⲃⲟⲏⲑⲟⲥ ⲛⲁⲇⲁⲙ · ⲱ ⲛⲟⲩⲁ ⲛⲟⲩⲱⲧ ⲛⲙⲙⲁϥ ·
…
131 ϫⲓⲛⲙⲡⲛⲁⲩ ⲛⲧⲁⲓⲡⲗⲁⲥⲥⲉ ⲙⲙⲟϥ ·
…
132 ⲁⲗⲗⲁ ⲙⲡⲁⲧⲉⲉⲓⲛⲉ ⲙⲙⲟⲥ ϣⲁⲣⲟϥ · ⲱ ⲙⲓⲭⲁⲏⲗ · ⲉⲛⲉⲛⲧⲁⲓⲧⲁⲙⲓⲟ ⲛⲁⲇⲁⲙ ⲉⲧⲣⲉϥϭⲱ ⲙⲁⲩⲁⲁϥ ·
…
133 ⲟⲩⲧⲉ ⲧⲉⲭⲣⲉⲓⲁ ⲉⲧⲣⲁⲧⲱⲱϭⲉ ⲛⲟⲩⲡⲁⲣⲁⲇⲓⲥⲟⲥ · ⲱ ⲙⲓⲭⲁⲏⲗ ·
…
134 ⲡⲁⲣⲭⲁⲅⲅⲉⲗⲟⲥ ⲡⲉⲓⲕⲟⲥⲙⲟⲥ ⲧⲏⲣϥ ⲉⲧⲥⲁ ⲡⲉⲥⲏⲧ ⲙⲡⲁⲑⲣⲟⲛⲟⲥ ·
…
135 ϯⲛⲁⲧⲣⲉϥϭⲱⲣϭ ⲉⲃⲟⲗ ϩⲙⲡⲉⲓⲛⲉ ⲛⲁⲇⲁⲙ · ⲉⲧⲉⲧⲁⲓ ⲧⲉ ⲧⲁϩⲓⲕⲱⲛ · ⲧⲉⲛⲟⲩ ⲇⲉ ⲱ ⲙⲓⲭⲁⲏⲗ · ⲉⲓⲥϩⲏⲏⲧⲉ ⲁⲓⲧⲟϣⲕ ⲛⲟⲓⲕⲟⲛⲟⲙⲟⲥ ⲉⲧⲁⲙⲛⲧⲣⲣⲟ · ⲉⲧⲣⲉⲕϣⲱⲡⲉ ⲉⲕⲇⲓⲁⲕⲟⲛⲉⲓ · ϩⲛⲟⲩⲙⲛⲧϣⲛϩⲧⲏϥ ·
…
136 ⲉϩⲟⲩⲛ ⲉⲡⲁⲡⲗⲁⲥⲙⲁ ·
…
137 ⲱ ⲙⲓⲭⲁⲏⲗ ⲉⲣⲉⲡⲅⲉⲛⲟⲥ ⲛⲁⲇⲁⲙ ⲛⲁⲥⲟⲩⲛ ⲡⲁⲣⲁⲛ · ⲉⲃⲟⲗ ϩⲓⲧⲟⲟⲧⲕ ·
…
138 ⲱ ⲙⲓⲭⲁⲏⲗ ⲛⲧⲟⲕ ⲡⲉ ⲡⲁⲣⲭⲏⲥⲧⲣⲁⲧⲏⲕⲟⲥ · ⲛⲧϭⲟⲙ ⲛⲙⲡⲏⲩⲉ · ⲱ ⲙⲓⲭⲁⲏⲗ ⲡⲁⲣⲭⲱⲛ · ⲛⲛⲁⲙⲡⲏⲩⲉ ⲙⲛⲛⲁⲡⲕⲁϩ · ⲱ ⲙⲓⲭⲁⲏⲗ ⲛⲧⲟⲕ ⲡⲉ ⲡⲉⲥϯⲛⲟⲩϥⲉ · ⲙⲡⲛⲁⲩ ⲛⲧⲁⲑⲩⲥⲓⲁ ⲉⲧⲟⲩⲁⲁⲃ ·
…
139 ⲱ ⲙⲓⲭⲁⲏⲗ ⲛⲧⲟⲕ ⲡⲉⲧⲛⲁⲡⲣⲟⲥⲉⲛⲉⲅⲕⲏ ⲛⲁⲓ ⲛⲧⲁⲡⲣⲟⲥⲫⲟⲣⲁ ϩⲁⲡⲅⲉⲛⲟⲥ ⲛⲁⲇⲁⲙ ·
…
140 ⲟⲩⲛ ϩⲉⲛⲛⲟϭ ⲛϩⲃⲏⲩⲉ ⲛⲁϣⲱⲡⲉ ⲉⲃⲟⲗ ϩⲛⲛϣⲏⲣⲉ ⲛⲁⲇⲁⲙ · ⲛⲧⲟⲕ ⲱ ⲙⲓⲭⲁⲏⲗ ⲡⲉⲧⲛⲁⲥⲟⲡⲥⲡ ⲉϫⲱⲟⲩ ⲛⲧⲁⲕⲱ ⲛⲁⲩ ⲉⲃⲟⲗ ·
…
141 ⲛϣⲏⲣⲉ ⲙⲡⲅⲉⲛⲟⲥ ⲛⲁⲇⲁⲙ ⲛⲁϫⲓⲟⲩⲁ ⲉⲣⲟⲓ ⲉⲃⲟⲗ ϩⲓⲧⲛⲡⲉⲧⲡⲗⲁⲛⲁ ⲙⲙⲟⲟⲩ ·
…
142 ⲁⲗⲗⲁ ϯⲛⲁⲕⲱ ⲛⲁⲩ ⲉⲃⲟⲗ ϩⲓⲧⲛⲛⲉⲕⲥⲟⲡⲥⲡ ⲱ ⲙⲓⲭⲁⲏⲗ ·
…
143 ⲛⲁⲓ ⲇⲉ ⲧⲏⲣⲟⲩ ⲛⲧⲉⲣⲉⲡϫⲟⲉⲓⲥ ϫⲟⲟⲩ ⲙⲙⲓⲭⲁⲏⲗ ·
…
144 ⲁϥⲥⲟⲟⲩⲧⲛ ⲉⲃⲟⲗ ⲛⲧⲉϥϭⲓϫ ·
…
145 ⲁϥϯ ⲉϫⲱϥ ⲙⲡⲉⲥⲧⲉⲫⲁⲛⲟⲥ ⲁϥⲁⲁϥ ⲛⲁⲣⲭⲁⲅⲅⲉⲗⲟⲥ ·
…
146 ⲁϥⲕⲱ ϩⲓϫⲱϥ ⲛϣⲟⲙⲛⲧ ⲛⲥⲫⲣⲁⲅⲓⲥ ⲙⲡⲧⲩⲡⲟⲥ ⲛⲧⲉⲧⲣⲓⲁⲥ ⲉⲧⲟⲩⲁⲁⲃ · ⲉⲣⲉⲡⲉⲓⲛⲉ ⲛⲧⲉϥϩⲓⲕⲱⲛ · ϩⲓϫⲛⲛⲉⲥⲫⲣⲁⲅⲓⲥ ·
…
147 ϫⲉⲕⲁⲥ ⲉⲣⲉⲡⲁⲣⲭⲁⲅⲅⲉⲗⲟⲥ ⲛⲁϭⲱ ⲉϥⲥⲟⲡⲥⲡ ⲙⲡⲛⲟⲩⲧⲉ ⲛⲟⲩⲟⲉⲓϣ ⲛⲓⲙ ⲉϫⲛⲧⲉϥϩⲓⲕⲱⲛ ⲉⲧⲃⲉⲡⲁⲓ ⲣⲱ ⲛⲧⲁⲉⲓ ⲉⲡⲉⲓϣⲁ · ⲉⲧⲉⲡⲁⲣⲓⲥⲧⲟⲛ ⲙⲙⲓⲭⲁⲏⲗ ⲙⲡϩⲟⲟⲩ · ⲁⲛⲟⲕ ⲡⲉ ⲁⲇⲁⲙ ⲡⲉⲕⲉⲓⲱⲧ ·
…
148 ⲁⲃⲉⲗ ⲡϣⲏⲣⲉ ⲕⲟⲩⲓ ⲛⲁⲧⲛⲟⲃⲉ ϯⲥⲟⲡⲥⲡ ⲙⲙⲟⲕ ⲉⲕⲉⲧⲁⲙⲟⲓ ϩⲱⲱⲕ ⲉⲡⲉⲕⲣⲁϣⲉ ⲙⲡϩⲟⲟⲩ ϩⲙⲡϣⲁ ⲙⲙⲓⲭⲁⲏⲗ ·
…
149 ⲉⲓⲣⲁϣⲉ ⲡⲉϫⲁϥ ϫⲉⲡⲉⲧⲛⲣϣⲁ ⲛⲁϥ ⲙⲡϩⲟⲟⲩ ⲛⲧⲟϥ ⲡⲉⲛⲧⲁϥⲥⲟⲡⲥⲡ ⲙⲡⲛⲟⲩⲧⲉ ϩⲁⲡⲁⲉⲓⲱⲧ ⲙⲛⲧⲁⲙⲁⲁⲩ ϣⲁⲛⲧⲟⲩⲕⲱ ⲛⲁⲩ ⲉⲃⲟⲗ ⲛⲧⲉⲩⲡⲁⲣⲁⲃⲁⲥⲓⲥ ⲛⲧⲁⲩⲁⲁⲥ ·
…
150 ⲁⲩⲱ ⲛⲧⲟϥ ⲡⲉⲛⲧⲁϥϫⲓ ⲛⲛⲁⲇⲱⲣⲟⲛ ⲉϩⲣⲁⲓ ϣⲁⲡⲛⲟⲩⲧⲉ · ϣⲁⲛⲧⲉϥϫⲓ ⲛⲛⲁⲑⲩⲥⲓⲁ ⲛⲧⲟⲟⲧ ·
…
151 ⲙⲡⲉϥϯϩⲧⲏϥ ⲉⲛⲁⲡⲁⲥⲟⲛ ϫⲉⲙⲡⲉϥⲛⲧⲟⲩ ϩⲛⲟⲩⲥⲟⲟⲩⲧⲛ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
152 ⲥⲏⲑ ϯⲛⲁⲩ ⲉⲣⲟⲕ ⲙⲡϩⲟⲟⲩ ⲉⲕⲧⲉⲗⲏⲗ ϩⲙⲡϣⲁ ⲙⲡⲁⲣⲭⲁⲅⲅⲉⲗⲟⲥ ⲉⲧⲟⲩⲁⲁⲃ ⲙⲓⲭⲁⲏⲗ · ⲉⲓⲧⲉⲗⲏⲗ ⲡⲉϫⲁϥ ⲉⲡⲉⲓⲇⲏ ⲛⲧⲉⲣⲉⲕⲁⲉⲓⲛ ⲙⲟⲩⲟⲩⲧ ⲛⲁⲃⲉⲗ ⲡⲁⲥⲟⲛ ·
…
153 ⲁⲡⲛⲟⲩⲧⲉ ⲭⲁⲣⲓⲍⲉ ⲙⲙⲟⲓ ⲛⲛⲁⲉⲓⲟⲧⲉ ·
…
154 ⲁⲩⲱ ⲙⲡⲉⲧⲁⲙⲁⲁⲩ ϭⲛⲉⲓⲣⲱⲧⲉ ⲉⲧⲥⲙⲕⲟ ⲙⲙⲟⲓ ·
…
155 ⲉⲃⲟⲗ ϫⲉⲁⲥⲱϫⲛ ϩⲓⲧⲛⲧⲗⲩⲡⲉ ⲛⲁⲃⲉⲗ ⲡⲁⲥⲟⲛ ·
…
156 ⲁⲗⲗⲁ ⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ⲛⲧⲟϥ ⲉⲧⲇⲓⲁⲕⲟⲛⲉⲓ ⲛⲁⲓ ⲉⲧⲁϩⲣⲉ · ⲙⲡⲛⲉⲩⲙⲁⲧⲓⲕⲟⲛ ⲉⲃⲟⲗ ϩⲛⲙⲡⲏⲩⲉ ·
…
157 ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
158 ⲱ ⲉⲛⲱⲭ ⲡⲇⲓⲕⲁⲓⲟⲥ ⲡⲉⲛⲧⲁⲡⲛⲟⲩⲧⲉ ⲡⲟⲟⲛⲉϥ ⲉⲃⲟⲗ ·
…
159 ⲁϩⲣⲟⲕ ϩⲱⲱⲕ ϩⲙⲡⲉⲓϣⲁ ⲉⲙⲡⲟⲟⲩ ⲉⲕⲣⲁϣⲉ · ⲉⲓⲣⲁϣⲉ ⲡⲉϫⲁϥ ·
…
160 ⲉⲡⲉⲓⲇⲏ ⲁⲛⲟⲕ ⲉⲧⲥϩⲁⲓ · ⲛⲛⲛⲟⲃⲉ ·
…
161 ⲙⲛⲛⲁⲅⲁⲑⲟⲛ ⲙⲡⲕⲟⲥⲙⲟⲥ ⲧⲏⲣϥ ϩⲛⲛⲁϭⲓϫ ⲙⲙⲓⲛ ⲉⲙⲙⲟⲓ ·
…
162 ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲉⲧⲟⲩⲁⲁⲃ ⲡⲉⲧϫⲓ ⲙⲙⲟⲟⲩ ⲉϩⲟⲩⲛ ϣⲁⲡⲛⲟⲩⲧⲉ ⲉϥϯ ⲛⲁϥ ⲛⲛⲁⲅⲁⲑⲱⲛ ⲛⲛⲟⲃⲉ ϩⲱⲟⲩ ⲉϥⲥⲟⲡⲥⲡ ⲙⲡⲛⲟⲩⲧⲉ ⲉⲧⲃⲏⲏⲧⲟⲩ ϣⲁⲛⲧⲉϥϣⲛϩⲧⲏϥ ⲛϥⲕⲱ ⲛⲁⲩ ⲉⲃⲟⲗ ·
…
163 ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
164 ⲙⲁⲑⲟⲩⲥⲁⲗⲁ ⲡϩⲗⲗⲟ ⲛⲇⲓⲕⲁⲓⲟⲥ ·
…
165 ⲡⲉⲛⲧⲁϥⲁⲓⲁⲓ ⲕⲁⲗⲱⲥ ϩⲛⲛⲉϥϩⲟⲟⲩ ·
…
166 ⲁⲣⲁⲟⲩⲱ ϩⲱⲱϥ ⲡⲉ ⲡⲉⲕⲣⲁϣⲉ ⲙⲡϩⲟⲟⲩ ϫⲉϯⲛⲁⲩ ⲉⲣⲟⲕ ⲁⲕⲟⲩⲃⲁϣⲧⲱⲛⲟⲩ ϩⲛⲧⲙⲏⲏⲧⲉ ⲙⲡⲉⲓⲁⲣⲓⲥⲧⲟⲛ ⲙⲡϩⲟⲟⲩ ·
…
167 ⲡⲉϫⲁϥ ϫⲉⲉⲧⲃⲉⲟⲩ ⲛϯⲛⲁⲣⲁϣⲉ ⲁⲛ ⲁⲛⲟⲕ ⲡⲉ ⲡⲙⲉϩϣⲙⲟⲩⲛ ϫⲓⲛⲁⲇⲁⲙ ·
…
168 ⲁⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ϫⲓ ⲙⲡⲁⲧⲧⲱⲃϩ ⲉϩⲣⲁⲓ ϣⲁⲡⲛⲟⲩⲧⲉ ·
…
169 ⲁϥⲭⲁⲣⲓⲍⲉ ⲛⲁⲓ ⲛⲟⲩⲛⲟϭ ⲉⲛⲁϩⲉ ·
…
170 ϩⲱⲥ ⲇⲉ ⲛⲧⲉⲡⲁⲱⲛϩ ⲙⲛⲛⲁⲣⲙⲛⲟⲟⲩⲉ ⲟⲩⲱ ⲧⲃⲉ · ⲉⲛⲁⲡⲁⲉⲓⲱⲧ ⲁⲇⲁⲙ · ⲯⲓⲥ ⲛϣⲉ ⲙⲁⲁⲃⲯⲓⲧⲉ ⲛⲣⲟⲙⲡⲉ ·
…
171 ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ⁖ⲻ
…
172 ⲱ ⲛⲱϩⲉ ⲡⲇⲓⲕⲁⲓⲟⲥ ⲁⲣⲁ ⲕⲣⲁϣⲉ ⲙⲡϩⲟⲟⲩ ϩⲙⲡϣⲁ ⲙⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ·
…
173 ⲛⲁϣ ⲛⲛϩⲉⲛϯⲛⲁⲣⲁϣⲉ ⲁⲛ ·
…
174 ⲉⲡⲉⲓⲇⲏ ⲛⲧⲁⲡⲛⲟⲩⲧⲉ ϭⲱⲛⲧ ⲉϥⲉⲧⲡⲕⲟⲥⲙⲟⲥ ⲉⲃⲟⲗ ⲁϥⲧⲁⲁⲧ ⲉϩⲟⲩⲛ ⲉⲩⲕⲓⲃⲱⲧⲟⲥ ⲙⲛⲧⲁⲥϩⲓⲙⲉ ⲙⲛⲛⲁϣⲏⲣⲉ ⲙⲛⲛⲉⲧ ⲕⲓⲙ ⲧⲏⲣⲟⲩ ϩⲓϫⲙⲡⲕⲁϩ ·
…
175 ⲁϥϣⲧⲁⲙ ⲉⲣⲱⲛ ⲙⲡⲣⲟ ⲛⲧⲕⲓⲃⲱⲇⲟⲥ ⲁⲛⲕⲁⲧⲁϩⲣⲁⲕⲧⲏⲥ ⲛⲧⲡⲉ ⲙⲛⲡⲕⲁϩ ⲟⲩⲱⲛ ⲁⲩⲕⲱⲧⲉ ⲉⲣⲟⲛ ·
…
176 ⲛϩⲙⲉ ⲛϩⲟⲟⲩ ⲙⲛϩⲙⲉⲛⲟⲩϣⲏ ⲙⲡⲉⲛⲛⲁⲩ ⲉⲣⲏ ·
…
177 ⲟⲩⲇⲉ ⲟⲟϩ ⲟⲩⲇⲉ ⲥⲓⲟⲩ ·
…
178 ⲁⲗⲗⲁ ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲉⲧⲟⲩⲁⲁⲃ ⲁϥⲣϩⲙⲙⲉ ⲙⲙⲟⲛ ⲙⲛⲧⲕⲓⲃⲱⲇⲟⲥ ·
…
179 ⲁϥϭⲱ ⲉϥⲥⲟⲡⲥⲡ ⲙⲡⲛⲟⲩⲧⲉ ϣⲁⲛⲧⲉⲡⲙⲟⲟⲩ ⲥⲃⲟⲕ · ⲛϥϭⲱⲗⲡ ⲉⲃⲟⲗ ⲛϭⲓⲡⲉⲧϣⲟⲩⲱⲟⲩ ⲛⲧⲁⲟⲩϫⲁⲓ ⲙⲛⲛⲉⲧⲛⲙⲙⲁⲓ ·
…
180 ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
181 ⲁⲃⲣⲁϩⲁⲙ ⲡⲡⲁⲧⲣⲓⲁⲣⲭⲏⲥ ⲁⲣⲁ ⲕⲣⲁϣⲉ ϩⲱⲱⲕ ⲙⲡϩⲟⲟⲩ ϩⲙⲡϣⲁ ⲙⲡⲁⲣⲭⲁⲅⲅⲉⲗⲟⲥ · ⲉⲧⲟⲩⲁⲁⲃ ⲙⲓⲭⲁⲏⲗ ⲥⲉ ⲡⲉϫⲁϥ ϯⲣⲁϣⲉ ⲙⲡϩⲟⲟⲩ ·
…
182 ⲉⲡⲉⲓⲇⲏ ⲁⲛⲟⲕ ⲡⲉ ⲡϣⲟⲣⲡ ⲛⲣⲱⲙⲉ ⲛⲧⲁⲙⲓⲭⲁⲏⲗ ϭⲟⲓⲗⲉ ⲉⲣⲟϥ ·
…
183 ⲙⲛⲡⲁϫⲟⲉⲓⲥ ⲙⲛⲡⲉϥⲕⲉϣⲃⲏⲣ ⲁⲣⲁⲅⲅⲉⲗⲟⲥ ⲅⲁⲃⲣⲓⲏⲗ ·
…
184 ⲁⲩⲱ ⲁⲙⲓⲭⲁⲏⲗⲥⲟⲡⲥⲡ ⲙⲡⲛⲟⲩⲧⲉ ⲉϫⲱⲓ ⲁϥϯ ⲛⲁⲓ ⲛⲓⲥⲁⲁⲕ ⲡⲁϣⲏⲣⲉ ·
…
185 ⲁⲩⲱ ⲉϣⲱⲡⲉ ⲣⲱ · ϯⲙⲡϣⲁ ·
…
186 ⲁⲓⲟⲩⲱⲙ ⲛⲙⲙⲁϥ ⲛϩⲟⲩⲛ ϩⲁⲡϣⲏⲛ ⲙⲙⲁⲃⲣⲏ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ⲱ ⲡⲇⲓⲕⲁⲓⲟⲥ
…
187 ⲓⲉⲥⲁⲁⲕ ⲡⲉⲣⲏⲧ ⲉⲧⲟⲩⲁⲁⲃ ·
…
188 ⲁⲩⲱ ⲧⲉⲑⲩⲥⲓⲁ ⲉⲧⲟⲩⲁⲁⲃ ⲉⲧϣⲏⲡ · ⲙⲡⲛⲟⲩⲧⲉ ⲉⲧⲟⲛϩ ·
…
189 ⲁϩⲣⲟⲕ ϩⲱⲱⲕ ⲉⲕⲥⲧⲟⲗⲓⲍⲉ ⲛⲧⲉⲓϩⲉ ⲧⲏⲣⲥ ϩⲙⲡϣⲁ ⲙⲡⲁⲣⲭⲁⲅⲅⲉⲗⲟⲥ ⲉⲧⲟⲩⲁⲁⲃ ⲙⲓⲭⲁⲏⲗ ⲉⲓⲥⲧⲟⲗⲓⲍⲉ ⲡⲉϫⲁϥ ϫⲉⲁⲛⲅⲟⲩϣⲏⲣⲉ ⲛⲟⲩⲱⲧ ⲛⲧⲉⲡⲁⲉⲓⲱⲧ ⲙⲛⲧⲁⲙⲁⲁⲩ :
…
190 ⲉⲙⲛⲧⲁⲩ ϣⲏⲣⲉ ⲙⲙⲁⲩ ⲛⲥⲁⲃⲗⲗⲁⲓ ⲟⲩⲇⲉ ⲛⲥⲉⲛⲁϫⲡⲟ ⲁⲛ ⲙⲛⲛⲥⲱⲓ ·
…
191 ⲁⲡⲁⲉⲓⲱⲧ ⲙⲟⲣⲧ ⲉⲛⲁϭⲓϫ ⲙⲛⲛⲁⲟⲩⲉⲣⲏⲧⲉ ·
…
192 ⲁϥⲧⲁⲗⲟⲓ ⲉϫⲛϩⲉⲛⲱⲛⲉ ϩⲛⲟⲩⲧⲟⲟⲩ ⲛϫⲁⲓⲉ ·
…
193 ⲁⲓⲛⲁⲩ ϩⲛⲛⲁⲃⲁⲗ · ⲉⲧϭⲟⲣⲧⲉ ϩⲛⲧϭⲓϫ ⲙⲡⲁⲉⲓⲱⲧ ϫⲉϥⲛⲁⲕⲱⲛⲥ ⲙⲙⲟⲓ ·
…
194 ⲁϥϯ ⲉⲛⲟⲩⲉⲥⲟⲟⲩ ⲉⲡⲁⲙⲁ ⲛϭⲓⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ·
…
195 ⲁϥⲁⲙⲁϩⲧⲉ ⲛⲧϭⲟⲣⲧⲉ ⲉⲧϩⲛⲧϭⲓϫ ⲙⲡⲁⲉⲓⲱⲧ ϫⲉϥⲛⲁⲕⲱⲛⲥ ⲙⲙⲟⲓ ·
…
196 ⲁⲧⲁⲑⲩⲥⲓⲁ ϣⲱⲡⲉ ⲉⲥϫⲏⲕ ⲉⲃⲟⲗ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
197 ⲡⲡⲁⲧⲣⲓⲁⲣⲭⲏⲥ ⲓⲁⲕⲱⲃ ⲡⲉⲛⲧⲁϥϭⲙϭⲟⲙ ⲙⲛⲡⲛⲟⲩⲧⲉ ·
…
198 ⲁⲩⲱ ⲛⲇⲩⲛⲁⲧⲟⲥ ϩⲛⲛⲣⲱⲙⲉ ⲁⲣⲁ ϩⲱⲱⲕ ⲕⲣⲁϣⲉ ⲙⲡϩⲟⲟⲩ ·
…
199 ⲥⲉ ⲡⲉϫⲁϥ ϯⲣⲁϣⲉ ⲙⲡϩⲟⲟⲩ ·
…
200 ⲉⲡⲉⲓⲇⲏ ⲛⲧⲉⲣⲉⲓⲉⲥⲁⲩ ⲡⲁⲥⲟⲛ ⲇⲓⲱⲕⲉⲓ ⲛⲥⲱⲓ ⲉⲙⲟⲟⲩⲧ ⲁⲓⲃⲱⲕ ⲉϩⲣⲁⲓ ⲉⲧⲙⲉⲥⲟⲡⲟⲧⲁⲙⲓⲁ ⲛⲧⲥⲩⲣⲓⲁ · ⲉⲣⲁⲧϥ ⲛⲗⲁⲃⲁⲛ ·
…
201 ⲙⲓⲭⲁⲏⲗ ⲡⲉⲛⲧⲁϥⲉⲓ ϣⲁⲣⲟⲓ ⲁϥⲡⲱⲣϫ ⲛⲁⲓ ⲉⲃⲟⲗ ⲙⲡⲁⲃⲉⲕⲉ · ϩⲛⲛⲧⲃⲛⲟⲟⲩⲉ ⲁϥⲥⲙⲟⲩ ⲉⲣⲟⲓ ·
…
202 ⲙⲛⲛⲁϣⲏⲣⲉ ⲙⲛⲛⲁϩⲓⲟⲟⲙⲉ ⲉⲧⲃⲉⲡⲁⲓ ⲛⲧⲁⲡⲓⲥⲣⲁⲏⲗ · ϫⲓⲣⲁⲛ ⲉⲃⲟⲗ ⲛϩⲏⲧ ·
…
203 ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
204 ⲱ ⲓⲱⲥⲏⲫ ⲡⲇⲓⲕⲁⲓⲟⲥ ⲛⲥⲁⲃⲉ ⲡⲉⲛⲧⲁⲩⲕⲱϩ ⲉⲣⲟϥ ⲉⲧⲃⲉⲟⲩϩⲱⲱⲕ · ⲙⲡϩⲟⲟⲩ ⲉⲕⲣⲁϣⲉ ·
…
205 ⲡⲉϫⲁϥ ⲛϭⲓⲓⲱⲥⲏⲫ ϫⲉⲁⲗⲏⲑⲱⲥ ϯⲙⲡϣⲁ ⲛⲣⲁϣⲉ ⲙⲡϩⲟⲟⲩ · ϫⲉⲛⲧⲉⲣⲉⲛⲁⲥⲛⲏⲩ ⲕⲱϩ ⲉⲣⲟⲓ ⲁⲩⲧⲁⲁⲧ ⲉⲃⲟⲗ ⲉⲩⲕⲁϩ ⲛϣⲙⲙⲟ ·
…
206 ⲁⲓϣⲱⲡⲉ ⲛⲉⲃⲓⲏⲛ ⲛⲧⲁⲗⲁⲓⲡⲱⲣⲟⲥ ⲛⲁⲧⲣⲱⲙⲉ · ϩⲛⲟⲩⲛⲟϭ ⲛⲑⲗⲓⲯⲓⲥ ·
…
207 ⲁⲡⲁⲣⲭⲁⲅⲅⲉⲗⲟⲥ ⲉⲓ ϣⲁⲣⲟⲓ ⲁϥⲛⲁϩⲙⲉⲧ ⲁϥⲁⲁⲧ ⲛⲣⲣⲟ ·
…
208 ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ :
…
209 ⲙⲱⲩⲥⲏⲥ ⲙⲛⲁⲁⲣⲱⲛ ⲙⲛⲓⲏⲩ ⲛⲛⲁⲩⲏ ·
…
210 ⲁϩⲣⲱⲧⲛ ϩⲱⲧⲧⲏⲩⲧⲛ ϩⲙⲡⲉⲓⲛⲟϭ ⲛϣⲁ ⲙⲡϩⲟⲟⲩ ϩⲙⲡϣⲁ ⲙⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ·
…
211 ⲡⲉϫⲁⲩ ⲛϭⲓⲛⲉⲧⲟⲩⲁⲁⲃ ϫⲉⲡⲱⲛ ⲣⲱ ⲡⲉ ⲡⲣⲁϣⲉ · ϫⲉⲙⲓⲭⲁⲏⲗ ⲡⲉⲛⲧⲁϥⲙⲟⲟϣⲉ ⲛⲙⲙⲁⲛ ⲙⲛⲡⲉϥⲗⲁⲟⲥ ·
…
212 ⲁⲩⲱ ⲁϥϭⲱⲧⲡ ⲛⲛⲉⲛϫⲁϫⲉ ⲁϥϫⲓ ⲙⲟⲉⲓⲧ ·
…
213 ϩⲏⲧⲛ ⲉϩⲟⲩⲛⲉⲡⲕⲁϩ ⲙⲡⲉⲣⲏⲧ ·
…
214 ⲉⲧⲃⲉⲡⲁⲓ ⲣⲱ ⲧⲛⲣⲁϣⲉ ⲙⲡϩⲟⲟⲩ ·
…
215 ⲅⲉⲇⲉⲱⲛ ϯⲛⲁⲩ ⲉⲣⲟⲕ ϩⲱⲱⲕ ⲙⲡϩⲟⲟⲩ ⲉⲕⲣⲁϣⲉ ϩⲙⲡⲁⲣⲓⲥⲧⲟⲛ ⲙⲙⲓⲭⲁⲏⲗ ·
…
216 ϯⲣⲁϣⲉ ⲧⲱⲛⲟⲩ ⲡⲉϫⲁϥ ⲉⲡⲉⲓⲇⲏ ⲙⲓⲭⲁⲏⲗ ⲡⲉⲛⲧⲁϥⲉⲓ ϣⲁⲣⲟⲓ ·
…
217 ⲁϥⲙⲁϩⲧ ϩⲛⲧⲉϥϭⲟⲙ ⲁⲓⲃⲱⲕ ⲁⲓⲡⲁⲧⲁⲥⲥⲉⲓ ⲙⲙⲁϯϩⲁⲙ ·
…
218 ⲁϥⲟⲩϫⲁⲓ ⲛϭⲓⲡⲗⲁⲟⲥ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ
…
219 ⲱ ⲙⲁⲛⲱⲉ · ⲙⲛⲁⲛⲛⲁ ⲧⲉϥⲥϩⲓⲙⲉ ·
…
220 ⲟⲩⲏⲣ ⲡⲉ ⲡⲉⲧⲛⲣⲁϣⲉ ⲙⲡϩⲟⲟⲩ ⲡⲉϫⲁⲩ ⲛϭⲓⲛⲉⲕⲣⲓⲧⲏⲥ ϫⲉⲁⲗⲏⲑⲱⲥ ⲧⲛⲣⲁϣⲉ ⲙⲡϩⲟⲟⲩ · ⲉⲡⲉⲓⲇⲏ ·
…
221 ⲁⲛⲟⲛ ϩⲉⲛⲁϭⲣⲏⲛ ϫⲓⲛⲧⲉⲛⲙⲛⲧⲕⲟⲩⲓ ⲙⲡⲉϣⲏⲣⲉ · ϣⲱⲡⲉ ⲛⲁⲛ ·
…
222 ⲁⲛϭⲱ ⲉⲛϣⲗⲏⲗ ⲉⲛⲧⲁⲗⲟⲑⲩⲥⲓⲁ ⲉϩⲣⲁⲓ ⲙⲡⲛⲟⲩⲧⲉ ⲉⲩⲣⲡⲙⲉⲉⲩⲉ ⲛⲁⲛ ⲁⲡⲛⲟⲩⲧⲉ ϯ ⲛⲁⲛ ⲛⲥⲁⲙⲯⲱⲛ ⲡⲇⲩⲛⲁⲧⲟⲥ
…
223 ⲁⲩⲱ ⲡⲛⲕⲉϣⲏⲣⲉ ϩⲱⲱϥ ⲣⲁϣⲉ ⲛⲙⲙⲁⲛ ⲙⲡϩⲟⲟⲩ
…
224 ⲇⲁⲩⲇ ⲡⲉⲓⲱⲧ ⲙⲡⲉⲭⲣⲓⲥⲧⲟⲥ ⲕⲁⲧⲁⲥⲁⲣⲝ
…
225 ⲁⲩⲱ ⲡⲣⲣⲟ ⲛⲣⲙⲣⲁϣ ϯⲛⲁⲩ ⲉⲣⲟⲕ ⲙⲡϩⲟⲟⲩ ⲉⲕϭⲛϭⲛ ⲛⲧⲉⲕϭⲓⲑⲁⲣⲁ ⲙⲙⲏⲧ ⲛⲕⲁⲡ ϩⲙⲡⲁⲣⲓⲥⲧⲱⲛ ⲙⲙⲓⲭⲁⲏⲗ ·
…
226 ⲡⲉϫⲁϥ ⲛϭⲓⲇⲁⲩⲇ ϫⲉⲥⲉϯⲣⲁϣⲉ ⲙⲡϩⲟⲟⲩ ·
…
227 ⲁⲩⲱ ϯⲥⲧⲟⲗⲓⲍⲉ ·
…
228 ⲉⲡⲉⲓⲇⲏ ⲉⲣⲉⲛⲉϩⲣⲏⲧⲱⲛ ⲛⲛϣⲁ ⲧⲏⲣⲟⲩ ⲙⲡϫⲟⲉⲓⲥ ·
…
229 ⲙⲛⲛⲉϥⲗⲉⲓⲧⲟⲩⲣⲅⲟⲥ ⲥⲏϩ ϩⲛⲛⲉⲡⲗⲁⲝ ⲙⲡⲁϩⲏⲧ ·
…
230 ⲁⲩⲱ ⲡⲉⲧⲧⲟⲙⲉ ϩⲱⲱϥ ⲉⲡⲉⲓϣⲁ ⲙⲡϩⲟⲟⲩ ⲡⲉ ⲡⲁⲓ · ϫⲉϣⲁⲣⲉⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲕⲱⲧⲉ ⲉⲛⲉⲧⲣϩⲟⲧⲉ ϩⲏⲧϥ ·
…
231 ⲁⲩⲱ ϣⲁϥⲛⲁϩⲙⲟⲩ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
232 ⲡⲥⲟⲫⲟⲥ ⲥⲱⲗⲟⲙⲱⲛ ⲁⲣⲁ ϩⲱⲱⲕ ⲕⲣⲁϣⲉ ⲙⲡϩⲟⲟⲩ ⲥⲉ ⲡⲉϫⲁϥ ϯⲣⲁϣⲉ ·
…
233 ⲉⲡⲉⲓⲇⲏ ⲙⲓⲭⲁⲏⲗ ⲡⲉⲛⲧⲁϥⲁϩⲉ ⲉⲣⲁⲧϥ ⲛⲙⲙⲁⲓ ϫⲓⲛⲧⲁⲙⲛⲧⲕⲟⲩⲓ ⲁϥⲧⲣⲉⲟⲩⲉⲓⲣⲏⲛⲏ ϣⲱⲡⲉ ϩⲛⲛⲁϩⲟⲟⲩ ·
…
234 ⲁⲩⲱ ⲁϥϥⲓ ⲙⲡⲁⲧⲧⲱⲃϩ ⲉϩⲣⲁⲓ · ϣⲁⲡⲛⲟⲩⲧⲉ ⲁⲓⲕⲱⲧ ⲙⲡⲉϥⲏⲓ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…
235 ⲉⲍⲉⲕⲓⲁⲥ ⲡⲣⲣⲟ ⲛⲇⲓⲕⲁⲓⲟⲥ · ⲁⲣⲁ ⲛⲅⲣⲁϣⲉ ⲁⲛ ⲙⲡϩⲟⲟⲩ · ϩⲙⲡϣⲁ ⲙⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ·
…
236 ⲥⲉ ⲡⲉϫⲁϥ ϯⲣⲁϣⲉ ⲙⲡϩⲟⲟⲩ ·
…
237 ⲉⲡⲉⲓⲇⲏ ⲙⲡⲛⲁⲩ ⲛⲧⲁⲛⲁⲥⲥⲩⲣⲓⲟⲥ ⲕⲱⲧⲉ ⲉⲣⲟⲓ ⲁⲛⲟⲕ ⲙⲛⲡⲁⲗⲁⲟⲥ ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲡⲉⲛⲧⲁϥⲃⲱⲕ ⲁϥⲡⲁⲧⲁⲥⲥⲉⲓ ⲙⲙⲟⲟⲩ ⲛⲧⲉⲩϣⲏ ·
…
238 ⲉⲩⲉⲓⲣⲉ ⲙⲙⲛⲧϣⲙⲏⲛ ⲛⲧⲃⲁ ⲟⲩϭⲁⲥ ⲛⲣⲱⲙⲉ ⲁⲓⲟⲩϫⲁⲓ ϩⲱ ⲙⲛⲡⲁⲗⲁⲟⲥ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ
…
239 ⲱ ⲏⲥⲁⲓⲁⲥ ⲡⲛⲟϭ ⲙⲡⲣⲟⲫⲏⲧⲏⲥ ·
…
240 ⲁⲣⲁ ⲟⲩϩⲱⲱⲕ ⲡⲉ ⲡⲉⲕⲣⲁϣⲉ ⲙⲡϩⲟⲟⲩ ·
…
241 ϩⲙⲡϣⲁⲙⲓⲭⲁⲏⲗ ⲡⲁⲓ ⲡⲉ ⲡⲁⲣⲁϣⲉ ⲡⲉϫⲁϥ ϫⲉⲛⲉⲓⲛⲟϭⲛⲉϭ ⲧⲏⲣⲟⲩ ⲛⲧⲁⲩⲧⲁⲁⲩ ⲛⲁⲓ ⲙⲛⲛⲉⲓⲥⲱϣ ·
…
242 ϩⲓⲧⲛⲙⲁⲛⲁⲥⲥⲉ ⲡⲣⲣⲟ ⲙⲛⲛⲉⲧⲛⲙⲙⲁϥ ·
…
243 ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲡⲉⲛⲧⲁϥⲁϩⲉⲣⲁⲧϥ ⲛⲙⲙⲁⲓ ·
…
244 ⲁϥϯϭⲟⲙ ⲛⲁⲓ ϣⲁⲛⲧⲟⲩⲁⲥⲧ ⲉⲧⲁⲙⲏⲧⲉ ·
…
245 ⲛⲟⲩⲗⲁⲛⲑⲏⲛ ⲛϣⲉ ⲉⲧⲃⲉⲡⲁⲓ ϯⲣⲁϣⲉ ⲙⲡϩⲟⲟⲩ ·
…