1 ⲟⲩⲟⲣⲅⲏ ⲟⲩϭⲱⲛⲧ ⲉϫⲛⲟⲩϭⲱⲛⲧ ⲟⲩⲥⲁϩⲟⲩ ⲉϫⲛⲟⲩⲥⲁϩⲟⲩ ⲟⲩϩⲁⲡ ⲙⲛⲟⲩⲥⲛⲟϥ ⲉϫⲛⲟⲩϩⲁⲡ ⲙⲛⲟⲩⲥⲛⲟϥ ⲉϩⲣⲁⲓ ⲉϫⲛⲧⲁⲡⲉ ⲛⲛⲉⲧⲉⲓⲣⲉ ⲏ ⲛⲉⲧⲛⲁⲉⲓⲣⲉ ⲛⲛⲓϩⲃⲏⲩⲉ ⲙⲡⲟⲛⲏⲣⲟⲛ ϩⲣⲁⲓ ⲛϩⲏⲧⲛ ⲛⲟⲩⲟⲉⲓϣ ⲛⲓⲙ
…
2 ⲛⲧϩⲉ ⲟⲛ ⲉⲧⲉⲟⲩⲛⲁ ⲉϫⲛⲟⲩⲛⲁ ⲟⲩⲥⲙⲟⲩ ⲉϫⲛⲟⲩⲥⲙⲟⲩ ⲟⲩⲭⲁⲣⲓⲥ ⲉϫⲛⲟⲩⲭⲁⲣⲓⲥ ⲟⲩϭⲟⲙ ⲉϫⲛⲟⲩⲙⲛⲧϫⲱⲱⲣⲉ ⲉϫⲛⲧⲁⲡⲉ ⲛⲛⲉⲧⲉⲓⲣⲉ ⲏ ⲛⲉⲧⲛⲁⲉⲓⲣⲉ ⲛϩⲉⲛⲙⲛⲧⲙⲉ ϩⲣⲁⲓ ⲛϩⲏⲧⲛ ⲛⲟⲩⲟⲉⲓϣ ⲛⲓⲙ .
…
3 ⲏ ⲟⲩ ⲡⲁⲣⲁⲡϣⲓ ⲛⲟⲩ ⲛⲧⲟϥ ⲡⲉ ⲡⲉⲓϣⲁϫⲉ ϫⲉⲧⲱⲱⲃⲉ ⲏ ϫⲉϫⲓⲕⲃⲁ ⲉϩⲟⲩⲉ ϩⲁϩ ⲛϣⲁϫⲉ ⲛⲧⲉⲓϩⲉ ⲉⲁⲓϫⲟⲟⲩ ϩⲙⲡⲁⲙⲕⲁϩ ⲛϩⲏⲧ
…
4 ⲉⲛⲧⲁⲓ ϫⲟⲟϥ ⲉⲧⲉⲧⲛⲥⲱⲧⲙ ⲛⲉⲥⲛⲏⲩ ϩⲙⲡⲙⲁ ⲛⲧⲁⲛϩⲙⲟⲟⲥ ⲙⲙⲁⲩ ϩⲓⲡⲧⲟⲟⲩ ⲡⲃⲟⲗ ⲛⲧⲥⲩⲛⲁⲅⲱⲅⲏ ⲉⲛϩⲏⲛ ⲉϩⲟⲩⲛ ⲉⲧⲡⲉⲧⲣⲁ ⲏ ⲧⲥⲓⲃⲧ
…
5 ϫⲉⲛⲧⲁⲓⲧⲛⲛⲟⲟⲩ ⲛⲥⲱⲧⲛ ⲟⲛ ⲙⲡϩⲟⲟⲩ ⲉⲧⲣⲉⲧⲉⲧⲛⲉⲓⲙⲉ ϫⲉⲡⲙⲕⲁϩ ⲛϩⲏⲧ ⲥⲁϣⲉ ⲛⲧϩⲉ ⲉⲛⲧⲁⲧⲉⲧⲛⲛⲁⲩ ⲉⲡⲉϥⲥⲓϣⲉ ⲉϥⲣϩⲟⲩⲟ ϩⲙⲡⲕⲱⲧⲉ ⲙⲡⲙⲁ ⲛⲧⲁⲓϫⲟⲟⲥ ⲛⲏⲧⲛ ⲉⲧⲃⲏⲏⲧϥ ϫⲉⲉⲛⲧⲁⲡⲛⲟⲩⲧⲉ ϣⲁϫⲉ ⲁⲛ ⲛⲙⲙⲁⲓ ϫⲉⲛⲛⲉⲟⲩⲁ ⲙⲉⲉⲩⲉ ⲟⲛ ⲉϩⲟⲩⲟ ⲉⲧϩⲉ ⲉⲧϥⲥⲱⲧⲙ ⲉⲣⲟⲓ ⲙⲙⲟⲥ
…
6 ⲁⲗⲗⲁ ϫⲉⲡⲙⲁ ⲡⲉ ⲡⲁⲓ ⲛⲧⲁⲩⲕⲱ ⲛⲟⲩϫⲣⲟⲡ ϩⲁⲣⲁⲧ ⲉⲧⲛⲕⲁⲁⲧ ⲉⲉⲓ ⲛⲏⲧⲛ ⲉϩⲟⲩⲛ ϩⲙⲡⲉϩⲟⲟⲩ ⲉⲛⲧⲁⲓϫⲟⲟⲥ ⲛⲏⲧⲛ ϫⲉⲁϣ ⲡⲉ ⲁⲩⲱ ϫⲉϣⲁϩⲟⲩⲛ ⲉⲧⲉⲛⲟⲩ ⲛⲱⲛⲉ ⲛϫⲣⲟⲛ ϩⲓⲧⲉϩⲓⲏ
…
7 ⲁⲩⲱ ϩⲙⲡⲁⲓ ⲉⲛⲧⲁⲓϫⲟⲟⲥ ϫⲉⲛⲧϩⲉ ⲉⲧⲉⲙⲡⲓⲥⲱⲟⲩϩ ⲉϩⲟⲩⲛ ⲛⲙⲙⲏⲧⲛ ϩⲛⲟⲩⲥⲟⲟⲩⲧⲛ ⲏ ⲟⲩⲧⲱⲧ ⲛϩⲏⲧ ⲉϣⲗⲏⲗ ⲏ ⲛⲧⲟϥ ⲉⲙⲉϣⲧⲟⲩϣⲁϫⲉ ⲛⲧⲉⲡⲛⲟⲩⲧⲉ ⲉⲓⲥϩⲟⲩⲟ ⲉⲥⲁϣϥ ⲛⲉⲃⲟⲧ ⲛϯⲛⲁⲥⲱⲟⲩϩ ⲁⲛ ⲟⲛ ⲧⲉⲛⲟⲩ .
…
8 ⲉⲧⲃⲉⲟⲩ ϩⲱⲱϥ .
…
9 ⲙⲏ ⲉⲃⲟⲗ ⲁⲛ ϫⲉϯⲁⲡⲥ ⲛⲣⲱⲙⲉ ⲛⲧⲁⲡⲛⲟⲩⲧⲉ ⲁⲁⲩ ⲛϣⲙⲙⲟ ⲉⲣⲟⲛ ϩⲛⲉⲃⲟⲧ ⲥⲛⲁⲩ ⲉⲧⲃⲉ ⲛⲓϩⲃⲏⲩⲉ ⲛⲗⲟⲓⲙⲟⲥ ⲉⲧⲉⲙⲡⲉⲛⲥⲁϩⲱⲛ ⲉⲃⲟⲗ ⲙⲙⲟⲟⲩ ⲉⲧⲙⲁⲁⲩ ϣⲁϩⲟⲩⲛ ⲉⲧⲉⲛⲟⲩ ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ .
…
10 ⲛⲁϣ ⲛϩⲉ ⲉⲩⲥⲓϣⲉ ⲁⲛ ⲡⲉ
…
11 ⲡⲉⲙⲕⲁϩ ⲛϩⲏⲧ ⲉⲣⲉⲛⲉϥϩⲃⲏⲩⲉ ⲛⲥⲓϣⲉ ⲣⲙⲛⲧⲣⲉ ϩⲁⲣⲟϥ ⲏ ⲉⲩⲧⲏϩ ⲛⲙⲙⲁϥ ⲛⲧϩⲉ ⲛⲟⲩⲛⲕⲁ ⲉϥϩⲟⲗϭ ⲉⲁⲩⲥⲓϣⲉ ⲉϥⲟϣ ⲉϥⲧⲏϩ ⲛⲙⲙⲁϥ ϥⲓ ⲙⲙⲁⲩ ⲙⲡⲉϩⲗⲟϭ ⲉⲧⲛϩⲏⲧϥ
…
12 ⲛⲧϩⲉ ⲛⲧⲁⲛⲡⲱϩ ⲛⲛⲓϣⲧⲏⲛ ⲉⲁⲛⲥⲱⲗⲡ ⲛⲛⲁⲛⲥⲱⲛⲏ ⲛⲛⲉⲛⲧⲁⲩⲣⲛⲟⲃⲉ ϩⲣⲁⲓ ⲛϩⲏⲧⲛ ⲛⲧϩⲉ ⲛϩⲉⲛⲙⲁⲧⲟⲓ ϫⲉⲁⲩⲣⲛⲟⲃⲉ ⲉⲡⲉⲩⲣⲣⲟ ⲓⲏⲥⲟⲩⲥ
…
13 ⲁⲛⲡⲱⲧ ⲛⲥⲱⲟⲩ ⲁⲛϫⲟⲟⲩⲥⲟⲩ ⲉⲃⲟⲗ ⲛϩⲏⲧⲛ ⲉⲛⲉⲛⲥⲛⲏⲩ ⲛⲉ ⲉⲛⲉⲛϣⲏⲣⲉ ⲛⲉ ⲉⲛⲉⲛϣⲃⲣϩⲙϩⲁⲗ ⲛⲉ ⲉⲛⲉⲛϣⲃⲣⲙⲁⲧⲟⲓ ⲛⲉ ⲙⲡⲓϫⲟⲉⲓⲥ ⲛⲟⲩⲱⲧ ⲡⲛⲟⲩⲧⲉ ⲡⲣⲣⲟ ⲡⲡⲁⲛⲧⲟⲕⲣⲁⲧⲱⲣ .
…
14 ⲱ ⲡⲓⲛⲟϭ ⲛϩⲏⲃⲉ
…
15 ⲉⲃⲟⲗ ϫⲉⲉϣϫⲉ ⲟⲩⲙⲕⲁϩ ⲛϩⲏⲧ ⲡⲉ ϫⲉⲁⲡⲛⲟⲩⲧⲉ ⲛⲟⲩϫⲉ ⲉⲃⲟⲗ ϩⲛⲛⲉϥⲥⲩⲛⲁⲅⲱⲅⲏ ⲛⲛⲉⲛⲧⲁⲩⲧⲁϩⲟⲟⲩ ⲉⲩⲉⲓⲣⲉ ⲛϩⲉⲛⲃⲟⲧⲉ ϩⲣⲁⲓ ⲛϩⲏⲧⲛ ⲛⲥⲉⲛⲁϣⲱⲱⲧ ⲣⲱ ⲁⲛ ⲙⲡⲟⲉⲓⲕ ⲙⲛⲡⲙⲟⲟⲩ ϩⲙⲡⲙⲁ ⲉⲛⲧⲁⲡⲟⲩⲁ ⲡⲟⲩⲁ ⲟⲩⲉϣⲃⲱⲕ ⲉⲣⲟϥ
…
16 ⲉⲓⲉ ⲟⲩⲙⲕⲁϩ ⲛϩⲏⲧ ⲛⲟⲩⲏⲣ ⲡⲉ ϩⲙⲡⲙⲁ ⲉⲧⲛⲛⲁⲃⲱⲕ ⲙⲙⲁⲩ ⲉⲛⲛⲁⲩ ⲉⲛⲉⲧⲛⲁⲙⲟⲩ ϩⲛⲛⲉⲩϩⲃⲏⲩⲉ ⲛⲕⲣⲟϥ ⲉⲧⲟⲩⲉⲓⲣⲉ ⲙⲙⲟⲟⲩ ⲛϩⲱⲡ ϩⲣⲁⲓ ϩⲛⲛⲓⲥⲩⲛⲁⲅⲱⲅⲏ ⲉⲩⲛⲟⲩϫⲉ ⲙⲙⲟⲟⲩ ⲉⲃⲟⲗ ϩⲛⲙⲙⲁ ⲛⲙⲧⲟⲛ ⲉⲧϩⲛⲧⲙⲛⲧⲣⲣⲟ ⲛⲙⲡⲏⲩⲉ ⲉϩⲣⲁⲓ ⲉⲡⲕⲱϩⲧ ⲉⲧⲉⲙⲉϥⲱϣⲙ ⲡⲙⲁ ⲉⲧⲉⲙⲛⲙⲟⲟⲩ ⲉⲙⲛⲟⲉⲓⲕ ⲛϩⲏⲧϥ ⲉⲙⲛⲗⲁⲁⲩ ⲙⲙⲟⲧⲛⲉⲥ ⲛϩⲏⲧϥ .
…
17 ⲥⲱⲧⲙ ⲉⲡⲉⲓϣⲁϫⲉ ⲛⲧⲛϯϩⲧⲏⲛ ⲉⲣⲟϥ
…
18 ⲛⲉⲧⲙⲟⲩ ⲟⲛ ⲏ ⲛⲉⲧⲛⲁⲙⲟⲩ ϩⲣⲁⲓ ⲛϩⲏⲧⲛ ⲛⲉⲧⲛⲛⲁϫⲟⲟⲥ ⲉⲣⲟⲟⲩ ⲧⲏⲣⲟⲩ
…
19 ϫⲉϩⲉⲛⲇⲓⲕⲁⲓⲟⲥ ⲛⲉ ⲏ ϫⲉϩⲉⲛⲡⲁⲣⲑⲉⲛⲟⲥ ⲛⲉ ⲏ ϫⲉⲁⲩⲃⲱⲕ ⲉϩⲟⲩⲛ ⲉⲡⲱⲛϩ ⲏ ϫⲉⲁⲩϫⲓ ⲙⲡⲉⲕⲗⲟⲙ .
…