1 ⲉⲓⲥⲁⲟⲩⲱⲛ ⲛⲁⲛ ⲁⲩⲱ ⲉⲓⲉ ⲁⲩⲟⲩⲱⲛ ⲏ ⲛⲧⲁⲩⲥⲱⲧⲙ ⲁⲛ ⲉⲡⲁⲓ ϫⲉⲛϯⲥⲟⲟⲩⲛ ⲙⲙⲱⲧⲛ ⲁⲛ .
…
2 ⲉⲧⲃⲉⲟⲩ ⲙⲏ ⲉⲃⲟⲗ ⲁⲛ ϫⲉⲟⲩⲉⲧⲡⲛⲁⲩ ⲛⲃⲱⲕ ⲉϣⲉⲡⲛⲉϩ ⲟⲩⲉⲧⲡⲛⲁⲩ ⲛⲛⲉⲛⲧⲁⲩⲥⲃⲧⲱⲧⲟⲩ ⲉⲃⲱⲕ ⲉϩⲟⲩⲛ .
…
3 ⲧⲱ ⲉⲧⲱ ⲛⲛⲉⲧⲙⲟⲟϣⲉ ⲉϩⲟⲩⲛ ⲙⲡⲣⲟ ⲙⲛⲛⲉⲧⲕⲧⲟ ⲙⲙⲟⲟⲩ ⲉⲃⲟⲗ ϩⲓⲧⲙⲡⲣⲟ ⲉⲃⲱⲕ ⲉⲥⲃⲧⲱⲧⲟⲩ .
…
4 ⲙⲡⲉⲛⲁⲓ ⲧⲱϩⲙ ⲁⲩⲃⲱⲕ ⲉϩⲟⲩⲛ ϩⲛⲟⲩⲣⲁϣⲉ .
…
5 ⲏ ⲉⲧⲃⲉⲟⲩ ⲉⲩⲛⲁⲧⲱϩⲙ ⲉⲣⲉⲡⲣⲟ ⲟⲩⲱⲛ .
…
6 ⲁⲛⲁⲓ ⲧⲱϩⲙ ⲙⲡⲟⲩⲟⲩⲱⲛ ⲛⲁⲩ ⲛⲉⲩⲟ ⲛⲁⲧⲥⲟⲟⲩⲛ ϫⲉⲁⲗⲗⲟ ⲉϫⲉϩⲁϩ ⲛϣⲁϫⲉ ⲉⲩⲁϩⲉⲣⲁⲧⲟⲩ ϩⲓⲣⲙⲡⲣⲟ ⲉⲡⲇⲱⲣⲟⲛ ⲙⲡϫⲟⲉⲓⲥ ⲙⲡⲏⲓ ⲛⲧⲟⲟⲧⲟⲩ ⲁⲛ ⲁⲗⲗⲟ ⲃⲱⲕ ⲉϩⲟⲩⲛ ⲙⲛⲡⲇⲱⲣⲟⲛ ⲉⲁⲡⲇⲱⲣⲟⲛ ⲣϣⲟⲣⲡ ⲉⲣⲟⲟⲩ .
…
7 ⲛⲉⲧⲉⲣⲉⲡⲏⲓ ⲅⲁⲣ ⲉⲧϩⲓⲃⲟⲗ ϣⲁⲁⲧ ⲙⲙⲟⲟⲩ ⲉⲧⲉⲡⲁⲓ ⲡⲉ ϫⲉⲙⲡⲟⲩⲥϩⲁⲓⲥⲟⲩ ⲉⲣⲟϥ ⲏ ⲙⲡⲟⲩϫⲉⲕϫⲱⲕⲟⲩ ⲛϩⲏⲧϥ ϩⲛⲟⲩⲉⲓⲛⲉ ⲛⲟⲩⲱⲧ ϩⲛⲛⲉϯⲙⲉⲉⲩⲉ ⲉⲣⲟⲟⲩ ⲟⲩⲇⲉ ⲙ …. ⲃⲱⲕ ⲣⲱ ⲉϫⲙⲡϩⲏⲧ ⲛⲛⲉⲧⲕⲱⲧ ⲁⲩⲱ ⲛⲉⲧⲙⲟⲩⲛⲅϣⲉ ⲙⲛⲛⲉⲧⲥⲙⲓⲛⲉ ⲛⲙⲡⲉⲛⲓⲡⲉ ⲁⲩⲱ ⲛⲉⲧⲥϩⲁⲓ ⲏ ⲛⲉⲧⲕⲟⲥⲙⲉⲓ
…
8 ϯⲛⲁⲣϩⲟⲩⲟⲟⲩⲁϩⲟⲩ ⲉⲡⲁⲡϩⲟⲩⲛ
…
9 ϫⲉⲛⲟⲩϥ ⲅⲁⲣ ⲛⲉ ⲁⲩⲱ ⲉⲩⲧⲟⲟⲙⲉ ⲉⲣⲟϥ ⲁⲩⲱ ⲉⲩϣⲟⲟⲡ ⲉⲧⲃⲏⲏⲧϥ ϩⲛⲙⲛⲧⲥⲁⲓⲉ ⲛⲓⲙ ⲁⲩⲱ ϣⲟⲩϣⲟⲩ ⲛⲓⲙ ϩⲛϩⲱⲃ ⲛⲓⲙ ⲉϥⲛⲁϯⲥⲟⲉⲓⲧ ⲛϩⲏⲧⲟⲩ ⲏ ⲛⲥⲉϯ ⲙⲡⲉϥⲥⲟⲉⲓⲧ ϩⲙⲡⲕⲁϩ ⲧⲏⲣϥ
…
10 ⲁⲩⲱ ⲛⲥⲉϣⲁϫⲉ ⲉⲣⲟϥ ϩⲙⲙⲁ ⲛⲓⲙ ϩⲓⲧⲛ …. ⲛⲁⲥⲱⲧⲙ ⲉⲧⲃⲏⲏⲧϥ ⲛⲉⲧⲟⲩⲏⲩ ⲉⲃⲟⲗ ⲙⲛⲛⲉⲧϩⲏⲛ ⲉϩⲟⲩⲛ ⲙⲁⲗⲓⲥⲧⲁ ⲛⲉⲧⲛⲁⲩ ⲉⲣⲟϥ ⲉⲧⲉⲛⲁⲓ ⲛⲉ ϩⲉⲛⲥⲟⲃⲧ ⲉⲩⲕⲱⲧⲉ ⲉⲣⲟϥ ϩⲉⲛⲙⲁ ⲛⲛⲉϫⲥⲟⲧⲉ ϩⲉⲛⲡⲩⲣⲅⲟⲥ ϩⲉⲛⲙⲉⲣⲉϩ ϩⲉⲛⲥⲏϥⲉ ϩⲉⲛⲥⲟⲧⲉ ϩⲉⲛⲡⲓⲧⲉ ϩⲉⲛⲕⲉⲗⲉⲃⲓⲛ ϩⲉⲛϩⲟⲡⲗⲟⲛ ϩⲉⲛⲡⲉⲣⲓⲕⲉⲫⲁⲗⲁⲓⲁ ϩⲉⲛⲍⲱⲛⲏ ϩⲉⲛϩⲱⲕ ϩⲉⲛⲧⲟⲟⲩⲉ ⲙⲡⲉⲛⲓⲡⲉ ϩⲓϩⲟⲙⲛⲧ ϩⲉⲛⲥⲫⲉⲛⲇⲱⲛⲏ ϩⲉⲛⲱⲛⲉ ϩⲉⲛⲗⲁⲙⲡⲁⲥ ϩⲉⲛϩⲏⲃⲥ ⲉⲃⲟⲗ ϫⲉⲡⲉϩⲟⲟⲩ ⲁⲛ ⲙⲁⲩⲁⲁϥ ⲡⲉ ⲉⲧⲉϣⲁⲣⲉⲛϫⲁϫⲉ ⲙⲡⲙⲁⲧⲟⲓ ⲙⲡⲉⲭⲣⲓⲥⲧⲟⲥ ⲥⲣⲙⲗⲁϩ ⲉⲃⲟⲗ ⲁⲗⲗⲁ ϩⲛⲧⲉⲟⲩϣⲏ ⲛϩⲟⲩⲟ ⲟⲛ
…
11 ϩⲉⲛⲑⲩⲣⲱⲛ ϩⲉⲛⲥⲓⲣⲟⲙⲁⲥⲧⲏⲥ ⲛⲧϩⲉ ⲙⲡⲉⲛⲧⲁϥⲧⲣⲉⲫⲓⲛⲉⲉⲥⲱϣⲙ ⲙⲡϭⲱⲛⲧ ⲙⲡⲛⲟⲩⲧⲉ ⲛϩⲏⲧϥ ϩⲉⲛϩⲟⲉⲓⲧⲉ ⲛϫⲓⲕⲃⲁ ϩⲉⲛⲣϣⲱⲛ ⲛⲧⲱⲱⲃⲉ ϩⲛⲁⲁⲩ ⲛⲓⲙ ⲙⲡⲟⲗⲉⲙⲓⲕⲟⲛ ⲟⲩⲃⲉⲛⲁⲣⲭⲏ ⲙⲛⲛⲉⲝⲟⲩⲥⲓⲁ ⲙⲛⲛⲕⲟⲥⲙⲟⲕⲣⲁⲧⲱⲣ ⲙⲡⲕⲁⲕⲉ ⲟⲩⲃⲉⲛⲉⲡⲛⲉⲩⲙⲁⲧⲓⲕⲟⲛ ⲛⲧⲡⲟⲛⲏⲣⲓⲁ ϩⲉⲛϣⲓ ⲙⲙⲉ ⲛⲧϩⲉ ⲙⲡⲉⲛⲧⲁⲛⲉⲧⲟⲩⲁⲁⲃ ⲁϩⲉⲣⲁⲧⲟⲩ ⲛϩⲏⲧϥ ⲡⲧⲩⲡⲟⲥ ⲛϩⲉⲛϩⲁⲡ ⲉϫⲛϫⲓϩⲟ ⲡⲙⲁⲉⲓⲛ ⲛⲧⲉⲕⲣⲓⲥⲓⲥ ⲙⲡⲛⲟⲩⲧⲉ ⲉⲧⲛⲁϣⲱⲡⲉ ⲡⲉⲓⲛⲉ ⲙⲡⲣⲏⲥ ⲡⲣⲟⲉⲓⲥ ⲧⲙⲛⲧⲣⲙⲛϩⲏⲧ
…
12 ⲛϩⲟⲩⲟ ⲇⲉ ⲧⲙⲛⲧⲙⲛⲧⲣⲉ ⲛⲛⲉⲧⲣϩⲱⲃ ⲛϩⲏⲧⲟⲩ ϫⲉⲉⲩϣⲁⲛⲟⲃϣⲟⲩ ⲉⲡⲉⲩϣⲟⲣϣⲣ ⲁⲩⲱ ⲡⲉⲩϫⲱϩⲙ ⲛⲉⲧⲟⲩⲕⲱⲧ ⲙⲙⲟⲟⲩ ⲛⲁⲩ ⲛⲁϯⲡϣⲓⲡⲉ ϩⲓⲱⲟⲩ ⲁⲩⲱ ⲡϣⲱⲥ ϩⲛⲛⲉϩⲟⲟⲩ ⲉⲧϥⲛⲁⲙⲟϣⲧⲟⲩ .
…
13 ⲉϣϫⲉⲉⲝⲉⲥⲧⲓ ⲉⲥⲙⲓⲛⲉ ⲛϩⲉⲛⲕⲁⲑⲉⲇⲣⲁ ϩⲙⲡⲁⲡⲃⲟⲗ ⲉⲧⲃⲉⲛⲉⲧⲛⲁϩⲙⲟⲟⲥ ϩⲓⲱⲟⲩ ⲏ ⲉⲱϣ ϩⲓϫⲱⲟⲩ ⲉⲝⲉⲥⲧⲓ ⲛϩⲟⲩⲟ ⲉⲥⲙⲓⲛⲉ ⲛϩⲉⲛⲑⲣⲟⲛⲟⲥ ϩⲙⲡⲁⲡϩⲟⲩⲛ ⲉⲧⲃⲉⲡⲉⲧⲛⲁϩⲙⲟⲟⲥ ⲉⲣⲟⲟⲩ ⲛϥⲥⲱⲧⲙ ⲁⲩⲱ ⲛϥⲛⲁⲩ ⲉⲛⲉⲧⲉⲣⲉⲡϩⲙϩⲁⲗ ⲉⲓⲣⲉ ⲙⲙⲟⲟⲩ ⲙⲛⲛⲉⲧϥⲛⲁϫⲟⲟⲩ ⲁⲩⲱ ⲛϥϯϩⲁⲡ ⲉⲡⲉⲧⲟⲩϫⲓ ⲙⲙⲟϥ ⲛϭⲟⲛⲥ .
…
14 ϣⲁⲩⲕⲁϩⲉⲛⲣⲱⲙⲉ ⲉⲧⲃⲉⲥⲉϩⲣⲡⲁⲡⲃⲟⲗ ⲁⲩⲱ ⲉⲛⲟϫϥ ⲉⲧⲃⲉⲛⲉⲧⲛⲏⲩ ⲉϩⲟⲩⲛ ⲉⲣⲟϥ ⲙⲙⲏⲛⲉ ⲙⲏⲛⲉ ⲁⲩⲱ ⲉⲛⲟϫϥ ⲉⲧⲃⲉⲛⲉⲧⲟⲩⲏϩ ⲛϩⲏⲧϥ .
…
15 ⲙⲏ ⲁⲩⲥϩⲁⲓⲡⲉⲓⲛⲉ ⲙⲡⲧⲩⲡⲟⲥ ⲛϩⲛⲁⲁⲩ ⲛⲓⲙ ⲉⲁⲩⲣϩⲱⲃ ⲛϩⲏⲧⲟⲩ ⲏ ⲙⲡⲉϥⲕⲱⲧⲉ ⲉⲣⲉⲡⲣⲱⲙⲉ ⲡⲣⲱⲙⲉ ϯ ⲙⲡⲉϥⲟⲩⲟⲉⲓ ⲉⲡⲉϥϩⲱⲃ ⲉⲣⲉⲡⲉϥⲥⲟⲧϥ ϩⲓⲧⲉϥⲛⲁϩⲃ ⲁⲩⲱ ϩⲛⲛⲉϥϭⲓϫ ⲁⲩⲱ ⲉϫⲛⲥⲕⲉⲩⲟⲥ ⲛⲓⲙ ⲛⲣϩⲱⲃ ⲛⲉϥⲕⲱⲧ ⲁⲛ ⲡⲉ
…
16 ⲟⲩⲇⲉ ⲙⲛⲗⲁⲁⲩ ⲛⲥⲙⲓⲛⲉ ⲛⲁϣⲱⲡⲉ ⲙⲙⲟϥ ⲙⲁⲗⲓⲥⲧⲁ ϫⲉⲉⲣⲉⲣⲱⲙⲉ ⲛⲁⲟⲩⲱϩ ⲛϩⲏⲧϥ ⲏ ⲛϥϯⲥⲃⲱ ⲏ ⲉϯϩⲁⲡ ⲏ ⲉⲣⲟⲩⲡⲉⲧⲛⲁⲛⲟⲩϥ ⲛⲟⲩⲱⲧ
…
17 ⲁⲩⲱ ⲟⲩϩⲟⲧⲉ ⲡⲉ ⲙⲏⲡⲱⲥ ⲙⲡⲟⲩⲕⲁⲕⲉϩⲛⲁⲁⲩ ⲉϣⲁⲩⲣϩⲱⲃ ⲉⲛⲁⲡϩⲟⲩⲛ ⲛϩⲏⲧⲟⲩ ϫⲉⲙⲡⲟⲩⲥⲟⲟⲩϩⲟⲩ ⲉⲣⲟⲟⲩ ⲧⲏⲣⲟⲩ ⲛⲥⲉϣⲱⲡⲉ ⲉⲩϣⲁⲁⲧ ⲙⲡⲉⲩⲥⲙⲓⲛⲉ
…
18 ⲁⲩⲱ ⲟⲩⲙⲟⲛⲟⲛ ϫⲉⲛⲥⲉϫⲏⲕ ⲉⲃⲟⲗ ⲁⲛ ⲧⲏⲣⲟⲩ ⲁⲗⲗⲁ ⲟⲩⲁ ⲙⲉⲛ ϫⲉⲁϥⲣⲓⲕⲉ ⲕⲉⲟⲩⲁ ϫⲉϥⲥⲣ ⲉⲃⲟⲗ ⲁⲛ ⲕⲁⲗⲱⲥ ⲕⲉⲟⲩⲁ ⲇⲉ ϫⲉⲁⲛⲉϥϫⲟ ⲡⲱϩ
…
19 ⲁⲩⲱ ⲁⲩⲡⲱⲗϭ ⲉⲃⲟⲗ ⲛⲛⲉⲩⲉⲣⲏⲩ ϫⲉⲛⲥⲉⲙⲏⲣ ⲁⲛ ⲕⲉⲟⲩⲁ ⲁϥϩⲉ ϩⲁⲣⲓϩⲁⲣⲟϥ ϩⲟⲓⲛⲉ ⲁⲩϩⲉ ⲉϫⲛⲛⲉⲩⲉⲣⲏⲩ ⲁⲩⲣⲡⲓⲟⲩⲱϭⲡ ⲛⲟⲩⲱⲧ
…
20 ϩⲉⲛⲕⲟⲟⲩⲉ ⲇⲉ ⲟⲛ ⲉⲁⲩϩⲉ ⲉⲃⲟⲗ ⲛϩⲏⲧϥ ⲁⲩϩⲉ ⲉϫⲛϩⲉⲛⲕⲟⲟⲩⲉ ϩⲛⲛⲉⲧϩⲓⲃⲟⲗ ⲙⲙⲟϥ
…
21 ⲁⲩⲱ ⲉⲁⲛⲉⲧⲕⲏⲧ ⲙⲡⲉϥⲃⲟⲗ ϩⲉ ⲉϩⲣⲁⲓ ⲉϫⲛⲛⲉⲧⲟⲩⲕⲱⲧ ⲙⲙⲟⲟⲩ ⲙⲡⲉϥϩⲟⲩⲛ ⲉⲁⲩⲣⲡⲉⲓⲥⲱⲥ ⲛⲟⲩⲱⲧ ⲛⲁⲓ ⲧⲏⲣⲟⲩ ⲉⲧⲃⲉⲧⲁⲙⲉⲗⲉⲓⲁ .
…
22 ⲙⲙⲟⲛ ⲟⲩⲛϣⲉ ⲙⲙⲓⲛⲉ ⲛⲓⲙ ⲁⲩⲱ ⲡⲉⲛⲓⲡⲉ ⲉⲧⲣⲉⲩϣⲱⲡⲉ ⲉⲩⲟⲣϫ ⲛⲧϩⲉ ϩⲱⲟⲩ ⲛⲛⲉⲧⲧⲁϫⲣⲏⲩ ⲛϩⲏⲧϥ ⲙⲡⲉⲉⲧⲏⲩ ⲙⲡⲉϩⲟⲉⲓⲙ ⲙⲡⲉϩⲱⲟⲩ ⲙⲡⲉⲉⲓⲉⲣⲟ ⲉϣⲕⲓⲙ ⲉⲣⲟⲟⲩ
…
23 ⲥⲉⲙⲏⲣ ⲅⲁⲣ ⲛⲥⲁⲥⲁ ⲛⲓⲙ ϫⲓⲛⲛⲉⲩⲕⲟⲟϩ ϣⲁⲛⲉⲩⲥⲛⲧⲉ ⲁⲩⲱ ⲛⲉⲩϫⲟ ⲉⲩⲕⲱⲧⲉ ⲉⲣⲉⲛⲉⲩⲥⲧⲣⲱⲙⲁ ϩⲱⲕ ⲙⲙⲟⲟⲩ ⲉϩⲟⲩⲛ ⲉⲛⲉⲩⲉⲣⲏⲩ ⲛⲁ ⲛϣⲉ ⲁⲩⲱ ⲛⲱⲛⲉ ⲙⲛⲡⲉⲩⲥⲟⲃⲧⲉ ⲧⲏⲣϥ ⲁⲩⲱ ⲭⲱⲣⲓⲥⲁⲣⲛⲁⲧⲙⲉ ⲏ ⲉϯⲧⲱⲛ ⲟⲩⲃⲉⲡⲥⲟⲟⲩⲧⲛ
…
24 ⲟⲛⲧⲱⲥ
…