1 …….. …….. ⲡⲉⲛⲧⲁϥ…. ⲛⲟⲩⲕⲱϩⲧ ⲙⲛⲟⲩⲑⲏⲛ ⲉⲃⲟⲗ ϩⲛⲧⲡⲉ ⲉϫⲛⲛⲣⲱⲙⲉ ⲛⲥⲟⲇⲟⲙⲁ · ⲙⲛⲅⲟⲙⲟⲣⲣⲁ · ϣⲁⲛⲧⲉϥⲃⲟⲧⲟⲩ ⲉⲃⲟⲗ ⲉⲧⲃⲉⲛⲉⲩⲙⲛⲧⲁⲥⲉⲃⲏⲥ ϣⲁⲧⲛⲗⲱⲧ ⲙⲛⲛⲉϥϣⲏⲣⲉ · ⲡⲉⲛⲧⲁϥⲱⲙⲥ ⲙⲫⲁⲣⲁⲱ ⲙⲛⲡⲉϥⲙⲏⲏϣⲉ ϩⲛⲧϩⲁⲗⲁⲥⲥⲁ · ⲉⲧⲃⲉⲧⲉϥⲙⲛⲧⲁⲧⲛⲟⲩⲧⲉ ·
…
2 ⲡⲉϫⲁⲩ ⲛϭⲓⲛⲉⲛⲧⲁⲩⲙⲉⲣⲉⲡⲥⲁϩⲟⲩ ϫⲉⲉϥⲉⲉⲓ ⲛⲁⲩ · ϫⲉⲙⲛϭⲟⲙ ⲙⲙⲟϥ ⲉⲧⲟⲩϫⲟϥ ⲉⲧⲟⲟⲧⲟⲩ ⲛⲛⲉⲛⲧⲁⲩⲥⲧⲁⲩⲣⲟⲩ ⲙⲙⲟϥ ·
…
3 ⲡⲉⲛ … … … … … ϩⲕ …….
…
4 ⲡⲉⲛⲧⲁϥⲧⲣⲉⲩϣⲱⲡⲉ ⲧⲏⲣⲟⲩ · ⲡⲉⲛⲧⲁϥⲧⲣⲉⲡⲕⲁϩ ⲟⲩⲱⲛ ⲛⲣⲱϥ ⲁϥⲱⲙⲕ ⲛⲟⲩⲙⲏⲏϣⲉ ϫⲉⲁⲩⲣⲛⲟⲃⲉ ⲉⲣⲟϥ ⲙⲡⲉⲓⲟⲩⲟⲉⲓϣ ⲙⲛⲛⲉⲛⲧⲁϥⲃⲟⲧⲟⲩ ⲉⲃⲟⲗ ⲧⲏⲣⲟⲩ ϩⲛⲧⲉⲣⲏⲙⲟⲥ ·
…
5 ⲡⲉϫⲁⲩ ⲛϭⲓⲛⲣⲱⲙⲉ ⲉⲧⲣϩⲟⲩⲉⲥϩⲟⲩⲟⲣⲧ · ϫⲉⲉϣϫⲉⲡⲛⲟⲩⲧⲉ ⲡⲉ ⲁϩⲣⲟⲟⲩ ⲁⲩⲥⲧⲁⲩⲣⲟⲩ ⲙⲙⲟϥ ·
…
6 ⲛⲓⲙ ⲡⲉⲧⲛⲁϣϫⲓⲏⲡ ⲉⲛⲙⲙⲛⲧ … …
…
7 … … … …… ⲗⲟⲥ ⲧⲏⲣⲟⲩ · ⲛⲧϩⲉ ⲛⲧⲁⲟⲩⲁ ⲛⲟⲩⲱⲧ ⲉⲓ ⲉⲃⲟⲗ ϩⲓⲧⲟⲟⲧϥ · ⲁϥⲙⲟⲩⲟⲩⲧ ⲙⲙⲛⲧϣⲙⲏⲛ ⲛⲧⲃⲁ ⲟⲩϭⲟⲥ ⲛⲣⲱⲙⲉ ϩⲛⲟⲩⲟⲩϣⲏ ⲉⲛⲟⲩⲱⲧ · ⲉⲃⲟⲗ ϩⲛⲧⲡⲁⲣⲉⲙⲃⲟⲗⲏ ⲛϩⲉⲛⲙⲏⲏϣⲉ ⲛⲣⲱⲙⲉ ⲛⲁⲧⲛⲟⲩⲧⲉ ·
…
8 ⲁⲩⲱ ⲛⲧⲁⲙⲱⲩⲥⲏⲥ ⲡⲉϥⲥⲱⲧⲡ ⲉⲣⲛⲉⲓⲙⲟⲓϩⲉ ⲧⲏⲣⲟⲩ ϩⲛⲕⲏⲙⲉ · ⲁⲩⲱ ϩⲛⲧⲉⲣⲩⲑⲣⲁ ⲑⲁⲗⲁⲥⲥⲁ · ⲁⲩⲱ ⲡϫⲁⲓⲉ ⲛϩⲙⲉ ⲛⲣⲟⲙⲡⲉ · ⲁⲩⲱ ⲛⲉⲛⲧⲁϥⲁⲁⲩ ⲧⲏⲣⲟⲩ ⲉⲃⲟⲗ ϩⲓⲧⲙⲡⲉϥϩⲙϩⲁⲗ ⲓⲏⲥⲟⲩⲥ ⲡϣⲏⲣⲉ ⲛⲛⲁⲩⲏ · ⲡⲇⲩⲛⲁⲧⲟⲥ ϩⲛⲧⲉϥϭⲟⲙ ·
…
9 ⲁⲩⲱ ⲛⲧⲁⲡⲉϥϩⲙϩⲁⲗ ϩⲏⲗⲓⲁⲥ ⲧⲟⲩⲛⲉⲥⲛⲉⲧⲙⲟⲟⲩⲧ ·
…
10 ⲁⲩⲱ ⲟⲛ ⲁϥⲡⲉⲣϫⲙⲙⲟⲟⲩ ⲙⲡⲓⲟⲣⲇⲁⲛⲁⲥ ·
…
11 ⲁϥⲙⲟⲟϣⲉ ϩⲓϫⲙⲡⲉⲧϣⲟⲩⲱⲟⲩ ·
…
12 ⲉⲁϥⲥⲉϣⲧⲧⲡⲉ ⲟⲛ ⲛϣⲟⲙⲧⲉ ⲛⲣⲟⲙⲡⲉ ⲙⲛⲥⲟⲟⲩ ⲛⲉⲃⲟⲧ ·
…
13 ⲁⲩⲱ ⲟⲛ ⲁϥⲙⲡⲕⲱϩⲧ ⲉⲃⲟⲗ ϩⲛⲧⲡⲉ · ϩⲙⲡⲧⲣⲉϥⲉⲡⲓⲕⲁⲗⲉⲓ ⲙⲡⲣⲁⲛ ⲙⲡⲉⲧϫⲟⲥⲉ ·
…
14 ⲁϥⲟⲩⲱⲙ ⲛⲛϣⲛⲉ · ⲙⲛⲡⲙⲟⲟⲩ · ⲙⲛⲛϣⲉ · ⲙⲛⲙⲙⲁⲥⲉ · ⲉⲧϣⲁⲁⲧ ϩⲓϫⲱⲟⲩ · ⲡⲁⲓ ⲛⲧⲁϥⲧⲁⲙⲓⲟϥ ⲙⲡⲧⲏⲡⲟⲥ ⲛⲑⲩⲥⲓⲁ · ⲁⲩⲱ ⲡⲕⲉⲕⲁϩ ⲡⲁⲓ ⲛⲧⲁϥⲧⲁⲙⲓⲟϥ ⲙⲡⲧⲏⲡⲟⲥ ⲛⲟⲩⲑⲁⲗⲁⲥⲥⲁ · ⲙⲛⲡⲉϥⲕⲱⲧⲉ ⲧⲏⲣϥ ·
…
15 ⲁⲩⲱ ⲛⲧⲁϥϣⲗⲏⲗ ⲁϥϣⲟⲩⲟ ⲛϭⲓⲡⲙⲟⲩ ⲛϩⲱⲟⲩ ⲉϫⲙⲡⲕⲁϩ ·
…
16 ⲁϥϯⲙⲡⲉϥⲕⲁⲣⲡⲟⲥ ·
…
17 ⲛⲧⲉⲓϩⲉ ⲟⲛ ⲡⲉ ⲡⲉϥϩⲙϩⲁⲗ ⲉⲗⲓⲥⲥⲁⲓⲟⲥ ⲉⲁϥⲧⲟⲩⲛⲉⲥⲛⲉⲧⲙⲟⲟⲩⲧ ·
…
18 ⲁⲩⲱ ⲁϥⲡⲁⲧⲁⲥⲥⲉⲓ ⲙⲡⲙⲏⲏϣⲉ …
…
19 ⲣⲉⲱ …… ⲙ ….. ⲛⲕ ….
…
20 ⲛⲧⲁϥⲁⲁⲩ ϩⲙⲡⲣⲁⲛ ⲙⲡⲉϫⲟⲥⲉ ·
…
21 ⲁⲩⲱ ⲡⲉϫⲁⲩ ⲛϭⲓⲛⲣⲱⲙⲉ ⲉⲧⲥϩⲟⲩⲟⲣⲧ ϫⲉⲙⲡⲛⲟⲩⲧⲉ ⲁⲛ ⲡⲉ ·
…
22 ⲟⲩⲕ ⲟⲩⲛ ⲉϫⲛⲛⲁⲓ ⲙⲁⲣⲉⲛϫⲛⲉⲛⲁⲡⲓⲥⲧⲟⲥ · ⲉⲣⲉⲡⲥⲁϩⲟⲩ ⲙⲡⲛⲟⲩⲧⲉ ϩⲛⲛⲉⲩⲏⲓ · ⲁⲩⲱ ⲛⲛⲁϩⲣⲛⲙⲡⲓⲥⲧⲟⲥ ⲁⲛ ⲉⲧⲉⲣⲉⲡⲉⲥⲙⲟⲩ ⲙⲡϫⲟⲉⲓⲥ ϩⲓϫⲛⲧⲉⲩⲁⲡⲉ ·
…
23 ϫⲉⲙⲁⲧⲁⲙⲟⲛ ⲛⲧⲟⲟⲩⲛ ϫⲉⲛⲓⲙ ⲡⲉ ⲡⲉⲧⲛⲛⲟⲩⲧⲉ ⲱ ⲛⲣⲱⲙⲉ ⲛⲧⲁⲩ …. .
…
24 ϩⲟⲩ ϩⲉⲓ……. ⲟⲩ ……….·
…
25 ⲉϣϫⲉ ⲧⲉⲧⲛϫⲱ ⲙⲙⲟⲥ ϫⲉⲛⲉⲧϩⲁⲧⲡⲉ ⲛⲉ ⲛⲉⲧⲛⲛⲟⲩⲧⲉ · ⲧⲉⲧⲛⲥϩⲟⲩⲟⲣⲧ · ϫⲉⲛⲧⲁⲡⲉⲛϫⲟⲉⲓⲥ ⲁⲩⲱ ⲡⲉⲛⲛⲟⲩⲧⲉ ⲁⲛⲟⲛ ⲛⲉⲭⲣⲓⲥⲧⲓⲁⲛⲟⲥ · ⲧⲁⲙⲓⲟⲟⲩ ϫⲓⲛϣⲟⲣⲡ ⲉⲧⲣⲉⲩⲣⲟⲩⲟⲉⲓⲛ ⲉϩⲣⲁⲓ ⲉϫⲙⲡⲕⲁϩ ·
…
26 ⲁⲩⲱ ⲉϣϫⲉⲧⲉⲧⲛϫⲱ ⲙⲙⲟⲥ ⲉⲡⲙⲁⲍⲉ ⲁⲩⲱ ⲧⲉϩⲉ ⲙⲛⲛⲕⲉⲧⲃⲛⲟⲟⲩⲉ ⲧⲏⲣⲟⲩ ϫⲉⲛⲉⲧⲛⲛⲟⲩⲧⲉ ⲛⲉ · ⲧⲉⲧⲛⲥϩⲟⲩⲟⲣⲧ ϫⲉⲛⲧⲁⲡϫⲟⲉⲓⲥ ⲙⲡⲉⲟⲟⲩ ⲡⲉⲓⲱⲧ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ
…
27 ⲕⲁⲁⲩ ⲉⲧⲃⲉⲥⲉⲕⲛⲁϩⲃ · ⲁⲩⲱ ⲉϥⲓⲉⲧⲡⲱ · ⲁⲩⲱ ⲉⲟⲩⲟⲙⲟⲩ · ⲁⲩⲱ ⲉⲥⲉⲡⲉⲩⲉⲣⲱⲧⲉ · ⲁⲩⲱ ⲉϯϩⲓⲱⲱⲛ ⲙⲡⲉⲩⲥⲟⲣⲧ ·
…
28 ⲉϣϫⲉⲧⲉⲧⲛϫⲱ ⲙⲙⲟⲥ · ϫⲉⲛⲉⲑⲏⲣⲓⲟⲛ ⲛⲉ ⲛⲉⲧⲛⲛⲟⲩⲧⲉ · ⲧⲉⲧⲛⲥϩⲟⲩⲟⲣⲧ ⲉⲡⲉϩⲟⲩⲟ · ϫⲉⲛⲧⲁⲡϫⲟⲉⲓⲥ ⲡⲛⲟⲩⲧⲉ ϫⲟⲟⲥ ⲉⲧⲣⲉⲩϣⲱⲡⲉ ⲧⲏⲣⲟⲩ ·
…
29 ⲉϣϫⲉⲡⲉϩⲟⲩⲟⲟⲣ ⲇⲉ ⲟⲛ ⲡⲉ ⲡⲉⲧⲛⲛⲟⲩⲧⲉ · ⲁⲩⲱ ⲧⲉⲙⲟⲩ · ⲧⲉⲧⲛⲣϩⲟⲩⲉⲥϩⲟⲩⲉⲥϩⲟⲩⲟⲣⲧ · ϫⲉⲡϫⲟⲉⲓⲥ ⲡⲛⲟⲩⲧⲉ ϫⲱ ⲙⲙⲟⲥ · ϫⲉⲁⲛⲟⲕ ⲡⲉ · ⲁⲛⲟⲕ ⲡⲉ · ⲁⲩⲱ ⲙⲙⲛⲕⲉⲟⲩⲁ ⲛⲃⲗⲗⲁⲓ ·
…
30 ⲛⲧⲁϥⲕⲁⲁⲩ ⲉⲧⲃⲉⲡⲉⲩϩⲱⲃ · ⲡⲁⲓ ⲙⲉⲛ ⲉⲧⲃⲉⲣⲟⲉⲓⲥ · ⲧⲉⲓⲕⲉ ⲉⲧⲃⲉⲟⲩⲱϭⲡ ⲛϩⲉⲛⲡⲓⲛ ·
…
31 ⲁⲩⲱ ⲉϣϫⲉⲛϣⲉ · ⲙⲛⲛⲱⲛⲉ · ⲙⲛⲛⲛⲟⲩϥ · ⲙⲛⲛϩⲁⲧ · ⲙⲛⲛϩⲟⲙⲛⲧ · ⲙⲛⲙⲃⲉⲛⲓⲡⲉ · ⲙⲛⲛⲕⲟⲟⲩⲉ ⲧⲏⲣⲟⲩ ⲉⲧⲧⲉⲧⲛⲟⲩⲱϣⲧ ⲛⲁⲩ ⲛⲉ ⲛⲉⲧⲛⲛⲟⲩⲧⲉ · ⲧⲉⲧⲛⲣϩⲟⲩⲉⲥϩⲟⲩⲟⲣⲧ ⲟⲛ ϫⲉⲛⲧⲁⲡⲇⲓⲟⲓⲕⲏⲧⲏⲥ ⲙⲡⲕⲟⲥⲙⲟⲥ ⲧⲏⲣϥ ⲕⲁⲁⲩ ⲛⲛⲣⲱⲙⲉ · ⲉϥⲥⲟⲟⲩⲛ ϫⲉⲥⲉⲛⲁϫⲓⲧⲟⲩ ⲉⲣⲟⲟⲩ .
…
32 … ϩⲙ……..
…
33 ⲙⲡⲣ…. ⲧⲉ ⲉϫⲟⲟⲥ ϫⲉⲥⲉⲥϩⲟⲩⲟⲣⲧ ⲛϭⲓⲛⲉⲓⲁⲧⲛⲟⲩⲧⲉ ⲉϥⲥⲱⲧⲙ ⲉϩⲉⲛϣⲁϫⲉ ⲉⲁϩⲉⲛⲉⲓⲟⲧⲉ ⲛⲁⲅⲁⲑⲟⲥ ϫⲟⲟⲩ · ϫⲉⲛⲛⲉⲕⲥϩⲟⲩⲉⲣⲗⲁⲁⲩ ⲛⲣⲱⲙⲉ ·
…
34 ⲟⲩⲇⲉ ⲣⲱ ⲛϩⲉⲛⲣⲱⲙⲉ ⲁⲛ ⲛⲉ ·
…
35 ⲉϣϫⲉϩⲉⲛⲣⲱⲙⲉ ⲇⲉ ⲟⲛ ⲛⲉ · ϩⲉⲛⲣⲱⲙⲉ ⲛⲉ ⲛϣⲟⲩⲥϩⲟⲩⲱⲣⲟⲩ · ⲉⲃⲟⲗ ϩⲓⲧⲛⲛⲉⲧϫⲱ ⲙⲙⲟⲥ · ϫⲉⲁⲛⲟⲛϩⲉⲛⲭⲣⲓⲥⲧⲓⲁⲛⲟⲥ · ϫⲉⲁⲩϩⲟⲟⲩϣ ⲉⲡⲉⲛⲧⲁϥⲧⲁⲙⲓⲟⲟⲩ · ⲁⲩⲱ ⲁⲩϫⲓⲟⲩⲁ ⲉⲡⲉⲧⲥⲁ… ⲙⲙⲟⲟⲩ ·
…
36 ⲉϣϫⲉⲉϣϣⲉ ⲉⲥⲁϩⲟⲩ ⲙⲡϩⲟϥ · ⲉϣϣⲉ ⲟⲛ ⲛϩⲟⲩⲟ ⲉⲥϩⲟⲩⲉⲣⲛϣⲏⲣⲉ ⲙⲡϩⲟϥ ⲉⲧⲙⲙⲁⲩ · ⲡⲁⲓ ⲛⲧⲁⲡϫⲟⲉⲓⲥ ⲥϩⲟⲩⲱⲣϥ ϫⲓⲛⲛϣⲟⲣⲡ ϫⲉⲁϥⲁⲡⲁⲧⲁ ⲛⲉⲩϩⲁ · ⲁⲩⲱ ⲁϥϯϫⲣⲟⲡ ⲉⲁⲇⲁⲙ ϩⲙⲡⲡⲁⲣⲁⲇⲉⲓⲥⲟⲥ · ⲛⲧϩⲉ ⲧⲉⲛⲟⲩ ⲉⲧⲉⲣⲉⲛⲉⲓⲣⲱⲙⲉ ⲉⲧⲥϩⲟⲩⲟⲣⲧ ϯϫⲣⲟⲡ ⲛϩⲁϩ · ⲁⲩⲱ ⲉⲩⲥⲕⲁⲛⲇⲁⲗⲓⲍⲉ ⲛⲛⲉⲧⲉⲙⲛϭⲟⲙ ⲙⲙⲟⲟⲩ ⲉⲉⲓⲣⲉⲓⲙⲉ ϫⲉⲉⲩⲏⲡ ⲉⲡⲥⲁⲧⲁⲛⲁⲥ ·
…
37 ⲉⲧⲃⲉⲡⲁⲓ ⲉⲣϣⲁⲛⲧⲉⲅⲣⲁⲫⲏ ϫⲟⲟⲥ ⲛⲟⲩⲙⲁ · ⲏ ⲛⲧⲟϥ ϩⲉⲛⲣⲱⲙⲉ ⲛⲧⲉⲡⲛⲟⲩⲧⲉ ϫⲉⲛⲛⲉⲕⲥϩⲟⲩⲉⲣⲗⲁⲁⲩⲗⲁⲁⲩ ⲛⲣⲱⲙⲉ · ⲉⲩϫⲱ ⲙⲙⲟⲥ ϫⲉⲛⲛⲉⲕⲥϩⲟⲩⲉⲣⲛⲉⲧⲛⲁⲥⲁϩⲟⲩ ⲙⲙⲟⲕ · ⲕⲁⲧⲁⲡⲉⲛⲧⲁⲛϣⲣⲡϫⲟⲟϥ ·
…
38 ⲉⲩϫⲱ ⲙⲙⲟⲥ ⲁⲛ ϫⲉⲛⲛⲉⲕⲥϩⲟⲩⲉⲣⲡⲉⲧⲥⲱϣ ⲙⲡⲉⲧϯⲉⲟⲟⲩ ⲛⲁⲕ ⲡⲉⲭⲣⲓⲥⲧⲟⲥ ·
…
39 ⲉϣϫⲉⲉⲩϣⲁⲛϫⲟⲟⲥ ⲇⲉ ⲛϭⲓⲛⲉⲧⲟⲩⲁⲁⲃ · ⲉⲩϣⲁϫⲉ ⲉⲧⲃⲉⲡⲗⲁⲥ ϫⲉϩⲣⲁⲓ ⲛϩⲏⲧϥ ⲧⲛⲥⲁϩⲟⲩ ⲛⲛⲣⲱⲙⲉ · ⲉⲩϫⲱ ⲙⲙⲟⲥ ϫⲉⲟⲩⲙⲛⲧⲁⲧϩⲏⲧ ⲙⲡⲣⲱⲙⲉ
…