1 ⲟⲩⲉϫⲏⲕⲏⲥⲓⲥ ⲉⲁϥⲧⲁⲩⲟⲩⲟⲥ ⲛⲟⲩϩⲟⲟⲩ ϩⲙⲡⲧⲣⲉϥⲛⲁⲩ ⲉⲡⲙⲏⲏϣⲉ ⲉⲩⲏⲡ ⲉⲡⲣⲱⲙⲉ ⲉⲧⲙⲡϣⲁ ⲙⲡⲥⲁϩⲟⲩ · ⲉϥⲟⲩⲱϣ ⲉⲧⲣⲉⲩⲧⲁⲙⲟϥ ⲉⲛⲉⲧⲉϥϫⲱ ⲙⲙⲟⲟⲩ · ⲉⲧⲃⲏⲏⲧϥ ⲛϩⲁϩⲛⲥⲟⲡ · ⲁⲩⲱ ⲉϥⲟⲩⲱϣ ⲉⲧⲣⲉⲛⲓⲕⲟⲟⲩⲉ ϩⲁⲣⲉϩ ⲉⲣⲟⲟⲩ ⲉⲛⲉϩⲃⲏⲩⲉ ⲙⲡⲉⲧⲙⲙⲁⲩ : ························
…
2 ⲡⲛⲟⲩⲧⲉ ϫⲱ ⲙⲙⲟⲥ ϩⲛⲛⲉⲧⲉⲛⲟⲩϥ ⲛⲉ · ϫⲉⲛⲛⲉϣⲏⲣⲉ ⲙⲟⲩ ϩⲁⲉⲓⲟⲧⲉ · ⲁⲩⲱ ϫⲉⲛⲛⲉⲛⲉⲓⲟⲧⲉ ⲟⲩⲉⲙⲉⲗⲉⲗϩⲏⲙϫ · ⲛⲧⲉⲛⲛⲁϫϩⲉ ⲛⲛϣⲏⲣⲉ ⲛⲟⲩϭⲥ ·
…
3 ⲛⲧⲉⲓϩⲉ ⲟⲛ ⲙⲙⲛϩⲙϩⲁⲗ ⲙⲡⲓⲥⲧⲟⲥ ⲛⲁⲙⲟⲩ ϩⲁϩⲉⲛϫⲉⲓⲥⲟⲟⲩⲉ ⲛⲁⲡⲓⲥⲧⲟⲥ · ⲟⲩⲇⲉ ⲙⲙⲛⲧⲁⲥⲉⲃⲏⲥ ⲛϩⲉⲛϫⲉⲓⲥⲟⲟⲩⲉ ⲉⲛⲁⲧⲛⲟⲩⲧⲉ · ⲉⲩⲟⲩⲱϣⲧ ⲛϩⲉⲛϣⲉ · ⲙⲛϩⲉⲛⲱⲛⲉ · ⲛⲥⲉⲛⲁⲉⲓ ⲁⲛ ⲉϫⲛϩⲛϩⲙϩⲁⲗ · ⲉⲣⲉⲧⲉⲩϩⲉⲗⲡⲓⲥ ϩⲙⲡⲛⲟⲩⲧⲉ ⲙⲛⲡⲉϥⲭⲣⲓⲥⲧⲟⲥ ⲓⲏⲥⲟⲩⲥ ·
…
4 ⲧⲁⲙⲉⲗⲉⲓⲁ ⲛϩⲉⲛϫⲉⲓⲥⲟⲟⲩⲉ ⲛⲁⲡⲓⲥⲧⲟⲥ ⲁⲩⲱ ⲛⲣⲉϥϫⲓ ⲛϭⲟⲛⲥ · ⲉⲥⲛⲁϣⲱⲡⲉ ⲉϩⲣⲁⲓ ⲉϫⲱⲟⲩ · ⲁⲩⲱ ⲧⲇⲓⲕⲁⲓⲟⲥⲩⲛⲏ ⲛϩⲛϩⲙϩⲁⲗ ⲙⲡⲓⲥⲧⲟⲥ ⲛⲁⲉⲓ ⲉϩⲣⲁⲓ ⲉϫⲱⲟⲩ ·
…
5 ⲙⲙⲛⲙⲛⲧϩⲙϩⲁⲗ ϣⲟⲟⲡ ϩⲙⲡⲙⲁ ⲉⲧⲛⲛⲁⲃⲱⲕ ⲉⲣⲟϥ · ⲛⲛⲉⲧⲛⲁⲁⲁⲩ ⲧⲉⲛⲟⲩ ⲛⲣⲙϩⲉ ⲉⲃⲟⲗ ϩⲛⲧⲙⲛⲧϩⲙϩⲁⲗ ⲙⲡⲛⲟⲃⲉ ·
…
6 ⲛϩⲟⲥⲟⲛ ϭⲉ ⲉⲣⲉⲡⲟⲩⲁ ⲡⲟⲩⲁ ⲛⲁϯⲗⲟⲅⲟⲥ ϩⲁⲣⲟϥ ⲙⲡⲛⲟⲩⲧⲉ ⲥⲱⲧⲙ ⲛⲥⲁⲡⲉⲧⲥⲏϩ · ϫⲉⲥⲁϩⲱⲧⲛ ⲉⲃⲟⲗ · ⲥⲁϩⲱⲧⲛ ⲉⲃⲟⲗ · ⲙⲡⲣϫⲱϩ ⲉⲁⲕⲁⲑⲁⲣⲧⲟⲛ ·
…
7 ⲙⲡⲣⲕⲟⲓⲛⲱⲛⲉⲓ ⲉⲛⲉϩⲃⲏⲩⲉ ⲛⲛⲉⲧⲟ ⲛϩⲙϩⲁⲗ ⲛⲕⲣⲟⲛⲟⲥ · ⲉⲧⲙⲉ ⲁⲩⲱ ⲉⲧⲗⲟⲃⲉ ⲛⲥⲁⲧϩⲉⲕⲁⲧⲏ ⲉϭⲱϣⲧ ⲉϩⲟⲩⲛ ⲉϩⲣⲁⲥ · ⲧⲉⲥⲙⲟⲧ ⲙⲡⲟⲣⲛⲏ · ϫⲉⲛⲛⲉⲡⲉⲧⲙⲟⲥⲧⲉ ⲛⲛⲉⲧⲙⲙⲁⲩ ⲓⲏⲥⲟⲩⲥ ⲙⲉⲥⲧⲉⲧⲏⲩⲧⲛ ⲛⲙⲙⲁⲩ ·
…
8 ⲁⲩⲱ ⲁⲡⲉⲥϩⲁⲓ ⲉⲧⲟⲩⲁⲁⲃ ϫⲟⲟⲥ ϫⲉⲁⲛⲁⲅⲅⲉⲗⲟⲥ ϣⲁϫⲉ ⲙⲛⲗⲱⲧ ⲉⲧⲣⲉϥⲉⲓ ⲉⲃⲟⲗ ϩⲛⲥⲟⲇⲟⲙⲁ ⲧⲁⲭⲏ ⲉⲩϯⲥⲟ ⲉⲣⲟϥ ϫⲉⲛⲛⲉϥⲧⲁⲕⲟ ⲛⲙⲙⲁⲩ ·
…
9 ⲉⲩϫⲱ ⲙⲙⲟⲥ ⲛⲁⲕ ⲧⲉⲛⲟⲩ ϩⲱⲱⲕ ⲱ ⲡⲣⲱⲙⲉ ⲉⲃⲟⲗ ϩⲓⲧⲙⲡⲗⲟⲅⲟⲥ ⲙⲡⲛⲟⲩⲧⲉ · ⲁⲩⲱ ⲛⲅⲥⲁϩⲱⲱⲕ ⲉⲃⲟⲗ ⲛⲛⲉⲩⲛⲟⲃⲉ ϫⲉⲛⲛⲉϥⲁⲁⲕ ⲛⲧⲉⲩϩⲉ · ⲁⲩⲱ ⲛϥⲃⲟⲧⲕ ⲉⲃⲟⲗ ⲛⲙⲙⲁⲩ .
…
10 ⲟⲩⲛⲟⲩⲙⲛⲧϭⲱⲃ ϣⲟⲟⲡ ⲉⲓⲕⲏ ⲙⲡⲉⲧⲛⲁⲉⲓ ⲉϩⲣⲁⲓ ⲉⲣⲟⲥ ⲉⲧⲉⲡⲁⲓ ⲡⲉ ⲉⲧⲣⲉϩⲉⲛⲣⲱⲙⲉ ⲛⲧⲛⲙⲉⲓⲛⲉ ⲉⲩϫⲱ ⲙⲙⲟⲥ · ϫⲉⲧⲛⲙⲉ ⲙⲡⲉⲛⲧⲁϥϯⲥⲟⲟⲩⲛ ⲛⲁⲛ ⲡⲉ ⲭⲣⲓⲥⲧⲟⲥ · ϫⲓⲇⲱⲣⲟⲛ ⲛⲗⲁⲁⲩ ⲛϩⲛⲟ ϩⲟⲗⲱⲥ ⲛⲧⲟⲟⲧⲟⲩ ⲛϩⲉⲛⲣⲱⲙⲉ ⲛⲁⲧⲛⲟⲩⲧⲉ · ⲏ ⲛⲧⲟϥ ⲛⲧⲉⲛϫⲓⲟⲩⲇⲱⲣⲟⲛ ⲛⲁⲩ · ⲛⲕⲱ ⲛⲁⲛ ⲛⲟⲩⲙⲛⲧϣⲃⲣ ⲙⲛⲛϫⲁϫⲉ ⲙⲡⲉⲭⲣⲓⲥⲧⲟⲥ ·
…
11 ⲉⲩⲟⲩⲟⲛϩ ⲉⲃⲟⲗ ⲉⲛⲉⲛⲣⲱⲙⲉ ⲏ ϩⲉⲛⲙⲏⲏϣⲉ ⲛⲣⲱⲙⲉ ϫⲉϩⲉⲛⲣⲉϥϣⲙϣⲉⲉⲓⲇⲱⲗⲟⲛ ⲛⲉ ⲉⲩⲟⲩⲱϣⲧ ⲛⲛϩⲉⲓⲕⲱⲛ ⲛⲇⲁⲓⲙⲟⲛⲓⲟⲛ ⲁⲩⲱ ⲉⲩϫⲱ ⲙⲙⲟⲥ ϩⲛⲧⲉⲩⲙⲛⲧⲧⲟⲗⲙⲏⲣⲟⲥ · ϫⲉⲛⲧϩⲉ ⲉⲧⲛⲛⲁⲉϣⲡⲉⲉⲛⲉⲧⲏⲩⲧⲛ ⲁⲛ ⲉⲣϩⲉⲗⲗⲏⲛ ⲛⲧⲉⲧⲛⲛⲁⲉϣⲡⲟⲟⲛⲉⲛ ⲁⲛ ⲉⲣⲭⲣⲓⲥⲧⲓⲁⲛⲟⲥ ·
…
12 ⲡⲉⲧⲟⲩⲱϣⲧ ⲅⲁⲣ ⲛϩⲉⲛⲣⲱⲙⲉ ⲛⲁⲧⲛⲟⲩⲧⲉ · ⲉϥⲟⲩⲱϣⲧ ⲙⲡⲉⲧⲟⲩⲏϩ ⲛϩⲏⲧⲟⲩ ⲡⲇⲓⲁⲃⲟⲗⲟⲥ · ⲁⲩⲱ ⲉϥϯⲡⲓ ⲉⲡⲉⲧⲟⲩϣⲙϣⲉ ⲛⲁϥ ⲡϩⲟⲃ · ⲡⲉⲧⲟⲩⲱϣⲧ ⲇⲉ ⲛϩⲉⲛⲣⲙⲛⲛⲟⲩⲧⲉ ⲉϥⲟⲩⲱϣⲧ ⲙⲡⲛⲟⲩⲧⲉ ⲉⲧⲟⲩⲏϩ ⲛϩⲏⲧⲟⲩ · ⲁⲩⲱ ⲉϥϯⲡⲓ ⲉⲣⲙⲡⲉⲧⲟⲩϣⲙϣⲉ ⲛⲁϥ ⲓⲏⲥⲟⲩⲥ ·
…
13 ⲉⲕϣⲁⲛϫⲟⲟⲥ ϫⲉⲡϫⲟⲉⲓⲥ ϣⲉⲡⲣⲉϥⲣⲛⲟⲃⲉ ⲉⲣⲟϥ ⲁⲩⲱ ϥⲟⲩⲱⲙ ⲛⲙⲙⲁⲩ · ⲁⲗⲗⲁ ⲧⲉⲭⲣⲉⲓⲁ ⲇⲉ ⲉⲛⲟⲓ ⲛⲧⲟϥ ϫⲉⲉⲧⲃⲉⲟⲩ · ϫⲉⲉⲩⲉⲡⲓⲥⲧⲉⲩⲉ ⲉⲣⲟϥ · ϫⲛⲉⲉⲩⲉϫⲓⲟⲩⲁ ⲉⲣⲟϥ ·
…
14 ⲏ ⲉⲛⲉϥⲛⲁϯϩⲏⲩ ⲁⲛ ⲉⲣⲟⲟⲩ · ⲛⲁϣ ⲛϩⲉ ϥⲛⲁϫⲟⲟⲥ ϫⲉⲛⲧⲁⲓⲉⲓ ⲉⲧⲉϩⲙⲛⲣⲉϥⲣⲛⲟⲃⲉ ⲉⲩⲙⲉⲧⲁⲛⲟⲓⲁ ·
…
15 ⲏ ⲛⲧⲉⲧⲛⲛⲁⲩ ⲁⲛ ⲉⲡⲙⲁⲉⲓⲛ ⲙⲡⲉⲩⲟⲩⲱϣ ⲉϩⲟⲩⲛ ⲉⲡⲉⲛⲧⲁϥⲧⲁϩⲙⲟⲩ ⲉⲧⲉⲡⲁⲓ ⲡⲉ ϫⲉⲛⲉⲣⲉⲛⲧⲉⲗⲱⲛⲏⲥ ⲇⲉ ⲧⲏⲣⲟⲩ ⲙⲛⲛⲣⲉϥⲣⲛⲟⲃⲉ ϩⲏⲛ ⲉϩⲟⲩⲛ ⲉⲣⲟϥ · ϫⲉⲉⲩⲉⲥⲱⲧⲙ ⲉⲣⲟϥ ·
…
16 ⲉϣⲱⲡⲉ ⲙⲉⲛ ⲉⲕϣⲁⲛⲧⲉϩⲙⲟⲩⲁⲡⲓⲥⲧⲟⲥ · ⲛϥⲉⲓ ⲉⲡⲇⲉⲓⲡⲛⲟⲛ ⲙⲡⲉⲕⲛⲟⲩⲧⲉ · ⲛϥⲟⲩⲱⲙ ⲉⲃⲟⲗ ϩⲛⲛⲁⲅⲁⲑⲟⲛ ⲛⲧⲁϥϫⲟⲟⲩ ϫⲉⲁⲓⲥⲃⲧⲱⲧⲟⲩ · ⲉⲓⲉⲕⲁⲗⲱⲥ
…
17 ⲉⲣϣⲁⲛⲧⲁϩⲙⲉⲕ ⲉⲩⲇⲓⲡⲛⲟⲛ ⲛϭⲓⲟⲩⲁⲡⲓⲥⲧⲟⲥ ⲛⲅⲟⲩⲱⲙ ϩⲱⲱⲕ ⲛⲙⲙⲁϥ ⲛⲧϩⲉ ⲙⲡⲉⲕϫⲟⲉⲓⲥ ⲓⲏⲥⲟⲩⲥ · ⲡⲉⲕⲁⲡⲟⲧ ⲡⲟⲣϫ ⲉⲃⲟⲗ ⲉⲡⲁⲡϩⲉⲗ
…