1 ϩⲛⲧⲙⲛⲧⲣⲙⲛϩⲏⲧ · ⲁⲩⲱ ⲉⲩⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ · ⲁⲩⲱ ⲟⲛ ⲉⲩϩⲁⲣⲉϩ ⲉⲛⲉⲛⲧⲟⲗⲏ ⲛⲛⲉⲩⲉⲓⲟⲧⲉ ⲉⲛⲧⲛⲥⲱⲧⲙ ⲁⲛ ⲉⲡⲟⲗⲉⲙⲟⲥ ⲛϩⲏⲧⲟⲩ · ⲏ ϩⲣⲟⲟⲩ ⲙⲡⲟⲗⲉⲙⲟⲥ ⲁⲗⲗⲁ ⲉⲩϯⲥⲟⲉⲓⲧ ⲛⲧⲉⲧⲙⲡⲓⲥⲧⲓⲥ ϩⲙⲙⲁ ⲛⲓⲙ · ⲙⲏ ⲉⲩⲟⲩⲏϩ ⲛⲙⲙⲁⲛ · ⲛϭⲓⲛⲉⲧϩⲓⲃⲟⲗ · ϫⲉⲉⲩⲛⲁⲉⲓⲙⲉ ϫⲉⲉⲣⲉⲡⲟⲩⲁ ⲡⲟⲩⲁ ⲙⲙⲟⲛ ·
…
2 ⲟⲛ ⲁϣ ⲛϩⲉ ϩⲛⲛⲉϥⲡⲣⲁⲝⲓⲥ · ⲁⲗⲗⲁ ⲉⲩⲛⲁⲩ ⲉⲧϫⲁⲙⲏ · ⲉⲧⲙⲡⲉⲛⲕⲱⲧⲉ · ⲁⲩⲱ ⲡⲉⲥϯⲛⲟⲩϥⲉ ⲛⲧⲇⲓⲕⲁⲓⲟⲥⲩⲛⲏ ⲛⲛⲉⲛⲉⲓⲟⲧⲉ ⲉⲧⲣⲟⲩⲟⲩⲟⲉⲓⲛ ⲙⲙⲡⲕⲱⲧⲉ ⲛⲧⲉⲛⲥⲩⲛⲁⲅⲱⲅⲏ · ⲉⲥⲣⲟⲩⲟⲉⲓⲛ ⲛϩⲟⲩⲟ ⲉⲡⲣⲏ ⲁⲩⲱ ⲉⲥϣⲉϣⲥϯⲛⲟⲩϥⲉ · ⲛϩⲟⲩⲉⲛϩⲏⲛⲉ ⲧⲏⲣⲟⲩ ϩⲓⲧⲙⲡⲁⲓ ⲉⲩϯⲉⲟⲟⲩ ⲛⲁⲛ ⲛϩⲟⲩⲟ · ⲁⲩⲱ ⲉⲩⲟⲩⲉϩⲡⲣⲟⲥⲑⲩⲕⲏ ⲉϫⲙⲡⲉⲛⲡⲉⲧⲛⲁⲛⲟⲩϥ
…
3 ⲉϣϫⲉ ⲁⲛⲣⲟⲩⲕⲟⲩⲓ ⲥⲉⲛⲁⲧⲁϣⲉⲟⲉⲓϣ ⲛⲟⲩϩⲟⲩⲟ · ⲁⲩⲱ ⲥⲉⲥⲏⲙⲁⲛⲉ ⲛⲛⲉⲩⲉⲣⲏⲩ ⲛⲟⲩⲙⲏⲏϣⲉ ⲛϩⲱⲃ ⲙⲡⲉⲧⲛⲁⲛⲟⲩϥ ϫⲉⲧⲛⲉⲓⲣⲉ ⲙⲙⲟϥ ·
…
4 ⲁⲗⲏⲑⲱⲥ ϣⲁⲛϣⲓⲡⲉ · ⲁⲩⲱ ϣⲁⲛϣⲱⲡⲉ ⲉⲟⲩⲗⲁⲁⲩ · ⲛⲛⲁϩⲣⲛⲛⲉⲧⲟⲩϫⲱ ⲙⲙⲟⲟⲩ ⲛⲥⲱⲛ ϩⲓⲃⲟⲗ
…
5 ⲧⲉⲛⲟⲩ ϭⲉ ⲛⲉⲥⲛⲏⲩ ⲙⲁⲣⲉⲛϣⲱⲡⲉ ⲉⲛⲟⲣϫ · ⲛⲧϩⲉ ⲛⲟⲩⲡⲟⲗⲓⲥ ⲉⲣⲉⲛⲉⲥⲥⲟⲃⲧ ⲧⲁϫⲣⲏⲩ · ⲁⲩⲱ ⲉⲣⲉⲛⲉⲥⲣⲟ ϣⲟⲧⲙ ·
…
6 ⲕⲁⲓ ⲅⲁⲣ ⲁⲩϫⲟⲟⲥ ⲛϭⲓⲛⲉⲅⲣⲁⲫⲏ ϫⲉⲛⲧϩⲉ ⲛⲟⲩⲡⲟⲗⲓⲥ ⲉⲣⲉⲛⲉⲥⲥⲟⲃⲧ ϣⲣϣⲱⲣ ·
…
7 ⲧⲁⲓ ⲧⲉ ⲧϩⲉ ⲛⲟⲩⲣⲱⲙⲉ ⲉⲛϥⲣϩⲱⲃ ⲁⲛ ϩⲛⲟⲩϣⲟϫⲛⲉ ·
…
8 ⲁϣ ϭⲉ ⲛϣⲟϫⲛⲉ ⲡⲉ ⲡⲁⲓ ⲉⲧⲉⲣⲉⲧⲉⲅⲣⲁⲫⲏ ϣⲁϫⲉ ⲉⲧⲃⲏⲏⲧϥ ⲛⲥⲁⲡϣⲟϫⲛⲉ ⲙⲡⲛⲟⲩⲧⲉ · ⲛⲧϩⲉ ⲉⲧⲥⲏϩ
…
9 ϫⲉⲟⲩⲛϩⲁϩ ⲙⲙⲉⲉⲩⲉ ϩⲙⲡϩⲏⲧ ⲙⲡⲣⲱⲙⲉ ·
…
10 ⲡϣⲟϫⲛⲉ ⲇⲉ ⲙⲡⲛⲟⲩⲧⲉ ⲡⲉⲧⲟⲣϫ
…
11 ⲟⲩⲛⲟϭ ⲡⲉ ⲡⲣⲱⲙⲉ ⲡⲉϫⲁϥ ⲁⲩⲱ ⲡⲣⲱⲙⲉ ⲛⲛⲁⲏⲧ ⲧⲁⲉⲓⲏⲩ ·
…
12 ⲁⲛⲟⲕ ϩⲱ ⲡⲉⲓⲉⲃⲓⲏⲛ · ⲁⲩⲱ ⲛϩⲏⲕⲉ ϯⲛⲁϫⲟⲟⲥ ⲛⲧⲉⲓϩⲉ
…
13 ϫⲉⲟⲩⲛⲟϭ ⲡⲉ ⲡⲣⲱⲙⲉ · ⲁⲩⲱ ⲡⲣⲱⲙⲉ ⲉⲧⲟⲩⲁⲁⲃ ⲥⲟⲧⲡ ⲉ ⲡⲉϩⲟⲩⲟ ·
…
14 ⲙⲁⲣⲛϫⲱⲕ ⲟⲩⲛ ⲉⲃⲟⲗ ⲙⲡϩⲱⲃ ⲛⲧⲙⲛⲧⲛⲟⲩⲧⲉ ⲕⲁⲧⲁϩⲱⲃ ⲛⲓⲙ · ⲉⲓⲧⲉ ϩⲛⲛⲉϩⲃⲏⲩⲉ ⲧⲏⲣⲟⲩ ⲙⲡⲛⲉⲩⲙⲁⲧⲓⲕⲟⲛ · ⲉⲓⲧⲉ ⲡⲁⲛⲥⲱⲙⲁⲧⲓⲕⲟⲛ ϩⲙⲡⲉⲛϩⲱⲃ ⲛϭⲓϫ · ϫⲉⲕⲁⲥ ⲉⲛⲛⲁϫⲓⲛⲟⲩⲥⲙⲟⲩ ⲉⲃⲟⲗ ϩⲓⲧⲙⲡϫⲟⲉⲓⲥ ·
…
15 ⲁⲩⲱ ⲟⲩ ⲛⲁ ⲉⲃⲟⲗ ϩⲓⲧⲙⲡⲛⲟⲩⲧⲉ ⲡⲉⲛⲥⲱⲧⲏⲣ · ⲁⲩⲱ ⲛⲥⲉϫⲟⲟⲥ ⲉⲣⲟⲛ
…
16 ϫⲉⲧⲁⲓ ⲧⲉ ⲧⲅⲉⲛⲉⲁ ⲛⲛⲉⲧϣⲓⲛⲉ ⲛⲥⲁⲡϫⲟⲉⲓⲥ ·
…
17 ⲁⲣⲓⲧⲁⲅⲁⲡⲏ ϭⲉ ⲱ ⲛⲁⲥⲛⲏⲩ ⲙⲙⲉⲣⲓⲧ · ⲛⲧⲉⲧⲛⲣⲧⲉⲥⲡⲟⲩⲇⲏ ⲙⲡⲱϣ ⲛϩⲧⲟⲟⲩⲉ · ⲁⲩⲱ ⲧⲉⲥⲡⲟⲩⲇⲏ ⲙⲡⲱϣ ⲙⲡⲛⲁⲩ ⲛⲣⲟⲩϩⲉ · ⲁⲩⲱ ⲛⲉⲧⲛⲥⲩⲛⲁⲝⲓⲥ ⲛϩⲧⲟⲟⲩⲉ ⲙⲛⲣⲟⲩϩⲉ ·
…
18 ⲛⲧⲉⲧⲛⲁⲁⲩ ϩⲛⲟⲩϫⲱⲕ ⲙⲛⲟⲩⲙⲛⲧϩⲁⲣϣϩⲏⲧ · ⲉⲛⲧⲉⲧⲛϣⲧⲣⲧⲱⲣ ⲁⲛ ϩⲓⲧⲙⲡⲉⲧϣⲧⲣⲧⲱⲣ ϫⲉϥⲥⲏϩ
…
19 ϫⲉⲡⲉⲧϣⲧⲟⲣⲧⲣ ⲙⲙⲱⲧⲛ · ϥⲛⲁϥⲓ ϩⲁⲡⲉⲕⲣⲓⲙⲁ · ⲡⲉⲧⲉⲛⲧⲟϥ ⲡⲉ ·
…
20 ϫⲉⲕⲁⲥ ⲉⲣⲉⲡϣⲁϫⲉ ⲉⲧⲥⲏϩ ⲛⲁⲙⲁⲕⲁⲣⲓⲍⲉ ⲙⲙⲱⲧⲛ ϫⲉⲛⲁⲓⲁⲧϥ ⲙⲡϩⲉⲑⲛⲟⲥ ⲉⲡϫⲟⲉⲓⲥ ⲡⲉ ⲡⲉϥⲛⲟⲩⲧⲉ · ⲡⲗⲁⲟⲥ ⲛⲧⲁⲡϫⲟⲉⲓⲥ ⲥⲟⲧⲡϥ ⲉⲩⲕⲗⲏⲣⲟⲛⲟⲙⲉⲓⲁ ⲛⲁϥ ·
…
21 ⲁⲩⲱ ⲟⲛ ⲛϥⲣϩⲟⲩⲉⲙⲁⲕⲁⲣⲓⲍⲉ ⲙⲙⲱⲧⲛ · ⲛϭⲓⲡϣⲁϫⲉ ⲛⲧⲉⲅⲣⲁⲫⲏ ϫⲉⲛⲁⲓⲁⲧϥ ⲙⲡⲗⲁⲟⲥ ⲉⲧⲥⲟⲟⲩⲛ ⲛⲟⲩⲗⲟⲩⲗⲁⲓ
…
22 ⲡϫⲟⲉⲓⲥ ⲥⲉⲛⲁⲙⲟⲟϣⲉ ϩⲙⲡⲟⲩⲟⲉⲓⲛ ⲙⲡⲉⲕϩⲟ · ⲁⲩⲱ ⲥⲉⲛⲁⲧⲉⲗⲏⲗ ϩⲙⲡⲉⲕⲣⲁⲛ ⲙⲡⲉϩⲟⲟⲩ ⲧⲏⲣϥ · ⲁⲩⲱ ⲥⲉⲛⲁϫⲓⲥⲉ ϩⲛⲧⲉⲕⲇⲓⲕⲁⲓⲟⲥⲩⲛⲏ · ϫⲉⲛⲧⲟⲕ ⲡⲉ ⲡϣⲟⲩϣⲟⲩ ⲛⲧⲉⲩϭⲟⲙ · ⲡⲉⲛⲧⲁⲡⲛⲁ ϫⲓⲥⲉ ϩⲛⲧⲉⲕⲇⲓⲕⲁⲓⲟⲥⲩⲛⲏ ·
…
23 ⲁⲩⲱ ϫⲉⲕⲁⲥ ⲉⲧⲉⲧⲛⲛⲁⲉϣϭⲙϭⲟⲙ ϩⲱⲧⲧⲏⲩⲧⲛ ⲙⲡⲁⲣⲣⲏⲥⲓⲁⲍⲉ ⲙⲙⲱⲧⲛ · ϩⲙⲡⲁⲓ ϫⲉⲡⲉⲛⲣⲉϥϣⲟⲡⲛ ⲉⲣⲟϥ ⲡⲉ ⲡϫⲟⲉⲓⲥ · ⲡⲡⲉⲧⲟⲩⲁⲁⲃ ⲙⲡⲓⲥⲣⲁⲏⲗ ⲛⲧⲟϥ ⲡⲉ ⲡⲉⲛⲣⲣⲟ ·
…
24 ⲱ ⲛⲁⲓⲁⲧⲟⲩ ⲛϩⲉⲛⲣⲱⲙⲉ · ⲕⲁⲧⲁⲧⲉⲛⲙⲓⲛⲉ · ⲉⲩⲛⲁⲙⲁⲕⲁⲣⲓⲍⲉ ⲙⲙⲟⲟⲩ ϩⲓϫⲙⲡⲕⲁϩ ⲉⲃⲟⲗ ϩⲓⲧⲛⲧⲧⲁⲡⲣⲟ ⲛϩⲁϩ · ⲛⲥⲉⲙⲁⲕⲁⲣⲓⲍⲉ ⲙⲙⲟⲟⲩ ⲟⲛ ϩⲛⲧⲡⲉ ϩⲓⲧⲛⲧⲧⲁⲡⲣⲟ ⲛϩⲉⲛⲧⲃⲁ ⲛⲧⲃⲁ ϩⲛⲙⲡⲏⲩⲉ ·
…
25 ⲱ ⲟⲩⲟⲉⲓ ⲁⲗⲏⲑⲱⲥ ⲛϩⲉⲛⲣⲱⲙⲉ ⲕⲁⲧⲁⲡⲉⲛⲃⲓⲟⲥ ϩⲛⲛⲥⲩⲛⲁⲅⲱⲅⲏ · ⲙⲡⲛⲟⲩⲧⲉ ⲉⲩⲛⲁⲙⲁⲕⲁⲣⲓⲍⲉ ⲙⲙⲟⲟⲩ ⲛϭⲓⲛⲁⲡⲕⲁϩ · ⲉⲩⲕⲱ ⲙϣⲙⲙⲟ ⲟⲩ ⲛϭⲓⲛⲁⲧⲡⲉ · ⲉⲧⲃⲉⲛⲉⲩϩⲃⲏⲩⲉ ⲛϭⲓϩⲉⲛⲙⲏⲏϣⲉ ⲉⲛⲁϣⲱⲟⲩ
…
26 ⲟⲩⲟⲉⲓ ⲛϩⲉⲛⲣⲱⲙⲉ ⲉⲩϫⲱ ⲙⲙⲟⲥ ⲉⲣⲟⲟⲩ ⲛϭⲓⲛⲁⲡⲕⲁϩ · ϫⲉⲛⲧⲟⲟⲩ ⲡⲉ · ⲁⲩⲱ ⲉⲣⲉⲛⲁⲧⲡⲉ ϫⲱ ⲙⲙⲟⲥ ⲉⲣⲟⲟⲩ · ϫⲉⲛⲧⲟⲟⲩ ⲁⲛ ⲡⲉ ·
…
27 ⲟⲩⲟⲉⲓ ⲛϩⲉⲛⲣⲱⲙⲉ ⲉⲩⲟⲩⲏϩ ϩⲛⲛⲏⲓ ⲙⲡⲛⲟⲩⲧⲉ · ⲛⲉϥⲥⲩⲛⲁⲅⲱⲅⲏ ⲁⲩⲱ ⲛⲉϥⲧⲟⲡⲟⲥ ⲉⲧⲟⲩⲁⲁⲃ · ⲉⲣⲉⲛⲁⲡⲕⲁϩ ϫⲱ ⲙⲙⲟⲥ ⲉⲣⲟⲟⲩ ·
…
28 ϫⲉⲛϣⲏⲣⲉ ⲙⲡⲛⲟⲩⲧⲉ ⲛⲉ ⲉⲣⲉⲛⲁⲧⲡⲉ ϫⲱ ⲙⲙⲟⲥ ϫⲉⲙⲡⲁⲓ ⲁⲛ ⲡⲉ · ⲁⲗⲗⲁ ⲛϣⲏⲣⲉ ⲙⲡⲕⲁⲕⲉ ⲛⲉ · ⲁⲩⲱ ϩⲉⲛϫⲁϫⲉ ⲛⲉ ⲉⲡⲛⲟⲩⲧⲉ · ⲉⲧⲃⲉⲛⲉⲩϩⲃⲏⲩⲉ ⲉⲧϩⲟⲟⲩ ·
…
29 ⲙⲁⲗⲓⲥⲧⲁ ⲛⲉⲧⲉⲓⲣⲉ ⲣⲱ ⲛⲛⲓϩⲃⲏⲩⲉ ⲉⲧϩⲟⲟⲩ · ϩⲉⲛϫⲱϩⲙ · ⲁⲩⲱ ϩⲉⲛⲥⲱⲱϥ ϩⲛⲛⲏⲓ ⲙⲡⲉⲭⲣⲓⲥⲧⲟⲥ · ⲙⲁⲩ ϩⲱ ⲡⲉ ⲛⲁⲡⲗⲁⲟⲥ ϩⲓϫⲙⲡⲕⲁϩ ·
…
30 ⲙⲁⲗⲓⲥⲧⲁ ϫⲉⲉⲩⲛⲁϩⲱⲡ ⲉⲛⲁⲙⲡⲏⲩⲉ ⲕⲁⲧⲁⲡⲉⲧⲥⲏϩ
…
31 ϫⲉⲡⲉⲧϭⲟⲟⲙⲉ ⲛⲥⲉⲛⲁϣⲕⲟⲥⲙⲉⲓ ⲙⲙⲟϥ ⲁⲛ · ⲁⲩⲱ ϫⲉⲡⲉⲧϣⲁⲁⲧ ⲛⲥⲉⲛⲁϣⲛⲧϥ ⲁⲛ ⲉⲏⲡⲉ ·
…
32 ⲱ ⲛⲁⲓⲁⲧⲟⲩ ⲛϩⲉⲛⲣⲱⲙⲉ ⲕⲁⲧⲁⲡⲉⲛⲃⲓⲟⲥ ⲉⲩⲛⲁϩⲧⲉ ⲉⲡⲉⲩⲟⲩⲟⲡ · ⲕⲁⲧⲁⲧϩⲉ ⲛⲧⲁⲡⲉⲛⲡⲉⲧⲟⲩⲁⲁⲃ ⲛⲉⲓⲱⲧ
…
33 ϫⲉⲡⲁⲓ ⲛϩⲁϩ ⲛⲥⲟⲡ ϩⲛⲛⲉϥⲉⲡⲓⲥⲧⲟⲗⲏ ⲉⲧⲟⲩⲁⲁⲃ
…
34 ⲟⲩⲟⲉⲓ ⲟⲩⲟⲉⲓ ⲛϩⲉⲛⲣⲱⲙⲉ ⲉⲣⲉⲡⲁⲓ ϣⲟⲟⲡ ⲛⲁⲩ ⲁⲛ ⲁⲩⲱ ⲉⲙⲛⲧⲁⲩ ⲡⲁⲓ ⲙⲙⲁⲩ ϩⲛⲛⲥⲩⲛⲁⲅⲱⲅⲏ ⲙⲡⲛⲟⲩⲧⲉ · ⸓
…
35 ⲱ ⲛⲁⲓⲁⲧⲟⲩ ⲛϩⲉⲛⲣⲱⲙⲉ ⲉⲩϩⲉⲗⲡⲓⲍⲉ ⲉⲧⲉⲩϩⲉⲗⲡⲓⲥ ⲙⲙⲓⲛⲙⲙⲟⲟⲩ · ⲉⲩⲥⲟⲟⲩⲛ ϫⲉⲥⲣⲁⲛⲁϥ ⲙⲡⲛⲟⲩⲧⲉ · ⲁⲩⲱ ⲥϣⲏⲡ ⲉϩⲟⲩⲛ ⲙⲡⲉⲭⲣⲓⲥⲧⲟⲥ · ⲉⲧⲃⲉⲧⲉⲩⲙⲛⲧⲥⲁⲃⲉ ·
…
36 ⲙⲛⲧⲏⲩⲙⲛⲧⲥⲙⲏⲧ ⲉⲁⲩϫⲡⲟ ⲛⲁⲩ ⲛⲟⲩϩⲉⲗⲡⲓⲥ ϩⲛⲧⲡⲉ · ⲁⲩⲱ ⲟⲩⲙⲛⲧⲣⲙⲙⲁⲟ ⲛⲁⲧϣⲁϫⲉ ⲉⲣⲟⲥ ϣⲁⲉⲛⲉϩ
…
37 ⲁⲩⲱ ⲟⲩⲟⲉⲓ ⲛϩⲉⲛⲣⲱⲙⲉ ⲉⲙⲛⲧⲁⲩϩⲉⲗⲡⲓⲥ ϩⲛⲧⲡⲉ · ⲁⲩⲱ ⲉⲩⲥⲟⲟⲩⲛ ⲁⲛ ⲙⲡⲉⲧⲟⲩⲛⲁϩⲧⲉ ⲉⲣⲟϥ · ϫⲉⲟⲩ ⲡⲉ ⲉⲧⲃⲉⲛⲉⲓϩⲃⲏⲩⲉ ⲛⲉⲓϩⲃⲏⲩⲉ ⲟⲛ ⲉⲧⲃⲉⲧⲉⲩⲙⲛⲧⲁⲧϩⲏⲧ ⲙⲛⲧⲉⲩⲙⲛⲧⲁⲧⲥⲱⲧⲙ ⲉⲁⲩϫⲡⲟ ⲛⲁⲩ ⲛϭⲓⲛⲁⲓ ⲛⲧⲉⲓⲙⲓⲛⲉ · ⲛⲟⲩⲙⲛⲧⲉⲃⲓⲏⲛ ⲙⲛⲟⲩⲙⲛⲧϩⲏⲕⲉ
…
38 ⲁⲩⲱ ⲟⲩⲣⲓⲙⲉ ⲙⲛⲟⲩⲛⲉϩⲡⲉ ⲛϣⲁⲉⲛⲉϩ ⲛϩⲣⲁⲓ ϩⲛⲁⲙⲛⲧⲉ ·
…
39 ⲉⲛϩⲟⲥⲟⲛ ⲟⲩⲛ ⲁⲛ ⲉⲓⲙⲉ ⲛⲉⲥⲛⲏⲩ ⲉⲡⲉⲧⲉϣϣⲉ ⲉⲣⲟⲛ ⲉⲁⲁϥ ϩⲙⲡⲉⲓϯⲟⲩ ⲛϩⲟⲟⲩ ⲉⲧϭⲉⲡⲏ ⲉⲱϫⲛ ⲛⲧϩⲉ ⲉⲧⲥⲏϩ ϩⲓⲧⲛⲕⲉⲡⲉⲧⲟⲩⲁⲁⲃ ϫⲉⲡⲁⲁϩⲉ ⲅⲁⲣ ⲁⲥⲱⲟⲩ ⲉⲟⲩⲣⲉϥⲡⲱⲧ ·
…
40 ⲙⲡⲣⲧⲣⲉⲛⲟⲃϣⲛ · ⲟⲩⲧⲉ ⲙⲡⲣⲧⲣⲉⲛⲁⲙⲉⲗⲉⲓ · ⲛⲥⲉⲛⲁϯ ⲕⲉϩⲟⲟⲩ ⲅⲁⲣ ⲛⲁⲛ ⲁⲛ ·
…
41 ⲉⲣϣⲁⲛⲛⲉϩⲟⲟⲩ ⲙⲡⲟⲩⲁ ⲡⲟⲩⲁ ϫⲱⲕ ⲉⲃⲟⲗ ⲉⲛϣⲁⲛϣⲁϫⲉ ⲧⲛⲛⲁϫⲉϩⲁϩ · ⲉⲧⲃⲉⲧⲙⲛⲧⲉⲃⲓⲏⲛ ⲛⲛⲉⲧⲛⲁⲁⲙⲉⲗⲉⲓ ·
…
42 ⲁⲩⲱ ⲟⲛ ⲉⲛϣⲁⲛϣⲁϫⲉ ⲧⲛⲛⲁϫⲉϩⲁϩ · ⲉⲧⲃⲉⲛⲉⲧⲛⲁⲣⲣⲙⲙⲁⲟ ϩⲛⲧⲉⲩⲙⲛⲧⲥⲡⲟⲩⲇⲁⲓⲟⲥ · ϩⲙⲡⲧⲣⲉⲩⲕⲁⲧⲟⲣⲑⲟⲩ ⲙⲡⲉⲩϩⲱⲃ ⲁⲩⲱ ⲛⲥⲉⲣⲡⲁϩⲣⲉ ⲉⲣⲟⲟⲩ ϩⲛⲟⲩⲙⲉⲧⲁⲛⲟⲓⲁ ⲙⲛⲛⲥⲁⲧⲣⲉⲩϩⲉ · ϫⲉⲡϩⲱⲃ ⲕⲏ ⲉϩⲣⲁⲓ ⲛⲣⲱⲙⲉ ⲛⲓⲙ ϩⲓϫⲙⲡⲕⲁϩ · ⲛⲟⲩⲟⲉⲓϣ ⲛⲓⲙ ⲙⲡⲉⲧⲟⲩⲱϣ ⲉⲟⲩϫⲁⲓ
…
43 ⲁⲗⲗⲁ ⲛⲉⲛⲟⲩⲱϣ ⲛϩⲏⲧ · ⲙⲛⲛⲉⲛⲙⲛⲧⲁⲧⲥⲱⲧⲙ ⲛⲉⲧⲉⲓⲣⲉ ⲙⲙⲟⲛ ⲛⲁⲧⲙⲡϣⲁ ⲛⲛⲁⲓ · ⲕⲁⲓ ⲅⲁⲣ ⲉϥⲥⲏϩ
…
44 ϫⲉⲉⲣⲉⲧⲙⲡϫⲟⲉⲓⲥ ⲕⲉⲧⲟⲩⲏⲓ · ⲛⲧⲁⲛⲉⲧⲕⲱⲧ ⲙⲙⲟϥ ϣⲡϩⲓⲥⲉ ⲉⲡϫⲓⲛϫⲏ ·
…
45 ⲁⲩⲱ ϫⲉⲉⲣⲉⲧⲙⲡϫⲟⲉⲓⲥ ϩⲁⲣⲉϩ ⲉⲩⲡⲟⲗⲓⲥ · ⲛⲧⲁⲡⲉⲧϩⲁⲣⲉϩ ⲉⲣⲟⲥ ⲣⲟⲩϣⲏ ⲛⲣⲟⲉⲓⲥ ⲉⲡϫⲓⲛϫⲏ
…
46 ⲡⲁⲗⲓⲛ ⲟⲛ ϫⲉⲙⲙⲛϣϭⲟⲙ ⲛⲗⲁⲁⲩ ⲉϫⲟⲟⲥ ϫⲉⲡϫⲟⲉⲓⲥ ⲡⲉⲓⲏⲥⲟⲩⲥ · ⲉⲓⲙⲏⲧⲓ ϩⲛⲟⲩⲡⲛⲉⲩⲙⲁ ⲉϥⲟⲩⲁⲁⲃ · ⲁⲩⲱ ⲟⲛ ⲡϫⲟⲉⲓⲥ ⲙⲡⲉⲟⲟⲩ ⲓⲏⲥⲟⲩⲥ ϫⲱ ⲙⲙⲟⲥ ϫⲉⲁϫⲛⲧⲛⲧⲉⲧⲛⲛⲁϣⲣⲗⲁⲁⲩ ⲁⲛ ⲛϩⲱⲃ · ⲟⲩⲕ ⲟⲩⲛ ⲉⲙⲛⲧⲏⲡⲛⲟⲩⲧⲉ ⲣϩⲱⲃ ⲙⲛⲡⲣⲱⲙⲉ · ⲙⲡⲣⲱⲙⲉ ⲛⲁϣ ⲣϩⲱⲃ ⲁⲛ ⲙⲁⲩⲁⲁϥ ⲉⲡⲉϥⲟⲩϫⲁⲓ ϩⲙⲡⲧⲣⲉⲡⲣⲱⲙⲉ ⲅⲁⲣ ⲣϩⲱⲃ ⲙⲛⲡⲛⲟⲩⲧⲉ ϩⲛϩⲉⲛⲡⲣⲁⲝⲓⲥ ⲛⲁⲅⲁⲑⲟⲛ ⲁⲩⲱ ϩⲛϩⲉⲛϩⲃⲏⲩⲉ ⲉⲛⲁⲛⲟⲩⲟⲩ ·
…
47 ϣⲁⲣⲉⲡⲛⲟⲩⲧⲉ ϩⲱⲱϥ ⲣϩⲱⲃ ⲛⲙⲙⲁϥ ϩⲛⲥⲙⲟⲩ ⲛⲓⲙ · ⲁⲩⲱ ⲛϥⲁⲩⲝⲁⲛⲉ ⲙⲙⲟϥ ϩⲛⲛⲕⲁⲣⲡⲟⲥ ⲛⲧⲇⲓⲕⲁⲓⲟⲥⲩⲛⲏ · ⲛⲧⲁⲛⲓⲙ ⲉⲛⲉϩ ⲕⲁⲧⲉϥϩⲉⲗⲡⲓⲥ ϩⲓⲡⲛⲟⲩⲧⲉ ϫⲓⲛⲛϣⲟⲣⲡ ⲉⲁⲡⲛⲟⲩⲧⲉ ⲕⲁⲁϥ ⲛⲥⲱϥ ϩⲛⲛⲉⲧⲛⲱϣ ⲙⲙⲟⲟⲩ ·
…
48 ⲧⲁⲓ ⲟⲛ ⲧⲉ ⲧϩⲉ ⲧⲉⲛⲟⲩ ϥϫⲱ ⲙⲙⲟⲥ ϫⲉⲁⲛⲟⲕ ⲡⲉ · ⲁⲛⲟⲕ ⲡⲉ ⲁⲩⲱ ⲉⲧⲉⲧⲛϣⲁⲛⲣϩⲗⲗⲟ ⲁⲛⲟⲕ ⲟⲛ ⲡⲉ ⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲛⲧⲟϥ ⲛⲥⲁϥ ⲡⲉ ·
…
49 ⲁⲩⲱ ⲛⲧⲟϥ ⲟⲛ ⲙⲡϩⲟⲟⲩ ⲡⲉ · ⲁⲩⲱ ⲟⲛ ϣⲁⲛⲓⲉⲛⲉϩ ·
…
50 ⲱ ⲛⲁⲓⲁⲧⲟⲩ ⲛϩⲉⲛⲣⲱⲙⲉ ⲉⲩⲛⲁⲛⲟⲉⲓ · ⲁⲩⲱ ⲛⲥⲉⲉⲓ ⲙⲉⲛ ⲧⲙⲏⲧⲉ ⲙⲡⲡⲉⲧⲛⲁⲛⲟⲩϥ ⲙⲛⲡⲡⲉⲧϩⲟⲟⲩ · ⲡⲡⲉⲧϩⲟⲟⲩ ⲙⲉⲛ ⲉⲧⲣⲉⲩϩⲁⲣⲉϩ ⲉⲣⲟⲟⲩ
…
51 ⲁⲧⲙⲁⲁϥ ⲡⲡⲉⲧⲛⲁⲛⲟⲩϥ ⲇⲉ ⲉⲧⲣⲉⲩϫⲟⲕϥ ⲉⲃⲟⲗ ϩⲛⲟⲩⲟⲩⲣⲟⲧ ·
…
52 ϥⲥⲏϩ
…