1 ⲛⲧⲁⲩϫⲉⲡⲁⲓ ⲅⲁⲣ ⲉⲃⲟⲗ ϫⲉⲁⲩⲥⲱⲧⲙ ϩⲛⲧⲅⲉⲛⲉⲥⲓⲥ ϫⲉⲁⲇⲁⲙ ⲉⲕⲧⲱⲛ ·
…
2 ⲛⲥⲉⲥⲟⲟⲩⲛ ⲁⲛ ϫⲉⲟⲩⲛⲟⲩϭⲓⲛϣⲓⲛⲉ ⲛⲥϣⲟⲟⲡ ⲁⲛ ⲉⲧⲃⲉⲛⲉϩⲃⲏⲩⲉ ⲉⲧϩⲏⲡ · ⲁⲗⲗⲁ ⲉⲧⲃⲉⲛⲉϩⲃⲏⲩⲉ ⲉⲧⲟⲩⲟⲛϩ ⲉⲃⲟⲗ ⲙⲛⲛⲉⲧⲟⲩⲥⲟⲟⲩⲛ ⲙⲙⲟⲟⲩ · ⲛⲧϩⲉ ⲛⲧⲁⲡⲛⲟⲩⲧⲉ ϫⲛⲉⲙⲱⲩⲥⲏⲥ ϫⲉⲟⲩ ⲡⲉ ⲡⲁⲓ ⲉⲧϩⲛⲧⲉⲕϭⲓϫ · ⲉⲁⲙⲱⲩⲥⲏⲥ ϩⲟⲗⲟⲅⲉⲓ ϫⲉⲟⲩϭⲉⲣⲱⲃ ⲡⲉ ·
…
3 ⲁⲩⲱ ⲛⲧϩⲉ ⲛⲧⲁⲓⲱⲥⲏⲫ ⲁⲛⲁⲕⲣⲓⲛⲉ ⲛⲛⲉϥⲥⲛⲏⲩ ϫⲉⲛⲧⲉⲧⲛ ϩⲛⲟⲩ · ⲁⲩⲱ ⲛⲧⲉⲧⲛϩⲉⲛⲉⲃⲟⲗ ⲧⲱⲛ · ⲛⲉϥⲟ ⲁⲛ ⲛⲁⲧⲥⲟⲟⲩⲛ ·
…
4 ⲉⲛⲉⲛⲧⲁⲩⲉⲓⲙⲉ ⲅⲁⲣ ⲛⲉⲩⲛⲁⲧⲙⲣⲱⲟⲩ ⲉⲧⲙϫⲱ ⲛⲛⲓⲙⲛⲧⲁⲥⲉⲃⲏⲥ · ⲛϭⲓⲡⲅⲉⲛⲟⲥ ⲛⲛⲉⲛⲧⲁⲩϫⲟⲟⲥ ϩⲱⲟⲩ ϫⲓⲛⲛϣⲟⲣⲡ ϫⲉⲛⲁϣ ⲛϩⲉ ⲁⲡⲛⲟⲩⲧⲉ ⲉⲓⲙⲉ ·
…
5 ⲁⲩⲱ ϫⲉⲟⲩⲛⲥⲟⲟⲩⲛ ϩⲙⲡⲉⲧϫⲟⲥⲉ ·
…
6 ⲥⲉⲥϩⲟⲩⲟⲣⲧ ⲛϭⲓⲛⲉⲧϫⲱ ⲙⲙⲟⲥ · ϫⲉⲉϣϫⲉⲟⲩⲛⲟⲩⲧⲉ ⲡⲉ ⲓⲏⲥⲟⲩⲥ · ⲉⲧⲃⲉⲟⲩ ⲙⲡⲉϥⲉⲓⲙⲉ ϫⲉⲛⲧⲁⲩⲕⲁⲗⲁⲍⲁⲣⲟⲥ ⲧⲱⲛ ·
…
7 ⲛⲧⲁⲩϫⲉⲡⲁⲓ ⲉⲃⲟⲗ ϫⲉⲁⲩⲥⲱⲧⲙ ϩⲙⲡⲉⲩⲁⲅⲅⲉⲗⲓⲟⲛ ϫⲉⲛⲧⲁⲩⲧⲉⲧⲛⲕⲁⲁϥ ⲧⲱⲛ ·
…
8 ⲉⲩⲟ ⲛⲁⲧⲥⲟⲟⲩⲛ ϫⲉⲛⲧⲁⲡϫⲟⲉⲓⲥ ϣⲓⲛⲉ ϩⲱⲥⲣⲱⲙⲉ ⲉⲡⲛⲟⲩⲧⲉ ⲡⲉ · ⲁⲩⲱ ϫⲉⲡⲉⲥⲭⲏⲙⲁ ⲛⲧⲉⲓⲙⲓⲛⲉ ϣⲁϥϣⲱⲡⲉ ⲛϩⲁϩ ⲛⲥⲟⲡ ϩⲉⲛϩⲉⲛϭⲓⲛϣⲁϫⲉ · ⲙⲁⲗⲓⲥⲧⲁ ⲛⲣⲱⲙⲉ ·
…
9 ⲕⲁⲧⲁⲧϩⲉ ⲛⲧⲁϥϫⲟⲟⲥ · ⲏ ⲉⲁϥⲣⲡⲁⲓ ⲛⲧⲟϥ ⲡϫⲟⲉⲓⲥ ϩⲱⲥⲣⲱⲙⲉ ⲛⲧϩⲉ ⲉⲧⲥⲏϩ ϩⲛⲧⲅⲉⲛⲉⲥⲓⲥ · ⲉⲁϥϫⲛⲉⲁⲃⲣⲁϩⲁⲙ ϫⲉⲉⲥⲧⲱⲛ ⲥⲁⲣⲣⲁ ⲧⲉⲕⲥϩⲓⲙⲉ ·
…
10 ⲛⲧϩⲉ ⲟⲛ ⲛⲧⲁⲡⲁⲅⲅⲉⲗⲟⲥ · ϫⲛⲉⲛⲉϩⲓⲟⲙⲉ ϩⲛⲡⲧⲁⲫⲟⲥ · ϫⲉⲉⲧⲉⲧⲛϣⲓⲛⲉ ⲛⲥⲁⲛⲓⲙ ·
…
11 ⲡⲁⲓ ⲟⲛ ⲁϥⲁⲁϥ ⲛϭⲓⲡϫⲟⲉⲓⲥ · ⲉϥϫⲱ ⲙⲙⲟⲥ ⲙⲙⲁⲣⲓⲁ · ϫⲉⲧⲉⲥϩⲓⲙⲉ ⲁϩⲣⲟ ⲧⲉⲣⲓⲙⲉ · ⲉⲣϣⲓⲛⲉ ⲛⲥⲁⲛⲓⲙ ·
…
12 ⲛⲧϩⲉ ⲟⲛ ⲛⲧⲁϥϫⲛⲉⲛⲉⲧⲙⲟⲟϣⲉ ⲉⲉⲙⲙⲁⲟⲩⲥ · ⲉⲧⲃⲉⲛⲉⲛⲧⲁⲩϣⲱⲡⲉ ⲙⲙⲟϥ · ϫⲉⲟⲩ ⲛⲉ ⲛⲉⲓϣⲁϫⲉ ⲉⲧⲉⲧⲛϫⲱ ⲙⲙⲟⲟⲩ ⲙⲛⲛⲉⲧⲛⲉⲣⲏⲩ ⲉⲧⲉⲧⲛⲙⲟⲟϣⲉ ϩⲓⲧⲉϩⲓⲏ ·
…
13 ⲁⲩⲱ ⲛⲧϩⲉ ⲛⲧⲁϥⲙⲟⲩⲧⲉ ⲉⲛⲁⲡⲟⲥⲧⲟⲗⲟⲥ ⲁϥϫⲛⲟⲩⲟⲩ ⲉϥϫⲱ ⲙⲙⲟⲥ ϫⲉⲛⲉⲓϣⲏⲣⲉ ϣⲏⲙ ⲙⲏ ⲟⲩⲛⲗⲁⲁⲩ ⲛⲧⲃⲧ ⲛⲧⲉⲧⲏⲩⲧⲛ · ⲉϥⲥⲟⲟⲩⲛ ϫⲉⲙⲡⲟⲩϭⲉⲡⲗⲁⲁⲩ ⲛⲧⲉⲩϣⲛⲉ ⲉⲧⲙⲙⲁⲩ
…
14 ⲛⲧϩⲉ ⲟⲛ ⲛⲧⲁϥϫⲛⲟⲩⲟⲩ · ϫⲉⲟⲩⲏⲣ ⲛⲟⲉⲓⲕ ⲛⲧⲉⲧⲏⲩⲧⲛ ·
…
15 ⲁⲣⲁ ⲡⲉⲛⲧⲁϥⲥⲙⲟⲩ ⲉⲛⲟⲉⲓⲕ ⲁϥⲧⲁϣⲟⲟⲩ ⲛⲉϥⲥⲟⲟⲩⲛ ⲁⲛ ϫⲉⲟⲩⲏⲣ ⲛⲉ ·
…
16 ⲁⲣⲏⲩ ⲟⲛ ⲛⲉϥⲥⲟⲟⲩⲛ ⲁⲛ ϫⲉⲛⲓⲙ ⲡⲉⲛⲧⲁϥϫⲱϩ ⲉⲡⲧⲟⲡ ⲛⲛⲉϥϩⲟⲉⲓⲧⲉ · ⲁⲡⲉⲥⲥⲛⲟϥ ⲗⲟ ⲉϥϣⲟⲩⲟ ·
…
17 ϩⲟⲙⲟⲓⲱⲥ ⲉⲣϣⲁⲛⲧⲕⲁⲕⲓⲁ ⲙⲡⲉⲕⲉⲓⲱⲧ ⲡⲥⲁⲧⲁⲛⲁⲥ ⲡⲱϩ ⲏ ⲛⲉⲥⲡⲱϩ ⲛϩⲏⲧⲕ · ⲱ ⲡϩⲉⲗⲗⲏⲛ · ⲛⲥⲣϩⲟⲩⲉⲙⲁϩⲕ ⲙⲙⲛⲧⲁⲧⲛⲁϩⲧⲉ ·
…
18 ϯⲛⲁϫⲟⲟⲥ ⲉⲓϩⲟⲙⲟⲗⲟⲅⲉⲓ ⲛⲧⲙⲉ · ϫⲉⲟⲩⲙⲟⲛⲟⲛ ϥⲥⲟⲟⲩⲛ ϫⲉⲉⲓⲥⲡⲉⲥⲛⲟϥ ϩⲁⲣⲟⲥ ⲙⲙⲛⲧⲥⲛⲟⲟⲩⲥ ⲛⲣⲟⲙⲡⲉ · ⲁⲗⲗⲁ ϥⲥⲟⲟⲩⲛ ⲙⲙⲟⲥ ϫⲓⲛⲉⲥⲛϩⲏⲧⲥ ⲛⲧⲉⲥⲙⲁⲁⲩ ·
…
19 ⲉⲣϣⲁⲛⲟⲩⲕⲉⲣⲁⲙⲉⲩⲥ ⲣⲁⲧⲥⲟⲟⲩⲛ ⲙⲡⲉϩⲛⲁⲁⲩ ⲛⲧⲁϥⲧⲁⲙⲉⲓⲟϥ ϩⲛⲛⲉϥϭⲓϫ ϩⲙⲡⲉϥⲱⲛϩ · ⲓⲏⲥⲟⲩⲥ ⲛⲧⲟϥ ⲥⲟⲟⲩⲛ ⲉⲛⲉⲛⲧⲁϥⲡⲗⲁⲥⲥⲁ ⲙⲙⲟⲟⲩ ϩⲛⲧϩⲏ ·
…
20 ⲛⲉⲧⲥⲟⲟⲩⲛ ϫⲉⲛⲉϥ
…