1 ⲕⲇ . ϩⲟⲙⲁⲓⲱⲥ ⲟⲛ ⲉⲧⲃⲉⲛⲉϩⲃⲏⲩⲉ ⲉⲧⲛⲁⲛⲟⲩⲟⲩ ⲁⲛ ϩⲙⲡⲕⲁϩ ⲧⲏⲣϥ .
…
2 ⲙⲏ ⲉⲣϣⲁⲛⲣⲱⲙⲉ ⲛⲓⲙ ⲡⲗⲁⲛⲁ ⲁⲩⲱ ⲛⲧⲉⲧⲁⲡⲣⲟ ⲛⲓⲙ ϣⲁϫⲉ ϩⲙⲡϭⲟⲗ ϩⲁⲡⲥ ⲁⲛ ⲉⲧⲣⲉⲡⲛⲟⲩⲧⲉ ϣⲱⲡⲉ ⲙⲙⲉ ⲙⲏ ⲟⲩⲁⲧϭⲟⲙ ⲁⲛ ⲡⲉ ⲁⲩⲱ ⲟⲩⲁⲧϣⲱⲡⲉ ⲡⲉ ⲉⲧⲣⲉϥϫⲓϭⲟⲗ .
…
3 ⲉⲛⲉ ⲙⲡⲉⲛⲉⲛⲛⲟⲃⲉ ⲁⲩⲱ ⲛⲉⲛⲁⲛⲟⲙⲓⲁ ⲕⲓⲙ ⲉⲧⲡⲉ ⲙⲛⲡⲕⲁϩ ⲉⲣⲉⲧⲥⲏϥⲉ ⲣⲟⲩ ⲉⲥⲁϩⲉ ⲣⲁⲧⲥ ⲏ ⲥⲉⲟⲩⲟⲛϩ ⲉⲃⲟⲗ ⲉⲥⲧⲟⲕⲙ ⲉⲥⲥⲃⲧⲱⲧ ⲉⲉⲓⲣⲉ ⲕⲁⲧⲁⲡⲉⲥⲟⲩⲱϣ ⲕⲁⲛ ⲉϩⲛⲁⲥ ⲉⲕⲧⲟⲥ ⲉⲡⲉⲥⲕⲟⲉⲓϩ ⲏ ⲉϩⲛⲁⲥ ⲁⲛ ⲉⲁⲥⲕⲧⲟⲥ ϭⲉ .
…
4 ⲉⲃⲟⲗ ⲁⲛ ϫⲉⲁⲥⲥⲉⲓ ⲁⲗⲗⲁ ϫⲉⲛⲉ ⲁⲥϯⲥⲟ ⲡⲉ ⲛⲛⲁϩⲣⲛⲡⲟⲩⲱϣ ⲙⲡⲣⲱⲙⲉ ⲉⲛⲧⲁⲥⲁϩⲉ ⲣⲁⲧⲥ ⲛⲥⲁⲡⲉⲓⲥⲁ ⲙⲙⲟϥ . ⲉϥⲛⲁ ⲉϥⲛⲁⲩⲟⲩ
…
5 ⲏ ⲟⲩⲁϣ ⲙⲙⲓⲛⲉ ⲧⲉ ⲧⲥⲏϥⲉ ⲙⲛⲡⲉⲥⲕⲟⲉⲓϩ ⲏ ⲡⲉⲧϭⲟⲟⲗⲉ ⲙⲙⲟⲥ ⲏ ⲧⲉⲥϣⲓⲏ ⲙⲛⲧⲉⲥⲟⲩⲁϣⲥⲉ ⲙⲛⲧϩⲉ ⲉⲧⲥⲧⲁⲁⲧⲉ ⲙⲙⲟⲥ ⲏ ⲣⲟⲩⲟⲉⲓⲛ ⲏ ⲛⲧⲟⲡⲟⲥ ⲉⲛⲧⲁⲥϣⲱⲡⲉ ⲛϩⲏⲧⲟⲩ
…
6 ⲏ ⲡⲣⲱⲙⲉ ⲉⲛⲧⲁⲥⲟϣⲥ ⲉϩⲣⲁⲓ ⲛⲙⲙⲁϥ ϩⲓⲧⲟⲩⲱϥ ⲛϥⲛⲁϫⲟⲟⲥ ⲁⲛ
…
7 ⲏ ⲕⲁⲛ ⲁϥϫⲟⲟⲥ ⲉϥⲛⲁϫⲟⲟⲥ ⲛⲕⲉⲥⲙⲟⲧ .
…
8 ⲙⲡⲣⲙⲉⲉⲩⲉ ϫⲉⲕⲁⲧⲁⲧϩⲉ ⲛⲧⲥⲏϥⲉ ⲉⲧⲉⲟⲩⲙⲛⲧⲙⲁⲕⲁⲣⲓⲟⲥ ⲡⲉ ⲛⲁⲩ ⲉⲛⲉⲥⲧⲩⲡⲟⲥ ⲁⲩⲱ ⲡⲉⲥⲉⲓⲛⲉ ⲧⲉ ⲧϩⲉ ⲛⲧⲥⲏϥⲉ ⲛⲧⲁⲡⲉⲡⲣⲟⲫⲏⲧⲏⲥ ϣⲁϫⲉ ⲉⲧⲃⲱ .. ⲏⲧⲥ ϫⲉ ⲧⲥⲏϥⲉ ⲧⲥⲏϥⲉ ϫⲱⲣ ⲛⲧⲉϭⲱⲛⲧ ϫⲉⲕⲁⲥ ⲉⲣⲉϣⲱⲱⲧ ⲛϩⲉⲛϣⲱⲱⲧ ϫⲱⲣ ϫⲉⲕⲁⲥ ⲉⲣⲉⲧⲁⲁⲧⲉ
…
9 ⲥⲃⲧⲱⲧⲉ ⲉⲃⲟⲗⲟⲩ ⲉⲃⲟⲗ ⲕⲱⲛⲥ ⲥⲱϣϥ ⲛⲧⲉⲛⲟⲩϫ ⲉⲃⲟⲗ ⲛϣⲉ ⲛⲓⲙ .
…
10 ⲧⲁⲓ ⲙⲉⲛ ϣⲁⲩⲧⲁⲁⲥ ⲉⲧϭⲓϫ ⲙⲡⲉⲧⲛⲁⲕⲱⲛⲥ
…
11 ⲧⲁⲓ ⲇⲉ ⲛⲧⲟⲥ ⲉⲥⲁⲙⲁϩⲧⲉ .
…
12 ⲛⲧϩⲉ ⲉⲧⲟⲩϫⲱ ⲙⲙⲟⲥ ϫⲉⲧⲥⲏϥⲉ ⲁⲩϫⲟⲟⲣⲉⲥ ⲁⲩⲱ ⲥⲥⲃⲧⲱⲧ ⲉⲧⲁⲁⲥ ⲉⲧϭⲓϫ ⲙⲡⲉⲧⲛⲁⲕⲱⲛⲥ ⲧⲁⲓ ⲇⲉ ⲛⲧⲟⲥ ⲉⲥⲁⲙⲁϩⲧⲉ ⲙⲡⲣⲱⲙⲉ ⲉⲣⲉⲡⲣⲱⲙⲉ ⲧⲟ ⲉⲧⲟⲟⲧⲥ ⲉⲥⲕⲱⲛⲥ ϩⲙⲡⲣⲱⲙⲉ ⲛⲛⲉⲧⲥⲕⲱⲛⲥ ⲙⲙⲟⲟⲩ ⲉⲣⲉⲡⲣⲱⲙⲉ ⲕⲱⲛⲥ ⲁⲛ ⲛϩⲏⲧⲥ . ⲙⲡⲣⲱⲙⲉ ⲁⲛ ⲡⲉⲧⲕⲧⲟ ⲙⲙⲟⲥ ⲉⲡⲙⲁ ⲉⲧϥⲟⲩⲱϣ ⲉⲕⲱⲛⲥ ⲛϩⲏⲧϥ ⲛⲧⲟⲥ ⲛⲧⲟϥ ⲡⲉⲧⲕⲧⲟ ⲙⲡⲣⲱⲙⲉ ⲉⲡⲙⲁ ⲉⲧⲥⲟⲩⲱϣ ⲉⲕⲱⲛⲥ ⲙⲙⲁⲩ .
…
13 ⲙⲡⲣⲱⲙⲉ ⲁⲛ ⲡⲉⲧϫⲓⲕⲃⲁ ⲛϩⲏⲧⲥ ϩⲛⲟⲩϭⲱⲛⲧ ⲛⲧⲟⲥ ⲛⲧⲟϥ ⲡⲉⲧϫⲓⲕⲃⲁ ϩⲙⲡⲣⲱⲙⲉ ⲛⲛⲉⲧⲥϭⲟⲛⲧ ⲉⲣⲟⲟⲩ
…
14 ⲉⲃⲟⲗ ϫⲉⲉⲣⲉⲡⲣⲱⲙⲉ ⲛⲧⲟⲟⲧⲥ ⲉⲛⲥϩⲛ ⲧⲟⲟⲧϥ ⲁⲛ ⲙⲡⲣⲱⲙⲉ ⲛⲧⲟⲥ ⲡⲉⲧϯ ⲛⲛⲉⲧⲥⲕⲱⲛⲥ ⲙⲙⲟⲟⲩ ⲛⲟⲩⲟⲉⲓϣ ⲛⲓⲙ ⲉϩⲣⲁⲓ ⲉⲧⲟⲟⲧϥ ⲙⲡⲉⲧϩⲓ ⲛⲉⲥϭⲓϫ ⲛⲧϩⲉ ⲉⲧⲉⲣⲉⲟⲩⲡⲉⲧⲟⲩⲁⲁⲃ ϫⲱ ⲙⲙⲟⲥ ϫⲉⲥⲉⲛⲁⲧⲟⲟⲩ ⲉϩⲣⲁⲓ ⲉⲧϭⲓϫ ⲛⲧⲥⲏϥⲉ
…
15 ⲛⲧϩⲉ ⲛⲧⲁⲩⲧⲃⲥ ⲡⲁⲓ ϩⲓⲧⲙⲡⲉⲡⲣⲟⲫⲏⲧⲏⲥ ⲉⲧⲣⲉⲥϫⲱⲣ ⲕⲁⲧⲁⲡⲟⲩⲉϩ ⲥⲁϩⲛⲉ ⲙⲡϫⲟⲉⲓⲥ ϫⲉⲧⲥⲏϥⲉ ⲧⲥⲏϥⲉ ⲧⲱⲙⲛⲧ ⲉϭⲱⲛⲧ ⲁⲩⲉⲡⲓⲧⲓⲙⲁ ⲛⲁⲥ ⲟⲛ ⲉⲧⲣⲉⲥⲕⲧⲟⲥ ⲉⲃⲟⲗ ϩⲙⲡⲙⲁ ⲉⲧⲥⲕⲱⲛⲥ ⲛϩⲏⲧϥ
…
16 ⲁⲕⲙⲏⲛ ⲁⲕⲉϩⲁⲡ ⲣ ⲉⲣⲟⲥ ⲉⲧⲣⲉⲩⲕⲣⲓⲛⲉ ⲙⲙⲟⲥ ⲏ ⲉⲧⲣⲉⲩⲙⲉϩ ⲉⲓⲁⲧⲟⲩ ⲙⲙⲟⲥ ⲙⲛⲛⲥⲁ ⲧⲣⲉⲥⲙⲉϩ ⲉⲓⲁⲧⲥ ⲛⲛⲉⲛⲧⲁⲥⲕⲟⲛⲥⲟⲩ ⲛⲧϩⲉ ⲉⲧⲉⲣⲉⲡϣⲁϫⲉ ϫⲱ ⲙⲙⲟⲥ ϫⲉⲕⲧⲟ ⲉⲃⲟⲗ ⲙⲡⲣϭⲱ ϩⲙⲡⲙⲁ ⲛⲧⲁⲩϫⲡⲟ ⲛϩⲏⲧϥ ⲉⲓⲛⲁϯϩⲁⲡ ⲉⲣⲟ ⲉϩⲣⲁⲓⲡⲟⲩⲕⲁϩ .
…
17 ⲙⲏ ⲙⲡϫⲟⲉⲓⲥ ⲁⲛ ⲡⲉ ⲛⲧⲁϥϫⲟⲟⲥ ⲉⲧⲣⲉⲥⲉⲓⲣⲉ ⲛϩⲉⲛⲕⲱⲛⲥ
…
18 ⲉⲧⲃⲉⲟⲩ ⲟⲛ ⲁϥϫⲟⲟⲥ ⲙⲛⲛⲥⲁ ⲧⲣⲉⲥⲟⲩⲱ ⲉⲥⲧⲟⲕⲙ ⲉϩⲉⲛⲕⲱⲱⲥ ⲉⲥⲧⲟⲕⲙ ⲇⲉ ⲉⲩⲥⲩⲛ … ⲗⲉⲓⲁ ϫⲉϯⲛ .. ϯϩⲁⲡ ⲉⲣⲟ ⲧⲛ .. ⲡⲱϩⲧ ⲙⲡⲁϭⲱⲛⲧ ⲉϩⲣⲁⲓ ⲉϫⲱ ⲛⲧⲁⲧⲙϩⲉ ⲟⲩⲥⲁⲧⲉ ⲉϩⲣⲁⲓ ⲉϫⲱ ϩⲛⲧⲁⲟⲣⲅⲏ
…
19 ⲛⲧⲁⲡⲁⲣⲁⲇⲓⲇⲟⲩ ⲙⲙⲟ ⲉⲧϭⲓϫ ⲛϩⲉⲛⲣⲱⲙⲉ ⲛⲃⲁⲣⲃⲁⲣⲟⲥ ⲉⲩϫⲡⲟ ⲛⲟⲩⲧⲁⲕⲟ ⲛⲧⲉϣⲱⲡⲉ ⲛϩⲣⲉ ⲛⲧⲥⲁⲧⲉ ⲛⲧⲉⲡⲟⲩⲥⲛⲟϥ ϣⲱⲡⲉ ϩⲛⲧⲙⲏⲧⲉ ⲙⲡⲟⲩⲕⲁϩ
…
20 ⲛⲛⲉⲣⲡⲙⲉⲉⲩⲉ ϣⲱⲡⲉ ⲛⲉ
…
21 ⲙⲡⲥⲟⲡ ⲁⲛ ⲡⲉ ⲡⲁⲓ ⲏ ⲡⲛⲁⲩ ⲛϣⲁϫⲉ ⲉⲧⲃⲉⲛⲁⲓ
…
22 ⲁⲗⲗⲁ ⲉϫⲱ ⲛⲧⲟϥ ϩⲛⲟⲩⲙⲉⲣⲟⲥ ⲙⲡⲉⲓⲛⲉ ⲏ ⲙⲡⲉⲧϣⲟⲟⲡ ⲛⲧⲥⲏϥⲉ ⲉⲛⲧⲁⲥⲟⲩⲟⲛϩⲥ ⲉⲃⲟⲗ ⲉⲟⲩⲙⲛⲧⲙⲛⲧⲣⲉ ⲉⲛⲉⲧⲉⲓⲣⲉ ⲛⲛⲉⲓⲙⲛⲧⲁⲉⲉⲃⲥ ϩⲣⲁⲓ ⲛϩⲏⲧⲛ ⲟⲩⲇⲉ … ⲛ ⲡⲉⲧϫⲱ ⲙⲙⲟⲥ ⲛⲁⲥ ϫⲉ ⲕⲱⲛⲥ ⲟⲩⲇⲉ ⲙⲙⲛ ⲡⲉⲧϫⲱ ⲙⲙⲟⲥ ⲛⲁⲥ ϫⲉϭⲱ ⲉⲣⲉⲕⲱⲛⲥ
…
23 ⲟⲩⲛⲧⲥ ⲉⲝⲟⲩⲥⲓⲁ ⲉⲕⲱⲛⲥ ⲏ ⲉⲧⲙⲕⲱⲛⲥ ⲉⲩⲕⲉⲗⲉⲩⲉ ⲛⲁⲥ ⲁⲛ ⲛⲧⲟⲥ ⲛⲧⲟϥ ⲉⲧⲕⲉⲗⲉⲩⲉ ⲉⲥϣⲟⲟⲡ ⲁⲛ ϩⲁⲧⲉⲝⲟⲩⲥⲓⲁ ⲙⲡⲉⲧⲕⲱⲛⲥ ⲉⲣⲉⲡⲉⲧⲕⲱⲛⲥ ⲛⲧⲟϥ ⲛϩⲏⲧⲥ ϣⲟⲟⲡ ϩⲁⲧⲉⲥⲉⲝⲟⲩⲥⲓⲁ ⲡⲛⲟⲩⲧⲉ ⲙⲁⲩⲁⲁϥ ⲡⲉⲧⲥⲥⲱⲧⲙ ⲛⲥⲱϥ
…
24 ⲉⲩⲧⲱⲕ ⲙⲙⲟⲥ ⲁⲛ ⲉϩⲣⲁⲓ ϩⲙⲡⲉⲥⲕⲟⲉⲓϩ ϩⲓⲕⲉⲟⲩⲁ ⲛⲧⲟⲥ ⲉⲧⲧⲱⲕⲙ ⲙⲙⲟⲥ ⲙⲁⲩⲁⲁⲥ ⲉⲃⲟⲗ ϩⲙⲡⲉⲥⲕⲟⲉⲓϩ ⲉⲥⲕⲧⲟ ⲙⲙⲟⲥ ⲟⲛ ⲉⲡⲉⲥⲕⲟⲉⲓϩ ⲙⲁⲩⲁⲁⲥ
…
25 ⲛⲧⲁⲥⲉⲓ ⲁⲛ ⲉϩⲣⲁⲓ ϩⲙⲡⲉⲥⲕⲟⲉⲓϩ ⲉⲕⲱⲛⲥ ϣⲁⲃⲟⲗ ϩⲙⲡϫⲱⲕ ⲙⲡⲉⲥϭⲱⲛⲧ ⲛⲧϩⲉ ⲛⲧⲉⲛⲧⲁ ⲡϫⲟⲉⲓⲥ ϫⲟⲟⲥ ⲉⲣⲟⲥ ϫⲉⲥⲧⲟⲕⲙ ⲉⲩⲥⲩⲛⲧⲉⲗⲉⲓⲁ
…
26 ⲏ ϫⲉⲁⲓⲧⲱⲕⲙ ⲛⲧⲁⲥⲏϥⲉ ⲉⲃⲟⲗ ϩⲙⲡⲉⲥⲕⲟⲉⲓϩ ⲛⲥⲛⲁⲕⲟⲧⲥ ⲁⲛ ⲉⲣⲟϥ ϫⲓⲛⲧⲉⲛⲟⲩ
…
27 ⲏ ϫⲉⲁⲩⲡⲁⲣⲁⲇⲓⲇⲟⲩ ⲙⲙⲟⲟⲩ ⲉϩⲣⲁⲓ ⲉⲧⲟⲟⲧⲥ ⲛⲧⲥⲏϥⲉ ⲉⲕⲟⲛⲥⲟⲩ ϩⲓⲣⲙⲡⲩⲗⲏ ⲛⲓⲙ
…
28 ⲁⲥⲥⲟⲃⲧⲉ ⲕⲁⲗⲱⲥ ⲉⲧⲣⲉⲥⲕⲱⲛⲥ ⲁⲥϣⲱⲡⲉ ⲕⲁⲗⲱⲥ ⲉⲧⲣⲉⲥⲧⲁⲁⲧⲉ
…
29 ⲧⲥⲏϥⲉ ⲙⲟⲟϣⲉ ⲛⲧⲉϫⲱⲣ ⲛⲥⲁⲟⲩⲛⲁⲙ ⲁⲩⲱ ⲛⲥⲁϩⲃⲟⲩⲣ ⲡⲙⲁ ⲉⲧⲉⲣⲉⲡⲟⲩϩⲟ ϭⲱϣⲧ ⲉⲣⲟϥ .
…
30 ⲁⲩϫⲟⲟⲥ ⲉⲧⲁⲓ ϫⲉⲉⲓⲛⲁϯϩⲁⲡ ⲉⲣⲟ ϩⲙⲡⲟⲩⲕⲁϩ ⲉⲩⲛⲁϯϩⲁⲡ ⲇⲉ ⲛⲧⲟϥ ⲉⲡⲕⲁϩ ⲧⲏⲣϥ ⲉⲃⲟⲗ ϩⲓⲧⲛⲧⲁⲓ ⲛⲥⲉⲕⲣⲓⲛⲉ ⲛⲟⲩⲟⲛ ⲛⲓⲙ ⲉⲃⲟⲗ ϩⲓⲧⲟⲟⲧⲥ
…
31 ⲟⲩⲥⲙⲟⲩ ⲙⲛⲟⲩⲥⲁϩⲟⲩ ⲟⲩⲟⲣⲅⲏ ⲙⲛⲟⲩⲛⲁ ⲛⲉⲧϩⲙⲡⲉⲥϩⲟ ⲥⲛⲁⲩ ⲡⲁⲓ ⲙⲛⲡⲁⲓ ⲉⲥⲧⲁⲁⲧⲉ ϩⲙⲡϩⲁⲡ ⲙⲙⲉ
…
32 ⲉⲧⲃⲏⲏⲧⲥ ϣⲁⲣⲉⲡⲛⲟⲩⲧⲉ ⲡⲱϩⲧ ⲛⲧⲉϥⲟⲣⲅⲏ ⲉϫⲛⲛⲉⲧϯϭⲱⲛⲧ ⲛⲁϥ ϩⲛⲛⲉⲩϩⲃⲏⲩⲉ ⲛⲗⲟⲓⲙⲟⲥ
…
33 ⲉⲧⲃⲏⲏⲧⲥ ⲟⲛ ϣⲁϥⲕⲧⲟϥ ⲉⲃⲟⲗ ϩⲙⲡⲉϥϭⲱⲛⲧ
…
34 ⲟⲩⲭⲁⲣⲓⲥ ⲧⲉ ⲧⲉⲥϭⲓ ⲛⲉⲓ ⲉϩⲣⲁⲓ ϩⲙⲡⲉⲥⲕⲟⲉⲓϩ
…
35 ⲟⲩⲉⲟⲟⲩ ⲧⲉ ⲧⲉⲥϭⲓ ⲛⲕⲟⲧⲥ ⲉⲣⲟϥ
…
36 ⲟⲩϩⲟⲧⲉ ⲛⲁⲩ ⲉⲣⲟⲥ ⲉⲥⲧⲟⲕⲙ
…
37 ⲟⲩⲣⲁϣⲉ ⲡⲉ ⲛⲁⲩ ⲉⲣⲟⲥ ⲉⲥⲕⲧⲟ ⲙⲙⲟⲥ ⲉⲡⲉⲥⲕⲟⲉⲓϩⲡⲉ ϩⲙⲙⲉ ⲛⲉⲧϩⲛⲧⲉⲥϭⲓ ⲛⲥⲟⲟⲩⲧⲛ ⲉⲃⲟⲗ ⲉϣⲱⲱⲧ
…
38 ϯⲉⲓⲣⲏⲛⲏ ⲧⲉⲧⲛϩⲛ ⲧⲉⲥϭⲓ ⲛⲕⲧⲟⲥ ⲉⲃⲟⲗ ϩⲛⲙⲙⲁ ⲉⲧⲥⲕⲱⲛⲥ ⲙⲙⲁⲩ ⲛⲛⲉⲧⲥϭⲟϫϭϫ ⲙⲙⲟⲟⲩ
…
39 ⲧϭⲱⲙ ⲡⲉⲧϩⲛⲡⲉⲥⲁϩⲙⲁⲧⲉ
…
40 ⲡⲧⲁϫⲣⲟ ⲡⲉⲧϩⲙⲡⲉⲥⲟⲩⲟⲉⲓ
…
41 ⲙⲙⲛⲧϣⲁ ⲛϩⲧⲏϥ ⲙⲙⲛⲧⲛⲁⲏⲧ ⲙⲙⲛⲧⲭⲣⲏⲥⲧⲟⲥ ⲙⲙⲛⲧⲣⲙⲣⲁϣ ⲧϩⲉⲗⲡⲓⲥ ⲛϩⲱⲃ ⲛⲓⲙ ⲛⲁⲅⲁⲑⲟⲛ ⲡⲉⲧϩⲙⲡⲉⲥⲥⲟⲃⲧⲉ ⲏ ⲡⲉⲥⲧⲱϣ ⲧⲏⲣϥ
…
42 ⲉⲥϭⲟⲟⲗⲉ ⲇⲉ ⲟⲛ ⲉⲃⲟⲗ ϩⲛⲛⲁⲓ
…
43 ⲁⲩⲱ ⲉⲛⲁⲓ ⲛⲉⲧⲉⲣⲉⲡⲉⲥⲕⲟⲉⲓϩ ϣⲟⲟⲡ ⲉⲃⲟⲗ ⲛϩⲏⲧⲟⲩ ⲙⲛϩⲉⲛⲕⲟⲟⲩⲉ ⲧⲏⲣⲟⲩ ⲛⲧⲉⲓϩⲉ
…
44 ⲡⲉⲧϩⲱⲃⲥ ⲙⲙⲟϥ ⲙⲛⲡⲉⲥⲕⲟⲉⲓϩ ⲛⲉ ⲙⲡⲉⲧϩⲏⲡ ⲧⲡⲓⲥⲧⲓⲥ ⲡⲉⲧϩⲙⲡⲉⲥⲙⲩⲥⲧⲏⲣⲓⲟⲛ .
…
45 ⲧ ϭⲓ ⲛⲉⲓ ⲉϩⲣⲁⲓ ⲙⲡⲣⲏ ϩⲙⲡⲉϥⲙⲁ ⲙⲡⲉⲓⲣⲉ ⲉⲙⲡⲁⲧϥϫⲓⲥⲉ ⲉϩⲣⲁⲓ ⲏ ⲟⲩⲱϣⲥ ⲉⲃⲟⲗ ⲡⲉⲧϩⲙⲡⲉⲥϭⲱⲗⲡ ⲉⲃⲟⲗ ⲉⲃⲟⲗ ϫⲉⲙⲙⲛϭⲟⲙ ⲛϥⲓ ϩⲁⲛⲁⲕⲧⲓⲛ ⲙⲡⲉⲥⲟⲩⲟⲉⲓⲛ
…
46 ⲧⲙⲛⲧϩⲁⲣϣ ϩⲏⲧ ⲁⲩⲱ ⲧⲁⲛⲟⲭⲏ ⲡⲉⲧϩⲙⲡⲉⲥϭⲱⲗⲡⲃⲟⲗ ⲡⲧⲁⲥⲱⲛϩ ⲉⲃⲟⲗ ⲁⲛ ⲉⲟⲩϫⲓ ⲕⲃⲁ ϩⲛⲛⲧⲟⲡⲟⲥ ⲛⲧⲁⲥⲁϩⲉ ⲣⲁⲧⲥ ⲛϩⲏⲧⲟⲩ ⲛⲛⲉⲥϣⲱⲡⲉ ⲉⲧⲣⲉⲥⲕⲱⲛⲥ ⲛϩⲉⲛⲁⲧⲛⲟⲃⲉ ⲙⲛϩⲉⲛⲣⲉϥⲣⲛⲟⲃⲉ ⲁⲗⲗⲁ ⲉⲧⲣⲉⲥϯ ⲛⲧⲟϥ ⲛⲛⲉⲛⲧⲁⲩⲣⲛⲟⲃⲉ ϩⲛⲛⲧⲟⲡⲟⲥ ⲉⲧⲙⲙⲁⲩ ⲉⲧⲟⲟⲧϥ ⲙⲡϫⲓⲕⲃⲁ ϩⲛⲛⲉϩⲟⲟⲩ ⲙⲡϫⲓⲕⲃⲁ ⲛⲁⲓ ⲛⲧⲁⲡϫⲟⲉⲓⲥ ϫⲟⲟⲥ ⲉⲧⲃⲏⲏⲧⲟⲩ ϩⲙⲡⲉⲩⲁⲅⲅⲉⲗⲓⲟⲛ ϫⲉⲛⲁⲓ ⲅⲁⲣ ⲛⲉ ⲛⲉϩⲟⲟⲩ ⲙⲡϫⲓⲕⲃⲁ
…
47 ⲙⲛⲥⲏϥⲉ ⲛⲁϭⲙϭⲟⲙ ⲉⲡⲱⲱⲛⲉ ⲉⲃⲟⲗ ϩⲛⲟⲩⲙⲁ ⲉⲙⲡⲟⲟⲛⲉⲥ ϩⲓⲧⲛⲛⲉⲧⲉⲟⲩⲛⲧⲁⲩ ⲧⲉⲝⲟⲩⲥⲓⲁ ⲧⲁⲓ ⲇⲉ ⲛⲧⲟϥ ⲟⲩ ⲙⲟⲛⲟⲛ ϫⲉⲧⲉⲥⲉⲝⲟⲩⲥⲓⲁ ϣⲟⲟⲡⲛⲁⲥ ⲉⲃⲟⲗ ⲛϩⲏⲧⲥ ⲙⲙⲓⲛ ⲙⲙⲟⲥ ⲉⲧⲣⲉⲥⲙⲟⲟϣⲉ ⲉⲡⲙⲁ ⲉⲧⲥⲟⲩⲉϣ ⲃⲱⲕ ⲉⲣⲟϥ ⲁⲗⲗⲁ ⲉϥⲓ ⲟⲛ ⲙⲡⲉⲧⲥⲕⲱⲛⲥ ⲛϩⲏⲧϥ ⲏ ⲡⲉⲧⲕⲱⲛⲥ ⲛϩⲏⲧⲥ ⲉⲥⲡⲱⲱⲛⲉ ⲙⲙⲟϥ ⲉⲃⲟⲗ ϩⲛⲛⲧⲟⲡⲟⲥ ⲉⲧϥⲛϩⲏⲧⲟⲩ ⲉϩⲉⲛⲕⲉⲧⲟⲡⲟⲥ
…
48 ⲁⲩⲱ ⲥⲕⲧⲟ ⲟⲛ ⲙⲙⲟϥ ⲉⲃⲟⲗ ϩⲛⲛⲧⲟⲡⲟⲥ ⲉⲧⲥϫⲓ ⲙⲙⲟϥ ⲉⲣⲟⲟⲩ ⲥⲕⲱ ⲙⲙⲟϥ ϩⲛⲛⲉϥⲧⲟⲡⲟⲥ .
…
49 ⲟⲩⲡⲛⲉⲩⲙⲁ ⲁⲛ ⲛⲱⲛϩ ⲡⲉⲧⲛϩⲏⲧⲥ ⲛⲧϩⲉ ⲛⲛⲍⲱⲟⲛ ⲉⲧⲉⲣⲉⲡⲉⲟⲟⲩ ⲙⲡⲛⲟⲩⲧⲉ ⲙⲡⲓⲥⲣⲁⲏⲗ ϩⲓϫⲱⲟⲩ ⲛⲧⲡⲉ ⲙⲙⲟⲟⲩ ⲕⲁⲧⲁⲡⲉⲛⲧⲁⲡⲉⲡⲣⲟⲫⲏⲧⲏⲥ ϫⲟⲟϥ ⲉⲛⲉⲧⲣⲟⲭⲟⲥ ⲉⲧⲙⲟⲟϣⲉ ϩⲁⲣⲟϥ ϫⲉⲟⲩⲡⲛⲉⲩⲙⲁ ⲛⲱⲛϩ ⲡⲉⲧⲛϩⲏⲧⲟⲩ
…
50 ⲁⲗⲗⲁ ⲛⲧⲟⲥ ⲡⲉ ⲡⲱⲛϩ ⲙⲛⲧⲏⲣϥ ⲁⲩⲱ ⲡⲛⲉⲩⲙⲁ ⲛⲓⲙ ⲛⲱⲛϩ ϣⲟⲟⲡ ⲉⲃⲟⲗ ϩⲓⲧⲟⲟⲧⲥ .
…
51 ⲡⲥⲟⲟⲩⲛ ⲁⲩⲱ ⲡⲗⲟⲅⲟⲥ ⲡⲉ ⲡⲉⲥϫⲱⲣ ⲧⲁⲅⲁⲡⲏ ⲡⲉⲧϩⲙⲡⲉⲥⲕⲟⲥⲙⲉⲓ ⲏ ⲡⲉⲥⲥⲁ .
…
52 ⲡⲛⲟⲩⲧⲉ ⲙⲁⲩⲁⲁϥ ⲡⲡⲁⲛⲧⲟⲕⲣⲁⲧⲱⲣ ⲡⲉ ⲧⲉⲥϣⲓⲏ ⲙⲛⲡⲉⲥⲟⲩⲱϣⲥ ⲉⲧⲉⲙⲛⲧⲟⲩ ϣⲓ ⲉⲃⲟⲗ ϫⲉⲉⲥⲟⲩⲱϣ ⲉϫⲓⲥⲉ ⲛϩⲟⲩⲟ ϣⲁⲥϫⲓⲥⲉ
…
53 ⲛⲧⲉⲓϩⲉ ⲟⲛ ⲉⲥⲟⲩⲉϣ ⲟⲩⲱϣⲥ ⲉⲃⲟⲗ ϣⲁⲥⲟⲩⲱϣ ⲉⲥⲟⲩⲉϣ ϭⲱⲟⲩ ⲉϩⲟⲩⲛ ϣⲁⲥϭⲱⲟⲩ ⲉⲥⲟⲩⲉϣ ϩⲓⲃⲉ ϣⲁⲥϩⲓⲃⲉ ⲉϣⲁⲥⲟⲩⲱⲛϩ ⲁⲛ ⲉⲃⲟⲗ ⲕⲁⲧⲁⲛⲉⲥϣⲓ
…
54 ⲙⲛⲧⲥ ϣⲓ ⲅⲁⲣ ⲙⲡⲉⲥⲥⲟⲃⲧⲉ ⲧⲏⲣϥ ⲁⲗⲗⲁ ⲕⲁⲧⲁⲛϣⲓ ⲛⲛⲉⲧⲛⲁϣϥⲓ ϩⲁⲛⲉⲧⲛⲁⲩ ⲉⲣⲟⲥ ϣⲁⲥⲟⲩⲱⲛϩ ⲉⲃⲟⲗ ϩⲛⲛⲧⲟⲡⲟⲥ ⲉⲧⲥⲕⲱⲛⲥ ⲛϩⲏⲧⲟⲩ ⲁⲩⲱ ⲉⲧⲥⲧⲁⲗϭⲟ ⲙⲙⲟⲟⲩ ⲉⲃⲟⲗ ϫⲉⲥⲡⲁⲧⲁⲥⲥⲉⲓ
…
55 ⲥⲧⲁⲗϭⲟ ⲇⲉ ⲟⲛ .
…
56 ⲥⲱϭⲉ ⲥⲣⲡⲁϩⲣⲉ ⲉⲛⲉⲧⲥⲡⲗⲏⲅⲉ ⲙⲙⲟⲟⲩ ⲉⲧⲃⲱⲧⲉⲩⲙⲛⲧⲁⲧⲥⲱⲧⲙ .
…
57 ⲥⲣⲛⲁϩⲣⲉ ⲇⲉ ⲟⲛ ⲉⲛⲉⲧⲁⲡϫⲁϫⲉ ⲁⲁⲩ ⲛϭⲱⲃ ϩⲓⲧⲛⲛⲉϥⲥⲟⲧⲉ .
…
58 ⲧⲉⲥⲧⲱⲣⲉ ⲏ ⲡⲉⲥⲙⲁ ⲛⲁⲙⲁϩⲧⲉ ⲡⲉ ⲡⲟⲩⲟⲉⲓⲛ ⲛⲛⲃⲁⲗ ⲛⲛⲉⲧϭⲱϣⲧ ⲉⲡⲥⲟⲟⲩⲧⲛ ⲙⲛⲡⲙⲉ ⲙⲛϩⲱⲃ ⲛⲓⲙ ⲙⲙⲛⲧⲣⲉϥϣⲙϣⲉⲛⲟⲩⲧⲉ ⲙⲙⲁ ⲉⲧⲥϩⲏⲛ ⲉϩⲟⲩⲛ ⲛϩⲏⲧⲟⲩ ⲏ ⲉⲥⲁϣⲉ ⲉϩⲣⲁⲓ ⲛⲉ ⲛⲉⲅⲣⲁⲫⲏ ⲏ ⲛⲛⲟⲙⲟⲥ ⲉⲛⲧⲁⲩⲧⲁⲁⲩ ⲉⲧⲣⲉⲛⲟⲩϫⲁⲓ ⲛϩⲏⲧⲟⲩ
…
59 ⲁⲛⲟⲛ ⲛⲣⲱⲙⲉ ⲛⲧⲁⲙⲉⲓⲟⲛ ⲉⲧⲥⲕⲏ ⲛϩⲏⲧⲟⲩ ⲛⲟⲩⲟⲉⲓϣ ⲛⲓⲙ ⲛⲉ ⲙⲡⲏⲩⲉ ⲛⲙⲡⲏⲩⲉ ⲉⲣⲉⲛⲣⲱⲙⲉ ϩⲛⲧⲟⲟⲧⲥ ⲛⲧϩⲉ ⲛⲛⲉⲓⲗⲁⲁⲩ
…
60 ⲏ ⲟⲩⲗⲁⲁⲩ ⲛⲛⲁϩⲣⲁⲥ ⲡⲉ ⲉⲥϩⲛ ⲛϭⲓϫ ⲙⲡⲣⲱⲙⲉ ϩⲛⲛϣⲓ ⲉⲧϥⲛⲁϣϭⲙϭⲟⲙ ⲉⲕⲱⲛⲥ ⲛϩⲏⲧⲥ
…
61 ⲡⲉⲥϫⲱⲣ ⲟⲩ ⲉⲃⲟⲗ ⲛϩⲏⲧⲥ ⲡⲉ ⲉϣⲁⲩϫⲟⲟⲥ ⲁⲛ ϩⲓⲧⲛϩⲉⲛⲕⲟⲟⲩⲉ ⲉϣⲁⲩϫⲉⲣⲥⲏϥⲉ ⲛⲓⲙ ⲛⲧⲟϥ ⲉⲃⲟⲗ ⲛϩⲏⲧⲥ ⲥϩⲙⲡⲣⲱⲙⲉ ⲉⲧⲕⲱⲧⲉ ⲛⲥⲱⲥ
…
62 ⲥⲉⲧⲙⲟⲩⲟⲛϩⲥ ⲉⲃⲟⲗ ⲙⲉϥⲛⲁⲩ ⲉⲣⲟⲥ
…
63 ⲥϩⲏⲛ ⲉϩⲟⲩⲛ ⲉⲡⲣⲱⲙⲉ ⲉⲧϣⲓⲛⲉ ⲛⲥⲱⲥ
…
64 ⲥⲟⲩⲏⲩ ⲇⲉ ⲟⲛ ⲉⲃⲟⲗ ⲙⲙⲟϥ .
…
65 ϩⲣⲁⲓ ⲛϩⲏⲧⲥ ⲛⲧⲁⲩϫⲟⲟⲥ ⲛⲧⲉⲓϩⲉ ϫⲉϥⲟⲛϩ ⲛϭⲓⲡϣⲁϫⲉ ⲙⲡⲛⲟⲩⲧⲉ
…
66 ⲁⲩⲱ ϥⲉⲛⲉⲣⲅⲉⲓ ⲁⲩⲱ ϥϣⲱⲱⲧ ⲉϩⲟⲩⲉⲥⲏϥⲉ ⲛⲓⲙ ⲛϩⲟ ⲥⲛⲁⲩ ⲉⲃⲟⲗ ϩⲓⲧⲟⲟⲧⲥ ⲉⲛⲧⲁⲩϩⲱⲛ ⲛⲧⲉⲓϩⲉ ⲉⲧⲣⲉⲙⲙⲁⲧⲟⲓ ⲙⲡⲉⲭⲣⲓⲥⲧⲟⲥ ϫⲓ ⲛⲧⲡⲉⲣⲓⲕⲉⲫⲁⲗⲁⲓⲁ ⲙⲡⲟⲩϫⲁⲓ ⲁⲩⲱ ⲧⲥⲏϥⲉ ⲙⲡⲉⲡⲛⲉⲩⲙⲁ ⲉⲧⲉⲡϣⲁϫⲉ ⲡⲉ ⲙⲡⲛⲟⲩⲧⲉ ⲛⲧⲁⲛϫⲱⲱⲣⲉ ϩⲙⲡⲡⲟⲗⲉⲙⲟⲥ ⲧⲁⲩⲟ ⲉⲡⲉⲥⲏⲧ ⲛⲛⲉⲧϯⲟⲩⲃⲏⲩ ϩⲣⲁⲓ ⲛϩⲏⲧⲥ ⲛⲧϩⲉ ⲛⲧⲁⲩⲧⲁⲙⲉⲛⲉⲧⲣⲟⲟⲩⲧ
…