1 ⲡⲉ ⲛⲛϭⲓϫ ⲉⲩⲟⲩⲏⲩ ⲉⲃⲟⲗ ⲙⲙⲟ .
…
2 ⲛⲉϣⲁⲩⲉϣⲧϩⲉⲛⲉⲓⲇⲟⲥ ⲉⲩⲣϩⲟⲩⲟⲛϭⲉϭⲟⲩ · ⲏ ⲉⲩⲙⲉϩ ⲉⲙⲁⲧⲉ ·
…
3 ⲉⲓⲛⲁⲣϩⲟⲧⲉ ϫⲉⲟⲩ ⲉϩⲏⲧⲟⲩ ⲛϩⲉⲛⲣⲱⲙⲉ ⲛⲁⲧϩⲏⲧ ·
…
4 ⲛⲥⲉϣⲓⲡⲉ ⲁⲛ ⲉϫⲟⲟⲥ ϫⲉⲙⲛⲛⲟⲩⲧⲉ ϣⲟⲟⲡ ·
…
5 ⲧⲁⲛⲟⲙⲓⲁ ⲛϩⲉⲛϩⲉⲗⲗⲏⲛ · ⲛⲁⲕⲱⲧⲉ ⲉⲣⲟⲓ · ⲛⲉⲧⲛⲁϩⲧⲉ ⲉⲛⲉⲩⲭⲣⲏⲙⲁ ⲁⲩⲱ ⲉⲧϣⲟⲩϣⲟⲩ ⲙⲙⲟⲟⲩ ⲉϫⲛϩⲉⲛϩⲉⲗⲡⲓⲥ ⲉⲧϣⲟⲩⲉⲓⲧ ·
…
6 ⲉϣϫⲉϫⲓⲛⲉϣⲟⲣⲡ ⲥⲉϯ ⲛϩⲉⲛⲥⲟⲉⲓⲧ ⲉⲩϩⲟⲟⲩ ⲛⲥⲁⲛⲣⲙⲛⲛⲟⲩⲧⲉ ⲛⲧϩⲉ ⲉⲧⲥⲏϩ · ⲁⲩϫⲟⲟⲥ ⲟⲛ ϫⲉⲡⲇⲓⲕⲁⲓⲟⲥ ⲛⲁϣⲱⲡⲉ ⲉⲛⲉⲣⲡⲙⲉⲉⲩⲉ ϣⲁⲉⲛⲉϩ · ⲛϥⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩⲥⲟⲉⲓⲧ ⲉϥϩⲟⲟⲩ ·
…
7 ⲉⲣⲉⲛϫⲁϫⲉ ⲙⲡⲉⲭⲣⲓⲥⲧⲟⲥ ⲛⲁϣⲁϫⲉ ⲉⲣⲟⲓ ϩⲛⲟⲩ · ⲛⲥⲁⲛⲉϫⲓϭⲟⲗ ⲉⲃⲟⲗ ϩⲛⲧⲉⲩⲧⲁⲡⲣⲟ ⲉϩⲟⲩⲛ ⲉⲣⲟⲓ · ϩⲓϩⲱⲃ ⲛⲓⲙ ⲉⲛϥϣⲟⲟⲡ ⲁⲛ ·
…
8 ⲛⲧϩⲉ ⲛⲧⲁⲟⲩⲁ ϫⲟⲟⲥ ⲕⲁⲛ ⲉϥⲥⲟⲩⲧⲱⲛ ⲕⲁⲛ ⲉϥⲥⲟⲩⲧⲱⲛ ⲁⲛ · ϫⲉⲉⲩϣⲁⲛϣⲁϫⲉ ⲉⲣⲟⲕ ϩⲛⲛⲏⲓ ⲛⲛⲣⲙⲙⲁⲟ ϣⲁⲓϫⲱ ⲁⲛⲟⲕ ⲙⲡⲉⲕⲡⲉⲧⲛⲁⲛⲟⲩϥ ⲛⲁϩⲣⲁⲩ ·
…
9 ⲛⲛⲁϩⲣⲛⲣⲱⲙⲉ ⲅⲁⲣ ⲛⲓⲙ ⲉⲧϩⲉⲗⲡⲓⲥ ⲉⲓⲏⲥⲟⲩⲥ · ⲟⲩⲟⲩⲟⲛⲟⲩⲟⲛ ⲉⲣⲟⲓ ⲛⲧⲟⲟⲧⲟⲩ ⲁⲩⲱ ⲟⲩⲛⲧⲁⲩ ⲉⲣⲟⲓ ⲙⲙⲁⲧⲉ ·
…
10 ⲁⲗⲗⲁ ⲛⲛⲁϩⲣⲛⲛⲣⲙⲙⲁⲟ ⲛⲣⲉϥϫⲓ ⲛϭⲟⲛⲥ ⲉⲧⲙⲙⲁⲩ · ⲙⲛⲧⲟⲩⲗⲁⲁⲩ ⲛϩⲱⲃ ⲉϫⲱ ⲉⲣⲟⲓ · ⲛⲥⲁⲧⲣⲉⲩϫⲟⲟⲥ ϫⲉⲉⲕⲕⲧⲟ ⲛⲛϩⲏⲧ ⲛⲛϩⲏⲕⲉ ⲉⲃⲟⲗ ⲙⲙⲟⲛ · ⲉⲧⲙⲣⲕⲃⲁ · ϩⲓϭⲱⲙ ϩⲓϩⲱⲃ ⲛⲓⲙ ⲡⲁⲣⲁⲧⲉⲩϭⲟⲙ ·
…
11 ⲁⲩⲱ ⲉⲧⲣⲉⲩϫⲟⲟⲥ ϫⲉⲁϥⲉⲓ ⲉϩⲟⲩⲛ ⲉⲛⲉⲛⲏⲓ ⲫⲁⲛⲉⲣⲱⲛ · ⲁϥϥⲓ ⲛⲛⲉⲧⲉⲛⲟⲩⲱϣⲧ ⲛⲁⲩ ⲉⲩϣⲓⲡⲉ ⲛⲁⲛ ϫⲉⲙⲡⲉⲛⲉϣϭⲙϭⲟⲙ ⲉⲕⲱⲗⲩ ⲙⲙⲟϥ ·
…
12 ⲁϣ ⲅⲁⲣ ⲧⲉ ⲧⲕⲉⲉⲡⲓⲑⲩⲙⲓⲁ · ⲁⲩⲱ ⲧⲕⲉⲙⲁⲥⲧⲓⲅⲝ ⲉⲧϩⲓϫⲛⲛⲣⲱⲙⲉ ⲁⲛ ⲛⲁⲧⲛⲟⲩⲧⲉ ⲛⲥⲉⲁⲓⲥⲑⲁⲛⲉ ⲁⲛ ·
…
13 ⲏ ϩⲱ ⲁⲛ ⲉϯⲛⲟϭ ⲛⲟⲣⲅⲏ ⲉⲧϩⲓϫⲱⲟⲩ ⲉⲧⲙⲧⲣⲉⲩⲥⲟⲩⲛⲡⲛⲟⲩⲧⲉ ·
…
14 ⲁⲗⲗⲁ ⲙⲡⲣⲧⲣⲉϩⲟⲓⲛⲉ ⲛϩⲏⲧⲛ ⲙⲉⲉⲩⲉ ⲉⲡⲁⲓ · ϫⲉϩⲁⲙⲟⲓ ⲛⲉⲣⲉⲡⲛⲟⲩⲧⲉ ⲛⲁⲧⲱⲱⲃⲉ ⲛϩⲉⲛⲡⲉⲧϩⲟⲟⲩ ⲛⲛⲉⲧⲥⲱϣ ⲙⲙⲟⲛ ·
…
15 ⲁⲣⲓⲡⲙⲉⲉⲩⲉ ⲛⲧⲟϥ ⲛⲧⲙⲛⲧϩⲁⲣⲉϣϩⲏⲧ ⲙⲡϫⲟⲉⲓⲥ ⲉⲧⲙⲧⲣⲉϥⲧⲣⲉⲡⲗⲁⲥ ⲛⲛⲉⲛⲧⲁⲩⲥⲁϩⲟⲩ ⲙⲙⲟϥ ⲡⲱϭⲉ ϩⲛⲣⲱⲟⲩ ·
…
16 ⲁⲩⲱ ⲙⲡⲉϥⲧⲣⲉⲛⲉⲛⲧⲁⲩⲥⲧⲁⲩⲣⲟⲩ ⲙⲙⲟϥ ⲡⲱϩ ϩⲛⲧⲉⲩⲙⲏⲧⲉ · ⲛⲧϩⲉ ⲟⲛ ⲉⲧⲙⲡⲉϥⲟⲩⲉⲓⲧ ⲙⲡⲗⲁⲥ ⲛⲛⲉⲧϫⲓⲟⲩⲁ ⲉⲣⲟϥ ⲧⲉⲛⲟⲩ · ⲁⲩⲱ ⲙⲡⲉϥⲧⲣⲉⲛⲥⲁⲣⲝ ⲛⲛⲉⲧϫⲱ ⲙⲙⲟⲥ · ϫⲉⲟⲩⲛⲟⲩⲧⲉ ⲁⲛ ⲡⲉ ⲡⲟⲧⲡⲉⲧ ⲉⲡⲉⲥⲏⲧ ·
…
17 ⲁⲗⲗⲁ ⲥⲉⲛⲁⲡⲟⲧⲡⲉⲧ ϭⲉ ⲁⲩⲱ ⲛⲥⲉⲡⲱϩ · ⲁⲩⲱ ⲡⲉⲩⲗⲁⲥ ⲛⲁⲡⲱϩϭⲉ · ⲁⲩⲱ ⲛϥⲉⲓⲧⲉ ⲙⲡⲥⲟⲡ ⲉⲧⲉⲣⲉⲡϫⲟⲉⲓⲥ ⲓⲏⲥⲟⲩⲥ ⲛⲁⲧⲥⲁⲃⲟⲟⲩ ⲉⲡⲉϩⲟⲟⲩ ⲉⲡⲉⲩⲕⲱⲛⲥ ·
…
18 ⲥⲕⲏ ⲙⲉⲛ ⲉϩⲣⲁⲓ ⲉⲧⲣⲉⲛⲣⲱⲙⲉ ⲙⲡⲛⲟⲩⲧⲉ ϣⲗⲏⲗ ⲉϫⲛⲛⲉⲧⲡⲏⲧ ⲛⲥⲱⲟⲩ ·
…
19 ⲉⲧⲃⲉⲡⲁⲓ ⲧⲛⲥⲙⲟⲩ ⲉⲛⲉⲧⲥⲁϩⲟⲩ ⲙⲙⲟⲛ ⲁⲩⲱ ⲕⲁⲧⲁⲧⲉⲛⲧⲟⲗⲏ ⲙⲡⲉⲛⲥⲁϩ ⲁⲩⲱ ⲡϫⲟⲉⲓⲥ ⲡⲉⲭⲣⲓⲥⲧⲟⲥ ·
…
20 ⲉⲣϣⲁⲛⲛⲉϥⲥⲃⲟⲩⲓ ⲅⲁⲣ · ⲁⲩⲱ ⲛⲉϥϩⲙϩⲁⲗ ⲥϩⲟⲩⲉⲣϩⲉⲛⲣⲱⲙⲉ ⲉⲧⲃⲏⲏⲧⲟⲩ · ϫⲉⲥⲉϫⲉⲡⲉⲧϩⲟⲟⲩ ⲉⲣⲟⲟⲩ ⲟⲩⲉⲛⲟⲩⲟⲛ ⲉⲣⲟⲟⲩ ·
…
21 ⲉⲩϣⲁⲛⲧⲙⲥϩⲟⲩⲱⲣⲟⲩ ⲇⲉ ⲛⲧⲟⲟⲩ ϫⲉⲁⲩϫⲱ ⲛϯⲃⲟⲧⲉ ⲉⲃⲟⲗ ϩⲛⲣⲱⲟⲩ ϫⲉⲟⲩⲛⲟⲩⲧⲉ ⲁⲛ ⲡⲉ ⲡⲛⲟⲩⲧⲉ ⲙⲙⲉ ⲙⲁⲩⲁⲁϥ · ⲡⲉⲓⲱⲧ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲥⲉⲟ ⲛⲕⲟⲓⲛⲱⲛⲟⲥ ⲛⲙⲙⲁⲩ ⲉⲛⲉⲩϩⲃⲏⲩⲉ ⲙⲛⲛⲉⲩϣⲁϫⲉ ⟦·
…
22 ⲁⲩⲱ ⲥⲉⲟ ⲛⲕⲟⲓⲛⲱⲛⲟⲥ ⲛⲙⲙⲁⲩ ⲉⲛⲉⲩϩⲃⲏⲩⲉ ⲙⲛⲛⲉⲩϣⲁϫⲉ ·
…
23 ⲁⲩⲱ ⲥⲉⲟ ⲛⲉⲛⲟⲭⲟⲥ ⲛⲙⲙⲁⲩ ⲉⲧⲉⲩⲕⲣⲓⲥⲓⲥ ⲙⲛⲡⲉⲩⲥⲁϩⲟⲩ ⲁⲩⲱ ⲧⲟⲣⲅⲏ · ⲙⲛⲧⲅⲉϩⲉⲛⲛⲁ ·
…
24 ⲉϣϫⲉⲙⲡⲟⲩⲥⲟⲩⲛⲡⲛⲟⲩⲧⲉ ϭⲉ ⲛϭⲓⲛⲣⲱⲙⲉ ⲛⲧⲁⲩⲣϩⲟⲩⲉⲫⲩⲥⲓⲥ ⲛⲧⲃⲛⲏ · ⲁⲩⲱ ⲙⲡⲟⲩⲉⲓⲙⲉ ⲉⲛⲉϥⲙⲟⲉⲓϩⲉ · ⲙⲛⲛⲉϥϭⲟⲙ · ⲙⲛⲛⲉϥϩⲃⲏⲩⲉ ⲧⲏⲣⲟⲩ ·
…
25 ⲛⲁⲡⲕⲁϩ ⲙⲁⲩⲁⲁⲩ ⲁⲛ ⲛⲉⲧⲟⲩⲛⲁⲩ ⲉⲣⲟⲟⲩ ⲁⲩⲱ ⲉⲩⲥⲱⲧⲙ ⲉⲧⲃⲏⲏⲧⲟⲩ ⲁⲗⲗⲁ ⲛⲁⲙⲡⲏⲩⲉ ⲙⲛⲛⲉⲧⲉϥⲛⲁⲁⲁⲩ ⲧⲏⲣⲟⲩ ⲟⲛ ·
…
26 ⲛⲁϣ ⲛϩⲉ ⲉⲩⲛⲁⲥⲟⲩⲛⲛⲉϥⲣⲱⲙⲉ · ⲙⲛⲛⲉⲩϩⲃⲏⲩⲉ ·
…
27 ⲡⲉⲧⲣϩⲟⲧⲉ ϩⲏⲧϥ ⲛⲟⲩⲣⲱⲙⲉ ⲉϣⲁϥⲙⲟⲩ · ⲁⲩⲱ ⲉϩⲏⲧϥ ⲛⲟⲩϣⲏⲣⲉ ⲛⲣⲱⲙⲉ · ⲛⲁⲓ ⲉϣⲁⲩϣⲟⲟⲩⲉ ⲛⲧϩⲉ ⲛⲟⲩⲭⲟⲣⲧⲟⲥ · ⲛⲉⲩϣⲟⲃⲉ ⲁⲛ ⲉϩⲉⲛϣⲏⲣⲉ ϣⲏⲙ ⲉⲛⲁⲧⲥⲟⲟⲩⲛ · ⲉϣⲁⲩϥⲱϭⲉ ⲁⲩⲱ ⲛⲥⲉⲧⲣⲣⲉ ϩⲙ
…