1 ⲉⲩϫⲓⲟⲩⲁ ·
…
2 ⲟⲩⲙⲟⲓϩⲉ ⲁⲛ ⲧⲉ ⲉⲣϣⲁⲛϩⲉⲛⲭⲣⲓⲥⲧⲓⲁⲛⲟⲥ ϣⲉⲡϩⲉⲛϩⲓⲥⲉ ⲉⲃⲟⲗ ϩⲓⲧⲛϩⲉⲛϩⲉⲗⲗⲏⲛ
…
3 · ⲏ ϩⲉⲛϩⲁⲓⲣⲉⲧⲓⲕⲟⲥ ϫⲉⲥⲉⲕⲏϩ ⲉⲣⲟⲟⲩ ·
…
4 ⲛⲧϩⲉ ⲛⲧⲁⲛⲉⲫⲓⲗⲓⲥⲧⲓⲉⲓⲙ ϯϩⲓⲥⲉ ⲛⲓⲥⲁⲁⲕ ϫⲉⲁⲩⲕⲱϩ ⲉⲣⲟϥ ·
…
5 ⲁⲩⲱ ⲛⲧϩⲉ ⲛⲧⲁⲛⲣⲱⲙⲉ ⲧⲏⲣⲟⲩ ⲙⲡⲛⲟⲩⲧⲉ ⲥⲉⲓ ⲛⲁⲛⲁⲅⲕⲏ ⲛⲓⲙ ϫⲓⲛⲛϣⲟⲣⲡ ϣⲁϩⲣⲁⲓ ⲉⲧⲉⲛⲟⲩ ⲉⲧⲃⲉⲛⲣⲱⲙⲉ ⲧⲏⲣⲟⲩ ⲛⲁⲧⲛⲟⲩⲧⲉ ·
…
6 ⲁⲗⲗⲁ ⲟⲩⲙⲟⲓϩⲉ ⲛϩⲟⲩⲟ ⲧⲉ ϫⲉⲧⲛⲕⲏϩ ⲉⲛⲉⲛⲉⲣⲏⲩ ·
…
7 ⲧⲛϯϩⲓⲥⲉ ⲉⲛⲉⲛⲉⲣⲏⲩ · ⲧⲛϯ ⲛⲛⲉⲛⲉⲣⲏⲩ ⲉϩⲣⲁⲓ ⲉⲡⲙⲟⲩ . ⲉⲡⲉⲓⲛⲟⲩⲧⲉ ⲛⲟⲩⲱⲧ ⲡⲉⲧϣⲟⲟⲡ ⲛⲁ ⲛ ·
…
8 ⲟⲩⲛⲕⲉϩⲱⲃ ϣⲟⲟⲡ ⲉⲟⲩⲟⲥⲉ ⲡⲉ ⲛⲛⲉⲓⲟⲧⲉ · ⲁⲩⲱ ⲉⲟⲩϣⲟⲣϣⲣ ⲡⲉ ⲛⲛϣⲏⲣⲉ ·
…
9 ⲉⲧⲉⲡⲁⲓ ⲡⲉ ⲉⲧⲣⲉⲛⲉⲧⲁⲣⲭⲉⲓ ϯⲉⲟⲟⲩ ⲛϩⲉⲛⲣⲱⲙⲉ ⲉⲧⲣⲉⲩⲟⲩⲁϩⲟⲩ ⲛⲥⲱⲟⲩ .
…
10 ⲏ ⲉⲧⲣⲉⲩⲧⲟϣⲟⲩ ⲉϩⲉⲛϩⲃⲏⲩⲉ ⲛⲁⲛⲁⲅⲕⲁⲓⲟⲛ ⲛⲧⲉⲡⲛⲟⲩⲧⲉ ⲉⲩⲥⲱⲧⲙ ·
…
11 ⲁⲩⲱ ⲉⲩⲥⲟⲟⲩⲛ ⲉⲛⲉⲩⲡⲟⲛⲏⲣⲟⲛ ⲁⲩⲱ ⲉⲧⲣⲉϩⲉⲛϣⲏⲣⲉ ⲛⲁⲧⲥⲱⲧⲙ ⲙⲛⲣⲱⲙⲉ ⲛⲓⲙ ⲛⲁⲧⲥⲃⲱ ⲙⲉⲥⲧⲉⲛⲉⲧϫⲱ ⲛⲁⲩ ⲛⲧⲙⲉ ·
…
12 ⲧⲛⲟⲩⲱϣ ⲉⲥⲟⲩⲛ ⲛⲉⲧⲉϣϣⲉ ⲉⲁⲁⲩ ⲙⲡⲣⲱⲙⲉ ⲉⲧⲛⲁⲛⲟⲩϥ ⲙⲛⲛⲉⲧⲉϣϣⲉ ⲉⲁⲁⲩ ⲙⲡⲣⲱⲙⲉ ⲉⲧϩⲟⲟⲩ ·
…
13 ⲥⲱⲧⲙ ϫⲉⲉⲣⲉϯⲥⲙⲏ ϫⲱ ⲙⲙⲟⲥ ϫⲉⲟⲩⲙⲡⲉⲧϣⲁϫⲉ ⲉⲧⲙⲉ ϩⲙⲡⲉϥϩⲏⲧ ⲙⲡϥⲣⲕⲣⲟϥ ϩⲙⲡⲉϥⲗⲁⲥ .
…
14 ⲡⲉϫⲁϥ ϫⲉⲟⲩⲟⲛ ⲛⲓⲙ ⲉⲧⲟ ⲙⲡⲟⲛⲏⲣⲟⲥ ⲥⲟϣϥ ⲙⲡⲉϥⲙⲧⲟ ⲉⲃⲟⲗ ·
…
15 ⲉϥϯⲉⲟⲟⲩ ⲇⲉ ⲛⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ·
…
16 ⲛⲓⲙ ⲡⲉ ⲡⲣⲱⲙⲉ
…
17 ⲛⲓⲙ ⲡⲉ ⲡⲟⲩⲏⲏⲃ ⲉⲧⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ ·
…
18 ⲙⲁⲣⲉϥϩⲁⲣⲉϩ ⲉⲣⲟϥ ⲉⲛⲓϩⲃⲏⲩⲉ ⲙⲡⲟⲛⲏⲣⲟⲛ ⲛⲧⲁϯⲥⲙⲏⲥⲱϣϥ ⲛϩⲏⲗⲉⲓ ⲙⲛⲛⲉϥϣⲏⲣⲉ ⲉⲧⲃⲏⲏⲧⲟⲩ ·
…
19 ⲁⲩⲱ ⲁϥⲙⲟⲟⲩⲧⲟⲩ ϩⲙⲡⲉϥϭⲱⲛⲧ ⲉⲧⲃⲉϫⲉⲙⲡⲟⲩϩⲱ ⲉⲣⲟⲟⲩ ⲉⲛⲉⲩⲡⲟⲣⲛⲉⲓⲁ ⲛⲧⲁⲩⲁⲁⲩ ·
…
20 ⲁⲗⲗⲁ ⲁⲩϣⲱⲡⲉ ⲟⲛ ⲛⲣⲉϥⲧⲱⲣⲡ . ⲁⲛⲧⲓⲧⲣⲉⲩⲧⲁⲗⲟ ⲉϩⲣⲁⲓ ⲙⲡϫⲟⲉⲓⲥ ⲡⲛⲟⲩⲧⲉ ⲛϣⲟⲣⲡ ·
…
21 ⲁⲩⲱ ⲛⲧⲟⲟⲩ ⲛϣⲟⲣⲡ ⲉⲃⲟⲗ
…
22 ϩⲛⲛⲉⲧⲟⲩⲉⲓⲣⲉ ⲙⲙⲟⲟⲩ ⲛⲑⲩⲥⲓⲁ ·
…
23 ϩⲙⲡⲁⲓ ⲛⲧⲁⲩϫⲟⲟⲥ ϫⲉⲁⲕϯⲉⲟⲟⲩ ⲛⲛⲉⲕϣⲏⲣⲉ ⲛϩⲟⲩⲟ ⲉⲣⲟⲓ ⲉⲧⲣⲉⲩϫⲓⲥⲙⲟⲩ ⲉⲃⲟⲗ ϩⲛⲧⲁⲡⲁⲣⲭⲏ ⲛⲧⲉⲑⲩⲥⲓⲁ ⲧⲏⲣⲥ ⲙⲡⲓⲥⲣⲁⲏⲗ ϩⲓⲧϩⲏ ⲙⲙⲟⲓ ·
…
24 ⲟⲩϭⲱⲛⲧ ⲅⲁⲣ ⲛⲁⲙⲉ ⲡⲉ ⲉⲧⲣⲉϩⲉⲛϩⲙϩⲁⲗ ·
…
25 ⲥⲟⲩⲧⲛ ⲧⲟⲟⲧⲟⲩ ⲉⲃⲟⲗ ⲉⲟⲩⲱⲙ ⲛϣⲟⲣⲡ ⲙⲁⲗⲓⲥⲧⲁ ϩⲉⲛϩⲙϩⲁⲗ ⲙⲡⲟⲛⲏⲣⲟⲥ ⲉⲣⲉⲡⲉⲩϫⲟⲉⲓⲥ ϩⲓϯⲧⲣⲁⲡⲉⲍⲁ ⲛⲟⲩⲱⲧ ϩⲁⲧϩⲏ ⲙⲡⲁⲧϥⲟⲩⲉϩⲥⲁϩⲛⲉ ⲛⲁⲩ ·
…
26 ⲉϣϫⲉ ⲕⲟⲩⲱϣ ⲉⲧⲁⲉⲓⲉ ϩⲉⲛⲣⲱⲙⲉ · ⲏ ⲉⲣϩⲙⲟⲧ ⲛⲁⲩ ⲧⲁⲉⲓⲟⲟⲩ ϩⲙⲡⲉⲕⲏⲓ .
…
27 ⲣϩⲙⲟⲧ ⲛⲁⲩ ϩⲛⲛⲉⲧⲉⲛⲟⲩⲕⲛⲉ ·
…
28 ⲡⲙⲁ ⲁⲛ ⲙⲡⲉⲓⲑⲉ ⲛϩⲉⲛⲣⲱⲙⲉ ϩⲓϫⲱϥ ⲡⲉ ⲡⲉⲑⲩⲥⲓⲁⲥⲧⲏⲣⲓⲟⲛ ·
…
29 ⲟⲩⲧⲉ ⲡϩⲛⲟ ⲁⲛ ⲛⲣϩⲙⲟⲧ ⲛⲁⲩ ⲛϩⲏⲧϥ ⲡⲉ ⲡⲥⲱⲙⲁ ⲙⲡϫⲟⲉⲓⲥ ⲙⲛⲡⲉϥⲥⲛⲟϥ ·
…
30 ⲟⲩⲙⲩⲥⲧⲏⲣⲓⲟⲛ ⲅⲁⲣ ⲡⲉⲧⲛⲉⲓⲣⲉ ⲙⲙⲟϥ ·
…
31 ⲁⲩⲱ ⲟⲩϩⲱⲃ ⲁⲛ ⲡⲉ ⲛⲟⲩⲱⲙ ϩⲓⲥⲱ ·
…
32 ⲟⲩⲧⲉ ⲟⲩⲧⲟⲡⲟⲥ ⲁⲛ ⲡⲉ ⲛⲧⲣⲉⲡⲣⲱⲙⲉ ⲃⲱⲕ ⲉϩⲣⲁⲓ ⲙⲙⲁⲩ ⲛⲧϩⲉ ⲉⲧϥⲟ ⲙⲙⲟⲥ ·
…
33 ⲡⲡⲟⲣⲛⲟⲥ · ⲁⲩⲱ ⲧⲡⲟⲣⲛⲏ . ⲡⲛⲟⲉⲓⲕ ⲁⲩⲱ ⲡⲣⲉϥϫⲓ ⲛϭⲟⲛⲥ , ⲡⲣⲉϥϫⲓⲟⲩⲉ . ⲁⲩⲱ ⲡⲣⲉϥⲣⲁⲛⲁϣ ⲛⲛⲟⲩϫ ·
…
34 ⲡⲟⲩⲁ ⲡⲟⲩⲁ ϩⲙⲡⲉϥⲡⲟⲛⲏⲣⲟⲛ ·
…
35 ⲛⲧⲁⲓⲧⲁⲁⲩ ⲉⲛⲁⲓ ⲁⲛ ⲛⲧϩⲉ ⲛϩⲉⲛⲣⲁⲥⲟⲩ .
…
36 ⲛⲉⲛϩⲃⲏⲩⲉ ⲅⲁⲣ ⲛⲉⲧⲧⲣⲉⲛⲉⲓϣⲁϫⲉ ϯϩⲁⲡ ⲉⲣⲟⲛ ⲁⲩⲱ ⲛⲁⲛⲟⲩⲥ ⲉⲩϯ ,
…
37 ⲁⲣⲁ ⲧⲛⲛⲁⲙⲉⲧⲁⲛⲟⲉⲓ ⲁⲣⲁ ⲧⲛⲛⲁϩⲱ ⲉⲣⲟⲛ ⲉⲛⲥⲱⲟⲩϩ ⲛⲁⲛ ⲉϩⲟⲩⲛ ⲛⲟⲩⲟⲣⲅⲏ ϩⲙⲡⲉϩⲟⲟⲩ ⲛⲧⲟⲣⲅⲏ ⲙⲛⲡϭⲱⲗⲡ ⲉⲃⲟⲗ ⲙⲡϩⲁⲡ ⲙⲙⲉ ⲙⲡⲛⲟⲩⲧⲉ ·
…
38 ⲉϣϫⲉ ⲛⲉⲓⲡⲟⲛⲏⲣⲟⲛ ⲛⲧⲉⲓϭⲟⲧ ϣⲟⲟⲡ ⲛⲁⲛ .
…
39 ⲉⲓⲉ ⲟⲩⲛⲟⲩⲟⲛ ⲉⲣⲟϥ ⲙⲡⲉⲧϣⲁϫⲉ ϫⲉϥϫⲱ ⲙⲡⲉⲧⲉⲛϥϣⲟⲟⲡ ⲁⲛ .
…
40 ⲉϣϫⲉ ⲥⲉϣⲟⲟⲡ ⲇⲉ ⲁⲩⲱ ⲥⲉⲣϩⲟⲩⲟ ⲉⲓⲉ ⲥⲉⲣⲛⲟⲃⲉ ⲛϭⲓⲛⲉⲧϭⲛⲁⲣⲓⲕⲉ ⲉⲡⲉⲧϣⲁϫⲉ
…
41 ⲉⲧⲃⲉ ⲓⲏⲥⲟⲩⲥ ⲅⲁⲣ ⲛϫⲱ ⲛⲛⲁⲓ ·
…
42 ⲉⲧⲃⲉ ⲓⲏⲥⲟⲩⲥ · ⲙⲁⲣⲛⲛⲟⲉⲓ ϫⲉⲡⲇⲱⲣⲟⲛ ⲛⲁⲙⲉ ⲉⲧⲉϣϣⲉ ⲉⲧⲣⲉⲡⲣⲱⲙⲉ ⲧⲁⲁϥ ⲙⲡⲉⲧϩⲓⲧⲟⲩⲱϥ · ⲡⲉⲧⲣⲉⲡⲟⲩⲁ ⲡⲟⲩⲁ ⲃⲟⲏⲑⲉⲓ ⲉⲡⲉϥⲥⲟⲛ . ⲁⲩⲱ ⲡⲉϥϣⲃⲏⲣ ϩⲛⲛⲉϥⲁⲛⲁⲅⲕⲏ ·
…
43 ⲛⲉϥⲁⲛⲁⲅⲕⲏ ⲇⲉ ⲁⲛ ⲙⲙⲁⲧⲉ ϩⲛϩⲉⲛϩⲃⲏⲩⲉ ⲉⲩⲟⲩⲟⲛϩ ⲉⲃⲟⲗ · ⲁⲗⲗⲁ ϩⲛⲛⲁⲛⲁⲅⲕⲏ ⲛⲛⲛⲟⲃⲉ ⲙⲡⲇⲓⲁⲃⲟⲗⲟⲥ ·
…
44 ⲟⲩⲛϩⲉⲛϩⲃⲏⲩⲉ ϣⲟⲟⲡ ⲉⲣϣⲁⲛⲡⲣⲱⲙⲉ ⲉⲣⲏⲧ ⲙⲙⲟⲟⲩ .
…
45 ⲏ ⲉϥϣⲁⲛⲧⲙⲉⲣⲏⲧⲥⲉ ⲉⲣⲟϥ ⲉⲁⲁⲩ ⲉⲧⲉⲛⲁⲓ ⲛⲉ ·
…
46 ⲡⲉϥⲙⲁ ⲛⲛⲕⲟⲧⲕ ⲉⲧⲃⲃⲟϥ · ⲡⲛⲁ ⲉⲁⲁϥ ⲉⲟⲩⲛⲧⲁϥ ⲙⲙⲁⲩ ⲛⲛⲉϩⲃⲏⲩⲉ ⲙⲡⲃⲓⲟⲥ ·
…
47 ⲡϩⲁⲡ ⲉⲧⲁⲁϥ ⲉϫⲛϫⲓϩⲟ .
…
48 ⲛⲉϩⲟⲟⲩ ⲛⲛⲏⲥⲧⲉⲓⲁ ⲉϩⲁⲣⲉϩ ⲉⲣⲟⲟⲩ ⲕⲁⲧⲁⲛⲕⲁⲛⲱⲛ ⲛⲧⲉⲕⲕⲗⲏⲥⲓⲁ ⲛⲁⲡⲁⲣⲭⲏ .
…
49 ⲁⲩⲱ ⲛⲣⲉⲙⲏⲧ ⲙⲛⲡⲉⲧⲛⲁⲛⲟⲩϥ ⲛⲓⲙ .
…
50 ⲟⲩⲛϩⲉⲛϩⲃⲏⲩⲉ ⲉⲣϣⲁⲛⲧⲙⲡⲣⲱⲙⲉ ⲉⲣⲏⲧ ⲙⲙⲟⲟⲩ .
…
51 ⲙⲛⲛⲟⲃⲉ ⲉⲣⲟϥ · ⲛⲧⲁⲡϫⲟⲉⲓⲥ ⲅⲁⲣ ϫⲟⲟⲥ ϫⲉⲡⲉⲧⲉⲟⲩⲛϭⲟⲙ ⲙⲙⲟϥ ⲉϥⲓ .
…
52 ⲙⲁⲣⲉϥϥⲓ · ⲉϥϣⲁⲛⲉⲣⲏⲧ · ⲇⲉ ⲙⲙⲟⲟⲩ ⲛϥⲧⲙⲁⲁⲩ .
…
53 ⲟⲩⲟⲓ ⲛⲁϥ · ⲉⲧⲉⲛⲁⲓ ⲛⲉ . ⲉⲣⲡⲁⲣⲑⲉⲛⲟⲥ · ⲉϥⲓⲡⲉⲕⲥⲧⲁⲩⲣⲟⲥ ⲉⲟⲩⲁϩⲕ ⲛⲥⲁⲡⲛⲟⲩⲧⲉ ⲉⲣⲟⲩⲏⲏⲃ ϩⲙⲡⲉϥⲏⲓ . ⲁⲩⲱ ⲉⲣⲙⲟⲛⲁⲭⲟⲥ ·
…
54 ⲡⲉⲧⲛⲁϩⲉ ϭⲉ ⲉⲃⲟⲗ ϩⲛⲛⲁⲓ · ⲏ ⲡⲉⲧⲛⲁⲕⲧⲟϥ · ⲉⲡⲁϩⲟⲩ ⲛϩⲏⲧⲟⲩ ·
…
55 ⲛⲧⲁϥⲁⲣⲛⲁ ϩⲱⲱϥ ⲁⲩⲱ ⲛⲧⲁϥϣⲱⲡⲉ ⲉⲟⲩⲥⲧⲏⲗⲏ ⲛϩⲙⲟⲩ ⲛⲧϩⲉ ⲛⲧϩⲓⲙⲉ ⲛⲗⲱⲧ .
…
56 ⲉⲧⲉⲡⲁⲓ ⲡⲉ · ⲟⲩⲣⲱⲙⲉ ⲉⲙⲛⲙⲛⲧⲥⲁⲃⲉ ⲛϩⲏⲧϥ ·
…
57 ⲉⲛϣⲁⲛϫⲟⲟⲥ ϫⲉⲉⲣⲉⲛⲉⲓϣⲁϫⲉ ⲙⲓϣⲉ ⲛⲙⲙⲁⲛ ⲛⲓⲙ ⲅⲁⲣ ⲡⲉⲧⲙⲓϣⲉ ⲁⲛ ⲙⲛⲛⲉⲧⲉⲣⲉⲡⲛⲟⲩⲧⲉ ⲙⲓϣⲉ ⲛⲙⲙⲁϥ ·
…
58 ⲡⲉϥⲁⲅⲅⲉⲗⲟⲥ ⲡⲉ ⲏ ⲡⲉϥⲡⲛⲉⲩⲙⲁ ⲉⲧⲟⲩⲁⲁⲃ · ⲛⲉⲧϥϣⲁϫⲉ ⲛϩⲏⲧⲟⲩ ⲛⲉ .
…
59 ⲏ ⲧⲉⲓϩⲉ ϣⲏⲙ ⲧⲉ ⲉⲧⲣⲉⲡⲣⲱⲙⲉ ϣⲙϣⲉ ⲙⲡⲛⲟⲩⲧⲉ ϩⲛⲧⲃⲃⲟ ⲛⲓⲙ ϩⲛⲛⲉϥⲥⲩⲛⲁⲅⲱⲅⲏ ⲉⲧⲟⲩⲁⲁⲃ ·
…
60 ⲕⲁⲛ ⲕⲛⲁⲣⲡⲁⲣⲑⲉⲛⲟⲥ ⲁⲛ ⲛⲧϩⲉ ⲛⲧⲁⲕⲉⲣⲏⲧ ⲙⲙⲟⲥ ·
…
61 ⲙⲡⲣⲣⲙⲁⲗⲁⲕⲟⲥ . ⲙⲡⲣⲛⲕⲟⲧⲕ ⲙⲛϩⲟⲟⲩⲧ · ⲙⲡⲣϣⲱⲡⲉ ⲉⲟⲩⲛⲧⲕ ϩⲁϩ ⲛⲥϩⲓⲙⲉ · ϫⲉⲙⲛⲧⲕ ⲟⲩⲉⲓ ·
…
62 ⲕⲁⲛ ⲕⲛⲁⲣϩⲉⲛⲡⲣⲁⲝⲓⲥ ⲁⲛ ⲉⲩⲉⲓⲛⲉ ⲛⲛⲁⲛⲁⲅⲅⲉⲗⲟⲥ .
…
63 ⲙⲡⲣⲣϩⲉⲛⲡⲣⲁⲝⲓⲥ ⲟⲛ ⲛⲇⲁⲓⲙⲟⲛⲓⲟⲛ · ⲕⲁⲛ ⲛⲥⲉⲛⲁⲥⲱⲧⲙ ⲁⲛ ⲉϩⲉⲛⲁⲅⲁⲑⲟⲛ ⲛϩⲏⲧⲛ ⲉⲩⲛⲁⲣϣⲡⲣⲉ ⲙⲙⲟⲟⲩ ⲛϭⲓⲛϩⲉⲗⲗⲏⲛ ·
…
64 ⲁⲩⲱ ⲛⲥⲉⲥⲟⲩⲱⲛⲛ ϫⲉⲉⲛⲏⲡ ⲉⲡⲛⲟⲩⲧⲉ .
…
65 ⲛⲥⲉⲉⲓⲙⲉ ⲇⲉ ⲟⲛ ϫⲉⲟⲩⲛⲟϭ ⲡⲉ ⲡϫⲟⲉⲓⲥ · ⲟⲩⲛⲟϭ ⲧⲉ ⲧⲉϥϭⲟⲙ ·
…
66 ⲉⲓⲉ ⲙⲡⲣⲧⲣⲉⲩⲥⲱⲧⲙ ⲟⲛ ⲉϩⲉⲛⲡⲟⲛⲏⲣⲟⲛ ⲛϩⲏⲧⲛ . ⲁⲩⲱ ϩⲉⲛⲡⲟⲛⲏⲣⲟⲛ ⲛⲧⲉⲓϩⲉ ⲉⲛⲥⲉϩⲛⲛⲕⲉϩⲉⲑⲛⲟⲥ ⲁⲛ ·
…
67 ⲛϣⲏⲣⲉ ⲣⲱ ⲛⲉ ⲙⲡⲇⲓⲁⲃⲟⲗⲟⲥ ϩⲱⲥⲧⲉ ⲉⲧⲣⲉⲟⲩⲁ ⲁⲛ ⲙⲙⲁⲧⲉ ·
…
68 ⲏ ⲥⲛⲁⲩ ⲥⲱⲱϥ ⲙⲡⲉⲣⲡⲉ ⲙⲡⲛⲟⲩⲧⲉ ⲙⲛⲛⲉϥⲇⲓⲕⲁⲓⲱⲙⲁ ⲛⲧϩⲉ ⲉⲧⲥⲏϩ ·
…
69 ⲁⲗⲗⲁ ⲙⲉϣⲁⲕ ⲛⲧⲟϥ ⲛⲅϭⲛⲟⲩⲁ ⲉⲃⲟⲗ ϩⲛϩⲁϩ ·
…
70 ⲁⲩⲱ ⲥⲛⲁⲩ ⲉⲃⲟⲗ ϩⲛϩⲉⲛⲙⲏⲏϣⲉ ⲙⲡⲟⲩϫⲱϩⲙ ⲙⲡⲉⲣⲡⲉ ⲙⲡⲛⲟⲩⲧⲉ ·
…
71 ⲙⲛⲛⲉϥⲇⲓⲕⲁⲓⲱⲙⲁ ⲛⲧϩⲉ ⲉⲧⲥⲏϩ ·
…
72 ⲛⲧⲉⲓϩⲉ ⲟⲛ ⲧⲉ ⲧⲉⲥϩⲓⲙⲉ ⲉⲧϫⲱ ⲙⲙⲟⲥ ϫⲉⲁⲛⲅⲟⲩⲡⲁⲣⲑⲉⲛⲟⲥ . ⲉⲟⲩⲉⲓ ⲁⲛ ⲧⲉ ·
…
73 ⲙⲡⲣϣⲱⲡⲉ ⲉⲟⲩⲛⲧⲉ ϩⲁϩ ⲛϩⲁⲓ · ϫⲉⲙⲛⲧⲉ ⲟⲩⲁ ·
…
74 ⲛⲧⲉⲛⲁϯⲛⲁⲁⲕⲉ ⲁⲛ . ⲉⲧⲣⲉϫⲡⲟ ⲛϩⲉⲛϣⲏⲣⲉ · ⲏ ⲉϩⲗⲟⲟⲗⲉ ⲙⲙⲟⲟⲩ ·
…
75 ⲙⲡⲣⲃⲁⲥⲁⲛⲓⲍⲉ ⲟⲛ ⲙⲙⲟ · ⲉⲛⲧⲟⲩ ⲉϩⲣⲁⲓ ⲛϩⲏⲧⲉ ϩⲛϩⲁϩ ⲛⲥⲙⲟⲧ ⲙⲡⲟⲛⲏⲣⲟⲛ ϩⲁⲧϩⲏ ⲛⲧⲉⲩⲛⲟⲩ
…
76 ⲟⲩⲧⲉ ⲙⲡⲣⲛⲟϫⲟⲩ ⲟⲛ ⲉⲃⲟⲗ ⲛⲧⲉⲥⲟⲟⲩⲛ ⲁⲛ ϫⲉⲡⲉⲩϩⲟⲣ ⲏ ⲧⲉϣⲱⲛ ⲉⲧⲛⲁⲟⲩⲟⲙⲟⲩ ·
…
77 ⲛⲧϩⲉ ⲟⲛ ⲛⲧⲁⲣⲣⲁⲧⲥⲟⲟⲩⲛ ϫⲉⲡⲕⲱϩⲧ ⲙⲛⲡϥⲛⲧ ⲡⲉⲧⲛⲁⲕⲗⲏⲣⲟⲛⲟⲙⲉⲓ ⲙⲙⲟ ·
…
78 ⲛⲧⲉⲛⲁϫⲧⲉϩⲉⲛϣⲏⲣⲉ ⲁⲛ ϩⲙⲡⲟⲩⲧⲟⲡ ⲙⲡⲣϩⲟⲡⲟⲩⲟⲛ ϩⲛϩⲉⲛⲙⲁ ⲛϫⲓⲟⲩⲉ ·
…
79 ⲏ ϩⲙⲡϣⲏⲓ ⲏ ⲡⲙⲟⲟⲩ ϫⲉⲛⲛⲉⲩϩⲱⲡ ⲛⲧⲟⲩⲯⲩⲭⲏ ⲙⲛⲡⲟⲩⲥⲱⲙⲁ ϩⲣⲁⲓ ϩⲛⲁⲙⲛⲧⲉ ⲁⲩⲱ ⲛⲧⲉⲡⲟⲩⲣⲁⲛ ϩⲱⲃⲥ ϩⲙⲡⲕⲁⲕⲉ ·
…
80 ⲉⲛⲉⲙⲡⲉϯⲡⲟⲩϩⲟ ⲅⲁⲣ ⲙⲛⲛⲟⲩⲃⲁⲗ ⲛⲟⲩⲣⲱⲙⲉ ⲛⲁⲕⲁⲑⲁⲣⲧⲟⲥ .
…
81 ⲉⲃⲟⲗ ⲧⲱⲛ ϫⲉⲉⲣⲉⲧⲥⲁⲃⲉ ⲡⲇⲓⲁⲃⲟⲗⲟⲥ ⲉⲡⲟⲩϩⲏⲧ ⲉⲣⲉϭⲱⲗⲡ ⲛⲁϥ ⲉⲃⲟⲗ ⲛⲛⲟⲩⲙⲉⲉⲩⲉ ⲙⲛⲡⲟⲩⲙⲟⲕⲙⲉⲕ ·
…
82 ⲙⲡⲉⲥⲱⲧⲙ ⲛⲧⲟ ⲉⲧⲃⲉⲧⲁⲓ ⲛⲧⲁⲩϫⲟⲟⲥ ⲉⲧⲃⲏⲏⲧⲥ ϫⲉⲛⲉⲧϩⲁⲧⲏⲥ ⲅⲁⲣ ⲧⲏⲣⲟⲩ ϩⲟⲃⲥ ·
…
83 ⲛⲓⲙ ⲡⲉⲛⲧⲁϥⲣϣⲟⲣⲡ ⲉⲛⲓⲙ ϩⲛⲛⲉⲛⲧⲁⲩⲉⲓ ⲛⲉ ⲉϩⲟⲩⲛ ⲉⲧⲣⲉⲩϣⲱⲗ ⲁⲩⲱ ⲛⲥⲉϣⲱϥ ⲛⲧⲟⲩⲯⲩⲭⲏ ·
…
84 ⲡⲣⲱⲙⲉ ⲙⲡⲟⲛⲏⲣⲟⲥ ⲡⲉ · ϫⲛ ⲙⲙⲟⲛ · ⲡⲥⲁⲧⲁⲛⲁⲥ ⲡⲉ ·
…
85 ⲛⲧⲟ ⲅⲁⲣ ⲡⲉⲛⲧⲁⲣⲟⲩⲱ ⲛⲁⲩ ⲙⲡⲟⲩⲣⲟ ·
…
86 ⲛⲧⲟ ⲟⲛ ⲡⲉⲧⲥⲟⲟⲩⲛ ϫⲉⲛⲓⲙ ⲡⲉⲛⲧⲁϥϣⲱⲡⲉ ⲛϫⲁⲩⲙⲟⲉⲓⲧ ⲛⲛⲉⲛⲧⲁⲩϥⲓ ⲙⲡⲉⲭⲣⲏⲙⲁ ϩⲙⲡⲏⲉⲓ ·
…
87 ⲉⲛⲉϩⲉⲛⲣⲉϥϫⲓⲟⲩⲉ · ⲏ ϩⲉⲛⲣⲉϥϫⲱⲱⲗⲉ ⲛⲉⲛⲧⲁⲩⲉⲓⲛⲉ ⲉϩⲟⲩⲛ ·
…
88 ⲛⲉⲥⲛⲁϣⲱⲡⲉ ⲛⲥⲉⲕⲁϩⲉⲛⲗⲁⲁⲩ ⲉⲡⲁϩⲟⲩ . ⲡⲇⲁⲓⲙⲟⲛⲓⲟⲛ ⲉⲧⲉⲙⲉϥⲥⲉⲓ ⲛⲣⲛⲟⲃⲉ ·
…
89 ⲛⲧⲟϥ ⲡⲉⲛⲧⲁϥⲁⲡⲁⲧⲁ ⲙⲙⲟ · ⲛⲧⲟϥ ⲡⲉⲛⲧⲁϥⲣⲙⲁⲅⲉⲓⲁ ⲉⲣⲟ .
…
90 ⲛⲧⲟ ⲛϣⲟⲣⲡ ⲡⲉⲛⲧⲁⲣⲕⲁⲙⲁ ⲛⲁϥ ⲛϩⲏⲧⲉ · ⲉⲛⲉⲣⲉϭⲱϣⲧ ⲁⲛ ⲉⲃⲟⲗ ϩⲏⲧϥ ⲛⲉⲣⲁⲧⲱⲙⲧ ⲉⲣⲟϥ ⲁⲛ ⲡⲉ ϩⲛⲟⲩⲥⲙⲟⲧ ⲙⲡⲟⲣⲛⲏ .
…
91 ⲟⲩⲧⲉ ⲛⲧⲟϥ ϩⲱⲱϥ ⲟⲛ ⲛⲉϥⲛⲁϭⲱⲣϭ ⲁⲛ ⲡⲉ ϩⲛⲛⲕⲗϫⲉ ⲙⲛⲛϩⲉⲓⲣ ⲙⲛⲡⲕⲱⲧⲉ ⲙⲡⲟⲩⲏⲉⲓ .
…
92 ⲛⲧⲟ ⲡⲉⲛⲧⲁⲣⲧⲥⲁⲃⲟϥ ⲉⲙⲙⲟⲉⲓⲧ ⲛⲉⲓ ⲉϩⲟⲩⲛ ⲁⲩⲱ ⲛⲃⲱⲕ ⲉⲃⲟⲗ ϩⲛⲟⲩⲕⲣⲟϥ ·
…
93 ⲛⲧⲟ ⲡⲉⲛⲧⲁⲣϩⲟⲡϥ ϩⲙⲡⲟⲩϩⲏⲧ ⲙⲛⲧⲟⲩⲯⲩⲭⲏ ·
…
94 ⲁⲩⲱ ⲡⲟⲩⲙⲉⲉⲩⲉ ⲛⲧϩⲉ ⲛⲟⲩⲥϩⲓⲙⲉ ⲉⲁⲥϩⲱⲡ ⲙⲡⲉⲧⲟ ⲛⲛⲟⲉⲓⲕ ⲉⲣⲟⲥ ϩⲛⲛⲧⲁⲙⲉⲓⲟⲛ . ⲁⲩⲱ
…
95 ϩⲛⲛⲕⲗϫⲉ ⲙⲡⲉⲥⲏⲓ ·
…
96 ⲛⲧⲟ ⲡⲉⲛⲧⲁⲣⲛⲧϥ ⲉϩⲣⲁⲓ ⲉϫⲙⲡⲙⲁ ⲉⲧⲉⲣⲉⲡⲉⲭⲣⲏⲙⲁ ϩⲏⲡⲙⲙⲁⲩ ·
…
97 ⲛⲧⲟ ⲡⲉⲛⲧⲁⲣϯⲙⲁⲉⲓⲛ ⲉⲣⲟϥ ⲛⲁϥ ·
…
98 ⲙⲟϣⲧⲉ ⲛⲧⲟ ⲧⲡⲁⲣⲑⲉⲛⲟⲥ ⲛⲥⲟϭ . ⲕⲱⲧⲉ ϩⲛⲛⲟⲩϩⲛⲁⲁⲩ ⲧⲏⲣⲟⲩ ⲧⲁⲣⲉⲉⲓⲙⲉ ϫⲉⲟⲩ ⲡⲉⲧⲉⲙⲡϥϥⲓⲧϥ ϩⲛⲛⲉⲧϣⲟⲟⲡ ⲛⲉ ·
…
99 ⲡⲟⲩⲧⲃⲃⲟ ⲡⲉ ⲡⲛⲟϭ ⲛⲭⲣⲏⲙⲁ · ⲡⲉϣⲗⲏⲗ ⲡⲉ . ⲙⲯⲉⲗⲓⲟⲛ ·
…
100 ⲙⲛⲛⲝⲟⲩⲣ ⲙⲙⲓⲛⲉ ⲙⲓⲛⲉ ⲉⲧϩⲛⲛⲟⲩϭⲓϫ ⲙⲛⲛⲟⲩⲧⲏⲏⲃⲉ .
…
101 ⲧⲟⲩϭⲓⲛⲙⲟⲟϣⲉ ⲧⲉ ϩⲛⲟⲩⲙⲛⲧⲣⲙϩⲉ . ⲙⲡⲉⲗⲓⲥ ⲉⲧϩⲛⲛⲟⲩⲟⲩⲉⲣⲏⲧⲉ ·
…
102 ⲧⲟⲩⲙⲛⲧⲥⲧⲙⲏⲧ ⲧⲉ . ⲡⲕⲁϣⲁⲃⲉⲗ ⲉⲧϩⲛⲛⲟⲩⲙⲁⲁϫⲉ ·
…
103 ⲡⲉⲑⲃⲃⲓⲟ ⲡⲉ ⲡⲉⲕⲣⲓⲕⲟⲥ ⲁⲩⲱ ⲡϩⲱⲥ ⲛⲕⲁⲕⲟ ⲉⲧϩⲙⲡⲟⲩⲙⲁⲕϩ
…
104 ⲧⲟⲩⲉⲡⲓⲥⲧⲏⲙⲏ ⲧⲉ · ⲡⲕⲟⲥⲙⲟⲥ ⲉⲧϩⲓϫⲛⲧⲟⲩⲁⲡⲉ · ⲏ ⲉⲧⲕⲱⲧⲉ ⲉⲧⲟⲩⲧⲉϩⲛⲉ . ⲛⲟⲩⲛⲏⲥⲧⲓⲁ ⲛⲉ ⲛⲭⲁⲗⲓⲛⲟⲥ ⲙⲡⲟⲩⲥⲱⲙⲁ ·
…
105 ⲛⲟⲩⲙⲉⲗⲉⲧⲁ ⲛⲉ ⲙⲡⲗⲟⲅⲟⲥ ⲙⲡⲛⲟⲩⲧⲉ · ⲡϩⲏⲃⲥ ⲛⲛⲟⲩⲟⲩⲉⲣⲏⲧⲉ · ⲛⲟⲩⲡⲣⲁⲝⲓⲥ ⲉⲧⲛⲁⲛⲟⲩⲟⲩ ⲛⲉ ⲛϩⲟⲉⲓⲧⲉ ⲉⲧⲥⲟⲧⲡ ⲉϣⲁⲣⲉⲧⲁⲁⲩ ϩⲓⲱⲱⲧⲉ ·
…
106 ⲡⲉϩⲙⲟⲧ ⲡⲉ ⲡⲥⲟϭⲛ · ⲁⲩⲱ ⲡⲛⲉϩ ⲉϣⲁⲣⲉⲧⲁϩⲥⲉ ⲙⲙⲟⲟⲩ ⲁⲩⲱ ⲛⲧⲉⲧⲁⲁⲩ ⲉϫⲛⲧⲟⲩⲁⲡⲉ ·
…
107 ⲧⲙⲉ ⲧⲉ ⲧⲉⲫⲁⲥⲅⲓⲁ ⲉϣⲁⲣⲉⲙⲟⲣⲥ ⲙⲙⲟ ·
…
108 ⲧⲙⲛⲧⲣⲙⲛϩⲏⲧ ⲧⲉ ⲡⲣϣⲱⲛ , ⲉϣⲁⲣⲉϭⲟⲟⲗⲉ ⲙⲙⲟϥ ·
…
109 ⲛⲁⲓ ⲙⲛⲛⲉⲓⲕⲟⲟⲩⲉ ⲛⲉⲧⲉⲙⲡϥϥⲓⲧⲟⲩ ⲧⲏⲣⲟⲩ ⲛⲧⲟⲟⲧⲉ .
…
110 ϣⲁϩⲣⲁⲓ ⲉⲡⲉⲥⲧⲏⲙ ⲁϥϣⲟⲩⲱ · ⲉⲃⲟⲗ ϩⲛⲛⲉϥϩⲛⲁⲁⲩ ⲁϥϥⲓⲧϥ ⲧⲙⲛⲧϣⲁⲩ ⲏ ⲡϣⲓⲡⲉ ⲉⲧⲛⲁⲛⲟⲩϥ ⲉⲧϩⲛⲛⲟⲩⲃⲁⲗ
…
111 ⲛⲧⲁⲧⲁⲓ ⲉⲧⲙⲙⲁⲩ ϫⲟⲟⲥ ⲛⲛⲁϩⲣⲙⲡⲉⲥⲥⲟⲛ ϫⲉϯⲛⲁⲁⲙⲁϩⲧⲉ ⲙⲙⲟⲕ ⲛⲧⲁϫⲓⲧⲕ ⲉϩⲟⲩⲛ ⲉⲡⲏⲓ ⲛⲧⲁⲙⲁⲁⲩ .
…
112 ⲁⲩⲱ ⲉϩⲟⲩⲛ ⲉⲡⲧⲁⲙⲉⲓⲟⲛ ⲛⲧⲉⲛⲧⲁⲥⲱ ⲙⲙⲟⲓ ·
…
113 ⲛⲧϩⲉ ⲧⲉⲛⲟⲩ ⲉⲧⲉⲣⲉⲧⲡⲁⲣⲑⲉⲛⲟⲥ ϩⲛⲟⲩⲙⲉ ⲉⲧϩⲁⲣⲉϩ ⲛⲁⲥ ⲉⲧⲉⲥⲙⲛⲧⲣⲙⲙⲁⲟ ⲧⲏⲣⲥ ϩⲛⲛⲉϩⲃⲏⲩⲉ ⲛⲁⲅⲁⲑⲟⲛ ⲉⲛⲧⲁⲥⲁⲁⲩ ϩⲛⲧⲉⲥⲙⲛⲧϫⲱⲱⲣⲉ ϣⲗⲏⲗ ⲉⲧⲣⲉⲓⲏⲥⲟⲩⲥ ⲟⲩⲱϩ ⲛϩⲏⲧⲥ .
…
114 ⲁⲩⲱ ⲡⲉϥⲡⲛⲉⲩⲙⲁ · ⲁⲣⲉⲁⲙⲁϩⲧⲉ ⲛⲧⲟ ⲛⲟⲩⲣⲱⲙⲉ ⲛϫⲁϫⲉ ⲁⲣⲉϫⲓⲧϥ ⲉϩⲟⲩⲛ ⲉⲡⲟⲩⲏⲉⲓ ·
…
115 ⲁⲩⲱ ⲉ ⲡⲟⲩⲧⲁⲙⲉⲓⲟⲛ ⲡⲉⲧⲃⲏⲧ . ⲁⲩⲱ ⲡⲁⲕⲁⲑⲁⲣⲧⲟⲛ ⲙⲡⲛⲉⲩⲙⲁ ⲁⲣⲉϣⲟⲡϥ ⲉⲣⲟ .
…
116 ⲡⲉⲧⲟⲩⲁⲁⲃ ⲇⲉ · ⲁⲩⲱ ⲡⲙⲉⲣⲓⲧ · ⲡⲉⲡⲛⲉⲩⲙⲁ ⲛⲁⲅⲁⲑⲟⲥ ⲁⲣⲉⲥⲁϩⲱ ⲉⲃⲟⲗ ⲙⲙⲟϥ . ⲉⲃⲟⲗ ⲁⲛ ϫⲉⲙⲛϭⲟⲙ ⲙⲙⲟϥ ⲉⲧⲟⲩϫⲟ ·
…
117 ⲁⲗⲗⲁ ⲉⲃⲟⲗ ⲛⲧⲟϥ ϫⲉⲛⲧⲁϥⲧⲁⲁⲧⲉ ⲉϩⲣⲁⲓ ⲉⲧⲟⲟⲧϥ ⲙⲡⲉⲧⲙⲟⲥⲧⲉ ⲙⲙⲟ ·
…
118 ⲉⲧⲃⲉϫⲉⲁⲣⲙⲉⲣⲉϩⲉⲛϣⲙⲙⲟ . ⲁⲩⲱ ⲁⲣⲉⲟⲩⲁϩⲉ ⲛⲥⲱⲟⲩ ·
…
119 ⲁⲓⲙⲉⲣⲉ ⲛⲉⲧⲛⲕⲟⲧⲕ ⲛⲙⲙⲉ · ⲁⲩⲱ ⲁⲣⲧⲁϣⲟ ⲛⲧⲟⲩⲡⲟⲣⲛⲉⲓⲁ ⲛⲙⲙⲁⲩ ·
…
120 ⲁⲣⲧⲁϣⲟ ⲛⲛⲉⲧⲟⲩⲏⲩ ⲙⲙⲟ ϩⲱⲥⲧⲉ ⲉⲧⲣⲉⲩⲟⲩⲱϩ ϩⲙⲡⲟⲩⲏⲉⲓ ⲛⲙⲙⲉ
…
121 ⲉⲓϣⲁϫⲉ ⲉⲡⲉⲡⲛⲉⲩⲙⲁ ⲛⲧⲡⲟⲛⲏⲣⲓⲁ ⲙⲛⲛⲕⲟⲥⲙⲟⲕⲣⲁⲧⲱⲣ ⲙⲡⲕⲁⲕⲉ ·
…
122 ⲁⲩⲱ ⲟⲛ ⲛⲣⲱⲙⲉ ⲛⲁⲥⲉⲃⲏⲥ ⲛⲧⲁⲩⲣⲡⲓⲙⲟⲩϫϭ ⲛⲟⲩⲱⲧ ⲛⲙⲙⲉ .
…
123 ⲁⲩⲱ ⲛⲧⲟ ⲛⲙⲙⲁⲩ ⲧⲉⲃⲓⲏⲛ ⲙⲯⲩⲭⲏ ·
…
124 ⲡⲟⲩⲛⲟⲩⲧⲉ · ⲇⲉ ϩⲱⲱϥ ⲁⲩⲱ ⲡⲟⲩϫⲟⲉⲓⲥ ⲓⲏⲥⲟⲩⲥ ⲙⲡⲣⲕⲁⲁϥ
…