1 ⲧⲁⲓ ⲧⲉ ⲧⲡⲩⲗⲏ ⲛⲧⲡⲉ ·
…
2 ⲉⲡⲉⲓⲇⲏ ⲙⲛⲧϩⲉ ⲃⲱⲕ ⲉⲧⲡⲉ ⲛⲕⲉⲥⲙⲟⲧ , ⲉⲓⲙⲏⲧⲓ ⲉⲃⲟⲗ ϩⲓⲧⲛⲧⲉⲕⲕⲗⲏⲥⲓⲁ ⲙⲁⲩⲁⲁⲥ · ⲧⲁⲓ ⲉⲧⲉⲣⲉⲡⲛⲟⲩⲧⲉ ϩⲱⲛ ⲉⲣϩⲟⲧⲉ · ϩⲏⲧⲥ · ⲁⲩⲱ ⲉⲛⲟⲩϫⲉ ⲉⲃⲟⲗ ⲛϩⲏⲧⲥ ⲛⲛⲉⲧⲣⲛⲟⲃⲉ ·
…
3 ϥⲁⲅⲁⲛⲁⲕⲧⲉⲓ ⲅⲁⲣ ⲛⲟⲩⲟⲉⲓϣ ⲛⲓⲙ ⲉϥϫⲱ ⲙⲙⲟⲥ , ϫⲉⲡⲉϣⲃⲏⲣ ⲛⲁϣ ⲛϩⲉ ⲁⲕⲉⲓ ⲉϩⲟⲩⲛ ⲉⲡⲉⲓⲙⲁ ⲉⲙⲛϩⲃⲥⲱ ⲙⲙⲁ ⲛϣⲉⲗⲉⲉⲧ ϩⲓⲱⲱⲕ ·
…
4 ⲛⲉⲣⲉϯⲥⲙⲏ ⲁⲡⲉⲓⲗⲉⲓ ⲁⲛ ⲉϩⲟⲩⲛ ⲉⲣⲟⲛ ϩⲛⲟⲩⲟⲣⲅⲏ ⲉⲧⲃⲉ ⲡⲙⲁ ⲉⲧⲛⲛⲁⲃⲱⲕ ⲉⲣⲟϥ ⲙⲙⲁⲧⲉ ·
…
5 ⲁⲗⲗⲁ ⲧⲉⲛⲟⲩ ⲟⲛ ⲥⲱϣ ⲉⲃⲟⲗ ⲛϩⲟⲩⲟ ϫⲉⲛⲣⲱⲙⲉ · ⲏ ⲛϣⲃⲉⲉⲣ ,
…
6 ⲛⲁϣ ⲛϩⲉ ⲁⲧⲉⲧⲛⲉⲓ ⲉϩⲟⲩⲛ ⲉⲛⲉⲓⲧⲟⲡⲟⲥ ⲉⲙⲛⲧⲃⲃⲟ ⲉⲙⲛⲙⲉ · ⲉⲙⲛϩⲁⲣⲉϩ ⲉⲉⲛⲧⲟⲗⲏ . ⲉⲙⲛⲡⲣⲁⲝⲉⲓⲥ ϩⲓⲱⲧⲧⲏⲩⲧⲛ ⲉⲩⲙⲡϣⲁ ⲛⲧⲉⲧⲛϭⲓⲛϣⲱⲡⲉ ⲛϩⲏⲧⲟⲩ ·
…
7 ⲙⲁⲣⲉⲟⲩⲡⲛⲉⲩⲙⲁ ⲏ ⲟⲩⲁⲅⲅⲉⲗⲟⲥ ⲉⲓ ⲉϩⲣⲁⲓ ϩⲛⲙⲡⲏⲩⲉ ⲉⲃⲟⲗ ϩⲓⲧⲙⲡⲛⲟⲩⲧⲉ ⲛϥⲁϩⲉⲣⲁⲧϥ ϩⲛⲟⲩⲥⲩⲛⲁⲅⲱⲅⲏ ⲛⲟⲩⲱⲧ ⲛⲧⲁⲛ ⲛϥⲡⲱⲣϫ ⲉⲃⲟⲗ ⲛⲛⲉⲧⲉⲙⲛϩⲃⲥⲱⲙ ⲡⲙⲁ ⲛϣⲉⲗⲉⲉⲧ ϩⲓⲱⲟⲩ ϩⲛⲧⲙⲏⲧⲉ ⲛⲛⲉⲧⲟⲩϣⲟⲟⲡ ⲛⲁⲩ , ⲁⲩⲱ ⲉⲩⲣϩⲟⲩⲟ ⲧⲟ ϩⲓⲱⲟⲩ , ϫⲉⲉⲩⲛⲁⲥⲱϣ · ⲛⲟⲩⲏⲣ ·
…
8 ⲏ ⲛⲁϣ ⲛϩⲉ ⲉⲛⲣⲱⲟⲩ ⲛⲁⲧⲱⲙ ⲁⲛ ⲛⲧⲟⲟⲩ . ⲛⲧϩⲉ ⲙⲡⲉⲛⲧⲁⲩϫⲟⲟⲥ ⲉⲧⲃⲏⲏⲧϥ . ϫⲉⲛⲧⲟϥ ⲇⲉ ⲁⲣⲱϥ ⲧⲱⲙ .
…
9 ⲏ ⲛⲧⲁⲡϫⲟⲉⲓⲥ ϫⲉϩⲉⲛϣⲁϫⲉ ⲉⲛϥⲛⲁⲁⲁⲩ ⲁⲛ ·
…
10 ⲁⲩⲱ ⲉⲧⲃⲉⲟⲩ ⲁⲛⲣⲁⲧⲥⲱⲧⲙ ⲛⲥⲁⲡⲉⲧⲥⲏϩ ⲉⲙⲡⲛⲙⲉⲥⲧⲉⲧϩⲟⲉⲓⲧⲉ ⲉⲧϫⲁϩⲙ ⲛⲧⲉⲧⲥⲁⲣⲝ ⲉⲧⲙⲧⲁⲁⲥ ϩⲓⲱⲱⲛ ·
…
11 ⲥⲟⲩⲟⲛϩ ϭⲉ ⲉⲃⲟⲗ ⲛϭⲓⲧϩⲃⲥⲱ . ⲏ ⲛϩⲃⲥⲟⲟⲩⲉ ⲉⲧⲙⲙⲁⲩ , ⲉⲧⲉⲛⲥⲡⲣⲉⲡⲉⲓ ⲁⲛ ⲉϣⲗⲏⲗ ⲉⲡⲛⲟⲩⲧⲉ · ⲏ ⲉϣⲙϣⲉ ⲛⲁϥ ⲉⲩϩⲓⲱⲱⲛ · ⲉⲧⲉⲛⲁⲓ ⲛⲉ , ⲙⲡⲟⲣ
…