1 ⲁⲛⲟⲛ ϩⲉⲛⲕⲁϩ ⲕⲁⲧⲁⲡⲉⲛⲧⲁⲕϫⲟⲟϥ ϫⲓⲛⲛϣⲟⲣⲡ ⲙⲡϣⲣⲡ ⲛⲣⲱⲙⲉ ⲁⲇⲁⲙ ϫⲉ ⲛⲧⲕⲟⲩⲕⲁϩ ⲉⲕⲛⲁⲕⲟⲧⲕ ⲉⲡⲕⲁϩ · ⲛⲅⲕⲱ ⲛⲁⲛ ⲉⲃⲟⲗ ϫⲉⲁⲛⲟⲛ ⲡⲟⲙⲉ · ⲁⲩⲱ ⲛⲉϩⲃⲏⲩⲉ ⲛⲛⲉⲕϭⲓϫ · ⲛⲅϣⲛϩⲧⲏⲕ ⲉϫⲱⲛ ⲡⲛⲟⲩⲧⲉ ⲛⲛϭⲟⲙ · ⲛⲅⲕⲱ ⲛⲁⲛ ⲉⲃⲟⲗ ϫⲉⲁⲛⲟⲛ ϩⲉⲛⲭⲟⲣⲧⲟⲥ ⲕⲁⲧⲁⲡⲉⲛⲧⲁⲕϫⲟⲟϥ ϩⲛⲧⲉⲕⲧⲁⲡⲣⲟ ⲛⲛⲉⲕⲡⲣⲟⲫⲏⲧⲏⲥ · ϫⲉⲟⲩⲭⲟⲣⲧⲟⲥ · ⲡⲉⲥⲁⲣⲝ ⲛⲓⲙ ·
…
2 ⲛⲧⲟⲕ ⲡⲉ ⲡⲛⲟⲩⲧⲉ ⲛⲛϭⲟⲙ ⲉϭⲟⲙ ⲛⲓⲙ ϣⲟⲟⲡ ⲉⲃⲟⲗ ϩⲓⲧⲟⲟⲧⲕ ⲛⲧⲟⲕ ⲡⲉⲛⲧⲁⲕⲧⲁⲙⲓⲉⲡⲕⲁϩ · ⲛⲧϩⲉ ⲛⲟⲩⲗⲁⲁⲩ ⲉⲣⲉⲛⲉⲧⲟⲩⲏϩ ⲛϩⲏⲧϥ ⲟ ⲛⲧϩⲉ ⲛϩⲉⲛϣϫⲉ ⲛⲛⲁϩⲣⲁⲕ ·
…
3 ⲁⲩⲧⲛⲧⲱⲛⲟⲩ ⲉⲩϫⲓϩ · ⲁⲩⲱ ⲛⲧⲉ ⲛⲟⲩⲧⲗϯⲗⲉ ⲉⲥⲁϣⲉ ⲛⲟⲩⲕⲁⲇⲟⲥ ⲁⲩⲱ ⲛⲧϩⲉ ⲙⲡⲣⲓⲕⲉ ⲛⲟⲩⲙⲁϣⲉ · ⲕⲁⲧⲁⲛϣⲁϫⲉ ⲛⲛⲉⲕⲡⲣⲟⲫⲏⲧⲏⲥ
…
4 ⲱ ⲡⲛⲟⲩⲧⲉ ⲛⲛϭⲟⲙ ⲁⲩⲱ ⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ · ⲉⲕⲧⲙϣⲛϩⲧⲏⲕ ϩⲁⲣⲟⲛ · ⲛⲓⲙ ⲡⲉⲧⲛⲁϣⲛϩⲧⲏϥ ϩⲁⲣⲟⲛ · ⲉⲕⲧⲙⲛⲁ ⲛⲁⲛ ⲛⲓⲙ ⲡⲉⲧⲛⲁⲛⲁ ⲛⲁⲛ ·
…
5 ⲛⲧⲟⲕ ⲅⲁⲣ ⲉⲧⲥⲟⲟⲩⲛ ⲉⲧⲉⲛⲙⲛⲧⲁⲧϭⲟⲙ ⲁⲩⲱ ⲧⲉⲛⲙⲛⲧϭⲱⲃ · ⲁⲩⲱ ⲙⲙⲛⲧⲁⲥⲑⲉⲛⲏⲥ ⲙⲡⲉⲛⲥⲱⲙⲁ ϩⲏⲡ ⲉⲣⲟⲕ ⲁⲛ · ⲕⲥⲙⲁⲙⲁⲁⲧ ⲛⲧⲟⲕ ⲡϫⲟⲉⲓⲥ ⲁⲩⲱ ⲕⲟⲩⲁⲁⲃ · ⲁⲩⲱ ϥⲥⲙⲁⲙⲁⲁⲧ ⲛϭⲓⲡⲣⲁⲛ ⲙⲡⲉⲕⲉⲟⲟⲩ ⲉⲧⲟⲩⲁⲁⲃ ϣⲁⲉⲛⲉϩ ⲛⲉⲛⲉϩ: · ❮❮❮❮❮❮❮❮ Ⲻ❮❮❮❮❮❮❮ Ⲻ❮❮❮❮❮❮❮ Ⲻ❮❮❮❮❮❮❮❮ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ ⲵ
…
6 ⲓⲱⲁⲛⲛⲟⲩ Ⲻ·⳾⳾⳾⳾Ⲻ⳾⳾⳾⳾Ⲻ ⲉⲝⲏⲅⲏⲥⲓⲥ ⳾Ⲻ⳽ Ⲻ❮❮❮❮❮❮❮❮
…
7 ϩⲙⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ · ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲧⲉ ⲧⲣⲓⲁⲥ ⲛϩⲟⲙⲟⲟⲩⲥⲓⲟⲛ · ⲛⲁⲁⲧⲡⲱⲣϫ
…
8 ⲧⲛⲡⲓⲥⲧⲉⲩⲉ ⲉⲡⲉϫⲡⲟ ⲙⲡⲙⲟⲛⲟⲅⲉⲛⲏⲥ ⲛϣⲏⲣⲉ ⲉⲃⲟⲗ ϩⲙ ⲡⲉϥⲉⲓⲱⲧ ϩⲁⲧϩⲏ ⲛⲧⲕⲁⲧⲁⲃⲟⲗⲏ ⲙⲡⲕⲟⲥⲙⲟⲥ ⲧⲛⲡⲓⲥⲧⲉⲩⲉ ⲉⲡⲉϫⲡⲟ ⲙⲡⲉⲛⲥⲱⲧⲏⲣ ⲉⲃⲟⲗ ϩⲛ ⲧⲡⲁⲣⲑⲉⲛⲟⲥ ⲙⲁⲣⲓⲁ ⲧⲉⲧⲟ ⲙⲡⲁⲣⲑⲉⲛⲟⲥ ⲛⲟⲩⲟⲉⲓϣ ⲛⲓⲙ ·
…
9 ⲧⲛⲡⲓⲥⲧⲉⲩⲉ ⲉⲛϩⲓⲥⲉ ⲛⲧⲁⲡⲉⲛⲥⲱⲧⲏⲣ ϣⲟⲡⲟⲩ ϩⲁⲣⲟⲛ ϩⲓⲡⲉⲥⲧⲁⲩⲣⲟⲥ ⲉⲧⲙⲉϩ ⲛⲟⲩϫⲁⲓ
…
10 ⲧⲛⲡⲓⲥⲧⲉⲩⲉ ⲉⲧⲉϥⲁⲛⲁⲥⲧⲁⲥⲓⲥ ⲉⲃⲟⲗ ϩⲛⲛⲉⲧⲙⲟⲟⲩⲧ ·
…
11 ⲧⲛⲡⲓⲥⲧⲉⲩⲉ ⲉⲧⲉϥⲁⲛⲁⲗⲩⲙⲯⲓⲥ ⲉϩⲣⲁⲓ ⲉⲙⲡⲏⲩⲉ ·
…
12 ⲧⲛϩⲉⲗⲡⲓⲍⲉ ⲉϫⲓ ⲙⲡⲕⲱ ⲉⲃⲟⲗ ⲛⲛⲉⲛⲛⲟⲃⲉ ϩⲓⲧⲙⲡⲉϥⲥⲱⲙⲁ ⲉⲧⲟⲩⲁⲁⲃ ⲙⲛⲡⲉϥⲥⲛⲟϥ ⲛⲁⲗⲩⲑⲓⲛⲟⲛ ·
…
13 ⲙⲛⲛⲥⲁⲧⲣⲉⲩⲱϫⲛ ⲙⲡⲉⲓⲕⲁⲛⲱⲛ ⲙⲡⲡⲉⲧⲟⲩⲁⲁⲃ ⲁⲡⲁ ⲓⲱⲁⲛⲛⲏⲥ ϩⲛϯⲉⲕⲕⲗⲏⲥⲓⲁ ⲧⲏⲣⲥ ⲛⲥⲉⲗⲟ ⲉⲩⲥⲟⲟⲩⲛ ϫⲉϥⲙⲙⲁⲩ ⲉⲡⲡⲧⲏⲣϥ
…
14 ⲁⲡϫⲟⲉⲓⲥ ⲧⲁⲁϥ ⲛⲁⲛ ϩⲛⲟⲩⲕⲟⲩⲓ ⲛϫⲱⲱⲙⲉ ⲉϥⲥⲏϩ ⲛⲁⲣⲭⲁⲓⲟⲛ
…
15 ⲁⲛⲡⲟⲟⲛⲉϥ ⲉⲩⲣⲡⲙⲉⲉⲩⲉ ⲉϥⲙⲏⲛ ⲉⲃⲟⲗ
…
16 ⲁⲛⲕⲁⲁϥ ϩⲁⲧⲉⲝⲟⲩⲥⲓⲁ ⲛⲛⲉⲛⲉⲓⲟⲧⲉ ⲉⲧϩⲙⲡϫⲁⲓⲉ ⲉⲧⲣⲉϥϭⲱ ⲉϥϣⲟⲟⲡ ϩⲁⲧⲉⲝⲟⲩⲥⲓⲁ ⲛⲧⲉⲕⲕⲗⲏⲥⲓⲁ ⲉⲧϩⲙⲡⲧⲟⲟⲩ ⲧⲡⲁⲣⲑⲉⲛⲟⲥ ⲙⲁⲣⲓⲁ ϩⲛⲛⲉϩⲟⲟⲩ ⲉⲣⲉⲡ́ⲡ́ⲙⲏⲛⲁ ⲙⲛⲡⲁⲉⲓⲧ ⲍⲁⲭⲁⲣⲓⲁⲥ ⲟⲛ ⲟⲓⲕⲟⲛⲟⲙⲟⲥ ⲉⲣⲟⲥ ⲉⲧⲣⲉⲟⲩⲟⲛ ⲛⲓⲙ ⲉⲧϣⲓⲛⲉ ϩⲁⲡⲉⲓⲕⲁⲛⲱⲛ ⲉⲧⲟⲩⲁⲁⲃ ϫⲓⲧϥ ⲛⲧⲟⲟⲧⲟⲩ ⲛⲥⲉⲥⲟⲗⲥⲗ ϩⲛⲛⲉϥϣⲁϫⲉ ⲛⲥⲉⲧⲁⲁϥ ⲉⲧⲟⲟⲧⲟⲩ ·
…
17 ϫⲉⲕⲁⲥ ⲉⲣⲡⲉⲓⲛⲟϭ ⲛⲧⲉⲗⲓⲟⲥ ⲛⲁⲣⲭⲓⲙⲁⲛⲇⲣⲓⲧⲏⲥ ⲁⲡⲁ ⲓⲱⲁⲛⲛⲏⲥ ⲛⲁϫⲓϩⲙⲟⲧ ⲉϫⲱⲟⲩ ⲡⲉⲧⲁⲧϥⲓ ⲡⲉϥⲣⲟⲟⲩϣ ⲛϥⲁⲁϥ ⲛⲙⲡϣⲁ ⲛⲙⲙⲁ ⲛⲙⲧⲟⲛ ⲉⲧϩⲛⲙⲡⲏⲩⲉ ·
…
18 ⲁⲩⲱ ⲛϥⲥϩⲁⲓ ⲙⲡⲉⲩⲣⲁⲛ ⲉⲡϫⲱⲱⲙⲉ ⲙⲡⲱⲛϩ ϩⲁⲙⲏⲛ ⲉϥⲉϣⲱⲡⲉ ⲉϥⲉϣⲱ
…