1 ϣⲁⲛⲧⲉⲛⲉⲧϣⲓⲛⲉ ⲛⲥⲱⲕ ⲧⲟⲕⲙⲉⲕ ⲉϩⲣⲁⲓ ϩⲛⲧⲗⲟⲓϩⲉ ⲙⲡⲛⲟⲃⲉ · ⲛⲧⲉⲟⲩⲣⲁϣⲉ ϣⲱⲡⲉ ⲙⲡⲉⲧϣⲁϫⲉ ϩⲙⲡⲙⲁ ⲛϯⲥⲃⲱ · ⲛⲧⲉⲡⲉⲧⲥⲱⲧⲙ ⲇⲉ ⲟⲛ ϯϩⲏⲩ ⲛⲧⲉϥⲯⲩⲭⲏ · ⲁⲩⲱ ⲛϥⲧⲙϯⲟⲥⲉ ⲙⲙⲟϥ ·
…
2 ⲉϣϫⲉⲉⲧⲃⲉⲟⲩⲕⲧⲟ , ⲉⲡⲁϩⲟⲩ ⲙⲙⲁⲧⲉ ⲁⲧϩⲓⲙⲉ ⲛⲗⲱⲧ ⲡⲱⲱⲛⲉ · ⲁⲛⲧⲓⲟⲩⲥϩⲓⲙⲉ ⲁⲥⲣⲟⲩⲟⲩⲟⲉⲓⲧ ⲛϩⲙⲟⲩ ·
…
3 ⲉⲧⲃⲉⲟⲩϩⲩⲡⲟⲕⲣⲓⲥⲓⲥ ϩⲱⲱⲕ ⲛⲣⲱⲙⲉ ⲙⲡⲣⲧⲣⲉⲧⲉⲕⲯⲩⲭⲏ ⲡⲱⲱⲛⲉ · ⲉⲡⲙⲁ ⲛⲛⲣϣⲁⲩ , ⲛⲥⲣⲁⲧϣⲁⲩ ·
…
4 ⲡϣⲱϥ ⲛⲧⲉⲯⲩⲭⲏ ⲛϩⲉⲛⲣⲱⲙⲉ · ⲉⲩⲁⲣⲭⲉⲓ ⲙⲛⲛⲉⲧⲟⲩⲁⲣⲭⲉⲓ ⲉϫⲱⲟⲩ · ⲡⲉ ϫⲟⲟⲥ · ϫⲉⲡϩⲏⲧ ⲙⲡⲉⲧϣⲟϥⲧ ϩⲛⲟⲩϩⲱⲃ ⲛⲁⲙⲕⲁϩ ⲉⲣⲟⲓ ⲉⲓϣⲁⲛϫⲡⲓⲟϥ · ⲡⲁⲧϩⲏⲧ ⲛⲥⲥⲟⲧⲡ ⲁⲛ ⲉⲧⲣⲉϩⲉⲛⲣⲱⲙⲉ ⲙⲕⲁϩ ⲛϩⲏⲧ ⲉⲣⲟⲕ · ⲛϩⲟⲩⲟ ⲉⲧⲣⲉⲡⲛⲟⲩⲧⲉ ϭⲱⲛⲧ ⲉⲣⲟⲕ ⲛⲙⲙⲁⲩ ·
…
5 ⲛⲁϣ ⲛϩⲉ ⲛϥⲛⲁϭⲱⲛⲧ ⲁⲛ ⲉⲕϣⲁⲛⲁⲛⲉⲭⲉ ⲛⲛⲉⲧⲉⲓⲣⲉ ⲛⲛⲉⲧⲉⲙⲉϣϣⲉ ϩⲛⲛⲉϥⲙⲁ ⲉⲧⲟⲩⲁⲁⲃ ⲛⲁⲓ ⲛⲧⲁϥϩⲱⲛ ⲟⲛ ⲉⲧⲃⲏⲏⲧⲟⲩ ϩⲓⲧⲛⲙⲱⲩⲥⲏⲥ ϫⲉⲉⲧⲉⲧⲛⲛⲁⲣϩⲟⲧⲉ ϩⲏⲧⲟⲩ ⲛⲛⲁⲙⲁ ⲉⲧⲟⲩⲁⲁⲃ ·
…
6 ϣϣⲉ ⲅⲁⲣ ⲁⲗⲏⲑⲱⲥ ⲉⲥⲧⲱⲧ ⲁⲩⲱ ⲉⲛⲉϩϣⲗϩ ϩⲏⲧⲟⲩ ⲛⲙⲙⲁ ⲉⲧⲟⲩⲁⲁⲃ · ⲉⲧⲉⲧⲁⲓ ⲧⲉ ⲧⲉⲕⲕⲗⲏⲥⲓⲁ ⲙⲡⲛⲟⲩⲧⲉ . ⲧⲁⲓ ⲛⲧⲁⲡⲙⲁⲕⲁⲣⲓⲟⲥ ⲓⲁⲕⲱⲃ ⲣϣⲣⲡⲛⲁⲩ ⲉⲣⲟⲥ ⲁϥⲣϩⲟⲧⲉ ·
…
7 ⲛⲧϩⲉ ⲉⲧⲥⲏϩ ϫⲉⲁϥⲧⲱⲙⲧ ⲉⲟⲩⲙⲁ ⲁϥⲛⲕⲟⲧⲕ ⲙⲡⲙⲁ ⲉⲧⲙⲙⲁⲩ ⲁϥⲡⲱⲱⲣⲉ ⲛⲟⲩⲣⲁⲥⲟⲩ · ⲁⲩⲱ ⲉⲓⲥⲟⲩϭⲗⲟⲟϭⲉ ⲉⲣⲉⲧⲉⲥⲁⲡⲉ · ⲡⲏϩ ϣⲁϩⲣⲁⲓ ⲉⲧⲡⲉ . ⲉⲣⲉⲛⲁⲅⲅⲉⲗⲟⲥ ⲛⲁ ⲉϩⲣⲁⲓ , ⲉⲩⲛⲏⲩ ⲉⲡⲉⲥⲏⲧ · ϩⲓϫⲱⲥ . ⲡϫⲟⲉⲓⲥ ⲇⲉ ⲛⲉϥⲧⲁϫⲣⲏⲩ ⲉϩⲣⲁⲓ ⲉϫⲱⲥ ·
…
8 ⲁⲩⲱ ⲙⲛⲛⲥⲱⲥ ⲡⲉϫⲁϥ ϫⲉⲁϥⲣϩⲟⲧⲉ ⲇⲉ ⲛϭⲓⲓⲁⲕⲱⲃ ⲁⲩⲱ ⲁϥϩⲟⲙⲟⲗⲟⲅⲉⲓ ϫⲉⲡⲏⲓ ⲙⲡⲛⲟⲩⲧⲉ ⲡⲉ ⲡⲁⲓ · ⲁⲩⲱ ⲧⲁⲓ ⲧⲉ ⲧⲡⲩⲗⲏ ⲛⲧⲡⲉ ·
…
9 ⲁϣ ϭⲉ ⲡⲉ ⲡⲙⲁ ⲉⲧⲉⲣⲉⲧⲉϭⲗⲟⲟϭⲉ ⲛϩⲏⲧϥ ⲧⲁⲓ ⲉⲧⲉⲣⲉⲧⲉⲥⲁⲡⲉ ⲡⲏϩ ϣⲁϩⲣⲁⲓ ⲉⲧⲡⲉ · ⲉⲓⲙⲏⲧⲓ ⲧⲉⲕⲕⲗⲏⲥⲓⲁ ⲙⲡⲛⲟⲩⲧⲉ · ⲧⲁⲓ ⲉⲧⲉⲣⲉⲧⲉϩⲓⲏ · ⲛⲃⲱⲕ ⲉϩⲣⲁⲓ ⲉⲧⲡⲉ ⲛϩⲏⲧⲥ ⲙⲁⲩⲁⲁⲥ . ⲧⲁⲓ ⲉⲧⲉⲣⲉⲡⲛⲟⲩⲧⲉ · ⲧⲁϫⲣⲏⲩ ⲉϩⲣⲁⲓ ⲉϫⲱⲥ ·
…
10 ⲧⲁⲓ ⲟⲛ ⲛⲧⲁⲡⲡⲁⲧⲣⲓⲁⲣⲭⲏⲥ · ⲛⲁⲩ ⲉⲣⲟⲥ · ⲁϥϫⲟⲟⲥ ϩⲛⲟⲩϩⲟⲧⲉ ϫⲉⲡⲏⲓ ⲙⲡⲛⲟⲩⲧⲉ · ⲡⲉ ⲡⲁⲓ ·
…
11 ⲁⲩⲱ
…