1 ⲙⲛⲕⲟⲧⲥ ⲟⲩⲇⲉ ⲙⲛϭⲟⲗ ⲙⲛϩⲱⲃ ⲉⲛϫⲱ ⲙⲙⲟⲥ ϫⲉⲛϥϣⲟⲟⲡ ⲁⲛ ⲁⲩⲱ ⲉϥⲣϩⲟⲩⲟ .
…
2 ⲛⲓⲙ ⲅⲁⲣ ⲡⲉⲧⲛⲁϣϥⲓ ϣⲁⲛⲧϥϫⲟⲟⲩ ⲏ ⲛⲓⲙ ⲡⲉⲧⲛⲁⲁⲛⲉⲭⲉ ϣⲁⲛⲧϥⲥⲱⲧⲙ ⲉⲣⲟⲟⲩ ⲙⲁⲗⲗⲟⲛ ⲇⲉ ⲉⲛϣⲁⲛⲟⲩⲟⲛϩⲟⲩ ⲉⲃⲟⲗ ⲧⲏⲣⲟⲩ .
…
3 ⲏ ⲧⲉⲛⲟⲩ ⲛⲧⲉⲡⲗⲟⲅⲟⲥ ⲧⲃⲃⲟⲛ ⲉⲃⲟⲗ ϩⲛⲛⲉⲛⲛⲟⲃⲉ ⲏ ⲛϥⲧⲁⲁⲛ ⲉⲃⲟⲗ ϩⲁⲣⲟⲟⲩ ϩⲓⲧⲛϩⲉⲛⲡⲁⲣⲁⲃⲟⲗⲏ ⲁⲩⲱ ϩⲉⲛⲁⲓⲛⲓⲅⲙⲁ ⲙⲛϩⲉⲛⲡⲁⲣⲁⲧⲓⲅⲙⲁ .
…
4 ⲛϯⲉⲓⲙⲉ ⲁⲛ ⲛⲧⲟϥ ⲅⲁⲣ ⲡⲉⲧⲣϣⲁⲁⲣ ⲉⲛⲉⲧⲛⲁⲣⲧⲃⲛⲏ ⲕⲁⲧⲁⲕⲁⲓⲣⲟⲥ ⲕⲁⲛ ⲧⲙⲁⲁⲩ ⲧⲉ ⲕⲁⲛ ⲛϣⲏⲣⲉ ⲛⲉ ⲉϥϫⲱ ⲙⲙⲟⲥ ϩⲙⲡⲉⲡⲣⲟⲫⲏⲧⲏⲥ ϫⲉⲁϣ ⲡⲉ ⲡϫⲱⲱⲙⲉ ⲙⲡⲧⲟⲩⲉⲓⲟ ⲛⲧⲉⲧⲛⲙⲁⲁⲩ ⲛⲧⲁⲓⲛⲟϫⲥ ⲉⲃⲟⲗ ⲛϩⲏⲧϥ ⲏ ⲛⲧⲁϯⲧⲏⲩⲧⲛ ⲉⲃⲟⲗ ⲛⲛⲓⲙ ⲛⲉⲟⲩⲱ .
…
5 ⲉⲓⲥϩⲏⲏⲧⲉ ⲁⲓϯⲧⲏⲩⲧⲛ ⲉⲃⲟⲗ ⲛⲉⲧⲛⲛⲟⲃⲉ ⲁⲩⲱ ϩⲛⲛⲉⲧⲛⲁⲛⲟⲙⲓⲁ ⲁⲓⲛⲟⲩϫⲉ ⲉⲃⲟⲗ ⲛⲧⲉⲧⲛⲙⲁⲁⲩ .
…
6 ⲟⲩⲟⲓ ⲛⲁⲛ ϫⲉⲙⲡⲏⲩⲉ ⲛⲙⲡⲏⲩⲉ ⲙⲛⲛⲉⲧⲛϩⲏⲧⲟⲩ ⲧⲏⲣⲟⲩ ⲡⲕⲁϩ ⲙⲛⲛⲛⲟⲩⲛ ⲁⲩⲱ ⲛⲧⲟⲟⲩ ⲧⲑⲁⲗⲁⲥⲥⲁ ⲁⲩⲱ ⲡⲥⲱⲛⲧ ⲧⲏⲣϥ ⲙⲛⲛⲉⲧⲛϩⲏⲧⲟⲩ ⲧⲏⲣⲟⲩ ⲥⲉⲙⲟⲩ ⲡϫⲟⲉⲓⲥ ⲡⲛⲟⲩⲧⲉ ⲁⲩⲱ ⲥⲉϯⲉⲟⲟⲩ ⲛⲁϥ ⲡⲣⲱⲙⲉ ⲇⲉ ϩⲱⲱϥ cⲱϣ ⲙⲙⲟϥ ϩⲛⲛⲉϥⲙⲛⲧⲁⲥⲉⲃⲏⲥ .
…
7 ⲧⲛⲥⲱⲧⲙ ⲁⲛ ⲉⲡⲉϩⲟⲟⲩ ⲙⲡⲧⲁⲙⲓⲟ ⲉϥⲥⲙⲟⲩ ⲉⲡⲛⲟⲩⲧⲉ ⲁⲩⲱ ⲉϥⲥⲙⲟⲩ ⲏ ⲥⲉⲥⲙⲟⲩ ⲉⲣⲟϥ ⲥⲉⲣϩⲟⲩⲟϫⲓⲥⲉ ⲙⲙⲟϥ ϣⲁⲛⲓⲉⲛⲉϩ ⲡⲉϩⲣⲟⲟⲩ ⲇⲉ ϩⲱⲱϥ ⲛϩⲁϩ ϩⲛⲛⲣⲱⲙⲉ ⲙⲉϩⲡⲕⲟⲥⲙⲟⲥ ⲧⲏⲣϥ ⲉⲩⲥⲙⲟⲩ ⲉⲣⲟϥ ϩⲙⲡⲗⲁⲥ ⲙⲛⲡϣⲁϫⲉ ⲙⲙⲁⲧⲉ ⲉⲛϯⲛⲟⲩϭⲥ ⲛⲁϥ ϩⲛⲙⲡⲁⲣⲁⲫⲩⲥⲓⲥ .
…
8 ϩⲱ ⲉⲧϩⲩⲡⲟⲧⲁⲅⲏ ⲙⲡⲧⲁⲙⲓⲟ ⲉⲧⲣⲉⲡϫⲟⲉⲓⲥϫⲟⲟⲥ ϫⲉⲟⲩⲁⲅⲁⲑⲟⲛ ⲡⲉ ⲛⲧϩⲉ ⲉⲧⲥⲏϩ ϫⲉⲁⲡⲛⲟⲩⲧⲉ ⲛⲁⲩ ⲉⲛⲕⲁ ⲛⲓⲙ ⲛⲧⲁϥⲧⲁⲙⲓⲟⲟⲩ ⲁⲩⲱ ⲉⲓⲥϩⲏⲏⲧⲉ ⲛⲁⲛⲟⲩⲟⲩ ⲉⲙⲁⲧⲉ .
…
9 ϩⲱ ⲉⲡϯⲧⲱⲛ ⲁⲩⲱ ⲧⲙⲛⲧⲁⲧⲥⲱⲧⲙ ⲙⲡⲣⲱⲙⲉ ⲉⲧⲣⲉⲡⲛⲟⲩⲧⲉϫⲟⲟⲥ ϫⲉⲟⲩⲡⲟⲛⲏⲣⲟⲛ ⲛⲛⲁϩⲣⲁϥ ⲡⲉ .
…
10 ⲛⲁⲛⲟⲩⲡⲥⲱⲛⲧ ⲧⲏⲣϥ ⲕⲁⲧⲁⲡⲉⲛⲧⲁϥϫⲟⲟⲥ ϫⲓⲛⲛϣⲟⲣⲡ ⲡⲣⲱⲙⲉ ⲇⲉ ⲛⲧⲁϥⲧⲣⲉⲡⲧⲁⲙⲓⲟϣⲱⲡⲉ ⲉⲧⲃⲏⲏⲧϥ ϩⲉⲛⲕⲟⲩⲓ ⲉⲃⲟⲗ ϩⲛϩⲁϩ ⲛⲉⲧⲉⲣⲉⲡⲟⲩⲱϣ ⲙⲡⲉⲛⲧⲁϥⲧⲁⲙⲓⲟⲟⲩ ϣⲟⲟⲡ ⲉϫⲱⲟⲩ ϫⲉⲛⲁⲛⲟⲩⲟⲩ ⲉⲡⲉⲧϣϣⲉ ⲡⲉ ⲉⲧⲙⲧⲣⲉⲩϫⲟⲟⲥ ϫⲉⲡⲣⲱⲙⲉ ϩⲟⲟⲩ ⲉⲃⲟⲗ ϫⲉⲁⲡⲇⲩⲙⲓⲟⲩⲣⲅⲟⲥ ⲡⲗⲁⲥⲥⲉ ⲙⲙⲟϥ ⲉⲛⲁⲛⲟⲩϥ ⲉⲙⲁⲧⲉ .
…
11 ⲙⲏ ⲥⲉⲛⲁϫⲟⲟⲥ ⲏ ⲁⲩϫⲟⲟⲥ ϫⲉⲡⲉⲥⲡⲉⲣⲙⲁ ⲙⲡⲛⲟⲩⲧⲉ ⲡⲉ ⲟⲩⲁ ϩⲛⲛⲥⲱⲛⲧ ⲏ ϫⲉⲡⲉϥⲙⲉⲗⲟⲥ .
…
12 ⲁⲩⲱ ⲛⲁϣ ⲛϩⲉ ⲙⲡⲣⲱⲙⲉ ⲥⲟⲧⲡ ⲁⲛ ⲛϩⲟⲩⲟ ⲉⲡⲉⲥⲡⲉⲣⲙⲁ ⲙⲡⲛⲟⲩⲧⲉ ⲡⲉ ⲁⲩⲱ ⲡⲙⲉⲗⲟⲥ ⲙⲡⲉⲭⲣⲓⲥⲧⲟⲥ ⲁⲩⲱ ⲡⲙⲁ ⲛϣⲱⲡⲉ ⲙⲡⲉϥⲡⲛⲉⲩⲙⲁ .
…
13 ⲙⲏ ⲉϣⲁⲩⲕⲉⲧⲡⲏⲓ ⲉⲧⲃⲏⲏⲧϥ ⲙⲁⲩⲁⲁϥ ⲏ ⲉϣⲁⲩϫⲉⲣⲉⲡϩⲏⲃⲥ ⲉⲧⲃⲉⲣⲟⲩⲟⲉⲓⲛ ⲙⲙⲓⲛ ⲙⲙⲟϥ .
…
14 ⲁϣ ⲟⲛ ⲡⲉⲧⲥⲟⲧⲡ ⲛϩⲟⲩⲟ ⲡⲏⲓ ⲡⲉ ϫⲛⲡⲣⲱⲙⲉ ⲛⲧⲁⲩⲕⲟⲧϥ ⲉⲧⲃⲏⲏⲧϥ ⲡⲟⲩⲟⲉⲓⲛ ⲙⲡϩⲏⲃⲥ ⲡⲉ ϫⲛⲡⲣⲱⲙⲉ .
…
15 ⲁⲩⲱ ⲛⲁϣ ⲛϩⲉ ⲉⲩⲛⲟϭ ⲁⲛ ⲡⲉ ⲡⲣⲱⲙⲉ ⲉϥⲧⲁⲓⲏⲩ ⲉⲙⲁⲧⲉ ⲉⲁⲡϫⲟⲉⲓⲥ ⲡⲛⲟⲩⲧⲉ ⲧⲁⲙⲓⲉⲧⲡⲉ ⲁⲩⲱ ⲁϥⲕⲉⲧⲡⲕⲟⲥⲙⲟⲥ ⲉⲧⲃⲏⲏⲧϥ ⲉⲁϥⲧⲣⲉϩⲉⲛⲣⲉϥⲣⲟⲩⲟⲉⲓⲛϣⲱⲡⲉ ⲉⲧⲃⲏⲏⲧϥ .
…
16 ⲁⲩⲱ ⲡⲣⲱⲙⲉ ⲡⲅⲉⲛⲟⲥ ⲙⲡⲛⲟⲩⲧⲉ ⲧⲛⲭⲣⲱ ⲙⲙⲟϥ ⲕⲁⲕⲱⲥ ϩⲛⲙⲡⲁⲣⲁⲫⲩⲥⲓⲥ ⲉϫⲛϩⲟⲧⲉ .
…
17 ⲁⲡⲛⲟⲃⲉ ⲅⲁⲣ ⲧⲣⲉⲡⲣⲱⲙⲉⲣⲁⲧⲥⲟⲟⲩⲛ ϫⲉⲟⲩⲉⲃⲟⲗ ϩⲙⲡⲛⲟⲩⲧⲉ ⲡⲉ ⲁⲩⲱ ⲟⲩϣⲏⲣⲉ ⲡⲉ ⲛⲧⲉⲡⲛⲟⲩⲧⲉ .
…
18 ⲛⲧⲁⲩⲥⲙⲛⲛⲧⲱⲣⲧⲣ ⲙⲡⲁⲡⲃⲟⲗ ϫⲉⲉϥⲛⲁⲃⲱⲕ ⲁⲛ ⲉϩⲣⲁⲓ ⲉϫⲱⲟⲩ ⲟⲩⲏⲓ ⲅⲁⲣ ⲡⲉ ⲛⲟⲙⲉ ϩⲓⲧⲱⲱⲃⲉ ϩⲓⲱⲛⲉ ⲙⲛⲡⲕⲉⲥⲉⲉⲡⲉ ⲛϩⲩⲗⲏ ⲛⲧⲱⲣⲧⲣ ⲇⲉ ⲉⲧϣⲟⲟⲡ ϩⲙⲡⲁⲡϩⲟⲩⲛ ⲉ .. ⲙⲙⲁⲩ ϫⲉⲉⲩⲉ …. ⲛⲧⲟⲟⲩ ⲉϩⲣⲁⲓ .. ⲡϫⲓⲥⲉ ϩⲓⲱⲟⲩ .
…
19 ⲛⲧϩⲉ ⲅⲁⲣ ⲉⲧⲉⲙⲛⲣⲱⲙⲉ ⲛⲁϣⲃⲱⲕ ⲉϩⲣⲁⲓ ⲉϫⲙⲡⲁⲡⲃⲟⲗ ϩⲛⲟⲩⲥⲟⲟⲩⲧⲛ ⲏ ϩⲛⲟⲩⲡⲁⲣϩⲏⲥⲓⲁ ⲉϫⲛⲧⲱⲣⲧⲣ ⲏ ⲙⲉϣⲁⲕ ϩⲛⲟⲩⲧⲗⲱϭⲉ ⲉⲩⲣⲡⲕⲉⲣⲟⲉⲓⲥ ϫⲉⲛⲛⲉⲩϩⲉ
…
20 ⲧⲁⲓ ⲧⲉ ⲧϩⲉ ⲛϩⲟⲩⲟ ⲉⲧⲉⲟⲩⲁⲧϭⲟⲙ ⲡⲉ ⲉⲧⲣⲉⲡⲉⲧⲟⲩⲕⲱⲧ ⲙⲙⲟϥ ⲙⲡⲉϥϩⲟⲩⲛ ⲉⲧⲉⲡⲣⲱⲙⲉ ⲡⲉ ⲛⲁⲩ ⲉⲙⲁ ⲛⲙⲧⲟⲛ ϩⲙⲡⲉϩⲟⲟⲩ ⲛⲧⲁⲛⲁⲅⲕⲏ ⲉϫⲛⲧⲣⲉⲩⲉⲓⲙⲉ ϫⲉⲟⲩ ⲡⲉⲧⲥⲏϩ ⲛⲁⲩ ⲏ ϫⲉⲉⲩⲱϣ …
…
21 ⲛⲁϣ ⲛϩⲉ ⲕⲁⲓ ⲅⲁⲣ ⲉⲩϣⲁⲛⲣϩⲁϩ ⲛⲕⲟⲧⲥ ϣⲁⲧⲟⲩⲟⲩⲃⲱⲕ ⲉϩⲣⲁⲓ . ⲉϫⲙⲡⲁⲡⲃⲟⲗ .. .. ⲉⲧⲟⲩⲥⲙⲓⲛⲉ ⲙⲙⲟϥ ϩⲓϩⲟⲩⲛ ⲉⲧⲉⲡⲣⲱⲙⲉ ⲡⲉ ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ ⲙⲛ.. ⲉϩⲱⲃ ⲟⲩⲇⲉ ⲙⲛⲕⲉⲧⲱϣ ⲙⲛⲕⲉⲥⲙⲟⲧ ⲛϩⲱⲧⲡ ⲉⲡⲛⲟⲩⲧⲉ ⲛⲥⲁ ϩⲁⲣⲁϩ ⲉⲛⲉϥⲛⲟⲙⲟⲥ ⲁⲩⲱ ⲭⲱⲣⲓⲥⲛⲉⲅⲣⲁⲫⲏ ⲙⲛⲣⲱⲙⲉ ⲛⲁϣⲧⲉⲕⲙⲡⲉϥϩⲏⲧ ⲉϩⲣⲁⲓ ϩⲛⲙⲡⲁⲣⲁϥⲩⲥⲓⲥ ⲛϥⲧⲣⲉϥⲣⲧⲡⲉ ⲙⲙⲟⲟⲩ ϩⲙⲡⲧⲃⲃⲟ ⲟⲩⲇⲉ ⲡⲉϥϩⲏⲧ ⲛⲁⲣⲃⲟⲗ ⲛⲛⲁⲡⲕⲁϩ ⲁⲛ ⲉⲛⲉϩ ⲉⲧⲣⲉϥϣⲱⲡⲉ ⲙⲛⲡⲉⲭⲣⲓⲥⲧⲟⲥ ϩⲛⲧⲡⲉ .
…
22 ⲁⲩⲱ ⲛⲁϣ ⲛϩⲉ ⲉϥϣⲁⲛⲉⲓ ⲉⲃⲟⲗ ϩⲛⲥⲱⲙⲁ ⲉϥⲛⲁⲃⲱⲕ ϩⲁϩⲧⲙⲡϫⲟⲉⲓⲥ ⲏ ⲉϥⲛⲁϭⲛⲧϥ ⲧⲱⲛ ⲙⲡϥⲕⲁⲁϥ ⲛⲁϥ ⲛⲃⲟⲏⲑⲟⲥ ϩⲓϫⲙⲡⲕⲁϩ ..
…
23 ⲉ ⲉϥⲛⲁⲃⲟⲏⲑⲉⲓ ⲉⲣⲟϥ ϩⲙⲡⲉ .. ⲟⲟⲩ ⲛⲧⲛⲟϭ ⲛⲑⲗⲓⲯⲓⲥ ⲉⲃⲟⲗ ϫⲉⲛⲉⲧϥⲛⲟⲩϩⲙ ⲙⲙⲟⲟⲩ ⲧⲉⲛⲟⲩ ⲉⲧⲃⲟⲧⲉ ⲛⲧⲟⲟⲩ ⲟⲛ ⲛⲉⲧϥⲛⲁⲃⲟⲏⲑⲉⲓ ⲉⲣⲟⲟⲩ ⲛϩⲟⲩⲟ ⲙⲡⲛⲁⲩ ⲉⲧⲉⲙⲛϩⲱⲃ ⲉⲁⲁϥ ⲟⲩⲇⲉ ⲙⲛⲕⲉⲁϫⲉ ⲉϫⲟⲟϥ ⲛⲥⲁⲛⲉϥⲙⲛⲧϣⲁ ⲛϩⲧⲏϥ ⲙⲁⲩⲁⲁϥ .
…
24 ⲟⲩϩⲱⲃ ⲅⲁⲣ ⲏ ⲟⲩⲧⲱϣ ⲉⲙⲛⲉⲓⲱⲧ ⲟⲩⲇⲉ ⲙⲛⲙⲁⲁⲩ ⲉⲙⲛⲥⲟⲛ ⲟⲩⲇⲉ ⲥⲱⲛⲉ ⲉⲙⲛϣⲏⲣⲉ ⲟⲩⲇⲉ ϣⲉⲉⲣⲉ ⲉⲙⲛϣⲃⲏⲣ ⲉⲙⲛⲭⲣⲏⲙⲁ ϩⲓⲙⲛⲧⲣⲙⲙⲁⲟ ⲉⲙⲛⲗⲁⲁⲩ ϩⲛⲛⲧⲉⲧⲛⲛⲛⲁϣⲙⲉⲉⲩⲉ ⲉⲣⲟⲟⲩ ⲧⲏⲣⲟⲩ ⲏ ⲛⲉⲧⲛⲛⲁϣⲙⲉⲉⲩⲉ ⲉⲣⲟⲟⲩ ⲁⲛ ⲛⲁϣϭⲙϭⲟⲙ ⲉⲛⲁϩⲙⲛ ⲉⲣⲟϥ ⲙⲁⲗⲗⲟⲛ ⲇⲉ ⲉϩⲁⲡⲥ ⲉⲧⲣⲉⲛⲉⲧϩⲛⲧⲟⲓⲕⲟⲩⲙⲉⲛⲏ …
…