1 ⲥⲓⲛⲟⲩⲑⲓⲟⲩ
…
2 ϯⲙⲟⲕⲙⲉⲕ ⲙⲙⲟⲓ ⲉⲓⲥ ϩⲉⲛⲣⲟⲙⲡⲉ ⲉⲧⲙⲧⲣⲉⲣⲱⲙⲉ ϭⲛϣⲁϫⲉ ⲉϫⲱ ⲕⲁⲧⲁⲗⲁⲁⲩ ⲛⲥⲙⲟⲧ
…
3 ϯⲉⲓⲙⲉ ⲅⲁⲣ ϫⲉⲙⲛⲙⲛⲧⲙⲉ ⲛⲁϣⲱⲡⲉ ⲛⲣⲱⲙⲉ ⲭⲱⲣⲓⲥ ϣⲓ ⲙⲙⲉ ⲙⲁⲗⲓⲥⲧⲁ ⲙⲏⲏϣⲉ ⲉⲙⲛⲡⲉⲧⲣϩⲙⲙⲉ ⲙⲙⲟⲟⲩ ϩⲛⲟⲩϣⲱϣ
…
4 ⲥⲉⲛⲁⲣⲧϩⲉ ⲛⲟⲩϫⲟⲉⲓ ⲉϥⲟ ⲛϭⲱⲧϩ ϭⲱⲧϩ ⲉⲛⲅⲛⲁϣⲛϩⲉⲧⲡⲉϥⲥϭⲏⲣ ⲁⲛ ϫⲓⲛⲡⲓⲕⲣⲟ ⲉⲡⲉⲓⲕⲣⲟ ⲛⲧⲑⲁⲗⲁⲥⲥⲁ ϫⲉⲛⲛⲁϫⲟⲟⲥ ϫⲉⲡⲉⲥⲡⲉⲗⲁⲅⲟⲥ .
…
5 ϩⲟⲓⲛⲉ ⲉⲩϫⲓϭⲟⲗ ⲉⲧⲃⲉϩⲉⲛⲭⲣⲓⲁ ⲛⲥⲱⲙⲁⲧⲓⲕⲟⲛ ϩⲉⲛⲕⲟⲟⲩⲉ ⲉⲩⲕⲣⲙⲣⲙ ⲉⲧⲃⲉⲛⲉⲓⲁⲫⲟⲣⲙⲏ ⲛⲛⲟⲩⲱⲧ ϩⲟⲓⲛⲉ ⲉⲩⲟⲩⲉϣϫⲓⲟⲩⲉ ⲏ ⲣⲱ ⲉⲩϫⲓⲟⲩⲉ ϩⲉⲛⲕⲟⲟⲩⲉ ⲉⲩϭⲛⲁⲣⲓⲕⲉ
…
6 ϩⲟⲓⲛⲉ ϩⲛϩⲉⲛⲙⲛⲧⲛⲟⲩϫ ϩⲉⲛⲕⲟⲟⲩⲉ ϩⲛⲟⲩϩⲏⲧ ⲛϣⲙⲙⲟ ϩⲟⲓⲛⲉ ⲉⲩⲟⲩⲉϣⲟⲩϩⲛⲟ ⲙⲁⲩⲁⲁⲩ ϩⲉⲛⲕⲟⲟⲩⲉ ⲉⲩⲟⲩⲉϣ ϫⲉⲙⲡⲉⲩⲙⲧⲟⲛ ⲙⲙⲓⲛⲙⲙⲟⲟⲩ ⲉⲓⲧⲉ ⲉⲩϣⲱⲛⲉ ⲉⲓⲧⲉ ⲉⲩⲙⲟⲧⲛ ⲉⲃⲟⲗ ϫⲉⲡⲁⲓ ⲡⲉⲧϣⲟⲟⲡ ⲛϩⲁϩ ⲛⲗⲁⲟⲥ ⲉⲩϫⲱ ⲙⲙⲟⲥ ϫⲉⲉⲩⲟ ⲛⲕⲟⲓⲛⲱⲛⲓⲁ ⲙⲛⲛⲉⲩⲉⲣⲏⲩ ⲛⲥⲉⲟ ⲁⲛ ϩⲛⲟⲩⲥⲟⲟⲩⲧⲛ .
…
7 ⲙⲛⲣⲱⲙⲉ ⲉϥⲟ ⲛⲕⲟⲓⲛⲱⲛⲓⲁ ϩⲛⲟⲩⲙⲉ ⲛⲁⲣⲡⲉⲩⲙⲧⲟⲛ ⲙⲁⲩⲁⲁⲧⲟⲩ ⲉⲛⲉϩ ⲛⲥⲉⲕⲁⲛⲉⲧⲟⲩⲟ ⲛⲕⲟⲓⲛⲱⲛⲓⲁ ⲛⲓⲙ ⲛⲙⲙⲁⲩ .
…
8 ⲧⲕⲟⲓⲛⲱⲛⲓⲁ ⲉⲧϫⲏⲕ ⲉⲃⲟⲗ ⲡⲉ ϣⲱⲡⲉ ϩⲙⲡⲉⲓϣⲱϣ ⲛⲟⲩⲱⲧ ⲁⲩⲱ ⲟⲩⲟⲓ ⲛⲛⲉⲧⲟⲩⲏϩ ϩⲛⲛⲓⲧⲟⲡⲟⲥ ⲛⲟⲩⲟⲉⲓϣ ⲛⲓⲙ ⲉⲩϣⲁⲛϣⲱⲡⲉ ϩⲛϩⲉⲛⲕⲉⲥⲙⲟⲧ ⲙⲙⲛⲧⲣⲉϥϫⲓϩⲟ .
…
9 ⲉⲧⲃⲉⲡⲁⲓ ϯⲧⲱϣ ⲉⲧⲣⲉⲡⲉⲓϣⲟⲙⲛⲧ ⲛⲉⲓⲇⲟⲥ ϭⲱ ϩⲛⲛⲓⲧⲟⲡⲟⲥ ⲉⲧⲃⲉⲛⲉⲧϣⲱⲛⲉ ϩⲣⲁⲓ ⲛϩⲏⲧⲛ ⲛⲟⲩⲟⲉⲓϣ ⲛⲓⲙ ⲡϫⲓⲣ ⲛⲧⲃⲧ ⲡϩⲁⲗⲱⲙ ⲛⲧϩⲉ ⲉⲧⲟⲩⲟⲩⲁϣϥ ⲙⲙⲟⲥ ⲉⲓⲧⲉ ⲉϥϣⲟⲟⲩⲉ ⲏ ⲉϥⲙⲟⲗϩ ⲁⲩⲱ ⲧⲥⲟⲟⲩϩⲉ ⲉⲓⲧⲉ ⲉⲥⲙⲟⲗϩ ⲉⲓⲧⲉ ⲉⲩⲟⲩⲉϣⲧⲉⲕⲥ ⲉⲩⲟⲩⲟⲟⲧⲉ ⲉϥⲡⲟⲥⲉ ⲏ ⲛⲧϩⲉ ⲉⲧⲟⲩⲟⲩⲁϣⲥ ⲙⲙⲟⲥ .
…
10 ⲙⲟⲛⲟⲛ ⲛⲛⲉⲣⲱⲙⲉ ⲟⲩⲱⲙ ϩⲛⲟ ⲛⲧⲉⲓϩⲉ ϩⲣⲁⲓ ⲛϩⲏⲧⲛ ⲛⲟⲩⲟⲉⲓϣ ⲛⲓⲙ ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ ⲭⲱⲣⲓⲥ ⲛⲉⲧϣⲱⲛⲉ ⲛⲁⲙⲉ ⲉⲁⲩⲉⲓⲙⲉ ⲉⲣⲟⲟⲩ ϩⲓⲧⲙⲛⲉⲥⲛⲏⲩ ⲧⲏⲣⲟⲩ ⲙⲡⲓⲥⲧⲟⲥ ⲛϩⲟⲩⲟ ⲇⲉ ⲛⲉⲓⲟⲧⲉ ⲛⲛⲉⲓⲧⲟⲡⲟⲥ ⲛⲟⲩⲟⲉⲓϣ ⲛⲓⲙ ⲛⲁⲓ ⲉⲧⲛⲁϯⲗⲟⲅⲟⲥ ⲙⲡⲛⲟⲩⲧⲉ ϩⲁⲛⲉⲧⲥⲟⲟⲩϩ ⲛϩⲏⲧⲟⲩ .
…
11 ⲛⲛⲉⲣⲱⲙⲉ ⲟⲩⲱⲙ ϩⲛⲟ ⲛⲧⲉⲓϩⲉ ϩⲛⲗⲁⲁⲩ ⲙⲙⲁ ⲉⲓⲙⲏⲧⲓ ⲉⲡⲙⲁ ⲛⲛⲣⲱⲙⲉ ⲉⲧϣⲱⲛⲉ ⲙⲁⲩⲁⲁⲧⲟⲩ ⲉϣⲁⲩϣⲓⲛⲉ ⲛⲥⲁⲡⲗⲉⲯⲉ ⲛⲏⲣⲡ
…
12 ⲉⲩⲛⲁϣⲓⲛⲉ ⲟⲛ ⲛⲥⲁⲛⲉⲓⲕⲟⲟⲩⲉ ⲁⲩⲱ ⲉⲩⲛⲁϣⲱⲡⲉ ⲟⲛ ϩⲙⲡⲙⲁ ⲛⲧⲇⲓⲁⲕⲟⲛⲓⲁ ⲉⲧⲣⲉⲡⲉⲧⲁⲣⲭⲉⲓ ⲏ ⲡⲉⲧⲛⲁⲁⲣⲭⲉⲓ ⲉϫⲛⲛⲉⲓⲧⲟⲡⲟⲥ ⲛⲟⲩⲟⲉⲓϣ ⲛⲓⲙ ϯ ⲛⲁⲩ ⲛⲧⲉⲩⲭⲣⲉⲓⲁ ϩⲙⲡⲧⲣⲉⲩⲛⲁⲩ ⲉⲧⲙⲓⲛⲉ ⲙⲡⲣⲱⲙⲉ ⲙⲛⲡⲉϥϣⲱⲛⲉ ϩⲓⲧⲛϣⲟⲙⲛⲧ ⲁⲩⲱ ⲙⲏⲧ ⲛⲣⲱⲙⲉ ϩⲣⲁⲓ ⲛϩⲏⲧⲛ ⲛⲟⲩⲟⲉⲓϣ ⲛⲓⲙ ⲉⲩⲟ ⲙⲙⲛⲧⲣⲉ ⲉⲛⲉⲛⲧⲁⲩⲉⲓ ⲉϩⲣⲁⲓ ⲉⲛⲉⲓⲭⲣⲉⲓⲁ ⲛⲧⲉⲓϩⲉ ⲉⲩⲛⲁⲧⲁⲁⲩ ⲛⲁⲩ ϩⲙⲡϣⲓ ⲙⲙⲉ ϩⲛⲧϩⲟⲧⲉ
…
13 ⲙⲡⲉⲧⲧⲛⲛⲏⲩ ⲧⲏⲣⲛ ⲉϩⲣⲁⲓ ⲉⲛⲉϥϭⲓϫ ϩⲙⲡⲥⲟⲡ ⲉⲧⲉⲙⲛⲣⲱⲙⲉ ⲛⲁϣⲙⲉⲉⲩⲉ ⲉϩⲉⲛⲛⲕⲟⲧⲕ ⲉⲓⲧⲉ ϩⲟⲟⲩⲧ ⲉⲥϩⲓⲙⲉ ϩⲣⲁⲓ ϩⲛⲛⲉⲓⲥⲩⲛⲁⲅⲱⲅⲏ .
…