1 ⲟⲙⲕⲟⲩ · ⲏ ⲉϣϫⲉⲙⲛⲁⲣⲭⲏ ϣⲟⲟⲡ ·
…
2 ⲛⲧϩⲉ ⲅⲁⲣ ⲉⲧⲉϥⲡⲏⲧ ⲛϭⲓⲡⲉⲧϯ · ϫⲉⲛϥⲡⲏⲧ ⲁⲛ ⲛϭⲓⲡⲉⲧⲉⲣⲡⲟⲗⲁⲓⲙⲟⲥ · ϥⲣϩⲟⲩⲉⲡⲱⲧ ϩⲱⲱϥ ⲛϭⲓⲡⲙⲁⲧⲟⲓ · ⲏ ⲙⲡⲉϥⲉⲓ ⲣⲱ ⲉⲃⲟⲗ ⲉⲡⲉⲙⲗⲁϩ ·
…
3 ⲏ ⲉⲣϣⲁⲛⲡⲉⲧϯϥⲓⲣⲟⲟⲩϣ ϩⲁⲛⲉϥϩⲃⲏⲩⲉ ⲉϥⲛⲁϭⲓⲛⲉ ⲧⲱⲛ ⲉⲧⲓ ·
…
4 ⲁⲩⲱ ⲉⲧⲃⲉⲟⲩ ⲉϥⲛⲁϫⲓ ⲛϭⲓⲡⲙⲁⲧⲟⲓ ⲉⲛⲉϥϥⲓⲣⲟⲟⲩϣ ⲁⲛ ϩⲁⲡⲉⲧⲉϥⲧⲏϣ ⲉⲣⲟϥ ·
…
5 ⲧⲁⲓ ⲧⲉ ⲧϩⲉ ⲉⲧⲉⲛϩⲁⲟⲩⲕⲓⲛⲇⲩⲛⲟⲥ ⲧⲏⲣⲛ · ⲁⲩⲱ ⲟⲩⲕⲣⲓⲙⲁ ⲉⲃⲟⲗ ϩⲓⲧⲙⲡⲛⲟⲩⲧⲉ ·
…
6 ⲁⲛⲟⲕ ⲙⲉⲛ ϫⲉⲛϯⲥⲡⲟⲩⲇⲁⲍⲉ ⲁⲛ ⲉⲡⲉⲧⲉⲣⲟⲓ ⲉⲁⲁϥ ·
…
7 ⲛⲉⲓⲕⲟⲟⲩⲉ ⲇⲉ ϫⲉϯϩⲉ ⲙⲙⲟⲟⲩ ⲧⲉ · ϫⲉⲕⲁⲛ ⲉⲣϣⲁⲛϩⲉⲛⲭⲱⲣⲁ ⲕⲱ ⲉⲃⲟⲗ · ⲡⲉⲩϩⲱⲃ ⲛⲧⲟⲟⲩ ⲡⲉⲧⲟⲩϣⲓⲛⲉ ⲛⲥⲱϥ · ⲉⲧⲉⲡⲁⲓ ⲡⲉ ϫⲓ ·
…
8 ϩⲁϩ ⲅⲁⲣ ⲛⲥⲟⲡ ⲕⲁⲛ ⲉⲣϣⲁⲛⲡⲙⲁⲧⲟⲓ ⲉⲣⲧⲉϥϭⲟⲙ ⲛϥⲧⲙϫⲣⲟ · ϥⲟⲩⲟⲛϩ ⲉⲃⲟⲗ ϫⲉⲡⲛⲟⲩⲧⲉ ⲡⲉⲧⲧⲟⲩⲛⲟⲥ ⲛⲛⲉⲛϫⲓϫⲉⲉⲩⲉ ⲉϫⲱⲛ ⲉⲧⲃⲉⲛⲉⲛⲛⲟⲃⲉ ·
…
9 ϩⲉⲛⲕⲉⲥⲟⲡ ⲇⲉ ⲟⲛ ⲛⲕⲉⲗⲁⲁⲩ ⲁⲛ ⲡⲉ ⲛⲥⲁⲧⲁⲙⲉⲗⲓⲁ ⲛⲛⲉⲧⲁⲣⲭⲉⲓ ⲉⲧⲙⲧⲣⲉⲩⲣⲛⲉⲧⲉϣϣⲉ ⲉⲣⲟⲟⲩ ⲉⲁⲁϥ ·
…
10 ⲕⲁⲓ ⲅⲁⲣ ⲡϩⲱⲃ ⲟⲩⲟⲛϩ ⲉⲃⲟⲗ ⲙⲡⲥⲟⲡ ⲉϣⲁⲣⲉⲧⲙⲛⲧⲛⲟϭ · ⲁⲩⲱ ⲡⲙⲁⲧⲟⲓ ϯⲛⲧⲉϥⲯⲩⲭⲏ ⲉⲡⲙⲟⲩ ϩⲁⲛⲉⲧⲉϥⲙⲓϣⲉ ⲉϫⲱⲟⲩ ⲉⲩⲥⲟⲟⲩⲛ ϫⲉⲡϫⲟⲉⲓⲥ ⲡⲉⲧϯ ⲛⲧϭⲟⲙ ⲁⲩⲱ ⲡⲉϫⲣⲟ · ⲙⲛⲡⲥⲟⲡ ⲟⲛ ⲉⲧⲉⲙⲉⲩϯⲡⲉⲩϩⲏⲧ ⲉⲡϩⲱⲃ ⲉⲕⲛⲁⲣϩⲟⲩⲉϭⲛⲧⲟⲩ ⲙⲡⲛⲁⲩ ⲛϫⲓ ·
…
11 ⲕⲛⲁϭⲛⲧⲟⲩ ⲟⲛ ⲙⲡⲛⲁⲩ ⲛⲧⲁⲛⲁⲅⲕⲏ ·
…
12 ⲡⲉⲩⲙⲟⲕⲙⲉⲕ ⲡⲉ ⲡⲁⲓ ϫⲓⲛⲧⲁⲩⲉⲓ ϩⲛⲛⲉⲭⲱⲣⲁ ⲉⲩⲟⲩⲏⲩ ⲙⲛⲛⲉⲧϩⲏⲛ ⲉϩⲟⲩⲛ · ϫⲉⲛⲉⲛⲛⲁⲙⲟⲩ ⲉⲧⲃⲉϩⲉⲛⲣⲱⲙⲉ ·
…
13 ⲥⲉⲟⲃϣ ⲇⲉ ⲉⲡⲁⲓ ⲁⲩⲱ ⲛⲉϥϩⲙⲡϩⲏⲧ ⲁⲛ ϫⲉⲉⲛⲉⲉϫⲉⲥⲧⲉⲓ ⲛⲧⲟϥ ⲛϫⲓ · ϫⲉⲛⲛⲁϫⲟⲟⲥ ϫⲉϣⲱⲗ · ⲁⲩⲱ ⲉⲟⲩⲱϩ ϩⲛⲛⲏⲓ ⲛⲛⲉⲧⲛⲥⲉⲙⲓϣⲉ ⲁⲛ ⲉϫⲱⲟⲩ ·
…
14 ⲏ ⲉϣⲱⲡⲉⲣⲱ ⲙⲛⲙⲁⲧⲟⲓ ⲉϥⲥⲃⲧⲱⲧ ⲉⲧⲱⲣⲡ · ⲁⲩⲱ ⲉϣⲱⲗ ⲛϩⲟⲩⲉⲛⲃⲁⲣⲃⲁⲣⲟⲥ ·
…
15 ⲧϭⲟⲙ ⲅⲁⲣ ⲙⲡⲟⲩⲁ ⲡⲟⲩⲁ ⲛⲛⲉⲧϩⲙⲡⲕⲁϩ ⲧⲏⲣϥ ⲡⲉⲧⲱⲟⲩⲛ ⲉϫⲙⲡϭⲱϥ ⲉⲣⲟϥ ·
…
16 ⲟⲩⲁ ⲇⲉ ⲉⲃⲟⲗ ϩⲛϩⲁϩ ⲡⲉⲧϯⲥⲟ ⲉⲟⲩϭⲱⲃ ·
…
17 ⲧⲁⲓ ⲧⲉ ⲧϩⲉ ⲛⲁⲓⲁⲧϥ ⲙⲡⲉⲧⲉⲟⲩⲛϭⲟⲙ ⲙⲙⲟϥ ⲉⲣⲡⲉⲧϩⲟⲟⲩ ⲙⲡⲉⲧϩⲓⲧⲟⲩⲱϥ ⲛϥⲧⲙⲉⲓⲣⲉ ·
…
18 ⲁⲧⲙⲛⲧⲟⲩⲁϩⲓϩⲏⲧ ⲅⲁⲣ ϭⲙϭⲟⲙ ⲉϫⲛⲛⲉⲧⲟⲩⲏϩ ⲧⲏⲣⲟⲩ ϩⲛⲧⲟⲓⲕⲟⲩⲙⲉⲛⲏ ϫⲓⲛⲛⲉⲧⲟ ⲛⲁⲧⲥⲟⲟⲩⲛ ⲙⲡⲛⲟⲩⲧⲉ · ϣⲁϩⲣⲁⲓ ⲉⲛⲉⲧϫⲱ ⲙⲙⲟⲥ ϫⲉⲧⲉⲛⲉⲣϩⲟⲩⲉⲥⲟⲟⲩⲛ ⲙⲙⲟϥ ·
…
19 ⲁⲩⲱ ϣⲁϩⲣⲁⲓ ⲛⲕⲉϩⲏⲕⲉ · ⲁⲩⲱ ⲛⲉϩⲓⲟⲙⲉ ⲥⲉⲉⲓⲣⲉ ⲙⲡⲁⲓ · ϣⲁϩⲣⲁⲓ ⲛⲕⲉϣⲏⲣⲉ ⲙⲡⲟⲛⲏⲣⲟⲥ · ⲥⲉⲑⲙⲕⲟ ⲙⲡⲉⲩⲉⲓⲱⲧ ⲛⲧⲁϥϫⲡⲟⲟⲩ ·
…
20 ⲁⲩⲱ ⲧⲙⲁⲁⲩ ⲛⲧⲁⲥⲥⲁⲛⲟⲩϣⲟⲩ · ⲁⲩⲱ ⲛϣⲁϩⲣⲁⲓⲉⲩⲥⲟⲛ · ⲙⲛⲟⲩⲥⲟⲛ ·
…
21 ⲁⲩⲱ ϣⲁϩⲣⲁⲓ ⲉⲟⲩⲥⲟⲛ ⲙⲛⲧⲉϥⲥⲱⲛⲉ ·
…
22 ⲁⲩⲱ ϣⲁϩⲣⲁⲓ ⲛϣⲙⲙⲟ ⲙⲛⲛⲣⲙⲛϭⲟⲓⲗⲉ · ⲛⲉⲓⲕⲟⲟⲩⲉ ⲟⲛ ⲥⲉⲫⲑⲟⲛⲉⲓ ⲉⲛⲉⲩⲉⲣⲏⲩ ·
…
23 ⲛⲁϣⲱⲟⲩ ⲛϭⲓⲛⲉⲧⲣⲛⲟⲃⲉ ·
…
24 ⲛⲁϣⲱⲟⲩ ⲟⲛ ⲛϭⲓⲛⲉⲧⲕⲏϩ ⲉⲣⲟⲟⲩ · ⲉⲩϫⲓⲥⲃⲱ ⲉⲣⲟⲟⲩ ⲁⲩⲱ ⲉⲣϩⲟⲩⲟ ⲉⲛⲉⲩⲉⲣⲏⲩ ϩⲙⲡϫⲓ ⲛϭⲟⲛⲥ ·
…
25 ⲟⲩ ⲡⲉ ⲛϣⲁϥⲁⲁϥ ⲛϭⲓⲡϭⲉⲣⲏϭ · ϣⲁϥⲥⲡⲟⲩⲇⲁⲍⲉ ⲉⲩⲍⲱⲟⲛ · ⲏ ϩⲉⲛⲍⲱⲟⲛ · ⲛϥⲕⲁⲁϥ ϩⲙⲡⲕⲱⲧⲉ ⲛⲛⲉϥⲁⲗⲟⲟⲩⲉ · ⲙⲛⲛⲉϥϩⲛⲁⲁⲩ ⲛϭⲱⲣϭ ϣⲁⲛⲧⲉϩⲁϩ ϫⲱⲗϫ · ⲁⲩⲱ ϣⲁⲛⲧⲉϩⲁϩ ⲉⲓ · ⲁⲩⲱ ϣⲁⲛⲧⲟⲩϣⲱⲡⲉ ⲛϩⲓⲉⲓⲧ ⲛⲛⲉⲩⲉⲣⲏⲩ ϩⲙⲡⲡⲁϣϥ ·
…
26 ⲉϣⲁⲣⲉⲡⲣⲱⲙⲉ ⲛⲁⲩ ⲁⲛ ⲉⲡⲇⲁⲓⲙⲱⲛ ⲉϥⲉⲓⲣⲉ ⲙⲡⲛⲟⲃⲉ ⲛϥⲁⲁϥ ϩⲱⲱϥ · ⲁⲗⲗⲁ ⲟⲩⲣⲱⲙⲉ ⲡⲉ ⲉϥⲛⲁⲩ ⲉⲩⲣⲱⲙⲉ ⲉϥⲉⲓⲣⲉ ⲛⲧⲙⲛⲧⲁⲥⲉⲃⲏⲥ ⲛⲉϥⲁⲁⲥ ϩⲱⲱϥ · ⲟⲩ ⲟⲩ
…
27 ⲟⲩ ⲟⲛ ⲡⲉϣⲁϥⲁⲁϥ ⲛϭⲓⲡⲟⲩⲱϩⲉ · ϣⲁϥⲕⲱⲧ ⲉⲛⲥⲁϩⲉⲛⲍⲱⲟⲛ ⲛⲉⲗⲁⲭⲓⲥⲧⲟⲛ ⲉⲩⲟⲛϥⲟⲧⲉ ⲛϥⲕⲁⲁⲩ ϩⲛⲧⲉϥⲟⲉⲓⲙⲉ · ϣⲁⲛⲧⲉϥϭⲉⲡϩⲉⲛⲧⲃⲧ ⲉⲩⲥⲟⲧⲡ ·
…
28 ⲛⲧⲉⲓϩⲉ ϩⲱⲱϥ ⲟⲛ ⲛϩⲟⲩⲟ · ϣⲁⲣⲉⲡⲥⲁⲧⲁⲛⲁⲥ ⲛⲁⲩ ⲛⲁϥ ⲉϩⲉⲛⲣⲱⲙⲉ ⲉⲩⲟⲛϥⲟⲧⲉ ⲉⲓⲏⲥⲟⲩⲥ · ⲛϥⲙⲟⲣⲟⲩ ϩⲉⲛⲧⲉϥⲁⲛⲟⲙⲓⲁ · ϣⲁⲛⲧⲉϥϫⲓϩⲁϩ ⲉⲙⲁⲧⲉ ⲉϩⲣⲁⲓ ⲉⲡⲡⲉⲧϩⲟⲟⲩ ·
…
29 ⲧⲁⲓ ⲧⲉ ⲧϩⲉ ⲟⲩⲟⲓ ⲛⲁⲛ ϫⲉⲁⲡⲟⲩⲁ ⲡⲟⲩⲁ ϣⲱⲡⲉ ⲛϫⲣⲟⲡ ⲉⲡⲉⲧϩⲓⲧⲟⲩⲱϥ ·
…
30 ϫⲉⲉⲛⲉⲙⲡⲉⲓⲛⲁⲩ ⲅⲁⲣ ⲉⲣⲟⲕ ⲉⲕⲧⲱⲣⲡ ⲁⲩⲱ ⲉⲕϫⲓ ⲛϭⲟⲛⲥ · ⲛⲉⲓⲛⲁⲧⲱⲣⲡ ⲁⲛ ⲡⲉ · ⲁⲩⲱ ⲛⲉⲓⲛⲁⲣϫⲓ ⲛϭⲟⲛⲥ ⲁⲛ ⲡⲉ ·
…
31 ⲁⲩⲱ ϫⲉⲉⲛⲉⲙⲡⲉⲕϫⲱⲗϫ ϩⲛⲧⲕⲁⲕⲓⲁ · ⲛⲉⲓ̈ⲛⲁϫⲱⲗϫ ⲁⲛ ⲡⲉ ·
…
32 ⲁⲩⲱ ϫⲉⲉⲛⲉⲙⲡⲉⲕϫⲱⲗϫ ϩⲛⲡⲉⲧϩⲟⲟⲩ ⲛⲓⲙ · ⲛⲉⲓⲛⲁⲁⲁⲩ ⲁⲛ ⲡⲉ ·
…
33 ⲁⲩⲱ ϫⲉⲙⲁⲗⲗⲟⲛ ⲉⲛⲉⲙⲡⲉⲕⲗϩⲏⲙ ⲉϫⲛⲛϩⲏⲕⲉ ⲛⲧϩⲉ ⲛⲛⲉⲓⲙⲟⲩⲓ · ⲛⲉⲓⲛⲁⲗϩⲏⲙ ⲁⲛ ⲡⲉ ·
…
34 ⲁⲩⲱ ⲉϣϫⲉⲟⲩⲛⲟⲩⲁ ⲉϥⲟⲩⲟϫ · ⲓⲏⲥⲟⲩⲥ ⲡⲉⲛⲧⲁϥⲃⲟⲏⲑⲉⲓ ⲉⲣⲟϥ ⲁϥⲛⲁϩⲙⲉϥ ·
…
35 ⲡⲣⲱⲙⲉ ⲉⲧⲧⲁϩⲉ · ⲛⲁⲉⲥⲑⲁⲛⲉ ⲁⲛ ⲉⲡⲉⲧⲧⲁϩⲉ · ϩⲉⲛⲡⲉⲧϩⲟⲟⲩ ⲅⲁⲣ ⲉⲛⲁϣⲱⲟⲩ ⲥⲉϣⲟⲟⲡ ϩⲁⲣⲟⲥ ⲛⲧⲡⲉ · ⲛⲁϩⲣⲛⲛⲉⲛⲧⲁⲩⲛⲉϩⲡⲉⲩⲏⲣⲡ · ⲏ ⲛⲉⲧⲙⲡⲟⲩϯϩⲉⲣϣ ϩⲙⲡⲏⲣⲡ ⲉⲧⲙⲙⲁⲩ · ⲡⲁⲓ ⲉⲧⲉϥϣⲁϫⲉ ⲉⲣⲟϥ · ϫⲉⲉϥⲧⲁϩⲉ ϩⲛⲟⲩⲏⲣⲡ ⲛⲣⲉϥⲣⲛⲟⲃⲉ · ⲁⲩⲱ ϫⲉⲛⲉⲧⲧⲁϩⲉ ⲁϫⲛⲏⲣⲡ ·
…
36 ⲉⲣⲉⲛϣⲁϫⲉ ⲅⲁⲣ ⲛϯⲥⲙⲏ ⲱϣ ⲉⲃⲟⲗ ⲁⲛ ⲉⲡⲁⲏⲣ · ϫⲉⲉⲕϣⲁⲛⲛⲁⲩ ⲉⲩⲙⲛⲧⲗⲁ ⲉⲩⲉⲓⲣⲉ ⲙⲙⲟⲥ ⲉⲛⲟⲩϩⲏⲕⲉ ϩⲓⲟⲩⲭⲱⲣⲁ · ⲁⲩⲱ ⲟⲩⲕⲣⲓⲙⲁ ⲉⲩϩⲁⲣⲡⲁⲍⲉ ⲙⲙⲟϥ · ⲙⲛⲟⲩⲇⲓⲕⲁⲓⲟⲥⲩⲛⲏ ·
…
37 ⲙⲡⲣⲣϣⲡⲏⲣⲉ ⲉϩⲣⲁⲓ ⲉϫⲙⲡϩⲱⲃ ·
…
38 ⲁⲩⲱ ϫⲉⲉⲓⲥⲧⲣⲙⲉⲓⲏ ⲛⲛⲉⲧⲟⲩϩⲓⲗⲁ ⲉⲣⲟⲟⲩ ·
…
39 ⲛϥϣⲟⲟⲡ ⲁⲛ ⲛϭⲓⲡⲉⲧⲛⲁⲥⲗⲥⲱⲗⲟⲩ ⲛⲧⲟⲟⲧⲟⲩ ⲛⲛⲉⲧⲛⲁϩⲓⲗⲁ ⲉⲣⲟϥ ϩⲛⲟⲩϭⲟⲙ ⲛϭⲓⲡⲉⲧⲛⲁⲥⲗⲥⲱⲗⲟⲩ ·
…
40 ⲡⲉϫⲁϥ ⲟⲛ ϩⲙⲡⲉⲓϫⲱⲱⲙⲉ ⲉⲛⲟⲩⲱⲧ ·
…
41 ϫⲉⲁⲡϩⲏⲧ ⲉⲛⲉⲛϣⲏⲣⲉ ⲛⲛⲣⲱⲙⲉ ⲧⲱⲧ ⲉⲣⲟⲟⲩ ⲉⲧⲣⲉⲩⲉⲓⲣⲉ ϩⲣⲁⲓ ⲛϩⲏⲧⲟⲩ ⲛⲙⲡⲟⲛⲏⲣⲟⲛ ·
…
42 ⲁⲩⲱ ⲟⲛ ϫⲉⲁⲡϩⲏⲧ ⲛⲛϣⲏⲣⲉ ⲛⲛⲣⲱⲙⲉ ⲙⲟⲩϩ ⲙⲡⲟⲛⲏⲣⲟⲛ ·
…
43 ⲡⲉⲛⲧⲁϥⲉⲓⲣⲉ ⲙⲡⲛⲟⲃⲉ · ⲁϥⲉⲓⲣⲉ ⲟⲛ ⲙⲡⲡⲟⲛⲏⲣⲟⲛ ·
…
44 ⲁⲡⲉⲓϣⲉⲉⲓ ⲅⲁⲣ ⲙⲡⲟⲛⲏⲣⲟⲛ ⲉⲧϣⲟⲟⲡ ϩⲙⲡⲉⲛϩⲏⲧ ⲧⲣⲉⲛⲣⲁⲧⲥⲟⲟⲩⲛ ϫⲉⲁⲛⲟⲛ ⲙⲙⲉⲗⲟⲥ ⲛⲛⲉⲛⲉⲣⲏⲩ · ⲁⲩⲱ ⲁⲛⲟⲛⲡⲅⲉⲛⲟⲥ ⲙⲡⲛⲟⲩⲧⲉ · ⲛⲧⲛϣⲓⲡⲉ ⲁⲛ ⲉⲛϫⲓ ⲛⲛⲉⲛⲉⲣⲏⲩ ⲛϭⲟⲛⲥ ·
…
45 ⲟⲩⲇⲉ ⲛⲧⲛⲣϩⲟⲧⲉ ⲁⲛ ϩⲏⲧⲟⲩ ⲛⲛϣⲁϫⲉ ⲛⲛⲉⲡⲣⲟⲫⲏⲧⲏⲥ ⲉⲧⲙⲓϣⲉ ⲛⲙⲙⲁⲛ ·
…
46 ϫⲉⲙⲏ ⲟⲩⲛⲟⲩⲧⲉ ⲁⲛ ⲛⲟⲩⲱⲧ ⲡⲉⲛⲧⲁϥⲥⲙⲛⲧⲏⲩⲧⲛ ·
…
47 ⲙⲏ ⲟⲩⲉⲓⲱⲧ ⲁⲛ ⲉⲛⲟⲩⲱⲧ ⲡⲉⲧϩⲓϫⲱⲛ ⲧⲏⲣⲛ · ⲉⲧⲃⲉⲟⲩ
…
48 ⲡⲟⲩⲁ ⲡⲟⲩⲁ ⲕⲱ ⲛⲥⲱϥ ⲙⲡⲉϥⲥⲟⲛ ⲉϫⲱϩⲙ ⲛⲧⲇⲓⲁⲑⲏⲕⲏ ⲛⲛⲉⲧⲛⲉⲓⲟⲧⲉ · ⲁⲩⲱ ϫⲉⲉⲣⲉⲡϫⲟⲉⲓⲥ ϥⲱⲧⲉ ⲉⲃⲟⲗ ⲙⲡⲣⲱⲙⲉ ⲉⲧⲉⲓⲣⲉ ⲛⲛⲁⲓ ·
…
49 ⲉⲓϣⲁⲛϫⲟⲟⲥ ⲅⲁⲣ ϫⲉⲉⲣⲉⲡϫⲟⲉⲓⲥⲇⲓⲁⲃⲟⲗⲟⲥ ⲙⲉⲉⲩⲉ ⲉⲟⲩⲡⲟⲛⲏⲣⲟⲛ ⲛϩⲟⲩⲟ ⲛⲣⲱⲙⲉ ⲉⲧⲃⲟⲗ ⲛⲥⲱⲟⲩ · ϩⲱⲥⲧⲉ ⲉⲧⲣⲉⲕⲣⲙⲟⲓϩⲉ ϫⲉⲉⲣⲉⲛⲉⲓⲣⲱⲙⲉ ⲙⲉⲉⲩⲉ ⲉⲛⲉⲓⲁⲛⲟⲙⲓⲁ ⲉⲃⲟⲗ ⲧⲱⲛ ·
…
50 ⲛⲧⲟϥ ⲣⲱ ⲡⲉⲧⲥⲩⲙⲃⲟⲩⲗⲉⲩⲉ ⲛⲁⲩ · ⲁⲩⲱ ⲉⲧϭⲱⲗⲡ ⲙⲙⲟⲟⲩ ⲉⲣⲟⲟⲩ ⲛⲧϩⲉ ⲛⲟⲩⲛⲟϭ ϩⲉⲛⲛⲟϭ ⲙⲙⲩⲥⲧⲏⲣⲓⲟⲛ · ⲙⲙⲟⲛ ⲛϥⲛⲁⲉⲛⲉⲣⲅⲉⲓ ⲉⲃⲟⲗ ⲧⲱⲛ · ⲏ ϩⲉⲛⲟⲩ · ⲏ ⲛⲥⲁⲛⲁⲓ · ⲛⲥⲁϩⲏⲧ ⲙⲙⲁⲓⲡⲉⲧϩⲟⲟⲩ ·
…
51 ⲉⲡⲁⲓⲇⲏ ⲟⲩⲁⲧϭⲟⲙ ⲡⲉ ⲉⲧⲣⲉϥⲉⲛⲉⲣⲅⲉⲓ ϩⲛⲛⲧⲟⲟⲩ · ⲏ ⲡⲕⲁϩ · ⲏ ϭⲉⲗⲁⲁⲩ ·
…
52 ⲟⲩ ⲡⲉ ⲉⲧⲥⲏϩ ϩⲛⲛⲉⲯⲁⲗⲙⲟⲥ · ⲉⲧⲃⲉⲛⲣⲱⲙⲉ ⲉⲧⲉⲛⲥⲉⲟⲩⲱϣ ⲁⲛ ⲉⲣⲛⲉⲧⲥⲟⲩⲧⲱⲛ · ⲛⲥⲉⲟⲩⲱϣ ⲁⲛ ⲟⲛ ⲉⲡⲟⲣϫⲟⲩ ⲉⲃⲟⲗ ⲉⲧⲃⲉⲛⲉⲩϫⲓ ⲛϭⲟⲛⲥ ·
…
53 ⲥⲉⲟⲩⲉϣⲛⲧⲟⲡⲟⲥ ⲙⲡⲛⲟⲩⲧⲉ ⲉⲉⲓ ⲉϩⲟⲩⲛ ⲉⲣⲟⲟⲩ · ⲛⲥⲉⲟⲩⲉϣⲛⲉϥϣⲁϫⲉ ⲁⲛ ⲉⲁⲁⲩ · ⲡⲉϫⲁⲩ ϫⲉⲥⲉⲛⲁⲕⲧⲟⲟⲩ ⲉⲣⲟⲩϩⲉ ⲛⲥⲉϩⲕⲟ ⲛⲧϩⲉ ⲛⲛⲉⲩϩⲟⲟⲣ · ⲛⲥⲉⲕⲱⲧⲉ ⲉⲧⲡⲟⲗⲓⲥ · ⲉϣⲱⲡⲉⲉⲩⲧⲙⲥⲉⲓ ⲥⲉⲛⲁⲕⲣⲙⲣⲙ ·
…
54 ⲥⲱⲧⲙ ϫⲉⲣⲟⲩϩⲉ · ⲉⲧⲉⲡⲁⲓ ⲡⲉ ϫⲉⲥⲉⲛⲁⲕⲟⲧⲟⲩ ϩⲙⲡⲉⲩⲙⲉⲉⲩⲉ ⲛⲕⲁⲕⲉ · ⲛⲥⲉⲕⲱⲧⲉ ⲛⲥⲩⲛⲁⲅⲱⲅⲏ ⲙⲡⲉⲭⲣⲓⲥⲧⲟⲥ · ⲉϣⲱⲡⲉ ⲇⲉ ⲉⲩϣⲁⲛⲧⲙϫⲓⲧⲟⲩ ⲉϩⲟⲩⲛ ⲥⲉⲛⲁϫⲱ ⲛⲛⲉⲓϣⲁϫⲉ ⲉⲩⲕⲣⲙⲣⲙ ⲉⲩϫⲱⲙⲙⲟⲥ · ϫⲉⲙⲁⲣⲉϥⲉⲓⲛⲉ ⲛⲁⲛ ⲛⲛⲉⲅⲣⲁⲫⲏ · ϫⲉⲟⲩⲙⲟⲛⲟⲛ ϫⲉⲛϥϫⲓ ⲙⲙⲟⲛ ⲁⲛ · ⲁⲗⲗⲁ ⲛϥϫⲓ ⲁⲛ ⲟⲛ ⲛⲛⲉⲛⲕⲉϩⲓⲟⲙⲉ ⲙⲛⲛⲉⲛⲕⲉϣⲏⲣⲉ ⲉⲩⲑⲁⲣⲉⲓ ϩⲙⲡⲉⲩⲥⲟⲟⲩⲛ ⲛⲛⲟⲩϫ · ϫⲉⲥⲉⲛⲁϫⲣⲟ ϩⲛⲛⲉⲓϣⲁϫⲉ · ϫⲉⲡϣⲏⲣⲉ ⲛⲁ ϫⲓ ⲁⲛ ⲙⲡϫⲓ ⲛϭⲟⲛⲥ ⲙⲡⲉϥⲉⲓⲱⲧ ·
…
55 ⲁⲩⲱ ϫⲉⲕⲱ ⲉⲃⲟⲗ ϣⲁⲥⲁϣϥ ⲛϣⲃⲉ ⲛⲥⲟⲡ ·
…
56 ϩⲱⲥ ⲉϣϫⲉⲙⲛⲣⲱⲙⲉ ⲥⲟⲟⲩⲛ ⲛⲥⲁⲃⲗⲗⲁⲩ ϫⲉⲉⲣⲉⲡⲟⲩⲁ ⲡⲟⲩⲁ ⲛⲁⲙⲟⲩ ϩⲁⲡⲉϥⲛⲟⲃⲉ ·
…
57 ⲧⲱ ⲉⲧⲱ ⲙⲡⲥⲟⲡ ⲉϣⲁϫⲉ ⲉⲧⲃⲉⲛⲁⲓ ⲙⲛⲡⲥⲟⲡ ⲛⲛⲉⲧⲉⲧⲛϫⲱ ⲙⲙⲟⲟⲩ ⲧⲉⲛⲟⲩ ·
…
58 ⲙⲁⲣⲟⲩ ϫⲟⲟⲥ ⲛϭⲓⲛⲉⲧⲙⲟⲕⲙⲉⲕ ⲛⲧⲉⲓϩⲉ ϫⲉⲛⲧⲱⲣⲡ ⲉⲛⲉⲛϩⲏⲕⲉ ⲉⲧϩⲛⲛⲉⲩⲏⲓ · ⲛⲥⲉⲉⲩⲫⲣⲁⲛⲉ ⲁⲛ ⲛϩⲏⲧⲟⲩ ⲙⲛⲛⲉⲩϩⲓⲟⲙⲉ ⲙⲛⲛⲉⲩϣⲏⲣⲉ · ⲏ ⲛⲉⲧⲟⲩϫⲓ ⲙⲙⲟⲟⲩ ⲛϭⲟⲛⲥ ⲙⲉⲩⲗⲩⲡⲉⲓ ⲙⲙⲟⲟⲩ ⲙⲛⲛⲉⲩϩⲓⲟⲙⲉ ⲙⲛⲛⲉⲩϣⲏⲣⲉ ·
…
59 ⲁⲩⲱ ⲉⲧⲃⲉⲟⲩ ⲛϣϣⲉ ⲁⲛ ⲉⲧⲣⲉⲧⲉⲧⲛⲗⲩⲡⲉⲓ ⲛⲧⲱⲧⲛ ⲙⲛⲛⲉⲧⲕⲟⲓⲛⲱⲛⲉⲓ ⲛⲙⲙⲏⲧⲛ ϩⲛⲛⲉⲧⲉⲙⲡⲟⲛⲏⲣⲟⲛ ·
…
60 ⲉⲓϣⲁⲛⲧⲙⲧⲁⲙⲱⲧⲛ ⲉⲃⲟⲗ ϩⲛⲛⲉⲅⲣⲁⲫⲏ · ⲧⲁϥⲓ ⲙⲙⲁⲩ ⲛⲛⲉⲧⲛϣⲁϫⲉ ⲛⲟⲩⲥⲟⲡ ⲛⲟⲩⲱⲧ · ⲉⲧⲣⲉⲧⲉⲧⲛⲉⲓⲙⲉ ϫⲉⲉϣϣⲉ ⲉⲙⲕⲁϩ ⲛϩⲏⲧⲛ ϩⲓⲟⲩⲥⲟⲡ · ⲉⲓⲉⲟⲩⲛϭⲟⲙ ⲙⲙⲱⲧⲛ ⲉⲕⲣⲓⲛⲉ ⲙⲙⲟⲓ ·
…
61 ⲛⲛⲧϩⲉ ⲛⲧⲁⲧⲉⲧⲛϫⲟⲟⲥ · ϫⲉⲡϩⲙϩⲁⲗ ⲙⲡⲥⲁϩⲟⲩⲉ ⲡⲉ · ϫⲉⲁⲓⲕⲁⲧⲏⲩⲧⲛ ϩⲓⲃⲟⲗ · ⲁⲭⲁⲣ ⲡϣⲏⲣⲉ ⲛⲥⲁⲣⲁ · ⲙⲏ ⲁϥⲧⲉⲣⲡⲟⲩϩⲛⲟ ⲛⲧⲟⲟⲧϥ ⲉⲛⲟⲩϩⲏⲕⲉ · ⲏ ⲁϥⲙⲉⲉⲩⲉⲧⲟⲩⲣⲱⲙⲉ · ⲛⲧϩⲉ ⲟⲛ ⲛⲧⲁⲧⲉⲧⲛϫⲉⲡⲁⲓ · ϫⲉⲙⲏ ⲁⲛⲙⲉⲩⲉⲧⲣⲱⲙⲉ ⲣⲱ ·
…
62 ⲙⲏ ⲟⲩⲭⲗⲁⲙⲉⲩⲥ ⲁⲛ · ⲙⲛⲟⲩⲗⲁⲥ ⲛⲛⲟⲩϥ · ⲛⲉⲛⲧⲁϥϥⲓⲧⲟⲩ ⲛϫⲓⲟⲩⲉ ⲉⲃⲟⲗ ϩⲛⲛϣⲟⲗⲥ ⲉⲛⲉⲛϫⲁϫⲉ ·
…
63 ⲏ ⲛⲧⲟϥ ⲙⲁⲩⲁⲁϥ ⲁⲛ ⲡⲉⲛⲧⲁϥⲣⲡⲡⲟⲛⲏⲣⲟⲛ ·
…
64 ⲏ ϣⲁⲣⲉⲧⲃⲛⲏ ⲣⲱ ⲣⲛⲟⲃⲉ · ⲁⲩⲱ
…