1 ⲧϩⲉ ⲉⲧⲟⲩⲟ ⲙⲙⲟⲥ ϩⲱⲥ ⲧⲃⲛⲏ ⲛⲁⲧⲙⲉ ·
…
2 ⲁⲗⲗⲁ ⲡϫⲟⲉⲓⲥ ⲛϣⲛϩⲧⲏϥ ⲙⲛⲁⲏⲧ ⲉϥⲉⲣⲟⲩⲛⲁ ·
…
3 ⲙⲛⲟⲩⲟⲛ ⲛⲓⲙ ⲉⲛⲧⲁⲩⲃⲱⲕ ⲉⲣⲁⲧϥ ⲉⲧⲡⲓⲥⲧⲉⲩⲉ ⲉⲣⲟϥ ϫⲉⲁⲩⲧⲁⲩⲉ ⲡⲉϥⲣⲁⲛ ⲉⲛⲉϩ ·
…
4 ⲁⲩⲱ ⲁⲩⲣ ⲟⲩ ⲛⲉⲧⲛⲁⲛⲟⲩϥ ⲉⲡⲉϥⲣⲁⲛ ⲙⲡⲉϥⲙⲧⲟ ⲉⲃⲟⲗ ⲛⲟⲩϩⲟⲟⲩ ·
…
5 ⲁⲩⲱ ⲇⲉ ϩⲉⲛⲁⲧⲥⲟⲟⲩⲛ ⲛⲉ ·
…
6 ⲙⲡⲟⲩⲙⲉ ⲉⲡⲟⲩⲱϣ ⲙⲡϫⲟⲉⲓⲥ ·
…
7 ⲉⲧⲃⲉⲡⲁⲓ ⲁⲣⲏⲩ ⲣⲱ ⲛⲧⲉⲛϣⲁϫⲉ ⲉⲧⲥⲏϩ ϫⲱ ⲉⲃⲟⲗ ⲉϩⲣⲁⲓ ⲉϫⲱⲟⲩ ·
…
8 ⲉⲧⲣⲉⲩϫⲓ ⲛϩⲉⲛⲕⲟⲩⲓ ⲛⲧⲓⲙⲱⲣⲓⲁ ⲉⲃⲟⲗ ϩⲓⲧⲙⲡϫⲟⲉⲓⲥ ϩⲱⲥ ϩⲙϩⲁⲗ ⲛⲁⲧⲥⲟⲟⲩⲛ ⲁⲩⲱ ⲛϥⲛⲁⲛⲁⲩ ⲛϭⲓⲡⲁⲕⲗⲟⲟⲥ ϫⲉϩⲉⲛⲃⲗⲗⲉ ⲛⲉ ·
…
9 ⲛⲧⲱⲧⲛ ⲇⲉ ⲛⲉⲧⲣⲛⲟⲃⲉ ⲏ ⲛⲉⲧⲛⲁⲣⲛⲟⲃⲉ ⲉϩⲣⲁⲓ ⲛϩⲏⲧⲛ ϩⲛⲟⲩϩⲱⲛ · ⲉⲣⲉⲡϫⲟⲉⲓⲥ ⲥϩⲟⲩⲣ ⲧⲏⲩⲧⲛ · ϫⲉⲉⲛⲉⲛⲧⲉⲧⲛ ϩⲉⲛⲃⲗⲗⲉ ⲛⲉ ⲙⲛⲛⲟⲃⲉ ⲉⲣⲱⲧⲛ ⲛⲉ ·
…
10 ⲧⲉⲛⲟⲩ ⲇⲉ ⲧⲉⲧⲛϫⲱ ⲙⲙⲟⲥ ϫⲉⲧⲛⲛⲁⲩ ⲉⲃⲟⲗ ⲛⲉⲧⲛⲛⲟⲃⲉ ⲁϩⲉⲣⲁⲧϥ ⲉⲣⲱⲧⲛ ·
…
11 ⲉⲧⲃⲉⲡⲁⲓ ⲉⲣⲉⲛ…ⲕⲁⲧⲏⲩⲧⲛ ⲛⲧϩⲉ ⲛⲟⲩ .. ⲅⲏⲉⲛ ⲙⲙⲟⲙⲟⲩ ⲛϩⲏⲧⲥ ·
…
12 ⲁⲩⲱ ⲛⲧϩⲉ ⲛⲟⲩⲕⲏⲡⲟⲥ ⲙⲛⲟⲩⲙⲁ ⲛⲉⲗⲟⲟⲗⲉ ⲉⲁⲩⲕⲁⲁⲩ ⲉⲃⲟⲗ ⲉⲧⲙⲧⲣⲉⲩⲣⲟⲉⲓⲥ ⲉⲣⲟⲟⲩ ⲉⲡⲧⲏⲣϥ ⲛϭⲓⲛⲉⲧⲉⲙⲟⲩⲟⲩ ⲛⲉ
…
13 ϫⲉⲙⲛⲕⲁⲣⲡⲟⲥ ϣⲟⲟⲡ ϩⲛⲛⲉⲩϣⲏⲛ ⲟⲩⲧⲉ ⲙⲛⲉⲗⲟⲟⲗⲉ ϣⲟⲟⲡ ϩⲛⲛⲉⲩⲃⲱ ⲛⲉⲗⲟⲟⲗⲉ ·ⲟⲩⲧⲉ ⲙⲛⲕⲛⲧⲉ ϩⲛⲛⲉⲩⲃⲱ ⲛⲕⲛⲧⲉ ·
…
14 ⲁⲗⲗⲁ ⲛⲉⲩⲕⲉϭⲱⲃ ⲉⲁⲩⲥⲣⲟϥⲣⲉϥ ⲕⲁⲧⲁⲛⲉⲅⲣⲁⲫⲏ ·
…
15 ⲁⲩⲱ ⲛⲧⲉⲓϩⲉ ⲉⲁⲩϣⲱⲡⲉ ⲉⲩϣⲱⲗ · ⲉⲧⲣⲉⲩⲧⲟⲣⲡⲟⲩ .. ⲁⲩ ⲛϭⲓϩⲉⲛϣⲙⲙⲟ ·
…
16 ⲧⲁⲓ ⲧⲉ ⲧⲉⲧⲛϩⲉ ϩⲱⲧⲧⲏⲩⲧⲛ ⲉⲧⲟⲩⲛⲁⲕⲁⲧⲏⲩⲧⲛ ⲛⲥⲱⲟⲩ ⲛϭⲓⲛⲁⲅⲅⲉⲗⲟⲥ ⲛⲡⲛⲟⲩⲧⲉ ⲉⲧⲙⲧⲣⲉⲩⲣⲟⲉⲓⲥ ⲉⲣⲱⲧⲛ ϩⲟⲗⲱⲥ ·
…
17 ⲉⲧⲃⲉϫⲉⲙⲛⲗⲟⲅⲓⲥⲙⲟⲥ ⲟⲩⲇⲉ ϩⲟⲧⲉ ⲛⲧⲉⲡⲛⲟⲩⲧⲉ · ⲟⲩⲇⲉ ⲙⲉ ϣⲟⲟⲡ ϩⲣⲁⲓ ⲛϩⲏⲧⲧⲏⲩⲧⲛ ·
…
18 ⲉⲛⲉϩ ⲉⲛⲉⲛⲉⲧⲛⲁⲣⲛⲟⲃⲉ ⲁⲛ ⲛⲉ ϩⲛⲟⲩϩⲱⲛ ·
…
19 ⲁⲗⲗⲁ ⲉⲃⲟⲗ ϫⲉⲧϩⲟⲧⲉ ⲙⲡϫⲟⲉⲓⲥ ⲙⲡⲉⲙⲧⲟ ⲛⲛⲉⲧⲛⲃⲁⲗ ⲉⲃⲟⲗ ⲁⲛ · ⲉⲧⲣⲉⲧⲉⲧⲛϩⲱ ⲉⲣⲱⲧⲛ ⲉⲧⲉⲧⲛⲕⲟⲓⲛⲱⲛⲉⲓ ⲉⲛⲉϩⲃⲏⲩⲉ ⲙⲛⲕⲁⲕⲉ ⲉⲧⲉⲙⲛⲧⲟⲩⲕⲁⲣⲡⲟⲥ ·
…
20 ⲁⲩⲱ ⲛⲧⲉⲓ ϩⲉ ⲉⲁⲧⲉⲧⲛϣⲱⲡⲉ ⲉⲩϣⲱⲗ ·
…