1 ⲛⲧϩⲉ ⲟⲛ ⲉⲧⲉⲙⲡⲓϫⲟⲟⲥ ⲛⲉ ϫⲉⲛⲓⲙ
…
2 ⲛⲉ ⲏ ϫⲉⲟⲩ ⲛⲉ ⲛⲕⲟⲟⲩⲉ ⲧⲏⲣⲟⲩ ⲉⲧⲥⲏϩ ϩⲛⲛⲉⲡⲓⲥⲧⲟⲗⲏ ⲧⲏⲣⲟⲩ .
…
3 ⲁⲩⲱ ⲙⲉϣⲁⲕ ⲣⲱ ⲡⲓⲛⲉ ⲡⲉ ⲡⲁⲓ ⲛⲙⲙⲣⲣⲉ ⲛⲕⲁⲕⲉ ⲉⲛⲧⲁⲡⲛⲟⲩⲧⲉ ⲥⲛϩ ⲛⲁⲅⲅⲉⲗⲟⲥ ⲛϩⲏⲧⲟⲩ ⲉⲛⲧⲁⲩⲕⲱ ⲛⲥⲱⲟⲩ ⲛⲧⲉⲩⲁⲣⲭⲏ ⲁϥⲛⲟϫⲟⲩ ⲉϩⲣⲁⲓ ⲉⲁⲙⲛⲧⲉ ⲉⲁϥⲟⲩⲟⲛϩϥ ⲉⲃⲟⲗ ϩⲛϩⲉⲛⲙⲟϫϩ ⲙⲛϩⲉⲛⲫⲁⲥⲕⲓⲁ ⲉⲩⲙⲏⲣ ⲛϩⲏⲧϥ ⲏ ⲉⲩⲟⲧⲡ ⲉϩⲟⲩⲛ ⲉⲣⲟϥ ϩⲛϩⲉⲛⲥⲛⲁⲩϩ ⲙⲛⲟⲩϩⲧⲟⲙⲧⲙ ⲛⲧϩⲉ ⲛⲛⲉⲛⲧⲁⲩⲧⲁⲁⲥ ⲛⲥⲟⲇⲟⲙⲁ ⲙⲛⲅⲟⲙⲟⲣⲣⲁ
…
4 ⲁⲩⲱ ⲙⲉϣⲁⲕ ⲟⲛ ⲡⲓⲛⲉ ⲡⲉ ⲡⲁⲓ ⲙⲡⲉⲛⲧⲁϥϫⲟⲟϥ ϫⲉϯⲛⲁⲥⲟⲟⲩⲧⲛ ⲙⲡⲁⲧⲟⲟⲩⲉ ⲉⲃⲟⲗ ⲉϫⲛϯⲓⲇⲟⲩⲙⲁⲓⲁ ⲁϥⲟⲩⲟⲛϩϥ ⲉⲃⲟⲗ ϩⲛϩⲉⲛⲁⲛⲍⲱⲛⲏ ⲙⲛϩⲉⲛⲫⲁⲥⲕⲓⲁ ⲉϥϩⲱⲙ ⲉϫⲱⲟⲩ
…
5 ⲉⲧⲃⲉⲡⲁⲓ ⲣⲱ ⲁⲓϫⲟⲟⲥ ⲛⲏⲧⲛ ⲛⲉⲥⲛⲏⲩ ϩⲙⲡⲏⲓ ⲙⲡⲛⲟⲩⲧⲉ ϩⲓⲧϩⲏ ⲙⲡⲉⲑⲩⲥⲓⲁⲥⲧⲏⲣⲓⲟⲛ ϩⲙⲡⲉϩⲟⲟⲩ ⲉⲛⲧⲁⲛⲉⲓⲣⲉ ⲛϩⲏⲧϥ ⲛϩⲉⲛϩⲃⲏⲩⲉ ⲛⲥⲓϣⲉ
…
6 ϫⲉϩⲱ ⲉⲣⲱⲧⲛ ⲉⲧⲉⲧⲛⲣⲓⲙⲉ ϩⲱ ⲉⲣⲱⲧⲛ ⲏ ϫⲉⲁⲧⲉⲧⲛⲣⲓⲙⲉ ⲏ ϫⲉⲙⲡⲉⲧⲛⲣⲓⲙⲉ ⲁ ⲧⲥⲏϥⲉ ⲟⲩⲱ ⲉⲥϯϩⲉ ϩⲛⲧⲡⲉ ⲉⲥϫⲏⲣ ⲁⲩⲱ ⲉⲥⲧⲁⲁⲧⲉ ϩⲛⲛϭⲓϫ ⲙⲡⲉⲛⲧⲁϥⲧⲁⲁⲥ ⲉⲧⲟⲟⲧϥ ⲉⲧⲥⲃⲧⲱⲧ ⲉⲕⲱⲛⲥ ⲥⲛⲁⲕⲧⲟⲥ ⲛⲥⲉⲓ ⲉϫⲛϯⲓⲇⲟⲩⲙⲁⲓⲁ ⲧⲉⲛⲧⲁⲓϫⲟⲟⲥ ⲛⲏⲧⲛ ⲉⲧⲃⲏⲏⲧⲉ ϩⲛⲕⲉⲉⲡⲓⲥⲧⲟⲗⲏ
…
7 ⲙⲡⲟⲩⲡⲓⲥⲧⲉⲩⲉ ⲇⲉ ⲛϭⲓⲛⲉⲧⲟⲩⲏϩ ⲛϩⲏⲧⲥ ϣⲁⲛⲧⲉ ⲧⲥⲏϥⲉ ⲉⲓ ⲛⲥⲧⲁⲕⲟⲟⲩ ϫⲉⲙⲡⲟⲩϩⲟⲣⲟⲩ ⲉⲣⲟⲟⲩ ϩⲙⲡⲧⲣⲉⲩⲥⲱⲧⲙ ⲉⲡⲉϩⲣⲟⲟⲩ ⲛⲧⲥⲁⲗⲡⲓⲅⲝ ⲛⲧϩⲉ ⲉⲧⲉⲣⲉ ⲡⲉ ⲡⲣⲟⲫⲏⲧⲏⲥ
…
8 ϫⲱ ⲙⲙⲟⲥ ⲟⲩⲇⲉ ⲙⲡⲟⲩⲛϩⲉⲧ ⲡⲉⲛⲧⲁϥⲣϣⲣⲡ ⲧⲁⲙⲟⲟⲩ
…
9 ϫⲉⲙⲡⲣⲧⲣⲉ ⲛⲉⲧϣⲟⲟⲡ ϩⲛϯⲟⲩⲇⲁⲓⲁ ⲣⲁϣⲉ
…
10 ⲉϥϭⲱϣⲧ ⲅⲁⲣ ⲉⲡⲟⲩⲉ ⲛϭⲓⲡⲉⲧⲉⲛⲥⲉⲥⲟⲩⲛ ⲙⲙⲟϥ ⲁⲛ ϫⲉⲛⲓⲙ ⲡⲉ ⲉϥⲥⲃⲧⲱⲧ ⲉϩⲱⲙ ⲙⲡⲉϥⲧⲟⲟⲩⲉ ⲉϫⲛⲛⲉⲧϩⲛϯⲇⲟⲩⲙⲁⲓⲁ ⲙⲛⲛⲉⲧⲁⲡⲁⲧⲁ ϩⲛⲧⲉⲥⲙⲏⲧⲉ ϩⲛϩⲉⲛϩⲏⲇⲟⲛⲏ ⲉⲩⲥⲟⲟϥ
…
11 ⲙⲏ ⲣⲱⲙⲉ ⲛⲓⲙ ⲥⲟ .
…