1 ⲡⲧⲣⲉⲩⲥⲱⲧⲙ ⲉⲡⲉϩⲣⲟⲟⲩ ⲛϩⲉⲛⲃⲁϣⲟⲣ · ⲏ ⲁⲩⲛⲁⲩ ⲉⲣⲟⲟⲩ ·
…
2 ⲁⲗⲗⲁ ⲙⲉⲩⲧⲁϩⲟⲕ ϩⲉⲛⲗⲁⲁⲩ ⲛⲥⲁⲡⲁⲓ ⲙⲙⲁⲧⲉ · ⲉⲧⲉⲛϩⲁⲡ ⲛⲉ ⲙⲙⲓϣⲉ ⲉϫⲱⲟⲩ · ⲁⲩⲱ ⲡⲇⲓⲕⲁⲓⲟⲛ ϩⲉⲛϩⲱⲃ ⲛⲓⲙ · ⲛϩⲟⲩⲟ ⲇⲉ ⲛⲉⲕⲥⲁϩⲱⲱⲕ ⲉⲃⲟⲗ ⲛϫⲁϫⲉ ⲙⲡⲉⲭⲣⲓⲥⲧⲟⲥ · ⲙⲛⲛⲉⲧϫⲓ ⲛⲛϩⲏⲕⲉ ⲛϭⲟⲛⲥ ·
…
3 ⲛϣⲁϫⲉ ⲅⲁⲣ ⲙⲡⲟⲛⲏⲣⲟⲛ ⲉⲧⲉⲣⲉⲡⲉⲩⲥⲡⲉⲣⲙⲁ ϫⲱ ⲙⲙⲟⲟⲩ ⲉϩⲟⲩⲛ ⲉⲣⲟⲛ ⲉⲩϩⲟⲟⲩ ⲁⲛ ⲉⲛⲉⲧⲉⲣⲉⲡⲉⲩⲉⲓⲱⲧ ϫⲱ ⲙⲙⲟⲟⲩ ⲙⲡⲕⲱⲧⲉ ⲛⲛⲉⲧϯ ⲟⲩⲃⲉⲛⲉϥⲗⲟⲅⲓⲥⲙⲟⲥ ⲛⲛⲁⲩ ⲛⲓⲙ ·
…
4 ⲟⲩⲇⲉ ⲟⲛ ⲇⲉ ⲛⲟⲩ ⲛϣⲁϫⲉ ⲛⲁⲅⲁⲑⲟⲛ ⲉⲧⲉⲣⲉϩⲟⲓⲛⲉ ⲛⲁϫⲟⲟⲩ ⲉϩⲟⲩⲛ ⲉⲣⲟⲛ · ⲛⲉⲩⲥⲟⲧⲡ ⲁⲛ ⲉⲛⲉⲧⲉⲣⲉⲓⲏⲥⲟⲩⲥ ⲡⲉⲛⲣⲣⲟ · ⲁⲩⲱ ⲡⲉⲛϫⲟⲉⲓⲥ · ϫⲱ ⲙⲙⲟⲟⲩ ⲉϩⲣⲁⲓ ⲉⲡⲉⲛϩⲏⲧ ⲛⲛⲁⲩ ⲛⲓⲙ ·
…
5 ⲟⲩⲇⲉ ⲛⲉⲣⲉⲡⲙⲓϣⲉ ⲛⲛⲉⲧϯⲟⲩⲃⲏⲛ · ⲟ ⲛⲛⲟϭ ⲁⲛ ⲉⲡⲙⲓϣⲉ ⲙⲡⲉⲩⲉⲓⲱⲧ ⲡⲇⲓⲁⲃⲟⲗⲟⲥ · ⲉⲧⲛⲙⲓϣⲉ ⲟⲩⲃⲏϥ ⲛⲛⲁⲩ ⲛⲓⲙ ·
…
6 ⲉϣϫⲉⲛⲁⲛⲟⲩⲧⲃⲟⲏⲑⲉⲓⲁ ⲛϩⲉⲛⲥⲛⲏⲩ · ⲁⲩⲱ ϩⲉⲛϣⲃⲏⲣ ⲉⲩⲃⲟⲏⲑⲉⲓⲁ ⲉⲛⲉⲩⲉⲣⲏⲩ · ⲛⲁⲛⲟⲩⲥ ⲅⲁⲣ ⲉⲣϣⲁⲛϩⲉⲛⲣⲱⲙⲉ ϭⲛϩⲉⲛϣⲃⲣ ⲙⲡⲓⲥⲧⲟⲥ · ⲁⲩⲱ ϩⲉⲛⲥⲛⲏⲩ ⲛⲁⲙⲉ · ⲁⲗⲗⲁ ⲧⲃⲟⲏⲑⲉⲓⲁ ⲙⲡⲛⲟⲩⲧⲉ · ⲟⲩⲛⲟϭ ⲧⲉ ⲉⲛⲁⲓ ⲧⲏⲣⲟⲩ ·
…
7 ⲉⲧⲃⲉⲡⲁⲓ ⲙⲡⲁⲣⲟⲟⲩϣ ⲁⲛ ⲡⲉ ⲛⲁⲓ · ⲙⲛⲛⲉⲓⲕⲟⲟⲩⲉ ·
…
8 ⲙⲏ ⲙⲡⲉⲟⲩⲇⲟⲩⲝ ⲅⲉⲛⲏⲥⲉⲛ ⲟⲩⲇⲟⲩⲝ ⲛϩⲉⲗⲗⲏⲛ ⲧⲟⲗⲙⲁ ⲉϫⲟⲟⲥ · ϩⲙⲡⲧⲣⲉϥⲉⲓ ⲉⲡⲉⲓⲙⲁ · ϫⲉⲁⲓⲣⲙⲟⲉⲓϩⲉ ⲣⲱ ϫⲉⲕⲣⲟⲟⲩⲧ
…
9 ⲁⲓϫⲟⲟⲥ ⲛⲁϥ ⲛⲧⲉⲓϩⲉ · ϫⲉⲉⲧⲃⲉⲟⲩ ⲛⲉϥⲛⲁⲟⲩⲣⲟⲧ ⲁⲛ ⲛϭⲓⲡⲉⲧⲉⲙⲛⲛⲟⲩⲧⲉ ϣⲟⲟⲡ ⲛⲥⲁⲓⲏⲥⲟⲩⲥ ·
…
10 ⲙⲏ ⲉⲛⲟⲩⲱϣⲧ ⲙⲙⲟⲩⲛⲅ ⲛϭⲓϫ ⲛⲉⲓⲇⲱⲗⲟⲛ ⲛⲇⲁⲓⲙⲟⲛⲓⲟⲛ ·
…
11 ⲛⲧϩⲉ ⲛⲧⲁⲛⲉⲡⲣⲟⲫⲏⲧⲏⲥ ϫⲟⲟⲥ ⲉⲧⲃⲏⲏⲧⲟⲩ · ϫⲉⲙⲛⲣⲁϣⲉ ϣⲟⲟⲡ ⲛⲛⲁⲥⲉⲃⲏⲥ ⲡⲉϫⲉⲡϫⲟⲉⲓⲥ ⲡⲛⲟⲩⲧⲉ ·
…
12 ⲡⲗⲏⲛ ⲟⲩⲟⲓ ⲛⲉ ⲟⲩⲟⲓ ⲛⲉ ⲧⲥⲩⲛⲁⲅⲱⲅⲏ ⲙⲙⲁⲥⲉ ϩⲓⲟⲩϩⲟⲣ · ϩⲓⲑⲏⲣⲓⲟⲛ ⲛⲓⲙ ⲡⲥⲱⲛⲧ ⲉⲧⲉⲙⲡⲉⲡϭⲱⲛⲧ ⲙⲡⲛⲟⲩⲧⲉ ⲥⲁϩⲱϥ ⲃⲟⲗ ⲙⲙⲟϥ ϣⲁϩⲣⲁⲓ ⲉⲡⲟⲟⲩ · ⲁⲩⲱ ϣⲁⲧⲥⲩⲛⲧⲉⲗⲓⲁ ϫⲉⲟⲩⲥⲩⲛⲁⲅⲱⲅⲏ ⲇⲉ ⲙⲡⲟⲛⲏⲣⲟⲛ ·
…
13 ⲟⲩⲥⲩⲛⲁⲅⲱⲅⲏ ⲇⲉ ⲙⲙⲁⲥⲉ ϩⲓⲟⲩϩⲟⲣ ⲁⲥⲕⲱⲧⲉ ⲉⲣⲟⲓ ⲁⲩⲱ ϫⲉⲁⲥⲁⲙⲁϩⲧⲉ ⲙⲙⲟⲓ ·
…
14 ⲧⲁⲧϣⲉⲡϩⲙⲟⲧ ⲧⲉⲧϩⲏⲡ ⲁⲛ ⲉⲓⲏⲥⲟⲩⲥ · ⲟⲩⲇⲉ ⲛⲉϥⲟⲃϣ ⲁⲛ ⲉⲣⲟⲥ · ϫⲉⲥⲉⲥⲱϣ ⲙⲙⲟϥ · ⲙⲛⲛⲉϥⲡⲉⲧⲟⲩⲁⲁⲃ ϩⲣⲁⲓ ⲛϩⲏⲧⲉ · ⲏ ⲉⲃⲟⲗ ϩⲓⲧⲟⲟⲧⲟⲩ ·
…
15 ⲁⲩⲟⲩⲱ ⲅⲁⲣ ⲉⲩϩⲉⲣⲙⲏⲛⲉⲩⲉ ⲙⲡⲟⲩⲣⲁⲛ ϫⲉⲧⲉⲧⲙⲉϩ ⲛⲇⲁⲓⲙⲟⲛⲓⲟⲛ ⲧⲉⲛⲧⲁⲡⲛⲉⲩⲙⲁ ⲛⲓⲙ ⲙⲡⲟⲛⲏⲣⲟⲛ ϭⲟⲓⲗⲉ ⲉⲣⲟⲥ · ⲉⲧⲣⲉⲩϫⲱⲕ ⲉⲃⲟⲗ ⲛⲛⲉⲩⲉⲡⲓⲑⲩⲙⲓⲁ ⲛⲙⲙⲁⲥ · ⲁⲩⲱ ⲛⲟⲩⲥ ⲛⲙⲙⲁⲩ · ⲧⲕⲟⲓⲛⲱⲛⲟⲥ ⲛⲛⲉⲧϫⲓⲟⲩⲁ ⲉⲡⲛⲟⲩⲧⲉ
…
16 ⲉⲣⲉⲣⲟⲩ ϩⲙⲡⲉϩⲟⲟⲩ ⲙⲡⲟⲩϫⲡⲓⲟ ·
…
17 ⲏ ⲣⲁⲥⲱⲃⲉ ⲙⲛⲛⲉⲧⲥⲱⲃⲉ ⲛⲥⲱ ·
…
18 ϫⲉⲥⲉⲥⲱϣ ⲙⲡⲛⲟⲩⲧⲉ ⲁⲩⲱ ⲥⲉϩⲟⲟⲩϣ ⲉⲛⲉϥⲡⲉⲧⲟⲩⲁⲁⲃ ⲉⲣⲉⲥⲱⲧⲙ ·
…
19 ⲉⲩϫⲉⲙⲛⲧⲣϩⲟⲩⲟ ⲅⲁⲣ ⲁⲛ ⲉⲡⲛⲟⲩⲧⲉ ⲁⲩⲱ ⲛⲉϥⲣⲱⲙⲉ ϩⲛⲛⲧⲁⲙⲉⲓⲟⲛ · ⲁⲗⲗⲁ ϩⲛⲛⲁⲅⲱⲣⲁ · ⲁⲩⲱ ϩⲛϩⲉⲛⲡⲗⲁⲧⲉⲓⲁ ⲉⲛⲁϣⲉⲛⲉⲧⲥⲱⲧⲙ ·
…
20 ⲁⲛⲟⲕ ϩⲱ ϯϫⲱ ⲙⲙⲟⲥ · ⲛⲏⲧⲛ ⲡⲁⲣⲣⲏⲥⲓⲁ · ϩⲛⲧⲙⲏⲏⲧⲉ ⲙⲡⲉⲓⲙⲏⲏϣⲉ ⲉⲧⲣⲉⲩⲥⲱⲧⲙ ⲛⲥⲁϫⲱⲟⲩ ⲛⲛⲧⲟϣ ⲙⲛⲡⲕⲁϩ ⲧⲏⲣϥ ·
…
21 ϫⲉⲥⲉⲥϩⲟⲩⲟⲣⲧ ⲛϭⲓⲛⲉⲧϫⲱ ⲙⲙⲟⲥ ϫⲉⲛⲉϣⲁⲩⲥⲧⲁⲩⲣⲟⲩ ⲛⲛⲟⲩⲧⲉ · ⲏ ϫⲉϣⲁⲣⲉⲛⲟⲩⲧⲉ ⲙⲟⲩ ·
…
22 ⲥⲉⲥϩⲟⲩⲟⲣⲧ ⲛϭⲓⲛⲉⲧϫⲱ ⲙⲙⲟⲥ ϫⲉⲉϣϫⲉⲟⲩⲛⲟⲩⲧⲉ ⲡⲉ ⲡⲛⲟⲩⲧⲉ · ⲁϩⲣⲟϥ ⲙⲡⲉϥⲉⲓⲙⲉ ϫⲉⲉⲛⲧⲁⲡⲇⲓⲁⲃⲟⲗⲟⲥ ⲉⲓ ⲧⲱⲛ ·
…
23 ⲛⲧⲁⲩϫⲉⲡⲁⲓ ⲉⲃⲟⲗ ϫⲉⲁⲩⲥⲱⲧⲙ ϩⲛⲓⲱⲃ ⲡⲣⲣⲟ ⲡⲛⲟⲩⲧⲉ ⲡⲡⲁⲛⲧⲟⲕⲣⲁⲧⲱⲣ · ⲉϥϫⲛⲟⲩ ⲛⲡⲇⲁⲓⲙⲱⲛ ⲉⲧⲙⲙⲁⲩ ϫⲉⲛⲧⲁⲕ ⲉⲓ ⲧⲱⲛ
…
24 ⲙⲡⲟⲩⲉⲓⲙⲉ ⲉⲡⲛⲟⲩⲥ ⲛⲛⲉⲧⲟⲩⲥⲱⲧⲙ ⲉⲣⲟⲟⲩ · ϫⲉϩⲁϩ ⲛⲥⲟⲡ ⲁⲡⲛⲟⲩⲧⲉ ϣⲁϫⲉ ϩⲛⲛⲉⲅⲣⲁⲫⲏ
…
25 ⲉⲛⲉⲛⲧⲁⲩⲉⲓⲙⲉ ⲅⲁⲣ ⲛϭⲓⲛⲁⲧⲛⲟⲩⲧⲉ ⲉⲧⲙⲙⲁⲩ · ⲛⲉⲩⲛⲟⲉⲓ ⲁⲛ ⲡⲉ ϫⲉⲧⲥⲩⲛⲏⲑⲓⲁ ⲛⲛⲣⲱⲙⲉ ⲡⲉ ⲁⲡⲉⲓⲗⲏ ⲉϩⲉⲛϩⲙϩⲁⲗ ⟦..⟧ϩⲟⲟⲩ ⟦..⟧ · ⲁⲩⲱ ⲉϫⲟⲟⲥ ϫⲉⲉⲕⲛⲏⲩ ⲧⲱⲛ · ⲕⲁⲛ ⲉⲩⲥⲟⲟⲩⲛ ·
…
26 ⲕⲁⲧⲁⲧϩⲉ ⲛⲧⲁⲉⲗⲓⲥⲥⲁⲓⲟⲥ ϫⲛⲉⲅⲉⲉⲓⲥⲉⲓ · ⲉϥⲥⲟⲟⲩⲛ ϫⲉⲛⲧⲁϥⲉⲓ ⲧⲱⲛ · ⲁⲩⲱ ϫⲉⲟⲩ ⲡⲉⲛⲧⲁϥⲁⲁϥ · ⲧⲁⲓ ⲧⲉ ⲧϩⲉ ⲛⲧⲁⲡϫⲟⲉⲓⲥ ϫⲛⲉⲡⲇⲓⲁⲃⲟⲗⲟⲥ · ϩⲛⲟⲩⲁⲡⲉⲓⲗⲏ ·
…
27 ϫⲉⲉⲕⲛⲏⲩ ⲧⲱⲛ ⲡⲣⲉϥⲧⲁⲕⲟ · ⲡⲣⲉϥϫⲓϭⲟⲗ · ⲡⲉⲧϣⲟⲩϣⲟⲩ ⲙⲙⲟϥ ⲉϫⲛⲛⲣⲱⲙⲉ ⲉⲧϭⲟⲟⲙⲉ ·
…
28 ⲁⲕϯϩⲧⲏⲕ ϭⲉ ⲡϭⲱⲃ ⲉⲡⲁϩⲙϩⲁⲗ ⲓⲱⲃ · ϫⲉⲙⲛⲣⲱⲙⲉ ⲉϥⲧⲛⲧⲱⲛ ⲉⲣⲟϥ ·
…
29 ⲉϣϫⲉⲕⲟⲩⲱϣ ⲉⲙⲓϣⲉ ϯⲡⲉⲕⲟⲩⲟⲉⲓ ⲉⲡⲁⲓ ·
…
30 ⲛⲧⲁⲓⲁⲛⲉⲭⲉ ⲅⲁⲣ ⲙⲙⲟⲕ ⲡⲇⲁⲓⲙⲱⲛ ⲉⲩⲇⲟⲕⲓⲙⲏ ⲛⲛⲁⲥⲱⲧⲡ ⲉⲧⲣⲉⲩⲥⲱⲃⲉ ⲙⲙⲟⲕ ϩⲓⲧⲛⲛⲉⲧⲉⲕϫⲓϣⲓⲡⲉ ⲉⲃⲟⲗ ϩⲓⲧⲟⲟⲧⲟⲩ ⲧⲏⲣⲟⲩ · ϩⲙⲡⲧⲣⲉⲩϫⲣⲟ ⲉⲣⲟⲕ · ⲡⲁⲅⲅⲉⲗⲟⲥ ⲉⲧⲟⲩⲙⲟⲩⲟⲩⲧ ⲙⲙⲟϥ ⲡⲙⲟⲩⲓ ⲁⲩⲱ ⲡⲉⲇⲣⲁⲕⲱⲛ ⲉⲧⲟⲩϩⲱⲙ ⲉϫⲱϥ ϩⲓⲧⲛⲛⲉⲧⲁⲓϯ ⲉⲧⲣⲁⲙⲟⲩⲣⲟⲩ ⲛⲟⲩϭⲟⲙ · ⲁⲩⲱ ⲉⲧⲣⲁⲙⲟⲩⲣⲟⲩ ⲉⲛⲟⲩⲙⲛⲧϫⲱⲱⲣⲉ · ⲉϯⲟⲩⲃⲉ ⲉⲛⲉⲕⲙⲛⲧⲁⲥⲉⲃⲏⲥ ·
…
31 ⲥⲉⲥϩⲟⲩⲟⲣⲧ ⲛϭⲓⲛⲉⲧϫⲱ ⲙⲙⲟⲥ ϫⲉⲉϣϫⲉⲟⲩⲛⲟⲩⲧⲉ ⲡⲉ · ϫⲉⲉⲧⲃⲉⲟⲩ ⲙⲡⲉϥⲉⲓⲙⲉ ϫⲉⲉⲣⲉⲁⲇⲁⲙ ⲧⲱⲛ
…