1 ⲛⲉ ϩⲙⲡⲟⲩϩⲏⲧ , ⲁⲩⲱ ϩⲙⲛⲟⲩⲙⲉⲉⲩⲉ ⲛⲧϩⲉ ⲉⲧⲥⲏϩ · ⲛⲧⲟϥ ϩⲱⲱϥ ⲛⲧⲉⲣⲉϥⲛⲁⲩ ⲉⲣⲟ ⲁϥⲟⲃϣϥ ·
…
2 ⲁⲩⲱ ⲙⲡⲉⲣϩⲟⲧⲉ ϩⲏⲧϥ . ⲛⲧⲟϥ ϩⲱⲱϥ ϥⲛⲁϫⲱ ⲛⲧⲉϥⲇⲓⲕⲁⲓⲟⲥⲩⲛⲏ ·
…
3 ⲁⲩⲱ ⲡⲧⲏⲩⲛⲁϥⲓⲧⲉ ⲙⲛⲛⲉⲧⲧⲏϩ ⲧⲏⲣⲟⲩ ⲛⲙⲙⲉ · ⲁⲩⲱ ⲛⲟⲩϩⲃⲏⲩⲉ ⲙⲛⲛⲟⲩⲟⲩ ⲟⲩⲛⲟⲩϩⲁⲧⲏⲩⲛⲁⲑⲗⲟⲟⲩ ⲉⲃⲟⲗ ·
…
4 ϩⲱ ϭⲉ ⲉⲣⲟⲛ ⲉⲛϩⲛⲛⲓϩⲃⲏⲩⲉ ⲉⲧⲛⲕⲓⲙ ⲉⲡϭⲱⲛⲧ ⲛⲧⲟⲣⲅⲏ ⲉⲙⲡⲛⲟⲩⲧⲉ ⲉϩⲣⲁⲓ ⲉϫⲱⲛ ⲉⲧⲃⲏⲏⲧⲟⲩ .
…
5 ϣⲁⲛⲧⲉⲟⲩ ϭⲉ ϣⲱⲡⲉ ⲉⲛϣⲁϫⲉ ⲉϩⲣⲁⲓ ⲉⲡⲛⲟⲩⲧⲉ ϩⲛⲟⲩϩⲩⲡⲟⲕⲣⲓⲥⲓⲥ ·
…
6 ⲁⲩⲱ ⲉⲛⲡⲱⲣϣ ⲉⲃⲟⲗ ⲛⲛⲉⲛϭⲓϫ ϩⲛⲟⲩⲙⲛⲧⲛⲟⲩϫ ⲙⲡⲉⲙⲧⲟ ⲉⲃⲟⲗ ⲙ ⲡⲉⲧⲉⲣⲉⲧⲙⲛⲧϭⲁⲉⲓⲉ ⲛⲛⲉⲛϩⲃⲏⲩⲉ ϩⲏⲡ ⲉⲣⲟϥ ⲁⲛ ·
…
7 ϣⲁⲧⲛⲁⲩ ⲉⲣⲉⲛⲓⲙⲟⲕϩⲥ ϩⲓϫⲙⲡⲕⲁϩ · ⲉⲧⲃⲉⲛⲉⲛϫⲓⲛϭⲟⲛⲥ ⲙⲛϩⲱⲃ ⲛⲓⲙ ⲉⲧⲉⲙⲛⲟⲩⲁ ⲛϩⲏⲧⲛ ⲟⲩⲁϣⲟⲩ ⲉⲁⲁⲩ ⲛⲁϥ · ⲉⲛⲉⲓⲣⲉ ϩⲱⲱϥ ⲙⲙⲟⲟⲩ ⲛⲛⲉⲛⲉⲣⲏⲩ ·
…
8 ϥⲓ ⲙⲙⲁⲩ ⲛⲛⲛⲟⲃⲉ · ⲧⲁϥⲓ ⲙⲙⲁⲩ ⲛⲛϩⲓⲥⲉ ⲙⲛⲙⲙⲁⲥⲧⲓⲅⲝ .
…
9 ⲙⲛⲛⲑⲗⲓⲑⲗⲓⲯⲓⲥ ⲉⲃⲟⲗ ϩⲓϫⲱⲧⲛ ⲡⲉϫⲉϯⲥⲙⲏ ⲉⲧϫⲱ ⲙⲙⲟⲥ ϫⲉϥⲓ ⲛⲛⲓⲡⲟⲛⲏⲣⲓⲁ ⲉⲃⲟⲗ ϩⲛⲛⲉⲧⲛϩⲏⲧ ⲙⲡⲉⲙⲧⲟ ⲉⲃⲟⲗ ⲛⲛⲁⲃⲁⲗ · ⲁⲗⲱⲧⲛ ϩⲛⲛⲉⲧⲛⲡⲟⲛⲏⲣⲓⲁ ·
…
10 ϣⲁⲧⲛⲁⲩ ⲛⲥⲱϣ ⲙⲙⲟⲛ ⲙⲁⲩⲁⲁⲛ · ⲁⲩⲱ ⲉⲛⲥⲱϣ ⲙⲙⲟⲛ ⲙⲙⲓⲛⲙⲙⲟⲛ ⲙⲛⲛⲉϥⲕⲉⲡⲉⲧⲛⲁⲛⲟⲩϥ ·
…
11 ⲛⲓⲙ ⲡⲉⲧⲛⲁϫⲱϩⲙ · ⲏ ⲛϥⲥⲱⲱϥ ⲛⲛⲇⲓⲕⲁⲓⲱⲙⲁ ⲙⲡϫⲟⲉⲓⲥ ⲙⲡϥⲣϣⲣⲡ ⲛϫⲁϩⲙⲉϥ · ⲁⲩⲱ ⲛⲥⲱⲱϥ ⲛⲛⲉϥϩⲃⲏⲩⲉ ·
…
12 ⲙⲙⲛϭⲟⲙ · ⲉⲧⲣⲁϫⲉⲟⲩϣⲁϫⲉ ⲉⲓⲛⲁϯⲗⲟⲅⲟⲥ ⲁⲛ ϩⲁⲣⲟϥ ·
…
13 ⲉⲧⲃⲉⲡⲁⲓ ϯϫⲱ ⲙⲙⲟⲥ ⲛⲏⲧⲛ ϫⲉⲟⲩⲛⲣⲱⲙⲉ ⲉϥⲱϣ ⲛⲛⲉⲅⲣⲁⲫⲏ ⲏ ⲉϥⲯⲁⲗⲗⲉⲓ ⲉⲩϣⲁϫⲉ ⲉⲣⲟϥ ϩⲛⲧⲡⲉ ϫⲉⲡϣⲟⲩϣⲧⲙⲣⲱϥ ·
…
14 ⲟⲩⲛⲣⲱⲙⲉ ⲉϥϩⲛⲛⲧⲟⲡⲟⲥ ⲉⲧⲟⲩⲁⲁⲃ ⲉϥϭⲟⲟⲗⲉ ⲇⲉ ⲟⲛ ⲙⲡⲣⲁⲛ ⲉⲧⲧⲁⲉⲓⲏⲩ . ⲉⲩϣⲁϫⲉ ⲉⲣⲟϥ ϩⲛⲙⲡⲏⲩⲉ ϫⲉⲡϫⲁϫⲉ ⲛⲛⲏⲉⲓ ⲙⲡⲛⲟⲩⲧⲉ ·
…
15 ⲁⲩⲱ ⲡϣⲟⲩⲡⲱϩ ⲙⲡⲉⲥⲭⲏⲙⲁ ⲉⲧϩⲓⲱⲱϥ
…
16 ⲟⲩⲛⲣⲱⲙⲉ ⲉϥⲛⲁ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ . ⲁⲩⲱ ⲉϥϫⲓ ⲉⲃⲟⲗ ϩⲙⲡⲥⲱⲙⲁ ⲙⲛⲡⲉⲥⲛⲟϥ ⲙⲡϫⲟⲉⲓⲥ · ⲉⲩϣⲁϫⲉ ⲉⲣⲟϥ ϩⲛⲧⲡⲉ ·
…
17 ϫⲉⲡϣⲟⲩϣⲱⲱⲧ ⲉⲃⲟⲗ ⲛⲛⲉϥϭⲓϫ ⲙⲛⲛⲉϥⲟⲩⲉⲣⲏⲧⲉ ·
…
18 ⲟⲩⲛⲣⲱⲙⲉ · ⲟⲩⲛⲥϩⲓⲙⲉ ⲉⲩⲙⲉⲉⲩⲉ ⲉⲣⲟⲟⲩ ϩⲓϫⲙⲡⲕⲁϩ ϫⲉϩⲉⲛⲟⲩⲟⲉⲓⲛ ⲛⲉ ϩⲛⲧⲃⲃⲟ ⲛⲓⲙ ·
…
19 ⲉⲩϣⲁϫⲉ ⲉⲣⲟⲟⲩ ϩⲛⲧⲡⲉ . ϫⲉⲉⲓⲥϩⲉⲛⲁⲕⲁⲑⲁⲣⲧⲟⲥ ϩⲛϩⲱⲃ ⲛⲓⲙ ·
…
20 ⲟⲩⲛⲟⲩϩⲁⲡⲛⲁϣⲱⲡⲉ ⲡⲁⲛⲧⲱⲥ ϩⲛⲧⲙⲏⲧⲉ ⲛⲛⲉⲧⲥⲱⲧⲙ ⲉⲛⲓϣⲁϫⲉ ⲉⲩⲁϣⲁϩⲟⲙ ⲁⲩⲱ ⲉⲩⲣⲓⲙⲉ ⲙⲛⲧⲙⲏⲧⲉ ⲛⲛⲉⲧⲥⲱⲧⲙ ⲉⲣⲟⲟⲩ ⲉⲩⲕⲱⲙϣ .
…
21 ⲁⲩⲱ ⲉⲩⲕⲣⲙⲣⲙ · ⲉϣⲱⲡⲉ ⲣⲱ ⲉⲩⲧⲙⲙⲉⲥⲧⲉⲡⲉⲧϫⲡⲓⲟ ⲙⲙⲟⲟⲩ .
…
22 ⲉⲣⲉⲡⲉⲓⲣⲁⲛ ⲁⲩⲱ ⲡⲓⲥⲭⲏⲙⲁⲛⲁⲣⲟⲩ ⲛⲁⲛ · ⲉⲛϩⲛⲛⲉⲓϩⲃⲏⲩⲉ ⲉⲧⲉⲛⲥⲉⲥⲙⲟⲛⲧ ⲁⲛ ·
…
23 ⲡϣⲁϫⲉ ⲛⲧⲁⲡⲉⲡⲣⲟⲫⲏⲧⲏⲥ ϫⲟⲟϥ ⲡⲉⲧⲛⲛⲁⲣⲣⲙⲙⲁⲟ ⲛϩⲏⲧϥ ⲡⲁⲓ ϫⲉⲡⲣⲙⲣⲁϣ ⲙⲁⲣⲉϥϣⲱⲡⲉ ⲛⲣⲉϥⲙⲓϣⲉ ·
…
24 ⲡⲉⲧⲉⲙⲛϭⲟⲙ ⲙⲙⲟϥ · ⲙⲁⲣⲉϥϫⲟⲟⲥ ϫⲉϯϭⲙϭⲟⲙ ⲁⲛⲟⲕ ·
…
25 ⲡⲣⲙⲣⲁϣ ⲙⲁⲣⲉϥϣⲱⲡⲉ ⲛⲣⲉϥⲙⲓϣⲉ ⲙⲛⲛⲓⲙ · ⲏ ⲙⲁⲣⲉϥϭⲙϭⲟⲙ ϩⲛⲟⲩ .
…
26 ⲙⲁⲣⲉϥⲙⲓϣⲉ ⲉϫⲛⲧⲙⲉ · ⲁⲩⲱ ⲉϫⲛⲛϩⲁⲡ ⲙⲡⲛⲟⲩⲧⲉ ·
…
27 ⲙⲁⲣⲉϥⲙⲓϣⲉ ⲙⲛⲡⲛⲟⲃⲉ · ⲙⲁⲣⲉϥϭⲙϭⲟⲙ ⲛϯⲟⲩⲃⲉ ⲡⲉⲟⲟⲩ ⲉⲧϣⲟⲩⲉⲓⲧ ⲙⲛⲧϩⲩⲡⲟⲕⲣⲓⲥⲓⲥ · ⲁⲩⲱ ⲧⲙⲛⲧⲣⲉϥϫⲓϩⲟ ·
…
28 ⲙⲛⲡϣⲓⲡⲉ ⲛⲛⲣⲱⲙⲉ ⲛϩⲟⲩⲟ ⲇⲉ ⲛⲣⲙⲙⲁⲟ ⲛⲣⲉϥϫⲓⲛϭⲟⲛⲥ · ⲁⲩⲱ ⲛⲁⲧⲛⲟⲩⲧⲉ ⲛϩⲉⲗⲗⲏⲛ ·
…
29 ⲡⲉⲧⲉⲓⲣⲉ ⲁⲛ ⲛϩⲧⲏϥ ⲉϫⲛⲛⲉϥⲛⲟⲃⲉ ⲉϥⲥⲱⲧⲙ ⲉⲛⲓϣⲁϫⲉ ·
…
30 ⲡⲁⲓ ⲡⲉ ⲡⲣⲱⲙⲉ ⲉⲧⲉⲓⲣⲉ ⲁⲛ ⲙⲡⲙⲉⲉⲩⲉ ⲛⲧⲉϥϩⲁⲏ ⲁⲩⲱ ⲡⲛⲁⲩ ⲛⲧⲉϥⲁⲛⲁⲅⲕⲏ ⲡⲉⲧϭⲛⲁⲣⲓⲕⲉ ⲉⲡⲉⲧϫⲱ ⲛⲛⲁⲓ .
…
31 ⲡⲁⲓ ⲡⲉ ⲡⲣⲱⲙⲉ ⲛⲧⲁⲧⲕⲁⲕⲓⲁ · ⲙⲛⲧⲙⲛⲧϣⲁϥⲧⲉ ϩⲱⲃⲥ ⲉϫⲛⲛⲉϥⲙⲉⲉⲩⲉ ⲛϩⲏⲧ ⲛⲧϩⲉ ⲉⲧⲥⲏϩ ·
…
32 ϩⲱⲃ ⲛⲓⲙ ⲉⲧⲛϯϩⲏⲩ ⲁⲛ · ⲉⲣⲟⲟⲩ ⲙⲡⲛⲁⲩ ⲛⲧⲉⲛⲁⲛⲁⲅⲕⲏ ϩⲉⲛⲟⲥⲉ ⲛⲉ ⲛⲧⲉⲛⲯⲩⲭⲏ ·
…
33 ⲛⲧⲁⲩⲣϩⲟⲩⲉⲥⲁⲃⲉ ϩⲛⲟⲩ ⲛϭⲓⲛⲉⲛⲧⲁⲩⲉⲓ ⲛⲟⲩⲛⲟϭ ⲛⲟⲩⲉ ϣⲁⲡⲉⲓⲙⲁ ⲉⲧⲃⲉϣⲓⲛⲉ ⲏ ⲉⲧⲃⲉϫⲓϩⲁⲡ ⲉϫⲛϩⲉⲛϩⲛⲁⲁⲩ · ⲉⲁⲩϥⲓⲧⲟⲩ ⲛϫⲓⲟⲩⲉ ·
…
34 ⲟⲩⲣⲱⲙⲉ ⲉⲡⲉϥϩⲱⲃ ⲡⲉ ⲉⲛϩⲉⲛϫⲏ ⲉⲃⲟⲗ ϩⲛⲛⲃⲁⲗ ⲛⲛⲣⲱⲙⲉ ⲉⲩⲧⲁⲕⲟ ⲙⲡⲉⲩⲟⲩⲟⲉⲓⲛ · ⲛⲁϣ ⲛϩⲉ ⲟⲩⲙⲛⲧⲥⲟϭ ⲛⲁϥ ⲁⲛ ⲧⲉ ⲉϥϣⲁⲛⲉⲛⲛϫⲏ ⲉⲃⲟⲗ ⲛϥⲕⲁⲛⲥⲟⲉⲓ ⲛϩⲏⲧⲟⲩ ·
…
35 ⲉⲓϫⲱ ⲙⲡⲁⲓ ϫⲉⲉϣϫⲉ ⲉⲓⲙⲡⲉⲓⲙⲁ ⲉⲓⲟⲩⲱⲛϩ ⲉⲃⲟⲗ ⲛϩⲉⲛⲣⲱⲙⲉ ϫⲉⲁⲩϥⲓϩⲉⲛϩⲛⲁⲁⲩ ⲛϫⲓⲟⲩⲉ .
…
36 ⲏ ⲉⲓϯϩⲁⲡ ⲉⲣⲟⲟⲩ · ⲉⲧⲃⲉⲟⲩ ⲛϯⲛⲁⲟⲩⲟⲛϩⲟⲩ ⲁⲛ ⲉⲃⲟⲗ ϫⲉⲁⲡⲛⲟⲃⲉ ϥⲓⲧⲟⲩ ⲛϫⲓⲟⲩⲉ ⲁⲩⲱ ⲛⲧⲁϯϩⲁⲡ ⲉⲣⲟⲟⲩ ⲛⲧⲁⲧⲥⲁⲃⲟⲟⲩⲉ ⲛⲧⲟⲡⲟⲥ ⲛⲧⲁⲡϫⲁϫⲉ ϩⲟⲡⲟⲩ ⲙⲙⲁⲩ ·
…
37 ⲉⲧⲉⲛϫⲱϩⲙ ⲛⲉ . ⲙⲛⲛⲥⲱⲱϥ · ⲙⲛⲛⲟⲃⲉ ⲛⲓⲙ ·
…
38 ⲡϩⲁⲡ ⲙⲡⲓⲧⲟⲡⲟⲥ ⲡⲉ ⲧⲣⲉⲛϯϩⲏⲩ ⲛⲧⲉⲛⲯⲩⲭⲏ ⲉⲧⲉⲙⲡⲕⲟⲥⲙⲟⲥ ⲧⲏⲣϥ ⲙⲡϣⲁ ⲙⲙⲟⲥ ⲁⲛ ·
…
39 ⲙⲡⲣⲧⲣⲉⲣⲱⲙⲉ ⲉⲓ ⲛⲁⲓ ⲉⲧⲃⲉϩⲱⲃ ⲛⲧⲉⲓϩⲉ · ⲁⲛⲟⲕ ⲟⲩⲧⲉⲓⲙⲓⲛⲉ ⲁⲛ ·
…
40 ⲉϣϫⲉ ⲟⲩⲛⲣⲱⲙⲉ ⲉⲧⲉⲧⲛⲥⲟⲟⲩⲛ ⲉⲣⲟϥ ϫⲉϥⲉⲓⲙⲉ ⲉⲛⲉⲧⲉⲧⲛϣⲓⲛⲉ ⲛⲥⲱⲟⲩ ⲛⲧϩⲉ ⲛⲛⲉⲡⲣⲟⲫⲏⲧⲏⲥ ⲙⲛⲛⲁⲡⲟⲥⲧⲟⲗⲟⲥ ·
…
41 ⲃⲱⲕ ϣⲁⲛⲉⲧⲙⲙⲁⲩ · ⲁⲗⲗⲁ ⲉϣⲱⲡⲉ ⲁⲩⲥⲟⲩⲱⲛⲟⲩ ⲙⲁⲩⲁⲁⲩ . ϫⲉ ⲉⲩⲛⲁⲥⲟⲟⲩⲛ ⲉⲧⲉⲧⲛⲛⲁⲃⲱⲕ ⲛⲁⲩ ⲉⲧⲃⲏⲏⲧⲟⲩ ·
…
42 ⲉⲙⲉⲧⲉⲧⲛⲃⲱⲕ ⲣⲱ ⲉⲣⲁⲧⲟⲩ ⲛⲛⲉⲧⲉⲧⲛⲛⲁϭⲛⲟⲩⲛⲁ ⲛⲛⲁϩⲣⲙⲡⲛⲟⲩⲧⲉ ⲉⲧⲃⲏⲏⲧⲟⲩ ·
…
43 ⲡⲕⲟⲥⲙⲟⲥ ⲁⲛ ⲛⲉⲥⲛⲏⲩ ⲡⲉⲛⲧⲁϥⲙⲁϩⲛ ⲙⲡⲗⲁⲛⲏ ·
…
44 ⲁⲗⲗⲁ ⲁⲛⲟⲛ ⲡⲉⲛⲧⲁⲛⲙⲁϩϥ · ⲉⲧⲃⲉⲡⲁⲓ ⲡⲕⲁⲓⲣⲟⲥ ⲡⲉ ⲛⲣⲥⲁⲃⲉ ·
…
45 ⲙⲡⲣⲧⲣⲉⲗⲁⲁⲩ ⲥⲱⲃⲉ ⲙⲙⲱⲧⲛ · ϫⲉⲛⲁϣⲉⲛⲣⲱⲙⲉ ⲙⲡⲗⲁⲛⲟⲥ ⲉⲩⲥⲱⲃⲉ ⲛϩⲁϩ ϩⲛⲛⲓϩⲃⲏⲩⲉ .
…
46 ⲙⲙⲛⲣⲱⲙⲉ ⲉϥⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ ⲛⲁϫⲉⲛϣⲁϫⲉ ⲛⲧⲉⲓϩⲉ ⲕⲁⲛ · ⲉⲩⲥⲟⲟⲩⲛ · ⲛⲁⲙⲉ ·
…
47 ⲡⲛⲟϭ ⲙⲡⲣⲟⲫⲏⲧⲏⲥ ⲙⲱⲩⲥⲏⲥ ϥϩⲛⲧⲙⲏⲧⲉ ⲙⲡϭⲟⲥⲙ ⲙⲛⲧⲉⲕⲗⲟⲟⲗⲉ ⲡⲛⲟⲩⲧⲉ ϣⲁϫⲉ ⲛⲙⲙⲁϥ ϩⲱⲥⲧⲉ ⲉⲧⲙⲧⲣⲉⲗⲁⲁⲩ ⲉⲛϩⲱⲃ ϣⲱⲡⲉ ⲉϥϩⲏⲡ ⲉⲣⲟϥ ·
…
48 ⲁⲩⲱ ⲙⲡϥϫⲉϣⲁϫⲉ ⲉⲛⲉϩ ⲛⲧⲉⲓϩⲉ · ⲟⲩⲧⲉ ⲛⲕⲉⲡⲉⲧⲟⲩⲁⲁⲃ ⲧⲏⲣⲟⲩ .
…
49 ϫⲉⲃⲱⲕ ⲉⲧⲱ ⲧⲉⲧⲛⲛⲁϭⲛϩⲉⲛϩⲛⲁⲁⲩ ⲉⲁⲩϥⲓⲧⲟⲩ ⲛϫⲓⲟⲩⲉ ⲏ ϫⲉⲛⲓⲙ ⲡⲉⲛⲧⲁϥϥⲓⲧⲟⲩ ·
…
50 ⲛⲧϩⲉ ⲛⲛⲉⲧⲁⲡⲁⲧⲁ ⲛϩⲁϩ ⲧⲉⲛⲟⲩ ⲉⲛⲥⲉⲥⲟⲟⲩⲛ ⲁⲛ ⲉⲗⲁⲁⲩ ·
…
51 ⲁⲗⲗⲁ ⲛⲧⲁⲩϫⲟⲟⲥ ϫⲉϩⲱⲃ ⲛⲓⲙ ⲉⲩⲛⲁⲣⲙⲉ ϩⲓⲧⲛⲧⲧⲁⲡⲣⲟ ⲙⲙⲛⲧⲣⲉ ⲥⲛⲁⲩ .
…
52 ⲏ ϣⲟⲙⲛⲧ · ⲏ ⲛⲥⲉϭⲛⲛϫⲓⲟⲩⲉ ⲛⲥⲁⲛⲉⲛⲧⲁⲩϥⲓⲧⲟⲩ · ⲧϩⲁⲏ · ⲛⲁⲛⲧⲓⲗⲟⲅⲓⲁ ⲛⲓⲙ ⲛⲧⲁϥϫⲟⲟⲥ
…
53 ϫⲉⲟⲩⲁⲛⲁϣ ⲛⲧⲉⲡⲛⲟⲩⲧⲉ ⲡⲉⲧⲛⲁϣⲱⲡⲉ ⲛⲧⲉⲩⲙⲏⲧⲉ
…
54 ⲉϣϫⲉ ⲁⲥⲁⲙⲟⲩⲏⲗ · ϫⲟⲟⲥ ⲛⲥⲁⲟⲩⲗ
…
55 ϫⲉⲁⲩϭⲛⲛⲉⲟⲟⲩ .
…
56 ⲁϩⲣⲟϥ ϩⲱⲱϥ ⲡⲓϩⲱⲃ ⲙⲛⲛⲉⲧⲛϫⲱ ⲙⲙⲟⲟⲩ . ⲧⲱ ,
…
57 ⲉⲧⲱ ⲛϫⲟⲟⲥ ϫⲉⲛⲓⲙ ⲡⲉⲛⲧⲁϥϥⲓϩⲉⲛϩⲛⲁⲁⲩ ⲛϫⲓⲟⲩⲉ ·
…
58 ⲙⲛϫⲟⲟⲥ ϫⲉⲁⲩϭⲛⲧⲟⲩ · ⲟⲩ ⲉⲧϫⲟⲟⲥ ⲁⲛ
…
59 ϫⲉⲁⲩϭⲛⲧⲟⲩ ⲟⲩϩⲱⲃ ⲛⲉⲓⲣⲏⲛⲏ ·
…
60 ⲟⲩⲉⲧϫⲟⲟⲥ ϫⲉⲉⲓⲥ ⲛⲉ ⲧⲱⲛ ⲏ ϫⲉⲛⲓⲙ ⲡⲉⲛⲧⲁϥϥⲓⲧⲟⲩ ·
…
61 ⲛⲧϩⲉ ⲧⲉⲛⲟⲩ ⲛⲛⲉⲧϩⲃⲟⲣⲃⲣ ⲙⲙⲱⲧⲛ ⲉϩⲉⲛⲙⲛⲧϫⲁϫⲉ · ⲙⲛϩⲉⲛⲕⲉϩⲓⲥⲉ ⲉⲧⲉⲧⲛⲃⲟⲗⲃⲗ ϩⲛⲛⲏⲉⲓ ⲛⲛⲉⲛⲧⲁⲩϫⲟⲟⲥ ⲛⲏⲧⲛ
…
62 ϫⲉⲛⲧⲟⲟⲩ ⲡⲉⲛⲧⲁⲩϥⲓⲧⲟⲩ ·
…
63 ⲉⲙⲉⲧⲉⲧⲛϯϩⲏⲩ ⲉⲗⲁⲁⲩ ⲛⲥⲁϭⲟⲗ · ϩⲓⲙⲓϣⲉ . ϩⲓⲙⲟⲥⲧⲉ ⲉϩⲟⲩⲛ ⲉⲛⲉⲧⲛⲉⲣⲏⲩ ·
…
64 ⲉⲃⲟⲗ ⲇⲉ ϫⲉⲁⲛϫⲉⲡⲣⲱϣⲉ ⲁⲩⲱ ⲁⲛⲥⲱⲧⲙ ⲉⲡⲣⲱϣⲉ ⲉⲓⲛⲁϩⲱ ⲉⲛⲁⲓ ·
…
65 ⲡⲛⲟⲩⲧⲉ ⲉⲙⲙⲛⲧϣⲁⲛϩⲧⲏϥ ⲛⲓⲙ · ⲉϥⲛⲁⲁⲁⲛ ⲛⲛⲙⲡϣⲁ ⲙⲡⲉⲓϩⲱⲃ ⲥⲛⲁⲩ ⲧⲁⲣⲛⲙⲉⲧⲉⲭⲉ ⲙⲡⲧⲏⲣϥ · ⲉⲧⲉⲛⲁⲓ ⲛⲉ .
…
66 ⲛϥϩⲁⲣⲉϩ ⲉⲛⲁⲧⲛⲟⲃⲉ ⲉⲧϩⲙⲡⲉϥⲗⲁⲟⲥ · ⲁⲩⲱ ⲛϥⲥⲟⲧⲛ ϩⲱⲱⲛ ⲛⲣⲉϥⲣⲛⲟⲃⲉ ⲉⲃⲟⲗ ϩⲛⲁⲛⲟⲙⲓⲁ ⲛⲓⲙ ⲛϥⲧⲙϩⲉⲡⲡⲉϥϩⲟ ⲉⲣⲟⲛ ϫⲓⲛⲙⲡⲟⲟⲩ ϫⲓⲛⲙⲡⲉϩⲟⲟⲩ ⲛⲧⲁⲛⲕⲁⲁⲥ ϩⲙⲡⲉⲛϩⲏⲧ ⲉϩⲁⲣⲉϩ ⲉⲛⲉϥϣⲁϫⲉ ·
…
67 ϫⲉⲉⲛⲛⲁⲥⲱⲧⲙ ϩⲱⲱⲛ ⲉⲡⲉⲓⲧⲱⲧ ⲛϩⲏⲧ ⲉⲃⲟⲗ ϩⲓⲧⲛϯⲥⲙⲏ ⲛⲧϩⲉ ⲛⲛⲁⲓ ⲙⲡⲉⲓⲟⲩⲟⲉⲓϣ
…
68 ϫⲉϯⲛⲁϫⲓⲧⲏⲩⲧⲛ ⲉⲃⲟⲗ ϩⲛⲛϩⲉⲑⲛⲟⲥ ⲁⲩⲱ ⲛⲧⲁⲥⲉⲩϩⲧⲏⲩⲧⲛ ⲉϩⲟⲩⲛ ⲉⲃⲟⲗ ϩⲙⲡⲕⲁϩ ⲧⲏⲣϥ ·
…
69 ⲛⲧⲁϫⲓⲧⲏⲩⲧⲛ ⲉϩⲟⲩⲛ ⲉⲡⲉⲧⲛⲕⲁϩ ⲛⲧⲁⲛⲟⲩϫϭ ⲉϫⲛⲧⲏⲩⲧⲛ ⲛⲟⲩⲙⲟⲟⲩ ⲉϥⲥⲟⲧϥ · ⲉⲧⲉⲡⲗⲟⲅⲟⲥ ⲡⲉ ⲉⲧϫⲏⲕ ⲉⲃⲟⲗ ⲛⲛⲉⲅⲣⲁⲫⲏ ·
…
70 ⲛⲧⲉⲧⲛⲕⲁⲑⲁⲣⲓⲍⲉ ⲉⲃⲟⲗ ϩⲛⲛⲉⲧⲛⲁⲕⲁⲑⲁⲣⲥⲓⲁ ⲧⲏⲣⲟⲩ ·
…
71 ⲁⲩⲱ ⲉⲃⲟⲗ ϩⲛⲛⲉⲧⲛⲉⲓⲇⲱⲗⲟⲛ ⲧⲏⲣⲟⲩ . ⲛⲧⲁⲧⲃⲃⲉⲧⲏⲩⲧⲛ ·
…
72 ⲁⲩⲱ ⲟⲛ ϫⲉϯⲛⲁⲥⲙⲓⲛⲉ ⲛⲙⲙⲁⲩ ⲛⲟⲩⲇⲓⲁⲑⲏⲕⲏ ⲛⲉⲓⲣⲏⲛⲏ · ⲛⲧⲉⲟⲩⲇⲓⲁⲑⲏⲕⲏ ⲛⲉⲓⲣⲏⲛⲏ ϣⲱⲡⲉ ⲛⲁⲩ . ⲛⲧⲁⲧⲁⲁⲩ ·
…
73 ⲁⲩⲱ ⲛⲧⲁⲧⲁϣⲟⲟⲩ · ⲛⲧⲁⲕⲱ ⲙⲡⲁⲧⲃⲃⲟ ϩⲛⲧⲉⲩⲙⲏⲧⲉ ϣⲁⲉⲛⲉϩ · ⲛⲧⲉⲧⲁⲥⲕⲏⲛⲏ ϣⲱⲡⲉ ϩⲓϫⲱⲟⲩ ·
…
74 ⲁⲩⲱ ⲟⲛ ϫⲉϯⲛⲁⲕⲧⲟ ⲛⲧⲁⲓⲭⲙⲁⲗⲱⲥⲓⲁ ⲛⲓⲁⲕⲱⲃ · ⲁⲩⲱ ϯⲛⲁⲛⲁ ⲙⲡⲏⲓ ⲧⲏⲣϥ ⲙⲡⲓⲥⲣⲁⲏⲗ ·
…
75 ⲁⲩⲱ ⲟⲛ ϫⲉϯⲛⲁⲕⲁⲁⲩ ⲁⲛ ϭⲉ ϫⲓⲛⲡⲉⲓⲛⲁⲩ ⲙⲡⲙⲁ ⲉⲧⲙⲙⲁⲩ · ⲉϥϣⲁϫⲉ ⲉⲡⲕⲁϩⲛⲛⲉⲩϫⲁϫⲉ ·
…
76 ⲁⲩⲱ ⲛϯⲛⲁϩⲉⲡⲡⲁϩⲟ ⲁⲛ ⲉⲣⲟⲟⲩ ϫⲉⲁⲓⲡⲱϩⲧ ⲙⲡⲁⲡⲛⲉⲩⲙⲁ ⲉϫⲙⲡⲏⲓ ⲙⲡⲓⲥⲣⲁⲏⲗ ⲡⲉϫⲉⲁⲇⲱⲛⲁⲓ ⲡϫⲟⲉⲓⲥ ·
…
77 ⲛⲧⲁⲓϫⲉⲛⲁⲓ ⲉⲓⲥⲟⲟⲩⲛ ϫⲉⲡⲉⲧⲛⲟⲩⲱϣ ⲡⲉ ⲥⲱⲧⲙ ⲉⲣⲟⲟⲩ ·
…
78 ⲙⲁⲗⲗⲟⲛ ⲇⲉ ϯⲉⲓⲣⲉ ⲙⲡⲙⲉⲉⲩⲉ ⲛⲧϩⲉ ⲛⲧⲁⲓⲛⲁⲩ ⲉⲛⲉⲧⲛⲣⲙⲉⲓⲟⲟⲩⲉ ⲉⲩϣⲟⲩⲟ ⲉϫⲛⲛⲉⲧⲛⲟⲩⲟϭⲉ ϩⲙⲡⲧⲣⲉⲡⲓⲉⲗⲁⲭⲓⲥⲧⲟⲥ ⲛⲣⲱⲙⲉ · ϫⲟⲟⲥ ⲛⲧⲉⲓϩⲉ ·
…
79 ϫⲉⲛⲉⲉϣⲁⲛⲧⲁⲗⲟ ⲉϩⲣⲁⲓ ⲉϫⲛⲧⲕⲁⲑⲉⲇⲣⲁ ·
…
80 ⲏ ⲡⲉⲑⲣⲟⲛⲟⲥ ⲉⲱϣ ⲉⲛⲉⲧⲥⲱⲧⲙ ⲉⲡϣⲁϫⲉ ⲙⲡⲛⲟⲩⲧⲉ ϩⲛⲛⲉϥⲉⲕⲕⲗⲏⲥⲓⲁ ·
…
81 ϫⲛⲙⲙⲟⲛ · ⲉϣⲁⲛⲃⲱⲕ ⲉϩⲣⲁⲓ ⲉϩⲉⲛⲫⲱⲥⲥⲁ ·
…
82 ⲁⲩⲱ ⲟⲛ ϫⲉⲟⲩ ⲧⲉ ⲧⲙⲛⲧⲣⲙⲛϩⲏⲧ ⲛⲟⲩϣⲱⲥ ·
…
83 ⲉϥϣⲁⲛⲥⲉⲕⲙⲟⲟⲩ ⲉϩⲣⲁⲓ ⲛϥⲧⲥⲟ ⲛⲟⲩⲟϩⲉ ⲛⲉⲥⲟⲟⲩ . ⲛϥⲧⲙⲧⲥⲟ ⲇⲉ ⲛⲧⲟϥ ⲛⲟⲩϩⲓⲁⲉⲓⲃⲉ ⲉⲧⲱϥ ⲧⲉ ·
…
84 ⲏ ⲛⲧⲟϥ ⲟⲩⲁ ⲉⲁϥϫⲉⲣⲟ ⲛⲟⲩⲁϣⲏ ⲛϩⲏⲃⲥ ϩⲙⲡⲏⲓ ⲛϩⲉⲛⲕⲟⲟⲩⲉ · ⲛϥⲧⲙϫⲉⲣⲉⲡⲱϥ ⲇⲉ ⲛⲧⲟϥ ϩⲙⲡⲉϥⲧⲁⲙⲓⲟⲛ ·
…
85 ⲁⲩⲱ ⲉⲃⲟⲗ ϫⲉⲛⲧⲉⲧⲛϩⲉⲛⲥⲟⲫⲟⲥ · ⲉⲁⲧⲉⲧⲛⲉⲓⲙⲉ
…