1 … … … … … … … … … ⲙⲱⲛ
…
2 ⲕⲁⲧⲁⲧϩⲉ ⲛⲧⲁⲓⲥⲱⲧⲙ ϫⲉⲁϩⲟⲓⲛⲉ ⲉⲃⲟⲗ ⲛϩⲏⲧⲛ ϫⲟⲟⲥ ϫⲉϩⲟⲗⲱⲥ ⲣⲱ ⲙⲡⲉⲙⲓⲭⲁⲏⲗ ϫⲉϩⲉⲛϣⲁϫⲉ ⲉⲩⲛⲁϣⲧ ⲉⲡⲇⲓⲁⲃⲟⲗⲟⲥ · ⲁⲗⲗⲁ ⲛⲧⲁϥϫⲟⲟⲥ ϫⲉⲉⲣⲉⲡϫⲟⲉⲓⲥ ⲉⲡⲉⲧⲓⲙⲁ ⲛⲁⲕ ⲧⲁⲓ ⲧⲉ ⲧϩⲉ ⲡⲉϫⲁⲩ ⲉⲧⲉⲛϣϣⲉ ⲁⲛ · ⲉⲥϩⲟⲩⲣ · ⲛⲣⲱⲙⲉ · ⲉⲧⲟⲩⲱⲧⲛ ⲉⲃⲟⲗ ⲛⲕⲣⲟⲛⲟⲥ
…
3 ⲁⲗⲗⲁ ⲡⲁⲓ ⲁⲛ ⲡⲉ ⲡϣⲁϫⲉ ⲙⲙⲉⲉⲩⲉ ⲉⲣⲟϥ · ϫⲉⲁⲡⲛⲟϭ ⲛⲁⲣⲭⲁⲅⲅⲉⲗⲟⲥ ⲉⲧⲙⲙⲁⲩ ϯⲥⲟ ⲉⲡⲇⲓⲁⲃⲟⲗⲟⲥ ⲉⲧⲙⲥϩⲟⲩⲱⲣϥ
…
4 ⲡⲉⲓϣⲁϫⲉ ⲅⲁⲣ ϫⲉⲉⲣⲉⲡϫⲟⲉⲓⲥ ⲉⲡⲉⲧⲓⲙⲁ ⲛⲁⲕ ϥⲣϩⲟⲩⲟⲥⲩⲙⲁⲛⲉ ⲙⲡⲥⲁϩⲟⲩ ⲉⲧⲛⲏⲩ ⲉϫⲱϥ ·
…
5 ϯⲛⲁϯⲥⲟ · ⲁⲛ · ⲉϫⲟⲟⲥ · ϫⲉⲥⲉⲥϩⲟⲩⲟⲣⲧ ⲛϭⲓⲛⲉϥϣⲏⲣⲉ ⲛϩⲉⲗⲗⲏⲛ ·
…
6 ⲁⲩⲱ ϥⲥϩⲟⲩⲟⲣⲧ ⲛⲙⲙⲁⲩ ·
…
7 ⲥⲉⲥϩⲟⲩⲟⲣⲧ ⲛⲙⲙⲁϥ ·
…
8 ⲏ ⲛⲧⲉⲧⲛ ⲛⲁⲩ ⲁⲛ ϫⲉⲡⲁⲓ ⲁⲛ ⲡⲉ ·
…
9 ⲁϩⲣⲟϥ ϩⲱⲱϥ ⲥⲁϩⲟⲩ ⲙⲛϩⲁⲡ · ⲛⲟⲩⲁ ·
…
10 ⲧⲱ ⲉⲧⲱ · ⲙⲡⲉⲛⲧⲁⲧⲉⲅⲣⲁⲫⲏ ϫⲟⲟϥ ϩⲟⲗⲱⲥ ⲣⲱ ⲉⲩⲁⲕⲁⲛⲁⲕⲧⲉⲓ ⲉⲛⲣⲱⲙⲉ ⲛⲁⲧⲥⲟⲟⲩⲛ ⲁⲩⲱ ⲛⲁⲧⲕⲁⲣⲡⲟⲥ · ⲁⲩⲱ ⲛⲁⲕⲁⲑⲁⲣⲧⲟⲥ ϫⲉⲥⲉϫⲱ ⲛⲛⲉⲧⲉⲛⲥⲉⲛⲟⲉⲓ ⲙⲙⲟⲟⲩ ⲁⲛ · ⲛⲧϩⲉ ⲛⲛⲉⲓⲕⲟⲟⲩⲉ ⲧⲉⲛⲟⲩ · ⲉⲧⲥϩⲟⲩⲟⲣⲧ ⲉⲧⲉⲓⲛⲉ ⲙⲙⲟⲟⲩ ⲉⲧϫⲓⲟⲩⲁ · ⲉⲙⲙⲛⲧⲛⲟϭ ⲙⲡⲛⲟⲩⲧⲉ ϫⲉⲛⲥⲉⲥⲟⲟⲩⲛ ⲁⲛ · ⲙⲙⲟϥ ⲟⲩⲇⲉ ⲛⲉϥϩⲃⲏⲩⲉ
…
11 ⲥⲱⲧⲙ ⲧⲉⲛⲟⲩ ϫⲉⲕⲁⲥ ⲉⲛⲛⲁⲉⲓⲙⲉ ϫⲉⲧⲛⲡⲱⲱⲛⲉ ⲛⲛϣⲁϫⲉ ⲛⲧⲁⲛⲉⲧⲟⲩⲁⲁⲃ ⲥϩⲁⲓⲥⲟⲩ · ⲉⲛⲉⲓⲛⲉ ⲙⲙⲟⲟⲩ ⲉϫⲛⲡⲉⲛⲟⲩⲱϣ ⲙⲙⲓⲛⲙⲙⲟⲛ · ϫⲉⲛⲧⲛⲟⲩⲉϣⲡϣⲁϫⲉ ⲁⲛ ⲉⲧⲟⲩⲟϫ
…
12 ⲁⲩⲱ ϫⲉⲕⲁⲥ ⲉⲛⲛⲁⲉⲓⲙⲉ ϫⲉⲉⲩϣⲁϫⲉ ⲉⲛⲣⲱⲙⲉ ⲛⲧⲁⲩⲧⲛⲧⲱⲛⲟⲩ ⲉϩⲉⲛⲕⲗⲟⲟⲗⲉ ⲉⲩϣⲟⲩⲉⲓⲧ · ⲉⲣⲉⲟⲩⲧⲏⲩ · ϩⲓⲟⲩⲉ ⲛⲥⲱⲟⲩ ⲁⲩⲱ ⲉϩⲉⲛϣⲏⲛ ⲉⲩϣⲟⲩⲱⲟⲩ ⲛⲁⲧⲕⲁⲣⲡⲟⲥ · ⲉⲁⲩⲙⲟⲩ ⲛⲕⲉⲥⲟⲡ ϩⲛⲛⲉⲩⲛⲟⲩⲛⲉ · ⲁⲩⲱ ⲛϩⲟⲉⲓⲙ · ⲉⲧⲛⲁϣⲧ ⲛⲧⲉⲑⲁⲗⲁⲥⲥⲁ ⲉⲩⲧⲁⲩⲟ ⲉⲃⲟⲗ ⲛⲛⲉⲩϣⲓⲡⲉ ⲁⲩⲱ ⲛⲥⲓⲟⲩ · ⲛⲧⲁⲩⲥⲱⲣⲙ · ⲛⲁⲓ ⲛⲧⲁⲩⲥⲟⲃⲧⲉ ⲛⲁⲩ ϣⲁⲉⲛⲉϩ ⲙⲡⲕⲁⲕⲉ ⲉⲧϩⲧⲙⲧⲱⲙ · ϫⲉⲥⲉⲧⲟⲗⲙⲁ … … …
…
13 … … … … … … ⲡϫⲟⲉⲓⲥ ⲡⲛⲟⲩⲧⲉ ⲁⲁⲩ ⲁⲩⲱ ⲛⲉⲛⲧⲁⲛⲉϥⲡⲉⲧⲟⲩⲁⲁⲃ ⲁⲁⲩ ϩⲙⲡⲉϥⲣⲁⲛ
…
14 ⲡⲉϫⲁⲩ ϭⲉ ⲧⲉⲛⲟⲩ ⲉⲧⲃⲏⲏⲧⲟⲩ · ϫⲉϩⲟⲙⲟⲓⲱⲥ · ⲛⲉⲓⲕⲟⲟⲩⲉ ⲉⲩⲡⲉⲣⲉⲣⲁⲥⲟⲩ ⲛⲥⲁⲣⲝ ⲙⲉⲛ ⲥⲉϫⲱϩⲙ ⲙⲙⲟⲟⲩ · ⲙⲙⲛⲧϫⲟⲉⲓⲥ ⲥⲉⲁⲑⲉⲧⲉⲓ ⲙⲙⲟⲟⲩ ⲛⲉⲟⲟⲩ ⲇⲉ ⲥⲉϫⲓⲟⲩⲁ ⲉⲣⲟⲟⲩ ·
…
15 ⲉⲩϫⲡⲓⲟ ⲙⲡⲉⲥⲡⲉⲣⲙⲁ ⲛⲛⲁⲥⲉⲃⲏⲥ ⲛⲟⲩⲟⲉⲓϣ ⲛⲓⲙ · ϣⲁϩⲣⲁⲓ ⲉⲛⲁⲓ ⲧⲉⲛⲟⲩ · ⲉⲧⲥϩⲟⲩⲟⲣⲧ ϫⲉⲥⲉϫⲓⲟⲩⲁ ⲉⲛⲉⲧⲉⲛⲥⲉⲥⲟⲟⲩⲛ ⲙⲙⲟⲟⲩ ⲁⲛ ·
…
16 ⲛⲉⲧⲟⲩⲥⲟⲟⲩⲛ
…