1 ⲟⲩⲇⲉ ⲛⲧⲟϥ ϩⲱⲱϥ ⲟⲛ ·
…
2 ⲛⲉϥⲛⲁϭⲱⲣϭ ⲁⲛ ⲡⲉ ϩⲛⲡⲕⲗϫⲉ ⲙⲛⲛϩⲓⲣ ⲙⲛⲡⲕⲱⲧⲉ ⲙⲡⲟⲩⲏⲓ ·
…
3 ⲛⲧⲟ ⲡⲉⲛⲧⲁⲣⲧⲥⲁⲃⲟϥ ⲉⲙⲙⲟⲉⲓⲧ · ⲛⲉⲓ · ⲉϩⲟⲩⲛ · ⲁⲩⲱ ⲛⲃⲱⲕ ⲉⲃⲟⲗ ϩⲛⲟⲩⲕⲣⲟϥ ⲛⲧⲟ ⲡⲉⲛⲧⲁϥϩⲟⲡϥ ϩⲙⲡⲟⲩϩⲏⲧ ⲙⲛⲧⲟⲩⲯⲩⲭⲏ ⲁⲩⲱ ⲡⲟⲩⲙⲉⲉⲩⲉ ⲛⲧϩⲉ ⲛⲟⲩⲥϩⲓⲙⲉ · ⲉⲁⲥϩⲱⲡ ⲙⲡⲉⲧⲟ · ⲛⲛⲟⲉⲓⲕ ⲉⲣⲟⲥ ϩⲛⲛⲧⲁⲙⲉⲓⲟⲛ ·
…
4 ⲁⲩⲱ ϩⲛⲛⲕⲗϫⲉ ⲙⲡⲉⲥⲏⲓ ⲛⲧⲟ ⲡⲉⲛⲧⲁⲣⲛⲧϥ ⲉϩⲣⲁⲓ ⲉϫⲙⲡⲙⲁ · ⲉⲧⲉⲣⲉⲡⲉⲭⲣⲏⲙⲁ ϩⲏⲡ · ⲙⲙⲁⲩ ·
…
5 ⲛⲧⲟ ⲡⲉⲛⲧⲁⲣϯⲙⲁⲉⲓⲛ ⲉⲣⲟϥ ⲛⲁϥ ·
…
6 ⲙⲟϣⲧⲉ ⲛⲧⲟ ⲧⲡⲁⲣⲑⲉⲛⲟⲥ ⲛⲥⲟϭ ·
…
7 ⲕⲱⲧⲉ ϩⲛⲟⲩϩⲛⲁⲁⲩ ⲧⲏⲣⲟⲩ ·
…
8 ⲧⲁⲣⲉⲉⲓⲙⲉ ϫⲉⲟⲩ ⲡⲉⲧⲉⲙⲡϥϥⲓⲧϥ ϩⲛⲛⲉⲧϣⲟⲟⲡ ⲛⲉ ·
…
9 ⲡⲟⲩⲧⲃⲃⲟ ⲡⲛⲟϭ · ⲛⲭⲣⲏⲙⲁ ⲡⲉϣⲗⲏⲗ ⲡⲉ ⲙⲯⲉⲗⲓⲟⲛ · ⲙⲛⲛⲝⲟⲩⲣ ⲙⲙⲓⲛⲉ ⲙⲓⲛⲉ ⲉⲧϩⲛⲛⲟⲩϭⲓϫ ⲙⲛⲛⲟⲩⲧⲏⲏⲃⲉ ⲧⲟⲩϭⲓⲛⲙⲟⲟϣⲉ ⲧⲉ ϩⲛⲟⲩⲙⲛⲧⲣⲙϩⲉ ⲙⲡⲉⲗⲓⲥ · ⲉⲧϩⲛⲛⲟⲩⲟⲩⲉⲣⲏⲧⲉ · ⲧⲟⲩⲙⲛⲧⲥⲧⲙⲏⲧ ⲧⲉ ·
…
10 ⲡⲕⲁϣⲁⲃⲉⲗ ⲉⲧϩⲛⲛⲟⲩⲙⲁⲁϫⲉ ⲡⲉⲑⲃⲃⲓⲟ ⲡⲉ ⲡⲉⲕⲣⲓⲕⲟⲥ ⲁⲩⲱ ⲡϩⲱⲥ · ⲛⲕⲁⲕⲟ · ⲉⲧϩⲙⲡⲟⲩⲙⲁⲕϩ · ⲧⲟⲩⲉⲡⲓⲥⲧⲏⲙⲉⲓ ⲧⲉ ·
…
11 ⲡⲕⲟⲥⲙⲟⲥ ⲉⲧϩⲓϫⲛⲧⲟⲩⲁⲡⲉ ⲏ ⲉⲧⲕⲱⲧⲉ ⲉⲧⲟⲩⲧⲉϩⲛⲉ ⲛⲟⲩⲛⲏⲥⲧⲉⲓⲁ ⲛⲉ ·
…
12 ⲛⲭⲁⲗⲓⲛⲟⲥ ⲙⲡⲟⲩⲥⲱⲙⲁ ⲛⲟⲩⲙⲉⲗⲉⲧⲁ ⲛⲉ ⲙⲡⲗⲟⲅⲟⲥ ⲙⲡⲛⲟⲩⲧⲉ ·
…
13 ⲡϩⲏⲃⲥ ⲛⲛⲟⲩⲟⲩⲉⲣⲏⲧⲉ · ⲛⲟⲩⲡⲣⲁⲝⲓⲥ ⲉⲧⲛⲁⲛⲟⲩⲟⲩ ⲛⲉ ·
…
14 ⲛϩⲟⲉⲓⲧⲉ ⲉⲧⲥⲟⲧⲡ ⲉϣⲁⲣⲧⲁⲁⲩ ϩⲓⲱⲱⲧⲉ ⲡⲉϩⲙⲟⲧ ⲡⲉ ·
…
15 ⲡⲥⲟϭⲛ · ⲁⲩⲱ ⲡⲛⲉϩ ⲉϣⲁⲣⲧⲁϩⲥⲉ · ⲙⲙⲟⲟⲩ ⲁⲩⲱ ⲛsⲧⲁⲁⲩ ⲉϫⲛⲧⲟⲩⲁⲡⲉ · ⲧⲙⲉ ⲧⲉ ·
…
16 ⲧⲉⲥⲫⲁⲅⲓⲁ ⲉϣⲁⲣⲙⲟⲣⲉ ⲙⲙⲟⲥ ⲧⲙⲛⲧⲣⲙⲛϩⲏⲧ ⲧⲉ ⲡⲉⲣϣⲱⲛ ·
…
17 ⲉϣⲁⲣϭⲟⲟⲗⲉ ⲙⲙⲟϥ ⲛⲁⲓ ⲙⲛⲛⲉⲓⲕⲟⲟⲩⲉ ⲛⲉⲧⲉⲙⲡⲉϥϥⲓⲧⲟⲩ ⲧⲏⲣⲟⲩ · ⲛⲧⲟⲟⲧⲉ ϣⲁϩⲣⲁⲓ ⲉⲡⲉⲥⲧⲏⲙ ⲁϥϣⲟⲩⲱϥ ⲉⲃⲟⲗ ϩⲛⲛⲉϥϩⲛⲁⲁⲩ ·
…
18 ⲁϥϥⲓⲧϥ · ⲧⲙⲛⲧϣⲁⲩ · ⲏ ⲡϣⲓⲡⲉ ⲉⲧⲛⲁⲛⲟⲩϥ ⲉⲧϩⲛⲛⲟⲩⲃⲁⲗ ·
…
19 ⲛⲧⲁⲧⲁⲓ · ⲉⲧⲙⲙⲁⲩ ϫⲟⲟⲥ ⲛⲛⲁϩⲣⲙ ⲡⲉⲥⲥⲟⲛ ϫⲉϯⲛⲁⲁⲙⲁϩⲧⲉ ⲙⲙⲟⲕ ·
…
20 ⲛⲧⲁϫⲓⲧⲕ ⲉϩⲟⲩⲛ ⲉⲡⲏⲓ ⲛⲧⲁⲙⲁⲁⲩ ⲁⲩⲱ ⲉϩⲟⲩⲛ ⲉⲡⲧⲁⲙⲉⲓⲟⲛ ⲛⲧⲉⲛⲧⲁⲥⲱⲱ ⲙⲙⲟⲓ ⲛⲧϩⲉ ⲧⲉⲛⲟⲩ ⲉⲧⲉⲣⲉⲧⲡⲁⲣⲑⲉⲛⲟⲥ ϩⲛⲟⲩⲙⲉ ·
…
21 ⲉⲧϩⲁⲣⲉϩ ⲛⲁⲥ ⲉⲧⲉⲥⲙⲛⲧⲣⲙⲙⲁⲟ ⲧⲏⲣⲥ ϩⲛⲛⲉϩⲃⲏⲩⲉ ⲛⲁⲅⲁⲑⲟⲛ ⲉⲛⲧⲁⲥⲁⲁⲩ ϩⲛⲧⲉⲥⲙⲛⲧϫⲱⲱⲣⲉ ϣⲗⲏⲗ ·
…
22 ⲉⲧⲣⲉⲓⲏⲥⲟⲩⲥ ⲟⲩⲱϩ ⲛϩⲏⲧⲥ ⲁⲩⲱ ⲡⲉϥⲡⲛⲉⲩⲙⲁ ⲁⲣⲁⲙⲁϩⲧⲉ ⲛⲧⲟ ⲛⲟⲩⲣⲱⲙⲉ ⲛϫⲁϫⲉ ⲁⲣϫⲓⲧϥ ⲉϩⲟⲩⲛ ⲉⲡⲟⲩⲏⲓ ⲁⲩⲱ ⲉⲡⲟⲩⲧⲁⲙⲉⲓⲟⲛ ·
…
23 ⲡⲉⲧⲃⲏⲧ ⲁⲩⲱ ⲡⲁⲕⲁⲑⲁⲣⲧⲟⲛ ⲙⲡⲛⲉⲩⲙⲁ ⲁⲣϣⲟⲡϥ ⲉⲣⲟ ⲡⲉⲧⲟⲩⲁⲁⲃ ⲇⲉ ⲁⲩⲱ ⲡⲙⲉⲣⲓⲧ ⲡⲉⲡⲛⲉⲩⲙⲁ ⲛⲁⲅⲁⲑⲟⲥ ⲁⲣⲥⲁϩⲱ ⲉⲃⲟⲗ · ⲙⲙⲟϥ · ⲉⲃⲟⲗ ⲁⲛ · ϫⲉⲙⲛϭⲟⲙ · ⲙⲙⲟϥ ⲉⲧⲟⲩϫⲟ · ⲁⲗⲗⲁ ⲉⲃⲟⲗ ⲛⲧⲟϥ ϫⲉⲛⲧⲁϥⲧⲁⲁⲧⲉ ⲉϩⲣⲁⲓ ⲉⲧⲟⲟⲧϥ · ⲙⲡⲉⲧⲙⲟⲥⲧⲉ ⲙⲙⲟ ·
…
24 ⲉⲧⲃⲉϫⲉⲁⲣⲙⲉⲣⲉϩⲉⲛϣⲙⲙⲟ ·
…
25 ⲁⲩⲱ ⲁⲣⲟⲩⲁϩⲉ ⲛⲥⲱⲟⲩ ·
…
26 ⲁⲣⲙⲉⲣⲉ ⲛⲉⲧⲛⲕⲟⲧⲕ ⲛⲙⲙⲉ ·
…
27 ⲁⲩⲱ ⲁⲣⲧⲁϣⲟ ⲛⲧⲟⲩⲡⲟⲣⲛⲉⲓⲁ ⲛⲙⲙⲁⲩ ⲁⲣⲧⲁϣⲟ ⲛⲛⲉⲧⲟⲩⲏⲩ ⲙⲙⲟ ϩⲱⲥⲧⲉ ⲉⲧⲣⲉⲩⲟⲩⲱϩ ϩⲙⲡⲟⲩⲏⲓ ⲛⲙⲙⲉ ·
…
28 ⲉⲓϣⲁϫⲉ ⲉⲡⲉⲡⲛⲉⲩⲙⲁ ⲛⲧⲡⲟⲛⲏⲣⲓⲁ · ⲙⲛⲛⲕⲟⲥⲙⲟⲕⲣⲁⲧⲱⲣ ⲙⲡⲕⲁⲕⲉ ⲁⲩⲱ ⲟⲛ ⲛⲣⲱⲙⲉ ⲛⲁⲥⲉⲃⲏⲥ ⲛⲧⲁⲩⲣⲡⲉⲓⲙⲟⲩϫⲧ ⲛⲟⲩⲱⲧ ⲛⲙⲙⲉ · ⲁⲩⲱ ⲛⲧⲟ · ⲛⲙⲙⲁⲩ · ⲧⲉⲃⲓⲏⲛ ⲙⲯⲩⲭⲏ ·
…
29 ⲡⲟⲩⲛⲟⲩⲧⲉ ⲇⲉ ϩⲱⲱϥ ·
…
30 ⲁⲩⲱ ⲡⲟⲩϫⲟⲉⲓⲥ ⲓⲏⲥⲟⲩⲥ ⲙⲡⲣⲕⲁⲁϥ
…