1 ⲟⲩⲗⲟⲅⲟⲥ · ⲉϥⲛⲏⲩ ⲙⲛⲛⲥⲁⲡⲁⲓ · ⲉⲁϥϫⲟⲟϥ · ⲛⲁϩⲣⲛ ⲛⲉⲓⲣⲱⲙⲉ ⲟⲛ ⲛⲟⲩⲱⲧ ⲙⲛⲛⲉⲛⲧⲁⲩⲟⲩⲱϩ ⲉⲣⲟⲟⲩ :
…
2 ⲟⲩⲛϩⲉⲛⲙⲓⲛⲉ ⲛⲣⲱⲙⲉ ⲉⲩϣⲟⲗϣⲗ ⲛϩⲉⲛⲉⲥⲏⲧ ϩⲛⲛⲕⲟⲡⲣⲓⲁ · ⲁⲩⲱ ϩⲛϩⲉⲛⲧⲟⲡⲟⲥ ⲉⲩⲕⲱⲧⲉ ϩⲙⲡⲕⲁϩ ϣⲁⲛⲧⲟⲩϭⲛ·ϩⲉⲛⲉⲗⲁⲭⲓⲥⲧⲟⲛ · ⲛⲛⲟⲩⲃ ϩⲓϩⲁⲧ ⲏ ϩⲉⲛϩⲟⲙⲛⲧ · ⲏ ⲛⲧⲟϥ ⲡⲉⲧϭⲟϫⲃ ⲉⲣⲟⲟⲩ · ϣⲁϩⲣⲁⲓ ⲉϩⲉⲛⲥⲁⲁⲧⲉ · ⲉⲩⲕⲱⲧⲉ ϣⲁⲛⲧⲟⲩϭⲛⲡⲉⲩⲱⲛϩ ·
…
3 ⲁⲛⲟⲛ ⲇⲉ ⲡⲉⲛⲱⲛϩ ⲟⲩⲟⲛϩ ⲛⲁⲛ ⲉⲃⲟⲗ ϥⲛϩⲣⲁⲓ ⲛϩⲏⲧⲛ ϥϩⲏⲛ ⲉϩⲟⲩⲛ ⲉⲣⲟⲛ ⲧⲛⲥⲟⲟⲩⲛ ⲙⲙⲟϥ ϥⲙⲡⲉⲛⲙⲧⲟ ⲉⲃⲟⲗ ⲥⲉϯⲥⲃⲱ ⲛⲁⲛ · ⲉⲣⲣⲙⲙⲁⲟ ⲛϩⲏⲧϥ ⲁⲩⲱ ⲡⲉⲛϩⲟⲩⲟ · ⲟ ⲛϩⲏⲕⲉ
…
4 ϩⲉⲛⲣⲱⲙⲉ ⲛⲧⲉⲓϩⲉ ⲉⲩϫⲱⲛⲧ · ⲥⲟⲡ ⲙⲉⲛ ϣⲁⲩϭⲛⲡⲉⲧⲟⲩϣⲓⲛⲉ ⲛⲥⲱϥ ⲥⲟⲡ ⲙⲉⲩϭⲛⲧϥ ⲁⲛⲟⲛ ⲇⲉ ⲉⲣⲉⲁⲛⲟⲛⲛⲁϫⲱⲛⲧ · ⲁⲛ · ⲉⲛⲇⲓⲥⲧⲁⲍⲉ · ϫⲉⲙⲉϣⲁⲕ ⲧⲛⲛⲁϩⲉ ⲁⲛ ⲉⲡⲉⲧⲛⲕⲱⲧⲉ ⲛⲥⲱϥ · ⲓⲏⲥⲟⲩⲥ ⲡⲱⲛϩ ⲧⲏⲣϥ ϥⲟⲩⲏϩ ⲙⲛⲛⲉⲧϩⲉⲗⲡⲓⲍⲉ ⲉⲣⲟϥ ⲭⲱⲣⲓⲥϫⲛⲁⲁⲩ
…
5 ⲛⲧϩⲉ ⲛⲧⲁⲡⲁⲡⲟⲥⲧⲟⲗⲟⲥ ⲉⲧⲟⲩⲁⲁⲃ ϫⲟⲟⲥ ϫⲉⲛⲧⲉⲧⲛⲉⲓⲙⲉ ⲉⲣⲱⲧⲛ · ⲁⲛ ϫⲉⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲛϩⲏⲧⲧⲏⲩⲧⲛ · ⲉⲓⲙⲏⲧⲓ ϫⲉⲙⲉϣⲁⲕ ⲛⲧⲉⲧⲛϩⲉⲛϫⲟⲟⲩⲧ
…
6 ⲧⲉⲧⲛⲛⲁⲩ ϫⲉⲉⲣⲉⲡⲉⲭⲣⲏⲙⲁ ⲧⲏⲣϥ ⲉⲧⲉⲡⲉⲭⲣⲓⲥⲧⲟⲥ ⲡⲉ · ϩⲏⲡ ⲛϩⲏⲧⲛ · ⲡⲁⲣⲁⲧⲣⲉⲛⲕⲓⲙⲕⲓⲙ ⲧⲉⲛⲟⲩ ⲉⲣⲟϥ ⲡⲉ · ⲡⲁⲣⲁⲧⲣⲉⲛϭⲉⲗⲡϩⲓϩⲣⲁϥ ⲉⲃⲟⲗ ⲧⲉⲛⲟⲩ ⲡⲉ ⲙⲁⲗⲓⲥⲧⲁ ⲛϥⲟⲩⲏⲏⲩ ⲉϩⲣⲁⲓ ⲁⲛ
…
7 ⲡⲉⲓϣⲁϫⲉ ⲡⲉ · ϫⲉⲡⲁⲣⲁⲧⲣⲉⲛϣⲉⲡ · ⲟⲩⲕⲟⲩⲓ · ⲛϩⲓⲥⲉ ⲡⲉ ⲡⲁⲣⲁⲧⲣⲉⲛⲛⲉϩⲥⲉ ⲙⲙⲟϥ ⲛϩⲏⲧⲛ ⲡⲉ · ⲡⲁⲣⲁⲧⲣⲉⲛϭⲉⲗⲡ·ⲡⲉⲛϩⲏⲧ ⲛⲁϥ ⲉⲃⲟⲗ ⲡⲉ ·
…
8 ⲟⲩⲛⲟⲩⲉⲓⲇⲟⲥ ϣⲟⲟⲡ ⲉϣⲁⲣⲉⲛⲣⲱⲙⲉ ⲛⲧⲁⲛϫⲟⲟⲩ · ⲛⲟϫϥ ⲉⲡⲙⲟⲟⲩ · ⲛϥϭⲗⲟⲙⲗⲙ ⲉϩⲟⲩⲛ ⲉⲡⲛⲟⲩⲃ ⲁⲩⲱ ⲉⲡϩⲁⲧ · ϣⲁⲛⲧⲉⲛⲉⲧⲕⲱⲧⲉ ϩⲛⲙⲙⲟⲟⲩ · ⲉⲧⲧⲏϩ ϩⲉ ⲉⲣⲟϥ ·
…
9 ⲛⲧⲟⲕ ϩⲱⲱⲕ ⲱ ⲡⲣⲱⲙⲉ ⲉⲧⲟⲩⲕⲱⲧⲉ ⲛⲥⲱϥ ⲉⲃⲟⲗ ϩⲓⲧⲛⲛⲧⲱϩⲙ · ⲛⲛⲉⲅⲣⲁⲫⲏ · ⲉⲙⲉⲧⲁⲛⲟⲉⲓ · ⲙⲁⲣⲉⲡⲗⲟⲅⲟⲥ ⲙⲡⲛⲟⲩⲧⲉ ϭⲗⲟⲙⲗⲙ ⲉϩⲟⲩⲛ ⲉⲣⲟⲕ ⲛϥⲁⲙⲁϩⲧⲉ ⲙⲙⲟⲕ ϣⲁⲛⲧⲉⲛⲉⲧϣⲓⲛⲉ ⲛⲥⲱⲕ · ⲧⲟⲕⲙⲉⲕ ⲉϩⲣⲁⲓ ϩⲛⲧⲗⲟⲓϩⲉ ⲙⲡⲛⲟⲃⲉ ⲛⲧⲉⲟⲩⲣⲁϣⲉ ϣⲱⲡⲉ ⲙⲡⲉⲧϣⲁϫⲉ ϩⲙⲡⲙⲁ ⲛϯⲥⲃⲱ · ⲛⲧⲉⲡⲉⲧⲥⲱⲧⲙ ⲇⲉ ⲟⲛ ϯϩⲏⲩ ⲛⲧⲉϥⲯⲩⲭⲏ · ⲁⲩⲱ ⲛϥⲧⲙϯⲟⲥⲉ ⲙⲙⲟϥ ·
…
10 ⲉϣϫⲉⲉⲧⲃⲉⲟⲩⲕⲧⲟ ⲉⲡⲁϩⲟⲩ ⲙⲙⲁⲧⲉ ⲁⲧϩⲓⲙⲉ ⲛⲗⲱⲧ ⲡⲱⲱⲛⲉ · ⲁⲛⲧⲓⲟⲩⲥϩⲓⲙⲉ · ⲁⲥⲣⲟⲩⲟⲩⲟⲉⲓⲧ ⲛϩⲙⲟⲩ
…
11 ⲉⲧⲃⲉⲟⲩϩⲩⲡⲟⲕⲣⲓⲥⲓⲥ ϩⲱⲱⲕ ⲛⲣⲱⲙⲉ ⲙⲡⲣⲧⲣⲉⲧⲉⲕⲯⲩⲭⲏ ⲡⲱⲱⲛⲉ · ⲉⲡⲙⲁ ⲛⲛⲣϣⲁⲩ ⲛⲥⲣⲁⲧϣⲁⲩ
…
12 ⲡϣⲱϥ ⲛⲧⲉⲯⲩⲭⲏ ⲛϩⲉⲛⲣⲱⲙⲉ ⲉⲩⲁⲣⲭⲉⲓ ⲙⲛⲛⲉⲧⲟⲩⲁⲣⲭⲉⲓ ⲉϫⲱⲟⲩ ⲡⲉ ϫⲟⲟⲥ ϫⲉⲡϩⲏⲧ · ⲙⲡⲉⲧϣⲟϥⲧ ϩⲛⲟⲩϩⲱⲃ ⲛⲁⲙⲕⲁϩ · ⲉⲣⲟⲓ ⲉⲓϣⲁⲛϫⲡⲓⲟϥ ⲡⲁⲧϩⲏⲧ ⲛⲥⲥⲟⲧⲡ ⲁⲛ · ⲉⲧⲣⲉϩⲉⲛⲣⲱⲙⲉ ⲙⲕⲁϩ ⲛϩⲏⲧ ⲉⲣⲟⲕ ⲛϩⲟⲩⲟ ⲉⲧⲣⲉⲡⲛⲟⲩⲧⲉ ϭⲱⲛⲧ ⲉⲣⲟⲕ ⲛⲙⲙⲁⲩ
…
13 ⲛⲁϣ ⲛϩⲉ ⲛϥⲛⲁϭⲱⲛⲧ · ⲁⲛ ⲉⲕϣⲁⲛⲁⲛⲉⲭⲉ ⲛⲛⲉⲧⲉⲓⲣⲉ · ⲛⲛⲉⲧⲉⲙⲉϣϣⲉ ϩⲛⲛⲉϥⲙⲁ ⲉⲧⲟⲩⲁⲁⲃ ⲛⲁⲓ ⲛⲧⲁϥϩⲱⲛ ⲉⲧⲃⲏⲏⲧⲟⲩ · ϩⲓⲧⲙⲙⲱⲩⲥⲏⲥ ϫⲉⲉⲧⲉⲧⲛⲛⲁⲣϩⲟⲧⲉ ϩⲏⲧⲟⲩ ⲛⲛⲁⲙⲁ ⲉⲧⲟⲩⲁⲁⲃ ·
…
14 ϣϣⲉ ⲅⲁⲣ · ⲁⲗⲏⲑⲱⲥ ⲉⲥⲧⲱⲧ · ⲁⲩⲱ ⲉⲛⲉϩϣⲗϥ ϩⲏⲧⲟⲩ ⲛⲙⲙⲁ ⲉⲧⲟⲩⲁⲁⲃ ⲉⲧⲉⲧⲁⲓ ⲧⲉ ⲧⲉⲕⲕⲗⲏⲥⲓⲁ · ⲙⲡⲛⲟⲩⲧⲉ · ⲧⲁⲓ ⲛⲧⲁⲡⲙⲁⲕⲁⲣⲓⲟⲥ ⲓⲁⲕⲱⲃ · ⲣϣⲣⲡⲛⲁⲩ ⲉⲣⲟⲥ ⲁϥⲣϩⲟⲧⲉ ·
…
15 ⲛⲧϩⲉ ⲉⲧⲥⲏϩ ϫⲉⲁϥⲧⲱⲙⲧ ⲉⲩⲙⲁ ⲁϥⲛⲕⲟⲧⲕ ⲙⲡⲙⲁ ⲉⲧⲙⲙⲁⲩ · ⲁϥⲡⲱⲱⲣⲉ ⲛⲟⲩⲣⲁⲥⲟⲩ ⲁⲩⲱ ⲉⲓⲥⲟⲩϭⲗⲟⲟϭⲉ ⲉⲣⲉⲧⲉⲥⲁⲡⲉ ⲡⲏϩ ϣⲁϩⲣⲁⲓ ⲉⲧⲡⲉ · ⲉⲣⲉⲛⲁⲅⲅⲉⲗⲟⲥ ⲛⲁ · ⲉϩⲣⲁⲓ ⲉⲩⲛⲏⲩ · ⲉⲡⲉⲥⲏⲧ ϩⲓⲱⲱⲥ ⲡϫⲟⲉⲓⲥ ⲇⲉ ⲛⲉϥⲧⲁϫⲣⲏⲩ ⲉϩⲣⲁⲓ ⲉϫⲱⲥ
…
16 ⲁⲩⲱ ⲙⲛⲛⲥⲱⲥ ⲡⲉϫⲁϥ ϫⲉⲁϥⲣϩⲟⲧⲉ ⲛϭⲓⲓⲁⲕⲱⲃ · ⲁⲩⲱ ⲁϥϩⲟⲙⲟⲗⲟⲅⲉⲓ ϫⲉⲡⲏⲓ ⲙⲡⲛⲟⲩⲧⲉ ⲡⲉ ⲡⲁⲓ · ⲁⲩⲱ ⲧⲁⲓ ⲧⲉ ⲧⲡⲩⲗⲏ ⲛⲧⲡⲉ
…
17 ⲁϣ ϭⲉ ⲡⲉ ⲡⲙⲁ ⲉⲧⲉⲣⲉⲧⲉϭⲗⲟⲟϭⲉ ⲛϩⲏⲧϥ · ⲧⲁⲓ ⲉⲧⲉⲣⲉⲧⲉⲥⲁⲡⲉ ⲡⲏϩ ϣⲁϩⲣⲁⲓ ⲉⲧⲡⲉ ⲉⲓⲙⲏⲧⲓ ⲧⲉⲕⲕⲗⲏⲥⲓⲁ · ⲙⲡⲛⲟⲩⲧⲉ ⲧⲁⲓ ⲉⲧⲉⲣⲉⲧⲉϩⲓⲏ ⲛⲃⲱⲕ ⲉϩⲣⲁⲓ ⲉⲧⲡⲉ ⲛϩⲏⲧⲥ ⲙⲁⲩⲁⲁⲥ ⲧⲁⲓ ⲉⲧⲉⲣⲉⲡⲛⲟⲩⲧⲉ ⲧⲁϫⲣⲏⲩ ⲉϩⲣⲁⲓ ⲉϫⲱⲥ
…
18 ⲧⲁⲓ ⲟⲛ · ⲛⲧⲁⲡⲡⲁⲧⲣⲓⲁⲣⲭⲏⲥ ⲛⲁⲩ ⲉⲣⲟⲥ ⲁϥϫⲟⲟⲥ ϩⲛⲟⲩϩⲟⲧⲉ ϫⲉⲡⲏⲓ ⲙⲡⲛⲟⲩⲧⲉ ⲡⲉ ⲡⲁⲓ ·
…
19 ⲁⲩⲱ
…