1 ⲧⲉ ⲉⲧϫⲱ ⲙⲙⲟⲥ ϫⲉϯⲥⲙⲟⲩ ⲉⲡⲛⲟⲩⲧⲉ · ⲉϥⲥⲁϩⲟⲩ ⲇⲉ ⲛⲛⲣⲱⲙⲉ ⲛⲁⲛⲟⲩⲟⲩ · ⲁⲩⲱ ⲙⲡⲓⲥⲧⲟⲥ · ⲉⲧⲉⲙⲛⲧⲏⲗⲁⲁⲩ ⲛⲣⲱⲙⲉ ⲉϫⲱⲉ ⲉⲣⲟⲟⲩ ·
…
2 ⲧⲁⲓ ⲧⲉ ⲧϩⲉ ⲛⲧⲁⲩϫⲟⲟⲥ ϫⲉⲛⲉϣϣⲉ ⲁⲛ ⲛⲁⲥⲛⲏⲩ ⲉⲧⲣⲉⲛⲁⲓ ϣⲱⲡⲉ ⲛⲧⲉⲓϩⲉ ·
…
3 ⲁⲩⲱ ⲉⲩϫⲱ ⲙⲙⲟⲥ ⲁⲛ ϫⲉⲛⲛⲉⲕⲥϩⲟⲩⲉⲣⲛⲉⲛⲧⲁⲩⲙⲟⲣⲟⲩ ⲙⲡⲥⲁϩⲟⲩ ⲛⲧϩⲉ ⲛⲟⲩⲙⲟϫϥϩϥ ·
…
4 ⲁⲩⲱ ⲁⲡⲥⲁϩⲟⲩ ⲃⲱⲕ ⲉϩⲟⲩⲛ ⲛϩⲏⲧⲟⲩ ⲛⲧϩⲉ ⲛⲟⲩⲙⲟⲟⲩ · ⲁⲩⲱ ⲛⲧϩⲉ ⲛⲟⲩⲛⲉϩ ϩⲛⲛⲉⲩⲕⲉⲉⲥ ·
…
5 ⲉⲩϣⲁⲛϫⲟⲟⲥ ϫⲉⲙⲓⲭⲁⲏⲗ ⲇⲉ ⲡⲁⲣⲭⲁⲅⲅⲉⲗⲟⲥ ⲉϥϣⲁϫⲉ ⲙⲛⲡⲇⲓⲁⲃⲟⲗⲟⲥ ⲉⲧⲣⲉϥϫⲓϩⲁⲡ ⲛⲙⲙⲁϥ ⲉⲧⲃⲉⲡⲥⲱⲙⲁ ⲙⲙⲱⲩⲥⲏⲥ ⲙⲡⲉϥⲧⲟⲗⲙⲁ ⲉⲉⲓⲛⲉ ⲛⲟⲩϩⲁⲡ ⲛⲟⲩⲁ ⲉϩⲣⲁⲓ ⲉϫⲱϥ · ⲙⲡⲉⲣⲙⲉⲉⲩⲉ ϫⲉⲉⲩϫⲱ ⲙⲙⲟⲥ ϫⲉⲛⲛⲉⲕⲥϩⲟⲩⲉⲣ ⲛⲣⲱⲙⲉ ⲉⲧⲉⲣⲑⲩⲥⲓⲁ ⲛⲛⲇⲁⲓⲙⲱⲛ ·
…
6 ⲕⲁⲧⲁⲧϩⲉ ⲛⲧⲁⲓⲥⲱⲧⲙ ϫⲉⲁϩⲟⲓⲛⲉ ⲉⲃⲟⲗ ⲛϩⲏⲧⲛ ϫⲟⲟⲥ · ϫⲉϩⲟⲗⲱⲥ ⲣⲱ ⲙⲡⲉⲙⲓⲭⲁⲏⲗ ϫⲉϩⲉⲛϣⲁϫⲉ ⲉⲩⲛⲁϣⲧ ⲉⲡⲇⲓⲁⲃⲟⲗⲟⲥ · ⲁⲗⲗⲁ ⲛⲧⲁϥϫⲟⲟⲥ ϫⲉⲉⲣⲉⲡϫⲟⲉⲓⲥ ⲉⲡⲓⲧⲓⲙⲁ ⲛⲁⲕ · ⲧⲁⲓ ⲧⲉ ⲧϩⲉ ⲡⲉϫⲁⲩ ⲉⲧⲉⲛϣϣⲉ ⲁⲛ ⲉⲥϩⲟⲩⲉⲣ ⲛⲣⲱⲙⲉ ⲉⲧⲟⲩⲱⲧⲛ ⲉⲃⲟⲗ ⲛⲕⲣⲟⲛⲟⲥ ·
…
7 ⲁⲗⲗⲁ ⲙⲡⲁⲓ ⲁⲛ ⲡⲉ ⲡϣⲁϫⲉ ⲙⲙⲉⲉⲩⲉ ⲉⲣⲟϥ · ϫⲉⲁⲡⲛⲟϭ ⲛⲁⲣⲭⲁⲅⲅⲉⲗⲟⲥ ϯⲥⲟ ⲉⲡⲇⲓⲁⲃⲟⲗⲟⲥ ⲉⲧⲙⲙⲁⲩ ⲉⲧⲙⲥϩⲟⲩⲱⲣϥ ·
…
8 ⲡⲉⲓϣⲁϫⲉ ⲡⲁⲓ ϩ..ⲧⲉⲛⲟⲩ · ϫⲉⲉⲣⲉⲡϫⲟⲉⲓⲥ ⲉⲡⲓⲧⲓⲙⲁ ⲛⲁⲕ · ϥⲣϩⲟⲩⲉⲥⲩⲙⲁⲛⲉ ⲙⲡⲥⲁϩⲟⲩ ⲉⲧⲛⲏⲩ ⲉϫⲱϥ ·
…
9 ⲛϯⲛⲁϯⲥⲟ ⲁⲛ ⲉϫⲟⲟⲥ ϫⲉϥⲥϩⲟⲩⲟⲣⲧ ⲙⲛⲛⲉϥϣⲏⲣⲉ ⲛϩⲉⲗⲗⲏⲛ ·
…
10 ϥⲣϩⲟⲩⲉⲥϩⲟⲩⲟⲣⲧ ⲛⲙⲙⲁⲩ ·
…
11 ⲥⲉⲥϩⲟⲩⲟⲣⲧ ⲛⲙⲙⲁϥ ·
…
12 ⲏ ⲛⲧⲉⲧⲛ ⲛⲁⲩ ⲁⲛ ϫⲉⲡⲁⲓ ⲁⲛ ⲡⲉ ·
…
13 ⲁϩⲣⲟϥ ϩⲱⲱϥ ⲥⲁϩⲟⲩ ⲙⲛϩⲁⲡ ⲛⲟⲩⲁ ·
…
14 ⲧⲱ ⲉⲧⲱ ⲙⲡⲉⲛⲧⲁⲛⲉⲅⲣⲁⲫⲏ ϫⲟⲟϥ · ϩⲟⲗⲱⲥ · ⲣⲱ ⲉⲩⲁⲕⲁⲛⲁⲅⲧⲉⲓ · ⲛⲣⲱⲙⲉ ⲛⲁⲧⲥⲟⲟⲩⲛ · ⲁⲩⲱ ⲛⲁⲧⲕⲁⲣⲡⲟⲥ · ⲁⲩⲱ ⲛⲁⲕⲁⲑⲁⲣⲧⲟⲥ · ϫⲉⲥⲉϫⲱ ⲛⲛⲉⲧⲉⲛⲥⲉⲛⲟⲉⲓ ⲙⲙⲟⲟⲩ ⲁⲛ ⲛⲧϩⲉ ⲛⲛⲉⲓⲕⲟⲟⲩⲉ ⲧⲉⲛⲟⲩ ⲉⲧⲥϩⲟⲩⲟⲣⲧ ⲉⲧⲉⲓⲛⲉ ⲙⲙⲟⲟⲩ ⲉⲧϫⲓⲟⲩⲁ ⲙⲙⲛⲧⲛⲟϭ ⲙⲡⲛⲟⲩⲧⲉ · ϫⲉⲛⲥⲉⲥⲟⲟⲩⲛ ⲙⲙⲟϥ ⲁⲛ · ⲟⲩⲇⲉ ⲛⲉϥϩⲃⲏⲩⲉ ·
…
15 ⲥⲱⲧⲙ ⲧⲉⲛⲟⲩ ϫⲉⲕⲁⲥ ⲉⲛⲛⲁⲉⲓⲙⲉ · ϫⲉⲧⲛⲡⲱⲱⲛⲉ ⲛⲛϣⲁϫⲉ ⲛⲧⲁⲛⲉⲧⲟⲩⲁⲁⲃ ⲥϩⲁⲓⲥⲟⲩ ⲉⲛⲉⲓⲛⲉ ⲙⲙⲟⲟⲩ ⲉϫⲙⲡⲉⲛⲟⲩⲱϣ ⲙⲙⲉⲓⲛⲟⲩ ⲙⲙⲟⲛ · ϫⲉⲛⲧⲛⲟⲩⲉϣⲡϣⲁϫⲉ ⲁⲛ ⲉⲧⲟⲩⲟϫ ·
…
16 ⲁⲩⲱ ϫⲉⲕⲁⲥ ⲉⲛⲛⲁⲉⲓⲙⲉ ϫⲉⲉⲩϣⲁϫⲉ ⲛⲣⲱⲙⲉ ⲛⲧⲁⲩⲧⲛⲧⲱⲛⲟⲩ ⲉϩⲉⲛⲕⲗⲟⲟⲗⲉ ⲉⲩϣⲟⲩⲉⲓⲧ · ⲉⲣⲉⲡⲧⲏⲩ ϩⲓⲟⲩⲉ ⲛⲥⲱⲟⲩ · ⲁⲩⲱ ⲉϩⲉⲛϣⲏⲛ ⲉϣⲟⲩⲱⲟⲩ ⲛⲁⲧⲕⲁⲣⲡⲟⲥ ⲉⲁⲩⲙⲟⲩ ⲛⲕⲉⲥⲟⲡ ϩⲛⲛⲉⲩⲛⲟⲩⲛⲉ · ⲁⲩⲱ ⲛϩⲟⲉⲓⲙ ⲉⲧⲛⲁϣⲧ ⲛⲧⲉⲑⲁⲗⲁⲥⲥⲁ · ⲉⲩⲧⲁⲟⲩⲟ ⲉⲃⲟⲗ ⲙⲡⲉⲩϣⲓⲡⲉ · ⲁⲩⲱ ⲛⲥⲓⲟⲩ ⲛⲧⲁⲩⲥⲱⲣⲙ ⲛⲁⲓ ⲛⲧⲁⲩⲥⲟⲃⲧⲉ ⲛⲁⲩ ϣⲁⲉⲛⲉϩ ⲙⲡⲕⲁⲕⲉ ⲉⲧϩⲧⲙⲧⲱⲙ ϫⲉⲥⲉⲧⲟⲗⲙⲁ ⲉϫⲱ ⲛⲛⲉⲧⲉⲙⲉϣϣⲉ ⲁⲩⲱ ⲛⲉⲧⲛⲥⲉⲥⲟⲟⲩⲛ ⲙⲙⲟⲟⲩ ⲁⲛ ·
…
17 ⲧⲉⲧⲛⲛⲁⲩ ϫⲉ ⲉⲩϭⲛⲁⲣⲓⲕⲉ ⲁⲛ ⲉⲛⲉⲧⲡⲱϩⲧ ⲙⲡⲥⲁϩⲟⲩ ⲉϩⲣⲁⲓ ⲉϫⲛⲛⲉⲧⲟ ⲛⲁⲧⲛⲁϩⲧⲉ ⲉⲛⲉⲧⲥⲏϩ ⲧⲏⲣⲟⲩ ϩⲛⲛⲉⲅⲣⲁⲫⲏ · ⲛⲁⲓ ⲛⲧⲁⲡϫⲟⲉⲓⲥ ⲡⲛⲟⲩⲧⲉ ⲁⲁⲩ · ⲁⲩⲱ ⲛⲉⲛⲧⲁⲛⲉϥⲡⲉⲧⲟⲩⲁⲁⲃ ⲁⲁⲩ ϩⲙⲡⲉϥⲣⲁⲛ ·
…
18 ⲡⲉϫⲁⲥ ϭⲉ ⲧⲉⲛⲟⲩ ⲉⲧⲃⲏⲏⲧⲟⲩ · ϫⲉⲟⲙⲟⲓⲱⲥ ⲛⲉⲓⲕⲟⲟⲩⲉ ⲉⲩⲡⲉⲣⲉⲣⲁⲥⲟⲩ · ⲛⲥⲁⲣⲝ ⲙⲉⲛ ⲥⲉϫⲱϩⲙ ⲙⲙⲟⲟⲩ · ⲙⲙⲛⲧϫⲟⲉⲓⲥ ⲇⲉ ⲥⲉⲁⲑⲉⲧⲉⲓ ⲙⲙⲟⲟⲩ · ⲛⲉⲟⲟⲩ ⲇⲉ ⲥⲉϫⲓⲟⲩⲁ ⲉⲣⲟⲟⲩ ·
…
19 ⲉⲩϫⲡⲓⲟ ⲇⲉ ⲙⲡⲉⲥⲡⲉⲣⲙⲁ ⲛⲛⲁⲥⲉⲃⲏⲥ ⲛⲟⲩⲟⲉⲓϣ ⲛⲓⲙ · ϣⲁϩⲣⲁⲓ ⲉⲛⲁⲓ ⲧⲉⲛⲟⲩ ⲉⲧⲥϩⲟⲩⲟⲣⲧ · ϫⲉⲥⲉϫⲓⲟⲩⲁ ⲉⲛⲉⲧⲛⲥⲉⲥⲟⲟⲩⲛ ⲙⲙⲟⲟⲩ ⲁⲛ ·
…
20 ⲛⲉⲧⲟⲩⲥⲟⲟⲩⲛ ⲇⲉ ⲙⲙⲟⲟⲩ ⲛⲧϩⲉ ⲙⲡⲉⲥⲙⲟⲧ ⲛⲛⲧⲃⲛⲟⲟⲩⲉ ⲥⲉⲧⲁⲕⲟ ϩⲣⲁⲓ ⲛϩⲏⲧⲟⲩ ·
…
21 ⲡⲛⲟⲩⲧⲉ ⲛⲛϭⲟⲙ ⲡⲡⲁⲛⲧⲟⲕⲣⲁⲧⲱⲣ ⲛⲧⲁⲡⲉϥⲉⲟⲟⲩ · ⲙⲛⲛⲉϥⲙⲟⲓϩⲉ · ⲁⲩⲱ ⲁⲛⲉϥⲁⲅⲁⲑⲟⲛ ⲙⲉϩϯⲟⲓⲕⲟⲩⲙⲉⲛⲏ ⲧⲏⲣⲥ ·
…
22 ⲁⲩⲱ ⲥⲉⲁⲑⲉⲧⲉⲓ ⲙⲙⲟϥ · ⲁⲩⲱ ⲥⲉϫⲓⲟⲩⲁ ⲉⲣⲟϥ ·
…
23 ⲡⲇⲓⲁⲃⲟⲗⲟⲥ ⲇⲉ ⲉⲧϭⲟⲟⲙⲉ ⲛⲧⲁⲛⲉϥⲙⲟⲓϩⲉ ⲙⲉϩⲡⲕⲁϩ ⲧⲏⲣϥ ⲥⲉⲟ ⲛϩⲙϩⲁⲗ ⲛⲁϥ ⲛϭⲓⲛⲣⲱⲙⲉ ⲉⲧⲥϩⲟⲩⲟⲣⲧ ·
…
24 ⲥⲉⲧⲁⲕⲟ ⲙⲙⲟⲟⲩ ⲉⲃⲟⲗ ϩⲓⲧⲟⲟⲧϥ ϩⲣⲁⲓ ϩⲛⲁⲛⲟⲙⲓⲁ ⲛⲓⲙ ·
…
25 ⲡⲏⲓ ⲙⲡⲛⲟⲩⲧⲉ ⲧⲉⲕⲕⲗⲏⲥⲓⲁ ⲉⲧⲣⲟⲩⲟⲉⲓⲛ ⲉⲡⲕⲁϩ ⲧⲏⲣϥ ⲉⲧⲙⲉϩⲛϣⲁϫⲉ ⲛⲱⲛϩ ·
…
26 ⲛⲉⲩⲏⲓ ⲇⲉ ⲛⲧⲁⲩⲣⲣⲙⲛϭⲟⲓⲗⲉ ⲛⲛ
…