1 ⲙⲛⲛⲥⲩⲛⲁⲅⲱⲅⲏ · ⲙⲛⲛⲏⲓ ⲛⲁϣⲱⲡⲉ ⲉⲩⲟⲩⲁⲁⲃ ⲁⲩⲱ ⲉⲩⲥⲙⲟⲛⲧ · ϫⲉⲙⲡⲉϥⲉⲓ ⲉϩⲟⲩⲛ ⲉⲣⲟⲟⲩ ⲛϭⲓⲡⲉⲛⲧⲁϥⲣⲟⲩⲙⲏⲏϣⲉ ⲛⲣⲱⲙⲉ ⲛⲧϩⲉ ⲛⲛⲧⲃⲛⲟⲟⲩⲉ ·
…
2 ⲛⲉⲧⲛⲟⲩϫⲉ ⲛⲛⲉⲓϣⲁϫⲉ ⲉⲃⲟⲗ ⲙⲙⲟⲟⲩ · ⲛⲁⲓ ⲛⲉ ⲛⲣⲱⲙⲉ ⲉⲧⲉⲛⲥⲉϣⲗⲏⲗ ⲁⲛ ⲉⲧⲙⲧⲣⲉⲡⲛⲟⲩⲛ ⲟⲙⲕⲟⲩ ·
…
3 ⲛⲁⲓ ⲛⲉ ⲛⲣⲱⲙⲉ ⲉⲧⲉⲙⲡⲟⲩϯ ⲛⲛⲉⲛⲙⲉⲉⲩⲉ ⲛϩⲏⲧ ⲉⲧⲣⲉⲩⲕⲟⲧⲟⲩ ⲉⲡⲉⲩⲛⲟⲩⲧⲉ ·
…
4 ⲟⲩⲛⲟⲩϣⲁϫⲉ ⲏ ⲟⲩϩⲱⲃ · ⲉⲁϥⲣⲟⲩⲙⲕⲁϩ ⲛϩⲏⲧ ⲉⲧⲣⲉⲩⲕⲟⲧⲟⲩ ⲉⲡⲉⲩⲛⲟⲩⲧⲉ ·
…
5 ⲟⲩⲛⲟⲩϣⲁϫⲉ ⲏ ⲟⲩϩⲱⲃ ⲉⲁϥⲣⲟⲩⲙⲕⲁϩ ⲛϩⲏⲧ · ⲛⲟⲩϣⲏⲣⲉ ⲉⲃⲟⲗ ϩⲓⲧⲛⲛⲉϥⲉⲓⲟⲧⲉ · ϫⲉⲛⲉϥϯⲧⲱⲛ ⲛⲙⲙⲁⲩ ⲡⲉ ·
…
6 ⲛⲛⲉⲡⲛⲟⲩⲧⲉ ϫⲟⲟϥ ⲉⲧⲣⲉϥⲉⲓ ⲉϩⲣⲁⲓ ⲉϫⲱⲛ · ⲡⲁⲗⲓⲛ ⲟⲛ ⲡⲉ ⲛϩⲟⲩⲟ ⲛⲁⲣⲃⲟⲗ ⲉⲣⲟϥ ⲁⲛ ·
…
7 ⲉⲧⲃⲉ ⲡⲁⲓ ⲡⲉϫⲉⲙⲏⲡⲟⲧⲉ ⲛⲧϩⲉ ⲛⲧⲁϩⲣⲉⲃⲉⲕⲕⲁ · ⲥⲡⲟⲩⲇⲁⲍⲉ ⲉⲧⲣⲉⲓⲁⲕⲱⲃ ϫⲓⲡⲉⲥⲙⲟⲩ ⲉⲃⲟⲗ ϩⲓⲧⲙⲡⲉϥⲉⲓⲱⲧ ϫⲉⲛⲉϥⲥⲱⲧⲙ ⲛⲥⲱⲟⲩ · ⲛⲧⲉⲡϣⲏⲣⲉ ⲉⲧⲛⲁⲛⲟⲩϥ ϫⲓⲡⲉⲥⲙⲟⲩ ⲉⲃⲟⲗ ϩⲓⲧⲙⲡⲛⲟⲩⲧⲉ ⲓⲏⲥⲟⲩⲥ ϫⲉϥϩⲩⲡⲟⲧⲁⲥⲥⲉ ⲛⲁϥ ⲁⲩⲱ ϥⲥⲱⲧⲙ ⲛⲥⲁⲧⲉϥⲙⲁⲁⲩ ⲧⲉⲕⲕⲗⲏⲥⲓⲁ · ⲛⲧⲉⲡϣⲏⲣⲉ ⲙⲡⲟⲛⲏⲣⲟⲥ · ⲣϣⲙⲙⲟ ⲉⲣⲟϥ · ϫⲉⲉϥϯⲧⲱⲛ ⲛⲙⲙⲁⲥ ϩⲛⲛⲉϥϩⲃⲏⲩⲉ ⲙⲡⲟⲛⲏⲣⲟⲛ ⲛⲧϩⲉ ⲛ ⲏⲥⲁⲩ .
…
8 ⲟⲩⲛϣⲏⲣⲉ ⲛϣⲣⲡ ⲙⲙⲓⲥⲉ ⲉϣⲁϥⲕⲗⲏⲣⲟⲛⲟⲙⲉⲓ ⲛⲛⲉϥⲉⲓⲟⲧⲉ ϫⲉϥⲥⲱⲧⲙ ⲛⲥⲱⲟⲩ ·
…
9 ⲁⲩⲱ ⲟⲩⲛϣⲏⲣⲉ ϣⲏⲙⲉ ϣⲁⲩϣⲟⲛϥ ⲉⲧⲉⲕⲗⲏⲣⲟⲛⲟⲙⲉⲓ ϫⲉⲟⲩⲛⲁⲧⲥⲱⲧⲙ ⲛⲥⲱⲟⲩ . ⲟⲩⲛϣⲏⲣⲉ ⲇⲉ ⲟⲛ ϣⲏⲙⲉ ϣⲁⲩⲕⲗⲏⲣⲟⲛⲟⲙⲉⲓ ⲉⲧⲃⲉ ⲧⲉⲩⲙⲛⲧⲥⲙⲛⲧ .
…
10 ⲁⲩⲱ ⲟⲩⲛⲛⲟϭ ⲛϣⲏⲣⲉ ⲉϣⲁⲩϣⲟⲟⲛⲟⲩ ⲉⲧⲉⲕⲕⲗⲏⲣⲟⲛⲟⲙⲉⲓⲁ ⲉⲧⲃⲉⲧⲉⲩⲙⲛⲧⲁⲧⲥⲱⲧⲙ
…
11 ⲛⲁⲓ ⲁⲓϫⲟⲟⲩ ⲛⲧⲉⲓϩⲉ :
…
12 ⲡⲱⲧⲛ ϩⲱⲧⲧⲏⲩⲧⲛ ⲡⲉⲕⲣⲓⲛⲉ · ϫⲉⲛⲓⲙ ⲡⲉ ⲡⲛⲟϭ ·
…
13 ⲁⲩⲱ ⲁϣ ⲡⲉ ⲡⲕⲟⲩⲓ ⲉⲃⲟⲗ ⲁⲛ ϫⲉⲉⲣⲉⲙⲡϩⲱⲃ ⲙⲟⲕϩ ⲛⲁϩⲣⲁⲓ ⲉⲧⲣⲁϫⲟⲟⲥ ϫⲉⲡⲟⲩⲏⲏⲃ ⲡⲉ ϭⲉ · ϫⲓⲛⲙⲙⲟⲛ ⲡⲗⲁⲟⲥ ⲡⲉ ·
…
14 ⲁⲗⲗⲁ ⲉⲃⲟⲗ ⲛⲧⲟϥ ϫⲉ ⲡⲣⲱⲙⲉ ⲟⲩⲱϣ ⲉⲡⲉⲓⲑⲉ ⲙⲙⲟϥ ϩⲛⲧⲉⲡⲗⲁⲛⲏ ⲙⲡⲉϥϩⲏⲧ · ⲕⲁⲛ ⲉⲩϣⲁⲛⲁⲁϥ ⲛϣⲙⲙⲟ ⲉⲧⲙⲛⲧⲣⲣⲟ ⲛⲙⲡⲏⲩⲉ · ⲛϩⲟⲩⲟ ⲉϣⲱⲡ ⲉⲣⲟϥ ⲛⲧⲙⲉ ⲛϥⲃⲱⲕ ⲉϩⲟⲩⲛ ⲉⲣⲟⲥ ·
…
15 ⲟⲩⲙⲁⲁⲩ ⲇⲉ ⲟⲛ ⲉⲣⲉⲛϣⲣⲡ ⲙⲓⲥⲉ ⲛⲛⲉⲥϣⲏⲣⲉ ϣⲟⲟⲡ ϩⲙⲡⲏⲓ ⲛⲙⲙⲁⲥ · ⲉⲧⲃⲉ ⲑⲁⲗⲡⲉⲓ ⲙⲙⲟⲥ ·
…
16 ⲁⲩⲱ ⲉⲣⲉⲛϣⲏⲣⲉ ⲉⲧⲛⲏⲩ ⲙⲛⲛⲥⲱⲟⲩ ϩⲛⲧⲥⲱϣⲉ ⲉⲧⲣⲉⲩⲣϩⲱⲃ ⲛⲥⲉⲉⲓⲛⲉ ⲛⲁⲥ ⲉϩⲟⲩⲛ · ⲁⲩⲱ ⲉⲩⲛϩⲉⲛⲁⲅⲁⲑⲟⲛ ⲛⲁϣⲱⲟⲩ ϣⲟⲟⲡ ⲛⲁⲥ ·
…
17 ⲛⲓⲙ ⲡⲉⲧⲛⲁϫⲟⲟⲥ ⲁⲛ ϫⲉⲉⲥϣⲁⲛϭⲱⲛⲧ ⲉⲛⲉⲧⲟⲩⲏϩ ⲛⲙⲙⲁⲥ · ⲉⲧⲃⲉⲛⲥⲱϣϣⲉ ⲉⲧⲟⲩⲉⲓⲣⲉ ⲙⲙⲟⲟⲩ ⲛⲙⲙⲁⲥ · ⲥⲛⲁϩⲟⲡⲟⲩ ⲉⲣⲟⲟⲩ ϣⲁⲛⲧⲉⲛⲁⲓ ⲉⲓ ⲉϩⲟⲩⲛ ⲛⲉⲥⲧⲁⲁⲩ ⲛⲁⲩ ·
…
18 ⲁⲩⲱ ⲟⲛ ⲉⲣϣⲁⲛⲛⲉⲧⲧⲏϣⲉⲉⲣ ⲛⲉⲧⲉϣϣⲉ ϩⲙⲡⲏⲓ ϯⲙⲧⲟⲛ ⲛⲁⲩ ⲥⲛⲁⲧⲁⲁⲩ ⲛⲁⲩ ·
…
19 ⲁⲩⲱ ⲉⲣϣⲁⲛⲛⲁⲓ ⲉⲓ ⲉϩⲟⲩⲛ ⲛⲁⲥ ⲉⲥⲛⲁϩⲟⲡⲟⲩ ⲉⲣⲟⲟⲩ · ϫⲉⲁⲩϯϭⲱⲛⲧ ⲛⲁⲥ ϩⲛⲛⲉⲧⲉⲥⲟⲩⲁϣⲟⲩ ⲁⲛ ⲉⲁⲁⲩ ·
…
20 ⲉⲁⲛⲉⲓⲙⲉ ϭⲉ ϫⲉⲛϣⲁϫⲉ ⲉⲧⲙⲙⲁⲁⲩ ⲧⲉⲕⲕⲗⲏⲥⲓⲁ ⲁⲩⲱ ⲛⲟⲩⲏⲏⲃ ϫⲉⲛⲟϭ ⲛ ϣⲏⲣⲉ ⲁⲩⲱ ⲛⲗⲁⲟⲥ ϫⲉⲛϣⲏⲣⲉ ϣⲏⲙ · ⲛⲧⲛⲣⲭⲣⲉⲓⲁ ⲁⲛ ⲛⲃⲱⲗ ·
…
21 ⲅⲉⲛⲟⲓⲧⲟ ⲇⲉ ⲛⲧⲉⲛϫⲓ ⲛⲟⲩⲥⲙⲟⲩ ⲉⲃⲟⲗ ϩⲓⲧⲙⲡⲛⲟⲩⲧⲉ ⲁⲩⲱ ⲛⲧⲛⲧⲙϫⲓ ⲛϩⲉⲛⲧϭⲁⲉⲓⲟ ⲙⲛϩⲉⲛⲥⲱϣ ·
…
22 ⲉϣϫⲉⲙⲛⲡⲉⲧⲛⲁⲛⲟⲩϥ · ⲁⲩⲱ ⲙⲛⲡⲉⲧⲛⲟⲧⲙ ⲛⲥⲁⲧⲣⲉϩⲉⲛⲥⲛⲏⲩ ⲟⲩⲱϩ ϩⲛⲟⲩⲙⲁ ⲉⲛⲟⲩⲱⲧ · ⲉⲩϣⲟⲟⲡ ⲣⲱ ϩⲓϫⲙⲡⲕⲁϩ ·
…
23 ⲁⲩⲱ ⲟⲩⲛϩⲉⲛⲕⲉⲙⲉⲉⲩⲉ ⲉⲩϩⲟⲟⲩ ϥⲱϭⲉ ⲉϩⲟⲩⲛ ⲉⲣⲟⲟⲩ · ⲁⲗⲗⲁ ⲛⲥⲉϣⲱⲡ ⲙⲙⲟⲟⲩ ⲉⲣⲟⲟⲩ ⲁⲛ ⲉⲓⲉⲛⲁⲛⲟⲩϥ ⲁⲩⲱ ϥϩⲟⲗϭⲉ ⲛⲟⲩⲏⲣ ⲉⲧⲣⲉⲛⲣⲙⲡϣⲁ ϩⲓⲟⲩⲥⲟⲡ ⲛⲉⲓⲟⲧⲉ ⲁⲩⲱ ⲛϣⲏⲣⲉ ⲉⲧⲣⲉⲛⲥⲱⲟⲩϩ ⲉⲡⲉⲓⲙⲁ ⲉⲛⲟⲩⲱⲧ ⲉⲧⲙⲙⲁⲩ ⲉⲧⲉⲧⲙⲛⲧⲣⲣⲟ ⲛⲙⲡⲏⲩⲉ ⲧⲉ ·
…
24 ⲡⲁⲛⲓⲙ ⲡⲉ ⲡⲉⲓⲛⲟϭ ⲛⲕⲉⲫⲁⲗⲁⲓⲟⲛ
…
25 ⲡⲁⲛⲟⲩⲏⲏⲃ ⲡⲉ ⲉⲧϩⲛⲧⲉϥⲧⲁⲝⲓⲥ ⲏ ⲡⲙⲟⲛⲁⲭⲟⲥ · ϫⲛⲙⲙⲟⲛ ⲡⲁⲡⲗⲁⲟⲥ ⲡⲉ ·
…
26 ⲛϯⲥⲟⲟⲩⲛ ⲁⲛ ⲛⲗⲁⲁⲩ · ⲛⲥⲁⲡⲉⲛⲧⲁⲡϫⲟⲉⲓⲥ ϫⲟⲟϥ · ϫⲉⲡⲁⲛⲉⲛⲧⲁⲩⲥⲃⲧⲱⲧϥ ⲛⲁⲩ ⲡⲉ ⲉⲃⲟⲗ ϩⲓⲧⲙⲡⲁⲉⲓⲱⲧ · ϩⲛⲛⲉⲩϩⲓⲥⲉ · ⲙⲛⲛⲉⲩⲡⲣⲁⲝⲓⲥ ⲉⲛⲁⲅⲁⲑⲟⲛ · ⲁⲩⲱ ϩⲛϩⲉⲛⲧⲟⲡⲟⲥ ⲁⲛ ⲛⲧⲟϥ · ⲏ ⲟⲩⲣⲁⲛ · ⲏ ⲟⲩⲥⲭⲏⲙⲁ ·
…
27 ⲛⲁⲓ ⲛⲥⲉⲛⲁϯϩⲏⲩ ⲁⲛ ⲙⲡⲣⲱⲙⲉ ⲁϫⲛⲛⲉⲡⲣⲁⲝⲓⲥ ·
…
28 ⲁⲓϫⲟⲟⲥ ⲛⲕⲁⲓⲥⲟⲡ ϫⲉⲁⲛⲧⲉⲓⲥⲟⲉⲓⲧ . ϩⲟⲓ ϫⲉⲁⲩϩⲉ ⲉϩⲣⲁⲓ ⲉϫⲙⲡⲉⲑⲏⲁⲥⲧⲏⲣⲓⲟⲛ ⲉⲧⲃⲉ ⲡϯϩⲉ · ⲁⲩⲱ ⲡⲗⲓⲃⲉ ⲙⲡⲏⲣⲡ · ⲁⲩⲱ ϫⲉⲁⲩϣⲱⲡⲉ ⲙⲙⲟⲟⲩ ⲉⲩⲣⲁϩⲧ ⲉϩⲣⲁⲓ ϩⲙⲡⲙⲁ ⲉⲧⲙⲙⲁⲩ
…
29 ϣⲗⲟϥ ⲡⲉ ϫⲟⲟⲩ ϣⲓⲡⲉ ⲡⲉ ⲥⲱⲧⲙ ⲉⲣⲟⲟⲩ ·
…
30 ϩⲉⲛⲕⲟⲟⲩⲉ ⲉⲩⲧⲁϩⲟ ⲙⲙⲟⲟⲩ ⲉⲩⲟⲩⲱⲧⲃ ⲉϩⲟⲩⲛ ⲉⲛⲏⲓ · ⲁⲩⲱ ⲛⲧⲟⲡⲟⲥ ⲛⲛⲣⲱⲙⲉ · ⲉⲩϫⲓⲟⲩⲉ ⲁⲩⲱ ⲉⲩϫⲱ ⲛϩⲉⲛⲕⲉϣⲁϫⲉ ⲉⲛⲁⲣⲅⲟⲛ · ⲙⲛϩⲉⲛⲟⲩⲁ ·
…
31 ⲉϣϫⲉⲡⲟⲩⲏⲏⲃ ⲛⲁⲣϩⲉ ⲛϩⲃⲏⲩⲉ ⲁⲛ ⲉⲩⲣⲁⲛⲁϥ ⲙⲡⲛⲟⲩⲧⲉ · ⲁⲩⲱ ⲉⲩⲥⲟⲧⲡ · ⲛⲁⲛⲟⲩⲟⲩ · ⲁⲩⲱ ⲛⲧⲉⲗⲓⲟⲛ · ⲉⲩⲟⲩⲁⲁⲃ ⲛⲓⲙ ⲡⲉⲧⲛⲁⲁⲁⲩ ·
…
32 ⲁⲗⲗⲁ ⲛⲁϣ ⲉⲛⲉⲧⲉⲓⲣⲉ ϭⲉ ⲙⲡⲉϥⲟⲩⲱϣ ϩⲛⲧⲃⲃⲟ ⲛⲓⲙ ⲁⲩⲱ ϩⲛⲙⲉ ⲛⲓⲙ · ⲉⲟⲩϣⲓⲡⲉ ⲛⲁⲛ ·
…
33 ⲛⲉⲅⲣⲁⲫⲏ ⲛⲧⲟⲟⲩ ⲡⲁⲣⲁⲅⲅⲉⲓⲗⲉ ⲉⲧⲣⲉⲡⲗⲁⲟⲥ ⲉⲓⲛⲉ ⲛⲁⲛ ⲉϩⲟⲩⲛ ⲛϩⲉⲛϩⲛⲁⲁⲩ ⲛⲁⲛⲟⲩⲟⲩ ⲉⲧⲉⲙⲛⲗⲁⲁⲩ ⲛϫⲱϩⲙ ⲛϩⲏⲧⲟⲩ ⲏ ⲧⲱⲗⲙ ·
…
34 ϩⲛⲁⲁⲩ ⲅⲁⲣ ⲛⲓⲙ ⲡⲉϫⲁϥ ⲉⲧⲥⲟⲧⲡ ⲛⲧⲉⲧⲏⲩⲧⲛ ⲛϣⲣⲡ ⲛⲅⲉⲛⲟⲓⲙⲁ ⲧⲏⲣⲟⲩ ⲉⲃⲟⲗ ϩⲛⲛⲉⲧⲁⲡⲁⲣⲭⲏ ⲧⲏⲣⲟⲩ · ⲉⲩⲛⲁϣⲱⲡⲉ ⲉⲛⲉⲛⲟⲩⲏⲏⲃ ·
…
35 ⲁⲩⲱ ⲧⲁⲡⲁⲣⲭⲏ ⲛⲛⲉⲧⲧⲛⲛⲁⲟⲩⲟⲙⲟⲩ ⲉⲧⲉⲧⲛⲉⲧⲁⲁⲥ ⲉⲛⲉⲛⲟⲩⲏⲏⲃ ⲉⲧⲣⲉⲡⲉⲥⲙⲟⲩ ⲉⲓ ⲉϩⲣⲁⲓ ⲉϫⲙⲡⲉⲕⲏⲓ ·
…
36 ⲁⲩⲱ ⲙⲛⲗⲁⲁⲩ ⲙⲡⲟⲩϫⲟⲟⲥ ⲉⲧⲃⲏⲏⲧϥ ϫⲉⲉⲩⲛⲁϫⲓ ⲉⲃⲟⲗ ⲛϩⲏⲧϥ ⲛϣⲟⲣⲡ ⲛϭⲓⲛⲟⲩⲏⲏⲃ ·
…
37 ⲧⲛⲁⲙⲉⲗⲉⲓ ⲇⲉ ϩⲱⲱⲛ ⲉⲣⲛⲉⲧⲥⲟⲩⲧⲱⲛ ·
…
38 ⲏ ⲉϣⲱⲡⲉ ⲧⲛⲛⲁⲉⲣⲃⲟⲗ ⲉⲧⲁⲡⲉⲓⲗⲏ ⲛⲛⲉⲓϣⲁϫⲉ · ϫⲉⲛⲉⲧⲃⲱⲧⲉ ⲙⲡϩⲁⲡ ⲁⲩⲱ ⲛⲉⲧⲡⲱϣⲥ ⲛⲛⲉⲧⲥⲟⲩⲧⲱⲛ ⲧⲏⲣⲟⲩ ·
…
39 ⲛⲓⲙ ⲛⲉ ⲛⲁⲓ ⲉⲣⲉⲧⲉⲓⲥⲙⲏ ϫⲱ ⲙⲙⲟⲥ ⲉⲣⲟⲟⲩ · ϫⲉⲁⲡⲛⲟⲩⲧⲉ ⲁϩⲉⲣⲁⲧϥ ϩⲛⲧⲥⲩⲛⲁⲅⲱⲅⲏ ⲉⲛⲉⲛⲛⲟⲩⲧⲉ ⲉϥϩⲛⲧⲙⲏⲧⲉ ⲇⲉ ϥⲛⲁϫⲛⲉ ⲛⲛⲟⲩⲧⲉ · ϫⲉϣⲁ ⲛⲁⲧⲉⲧⲛϫⲓ ⲛⲉ ⲙⲡϫⲓⲛϭⲟⲛⲥ ⲧⲉⲧⲛϫⲓ ⲙⲡϩⲟⲛⲉ ⲛⲣⲉϥⲣⲛⲟⲃⲉ · ⲉⲓⲙⲏⲧⲓ ⲟⲩⲟⲛ ⲛⲓⲙ ⲉⲧϩⲛ ⲙⲙⲛⲧⲛⲟϭ ⲙⲡⲛⲟⲩⲧⲉ · ⲡⲟⲩⲁ ⲡⲟⲩⲁ ⲕⲁⲧⲁⲧⲉϥⲙⲓⲛⲉ ·
…
40 ϩⲉⲛⲣⲱⲙⲉ ⲉⲩⲙⲟⲩⲧⲉ ⲉⲣⲟⲟⲩ ϭⲉ ϫⲉⲛⲟⲩⲧⲉ · ⲉϣϣⲉ ⲉⲧⲣⲉⲩⲣϩⲉⲛϩⲃⲏⲩⲉ ⲉⲩⲧⲟⲟⲙⲉ ⲉⲡⲣⲁⲛ ⲛⲙⲙⲛⲧⲛⲟϭ ⲙⲡⲉⲛⲧⲁϥϫⲟⲟⲥ ·
…
41 ϫⲉⲁⲛⲟⲕ ⲁⲓϫⲟⲟⲥ ϫⲉⲛⲧⲉⲧⲛ ϩⲉⲛⲛⲟⲩⲧⲉ ⲛⲧⲉⲧⲛ ⲛϣⲏⲣⲉ ⲙⲡⲉⲧϫⲟⲥⲉ ⲧⲏⲣⲧⲛ ⲙⲏⲡⲟⲧⲉ ⲉⲧⲃⲉ ⲧⲙⲛⲧⲣⲉϥⲕⲁⲧⲁⲫⲣⲟⲛⲉⲓ
…
42 ⲛϥϫⲟⲟⲥ ϫⲉⲉⲓⲥϩⲏⲏⲧⲉ ⲧⲉⲧⲛⲛⲁⲙⲟⲩ ⲛⲧϩⲉ ⲛⲛⲣⲱⲙⲉ ·
…
43 ⲁⲩⲱ ⲧⲉⲧⲛⲛⲁϩⲉ ⲛⲧϩⲉ ⲟⲩⲁ ⲛⲛⲁⲣⲭⲱⲛ · ⲉϥϫⲱ ⲙⲙⲟⲥ ϫⲉⲧⲉⲧⲛⲛⲁϩⲉ ⲛⲧϩⲉ ⲛⲟⲩⲁ ⲛⲛϩⲉⲗⲗⲏⲛ ⲏ ⲧⲉⲧⲛⲛⲁⲙⲟⲩ ⲛⲧϩⲉ ⲛⲛϩⲉⲗⲗⲏⲛ · ⲙⲛϩⲁⲓⲣⲉⲧⲓⲕⲟⲥ ⲛⲓⲙ ·
…
44 ⲏ ⲡⲁⲓ ⲟⲩⲟⲛϩ ⲉⲃⲟⲗ · ⲁⲛ ϩⲛⲛⲉⲅⲣⲁⲫⲏ · ϫⲉⲛⲧⲉⲣⲉϩⲁϩ ϩⲛⲛⲉⲧϩⲛⲙⲙⲛⲧⲛⲟϭ ⲙⲡⲛⲟⲩⲧⲉ ⲕⲧⲉⲡϩⲁⲡ ⲉⲩⲭⲟⲗⲏ ·
…
45 ⲁⲩⲱ ⲡⲕⲁⲣⲡⲟⲥ ⲛⲧⲇⲓⲕⲁⲓⲟⲥⲩⲛⲏ ⲉⲩⲥⲓϣⲉ · ⲁⲩϩⲉ ⲛⲧϩⲉ ⲛⲛⲁⲣⲭⲱⲛ ⲛⲛϩⲉⲑⲛⲟⲥ · ⲛⲧⲁⲡⲛⲟⲩⲧⲉ ϥⲟⲧⲟⲩ ⲉⲃⲟⲗ ⲧⲏⲣⲟⲩ ϫⲓⲛϣⲟⲣⲡ ·
…
46 ⲛⲧⲁⲥⲁⲟⲩⲗ ϯϩⲏⲩ ⲛⲟⲩ ⲙⲡⲉⲓⲟⲩⲟⲉⲓϣ ⲛⲧⲁϥⲥⲉϣϥ ⲡϣⲁϫⲉ ⲙⲡⲛⲟⲩⲧⲉ ·
…
47 ⲁϥϩⲉ ⲉⲃⲟⲗ ϩⲙⲡⲉϩⲙⲟⲧ ⲙⲡⲉⲛⲧⲁϥϯⲉⲟⲟⲩ ⲛⲁϥ ⲉⲧⲣⲉϥⲣⲣⲣⲟ · ⲁϥϩⲉ ⲟⲛ ϩⲙⲡⲉⲙⲗⲁϩ ⲛⲛⲁⲗⲗⲟⲫⲩⲗⲟⲥ ·
…
48 ⲛⲧⲁⲓϫⲉⲡⲁⲓ ⲙⲁⲩⲁⲁϥ ⲉⲩⲙⲛⲧⲙⲛⲧⲣⲉ ⲛⲛⲉⲧⲛⲥⲉⲕⲣⲓⲛⲉ ⲁⲛ ϫⲉⲁϩⲁϩ ϩⲉ ϫⲓⲛⲡⲁⲓⲱⲛ ⲙⲛⲛⲥⲁⲡⲣⲁⲛ ϫⲉⲛⲟⲩⲧⲉ ⲁⲩⲱ ϣⲏⲣⲉ ⲙⲡⲉⲧϫⲟⲥⲉ · ⲁⲩⲱ ⲙⲛⲛⲥⲁⲧⲣⲉⲩⲕⲁⲑⲓⲥⲧⲁ ⲙⲙⲟⲟⲩ ⲛⲣⲉϥϯϩⲁⲡ · ⲛⲧϩⲉ ⲙⲡⲉⲓⲡⲣⲉⲥⲃⲩⲧⲉⲣⲟⲥ ⲥⲛⲁⲩ ⲛⲧⲁⲩⲙⲟⲩ ⲛⲧϩⲉ ⲛⲛⲉⲓⲁⲧⲛⲟⲩⲧⲉ · ϫⲉⲁⲇⲁⲛⲓⲏⲗ ⲧⲁϩⲟⲟⲩ ϩⲛⲛⲉⲩϩⲃⲏⲩⲉ ⲙⲡⲟⲛⲏⲣⲟⲛ · ⲁⲩⲱ ⲛⲧϩⲉ ⲛⲁⲇⲁⲃ ⲙⲛⲁⲃⲉⲓⲟⲩⲇ ⲛⲧⲁⲩⲙⲟⲩ ⲛⲧϩⲉ ⲛⲛⲉⲧⲉⲛⲥⲉⲥⲟⲟⲩⲛ ⲁⲛ ⲙⲡⲛⲟⲩⲧⲉ ⲟⲩⲇⲉ ⲛⲉϥϩⲁⲡ ⲙⲛⲛⲉϥⲡⲣⲟⲥⲧⲁⲅⲙⲁ ⲁⲩⲱ ⲛⲧϩⲉ ⲛⲛⲉⲧϣⲙϣⲉ ⲛϩⲉⲛⲕⲉⲛⲟⲩⲧⲉ · ⲛⲁⲓ ⲉⲧⲉⲛϩⲉⲛⲛⲟⲩⲧⲉ ⲁⲛ ⲛⲉ ⲛϣⲉ · ⲙⲛⲡⲱⲛⲉ ·
…
49 ⲁⲩⲱ ϩⲁⲙⲟⲓ ⲛⲧⲉⲧⲙ ⲡⲉⲓϣⲁϫⲉ · ⲧⲱⲙⲛⲧ ⲉϩⲁϩ ⲛϩⲏⲧⲛ · ϫⲉⲛⲛⲁϫⲟⲟⲥ ϫⲉϩⲁϩ ⲛϩⲏⲧⲛ ⲁⲛ ⲁⲗⲗⲁ ⲡⲉ ⲛϩⲟⲩⲟ ·
…
50 ϫⲉⲉⲓⲥϩⲏⲏⲧⲉ ⲧⲉⲧⲛⲛⲁⲙⲟⲩ ⲛⲧϩⲉ ⲛⲛⲉⲧⲉⲛⲥⲉⲥⲟⲟⲩⲛ ⲁⲛ ⲛⲓⲏⲥⲟⲩⲥ · ⲁⲩⲱ ⲧⲉⲧⲛⲛⲁϩⲉ ⲛⲧϩⲉ ⲛⲛⲉⲧⲟⲩⲱϣⲧ ⲛⲕⲣⲟⲛⲟⲥ ·
…
51 ⲡⲉⲓⲛⲟϭ ⲛⲥⲱϣ ⲛⲧⲁⲛⲧⲱⲧ ⲛϩⲏⲧ ⲛϩⲏⲧϥ ·
…
52 ⲏ ⲛⲧⲉⲡⲉⲧⲟⲩⲱϣ ⲉⲉⲣⲡⲉⲧⲛⲁⲛⲟⲩϥ ⲛⲓⲙ ⲕⲱϩ ⲉⲣⲟⲛ ⲉϥⲛⲁⲩ ⲉⲛⲉⲛϩⲃⲏⲩⲉ ⲛⲇⲓⲕⲁⲓⲟⲥⲩⲛⲏ ⲏ ⲛⲥⲉϣⲁϫⲉ ⲉⲛⲉⲛϩⲃⲏⲩⲉ ⲙⲡⲟⲛⲏⲣⲟⲛ ·
…
53 ⲏ ⲛⲥⲉⲙⲉⲗⲉⲧⲁ ⲛⲛⲉⲛⲁⲅⲁⲡⲏ ⲉⲧϣⲟⲟⲡ ⲉϩⲟⲩⲛ ⲉⲛⲉⲛⲉⲣⲏⲩ ·
…
54 ⲏ ⲛⲧⲛϯⲥⲟⲉⲓⲧ ϩⲙⲡⲧⲃⲃⲟ · ⲙⲛⲧⲙⲛⲧⲣⲙϩⲉ ·
…
55 ⲏ ⲛⲧⲉⲧⲛϯⲥⲟⲉⲓⲧ ϩⲙⲡϫⲱϩⲙ ⲙⲛϩⲉⲛⲡⲣⲁⲝⲓⲥ ⲛⲗⲏⲥⲧⲏⲥ · ⲁⲩⲱ ϩⲉⲛϭⲟⲗ · ⲙⲛϩⲉⲛⲁⲛⲁϣ ⲛⲛⲟⲩϫ ·
…
56 ϯⲕⲉϩⲩⲡⲟⲕⲣⲓⲥⲓⲥ ⲛⲧⲉⲓⲁⲏⲥ · ⲙⲛⲡⲉⲓⲉⲟⲟⲩ ⲛⲣⲱⲙⲉ ϫⲉ · ⲟⲩⲙⲟⲛⲟⲛ ϫⲉⲧⲛⲁⲛⲉⲭⲉ ⲙⲙⲟⲟⲩ · ⲁⲗⲗⲁ ⲧⲛⲣⲡⲕⲉⲙⲓϣⲉ ⲉϫⲱⲟⲩ ⲉⲩϣⲁⲛⲧⲁϩⲟⲟⲩ ϩⲛϩⲉⲛϩⲃⲏⲩⲉ ⲛⲇⲁⲓⲙⲟⲛⲓⲟⲛ
…
57 ⲁⲙⲡⲓⲥⲧⲟⲥ ⲁⲩⲱ
…