1 ⲟⲩⲉⲝⲏⲅⲉⲥⲓⲥ ⲛⲧⲉⲁⲡⲁ ⲑⲉⲟⲫⲓⲗⲟⲥ ⲡⲁⲣⲭⲏⲉⲡⲓⲥⲕⲟⲡⲟⲥ ⲛⲣⲁⲕⲟⲧⲉ . ⲉⲁϥⲧⲁⲩⲟⲥ ⲉⲧⲃⲉⲡⲉⲥⲧⲁⲩⲣⲟⲥ ⲙⲛⲡⲗⲏⲥⲧⲏⲥ . ϩⲛⲟⲩⲉⲓⲣⲏⲛⲏ ⲛⲧⲉⲡⲛⲟⲩⲧⲉ ϩⲁⲙⲏⲛ : ⳾⳾⳾
…
2 ⲁⲡⲣⲏ ⲛⲧⲇⲓⲕⲁⲓⲟⲥⲩⲛⲏ ⲟⲩⲱⲛϩ ⲉⲃⲟⲗ ϩⲛⲙⲙⲁ ⲛϣⲁ . ⲉϥⲣⲟⲩⲟⲉⲓⲛ ⲉⲛⲉⲧϩⲙⲡⲕⲁⲕⲉ ⲙⲛⲧϩⲁⲓⲃⲉⲥ ⲉⲡⲙⲟⲩ
…
3 ⲁⲡⲣⲣⲟ ⲛⲧⲇⲓⲕⲁⲓⲟⲥⲩⲛⲏ ⲫⲱⲣⲉⲓ ⲛⲧⲉϭⲣⲏⲡⲉ ⲛⲧⲙⲛⲧⲣⲣⲟ . ⲁⲛⲉϥϫⲁϫⲉ ⲧⲏⲣⲟⲩ ⲑⲃⲃⲓⲟ ϩⲁⲡⲉⲥⲏⲧ ⲛⲛⲉϥⲟⲩⲉⲣⲏⲧⲉ .
…
4 ⲁⲡⲉⲥϯⲛⲟⲩϥⲉ ϣⲱϣ ⲉⲃⲟⲗ ϩⲓϫⲛϫⲟⲩⲣⲏ ⲙⲡⲟⲩϫⲁⲓ ⲁϥⲱϫⲛ ⲙⲡⲉⲥϯⲃⲱⲱⲛ ϩⲙⲡⲉⲥⲧⲟⲓ ⲙⲡⲉϥⲥⲟϭⲛ .
…
5 ⲁⲡⲙⲟⲩⲓ ⲛϫⲱⲱⲣⲉ ⲧⲱⲟⲩⲛ ⲉⲃⲟⲗ ϩⲛⲙⲙⲁ ⲛϣⲏⲛ ⲁⲛⲉⲑⲏⲣⲓⲟⲛ ϩⲟⲡⲟⲩ ϩⲛⲛⲉⲩⲃⲏⲃ ⲛⲕⲁⲕⲉ .
…
6 ⲁⲡⲥⲁⲉⲓⲛ ⲉⲧⲟⲩⲁⲁⲃ ⲉⲓ ϣⲁⲣⲟⲛ ⲙⲛⲛⲉϥⲡⲁϩⲣⲉ ⲛⲱⲛϩ ⲟⲩⲟⲛ ⲛⲓⲙ ⲉⲧⲙⲁⲕϩ : ⲁⲩϫⲓ ⲡⲁϩⲣⲉ ⲛϫⲓⲛϫⲏ :
…
7 ⲁⲧⲉⲩⲫⲣⲟⲥⲩⲛⲏ ⲙⲡⲥⲱⲛⲧ ⲧⲏⲣϥ ⲟⲩⲱⲛϩ ⲉⲃⲟⲗ ϫⲉⲥⲉⲣⲁϣⲉ ⲛⲙⲙⲁϥ :
…
8 ⲛⲧϩⲉ ⲅⲁⲣ ⲛⲟⲩⲡⲟⲗⲓⲥ ⲉⲣⲉⲟⲩⲣⲣⲟ ⲛϫⲁϫⲉ ⲕⲱⲧⲉ ⲉⲣⲟⲥ ⲛϥⲟⲣⲃⲥ ⲉϩⲟⲩⲛ :
…
9 ⲧⲟⲧⲉ ϣⲁⲣⲉⲛⲉⲧⲛϩⲏⲧⲥ ⲧⲏⲣⲟⲩ ϣⲱⲡⲉ ϩⲛⲟⲩⲑⲃⲃⲓⲟ : ⲉⲩϩⲉϫϩⲱϫ ⲉⲩⲗⲩⲡⲉⲓ ⲉⲩⲁϣⲁϩⲟⲙ :
…
10 ϩⲟⲧⲁⲛ ⲇⲉ ⲉϥϣⲁⲛⲥⲱⲧⲙ ⲛϭⲓⲡⲣⲣⲟ ⲉⲧⲟ ⲛⲉⲝⲟⲩⲥⲓⲁ ⲉⲣⲟⲥ ⲉⲧⲛⲟϭ ⲛⲧⲟⲗⲙⲏⲣⲓⲁ ⲛⲧϩⲉ ⲛⲧⲁϥⲧⲟⲗⲙⲁ ⲙⲙⲟⲥ ⲉϩⲱⲧⲃ ⲛⲛⲉϥⲙⲏⲏϣⲉ :
…
11 ⲧⲟⲧⲉ ϣⲁϥⲥⲱⲟⲩϩ ⲉϩⲟⲩⲛ ⲙⲡⲉϥⲙⲏⲏϣⲉ ⲧⲏⲣϥ : ⲙⲛⲛⲉⲩⲥⲕⲉⲩⲏ ⲙⲡⲟⲗⲉⲙⲓⲕⲟⲛ :
…
12 ⲡⲉϥⲙⲏⲏϣⲉ ⲛⲧⲉⲣⲉϥⲧⲥⲁⲃⲟⲟⲩ ⲉⲧϭⲓⲛⲡⲟⲗⲩⲙⲉⲓ ⲙⲛⲛⲉϥϫⲁϫⲉ :
…
13 ϣⲁϥⲙⲟⲟϣⲉ ϩⲁⲧⲉⲩϩⲉ . ϩⲛⲟⲩⲣⲁϣⲉ ⲉϥⲥⲟⲟⲩⲛ ϫⲉϥⲛⲁϭⲱⲧⲡ ⲛⲛⲉϥϫⲁϫⲉ ϩⲛⲟⲩⲛⲟϭ ⲛϭⲟⲙ
…
14 ⲧⲁⲓ ϩⲱⲱϥ ⲧⲉ ⲧϩⲉ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲛⲧⲉⲣⲉϥⲛⲁⲩ ⲉⲡϫⲁϫⲉ ⲛⲧⲙⲛⲧⲣⲱⲙⲉ ⲧⲏⲣⲥ .
…
15 ⲉⲧⲉⲡⲁⲓ ⲡⲉ ⲡⲇⲓⲁⲃⲟⲗⲟⲥ ⲁϥⲱⲣϥ ⲉϩⲟⲩⲛ ⲛⲧⲟⲓⲕⲟⲩⲙⲉⲛⲏ ⲧⲏⲣⲥ
…
16 ⲁϥⲑⲙⲕⲟ ⲛⲟⲩⲟⲛ ⲛⲓⲙ ϩⲛⲛⲉϥⲥⲛⲁⲩϩ ⲉⲧⲙⲉϩ ⲛⲛⲟⲃⲉ ⲁϥϫⲟⲟⲣⲟⲩ ⲉⲃⲟⲗ ϩⲛⲛⲉϥⲡⲗⲩⲅⲏ ⲉⲧⲟϣ ⲉⲧⲉⲛⲁⲓ ⲛⲉ .
…
17 ⲧⲙⲛⲧⲣⲉϥϣⲙϣⲉⲉⲓⲇⲱⲗⲟⲛ . ⲧⲙⲛⲧⲣⲉϥⲧⲱⲣⲡ . ⲧⲙⲛⲧⲁⲧϣⲁⲩ . ⲧⲙⲛⲧⲣⲉϥϫⲓⲟⲩⲉ . ⲧⲙⲛⲧⲣⲉϥϩⲱⲧⲃ .
…
18 ⲧⲕⲁⲧⲁⲗⲁⲗⲓⲁ . ⲡⲕⲱϩ . ⲡⲙⲟⲥⲧⲉ ⲡϭⲱⲛⲧ . ⲧⲟⲣⲅⲏ . ⲡϯϩⲉ . ⲧⲙⲛⲧⲣⲉϥⲣϩⲓⲕ . ⲡϫⲱϩⲙ . ⲧⲡⲁⲛⲟⲩⲣⲅⲓⲁ .
…
19 ⲡⲉⲕⲣⲟϥ . ⲡϫⲱϩⲙ . ⲧⲡⲁⲛⲟⲩⲣⲅⲓⲁ . ⲡⲉⲕⲣⲟϥ ⲧⲙⲛⲧϫⲁⲥⲓϩⲏⲧ . ⲛⲁⲛⲁϣ ⲛⲛⲟⲩϫ . ⲛⲥⲱⲱϥ . ⲙⲡⲟⲣⲛⲉⲓⲁ .
…
20 ⲙⲙⲛⲧⲥⲁⲛⲕⲟⲧⲥ . ⲙⲛⲛⲉⲧⲉⲓⲛⲉ ⲛⲛⲁⲓ ⲛϯⲙⲓⲛⲉ .
…
21 ⲛⲁⲓ ⲛⲉ ⲛϭⲟⲣϭⲥ ⲛⲧⲁⲡⲇⲓⲁⲃⲟⲗⲟⲥ ϭⲱⲣϭ ⲛⲛⲣⲱⲙⲉ ⲛϩⲏⲧⲟⲩ ϣⲁⲛⲧⲉϥⲥⲟⲣⲙⲟⲩ ⲛϥϫⲟⲟⲣⲟⲩ ⲉⲃⲟⲗ .
…
22 ⲁⲩⲉⲓⲥ ϩⲱⲱϥ ⲧⲉⲛⲟⲩ ⲛⲧⲛⲛⲁⲩ ϫⲉⲉⲣⲉⲡⲉⲭⲣⲓⲥⲧⲟⲥ ⲡⲉⲛⲣⲣⲟ ⲡⲟⲗⲉⲙⲉⲓ ⲛⲙⲙⲁϥ ⲛⲁϣ ⲛϩⲉ .
…
23 ϣⲁⲛⲧⲉϥϥⲓ ⲛⲧⲟⲟⲧϥ ⲛⲛⲉⲛⲯⲩⲭⲏ ⲛϥⲁⲁⲩ ⲛⲣⲙϩⲉ .
…
24 ⲛⲧⲉⲣⲉϥⲣϩⲛⲁϥ ⲛϭⲓⲡⲛⲟⲩⲧⲉ ⲡⲡⲁⲛⲧⲱⲕⲣⲁⲧⲱⲣ ⲡⲁⲓ ϩⲓⲧⲛⲧⲉϥⲛⲟϭ ⲛⲁⲅⲁⲡⲏ ⲛⲧⲁϥⲙⲉⲣⲓⲧⲛ ⲛϩⲏⲧⲥ .
…
25 ⲁϥⲧⲛⲛⲟⲟⲩ ⲙⲡⲉϥⲙⲉⲣⲓⲧ ⲛϣⲏⲣⲉ ⲉⲡⲕⲟⲥⲙⲟⲥ . ⲁϥⲃⲱⲕ ϣⲁⲡⲗⲁⲟⲥ ⲉⲧⲥⲟⲟϥ .
…
26 ⲁϥⲧⲁϣⲉⲟⲉⲓϣ ⲛⲁⲩ ϫⲉⲙⲉⲧⲁⲛⲟⲉⲓ ⲁⲥϩⲱⲛ ⲅⲁⲣ ⲉϩⲟⲩⲛ ⲛϭⲓⲧⲙⲛⲧⲣⲣⲟ ⲛⲛⲉⲙⲡⲏⲩⲉ .
…
27 ⲛⲧⲟⲟⲩ ⲇⲉ ⲙⲡⲟⲩϯϩⲧⲏⲩ ⲉⲛⲉϥⲥⲩⲛⲃⲓⲁ ⲉⲧⲟⲩⲁⲁⲃ .
…
28 ⲙⲛⲛⲥⲁ ⲛⲁⲓ ⲁϥⲣⲛⲉⲓϭⲟⲙ ⲧⲏⲣⲟⲩ ϩⲛⲧⲉⲩⲙⲏⲧⲉ . ⲉϩⲉⲛⲁϫⲓⲏⲡⲉ ⲙⲙⲟⲟⲩ ⲛⲉⲛⲃⲗⲗⲉ ⲁϥⲧⲣⲉⲩⲛⲁⲩ ⲉⲃⲟⲗ .
…
29 ⲛⲁⲗ ⲁϥⲧⲣⲉⲩⲥⲱⲧⲙ . ⲛϭⲁⲗⲉ ⲁϥⲧⲣⲉⲩⲙⲟⲟϣⲉ . ⲛⲉⲧⲥⲁⲃϩ ⲁϥⲧⲃⲃⲟⲟⲩ .
…
30 ⲛⲉⲧⲙⲟⲟⲩⲧ ⲁϥⲧⲟⲩⲛⲟⲩⲥⲟⲩ . ⲛⲇⲁⲓⲙⲟⲛⲓⲟⲛ ⲁϥⲛⲁϫⲟⲩ ⲉⲃⲟⲗ .
…
31 ⲛⲉϭⲓϫ ⲉⲧϣⲟⲩⲱⲟⲩ ⲁϥⲥⲟⲩⲧⲱⲛⲟⲩ ⲉⲃⲟⲗ . ⲛϩⲏⲕⲉ ⲁϥⲧⲥⲓⲟⲟⲩ ⲛⲟⲉⲓⲕ . ⲙⲡⲟⲣⲛⲟⲥ ⲁϥⲧⲃⲃⲟⲟⲩ .
…
32 ⲁϥⲕⲁ ⲛⲉⲩⲛⲟⲃⲉ ⲛⲁⲩ ⲉⲃⲟⲗ ϩⲛⲧⲉϥⲙⲛⲧⲛⲟⲩⲧⲉ ⲁϥⲁⲁⲩ ⲛⲧϩⲉ ⲛⲛⲓⲡⲁⲣⲑⲉⲛⲟⲥ .
…
33 ⲁⲧⲉⲥϩⲓⲙⲉ ⲅⲁⲣ ⲉⲧⲙⲙⲁⲩ ⲙⲡϣⲁ ⲛⲟⲩⲛⲟϭ ⲛⲧⲁⲓⲟ . ⲛⲧⲁⲛⲉⲥϭⲓϫ ⲧⲱϩⲥ ⲛⲛⲉⲟⲩⲉⲣⲏⲧⲉ ⲙⲡⲉⲛⲧⲁϥⲡⲗⲁⲥⲥⲉ ⲙⲙⲟⲥ .
…
34 ϩⲛⲧⲉⲩⲛⲟⲩ ⲉⲧⲙⲙⲁⲩ ⲁⲥⲙⲉⲧⲉⲭⲉ ⲙⲡⲧⲃⲃⲟ ⲛⲧⲉϥⲙⲛⲧⲛⲟⲩⲧⲉ .
…
35 ⲛⲧⲉⲩⲛⲟⲩ ⲁⲧⲉⲫⲱⲛⲏ ⲙⲡⲛⲟⲩⲧⲉ ⲧⲁϩⲟⲥ ϫⲉⲧⲟⲩⲡⲓⲥⲧⲓⲥ ⲧⲉ ⲛⲧⲁⲥⲛⲁϩⲙⲉⲃⲱⲕ ϩⲛⲟⲩⲉⲓⲣⲏⲛⲏ
…
36 ⲙⲛⲛⲥⲁⲛⲁⲓ ⲧⲏⲣⲟⲩ ⲛⲧⲁϥⲁⲁⲩ ⲙⲡⲟⲩⲡⲓⲥⲧⲉⲩⲉ ⲉⲣⲟϥ .
…
37 ⲁⲗⲗⲁ ⲁⲩϭⲟⲡϥ ⲁⲩⲡⲁⲣⲁⲇⲓⲇⲟⲩ ⲙⲙⲟϥ ⲁⲩⲥⲧⲁⲩⲣⲟⲩ ⲙⲙⲟϥ ⲛⲧⲉⲣⲉϥⲃⲱⲕ ⲉϩⲟⲩⲛ ⲉⲧⲁⲩⲗⲏ ⲙⲡⲁⲣⲭⲓⲉⲣⲉⲩⲥ .
…
38 ⲁⲩϯ ⲛⲁϥ ⲛϩⲉⲛⲥⲱϣ ⲉⲡⲙⲁ ⲛϩⲉⲛⲧⲁⲓⲟ .
…
39 ⲧⲟⲧⲉ ⲁⲡϣⲁϫⲉ ⲉⲧⲥⲏϩ ϫⲱⲕ ⲉⲃⲟⲗ ϫⲉⲁⲩⲉⲓⲣⲉ ⲛⲁⲓ ⲛϩⲉ ⲙⲡⲉⲧϩⲟⲟⲩ ⲉⲡⲙⲁ ⲛϩⲉ ⲙⲡⲉⲧⲛⲁⲛⲟⲩϥ .
…
40 ⲁⲩⲱ ⲟⲩⲙⲟⲥⲧⲉ ⲉⲡⲙⲁ ⲙⲡⲁⲙⲉ .
…
41 ⲁϣ ϭⲉ ⲛⲉ ⲛⲉⲡⲉⲑⲟⲟⲩ ⲛⲧⲁⲩⲁⲁⲩ ⲙⲡⲉⲩϫⲟⲉⲓⲥ .
…
42 ⲛⲧⲉⲣⲉⲛⲓⲫⲱⲛⲉⲩⲥ ϭⲟⲡϥ ⲁⲩⲉⲓⲥ ⲛⲧⲉⲛⲉⲓⲙⲉ ⲉⲣⲟⲟⲩ .
…
43 ϩⲉⲛϩⲟⲧⲉ ⲅⲁⲣ ⲛⲉ ⲉϫⲟⲟⲩ . ⲡⲁⲗⲁⲥ ⲙⲁⲕϩ . ⲛⲁⲃⲁⲗ ϯⲣⲙⲉⲓⲏ .
…
44 ⲡⲁⲡⲛⲉⲩⲙⲁ ⲁϣⲁϩⲟⲙ . ⲧⲁⲯⲩⲭⲏ ϣⲧⲣⲧⲱⲣ ⲉⲧⲣⲁϫⲟⲟⲩ .
…
45 ⲡⲛⲟⲩⲧⲉ ⲡⲉⲛⲧⲁⲩϭⲟⲡϥ . ⲡϫⲟⲉⲓⲥ ⲡⲉⲛⲧⲁⲩⲙⲟⲣϥ . ⲡⲣⲣⲟ ⲡⲉⲛⲧⲁⲩⲥⲧⲁⲩⲣⲟⲩ ⲙⲙⲟϥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉⲛⲧⲁⲩⲥⲟⲛϩϥ . ⲁⲩϯⲉⲓⲃⲧ ⲛⲁϥ ⲉⲛⲉϥϭⲓϫ ⲉⲧⲟⲩⲁⲁⲃ . ⲁⲩϯⲁⲁⲥ ⲉϩⲟⲩⲛ ϩⲙⲡⲉϥϩⲟ .
…
46 ⲛⲧⲟϥ ⲡⲉⲛⲧⲁϥⲧⲁⲙⲓⲟⲟⲩ . ⲁⲩϯⲕⲗⲯ ⲉϫⲛⲧⲁⲡⲉ ⲙⲡⲉⲩϫⲟⲉⲓⲥ .
…
47 ⲁⲩϯ ⲛⲟⲩⲕⲗⲟⲙ ⲛϣⲟⲛⲧⲉ ⲉϫⲱϥ . ⲁⲩϯ ϩⲓⲱⲱϥ ⲛⲟⲩⲭⲗⲁⲙⲩⲥ ⲛⲕⲟⲕⲕⲟⲥ .
…
48 ⲁⲩϯ ⲛⲁϥ ⲛⲟⲩϩⲙϫ ⲙⲛⲟⲩⲥⲓϣⲉ .
…
49 ⲛⲁⲓ ⲧⲏⲣⲟⲩ ⲛⲉⲩⲉⲓⲣⲉ ⲙⲙⲟⲟⲩ ⲛⲁϥ ⲡⲉ .
…
50 ⲁⲩⲥⲧⲁⲩⲣⲟⲩ ⲛⲙⲙⲁϥ ⲛⲕⲉⲗⲏⲥⲧⲏⲥ ⲥⲛⲁⲩ
…
51 ⲟⲩⲁ ⲇⲉ ⲛϩⲏⲧⲟⲩ ⲛϥⲙⲡϣⲁ ⲙⲡⲉⲟⲟⲩ ⲙⲡⲛⲟⲩⲧⲉ ⲁⲛ .
…
52 ⲡⲉϫⲁϥ ⲙⲡϫⲟⲉⲓⲥ ⲉϥⲛⲟϭⲛⲉϭ ⲙⲙⲟϥ ⲉϥϫⲱ ⲙⲙⲟⲥ
…
53 ϫⲉⲉϣϫⲉ ⲛⲧⲟⲕ ⲡⲉ ⲡⲉⲭⲣⲓⲥⲧⲟⲥ ⲛⲁϩⲙⲉⲕ . ⲁⲩⲱ ⲛⲅⲛⲁϩⲙⲉⲛ ϩⲱⲱⲛ
…
54 ⲁⲡⲕⲉⲟⲩⲁ ⲉⲡⲓⲧⲓⲙⲁ ⲛⲁϥ ϩⲛⲟⲩϭⲱⲛⲧ ϫⲉⲛⲅⲣϩⲟⲧⲉ ⲛⲧⲟⲕ ⲁⲛ ϩⲏⲧϥ ⲙⲡⲛⲟⲩⲧⲉ
…
55 ⲁⲛⲟⲛ ⲅⲁⲣ ⲉⲛϫⲓ ⲕⲁⲧⲁⲡⲉⲙⲡϣⲁ ⲛⲛⲛⲟⲃⲉ ⲛⲧⲁⲛⲁⲁⲩ ⲡⲁⲓ ⲇⲉ ⲙⲡⲉϥⲣⲗⲁⲁⲩ ⲙⲡⲉⲧϩⲟⲟⲩ .
…
56 ⲁⲩⲱ ⲡⲉϫⲁϥ ϫⲉⲁⲣⲓⲡⲁⲙⲉⲉⲩⲉ ⲙⲡϫⲟⲉⲓⲥ ⲉⲕϣⲁⲛⲉⲓ ϩⲛⲧⲉⲕⲙⲛⲧⲣⲣⲟ .
…
57 ⲡⲉϫⲉⲓⲏⲥⲟⲩⲥ ⲛⲁϥ ϩⲛⲟⲩⲛⲟϭ ⲛⲣⲁϣⲉ . ϫⲉⲙⲡϩⲟⲟⲩ ⲕⲛⲁϣⲱⲡⲉ ⲛⲙⲙⲁⲓ ϩⲙⲡⲁⲡⲁⲣⲁⲇⲓⲥⲟⲥ .
…
58 ⲡⲣⲟ ⲙⲡⲡⲁⲣⲁⲇⲓⲥⲟⲥ ϣⲟⲧⲙ . ⲉϫⲓⲛⲡⲉⲩⲟⲉⲓϣ ⲛⲧⲁⲁⲇⲁⲙ ⲡⲁⲣⲁⲃⲁ .
…
59 ⲁⲗⲗⲁ ϯⲛⲁⲟⲩⲱⲛ ⲙⲙⲟϥ ⲛⲁⲕ ⲛⲧⲁϫⲓⲧⲕ ⲉϩⲟⲩⲛ ⲉⲣⲟϥ .
…
60 ⲁⲕⲥⲟⲩⲛ ⲡϫⲓⲥⲉ ⲛⲧⲁⲙⲛⲧⲛⲟⲩⲧⲉ . ⲉⲕϩⲓϫⲙⲡⲉⲥⲧⲁⲩⲣⲟⲥ . ⲕⲛⲁϣⲱⲡⲉ ⲛⲙⲙⲁⲓ ⲛⲕⲟⲓⲛⲟⲛⲟⲥ ϩⲙⲡⲣⲁϣⲉ ⲛⲧⲁⲙⲛⲧⲣⲣⲟ .
…
61 ⲁⲕϯⲉⲟⲟⲩ ⲛⲁⲓ ϩⲛⲧⲙⲏⲧⲉ ⲛϩⲉⲛⲣⲉϥⲣⲛⲟⲃⲉ .
…
62 ⲁⲛⲟⲕ ϩⲱ ϯⲛⲁϯⲉⲟⲟⲩ ⲛⲁⲕ . ϩⲛⲧⲙⲏⲧⲉ ⲛⲧⲁⲁⲅⲅⲉⲗⲓⲕⲏ .
…
63 ϣⲱⲡⲉ ⲉⲕⲧⲏϭ ⲉⲣⲟⲓ ϩⲓϫⲙⲡⲉⲥⲧⲁⲩⲣⲟⲥ . ⲉⲕϩⲱⲗϭ ⲉϩⲟⲩⲛ ⲉⲣⲟⲓ ϩⲙ
…