1 ⲧⲙⲛⲧⲣⲉϥϭⲉⲧⲡⲣⲱⲙⲉ ⲉⲃⲟⲗ ⲡⲕⲣⲟϥ ·
…
2 ⲡⲣⲁϣⲉ ⲉϫⲙⲡⲧⲁⲕⲟ ⲙⲡⲉⲧϩⲓⲧⲟⲩⲱⲕ ⲁⲗⲗⲁ ⲧⲉⲅⲣⲁⲫⲏ ⲙⲡⲛⲟⲩⲧⲉ ϣⲟⲟⲡ ⲟⲩⲃⲏⲥ ·
…
3 ⲁⲩⲱ ⲛⲉⲛⲧⲁⲥϫⲟⲟⲩ ϫⲓⲛⲛϣⲟⲣⲡ ⲉⲧⲃⲉⲛⲉⲧⲉⲓⲣⲉ ⲛⲛⲁⲓ ⲉⲧⲁⲟⲩⲟⲟⲥ ⲉⲡⲉⲥⲏⲧ ⲁⲩⲱ ⲛⲥϣⲁϣⲥ ⲉⲃⲟⲗ · ⲛⲧϩⲉ ⲛⲛⲉⲧⲉⲛⲥⲉϣⲟⲟⲡ ⲁⲛ ϩⲙⲡⲥⲟⲡ · ⲁⲩⲱ ⲡⲛⲁⲩ · ⲉⲧⲥⲛⲁϯ ⲙⲡⲉⲥⲡⲛⲉⲩⲙⲁ ⲉⲛϭⲓϫ ⲙⲡⲉⲧⲙⲟⲥⲧⲉ ⲙⲙⲟⲥ ·
…
4 ⲡⲉⲭⲣⲓⲥⲧⲟⲥ ⲙⲛⲛⲉⲥⲕⲉϩⲃⲏⲩⲉ ⲧⲏⲣⲟⲩ ⲛⲥⲓϣⲉ · ⲕⲁⲧⲁⲡⲉⲧⲥⲏϩ ϫⲉⲡⲉⲧⲛⲁⲣⲁϣⲉ ⲉϫⲙⲡⲉⲧⲛⲁⲧⲁⲕⲟ · ⲛϥⲛⲁⲣⲃⲟⲗ ⲁⲛ ⲉⲡⲉⲧϩⲟⲟⲩ ·
…
5 ⲕⲁⲓ ⲅⲁⲣ ⲛⲧⲉⲣⲉⲡϫⲟⲉⲓⲥ ⲣⲣⲱⲙⲉ ⲙⲛⲛⲣⲱⲙⲉ · ⲡⲛⲟⲩⲧⲉ ⲁⲩⲱ ⲡϣⲏⲣⲉ ⲙⲡⲛⲟⲩⲧⲉ · ⲡⲉ ⲛⲧⲁϥϯⲛⲟⲙⲟⲥ ⲛⲁⲇⲁⲙ ϩⲙⲡⲡⲁⲣⲁⲇⲓⲥⲟⲥ ⲉⲧⲙⲟⲩⲱⲙ ⲉⲃⲟⲗ ϩⲙⲡϣⲏⲛ ⲡⲉⲛⲧⲁϥϯⲛⲟⲙⲟⲥ ⲛⲁⲃⲣⲁϩⲁⲙ ϩⲛⲟⲩⲥⲃⲃⲉ ⲛⲥⲁⲣⲝ ⲙⲛⲡⲉϥⲏⲓ ⲡⲉⲛⲧⲁϥϣⲁϫⲉ ⲙⲛⲙⲱⲩⲥⲏⲥ ϩⲓⲡⲃⲁⲧⲟⲥ · ⲉⲁϥⲣⲛⲉⲓϭⲟⲙ ⲧⲏⲣⲟⲩ ϩⲣⲁⲓ ϩⲙⲡⲉϥϭⲉⲣⲱⲃ · ⲡⲁⲓ ⲛⲧⲁϥϣⲁϫⲉ ⲙⲛⲙⲱⲩⲥⲏⲥ ⲉⲧⲃⲏⲏⲧϥ ϫⲉϫⲓ ⲛⲁⲕ ⲙⲡⲉⲓϭⲉⲣⲱⲃ ϩⲣⲁⲓ ϩⲛⲧⲉⲕϭⲓϫ ·
…
6 ⲡⲁⲓ ⲉⲧⲕⲛⲁⲣⲛⲉⲓⲙⲁⲉⲓⲛ ⲧⲏⲣⲟⲩ ϩⲣⲁⲓ ⲛϩⲏⲧϥ · ⲉⲁϥⲣϩⲟⲩⲉ ϫⲟⲟⲕⲟⲩ ⲉⲃⲟⲗ ⲙⲡⲉⲙⲧⲟ ⲉⲃⲟⲗ ⲙⲫⲁⲣⲁⲱ ⲙⲛⲛⲣⲙⲛⲕⲏⲙⲉ ⲧⲏⲣⲟⲩ · ϩⲛⲧϭⲟⲙ ⲙⲡⲉϥϭⲃⲟⲓ ⲛⲧϩⲉ ⲉⲧⲥⲏϩ ϫⲉⲡⲉⲛⲧⲁϥⲙⲡⲓⲥⲣⲁⲏⲗ ⲉⲃⲟⲗ ϩⲙⲡⲕⲁϩ ⲛⲕⲏⲙⲉ ϩⲛⲟⲩϭⲓϫ ⲉⲥϫⲟⲟⲣ · ⲁⲩⲱ ϩⲛⲟⲩϭⲃⲟⲓ ⲉϥϫⲟⲥⲉ ·
…
7 ⲡⲉⲛⲧⲁϥϯⲛⲟⲙⲟⲥ ⲙⲙⲱⲩⲥⲏⲥ ϩⲓⲧⲉⲣⲏⲙⲟⲥ ⲁⲩⲱ ⲡⲉⲛⲧⲁⲉⲛⲧⲟⲗⲏ ⲛⲓⲙ ϩⲓⲛⲟⲙⲟⲥ ⲛⲓⲙ ϣⲱⲡⲉ ⲉⲃⲟⲗ ϩⲓⲧⲟⲟⲧϥ
…
8 ⲡⲉⲛⲧⲁϥⲣⲛⲁⲓ ⲉⲁϥⲣϩⲟⲩⲟ ⲉⲛⲉⲧⲉⲙⲡⲛϫⲟⲟⲩ ⲉⲙⲁⲧⲉ ⲉⲙⲁⲧⲉ · ⲉⲙⲛϣⲓϣⲟⲟⲡ ⲛⲛⲉϥϭⲟⲙ · ⲁⲩⲱ ⲉⲙⲛϫⲱⲕ ϣⲱⲡⲉ ⲛⲛⲉϥϣⲡⲏⲣⲉ · ⲛⲧⲉⲣⲉϥⲣⲣⲱⲙⲉ ϭⲉ ⲙⲛⲛⲣⲱⲙⲉ ⲡⲛⲟⲩⲧⲉ ⲡⲉ ⲁⲩⲱ ⲡϣⲏⲣⲉ ⲙⲡⲛⲟⲩⲧⲉ ·
…
9 ⲁϥϯⲡⲉϥⲟⲩⲟⲉⲓ ⲉⲣⲟϥ ⲛϭⲓⲟⲩⲛⲟⲙⲓⲕⲟⲥ ·
…
10 ⲁϥϫⲛⲟⲩϥ ⲉϥⲡⲉⲓⲣⲁⲍⲉ ⲙⲙⲟϥ ϫⲉⲁϣ ⲧⲉ ⲧⲛⲟϭ ⲛⲉⲛⲧⲟⲗⲏ ϩⲣⲁⲓ ϩⲙⲡⲛⲟⲙⲟⲥ ·
…
11 ⲉⲁϥⲟⲩⲱϣⲃ ⲛⲁϥ ⲛϭⲓⲡⲥⲱⲧⲏⲣ ⲙⲙⲉ ⲓⲏⲥⲟⲩⲥ ·
…
12 ϫⲉⲥⲱⲧⲙ ⲡⲓⲥⲣⲁⲏⲗ ⲡϫⲟⲉⲓⲥ ⲡⲉⲕⲛⲟⲩⲧⲉ ⲟⲩⲁ ⲛⲉ ·
…
13 ⲉⲕⲉⲙⲉⲣⲉⲡϫⲟⲉⲓⲥ
…