1 ⲧⲁⲓ ⲧⲉ ⲧϩⲉ ⲛⲧⲁϥⲁⲛⲉⲭⲉ ϩⲙⲡⲧⲣⲉϥϣⲁϫⲉ ⲛⲙⲙⲁⲩ ϫⲉⲉⲧⲃⲉⲟⲩ ⲁⲧⲉⲧⲛⲟⲩⲱⲙ ⲉⲃⲟⲗ ϩⲙⲡϣⲏⲛ ⲡⲁⲓ ⲛⲧⲁⲓϫⲟⲟⲥ ⲉⲧⲃⲏⲏⲧϥ ⲙⲁⲩⲁⲁϥ ⲉⲧⲙⲟⲩⲱⲙ ⲉⲃⲟⲗ ⲛϩⲏⲧϥ ·
…
2 ⲉⲩϩⲁ ⲙⲉⲛ ϫⲉⲡϩⲟϥ ⲡⲉⲛⲧⲁϥⲣϩⲁⲗ ⲙⲙⲟⲓ ⲁⲓⲟⲩⲱⲙ ⲁⲇⲁⲙ ⲇⲉ ϫⲉⲧⲉⲥϩⲓⲙⲉ ⲛⲧⲁⲕⲧⲁⲁⲥ ⲛⲙⲙⲁⲓ ⲛⲧⲟⲥ ⲧⲉⲛⲧⲁⲥϯ ⲛⲁⲓ ⲉⲃⲟⲗ ϩⲙⲡϣⲏⲛ ·
…
3 ⲁⲓⲟⲩⲱⲙ · ⲁⲩⲱ ⲛⲧⲉⲓϩⲉ ⲁϥϯⲥⲟ ⲉⲣⲟⲟⲩ .
…
4 ⲡϩⲟϥ ⲇⲉ ⲁϥⲥϩⲟⲩⲱⲣϥ ·
…
5 ⲁⲛⲟⲛ ⲇⲉ ⲉⲛⲛⲁⲃⲱⲕ ⲉⲧⲱⲛ ⲛⲛⲁϩⲣⲙⲡϩⲟ ⲙⲡⲛⲟⲩⲧⲉ ϫⲉⲧⲛϫⲓ ⲛϭⲟⲛⲥ .
…
6 ⲧⲛⲟ ⲛⲛⲟⲉⲓⲕ · ⲧⲛⲧⲱⲣⲡ ⲛⲛⲉⲧⲉⲛⲟⲩⲛ ⲁⲛ ⲛⲉⲧⲛϫⲓⲟⲩⲉ · ⲧⲛϫⲓϭⲟⲗ ·
…
7 ⲧⲛⲣⲁⲛⲁϣ ⲛⲛⲟⲩϫ ⲙⲛⲛⲕⲉⲡⲟⲛⲏⲣⲟⲛ ⲧⲏⲣⲟⲩ ⲉⲧⲛϯ ⲛⲟⲩϭⲥ ⲛⲁϥ ⲛϩⲏⲧⲟⲩ .
…
8 ⲁⲇⲁⲙ ⲁⲩⲱ ⲉⲩϩⲁ ⲁⲩⲥⲟⲩⲛⲡϣⲓⲡⲉ ⲧⲁⲭⲩ ⲙⲡⲉⲩⲥⲫⲁⲗⲙⲁ ⲛⲧⲁⲩⲁⲁϥ ⲁⲩⲱ ⲙⲡⲟⲩⲱⲥⲕ ⲉⲉⲓⲙⲉ ϫⲉⲥⲉⲕⲏⲕⲁϩⲏⲩ ⲧⲁⲓ ⲧⲉ ⲧϩⲉ ⲉⲛⲧⲁⲩⲕⲱⲧⲉ ⲛⲥⲁϩⲟⲃⲥϥ ·
…
9 ⲁⲩⲱ ⲛⲧⲉⲓϩⲉ ⲁⲩϫⲱⲗⲕ ⲛϩⲉⲛϭⲱⲃⲉ ⲛⲕⲛⲧⲉ ⲁⲩⲧⲁⲙⲓⲟ ⲙⲙⲟⲟⲩ ⲛⲁⲩ ⲛϩⲉⲛⲡⲉⲣⲓⲍⲱⲙⲁ ·
…
10 ⲁⲩϣⲧⲟⲣⲧⲣ ⲅⲁⲣ ⲁⲩⲱ ⲁⲩⲣϩⲃⲁ ·
…
11 ⲁⲛⲟⲛ ⲇⲉ ⲛⲉⲧⲙⲏⲛ ⲉⲃⲟⲗ ϩⲛⲛⲉⲩⲛⲟⲃⲉ ⲛⲟⲩⲟⲉⲓϣ ⲛⲓⲙ ⲙⲡⲛⲥⲟⲩⲛⲡϣⲓⲡⲉ ⲛⲛⲉⲛⲛⲟⲃⲉ .
…
12 ⲁⲩⲱ ⲙⲡⲛⲉⲓⲙⲉ ϫⲉⲧⲛⲕⲏⲕⲁϩⲏⲩ ⲙⲡⲉⲟⲟⲩ ⲉⲧⲉⲛⲉϥⲧⲟ ϩⲓⲱⲱⲛ ϩⲁⲧϩⲏ ⲙⲡⲁⲧⲛⲣⲛⲟⲃⲉ ·
…
13 ⲧⲁⲓ ⲧⲉ ⲧϩⲉ ⲉⲧϥⲟ ⲁⲛ ⲛⲣⲟⲟⲩϣ ⲛⲁⲛ ⲉϫⲓ ⲛϩⲉⲛⲉⲛⲧⲟⲗⲏ ·
…
14 ⲁⲩⲱ ⲉⲣϩⲉⲛϩⲃⲏⲩⲉ ⲉⲩⲟⲩⲉϩⲥⲁϩⲛⲉ ⲙⲙⲟⲟⲩ ⲛⲁⲛ ⲉⲃⲟⲗ ϩⲛⲛⲉⲅⲣⲁⲫⲏ ⲉⲧⲣⲉⲛϩⲱⲃⲥ ⲙⲡⲉⲛⲥⲱϣ ·
…
15 ⲉⲣϣⲁⲛⲟⲩⲃⲁⲣⲃⲁⲣⲟⲥⲉⲓ ⲉϫⲛⲟⲩⲕⲁϩ · ⲏ ⲟⲩⲧⲟϣ .
…
16 ⲉⲣⲉⲛⲉⲧⲟⲩⲏϩ ⲛϩⲏⲧϥ ⲛⲁⲡⲱⲧ ⲉⲧⲱⲛ ⲛⲥⲉⲟⲩϫⲁⲓ .
…
17 ⲉⲓⲙⲏⲧⲓ ⲉⲙⲡⲟⲗⲓⲥ ⲉⲧⲟⲣϫ .
…
18 ⲉϣⲱⲡⲉ ⲇⲉ ⲉⲩϣⲁⲛⲣϫⲟⲉⲓⲥ ⲉⲙⲙⲁ ⲛⲣⲟⲉⲓⲥ .
…
19 ⲉⲩⲛⲁⲉⲧⲱⲛ ·
…
20 ⲙⲉϣⲁⲕ ⲛⲧⲉⲛⲉⲧⲉⲟⲩⲛϭⲟⲙ ⲙⲙⲟⲟⲩ ⲡⲱⲧ ⲉϩⲣⲁⲓ ⲉϫⲛⲛⲧⲟⲟⲩ ⲛⲥⲉⲟⲩϫⲁⲓ ·
…
21 ⲛⲧⲉⲓϩⲉ ⲟⲛ ⲉⲣϣⲁⲛⲡⲥⲁⲧⲁⲛⲁⲥ ϥⲱϭⲉ ⲉϩⲣⲁⲓ ⲉϫⲛϩⲉⲛⲯⲩⲭⲏ ⲉⲧⲣⲉϥⲁⲡⲁⲧⲁ ⲙⲙⲟⲟⲩ ⲛϥⲙⲟⲟⲧⲟⲩ ϩⲙⲡⲡⲟⲛⲏⲣⲟⲛ .
…
22 ⲉⲩⲛⲁⲡⲱⲧ ⲉⲣⲁⲧϥ ⲛⲛⲓⲙ ⲛⲥⲁⲛⲉⲧϩⲛⲙⲙⲛⲧⲛⲟϭ ϩⲙⲡⲏⲓ ⲙⲡⲛⲟⲩⲧⲉ
…
23 ⲛⲥⲉⲧⲥⲁⲃⲟⲟⲩ ⲉⲛⲉϩⲃⲏⲩⲉ ⲙⲡⲉⲙⲗⲁϩ ⲙⲛⲛⲉϩⲛⲁⲁⲩ ⲙⲙⲓϣⲉ ⲛⲥⲉϫⲣⲟ ⲉⲡⲛⲟⲃⲉ ·
…
24 ⲉϣⲱⲡⲉ ⲇⲉ ⲉⲛϣⲁⲛⲣϣⲟⲣⲡ ⲛⲣϭⲱⲃ . ⲏ ⲛⲧⲛϩⲉ ⲉϩⲣⲁⲓ ⲉⲡⲡⲟⲛⲏⲣⲟⲛ .
…
25 ϩⲙⲡⲧⲣⲉⲡϫⲁϫⲉ ⲕⲱ ⲛϩⲉⲛⲥⲕⲁⲛⲇⲁⲗⲟⲛ ϩⲁⲣⲁⲧⲛ ⲉⲣⲉⲛⲗⲁⲟⲥ ⲛⲁⲃⲱⲕ ⲉⲧⲱⲛ ·
…
26 ⲏ ⲛⲓⲙ ⲡⲉⲧⲛⲁϯⲧⲟⲟⲧⲟⲩ ·
…
27 ⲙⲉϣⲁⲕ ⲛⲧⲉⲛⲉⲧⲛⲟⲉⲓ ϥⲓ ⲛⲉⲩⲃⲁⲗ ⲉϩⲣⲁⲓ ⲉϫⲛⲛⲧⲟⲟⲩ ⲕⲁⲧⲁⲡⲉⲧⲥⲏϩ ·
…
28 ⲉⲧⲉⲡⲁⲓ ⲡⲉ . ⲛⲥⲉⲕⲁⲁⲥ ϩⲙⲡⲉⲩϩⲏⲧ ⲉϩⲁⲣⲉϩ ⲉⲛϣⲁϫⲉ ⲛⲛⲉⲅⲣⲁⲫⲏ ⲛⲥⲉⲛⲁⲩ ϫⲉⲉⲣⲉⲧⲉⲩⲃⲟⲏⲑⲉⲓⲁ ⲛⲏⲩ ⲛⲁⲩ ⲧⲱⲛ ·
…
29 ⲁⲩⲱ ϫⲉⲥⲉⲛⲏⲩ ⲛⲁⲩ ⲉⲃⲟⲗ ϩⲓⲧⲙⲡϫⲟⲉⲓⲥ ⲡⲉⲛⲧⲁϥⲧⲁⲙⲓⲉⲧⲡⲉ ⲙⲛ ⲡⲕⲁϩ ·
…
30 ⲉⲣϣⲁⲛϩⲉⲛⲛⲉⲉϥ ⲡⲣⲟⲥⲉⲭⲉ ⲉϫⲱⲗϩ . ⲏ ⲉⲡⲱⲛⲅ ⲉⲃⲟⲗ ⲛⲙⲙⲟⲟⲩ ⲉⲧϥⲱϭⲉ ⲉⲡϫⲟⲉⲓ ϩⲓⲧⲛ ⲛϩⲟⲉⲓⲙ ·
…
31 ⲏ ⲉⲧϩⲱϫⲉ ⲉϩⲟⲩⲛ ⲉⲣⲟϥ · ϣⲁⲣⲉⲡⲁⲩⲉⲓⲛⲟⲩϫⲁⲓ ⲉⲧϩⲓⲱⲱϥ ·
…
32 ⲛⲧⲉⲓϩⲉ ⲟⲛ ⲉⲣϣⲁⲛⲛⲉⲧⲣϩⲙⲙⲉ ϩⲛⲛⲧⲟⲡⲟⲥ ⲙⲡⲛⲟⲩⲧⲉ ⲡⲣⲟⲥⲉⲭⲉ ⲉⲧⲙⲕⲁϩⲉⲛϩⲃⲏⲩⲉ ⲙⲡⲟⲛⲏⲣⲟⲛ ⲛϩⲏⲧⲟⲩ .
…
33 ϩⲛϩⲉⲛⲙⲛⲧⲣⲉϥϫⲓϩⲟ ϩⲛϩⲉⲛϩⲁⲡ ⲉⲩϭⲟⲟⲩϭ · ϩⲛϩⲉⲛⲙⲛⲧⲣⲉϥⲁⲣⲉⲥⲕⲉ ⲛⲣⲱⲙⲉ ·
…
34 ⲙⲛϩⲱⲃ ⲛⲓⲙ ⲉϣⲁⲣⲉϩⲉⲛⲛⲟⲃⲉ ⲁϣⲁⲓ ⲉⲃⲟⲗ ⲙⲙⲟⲟⲩ .
…
35 ⲡⲉⲩⲙⲏⲏϣⲉ ⲧⲏⲣϥ ⲛⲁⲟⲩϫⲁⲓ ·
…
36 ⲉⲧⲃⲉⲛⲕⲟⲟϩ ⲇⲉ ⲙⲡⲉⲧⲣⲁ · ⲙⲛⲱⲛⲉ ⲛⲓⲙ ⲛϫⲣⲟⲡ ⲉⲧϩⲛⲙⲙⲟⲉⲓⲧ ⲛⲣϩⲱⲧ .
…
37 ⲓⲏⲥⲟⲩⲥ ⲡⲉⲧⲛⲁⲛⲁϩⲙⲛ ⲉⲣⲟⲟⲩ . ⲛⲧϩⲉ ⲟⲛ ⲉⲧϥⲛⲁϯⲧⲟⲟⲧⲛ ϩⲛⲛⲉⲓⲕⲟⲟⲩⲉ ·
…
38 ϯⲛⲁϫⲱ ⲇⲉ ⲙⲡⲓϣⲁϫⲉ ⲛⲧⲓⲕⲉϩⲉ ⲉⲛⲉⲓⲛⲉ ⲙⲡϫⲟⲉⲓ ⲉϫⲙⲡⲣⲱⲙⲉ ⲙⲙⲓⲛⲙⲙⲟϥ ϥⲟⲩⲟⲛϩ ⲉⲃⲟⲗ ϫⲉⲡⲣⲉϥⲣϩⲙⲙⲉ ⲛⲟⲩ
…