1 ⲇⲁⲓⲙⲟⲛⲓⲟⲛ · ⲁⲩⲱ ⲉⲧⲙⲉϩ ⲛϫⲱⲱⲙⲉ ⲛⲁⲡⲁⲧⲁ · ϩⲓϩⲱⲃ ⲛⲓⲙ ⲛⲕⲣⲟϥ ⲥⲉⲧⲁⲕⲟ ϩⲣⲁⲓ ⲛϩⲏⲧⲟⲩ ·
—
2 ⲁⲗⲗⲁ ϯⲕⲧⲟⲓ ⲟⲛ ⲛⲧⲁϫⲟⲟⲥ ϫⲉⲡⲥⲁⲧⲁⲛⲁⲥ ⲁⲛ ⲙⲁⲩⲁⲁϥ · ⲡⲉⲧⲉⲣⲉⲡⲛⲟϭ ⲛⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ⲉⲓⲛⲉ ⲛⲟⲩϩⲁⲡ ⲛⲟⲩⲁ ⲉϩⲣⲁⲓ ⲉϫⲱϥ · ⲁⲗⲗⲁ ⲛⲉⲛⲧⲁⲩϩⲉ ⲟⲛ ⲉⲃⲟⲗ ϩⲓⲧⲟⲟⲧϥ ϩⲛⲧⲉϩⲓⲏ ⲉⲧⲥⲟⲩⲧⲱⲛ ·
…
3 ⲁⲩϫⲟⲟⲥ ⲟⲛ ϫⲉⲙⲡⲟⲩⲉⲓⲛⲉ ⲛⲟⲩϩⲁⲡ ⲛⲟⲩⲁ ⲉϩⲣⲁⲓ ⲉϫⲱⲟⲩ · ⲛϭⲓⲛⲁⲅⲅⲉⲗⲟⲥ · ⲛⲧϩⲉ ⲟⲛ ⲛⲧⲁⲩⲥϩⲁⲓ ⲉⲧⲃⲉⲛⲣⲱⲙⲉ ⲛⲧⲁⲩⲣⲓⲕⲉ ⲉⲃⲟⲗ ⲁⲩⲣⲁⲧϣⲁⲩ · ⲁⲩⲱ ⲁⲩⲃⲱⲕ ⲉⲡⲁϩⲟⲩ ⲛⲟⲩⲥⲁⲣⲝ ϫⲉⲁⲩⲕⲁⲧⲁⲫⲣⲟⲛⲉⲓ ⲛⲧⲙⲛⲧϫⲟⲉⲓⲥ · ⲉϩⲉⲛⲣⲉϥⲧⲟⲗⲟⲙⲁ ⲛⲉ ⲛⲧⲙⲛⲧⲁⲩⲑⲁⲇⲏⲥ ·
…
4 ⲛⲥⲉⲧⲱⲧ ⲁⲛ ϩⲏⲧϥ ⲙⲡⲉⲟⲟⲩ · ⲉⲩϫⲓⲟⲩⲁ ⲉⲡⲙⲁ ⲉⲧⲉⲣⲉⲛⲁⲅⲅⲉⲗⲟⲥ ⲟ ⲛⲛⲟϭ ⲛϩⲏⲧϥ · ϩⲛⲟⲩϭⲟⲙ ⲙⲛⲟⲩⲙⲛⲧϫⲱⲱⲣⲉ ⲉⲙⲉⲩⲉⲓⲛⲉ ⲛⲟⲩϩⲁⲡ ⲛⲟⲩⲁ ⲉϩⲣⲁⲓ ⲉϫⲱⲟⲩ ·
…
5 ⲛⲁⲓ ⲇⲉ ⲁⲩϫⲡⲟⲟⲩ ⲛⲧϩⲉ ⲛⲛⲉⲓⲫⲩⲥⲓⲕⲟⲛ ⲛⲧⲃⲛⲏ ⲉϩⲣⲁⲓ ⲉⲩⲱϫⲛ ⲙⲛⲟⲩⲧⲁⲕⲟ · ⲉⲩϫⲓⲟⲩⲁ ⲉⲛⲉⲧⲛⲥⲉⲥⲟⲟⲩⲛ ⲙⲙⲟⲟⲩ ⲁⲛ ·
…
6 ⲥⲉⲛⲁⲧⲁⲕⲟ ⲉϩⲣⲁⲓ ϩⲙⲡⲉⲩⲧⲁⲕⲟ ⲉϩⲣⲁⲓ ⲉⲩⲱϫⲛ · ⲉⲁⲩϫⲓ ⲛⲟⲩⲃⲉⲕⲉ ⲛϫⲓⲛϭⲟⲛⲥ ⲉⲩⲱⲡ ⲛⲧⲉⲩⲧⲣⲩⲫⲏ ⲉⲧϩⲙⲡⲉϩⲟⲟⲩ ⲉⲩϩⲏⲇⲟⲛⲏ · ⲉⲩⲧⲟⲗⲙⲁ · ⲁⲩⲱ ⲉⲩϫⲁϩⲙ · ⲉⲩⲧⲣⲩⲫⲁ · ⲉⲩⲟⲩⲛⲟϥ ϩⲣⲁⲓ ⲛⲛⲉⲩⲁⲡⲁⲧⲏ · ⲉⲣⲉⲛⲉⲩⲃⲁⲗ ⲙⲉϩ ⲙⲙⲛⲧⲛⲟⲉⲓⲕ ·
…
7 ⲁⲩⲱ ⲛⲥⲉⲕⲱ ⲛⲧⲟⲟⲧⲟⲩ ⲉⲃⲟⲗ ⲁⲛ ϩⲙⲡⲛⲟⲃⲉ · ⲉⲩⲁⲡⲁⲧⲁ ⲛⲛⲉⲧⲛⲥⲉⲧⲁϫⲣⲏⲩ ⲁⲛ · ⲉⲁⲩⲅⲩⲙⲛⲁⲍⲉ ⲙⲙⲟⲟⲩ · ⲏ ⲙⲡⲉⲩϩⲏⲧ ⲉϩⲉⲛⲙⲛⲧⲣⲉϥϫⲓⲛϭⲟⲛⲥ · ⲉϩⲉⲛϣⲏⲣⲉ ⲛⲉ ⲛⲧⲉⲡⲥⲁϩⲟⲩ ·
…
8 ⲁⲓϫⲟⲟⲥ ⲛⲕⲉⲥⲟⲡ · ϫⲉⲁⲗⲗⲟ ⲥⲁϩⲟⲩ ⲛⲛⲉⲛⲧⲁⲩⲧⲁⲕⲟ ⲉⲧⲃⲉⲛⲉⲩⲙⲛⲧⲁⲧϩⲏⲧ · ⲁⲗⲗⲟ ⲉⲓⲛⲉ ⲛⲟⲩϩⲁⲡ ⲛⲟⲩⲁ ⲉϩⲣⲁⲓ ⲉϫⲱⲟⲩ · ⲏ ϫⲓⲟⲩⲁ ·
…
9 ⲉⲧⲃⲉⲡⲁⲓ ⲉⲩϣⲁⲛϫⲟⲟⲥ ϫⲉⲙⲡⲉⲡⲁⲣⲭⲁⲅⲅⲉⲗⲟⲥ ⲙⲓⲭⲁⲏⲗ ⲉⲓⲛⲉ ⲛⲟⲩϩⲁⲡ ⲛⲟⲩⲁ ⲉϩⲣⲁⲓ ⲉϫⲱⲟⲩ · ⲁⲩⲱ ϫⲉⲙⲉⲩⲉⲓⲛⲉ ⲛϭⲓⲛⲁⲅⲅⲉⲗⲟⲥ ⲛⲟⲩϩⲁⲡ ⲛⲟⲩⲁ ⲉϩⲣⲁⲓ ⲉϫⲛⲛⲉⲓⲕⲟⲟⲩⲉ · ⲉⲩϯⲥⲟ ⲁⲛ ⲉⲡⲥⲁⲧⲁⲛⲁⲥ · ⲙⲛⲛⲉⲛⲧⲁⲩⲟⲩⲁϩⲟⲩ ⲛⲥⲱⲟⲩ ·
…
10 ⲛⲓⲙ ϩⲛⲛⲉⲧⲉⲟⲩⲛϭⲟⲙ ⲙⲙⲟⲟⲩ ⲉⲣⲱϩⲧ ⲛⲟⲩⲇⲣⲁⲕⲱⲛ ⲉⲁϥⲙⲟⲩⲟⲩⲧ ⲛⲟⲩⲙⲏⲏϣⲉ ϩⲛⲧⲉϥⲙⲁⲧⲟⲩ · ⲡⲉⲧⲛⲁϯⲥⲟ ⲉⲣⲟϥ ·
…
11 ⲁⲗⲗⲁ ⲡⲉⲛⲧⲁϥⲧⲁⲟⲩⲟϥ ⲛⲟⲉⲓ ⲙⲙⲟϥ ϩⲛⲟⲩⲥⲟⲟⲩⲧⲛ ·
…
12 ⲡⲉⲓϣⲁϫⲉ ⲇⲉ ϫⲉ · ϩⲁⲡ ⲛⲟⲩⲁ · ⲉⲧⲙⲡⲉϥⲧⲟⲗⲙⲁ ⲉⲉⲓⲛⲉ ⲙⲙⲟϥ ⲉϫⲛⲡⲇⲓⲁⲃⲟⲗⲟⲥ · ⲏ ⲉϫⲛⲛⲕⲟⲟⲩⲉ ⲉⲧⲉⲓⲣⲉ ⲛⲛⲉϥⲡⲉⲧϩⲟⲟⲩ ⲉϥⲟⲩⲱⲛϩ ⲉⲃⲟⲗ ⲛⲟⲩⲛⲟⲏⲙⲁ ⲛⲧⲉⲓⲙⲓⲛⲉ · ϫⲉⲙⲡⲉϥⲧⲟⲗⲙⲁ ⲉϫⲟⲟⲥ ϫⲉϩⲁⲙⲟⲓ ⲙⲡⲉⲡϫⲟⲉⲓⲥ ⲡⲛⲟⲩⲧⲉ ⲧⲣⲉϥϣⲱⲡⲉ ϩⲟⲗⲱⲥ ·
…
13 ⲉϣϫⲉⲛⲉⲕⲧⲏϣ ⲛⲧⲉⲓϩⲉ ⲉⲡⲱⲱⲛⲉ · ϩⲛⲧⲉⲕⲙⲛⲧⲁⲡⲟⲥⲧⲁⲇⲏⲥ ⲛⲅϣⲱⲡⲉ ⲛⲇⲓⲁⲃⲟⲗⲟⲥ · ϩⲁⲙⲟⲓ ⲇⲉ ⲟⲛ ⲙⲡⲉϥⲧⲣⲉⲛⲣⲱⲙⲉ ϣⲱⲡⲉ ⲛⲧⲁⲩⲥⲟⲧⲡⲥ ⲛⲁⲩ ⲉⲣϩⲏⲧ ⲛⲧⲃⲛⲏ · ⲛϩⲉⲗⲗⲏⲛ · ⲙⲛⲛⲃⲁⲣⲃⲁⲣⲟⲥ · ⲙⲛϩⲁⲓⲣⲉⲧⲓⲕⲟⲥ ⲛⲓⲙ ⲛⲁⲧⲛⲟⲩⲧⲉ ·
…
14 ϩⲁⲙⲟⲓ ⲉϥⲛⲁⲃⲟⲧⲕ ⲉⲃⲟⲗ ⲙⲛⲛⲉϥⲁⲅⲅⲉⲗⲟⲥ · ϩⲁⲧϩⲏ ⲙⲡⲕⲁⲓⲣⲟⲥ ⲉⲧⲥⲃⲧⲱⲧ · ⲉϥⲛⲁⲡⲱϩⲧ ⲙⲡⲉϥϭⲱⲛⲧ ⲧⲏⲣϥ ⲉϩⲣⲁⲓ ⲉϫⲱⲕ · ⲁⲩⲱ ⲛϥϫⲱⲕ ⲉⲃⲟⲗ ⲛⲧⲉϥⲟⲣⲅⲏ ⲧⲏⲣⲥ ⲉϩⲣⲁⲓ ⲉϫⲛⲛⲉⲛⲧⲁⲩⲙⲉⲣⲉⲧⲉⲕⲥⲙⲏ ⲛϣⲙⲙⲟ · ⲁⲩⲟⲩⲁϩⲟⲩ ⲛⲥⲱⲕ · ⲛϩⲟⲩⲟ ⲉⲥⲱⲧⲙ ⲉⲧⲉⲥⲙⲏ ⲙⲡⲉⲛⲧⲁϥⲉⲓ ⲉⲡⲕⲟⲥⲙⲟⲥ ⲉⲛⲁϩⲙⲟⲩ ⲓⲏⲥⲟⲩⲥ · ⲁⲩⲱ ⲉⲧⲟⲩϫⲟⲟⲩ ⲉⲃⲟⲗ ϩⲛⲛⲉⲩⲙⲛⲧⲁⲧⲛⲟⲩⲧⲉ ·
…
15 ⲉⲡⲁⲓ ⲡⲉ ⲡϩⲁⲡ ⲛⲟⲩⲁ · ⲉⲧⲉⲙⲙⲛⲗⲁⲁⲩ ϩⲟⲗⲱⲥ ϩⲛⲛϣⲏⲣⲉ ⲙⲡⲛⲟⲩⲧⲉ · ϫⲓⲛⲛⲁⲅⲅⲉⲗⲟⲥ ϣⲁⲛⲣⲱⲙⲉ ⲛⲁⲧⲟⲗⲙⲁ ⲉϫⲟⲟϥ ·
…
16 ⲉⲡⲉⲓⲇⲏ ⲡⲉⲓⲙⲟⲕⲙⲉⲕ ⲛⲧⲉⲓⲙⲓⲛⲉ · ⲡⲁϩⲉⲛⲣⲱⲙⲉ ⲛⲣⲉϥⲕⲣⲙⲣⲙ ⲛⲉ · ⲛⲣⲉϥϭⲛⲁⲣⲓⲕⲉ ⲉⲡⲛⲟⲩⲧⲉ ⲛϫⲓⲛϫⲏ · ⲡⲁⲓ ⲉⲧⲉⲛⲁⲛⲟⲩ ⲉⲛⲕⲁ ⲛⲓⲙ ⲛⲧⲁϥⲧⲁⲙⲓⲟⲟⲩ ·
…
17 ⲕⲁⲛ ⲉϣϫⲉⲁⲩⲡⲱⲱⲛⲉ ⲁⲩⲱ ⲁⲩⲑⲟϩ ⲛⲧⲉⲩⲡⲣⲟϩⲁⲓⲣⲉⲥⲓⲥ ⲙⲙⲓⲛⲙⲙⲟⲟⲩ · ⲙⲡⲟⲩⲧⲟⲗⲙⲁ ⲉⲉⲓⲛⲉ ⲉϫⲱⲟⲩ ⲛⲟⲩϩⲁⲡ ⲛⲟⲩⲁ ⲛⲧϩⲉ ⲧⲉⲛⲟⲩ ⲛⲛϩⲉⲗⲗⲏⲛ · ⲙⲛⲛϩⲁⲓⲣⲉⲧⲓⲕⲟⲥ · ⲉⲧⲧⲟⲗⲙⲁ ⲛⲧⲁⲟⲩⲟ ⲛⲛⲉⲧⲉⲙⲉϣϣⲉ ·
…
18 ⲛⲧϩⲉ ⲛⲧⲁϩⲁϩ ϫⲟⲟⲥ ⲉⲓⲥⲱⲧⲙ ϫⲉⲉⲧⲃⲉⲟⲩ ⲁⲡⲛⲟⲩⲧⲉ ⲧⲁⲙⲉⲓⲉⲡⲇⲓⲁⲃⲟⲗⲟⲥ · ⲁⲩⲱ ϫⲉⲁ
…