1 ⲧⲁⲓ ⲧⲉ ⲧⲡⲩⲗⲏ ⲛⲧⲡⲉ ·
…
2 ⲉⲡⲉⲓⲇⲏ ⲙⲛⲧϩⲉ ⲛⲃⲱⲕ ⲉⲧⲡⲉ · ⲛⲕⲉⲥⲙⲟⲧ · ⲉⲓⲙⲏⲧⲓ ⲉⲃⲟⲗ ϩⲓⲧⲛⲧⲉⲕⲕⲗⲏⲥⲓⲁ · ⲙⲁⲩⲁⲁⲥ ⲧⲁⲓ ⲉⲧⲉⲣⲉⲡⲛⲟⲩⲧⲉ ϩⲱⲛ · ⲉⲣϩⲟⲧⲉ ϩⲏⲧⲥ ⲁⲩⲱ ⲉⲛⲟⲩϫⲉ · ⲉⲃⲟⲗ ⲛϩⲏⲧⲥ ⲛⲛⲉⲧⲣⲛⲟⲃⲉ
…
3 ϥⲁⲅⲁⲛⲁⲕⲧⲉⲓ ⲅⲁⲣ ⲛⲟⲩⲟⲉⲓϣ ⲛⲓⲙ ⲉϥϫⲱ ⲙⲙⲟⲥ ϫⲉⲡⲉϣⲃⲏⲣ ⲛⲁϣ ⲛϩⲉ · ⲁⲕⲉⲓ ⲉϩⲟⲩⲛ · ⲉⲡⲉⲓⲙⲁ · ⲉⲙⲛϩⲃⲥⲱ ⲙⲙⲁ ⲛϣⲉⲗⲉⲉⲧ ϩⲓⲱⲱⲕ
…
4 ⲛⲉⲣⲉⲧⲉⲓⲥⲙⲏ ⲁⲡⲉⲓⲗⲉ ⲁⲛ · ⲉϩⲟⲩⲛ ⲉⲣⲟⲛ ϩⲛⲟⲩⲟⲣⲅⲏ · ⲉⲧⲃⲉ ⲡⲙⲁ · ⲉⲧⲛⲛⲁⲃⲱⲕ ⲉⲣⲟϥ ⲙⲙⲁⲧⲉ
…
5 ⲁⲗⲗⲁ ⲧⲉⲛⲟⲩ · ⲟⲛ ⲥⲱϣ ⲉⲃⲟⲗ ⲛϩⲟⲩⲟ ϫⲉⲛⲣⲱⲙⲉ · ⲏ ⲛϣⲃⲏⲣ ·
…
6 ⲛⲁϣ ⲛϩⲉ ⲁⲧⲉⲧⲛⲉⲓ ⲉϩⲟⲩⲛ ⲉⲛⲉⲓⲧⲟⲡⲟⲥ · ⲉⲙⲛⲧⲃⲃⲟ · ⲉⲙⲛⲙⲉ · ⲉⲙⲛϩⲁⲣⲉϩⲉⲛⲧⲟⲗⲏ ⲉⲙⲛⲡⲣⲁⲝⲓⲥ ϩⲓⲱⲧⲧⲏⲩⲧⲛ · ⲉⲩⲙⲡϣⲁ ⲛⲧⲉⲧⲛϭⲓⲛϣⲱⲡⲉ ⲛϩⲏⲧⲟⲩ ·
…
7 ⲙⲁⲣⲉⲟⲩⲡⲛⲉⲩⲙⲁ · ⲏ ⲟⲩⲁⲅⲅⲉⲗⲟⲥ ⲉⲓ ⲉϩⲣⲁⲓ ϩⲛⲙⲡⲏⲩⲉ ⲉⲃⲟⲗ ϩⲓⲧⲙⲡⲛⲟⲩⲧⲉ · ⲛϥⲁϩⲉⲣⲁⲧϥ ϩⲛⲟⲩⲥⲩⲛⲁⲅⲱⲅⲏ · ⲛⲟⲩⲱⲧ · ⲛⲧⲁⲛ · ⲛϥⲡⲱⲣϫ ⲉⲃⲟⲗ ⲛⲛⲉⲧⲉⲙⲛϩⲃⲥⲱ ⲙⲙⲁ · ⲛϣⲉⲗⲉⲉⲧ ϩⲓⲱⲟⲩ ϩⲛⲧⲙⲏⲏⲧⲉ ⲛⲛⲉⲧⲟⲩϣⲟⲟⲡ ⲛⲁⲩ · ⲁⲩⲱ ⲉⲩⲣϩⲟⲩⲟ ⲧⲟ ϩⲓⲱⲟⲩ ϫⲉⲉⲩⲛⲁⲥⲱϣ ⲛⲟⲩⲏⲣ
…
8 ⲏ ⲛⲁϣ ⲛϩⲉ · ⲛⲣⲱⲟⲩ ⲛⲁⲧⲱⲙ · ⲁⲛ ⲛⲧⲟⲟⲩ · ⲛⲧϩⲉ ⲙⲡⲉⲛⲧⲁⲩϫⲟⲟⲥ · ⲉⲧⲃⲏⲏⲧϥ · ϫⲉⲛⲧⲟϥ ⲇⲉ ⲁⲣⲱϥ ⲧⲱⲙ
…
9 ⲏ ⲛⲧⲁⲡϫⲟⲉⲓⲥ ϫⲉϩⲉⲛϣⲁϫⲉ ⲉⲛϥⲛⲁⲁⲁⲩ ⲁⲛ ·
…
10 ⲁⲩⲱ ⲉⲧⲃⲉⲟⲩ · ⲁⲛⲣⲁⲧⲥⲱⲧⲙ ⲛⲥⲁⲡⲉⲧⲥⲏϩ · ⲙⲡⲉⲛⲙⲉⲥⲧⲉⲧϩⲟⲉⲓⲧⲉ ⲉⲧϫⲁϩⲙ · ⲛⲧⲉⲧⲥⲁⲣⲝ · ⲉⲧⲙⲧⲁⲁⲥ ϩⲓⲱⲱⲛ
…
11 ⲥⲟⲩⲟⲛϩ ⲉⲃⲟⲗ ⲛϭⲓⲧϩⲃⲥⲱ · ⲏ ⲛϩⲃⲥⲟⲟⲩⲉ ⲉⲧⲙⲙⲁⲩ ⲉⲧⲉⲛⲥⲡⲣⲉⲡⲉⲓ ⲁⲛ · ⲉϣⲗⲏⲗ ⲉⲡⲛⲟⲩⲧⲉ ⲏ ⲉϣⲙϣⲉ ⲛⲁϥ ⲉⲩϩⲓⲱⲱⲛ · ⲉⲧⲉⲛⲁⲓ ⲛⲉ ⲙⲡⲟⲣⲛⲉⲓⲁ ⲛϫⲱϩⲙ ⲛϫⲓ ⲛϭⲟⲛⲥ ⲉⲧⲉⲩϣⲓⲏ ⲙⲛⲡⲉⲩⲟⲩⲱϣⲥ ⲙⲛⲡⲉⲩⲟⲩⲙⲟⲧ ⲡⲉ ⲡⲟⲛⲏⲣⲟⲛ ⲛⲓⲙ
…
12 ⲡⲉⲧⲥⲱⲣ ⲙⲙⲟⲟⲩ ⲉⲃⲟⲗ ⲏ ⲉⲧϯϣⲓ ⲉⲣⲟⲟⲩ ⲡⲉ ⲡⲥⲁϩ ⲛⲧⲕⲁⲕⲓⲁ ⲡⲇⲓⲁⲃⲟⲗⲟⲥ ·
…
13 ⲛⲉⲧⲣϩⲱⲃ ⲇⲉ ⲉⲣⲟⲟⲩ ⲛⲙⲙⲁϥ · ⲛⲉ ⲛⲉⲧⲣⲛⲟⲃⲉ ·
…
14 ⲡⲛⲉⲧ ⲉⲧⲟⲩⲥⲱϩⲉ ϩⲓⲱⲱϥ ⲡⲉ ⲡϩⲏⲧ ⲛⲁⲛⲟⲙⲟⲛ ·
…
15 ⲛϩⲛⲁⲁⲩ ⲛⲕⲱⲗϩ ⲛⲉ ⲛϯⲧⲱⲛ · ⲟⲩⲃⲉⲧⲉⲥⲃⲱ ⲉⲧⲟⲩⲟϫ ·
…
16 ⲛⲕⲗⲁⲗ · ⲛϫⲟⲗⲕⲟⲩ ⲛⲉ ⲙⲙⲛⲧⲛⲁϣⲧⲙⲁⲕϩ · ⲙⲛⲙⲙⲛⲧⲛⲁϣⲧ ⲙⲙⲉ
…
17 ⲛⲛⲟⲩϩ ⲛⲥⲱⲕ ⲁⲩⲱ ⲡⲉⲩⲥⲟⲃⲧⲉ ⲧⲏⲣϥ ⲛⲉ ⲛⲕⲣⲙⲣⲙ ⲙⲛⲛⲟⲩⲱϩⲙ ⲙⲛⲛⲕⲁⲧⲁⲗⲁⲗⲓⲁ ·
…
18 ⲛⲥⲟⲩⲣⲉ ⲛⲉ ⲙⲙⲛⲧⲁⲧⲥⲃⲱ · ⲙⲛⲙⲙⲛⲧⲁⲧⲥⲱⲧⲙ · ⲛϩⲟⲩⲟ ⲇⲉ ⲛⲥⲃⲱ · ⲛⲇⲁⲓⲙⲱⲛⲓⲟⲛ ·
…
19 ⲛⲉⲧⲁⲛⲉⲭⲉ ⲉⲧⲣⲉⲩⲣϩⲱⲃ ⲉⲛϩⲃⲥⲟⲟⲩⲉ · ⲉⲧⲥⲏϣ ⲉⲧⲙⲙⲁⲩ ϩⲙⲡⲉⲩⲏⲓ ⲛⲉ ⲛⲉⲯⲩⲭⲏ ⲛⲛⲣⲱⲙⲉ ⲛⲥⲟϭ ⲁⲩⲱ ⲛⲁⲧϩⲏⲧ
…
20 ⲟⲩ ⲉⲣⲟⲛ · ⲛⲉ ⲛⲛⲟⲃⲉ ⲙⲡⲥⲁⲧⲁⲛⲁⲥ ⲙⲛⲛⲉϩⲃⲏⲩⲉ ⲛⲛⲁⲓ ⲛⲧⲁⲩⲥϩⲁⲓ ⲉⲧⲃⲏⲏⲧⲟⲩ ϫⲉⲉⲩⲧⲁⲗⲟ ⲛⲟⲩⲛⲁⲧ ⲛϩⲁⲗⲟⲩⲥ
…