1 ⲁϥⲙⲟⲩⲧⲉ ⲉⲡⲙⲉϩⲥⲛⲁⲩ ⲡⲉϫⲁϥ ⲛⲁϥ ϫⲉϯⲥⲟⲟⲩⲛ ϫⲉⲛⲧⲕⲟⲩⲣⲉϥϫⲉⲙⲉ ⲛϩⲟⲩⲟ ⲉⲛⲁⲓ ⲧⲏⲣⲟⲩ ⲙⲁⲧⲁⲙⲟⲓ ϫⲉⲁⲟⲩⲏⲣ ⲛⲁⲡⲟⲥⲧⲟⲗⲟⲥ ϥⲓ ⲙⲡⲥⲱⲙⲁ ⲛⲓⲏⲥⲟⲩⲥ ϩⲙⲡⲧⲁⲫⲟⲥ ⲡⲉϫⲁϥ ⲛⲁϥ ϫⲉⲁⲩⲉⲓ ⲙⲡⲙⲛⲧⲟⲩⲉⲓ ⲙⲛⲛⲉⲩⲕⲉⲙⲁⲑⲏⲧⲏⲥ ·
…
2 ⲁⲩϥⲓⲧϥ ⲛϫⲓⲟⲩⲉ ⲁϥⲡⲱⲣϫ ⲙⲡⲉⲓⲕⲉⲟⲩⲁ ⲉⲃⲟⲗ ·
…
3 ⲁϥⲙⲟⲩⲧⲉ ⲉⲡⲙⲉϩϣⲟⲙⲛⲧ ⲡⲉϫⲁϥ ⲛⲁϥ ϫⲉⲉⲓⲥϩⲏⲏⲧⲉ ϯϫⲓ ⲛⲧⲉⲕⲙⲛⲧⲙⲛⲧⲣⲉ ⲡⲁⲣⲁϩⲁϩ ⲛⲓⲙ ⲡⲉⲛⲧⲁϥϥⲓ ⲙⲡⲥⲱⲙⲁ ⲛⲓⲏⲥⲟⲩⲥ ϩⲙⲡⲧⲁⲫⲟⲥ ⲡⲉϫⲁϥ ⲛⲁϥ ϫⲉⲓⲱⲥⲏⲫ ⲡⲉ ⲙⲛⲛⲉⲓⲕⲱⲇⲏⲙⲟⲥ ⲙⲛⲧⲉⲩⲥⲩⲅⲅⲉⲛⲉⲓⲁ ⲧⲏⲣⲥ ·
…
4 ⲁϥⲙⲟⲩⲧⲉ ⲉⲡⲙⲉϩϥⲧⲟⲟⲩ ⲡⲉϫⲁϥ ⲛⲁϥ ϫⲉⲛⲧⲟⲕ ⲡⲉ ⲡⲛⲟϭ ⲉⲧⲛϩⲏⲧⲟⲩ
…
5 ⲁⲩⲱ ⲛⲧⲁⲓϯ ⲛⲛⲁⲓ ⲉⲧⲟⲟⲧⲕ ⲧⲏⲣⲟⲩ ·
…
6 ⲙⲁⲧⲁⲙⲟⲓ ⲧⲉⲛⲟⲩ ϫⲉⲟⲩ ⲡⲉⲛⲧⲁϥϣⲱⲡⲉ ⲁⲩϥⲓ ⲙⲡⲥⲱⲙⲁ . ⲛⲓⲏⲥⲟⲩⲥ ϩⲙⲡⲧⲁⲫⲟⲥ ⲛⲧⲟⲟⲧⲧⲏⲩⲧⲛ ·
…
7 ⲡⲉϫⲁϥ ⲛⲁϥ ϫⲉⲡⲉⲛϫⲟⲉⲓⲥ ⲡϩⲏⲅⲉⲙⲱⲛ · ⲉⲛⲕⲟⲧⲕ ⲉⲛⲟⲃϣ ·
…
8 ⲁⲩⲱ ⲙⲡⲉⲛⲉⲓⲙⲉ ⲉⲡⲉⲛⲧⲁϥϥⲓⲧϥ ·
…
9 ⲉⲓⲙⲏⲧⲓ ϫⲉⲁⲛⲧⲱⲟⲩⲛ ⲁⲛϣⲓⲛⲉ ⲁⲩⲱ ⲙⲡⲛϩⲉ ⲉⲣⲟϥ ….ⲥⲏⲧ ⲛ… ⲙⲙⲟⲟⲩ ⲛ… ⲁⲛϫⲟⲟⲥ ϫⲉⲟⲩ ⲡⲉϣⲧⲟⲣⲧⲣ ⲡⲉ ⲡⲁⲓ ·
…
10 ⲡⲉϫⲉⲡⲉⲓⲗⲁⲟⲥ ⲛⲛⲓⲟⲩⲇⲁⲓ ⲙⲛⲡϩⲉⲕⲁⲧⲟⲛⲧⲁⲣⲭⲟⲥ ϫⲉⲉⲣⲉⲛⲁⲓ ·
…
11 ⲥⲙⲟⲛⲧ ⲛⲧⲉⲓϩⲉ ⲉⲣⲉⲛⲉⲩϣⲁϫⲉ ⲡⲏϣ ⲉⲡϭⲟⲗ
…
12 ⲁⲩⲱ ⲁϥⲟⲩⲉϩⲥⲁϩⲛⲉ ⲉⲧⲣⲉⲩⲱⲣϫ ⲛⲙⲙⲁⲧⲟⲓ ϣⲁⲛⲧⲉϥⲉⲓ ⲉⲡⲧⲁⲫⲟⲥ ·
…
13 ⲛⲧⲉⲩⲛⲟⲩ ⲇⲉ ⲁϥⲧⲱⲟⲩⲛ ⲙⲛⲛⲛⲟϭ ⲛⲓⲟⲩⲇⲁⲓ ⲙⲛⲡⲕⲉⲛⲇⲩⲣⲓⲟⲛ ⲙⲛⲛⲁⲣⲭⲓⲉⲣⲉⲩⲥ ⲁⲩⲉⲓ ⲉⲡⲧⲁⲫⲟⲥ ⲁⲩϩⲉ ⲉⲛⲥⲓⲛⲇⲱⲛⲓⲟⲛ ⲉⲩⲕⲏ ⲉϩⲣⲁⲓ ⲛⲁⲧⲣⲱⲙⲉ ·
…
14 ⲡⲉϫⲉⲡⲉⲓⲗⲁⲟⲥ ϫⲉⲱ ⲛⲣⲱⲙⲉ ⲉⲧⲙⲟⲥⲧⲉ ⲙⲡⲉⲩⲱⲛϩ ⲙⲁⲩⲁⲁⲩ ·
…
15 ⲉⲛⲉⲛⲧⲁⲩϥⲓⲡⲥⲱⲙⲁ ⲛⲉⲩϥⲓ ⲛⲧⲕⲁⲓⲥⲉ ⲛⲙⲙⲁϥ ·
…
16 ⲛⲧⲟⲟⲩ ⲇⲉ ⲡⲉϫⲁⲩ ϫⲉⲛⲅⲛⲁⲩ ⲁⲛ ⲛⲧⲟⲕ ϫⲉⲛⲛⲟⲩϥ ⲁⲛ ⲛⲉ ⲛⲉⲓⲥⲓⲛⲇⲱⲛⲓⲟⲛ ⲁⲗⲗⲁ ϩⲉⲛⲁⲗⲗⲟⲧⲣⲓⲟⲥ ⲛⲉ ·
…
17 ⲡⲉⲓⲗⲁⲟⲥ ⲇⲉ ⲁϥⲣⲡⲙⲉⲉⲩⲉ ⲙⲡϣⲁϫⲉ ⲛⲓⲏⲥⲟⲩⲥ ϫⲉϩⲁⲡⲥ ⲡⲉ ⲛⲧⲉϩⲉⲛⲛⲟϭ ⲛϣⲡⲏⲣⲉ ϣⲱⲡⲉ ϩⲙⲡⲁⲧⲁⲫⲟⲥ ⲡⲉⲓⲗⲁⲟⲥ ⲇⲉ ⲁϥⲣϣⲟⲣⲡ ⲛⲃⲱⲕ ⲉϩⲟⲩⲛ ⲉⲡⲉⲙϩⲁⲟⲩ ·
…
18 ⲁϥϫⲓ ⲛⲛⲥⲓⲛⲇⲱⲛⲓⲟⲛ ⲛⲓⲏⲥⲟⲩⲥ ·
…
19 ⲁϥⲣϩⲁⲙⲏⲣ ⲙⲙⲟⲟⲩ ⲁϥⲣⲓⲙⲉ ⲉϩⲣⲁⲓ ⲉϫⲱⲟⲩ ⲁϥϯⲡⲓ ⲉⲣⲟⲟⲩ ϩⲁⲡⲣⲁϣⲉ ϩⲱⲥ ϫⲉⲛⲉⲣⲉⲓⲏⲥⲟⲩⲥ ϭⲗⲙⲗⲱⲙ ⲉⲣⲟⲟⲩ
…
20 ⲁⲩⲱ ⲟⲛ ⲁϥϯϩⲧⲏϥ ⲉⲡϩⲉⲕⲁⲧⲟⲛⲧⲁⲣⲭⲟⲥ ⲉϥⲁϩⲉⲣⲁⲧϥ ϩⲙⲡⲣⲟ ⲙⲡⲉⲙϩⲁⲟⲩ · ϫⲉⲛⲉⲟⲩⲃⲁⲗ ⲛⲟⲩⲱⲧ ⲡⲉⲧⲙⲙⲟϥ ϫⲉⲛⲉⲁⲩⲡⲗⲩⲅⲏ ⲙⲡⲉϥⲕⲉⲃⲁⲗ ϩⲙⲡⲉⲙⲗⲁϩ ·
…
21 ⲉⲁϥϩⲱⲡ ⲛⲧⲟⲟⲧϥ ⲛⲟⲩⲟⲉⲓϣ ⲉⲧⲙⲛⲁⲩ ⲉⲡⲟⲩⲟⲉⲓⲛ ⲛϩⲏⲧϥ ·
…
22 ⲡⲉⲓⲗⲁⲟⲥ ⲇⲉ ⲁⲡⲉⲓ
…