1 ⸓ ⲛⲣⲙⲙⲁⲟ ⲉⲩⲛⲁϯⲉⲟⲟⲩ ⲙⲡⲣⲙⲙⲁⲟ ϩⲙⲡⲛⲁ · ϩⲙⲡⲧⲣⲉⲩⲥⲟⲟⲩⲧⲛ ⲛⲧⲟⲟⲧⲟⲩ ⲉⲃⲟⲗ ϩⲛⲧⲙⲛⲧⲛⲁ · ⲏ ⲛⲉⲧϣⲁⲁⲧ ⲉⲧⲏⲡ ⲉⲧⲉⲓⲫⲩⲥⲓⲥ ⲛⲟⲩⲱⲧⲛ ⲙⲙⲁⲩ · ⸓
…
2 ⲛϩⲏⲕⲉ ⲉⲩⲛⲁϯⲉⲟⲟⲩ ⲛⲧⲉⲛⲧⲁⲥϫⲡⲟ ⲙⲡⲉⲛⲧⲁϥⲣϩⲏⲕⲉ ⲉϩⲛⲁϥ ⲉⲧⲃⲏⲏⲧⲛ · ϫⲉⲕⲁⲁⲥ ⲉϥⲉⲁⲁⲛ ⲛⲣⲙⲙⲁⲟ ϩⲛϩⲉⲛϩⲃⲏⲩⲉ ⲛⲇⲓⲕⲁⲓⲟⲥⲩⲛⲏ · ⸓
…
3 ⲛϩⲙϩⲁⲗ ⲉⲩⲛⲁϯⲉⲟⲟⲩ ⲛⲧⲉⲛⲧⲁⲥϫⲡⲟ · ⲙⲡⲉⲛⲧⲁϥⲡⲱϩⲧ ⲙⲙⲟϥ ⲉⲃⲟⲗ · ⲉⲁϥϫⲓ ⲛⲟⲩⲙⲟⲣⲫⲏ ⲛϩⲙϩⲁⲗ ⲉⲧⲃⲏⲏⲧⲛ · ϩⲙⲡⲧⲣⲉⲩⲟⲩⲱⲛϩ ⲉⲃⲟⲗ ⲛⲟⲩⲙⲛⲧϩⲙϩⲁⲗ ⲛⲅⲛⲏⲥⲓⲟⲥ ⲉϩⲟⲩⲛ ⲉⲛⲉⲩϫⲓⲥⲟⲟⲩⲉ ⲕⲁⲧⲁⲥⲁⲣⲝ ·
…
4 ⲛϩⲟⲩⲟ ⲇⲉ ⲉϩⲟⲩⲛ ⲉⲛⲉⲛⲧⲟⲗⲏ ⲙⲡⲉⲛϫⲟⲉⲓⲥ ⲧⲏⲣⲛ ϩⲓⲟⲩⲥⲟⲡ ·
…
5 ⲁⲛⲟⲛ ⲛⲟⲩⲏⲏⲃ ⲉⲛⲛⲁϯⲉⲟⲟⲩ ⲛⲧⲉⲛⲧⲁⲥϫⲡⲟ ⲛⲁⲛ ⲙⲡⲟⲩⲏⲏⲃ ϣⲁⲉⲛⲉϩ ⲕⲁⲧⲁⲧⲧⲁⲝⲓⲥ ⲙⲙⲉⲗⲭⲓⲥⲉⲇⲉⲕ ϩⲙⲡⲧⲣⲉⲛⲧⲃⲃⲟⲛ ·
…
6 ⲕⲁⲧⲁⲧϩⲉ ⲉⲧⲥⲏϩ ϫⲉⲛⲟⲩⲏⲏⲃ ⲉⲧϩⲏⲛ ⲉϩⲟⲩⲛ ⲉⲡⲛⲟⲩⲧⲉ ⲙⲁⲣⲟⲩⲧⲃⲃⲟⲟⲩ ⲙⲏⲡⲟⲧⲉ ⲛⲧⲉⲡϫⲟⲉⲓⲥ ⲧⲁⲕⲉϩⲟⲓⲛⲉ ⲉⲃⲟⲗ ⲛϩⲏⲧⲟⲩ ·
…
7 ⲉⲛⲣϩⲟⲩⲉ ⲣϩⲟⲧⲉ ⲟⲛ · ϫⲉⲛⲛⲉⲩϭⲛⲧⲛ ⲉⲛϩⲏⲛ ⲉϩⲟⲩⲛ ⲉⲣⲟϥ ⲙⲡⲉⲓⲙⲁ ⲡⲁⲣⲁⲟⲩⲟⲛ ⲛⲓⲙ ·
…
8 ⲉⲛⲟⲩⲏⲩ ⲇⲉ ⲉⲃⲟⲗ ⲙⲙⲟϥ ϩⲙⲡⲕⲉⲙⲁ ⲡⲁⲣⲁⲟⲩⲟⲛ ⲛⲓⲙ ⲉⲧⲃⲉⲛⲉⲛⲛⲟⲃⲉ ·
…
9 ⲁⲛⲟⲛ ⲇⲉ ⲧⲏⲣⲛ ϩⲓⲟⲩⲟⲡ · ⲉⲓⲧⲉ ⲛⲟⲩⲏⲏⲃ ⲉⲓⲧⲉ ⲡⲗⲁⲟⲥ ·
…
10 ⲙⲁⲣⲉⲛⲡⲁⲣⲁⲕⲁⲗⲉⲓ ⲁⲩⲱ ⲛⲧⲛⲧⲱⲃϩ ϩⲙⲡⲉⲛϩⲏⲧ ⲧⲏⲣϥ · ⲛⲧⲉⲧⲉⲟⲩⲛϣϭⲟⲙ ⲙⲙⲟⲥ ⲉⲥⲟⲡⲥ ⲉϫⲱⲛ ⲛⲛⲁϩⲣⲙⲡⲛⲟⲩⲧⲉ ⲉϩⲟⲩⲉ ⲉⲛⲉⲧⲟⲩⲁⲁⲃ ⲧⲏⲣⲟⲩ ⲧⲉⲑⲉⲟⲧⲟⲕⲟⲥ ⲉⲧⲟⲩⲁⲁⲃ ⲙⲁⲣⲓⲁ ⲧⲉⲛⲧⲁⲡⲛⲟⲩⲧⲉϯⲉⲟⲟⲩ ⲛⲁⲥ ϩⲛⲧⲡⲉ · ⲁⲩⲱ ϩⲓϫⲙⲡⲕⲁϩ ⲉϩⲟⲩⲉ ⲡⲥⲱⲛⲧ ⲧⲏⲣϥ ·
…
11 ⲛⲉⲧⲛⲛⲁⲩ ⲉⲣⲟⲟⲩ · ⲙⲛⲛⲉⲧⲛⲛⲁⲩ ⲉⲣⲟⲟⲩ ⲁⲛ ϫⲉⲕⲁⲁⲥ ⲉⲥⲉⲡⲣⲉⲥⲃⲉⲩⲉ ϩⲁⲣⲟⲛ ⲛⲛⲁϩⲣⲙⲡⲉⲥϣⲏⲣⲉ ⲡⲛⲟⲩⲧⲉ ⲙⲙⲉ ·
…
12 ϫⲉⲕⲁⲁⲥ ⲉϥⲉϩⲱⲃⲥ ⲉⲃⲟⲗ ⲉϫⲛⲛⲉⲛⲛⲟⲃⲉ ⲛⲧⲁⲛⲁⲁⲩ ϣⲁⲡⲉⲓⲙⲁ ϩⲙⲡⲛⲟϭ ⲙⲡⲉⲗⲁⲅⲟⲥ ⲛⲧⲉϥⲙⲛⲧⲙⲁⲓⲣⲱⲙⲉ ·
…
13 ⲛϥϥⲓ ⲉⲃⲟⲗ ⲙⲙⲟⲛ ⲙⲡⲉⲓϩⲏⲧ ⲛⲱⲛⲉ
…