1 ⲅⲁⲣ ϫⲉⲟⲩⲣⲉϥϯ ⲉϥⲣⲟⲟⲩⲧ · ⲡⲉⲧⲉⲣⲉⲡⲛⲟⲩⲧⲉ ⲙⲉ ⲙⲙⲟϥ ·
…
2 ⲟⲩⲣⲉϥϯ ⲟⲩ ϭⲉ ⲡⲉ · ⲛⲟⲩⲣⲉϥϯⲟⲉⲓⲕ ⲙⲙⲁⲧⲉ ⲁⲛ ϩⲓϩⲃⲥⲱ ⲙⲡⲉⲧϩⲓⲧⲟⲩⲱϥ ⲁⲗⲗⲁ ϩⲱⲃ ⲛⲓⲙ ⲉⲕⲛⲁⲁⲁϥ ϩⲛⲛⲉϩⲃⲏⲩⲉ ⲛⲧⲇⲓⲕⲁⲓⲟⲥⲩⲛⲏ ⲉⲧⲣⲉⲕϫⲟⲕⲟⲩ ⲉⲃⲟⲗ ϩⲛⲟⲩⲟⲩⲣⲟⲧ ⲉⲓⲧⲉ ⲟⲩϣⲗⲏⲗ ⲉⲓⲧⲉ ⲟⲩⲁⲥⲕⲏⲥⲓⲥ ⲉⲓⲧⲉ ⲟⲩⲧⲃⲃⲟ ⲛϩⲏⲧ ⲙⲛⲟⲩⲧⲃⲃⲟ ⲛⲥⲱⲙⲁ ⲉⲧⲣⲉⲕⲁⲁⲩ ⲧⲏⲣⲟⲩ ϩⲛⲟⲩⲟⲩⲣⲟⲧ ⲉⲓⲧⲉ ⲟⲩⲥⲙⲟⲩ ⲉⲡⲛⲟⲩⲧⲉ ⲙⲡⲉϩⲟⲟⲩ ⲙⲛⲧⲉⲩϣⲏ · ⲉⲧⲣⲉⲕⲉⲓⲙⲉ ϫⲉⲉⲕⲉⲓⲣⲉ ⲙⲙⲟⲟⲩ ⲛⲛⲓⲙ ⲁⲩⲱ ⲟⲛ ⲉⲧⲣⲉⲕⲉⲓⲙⲉ ϫⲉⲉⲕⲛⲁϫⲓ ⲡⲉⲩⲃⲉⲕⲉ ⲉⲃⲟⲗ ϩⲓⲧⲛⲛⲓⲙ · ⲉϥⲥⲟⲟⲩⲛ ·
…
3 ϫⲉⲉϣϣⲉ ⲅⲁⲣ ⲉⲡⲉⲧⲛⲁϯⲡⲉϥⲟⲩⲟⲉⲓ ⲉⲡⲛⲟⲩⲧⲉ · ⲉⲡⲓⲥⲧⲉⲩⲉ ϫⲉ ϥϣⲟⲟⲡ · ⲁⲩⲱ ϫⲉϥⲛⲁϣⲱⲡⲉ ⲛⲧⲁⲓ ⲃⲉⲕⲉ ⲛⲛⲉⲧϣⲓⲛⲉ ⲛⲥⲱϥ
…
4 ⲉⲓⲉ ⲙⲡⲣⲧⲣⲉⲛⲁⲙⲉⲗⲉⲓ ⲟⲩⲛ ⲉⲣⲟⲛ ϩⲙⲡⲕⲁⲓⲣⲟⲥ ⲛϫⲟ ϫⲉⲕⲁⲥ ⲉⲛⲛⲁϩⲉ ⲉⲟⲩⲟⲛ ⲉⲱϩⲥ · ⲏ ⲉⲱⲗ ·
…
5 ⲟⲩⲛϩⲁϩ ⲛⲣⲱⲙⲉ ϣⲡϩⲓⲥⲉ ⲉⲛⲥⲉⲛⲟⲉⲓ ⲁⲛ ⲛⲧϭⲓⲛⲣⲟⲉⲓⲥ ⲉⲣⲟⲟⲩ · ⲉⲣⲉⲡϣⲁϫⲉ ⲉⲧⲥⲏϩ ⲛⲁϫⲱⲕ ⲉⲃⲟⲗ ⲉϩⲣⲁⲓ ⲉϫⲱⲟⲩ ϫⲉⲉⲧⲃⲉⲟⲩ ⲧⲉⲧⲛϩⲟⲥⲉ ·
…
6 ⲁⲩⲱ ⲡⲉⲧⲛϩⲓⲥⲉ ϣⲟⲟⲡ ⲁⲛ ⲉⲩⲥⲉⲓ ·
…
7 ⲧⲁⲓ ⲧⲉ ⲧϩⲉ ⲙⲙⲛⲗⲁⲁⲩ ⲛϩⲱⲃ ⲛⲃⲣⲣⲉ ϩⲁⲣⲟϥ ⲙⲡⲣⲏ ⲛⲉⲛⲧⲁⲩⲇⲟⲕⲓⲙⲁⲍⲉ ⲙⲙⲟⲟⲩ ·
…
8 ⲁⲩⲇⲟⲕⲓⲙⲁⲍⲉ ⲙⲙⲟⲟⲩ ϫⲓⲛⲛϣⲟⲣⲡ ·
…
9 ⲁⲩⲱ ⲁⲩⲥϩⲁⲓⲥⲟⲩ ⲛⲁⲛ ⲉⲩⲥⲃⲱ · ϩⲓⲧⲛⲛⲉⲛⲧⲁⲩⲡⲁⲓⲇⲉⲩⲉ ·
…
10 ⲁⲩⲱ ⲉⲁⲡϫⲟⲉⲓⲥ ϣⲁϫⲉ ⲛⲙⲙⲁⲩ ·
…
11 ⲁⲓⲟⲩⲱ ⲅⲁⲣ ⲉⲓϫⲱ ⲙⲡⲁⲓ ⲛϩⲁϩ ⲛⲥⲟⲡ ·
…
12 ϫⲉⲛⲟⲩⲛⲟⲃⲉ ⲛⲟⲩⲱⲧ ⲁⲛ ⲡⲉⲧϯ ⲟⲩⲃⲉⲡⲣⲱⲙⲉ ⲁⲗⲗⲁ ⲛⲁϣⲱⲟⲩ ⲉⲙⲁⲧⲉ ·
…
13 ⲟⲩ ⲙⲟⲛⲟⲛ ϫⲉⲥϩⲟⲩⲟⲣⲧ ⲛϭⲓⲙⲛⲧⲙⲁⲥⲧⲣⲱⲙⲉ ⲕⲁⲧⲁⲧϩⲉ ⲛⲧⲁⲩⲥϩⲁⲓ ⲉⲧⲃⲏⲏⲧⲥ
…
14 ⲁⲗⲗⲁ ϥⲣϩⲟⲩⲉⲥϩⲟⲩⲟⲣⲧ ⲟⲛ ⲛϭⲓⲡϫⲓⲛϭⲟⲛⲥ ·
…
15 ⲉⲧⲃⲉⲡⲁⲓ ⲧⲉⲅⲣⲁⲫⲏ ϫⲱ ⲙⲙⲟⲥ · ϫⲉⲙⲁⲣⲉϥⲥⲁϩⲱϥ ⲉⲃⲟⲗ ⲙⲡϫⲓⲛϭⲟⲛⲥ ⲛϭⲓⲟⲩⲟⲛ ⲛⲓⲙ ⲉⲧⲧⲁⲩⲟ ⲙⲡⲣⲁⲛ ⲙⲡϫⲟⲉⲓⲥ
…
16 ⲧⲁⲓ ⲟⲛ ⲧⲉ ⲧϩⲉ ⲉⲧⲉⲙⲡⲉⲡⲉⲛⲡⲉⲧⲟⲩⲁⲁⲃ ⲛⲉⲓⲱⲧ ⲥⲉⲓ ⲛϣⲁϫⲉ ϩⲛⲛⲉϥⲉⲡⲓⲥⲧⲟⲗⲏ ⲉⲧⲟⲩⲁⲁⲃ ⲉⲧⲃⲉⲧⲕⲁⲧⲁⲗⲁⲗⲓⲁ ⲉϥϫⲱ ⲛⲛⲁⲓ ⲙⲛⲛⲉⲓⲕⲟⲟⲩⲉ ϫⲉⲟⲩⲟⲉⲓ ⲛⲛⲉⲧⲟ ⲛϣⲃⲏⲣ ⲉⲛⲉⲩⲉⲣⲏⲩ ϩⲛⲧⲕⲁⲧⲁⲗⲁⲗⲓⲁ ⲉⲩⲡⲏⲧ ⲉⲣⲁⲧϥ ⲛⲛⲉⲩⲉⲣⲏⲩ ϩⲛⲟⲩⲛⲟϭ ⲛⲟⲩⲱϣ ⲉⲧⲣⲉⲩϫⲟⲕⲥ ⲉⲃⲟⲗ ϩⲓⲟⲩⲥⲟⲡ ·
…
17 ⲁⲛⲟⲕ ϯϫⲱ ⲙⲙⲟⲥ ⲛⲧⲉⲓϩⲉ · ⲡⲉⲓⲧⲁⲗⲁⲓⲡⲱⲣⲟⲥ ⲛⲉⲃⲓⲏⲛ ϫⲉⲛⲧϩⲉ ⲙⲡⲟⲩⲱϣ ⲛⲛⲉⲧⲡⲏⲧ ⲉⲣⲁⲧⲟⲩ ⲛⲛⲉⲩⲉⲣⲏⲩ ϩⲛⲟⲩⲛⲟϭ ⲛⲣⲱⲕϩ · ϩⲓⲧⲙⲡⲇⲓⲁⲃⲟⲗⲟⲥ · ⲉϫⲱⲕ ⲉⲃⲟⲗ ⲛⲟⲩⲡⲟⲣⲛⲉⲓⲁ ·
…
18 ⲧⲁⲓ ⲟⲛ ⲧⲉ ⲧϩⲉ ⲛⲛⲉⲧⲡⲏⲧ ⲉⲣⲁⲧϥ ⲛⲛⲉⲩⲉⲣⲏⲩ ⲉϫⲱⲕ ⲉⲃⲟⲗ ⲛⲧⲕⲁⲧⲁⲗⲁⲗⲓⲁ ·
…
19 ⲕⲁⲓ ⲅⲁⲣ ⲁⲓϫⲉⲛⲁⲓ ⲛϩⲁϩ ⲛⲥⲟⲡ ⲉⲧⲃⲉⲡⲟⲥⲉ ⲛⲧⲉⲓⲙⲓⲛⲉ ⲛⲣⲱⲙⲉ ⲉⲧⲧⲁⲕⲟ ⲛⲧⲉⲩϩⲉⲗⲡⲓⲥ ·
…
20 ⲛⲟⲩⲥⲟⲡ ⲛⲟⲩⲱⲧ · ⲁⲩⲱ ⲉⲧϫⲱⲱⲣⲉ ⲉⲃⲟⲗ ⲛⲛⲉⲩϩⲓⲥⲉ · ⲉⲙⲛⲗⲁⲁⲩ ⲛϩⲏⲩ ϣⲟⲟⲡ ⲛⲁⲩ ϩⲙⲡⲉⲩϩⲓⲥⲉ ⲧⲏⲣϥ ⲉⲧⲃⲉⲧⲉⲩⲧⲁⲡⲣⲟ ⲙⲛⲛⲉⲩⲙⲁⲁϫⲉ ·
…
21 ⲙⲏ ⲛϥⲥⲏϩ ⲁⲛ ϫⲉⲡⲉⲧϫⲱ ⲙⲙⲟⲥ ϫⲉⲁⲛⲅ ⲟⲩⲣⲉϥϣⲙϣⲉⲛⲟⲩⲧⲉ ⲉⲛϥⲭⲁⲗⲓⲛⲟⲩ ⲁⲛ ⲙⲡⲉϥⲗⲁⲥ ⲡⲁⲓ ⲡⲉϥϣⲙϣⲉ ϣⲟⲩⲉⲓⲧ ·
…
22 ⲡⲉⲧⲟ ⲅⲁⲣ ⲛϣⲃⲏⲣ ⲉⲧⲕⲁⲧⲁⲗⲁⲗⲓⲁ ⲙⲛⲡⲕⲁⲥⲕⲥ ⲉϥⲟ ⲛϣⲃⲏⲣ ⲉⲧⲡⲟⲣⲛⲉⲓⲁ · ⲉⲛϥⲥⲟⲟⲩⲛ ⲁⲛ · ⲡⲉⲧⲡⲟⲣⲛⲉⲩⲉ · ⲙⲛⲧⲉⲧϥⲡⲟⲣⲛⲉⲩⲉ ⲛⲙⲙⲁⲥ · ⲉϣⲁⲩϭⲱϣⲧ ⲉⲡⲉⲓⲥⲁ ⲙⲛⲡⲁⲓ ϩⲛⲟⲩϣⲧⲟⲣⲧⲣ ϫⲉⲛⲛⲉⲛⲣⲱⲙⲉ ⲛⲁⲩ ⲉⲣⲟⲟⲩ ϣⲁⲛⲧⲟⲩϫⲱⲕ ⲉⲃⲟⲗ ⲛϩⲉⲛⲡⲟⲣⲛⲉⲓⲁ ·
…
23 ⲡⲉⲧⲕⲁⲧⲁⲗⲁⲗⲉⲓ ⲟⲛ ⲙⲛⲡⲉⲧⲥⲱⲧⲙ ϣⲁⲩⲥⲉϩⲧⲟⲩ ⲛⲥⲁⲟⲩⲥⲁ ⲙⲁⲩⲁⲁⲩ ⲉⲩϭⲱϣⲧ ⲛⲥⲁⲡⲉⲓⲥⲁ ⲙⲛⲡⲁⲓ ⲉⲩϣⲧⲣⲧⲱⲣ ϫⲉⲛⲛⲉⲣⲱⲙⲉ ⲥⲱⲧⲙ ⲉⲣⲟⲟⲩ ϣⲁⲛⲧⲟⲩϫⲱⲕ ⲉⲃⲟⲗ ⲛⲧⲕⲁⲧⲁⲗⲁⲗⲉⲓⲁ
…
24 ⲉⲧⲃⲉⲡⲁⲓ ⲥⲉⲥϩⲟⲩⲟⲣⲧ ϩⲓⲟⲩⲥⲟⲡ ⲉⲃⲟⲗ ϩⲓⲧⲙⲡⲛⲟⲩⲧⲉ ⲛⲁⲓ ⲁⲩⲱ ⲛⲉⲓⲕⲟⲟⲩⲉ · ⲛⲉⲧⲡⲟⲣⲛⲉⲩⲉ · ⲁⲩⲱ ⲛⲉⲧⲕⲁⲧⲁⲗⲁⲗⲉⲓ ·
…
25 ⲕⲁⲓ ⲅⲁⲣ ⲡⲉⲧⲕⲁⲧⲁⲗⲁⲗⲉⲓ ⲛϥϣⲟⲃⲉ ⲁⲛ ⲉⲡⲉⲧⲡⲟⲣⲛⲉⲩⲉ ⲁⲩⲱ ⲡⲉⲧⲡⲟⲣⲛⲉⲩⲉ ϣⲟⲃⲉ ⲁⲛ ⲉⲡⲉⲧⲕⲁⲧⲁⲗⲁⲗⲉⲓ · ⸓
…
26 ⲛⲧϩⲉ ⲅⲁⲣ ⲉⲧⲉⲣⲉⲡϩⲏⲧ ⲙⲡⲣⲱⲙⲉ ⲙⲉϩ ⲛϫⲱϩⲙ ·
…
27 ⲁⲩⲱ ⲉϥⲣⲟⲕϩ ⲛⲥⲁⲧⲡⲟⲣⲛⲉⲓⲁ ⲉⲙⲙⲛⲧϩⲉ ⲉⲧⲣⲉϥϫⲟⲕⲥ ⲉⲃⲟⲗ · ⲕⲁⲧⲁⲛⲉϥⲟⲩⲱϣ ⲙⲡⲟⲛⲏⲣⲟⲛ ⲉⲓⲙⲏⲧⲓ ⲛϥϩⲉ ⲉⲧⲉⲧⲉϥⲡⲟⲣⲛⲉⲩⲉ ⲛⲙⲙⲁⲥ
…
28 ⲏ ⲛⲧⲟϥ ⲛϥϫⲟⲕⲟⲩ ⲉⲃⲟⲗ ϩⲛϩⲉⲛⲕⲉⲥⲙⲟⲧ ⲙⲡⲁⲣⲁⲫⲩⲥⲓⲥ ϩⲛⲛⲉⲧϥⲛⲁϩⲉ ⲉⲣⲟⲟⲩ ⲉⲩⲥⲃⲧⲱⲧ ϩⲛⲧⲉⲩϭⲓⲛⲣϩⲱⲃ ⲉⲧⲥϩⲟⲩⲟⲣⲧ ⲛⲁⲓ ⲁⲩⲱ ⲛⲉⲓⲕⲟⲟⲩⲉ
…
29 ⲧⲁⲓ ⲟⲛ ⲧⲉ ⲧϩⲉ ⲛⲧⲕⲁⲧⲁⲗⲁⲗⲓⲁ ·
…
30 ⲕⲁⲛ ⲡϩⲏⲧ ⲙⲡⲣⲱⲙⲉ ⲛⲁⲥⲉⲃⲏⲥ ⲙⲉϩ ⲛϫⲱϩⲙ ⲉⲃⲟⲗ ⲙⲙⲟⲥ ⲁⲗⲗⲁ ⲛϥⲛⲁϣϫⲱⲕ ⲉⲃⲟⲗ ⲁⲛ ⲛⲛⲉϥⲙⲛⲧⲁⲕⲁⲑⲁⲣⲧⲟⲥ ϩⲛⲧⲉϥⲧⲁⲡⲣⲟ ⲉⲓⲙⲏⲧⲓ ⲛϥϩⲉ ⲉⲡⲉⲧⲉⲓⲛⲉ ⲙⲙⲟϥ ⲟⲛ ϩⲙⲡⲉⲓⲥⲁϩⲟⲩ ⲛⲟⲩⲱⲧ · ⲉⲧⲣⲟⲕϩ ⲛⲥⲁⲥⲱⲧⲙ ⲉⲧⲃⲟⲟⲛⲉ ⲙⲡⲉⲧϩⲓⲧⲟⲩⲱϥ · ⲁⲩⲱ ⲡⲉϥⲧϭⲁⲉⲓⲟ ·
…
31 ϫⲉⲉϥⲛⲁⲉⲩⲫⲣⲁⲛⲉ ⲛϭⲓⲡⲉⲧⲥⲱⲧⲙ ⲛⲧϩⲉ ⲛⲧⲉⲥϩⲓⲙⲉ ⲙⲡⲟⲣⲛⲏ ⲉⲧⲉⲩⲫⲣⲁⲛⲉ ϩⲛⲧϩⲏⲇⲟⲛⲏ ⲙⲛⲛⲉⲧⲡⲟⲣⲛⲉⲩⲉ ⲛⲙⲙⲁⲥ
…
32 ⲧⲁⲓ ⲧⲉ ⲧϩⲉ ⲉⲧⲉϩⲛⲁϥ ⲛϭⲓⲡⲣⲉϥⲥⲱⲧⲙ ⲉⲧⲕⲁⲧⲁⲗⲁⲗⲓⲁ · ⲉⲧⲙⲧⲣⲉϥⲧⲱⲟⲩⲛ ϩⲁϩⲧⲏϥ ⲛϭⲓⲡⲉⲧⲕⲁⲧⲁⲗⲁⲗⲉⲓ ·
…
33 ⲁⲩⲱ ⲁⲧⲙⲧⲣⲉϥⲕⲁⲣⲱϥ ⲉϥⲥⲱϣ ⲙⲡⲉⲧϩⲓⲧⲟⲩⲱϥ ⲉⲣⲉⲡⲁⲓ ϭⲉ ⲙⲛⲡⲁⲓ ⲧⲛⲧⲱⲛ ⲉⲟⲩ ·
…
34 ⲡⲉⲧⲧⲁⲩⲟ ⲁⲩⲱ ⲡⲉⲧⲥⲱⲧⲙ · ⲉⲩⲧⲛⲧⲱⲛ ⲉⲡⲥⲁⲧⲁⲛⲁⲥ ⲙⲛⲧⲁⲛⲟⲙⲓⲁ · ⲁⲩⲱ ⲧⲁⲛⲟⲙⲓⲁ ⲙⲛⲡⲥⲁⲧⲁⲛⲁⲥ · ⲏ ⲉϣⲱⲡⲉ ⲣⲱ · ⲡⲉⲧⲥⲱⲧⲙ ϩⲟⲟⲩ ⲁⲛ ⲉⲡⲉⲧⲕⲁⲧⲁⲗⲁⲗⲉⲓ ·
…
35 ⲧⲁⲓ ⲧⲉ ⲧϩⲉ ⲉⲧⲉⲣⲉⲡⲣⲉϥⲥⲱⲧⲙ ϭⲱϣⲧ ⲉⲃⲟⲗ ⲙⲛⲛⲥⲁⲧⲣⲉⲡⲁⲓ ⲧⲱⲟⲩⲛ ϩⲁϩⲧⲏϥ · ⲉϥϫⲱⲕ ⲉⲃⲟⲗ ⲛⲧⲉϥⲡⲟⲣⲛⲉⲓⲁ ⲧⲏⲣⲥ ϩⲛⲧⲉϥⲧⲁⲡⲣⲟ · ⲉⲙⲙⲁⲁϫⲉ ⲙⲡⲣⲉϥⲥⲱⲧⲙ ·
…
36 ⲛⲧϩⲉ ⲙⲡⲉⲧⲡⲟⲣⲛⲉⲩⲉ ⲉⲧϫⲱⲕ ⲉⲃⲟⲗ ⲛⲧⲉϥⲡⲟⲣⲛⲉⲓⲁ ⲧⲏⲣⲥ · ϩⲛⲧⲉϥⲧⲁⲡⲣⲟ ⲉⲙⲙⲁⲁϫⲉ ⲙⲡⲣⲉϥⲥⲱⲧⲙ · ⲛⲧϩⲉ ⲙⲡⲉⲧⲡⲟⲣⲛⲉⲩⲉ ⲉⲧϫⲱⲕ ⲉⲃⲟⲗ ⲛⲧⲉϥⲡⲟⲣⲛⲉⲓⲁ ⲧⲏⲣⲥ ϩⲛⲕⲟⲩⲛϥ ⲛⲧⲉⲥϩⲓⲙⲉ ⲉⲧϩⲟⲟⲩ ⲉϣⲁϥϭⲱϣⲧ ⲉⲃⲟⲗ ϩⲙⲡⲣⲱⲕϩ ⲙⲡⲉϥϩⲏⲧ ⲉⲧϩⲟⲟⲩ · ⲉⲛⲁⲩ ϫⲉⲟⲩⲛⲕⲉⲟⲩⲁ ⲛⲏⲩ ⲟⲛ ⲉⲧⲣⲉϥⲧⲁⲩⲟ ⲉⲣⲟϥ ⲕⲁⲧⲁⲧϭⲓⲛⲧⲁⲩⲟ ⲙⲡⲉⲛⲧⲁϥⲧⲱⲟⲩⲛ ·
…
37 ϫⲉⲕⲁⲥ ⲉϥⲛⲁⲉⲩⲫⲣⲁⲛⲉ ⲛϩⲟⲩⲟ · ϩⲙⲡⲥⲱϣ ⲛⲟⲩⲙⲏⲏϣⲉ ⲉⲛⲁⲛⲟⲩⲟⲩ ⲛϩⲟⲩⲟ ⲉⲣⲟϥ · ⲛⲧϩⲉ ⲇⲉ ϩⲱⲱⲥ ⲛⲧⲉⲥϩⲓⲙⲉ ⲙⲡⲟⲣⲛⲏ · ⲉⲧⲟⲩⲟⲛϩ ⲉⲃⲟⲗ ϩⲛⲛⲉⲡⲗⲁⲧⲓⲁ · ⲉⲧⲟ ⲛϭⲟⲣϭⲥⲛ ·
…
38 ⲟⲩⲙⲏⲏϣⲉ ⲛⲉⲃⲓⲏⲛ · ⲙⲛⲛⲥⲁⲧⲣⲉⲡⲁⲓ ⲧⲱⲟⲩⲛ ϩⲁϩⲧⲏⲥ ⲉϥϫⲱⲕ ⲉⲃⲟⲗ ⲛⲧⲉϥⲡⲟⲣⲛⲉⲓⲁ ⲛⲙⲙⲁⲥ · ⲉϣⲁⲥϭⲱϣⲧ ⲟⲛ ⲛⲥⲁⲕⲉⲟⲩⲁ ⲏ ϩⲉⲛⲕⲟⲟⲩⲉ ⲉⲛⲁⲩ ⲉⲧⲃⲉⲛⲉⲧⲥⲛⲁϩⲉ ⲉⲣⲟⲟⲩ · ⲉⲩⲉⲓⲛⲉ ⲙⲙⲟⲥ ⲟⲛ ϩⲙⲡⲉⲓⲥⲁϩⲟⲩ ⲛⲟⲩⲱⲧ ·
…
39 ⲡⲁⲓ ⲁⲩⲱ ⲧⲉⲓⲕⲉⲧ ϫⲉⲕⲁⲥ ⲉⲩⲉϫⲱⲕ ⲉⲃⲟⲗ ⲛϩⲉⲛⲡⲟⲣⲛⲉⲓⲁ ⲛⲙⲙⲁⲥ · ⲉⲣⲉⲛⲁⲓ ϭⲉ ⲛⲧⲉⲓⲙⲓⲛⲉ ⲛⲁⲣⲟⲩⲱϭⲉ ⲡⲉ ⲡϩⲓⲥⲉ ⲛⲛⲁⲓ ⲛⲧⲉⲓⲙⲓⲛⲉ ⲉⲧⲣⲁⲛⲁϥ ⲙⲡⲛⲟⲩⲧⲉ · ⲛⲉ
…
40 ⲁⲙⲉⲓⲛⲟⲛ ⲉⲛⲉⲛⲧⲁⲩϣⲓⲛⲉ ⲛⲥⲁⲡⲉⲩⲉⲟⲟⲩ ⲙⲁⲩⲁⲁⲩ ⲛϭⲓⲧⲉⲓⲙⲓⲛⲉ ⲛⲥⲉϣⲟⲩϣⲟⲩ ⲙⲙⲟⲟⲩ ⲛϩⲏⲧϥ ⲛϭⲓⲡⲉⲧⲕⲁⲧⲁⲗⲁⲗⲉⲓ ⲁⲩⲱ ⲡⲉⲧⲥⲱⲧⲙ ·
…
41 ⲛϩⲟⲩⲟ ⲉⲧⲣⲉⲩϣⲓⲛⲉ ⲛⲥⲁⲡⲉⲧϭⲁⲉⲓⲟ ⲛⲛⲉⲧϩⲓⲧⲟⲩⲱⲟⲩ ⲁⲩⲱ ⲡⲥⲱϣ ⲛⲛⲉⲩϣⲃⲣⲗⲓⲧⲟⲩⲣⲅⲟⲥ ⲛⲧⲉⲡⲛⲟⲩⲧⲉ · ⲉⲡⲉⲓⲛⲟⲩⲧⲉ ⲛⲟⲩⲱⲧ ⲡⲉⲧⲟⲩⲟⲩⲱϣⲧ ⲛⲁϥ ⲁⲩⲱ ⲉⲡⲉⲓϫⲟⲉⲓⲥ ⲛⲟⲩⲱⲧ ⲡⲉⲧⲟⲩϣⲙϣⲉ ⲛⲁϥ
…
42 ⲛϩⲟⲩⲟ ⲇⲉ ⲉⲧⲣⲉⲩⲉⲩⲫⲣⲁⲛⲉ ϩⲛⲟⲩⲉⲩⲫⲣⲟⲥⲩⲛⲏ ⲉⲥⲙⲉϩ ⲛⲣⲓⲙⲉ · ⲉⲩⲥⲟⲟⲩⲛ ⲁⲛ · ⲁⲩⲱ ⲛⲥⲉⲣⲁϣⲉ ϩⲛⲟⲩⲣⲁϣⲉ ⲛⲛⲟⲩϫ · ⲉϫⲙⲡⲉⲧϭⲁⲓⲟ ⲛⲛⲉⲧϩⲓⲧⲟⲩⲱⲟⲩ · ⲉϥⲙⲉϩ ⲛⲛⲉϩⲡⲉ ⲉⲙⲡⲟⲩⲉⲓⲙⲉ ·
…
43 ⲡⲉⲧⲉⲣⲉⲡⲇⲓⲁⲃⲟⲗⲟⲥ ⲟⲩⲁϣϥ ⲛⲧⲟϥ ⲟⲛ ⲡⲉⲧⲉⲣⲉⲛⲁⲓ ⲙⲉ ⲙⲙⲟϥ ⲁⲩⲱ ⲡⲉⲧⲉⲣⲉⲛⲇⲁⲓⲙⲱⲛ ⲣⲁϣⲉ ⲉϫⲱϥ ·
…
44 ⲛⲧⲟϥ ⲟⲛ ⲡⲉⲧⲟⲩⲣⲁϣⲉ ⲛϩⲏⲧϥ ·
…
45 ⲕⲁⲓ ⲅⲁⲣ ⲁⲡⲉⲛⲡⲉⲧⲟⲩⲁⲁⲃ ⲛⲉⲓⲱⲧ ϫⲉⲡⲁⲓ ϩⲱⲱϥ ϩⲛⲟⲩϭⲱⲛⲧ ⲙⲛⲟⲩⲟⲣⲅⲏ ⲉⲃⲟⲗ ϩⲓⲧⲙⲡⲛⲟⲩⲧⲉ ·
…
46 ϫⲉⲁⲩϫⲟⲟⲥ ⲉⲧⲃⲉⲅⲉⲛⲟⲥ ⲥⲛⲁⲩ · ϫⲉⲉⲩⲛⲟⲩϫⲉ ⲛⲧⲉⲩⲉⲡⲓⲑⲩⲙⲓⲁ · ϩⲛⲣⲱⲟⲩ ·
…
47 ⲡⲟⲩⲁ ⲛⲅⲉⲛⲟⲥ ⲡⲉϫⲁϥ ⲉϥϩⲛⲛϩⲁⲗⲁⲧⲉ · ⲉⲧϩⲛⲙⲙⲟⲟⲩ ⲛⲉⲓⲟⲟⲩⲉ ⲁⲩⲱ ⲡⲕⲉⲟⲩⲁ ⲉϥϣⲟⲟⲡ ϩⲛⲛϫⲁⲧϥⲉ ⲉⲧϩⲓϫⲙⲡⲕⲁϩ ·
…
48 ⲧⲁⲓ ⲧⲉ ⲧϩⲉ ⲛⲧⲉⲓⲙⲓⲛⲉ ⲛⲣⲱⲙⲉ ⲡⲉϫⲁϥ · ⲡⲉⲧⲕⲁⲧⲁⲗⲁⲗⲉⲓ ⲁⲩⲱ ⲡⲉⲧⲥⲱⲧⲙ ⲉϩⲛⲁϥ ·
…
49 ⲁϣ ϭⲉ ⲧⲉ ⲧⲙⲉⲣⲓⲥ ⲛⲛⲁⲓ ⲏ ⲁϣ ⲡⲉ ⲡⲉⲕⲗⲏⲣⲟⲥ ⲛⲛⲉⲓⲕⲟⲟⲩⲉ
…
50 ⲉⲣϣⲁⲛⲛϣⲁϫⲉ ⲧⲏⲣⲟⲩ ⲛⲧⲉⲅⲣⲁⲫⲏ ⲛϭⲱⲛⲧ ⲛⲧⲁⲥϫⲟⲟⲩ ⲉⲃⲟⲗ ϩⲓⲧⲙⲡⲛⲟⲩⲧⲉ ⲉⲓ ⲉϩⲣⲁⲓ ⲉϫⲱⲟⲩ ϫⲉⲁⲓⲛⲟⲩϫⲉ ⲉⲃⲟⲗ ⲙⲡⲉⲧⲕⲁⲧⲁⲗⲁⲗⲉⲓ ⲛϫⲓⲟⲩⲉ ⲛⲥⲁⲡⲉⲧϩⲓⲧⲟⲩⲱϥ ⲏ ϫⲉⲛⲉⲕϩⲙⲟⲟⲥ ⲉⲕⲕⲁⲧⲁⲗⲁⲗⲉⲓ ⲛⲥⲁⲡⲉⲕⲥⲟⲛ ⲁⲩⲱ ⲛⲉⲕⲕⲁⲥⲕⲁⲛⲇⲁⲗⲟⲛ ⲛⲥⲁⲡϣⲏⲣⲉ ⲛⲧⲉⲕⲙⲁⲁⲩ ·
…
51 ⲁⲕⲣⲛⲁⲓ · ⲁⲓⲕⲁⲣⲱⲓ ·
…
52 ⲁⲕⲙⲉⲉⲩⲉ ⲉⲩⲁⲛⲟ
…