1 ⲛⲧϩⲉ ϩⲱⲱϥ ⲛⲧⲁⲛⲉⲓⲙⲉ ⲉⲡⲁⲓ ϩⲓⲧⲛⲛϩⲩⲡⲟⲙⲛⲏⲙⲁ ⲛⲙⲙⲁⲣⲧⲩⲣⲟⲥ ⲉⲧⲟⲩⲁⲁⲃ ϫⲉⲛϥϯⲥⲟ ⲁⲛ ⲉⲗⲁⲁⲩ ϩⲛⲛⲉⲛⲧⲁⲛϫⲟⲟⲩ ·
…
2 ⲛⲧϩⲉ ⲉⲛⲧⲁⲛϩⲉ ⲉⲣⲟⲥ ⲉϥϫⲓⲕⲃⲁ ⲙⲙⲟⲟⲩ ⲧⲏⲣⲟⲩ ⲁⲩⲱ ⲉϥⲕⲁⲧⲁⲕⲣⲓⲛⲉ ⲙⲙⲟⲟⲩ ⲉⲡⲙⲟⲩ ϩⲓⲧⲙⲡⲉⲓⲛⲉ ⲛⲛⲉϥⲡⲣⲟⲥⲧⲁⲅⲙⲁ ⲛⲁⲓ ⲉⲧⲥⲏϩ ϩⲛⲛϩⲩⲡⲟⲙⲛⲏⲙⲁ ⲛⲙⲙⲁⲣⲧⲩⲣⲟⲥ ·
…
3 ⲛⲧϩⲉ ⲉⲧⲥⲏϩ ϩⲓⲧⲛⲛⲉϥⲥϩⲁⲓ ϫⲉⲛⲓⲙ ⲙⲛⲛⲓⲙ ⲛⲛⲟϭ ⲛⲉⲡⲓⲥⲕⲟⲡⲟⲥ ⲛⲧⲉⲧⲉⲭⲱⲣⲁ ⲉⲩϣⲁⲛⲟⲩⲱϣ ⲉⲥⲱⲧⲙ ⲛⲥⲁⲡⲁⲇⲓⲁⲧⲁⲅⲙⲁ ⲉⲛⲧⲁⲓⲧⲟϭϥ ⲉⲃⲟⲗ ·
…
4 ⲁⲩⲱ ⲛⲥⲉⲟⲩⲱϣⲧ ⲛⲛⲛⲟⲩⲧⲉ ·
…
5 ⲉⲩⲛⲁϫⲓ ⲛⲟⲩⲛⲟϭ ⲛⲉⲝⲟⲩⲥⲓⲁ ⲟⲩ ⲙⲟⲛⲟⲛ ϩⲛⲧⲉⲩⲡⲟⲗⲓⲥ ·
…
6 ⲁⲗⲗⲁ ϩⲛⲧⲉⲭⲱⲣⲁ ⲧⲏⲣⲥ ·
…
7 ⲉϣⲱⲡⲉ ⲇⲉ ⲉⲩⲧⲙⲥⲱⲧⲙ ⲛⲥⲁⲡⲁⲇⲓⲁⲧⲁⲅⲙⲁ ⲡⲉϫⲁϥ ·
…
8 ⲁⲩⲱ ⲛⲥⲉⲧⲙⲟⲩⲱϣⲧ ⲛⲛⲛⲟⲩⲧⲉ ·
…
9 ⲉⲩⲉⲕⲁⲧⲁⲕⲣⲓⲛⲉ ⲙⲙⲟⲟⲩ ⲉⲡⲙⲟⲩ ⲁⲩⲱ ⲟⲛ ⲧⲁⲓ ⲧⲉ ⲧϩⲉ ⲛⲧⲁⲩϩⲩⲡⲟⲙⲉⲓⲛⲉ ⲛϭⲓⲙⲙⲁⲣⲧⲩⲣⲟⲥ ⲉⲧⲟⲩⲁⲁⲃ ϣⲁⲛⲧⲟⲩϫⲓ ⲙⲡⲉⲕⲗⲟⲙ ⲙⲡⲱⲛϩ ·
…
10 ⲛⲧⲁⲛϫⲉⲛⲁⲓ ϫⲉⲉϣϫⲉ ⲡⲣⲣⲟ ⲛⲧⲁⲡⲛⲟⲩⲧⲉ ϯ ⲛⲁϥ ⲛⲟⲩⲉⲝⲟⲩⲥⲓⲁ ⲉⲧⲣⲉϥⲣⲣⲣⲟ ϩϫⲙⲡⲕⲁϩ ·
…
11 ⲟⲩⲛⲧⲁϥ ⲙⲙⲁⲩ ⲛⲟⲩϩⲟⲧⲉ ⲛⲧⲉⲓⲙⲓⲛⲉ ⲙⲛⲟⲩϭⲱⲛⲧ ϩⲛⲟⲩⲛⲟϭ ⲛⲁⲡⲉⲓⲗⲏ ⲉϫⲛⲛⲉⲧⲧⲥⲧⲟ ⲉⲃⲟⲗ ⲛⲛⲉϥⲡⲣⲟⲥⲧⲁⲅⲙⲁ ·
…
12 ⲉⲧϯⲟⲩⲃⲉⲡⲉϥⲇⲓⲁⲧⲁⲅⲙⲁ ⲉⲧⲣⲉϥϫⲓⲕⲃⲁ ⲙⲙⲟⲟⲩ ϩⲛϩⲉⲛⲥⲏϥⲉ ⲙⲛϩⲉⲛⲕⲉⲧⲓⲙⲱⲣⲓⲁ ⲉⲩⲟϣ ⲕⲁⲧⲁⲡⲉⲧⲥⲏϩ ·
…
13 ϫⲉⲉⲣⲉⲡϭⲱⲛⲧ ⲛⲟⲩⲣⲣⲟ ⲟ ⲛⲧϩⲉ ⲙⲡⲁϣⲁϩ ⲟ ⲙⲛⲟⲩⲙⲟⲩⲓ ⲉϥϯⲥⲃⲱ ⲣⲱ ⲉⲟⲩⲙⲛⲧⲁⲧⲛⲟⲩⲧⲉ ⲁⲩⲱ ⲡⲟⲥⲉ ⲛⲛⲉⲯⲩⲭⲏ ⲛϩⲉ ⲛⲙⲏⲏϣⲉ ·
…
14 ⲉⲟⲩⲛⲧⲁϥ ⲙⲙⲁⲩ ⲛⲟⲩⲁⲡⲉⲓⲗⲏ ⲛⲧⲉⲓϭⲟⲧ ·
…
15 ⲁⲩⲱ ⲟⲩϭⲱⲛⲧ ⲛⲁⲧⲡⲉⲓⲑⲉ ⲙⲙⲟϥ ϩⲓⲧⲛϩⲉⲛⲭⲣⲏⲙⲁ ·
…
16 ⲉⲓⲉⲡⲟⲥⲟ ⲙⲁⲗⲗⲟⲛ ⲡⲣⲣⲟ ⲛⲧⲡⲉ ⲙⲛⲡⲕⲁϩ ⲡⲇⲏⲙⲓⲟⲩⲣⲅⲟⲥ ⲙⲡⲧⲏⲣϥ ·
…
17 ⲡⲉⲛⲧⲁϥⲧⲁⲙⲓⲉⲡⲧⲏⲣϥ ⲉⲃⲟⲗ ϩⲙⲡⲉⲧⲉⲛϥϣⲟⲟⲡ ⲁⲛ ⲙⲡⲏⲩⲉ ⲙⲛⲡⲕⲁϩ ·
…
18 ⲧⲑⲁⲗⲁⲥⲥⲁ ⲙⲛⲛⲉⲧⲛϩⲏⲧⲥ ⲧⲏⲣⲟⲩ ⲛϥⲛⲁϭⲱⲛⲧ ⲁⲛ ·
…
19 ⲏ ⲟⲩⲛⲗⲁⲁⲩ ⲛⲁϣⲁⲙⲁϩⲧⲉ ⲛⲧⲟⲣⲅⲏ ⲙⲡⲉϥϭⲱⲛⲧ ⲉϫⲛⲣⲱⲙⲉ ⲛⲓⲙ ⲉⲓⲧⲉ ϩⲟⲟⲩⲧ ⲉⲓⲧⲉ ⲥϩⲓⲙⲉ ⲉⲓⲧⲉ ⲕⲟⲩⲓ ⲉⲓⲧⲉ ⲛⲟϭ ⲉⲓⲧⲉ ⲟⲩⲏⲏⲃ ⲉⲓⲧⲉ ⲙⲟⲛⲁⲭⲟⲥ ⲉⲓⲧⲉ ⲣⲣⲟ ⲉⲓⲧⲉ ⲁⲣⲭⲱⲛ ⲉⲓⲧⲉ ⲁⲣⲭⲏⲅⲟⲥ ⲛⲓⲙ ⲛⲗⲁⲟⲥ ⲉϥⲛⲁⲧⲥⲧⲟ ⲉⲃⲟⲗ ⲛⲛⲉⲡⲣⲟⲥⲧⲁⲅⲙⲁ ⲙⲡϫⲟⲉⲓⲥ ⲙⲛⲡⲉϥⲛⲟⲙⲟⲥ ⲁⲩⲱ ⲛⲉϥⲇⲓⲕⲁⲓⲱⲙⲁ ⲙⲛⲛⲉϥϩⲁⲡ ⲁⲩⲱ ⲛⲉϥⲙⲛⲧⲙⲛⲧⲣⲉ ⲛⲁⲓ ⲛⲧⲁϥⲣⲙⲛⲧⲣⲉ ⲙⲙⲟⲟⲩ ⲛⲁⲛ ϫⲓⲛⲛϣⲟⲣⲡ ϩⲛⲧⲧⲁⲡⲣⲟ ⲛⲛⲉϥⲡⲣⲟⲫⲏⲧⲏⲥ ⲉⲧⲟⲩⲁⲁⲃ ⲁⲩⲱ ϩⲛⲧⲧⲁⲡⲣⲟ ⲙⲡⲉϥⲙⲟⲛⲟⲅⲉⲛⲏⲥ ⲛϣⲏⲣⲉ ⲉⲧⲟⲩⲁⲁⲃ ⲓⲏⲥⲟⲩⲥ ⲛⲧϩⲉ ⲉⲧⲉⲣⲉⲡⲁⲡⲟⲥⲧⲟⲗⲟⲥ ϫⲱ ⲙⲙⲟⲥ ϫⲉϩⲛϩⲁϩ ⲙⲙⲉⲣⲟⲥ ⲁⲩⲱ ϩⲛϩⲁϩ ⲛⲥⲙⲟⲧ ⲉⲁⲡⲛⲟⲩⲧⲉ ϣⲁϫⲉ ⲙⲛⲛⲉⲛⲉⲓⲟⲧⲉ ⲛϣⲟⲣⲡ ϩⲛⲛⲉⲡⲣⲟⲫⲏⲧⲏⲥ ·
…
20 ϩⲛⲧϩⲁⲏ ⲇⲉ ⲛⲛⲓϩⲟⲟⲩ ⲁϥϣⲁϫⲉ ⲛⲙⲙⲁⲛ ϩⲙⲡϣⲏⲣⲉ ·
…
21 ⲡⲁⲓ ⲛⲧⲁϥⲕⲁⲁϥ ⲛⲕⲗⲏⲣⲟⲛⲟⲙⲟⲥ ⲙⲡⲧⲏⲣϥ ·
…
22 ⲡⲁⲓ ⲟⲛ ⲛⲧⲁϥⲧⲁⲙⲓⲉ ⲛⲁⲓⲱⲛ ⲉⲃⲟⲗ ϩⲓⲧⲟⲟⲧϥ ·
…
23 ⲁⲩⲱ ⲟⲛ ϩⲛⲧⲧⲁⲡⲣⲟ ⲛⲉϥⲁⲡⲟⲥⲧⲟⲗⲟⲥ ⲟⲩ ϭⲉ ⲡⲉⲧⲛⲁϣⲱⲡⲉ ⲛⲛⲁⲓ ⲛⲧⲉⲓⲙⲓⲛⲉ ⲏ ⲛⲓⲙ ⲡⲉⲧⲛⲁϣⲡⲉⲓⲑⲉ ⲙⲡϭⲱⲛⲧ ⲛⲧⲟⲣⲅⲏ ⲙⲡⲛⲟⲩⲧⲉ ⲡⲣⲣⲟ ⲛⲧⲡⲉ ⲙⲛⲡⲕⲁϩ ⲡⲁⲓ ⲉⲧϯⲥⲃⲱ ⲉⲧⲙⲛⲧⲛⲟⲩⲧⲉ ϩⲛⲟⲩⲙⲉ ⲉⲧⲣⲉⲩⲟⲩⲱϣⲧ ⲁⲛ ⲛϩⲉⲛϣⲉ ⲙⲛϩⲉⲛⲱⲛⲉ ·
…
24 ⲛⲧϩⲉ ⲛⲛⲉⲣⲣⲱⲟⲩ ⲛⲧⲁⲩⲡⲱϣⲥ ⲛⲁⲓ ⲛⲧⲁⲛϣⲁϫⲉ ⲉⲧⲃⲉⲧϩⲟⲧⲉ ⲙⲛⲧⲟⲣⲅⲏ ⲙⲡⲉⲩϭⲱⲛⲧ ·
…
25 ⲛⲁⲓ ⲟⲛ ⲉⲧϯⲥⲃⲱ ⲉⲟⲩⲱϣⲧ ⲛϩⲉⲛϣⲉ ⲙⲛϩⲉⲛⲱⲛⲉ ⲁⲩⲱ ⲡⲕⲉⲥⲉⲉⲡⲉ ⲧⲏⲣϥ ·
…
26 ⲛϩⲱⲃ ⲛϭⲓϫ ⲛⲣⲱⲙⲉ ⲁⲗⲗⲁ ⲉⲣⲉⲡϫⲟⲉⲓⲥ ϯⲥⲃⲱ ⲉⲧⲣⲉⲩⲟⲩⲱϣⲧ ⲛⲁϥ ϩⲛⲟⲩⲡⲛⲉⲩⲙⲁ ⲙⲛⲟⲩⲙⲉ ϫⲉⲛⲧⲟϥ ⲡⲉ ⲡⲛⲟⲩⲧⲉ ⲙⲙⲉ ⲙⲁⲩⲁⲁϥ ·
…
27 ⲕⲁⲧⲁⲡⲉⲧⲥⲏϩ ϫⲉⲟⲩⲡⲛⲉⲩⲙⲁ ⲡⲉ ⲡⲛⲟⲩⲧⲉ ⲁⲩⲱ ⲛⲉⲧⲛⲁⲟⲩⲱϣⲧ ⲛⲁϥ ϣϣⲉ ⲉⲣⲟⲟⲩ ⲉⲧⲣⲉⲩⲟⲩⲱϣⲧ ⲛⲁϥ ϩⲛⲟⲩⲡⲛⲉⲩⲙⲁ ⲙⲛⲟⲩⲙⲉ ·
…
28 ⲁⲩⲱ ⲟⲛ ⲉⲧⲣⲉⲩⲣϩⲙϩⲁⲗ ⲛⲁϥ ϫⲉⲛⲧⲟϥ ⲡⲉ ⲡⲣⲣⲟ ⲛⲧⲡⲉ ⲙⲛⲡⲕⲁϩ ·
…
29 ⲁⲩⲱ ⲛⲧⲟϥ ⲡⲉⲛⲧⲁϥⲧⲁⲙⲓⲟⲟⲩ ⲛⲥⲉϣⲟⲟⲡ ⲁⲛ ⲉⲓⲧⲉ ⲁⲅⲅⲉⲗⲟⲥ ⲉⲓⲧⲉ ⲁⲣⲭⲏ ⲉⲓⲧⲉ ⲉⲝⲟⲩⲥⲓⲁ ⲉⲓⲧⲉ ⲛⲉⲧϩⲛⲙⲡⲏⲩⲉ ⲧⲏⲣⲟⲩ ⲛⲧⲁⲩϣⲱⲡⲉ ⲅⲁⲣ ⲧⲏⲣⲟⲩ ⲉⲃⲟⲗ ϩⲓⲧⲟⲟⲧϥ ·
…
30 ⲉⲓⲥϩⲏⲏⲧⲉ ⲟⲩⲛ ⲁⲛⲉⲓⲙⲉ ϫⲉⲟⲩⲟⲉⲓ ⲛⲅⲉⲛⲟⲥ ⲛⲓⲙ ⲛⲣⲱⲙⲉ ·
…
31 ⲉⲛϥϩⲁⲣⲉϩ ⲁⲛ ⲉⲛⲉⲡⲣⲟⲥⲧⲁⲅⲙⲁ ⲙⲡϫⲟⲉⲓⲥ ⲉⲃⲟⲗ ϩⲛⲛⲉⲅⲣⲁⲫⲏ ⲉⲧⲟⲩⲁⲁⲃ ·
…
32 ⲛⲉⲣⲣⲱⲟⲩ ⲙⲉⲛ ⲛⲧⲁⲛϣⲁϫⲉ ⲉⲧⲃⲏⲏⲧⲟⲩ ⲛⲁⲓ ⲛⲧⲁⲩⲥⲁϩⲱⲟⲩ ⲉⲃⲟⲗ ⲛⲧⲙⲉ ·
…
33 ⲉⲩϫⲓⲕⲃⲁ ⲛϩⲉⲛⲥⲱⲙⲁ ϩⲛⲧⲥⲏϥⲉ ·
…
34 ⲏ ⲛⲧⲟϥ ϩⲙⲡⲕⲱϩⲧ ⲙⲛϩⲉⲛⲕⲉⲃⲁⲥⲁⲛⲟⲥ ⲧⲉⲯⲩⲭⲏ ⲇⲉ ⲛⲧⲟⲥ ⲛⲥⲉⲛⲁϭⲙϭⲟⲙ ⲉⲣⲟⲥ ⲁⲛ ·
…
35 ⲟⲩⲧⲉ ⲛⲥⲉⲛⲁⲛⲁⲩ ⲁⲛ ⲉⲣⲟⲥ ·
…
36 ⲟⲩⲧⲉ ⲛⲥⲉⲥⲟⲟⲩⲛ ⲁⲛ ϫⲉⲉⲥⲧⲱⲛ ϩⲙⲡⲣⲱⲙⲉ ·
…
37 ⲁⲗⲗⲁ ⲉϣⲁⲥⲉⲓ ⲉⲃⲟⲗ ϩⲛⲟⲩϩⲱⲡ ⲛⲥⲃⲱⲕ ⲉⲛϭⲓϫ ⲙⲡⲛⲟⲩⲧⲉ ⲛϥϯ ⲛⲁⲥ ⲕⲁⲧⲁⲡⲉⲥⲙⲡϣⲁ ·
…
38 ⲡⲛⲟⲩⲧⲉ ⲇⲉ ⲛⲧⲟϥ ⲧⲉⲯⲩⲭⲏ ⲙⲛⲡⲥⲱⲙⲁ ⲛⲛⲉⲧⲛⲁⲣⲁⲧⲥⲱⲧⲙ ⲛⲥⲱϥ ϣⲁϥϫⲓⲕⲃⲁ ⲙⲙⲟⲟⲩ ϩⲓⲟⲩⲥⲟⲡ ⲛϩⲣⲁⲓ ϩⲙⲡⲕⲱϩⲧ ⲛⲧⲅⲉϩⲉⲛⲛⲁ ⲉⲧϩⲛⲁⲙⲛⲧⲉ ·
…
39 ⲱ ⲡⲛⲟⲩⲧⲉ ⲙⲙⲉ ⲙⲁⲩⲁⲁϥ ·
…
40 ⲁⲩⲱ ⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ ⲙⲙⲛⲧⲁⲛϣⲁϫⲉ ⲙⲙⲁⲩ ⲉϫⲱ ⲙⲡⲉⲕⲙⲧⲟ ⲉⲃⲟⲗ ⲉⲕϣⲁⲛⲕⲣⲓⲛⲉ ⲉϥⲓⲱⲡ ⲛⲙⲙⲁⲛ ·
…
41 ⲕⲁⲧⲁⲡⲉⲙⲡϣⲁ ⲛⲛⲉⲛⲡⲉⲑⲟⲟⲩ ⲁⲗⲗⲁ ⲉⲕⲛⲁⲕⲱ ⲉⲃⲟⲗ ⲉⲧⲃⲉⲡⲉⲕⲣⲁⲛ ⲙⲁⲩⲁⲁϥ ϫⲉϥⲟⲩⲁⲁⲃ ·
…
42 ⲁⲩⲱ ϥϩⲁⲉⲟⲟⲩ ϣⲁⲛⲓⲉⲛⲉϩ ·
…
43 ⲟⲩⲟⲉⲓ ⲛⲣⲱⲙⲉ ⲛⲓⲙ ⲉϥⲛⲁⲁⲙⲉⲗⲉⲓⲁⲧⲙⲉ ⲉⲃⲟⲗ ϩⲙⲡⲛⲟⲃⲉ ϣⲁⲛⲧⲉϥⲙⲟⲩ ·
…
44 ⲕⲁⲧⲁⲧϩⲉ ⲛⲧⲁⲛϫⲉⲡⲁⲓ ⲛϩⲁϩ ⲛⲥⲟⲡ ·
…
45 ⲟⲩ ϭⲉ ⲡⲉⲧⲉⲙⲡⲟⲩϯⲟⲥⲉ ⲙⲙⲟϥ ⲛϭⲓⲛⲉⲧⲛⲁⲁⲙⲉⲗⲉⲓ ϣⲁⲛⲧⲟⲩⲙⲟⲩ ϩⲙⲡϫⲱϩⲙ ·
…
46 ⲉⲁⲩϯⲟⲥⲉ ⲛⲧⲉⲩϭⲓⲛⲉⲓ ϣⲁⲣⲟⲟⲩ ⲕⲁⲗⲱⲥ ϩⲓⲧⲛⲛⲁⲅⲅⲉⲗⲟⲥ ϩⲙⲡⲉϩⲟⲟⲩ ⲙⲡⲉⲩϭⲙⲡϣⲓⲛⲉ ⲉⲧⲣⲉⲩⲁⲥⲡⲁⲍⲉ ⲙⲙⲟⲟⲩ ϩⲛⲟⲩⲣⲁϣⲉ ⲉⲧⲣⲉⲩϩⲩⲙⲛⲉⲩⲉ ⲛⲙⲙⲁⲩ ϩⲛⲟⲩⲥⲙⲏ ⲛⲟⲩⲛⲟϥ ϩⲓⲧⲉⲗⲏⲗ ⲕⲁⲧⲁⲡⲉⲧⲥⲏϩ ϫⲉⲛⲁⲓ ⲁⲓⲣⲡⲉⲩⲙⲉⲉⲩⲉ ⲁⲓⲡⲱϩⲧ ⲛⲧⲁⲯⲩⲭⲏ ⲉϩⲣⲁⲓ ⲉϫⲱⲓ ·
…
47 ϫⲉϯⲛⲏⲩ ⲉⲃⲟⲗ ϩⲓⲧⲛⲟⲩⲙⲁ ⲛⲥⲕⲏⲛⲏ ⲛϣⲡⲏⲣⲉ ·
…
48 ϣⲁⲡⲏⲓ ⲙⲡⲛⲟⲩⲧⲉ ϩⲛⲟⲩⲥⲙⲏ ⲛⲧⲉⲗⲏⲗ ϩⲓⲟⲩⲱⲛϩ ⲉⲃⲟⲗ ⲛϩⲣⲟⲟⲩ ⲙⲡⲉⲧⲣϣⲁ ·
…
49 ⲉⲧⲃⲉⲟⲩ ⲧⲉⲗⲩⲡⲉⲓ ⲧⲁⲯⲩⲭⲏ ⲡⲉϫⲁϥ ·
…
50 ⲁⲩⲱ ⲉⲧⲃⲉⲟⲩ ⲧⲉ ϣⲧⲟⲣⲧⲣ ⲙⲙⲟⲓ ·
…
51 ϩⲉⲗⲡⲓⲍⲉ ⲉⲡⲛⲟⲩⲧⲉ ϫⲉϯⲛⲁⲟⲩⲱⲛϩ ⲛⲁϥ ⲉⲃⲟⲗ ⲡⲟⲩϫⲁⲓ ⲙⲡⲁϩⲟ ⲡⲉ ⲡⲁⲛⲟⲩⲧⲉ ·
…
52 ⲕⲁⲓ ⲅⲁⲣ ⲕⲁⲧⲁⲡⲉⲧϣⲁϫⲉ ϩⲙⲡⲉⲛⲉⲓⲱⲧ ⲇⲁⲩⲉⲓⲇ ϫⲉⲡⲁⲓ ⲉⲧⲃⲉⲇⲁⲩⲉⲓⲇ ⲁⲛ ⲙⲙⲁⲧⲉ
…