1 ⲙⲡⲣⲣⲟ ϫⲉⲙⲁⲣⲉⲛϥⲓ ⲙⲡⲉⲓⲭⲣⲏⲥϯⲁⲛⲟⲥ ·
…
2 ⲉϫⲙⲡⲧⲟⲟⲩ ⲛⲥⲁⲛⲃⲟⲗ ⲛⲛⲉⲓⲙⲏⲏϣⲉ ⲛⲧⲛⲇⲱⲕⲓⲙⲁⲍⲉ ⲛⲛⲉⲛⲉⲣⲏⲩ ⲙⲡⲉⲥⲛⲁⲩ .
…
3 ⲁⲩⲱ ⲁⲡⲣⲣⲟ ⲟ ⲃⲱⲕ ⲉϫⲙⲡⲧⲟⲟⲩ ⲙⲛⲡⲙⲁⲅⲟⲥ ⲙⲛ ⲡⲡⲉⲧⲟⲩⲁⲁⲃ
…
4 ⲡⲉϫⲉⲡⲣⲣⲟ ⲇⲉ ⲛⲁϥ ϫⲉⲱ ϩⲏⲗⲓⲗⲓⲁⲥ ⲛⲧⲁⲓⲉⲛⲧⲕ ⲉϫⲙⲡⲉⲓⲧⲟⲟⲩ ϫⲉⲉⲓⲉⲇⲱⲕⲓⲙⲁⲍⲉ ⲙⲙⲟⲕ ⲙⲡϩⲟⲟⲩ ⲡⲉϫⲉⲡⲡⲉⲧⲟⲩⲁⲁⲃ ⲛⲁϥ ϫⲉⲁⲛⲟⲕ ⲛϯⲥⲟⲟⲩⲛ ⲁⲛ ϫⲉⲟⲩ ⲡⲉ ⲙⲁⲅⲓⲁ ⲁⲗⲗⲁ ⲧϭⲟⲙ ⲛⲓⲏⲥⲟⲩⲥ ⲡⲁⲛⲟⲩⲧⲉ ⲟⲩⲁⲧϫⲣⲟ ⲉⲣⲟⲥ ⲧⲉ .
…
5 ⲁⲡⲣⲣⲟ ⲕⲟⲧϥ ⲉⲡⲙⲁⲅⲟⲥ ⲡⲉϫⲁϥ ⲛⲁϥ ϫⲉⲡⲉⲧⲉⲕⲛⲁⲁϥ ⲁⲣⲓϥ ϩⲛⲟⲩϭⲉⲡⲏ
…
6 ⲁϥⲁϩⲉⲣⲁⲧϥ ⲛϭⲓⲡⲙⲁⲅⲟⲥ ⲁϥⲉⲡⲓⲕⲁⲗⲉⲓ ⲁⲡⲧⲟⲟⲩ ⲡⲱϩ ⲁϥⲣⲥⲛⲁⲩ ·
…
7 ⲁⲩⲱ ⲁⲩⲉⲓ ⲉϩⲣⲁⲓ ⲛϭⲓⲛⲟϭ ⲥⲛⲁⲩ ⲛⲇⲣⲁⲕⲱⲛ ⲉⲩⲛⲁϣⲧ ⲉⲙⲁⲧⲉ ⲡⲡⲉⲧⲟⲩⲁⲁⲃ ⲇⲉ ϩⲏⲗⲓⲁⲥ ⲙⲡⲉϥϭⲱϣⲧ ⲉⲣⲟⲟⲩ ⲉⲡⲧⲏⲣϥ ⲁⲗⲗⲁ ⲛⲉϥⲁϩⲉⲣⲁⲧϥ ⲉϥϣⲗ̧ⲗ̧ ⲉϩⲣⲁⲓ ⲉⲡⲛⲟⲩⲧⲉ
…
8 ⲛⲉⲇⲣⲁⲕⲱⲛ ⲇⲉ ⲛⲧⲉⲣⲟⲩⲛⲁⲩ ⲉⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲉϥϣⲗⲏⲗ ⲁⲩⲥⲱϣⲧ
…
9 ⲁⲩⲱ ⲁⲩⲁϩⲉⲣⲁⲧⲟⲩ ⲙⲡⲉⲧϩⲟⲧⲉ ⲕⲁⲁⲩ ⲉϩⲱⲡ ⲉϩⲟⲩⲛ ⲉⲣⲟϥ ⲛⲧⲉⲣⲉϥⲛⲁⲩ ⲛϭⲓⲡⲙⲁⲅⲟⲥ ⲁϥⲣϣⲡⲏⲣⲉ ⲉⲙⲁⲧⲉ ⲁϥϩⲓⲥⲉ ⲉϥⲉⲡⲓⲕⲁⲗⲉⲓ ⲙ\ⲡⲉⲛⲇⲣⲁⲕⲱⲛ ⲕⲓⲙ ⲉⲣⲟⲟⲩ ϩⲙⲡⲉⲩⲙⲁ .
…
10 ⲡⲙⲁⲅⲟⲥ ⲇⲉ ⲛⲉϥⲟⲩⲱϣ ⲛⲁⲣⲓⲥⲕⲉ ⲙⲡⲣⲣⲟ ⲡⲉϫⲁϥ ϫⲉⲱ ϩⲏⲗⲓⲁⲥ ⲉⲕⲙⲉⲉⲩⲉ ϫⲉⲛⲧⲁⲕⲥⲱϣⲧ ⲛⲡⲉⲇⲣⲁⲕⲱⲛ
…
11 ⲙⲡⲉⲕⲕⲁⲁⲩ ⲉϩⲱ ⲉϩⲟⲩⲛ ⲉⲣⲟⲕ ϫⲉⲁⲛⲁⲧⲉⲭⲛⲏⲟⲩⲱ ⲉⲓⲥϩⲏⲏⲧⲉ ϯϫⲱ ⲙⲙⲟⲥ ⲛⲁⲕ ϫⲉⲡⲉⲧϩⲟⲟⲩ ⲉⲛⲁⲓϯⲛⲁⲁⲩ ⲛⲁⲕ .
…
12 ⲙⲛⲛⲥⲱⲥ ⲁϥⲉⲡⲓⲕⲁⲗⲉⲓ ⲁⲛⲉⲇⲣⲁⲕⲱⲛ ⲡⲱϩ ϩⲛⲧⲉⲩⲙⲏⲧⲉ ⲁϥϫⲓ ⲙⲡⲥⲓϣⲉ ⲙⲡⲉⲇⲣⲁⲕⲱⲛ ⲙⲛⲡⲉⲩⲱⲧ ⲙⲛⲡⲉⲩϩⲩⲡⲁⲣ ⲙⲛⲟⲩⲁⲉⲓⲃ ⲛⲣⲉϥⲙⲟⲟⲩⲧ ⲙⲛⲟⲩⲉⲛⲧⲏϭ ⲛⲁⲅⲣⲓⲟⲛ ⲁⲩⲧⲁϩⲟⲩ ⲙⲛⲛⲉⲩⲉⲣⲏⲩ .
…
13 ⲁϥⲧⲁⲁⲩ ⲉⲩⲁⲡⲟⲧ ⲛⲃⲣⲣⲉ ⲁϥⲉⲡⲓⲕⲁⲗⲉⲓ ⲉϩⲣⲁⲓ ⲉϫⲱⲟⲩ ⲛϩⲛⲟⲛⲉⲙⲁⲥⲓⲁ ⲛⲇⲁⲓⲙⲱⲛⲓⲟⲛ
…
14 ϩⲱⲥⲧⲉ ⲛⲧⲉⲛⲛⲟⲩⲛⲡⲱϩ ⲛϥⲓ ⲉϩⲣⲁⲓ ⲛϭⲓⲡⲇⲓⲁⲃⲟⲗⲟⲥ ⲛⲧⲉⲡⲧⲟⲟⲩ ⲧⲏⲣϥ ⲙⲟⲩϩ ⲛⲇⲁⲓⲙⲱⲛⲓⲟⲛ ϩⲓⲫⲁⲛⲧⲁⲥⲓⲁ .
…
15 ⲛⲧⲉⲣⲉⲡⲣⲣⲟ ⲛⲁⲩ ⲁϥⲣⲁϣⲉ ⲉⲙⲁⲧⲉ
…
16 ⲁⲩⲱ ⲁϥⲁⲙⲁϩⲧⲉ ⲛⲧⲁⲡⲏ ⲙⲡⲙⲁⲅⲟⲥ ⲁϥϯⲡⲓ ⲉⲣⲟⲥ ⲉϥϫⲱ ⲙⲙⲟⲥ ϫⲉⲁⲗⲏⲑⲱⲥ ⲁⲓⲉⲓⲙⲉ ϫⲉⲛⲧⲅⲟⲩϩⲓⲕⲁⲛⲟⲥ ⲉⲃⲱⲗ ⲉⲃⲟⲗ ⲛⲧⲙⲁⲅⲓⲁ ⲛⲛⲉⲭⲣⲏⲥϯⲁⲛⲟⲥ ⲡⲙⲁⲅⲟⲥ ⲇⲉ ⲁϥⲧⲱϩⲛⲛⲁⲕⲁⲑⲁⲣⲥⲓⲁ ⲙⲛⲛⲉⲩⲉⲣⲏⲩ ⲁϥⲧⲁⲁⲩ ⲉⲡⲁⲡⲟⲧ ⲁϥⲥⲟⲟⲩⲧⲛ ⲙⲙⲟⲟⲩ ⲉϩⲟⲩⲛ ⲉⲡⲇⲓⲕⲁⲓⲟⲥ ⲛⲧⲉⲣⲉϥ ϫⲓⲧϥ ⲇⲉ ⲡⲉϫⲁϥ ϫⲉⲛⲉⲓⲟⲩⲱϣ ⲙⲉⲛ ⲁⲛ ⲡⲉ · ⲉⲥⲱ ⲉⲃⲟⲗ ϩⲉⲛⲛⲉⲓⲁⲕⲁⲑⲁⲣⲥⲓⲁ
…
17 ⲡⲗⲏⲛ ϭⲉ ⲛⲥⲥⲙⲉⲗⲉⲓ ⲛⲁⲓ ⲁⲛ ϫⲉϥⲥⲏϩ ϩⲛⲧⲉⲅⲣⲁⲫⲏ ϫⲉⲕⲁⲛ ⲉⲩϣⲁⲛⲥⲱ ⲛⲟⲩⲡⲁϩⲣⲉ ⲙⲙⲟⲩ ⲛⲥⲛⲁⲉⲣⲃⲟⲟⲛ ⲉⲛⲁⲩ ⲁⲛ ⲗⲟⲓⲡⲟⲛ ⲁϥϭⲱϣⲧ ⲉϩⲣⲁⲓ ⲉⲧⲡⲉ ⲛϭⲓⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲁϥϣⲗⲏⲗ ⲉϥϫⲱ ⲙⲙⲟⲥ ⲛⲧⲉⲓϩⲉ ϫⲉⲥⲱⲧⲙ ⲉⲣⲟⲓ ⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉⲧⲥⲱⲧⲙ ⲉⲟⲩⲟⲛ ⲛⲓⲙ ⲉⲧⲱϣ ⲉϩⲣⲁⲓ ⲉⲣⲟϥ ⲡⲉⲛⲧⲁϥⲥⲱⲧⲙ ⲉⲁⲃⲣⲁϩⲁⲙ ⲛⲧⲉϥ:ⲙⲛⲧϣⲙⲙⲟ :
…
18 ⲁϥⲛⲟⲩϩⲙ ⲛⲓ:ⲥⲁⲁⲕ ⲛⲧⲟⲟⲧⲟⲩ : ⲛⲛⲉⲫⲩⲗⲓⲥ :ⲧⲓⲉⲓⲙ .
…
19 ⲡⲉⲛⲧⲁϥⲛⲟⲩ :ϩⲙⲛⲓⲁⲕⲱⲃ : ⲉⲛϭⲓϫ ⲛⲏⲥⲁⲩ ⲡⲉⲛⲧⲁϥⲛⲟⲩ ϩⲙⲛⲓⲱⲥⲏⲫ ⲉⲧϭⲓϫ ⲛⲧⲉⲥϩⲓⲙⲉ ⲙⲡⲉⲧⲉⲫⲣⲏ .
…
20 ⲡⲉⲛⲧⲁϥⲛⲟϩⲙ ⲙⲙⲱⲩⲥⲏⲥ ⲉⲛϭⲓϫ ⲙⲫⲁⲣⲁⲱ
…
21 ⲁⲩⲱ ⲉⲛϭⲓϫ ⲛⲓⲁⲛⲛⲏⲥ ⲙⲛⲓⲁⲙⲃⲣⲏⲥ .
…
22 ϯⲧⲱⲃϩ ⲙⲙⲟⲕ ϩⲱ ⲁⲛⲟⲕ ⲡⲉⲕϩⲙϩⲁⲗ ϩⲏⲗⲓⲁⲥ ϫⲉⲕⲁⲥ ⲉⲕⲉⲛⲁϩⲙⲉⲧ ⲉⲃⲟⲗ ϩⲓⲧⲟⲧⲟⲩ ⲛⲛⲉⲓⲫⲁⲛⲧⲁⲥⲓⲁ ⲛⲛⲉⲕⲕⲁⲁⲩ ⲉϭⲙϭⲟⲙ ⲉⲣⲟⲓ ϫⲉⲛⲛⲉⲡϫⲁϫⲉ ϣⲟⲩϣⲟⲩ ⲙⲙⲟϥ ⲉϫⲱⲓ .
…
23 ⲁⲓⲥⲱⲧⲙ ⲅⲁⲣ ϩⲛⲧⲉⲅⲣⲁⲫⲏ ⲉⲧⲟⲩⲁⲁⲃ ϫⲉⲉϣϫⲉ ⲡⲛⲟⲩⲧⲉⲡⲉⲧⲙⲓϣⲉ ⲉϫⲱⲛ ⲛⲓⲙⲡⲉⲧⲛⲁϣϯⲟⲩⲃⲏⲛ ⲡⲁⲗⲓⲛ ⲟⲛ ϥϫⲱ ⲙⲙⲟⲥ ⲛϭⲓⲉⲗⲓⲥⲥⲁⲓⲟⲥ · ϫⲉⲛⲁϣⲉⲛⲉⲧⲙⲓϣⲉ ⲉϫⲱⲛ ⲉϩⲟⲩⲉ ⲉⲛⲉⲧϯⲟⲩⲃⲏⲛ .
…
24 ⲧⲉⲛⲟⲩ ϭⲉ ⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉⲛⲧⲁϥⲛⲟⲩ ϩⲙⲡⲓⲉⲗⲓⲥⲥⲁⲓⲟⲥ ⲉⲧϭⲓϫ ⲙⲡⲣⲣⲟ ⲛⲧⲥⲩⲣⲓⲁ ⲉⲕⲉⲡⲁϩⲙⲉⲧ ϩⲱ ⲉⲧϭⲓϫ ⲛⲛⲉⲓⲇⲁⲓⲙⲱⲛⲓⲟⲛⲁⲥϣⲱⲡⲉ
…
25 ⲇⲉ ⲛⲧⲉⲣⲉϥⲟⲩⲱ ⲉϥⲥⲟⲡⲥ ⲛϭⲓⲡⲙⲁⲕⲁⲣⲓⲟⲥ ϩⲏⲗⲓⲁⲥ ⲉⲓⲥ ⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲁϥⲉⲓ ϣⲁⲣⲟϥ ⲁϥⲙⲁⲥⲧⲓⲅⲟⲩ ⲛⲛⲇⲁⲓⲙⲱⲛⲓⲟⲛ ⲧⲏⲣⲟⲩ ⲁϥⲛⲟϫⲟⲩ ⲉⲃⲟⲗ ϩⲙⲡⲧⲟⲟⲩ
…
26 ⲁⲩⲱ ⲡⲕⲉⲇⲓⲁⲃⲟⲗⲟⲥ ⲁϥⲣⲟⲩϣⲁϩ ⲛⲕⲱϩⲧ ⲁϥϩⲱⲗ ⲉⲃⲟⲗ — ⲡⲣⲣⲟ ⲇⲉ ⲛⲉϥⲛⲁⲩ ⲉⲡⲁⲅⲅⲉⲗⲟⲥ ⲁⲛ ⲡⲉ ⲉⲓⲙⲏⲧⲓ ⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲙⲁⲩⲁⲁϥ
…
27 ⲁⲥϣⲱⲡⲉ ⲇⲉ ⲛⲧⲉⲣⲉⲡϩⲁⲅⲓⲟⲥ ϩⲏⲗⲓⲁⲥ ⲛⲁⲩ ⲉⲡⲁⲅⲅⲉⲗⲟⲥ ⲉϥⲁϩⲉⲣⲁⲧϥ ⲉⲣⲟϥ ⲁϥⲣⲁϣⲉ ⲉⲙⲁⲧⲉ ⲁϥⲥⲫⲣⲁⲅⲓⲍⲉ ⲙⲙⲟϥ ⲉⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ
…
28 ⲁⲩⲱ ⲁϥⲥⲱ ⲙⲡⲁⲡⲟⲧ ⲉⲧⲙⲉϩ ⲛⲁⲕⲁⲑⲣⲥⲓⲁ ⲁⲩⲱ ⲙⲡⲉⲗⲁⲁⲩ ⲙⲡⲉⲧϩⲟⲟⲩ ϣⲱⲡⲉ ⲙⲙⲟϥ .
…
29 ⲁⲗⲗⲁ ⲛⲉⲣⲉⲡⲉϥϩⲟ ⲣⲟⲟⲩⲧ ⲛⲑⲉⲛⲟⲩⲁ ⲉϥⲧⲁϩⲉ ⲙ ⲡⲏⲣⲡ .
…
30 ⲛⲧⲉⲣⲉⲡⲟⲩⲡⲗⲓⲁⲛⲟⲥ ⲇⲉ ⲛⲁⲩ ⲉⲡϩⲁⲅⲓⲟⲥ ϩⲏⲗⲓⲁⲥ ϫⲉⲙⲡⲉⲡⲉⲧϩⲟⲟⲩ ϣⲱⲡⲉ ⲙⲙⲟϥ .
…
31 ⲁϥⲃⲓⲛⲛⲉϥϭⲓϫ ⲉϩⲣⲁⲓ ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉⲁⲗⲏⲑⲱⲥ ⲙⲛⲛⲟⲩⲧⲉ ϩⲛⲧⲡⲉ ⲟⲩⲇⲉ ϩⲓϫⲙⲡⲕⲁϩ ⲛⲧϩⲉ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲉⲩⲛϭⲟ ⲙⲙⲟϥ ⲡⲛⲟⲩⲧⲉ ⲙⲡϩⲁⲅⲓⲟⲥ ϩⲏⲗⲓⲁⲥ .
…
32 ⲁϥⲟⲩⲱϣⲃ ⲛϭⲓⲡⲙⲁⲅⲟⲥ ⲉϥϫⲱ ⲙⲙⲟⲥ ϫⲉⲕⲉϩⲱⲃ ⲛⲟⲩⲱⲧ ⲡⲉ ϯⲛⲁⲇⲱⲕⲓⲙⲁⲍⲉ ⲙⲙⲟⲕ ⲛϩⲏⲧϥ
…
33 ⲉϣⲱⲡⲉ ϭⲉ ⲙⲡⲉⲡⲉⲧϩⲟⲟⲩ ϣⲱⲡⲉ ⲙⲙⲟⲕ ⲉⲓⲉ ⲁⲗⲏⲑⲱⲥ ⲟⲩⲙⲉ ⲡⲉⲡⲉⲕⲛⲟⲩⲧⲉ .
…
34 ⲛⲧⲉⲩⲛⲟⲩ ⲁϥⲉⲡⲓⲕⲁⲗⲉⲓ ⲛϭⲓⲡⲙⲁⲅⲟⲥ ⲁⲩⲛⲟϭ ⲙⲡⲉⲧⲣⲁ ⲛⲕⲱϩⲧ ⲉⲓ ⲉϩⲣⲁⲓ ϩⲙⲡⲧⲟⲟⲩ ⲙⲡⲉⲩⲙⲧⲟ ⲉⲃⲟⲗ .
…
35 ⲡⲉϫⲁϥ ⲙⲡⲇⲓⲕⲁⲓⲟⲥ ϫⲉⲉϣϫⲉ ⲕⲑⲁⲣⲓ ⲙⲡⲉⲕⲛⲟⲩⲧⲉ ϩⲙⲡⲉⲕϩⲏⲧ ⲧⲏⲣϥ ϫⲉⲟⲩⲛⲟⲩⲧⲉ ⲉϥϭⲙϭⲟⲙ ⲡⲉ ⲓⲏⲥⲟⲩⲥ ⲉⲓⲉ ⲁⲙⲟⲩ ⲛⲅⲃⲱⲕ ⲉϩⲟⲩⲛ ⲉⲧⲉⲓⲡⲉⲧⲣⲁ ⲛⲕⲱϩⲧ
…
36 ⲁⲩⲱ ⲉϣⲱⲡⲉ ⲙⲉⲣⲉⲡⲉⲧϩⲟⲟⲩ ϣⲱⲡⲉ ⲙⲙⲟⲕ ⲉⲓⲉ ϣⲁⲓⲡⲓⲥⲧⲉⲩⲉ ϩⲱ ⲉⲡⲉⲕⲛⲟⲩⲧⲉ .
…
37 ⲡϩⲁⲅⲓⲟⲥ ⲇⲉ ϩⲏⲗⲓⲁⲥ ⲁϥⲛⲓ ⲛⲛⲉϥⲃⲁⲗ ⲉϩⲣⲁⲓ ⲉⲧⲡⲉ ⲁϥϣⲗⲏⲗ ⲉϥϫⲱ ⲙⲙⲟⲥ ϫⲉϯⲥⲟⲡⲥ ⲙⲙⲟⲕ ⲓⲏⲥⲟⲩⲥ ⲡⲉⲧⲉⲙⲛⲗⲁⲁⲩ ⲙⲙⲛⲧⲁⲧϭⲟⲙ ϩⲁⲧⲏϥ .
…
38 ϯⲥⲟⲡⲥ ⲙⲙⲟⲕ ⲓⲏⲥⲟⲩⲥ ⲧϩⲉⲗⲡⲓⲥ ⲛⲛⲉⲧⲕⲱ ⲛϩⲧⲏⲩ ⲉⲣⲟϥ ϯⲥⲟⲡⲥ ⲙⲙⲟⲕ ⲓⲏⲥⲟⲩⲥ ⲡϣⲟⲩϣⲟⲩ ⲛⲛⲇⲓⲕⲁⲓⲟⲥ ⲡⲉⲕⲗⲟⲙ ⲛⲛⲉⲙⲁⲣⲧⲩⲣⲟⲥ ⲛⲧⲟⲕ ⲡⲉⲛⲧⲁⲕϫⲟⲟⲥ ϩⲛⲛⲉⲅⲣⲁ ⲫⲏ ⲉⲧⲟⲩⲁⲁⲃ ϫⲉⲙⲛⲕⲱϩⲧ ⲛⲁϫⲓⲧⲏⲩⲧⲛ ⲛϭⲟⲛⲥ
…
39 ⲡⲁⲗⲓⲛ ⲟⲛ ⲁⲕϫⲟⲟⲥ ϫⲉⲧⲡⲉ ⲙⲛⲡⲕⲁϩ ⲛⲁⲡⲁ7ⲣⲁⲅⲉ ⲛⲁϣⲁϫⲉ ⲇⲉ ⲛⲁⲡⲁⲣⲁⲅⲉ ⲁⲛ ϯⲟⲁⲣⲉⲓ ϭⲉ ϫⲉⲟⲩⲛϭⲟⲙ ⲙⲙⲟⲕ ϩⲉⲛϩⲱⲃ ⲛⲓⲙ .
…
40 ⲡⲉⲛⲧⲁϥⲛⲟⲩϩⲉⲙ ⲙⲡϣⲟⲙⲛⲧ ⲛϩⲁⲅⲓⲟⲥ ⲉⲧⲉϩⲣⲱ ⲛⲥⲟⲧⲉ ⲉⲧⲙⲟⲩϩ ⲉⲕⲉⲛⲁϩⲙⲉⲧ ϩⲱ ϫⲉⲕⲁⲥ ⲉⲣⲉⲡⲉⲕⲉⲟⲟⲩ ⲟⲩⲱⲛϩ ⲉⲃⲟⲗ ⲙⲡⲉⲙⲧⲟ ⲉⲃⲟⲗ ⲙⲡⲓⲙⲁⲅⲟⲥ ⲙⲛⲡⲟⲩⲡⲗⲓⲁⲛⲟⲥ ⲡⲥⲩⲛⲅⲗⲏⲧⲓ—ⲇⲕⲟⲥ ⟨—ⲛⲧⲉⲩⲛⲟⲩ ⲁⲩⲕⲗⲟⲟⲗⲉ ⲛⲉⲓⲱⲧⲉ ⲉⲓ ⲉⲃⲟⲗ ϩⲛⲧⲡⲉ ⲁⲥϭⲁⲁⲗⲉⲡⲥⲱⲙⲁ ⲙⲡϩⲁⲅⲓⲟⲥ ⲛⲧϩⲉ ⲛⲟⲩϩⲃⲥⲱ
…
41 ⲁⲩⲱ ⲁϥⲥⲫⲣⲁⲅⲓⲍⲉ ⲙⲙⲟϥ ⲁϥⲃⲱⲕ ⲉϩⲟⲩⲛ ⲉⲡⲕⲱϩⲧ
…
42 ϩⲱⲥⲧⲉ ⲛϥⲣⲥⲛⲧⲉ ⲛⲟⲩⲛⲟⲩ ϩⲛⲧⲙⲏⲧⲉ ⲙⲡⲕⲱϩⲧ ⲉϥϣⲗⲏⲗ ⲙⲛⲛⲥⲱⲥ ⲁϥⲉⲓ ⲉⲃⲟⲗ ϩⲙⲡⲕⲱϩⲧ
…
43 ⲙⲡⲉⲗⲁⲁⲩ ⲙⲡⲉⲧϩⲟⲟⲩ ϣⲱⲡⲉ ⲙⲙⲟϥ ⲉⲡⲧⲏⲣϥ ⲟⲩⲇⲉ ⲙⲡⲉⲥⲧⲟⲓ ⲛⲕⲱϩⲧ ϣⲱⲡⲉ ϩⲛⲛⲉϥϩⲟⲉⲓⲧⲉ ·
…
44 ⲡⲙⲁⲅⲟⲥ ⲇⲉ ⲙⲛⲡⲥⲩⲛⲕⲗⲓϯⲕⲟⲥ ⲁⲩⲃⲱⲕ ⲉϩⲟⲩⲛ ⲉⲣⲟϥ ⲁⲩⲁⲥⲡⲁⲍⲉ ⲙⲙⲟϥ ⲉⲩϫⲱ ⲙⲙⲟⲥ ϫⲉⲁⲗⲏⲑⲱⲥ ⲟⲩⲛⲟⲩⲧⲉ ⲙⲙⲉ ⲡⲉⲡⲉⲕⲛⲟⲩⲧⲉ ⲓⲏⲥⲟⲩⲥ
…
45 ⲁⲩⲱ ⲙⲛⲗⲁⲁⲩ ⲙⲙⲛⲧⲁⲧϭⲟⲙ ϩⲁϩⲧⲏϥ ⲧⲉⲛⲥⲟⲡⲥ ⲇⲉ ⲙⲙⲟⲕ ⲱ ⲡⲡⲉⲧⲟⲩⲁⲁⲕ ϩⲏⲗⲓⲁⲥ ϫⲉⲕⲁⲥ ⲉⲕⲉⲧⲃϩⲡⲉⲕⲛⲟⲩⲧⲉ ⲛϥⲭⲁⲣⲓⲍⲉ ⲛⲁⲛ ⲙⲡⲉⲕⲗⲟⲙ ⲛⲧⲙⲛⲧⲭⲣⲏⲥⲧⲓⲁⲛⲟⲥ .
…
46 ⲡϩⲁⲅⲓⲟⲥ ⲇⲉ ϩⲏⲗⲓⲁⲥ ⲁϥⲣⲁϣⲉ ⲉⲙⲁⲧⲉ ⲁϥⲡⲱⲣϣ ⲛⲛⲉϥϭⲓϫ ⲉⲃⲟⲗ ⲁϥϣⲗⲏⲗ ⲉϥϫⲱ ⲙⲙⲟⲥ ϫⲉϯⲥⲟⲡⲥ ⲙⲙⲟⲕ ⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲛⲟⲩⲧⲉ ⲛⲣⲉϥⲕⲱ ⲉⲃⲟⲗ ⲕⲱ ⲉⲃⲟⲗ ⲛⲑⲉⲱⲕⲗⲏⲧⲟⲥ ⲛⲙⲁⲅⲟⲥ ⲙⲛⲡⲟⲩⲡⲗⲓⲁⲛⲟⲥ ⲡⲥⲩⲛⲅⲗⲏⲧⲓⲕⲟⲥ ⲛⲧⲟⲕ ⲁⲕϫⲟⲟⲥ ϫⲉⲛϯⲟⲩⲉϣ ⲡⲙⲟⲩ ⲁⲛ ⲙⲡⲣⲉϥⲣⲛⲟⲃⲉ ⲛⲧϩⲉ ⲉⲧⲣⲉϥⲕⲧⲟϥ ⲛϥⲙⲉⲧⲁⲛⲟⲉⲓ .
…
47 ⲡⲁⲗⲓⲛ ⲟⲛ ⲁⲕϫⲟⲟⲥ · ϫⲉⲛⲧⲁⲓⲉⲓ ⲁⲛ ⲉⲧⲉϩⲙⲇⲓⲕⲁⲓⲟⲥ · ⲁⲗⲗⲁ ⲛⲣⲉϥⲣⲛⲟⲃⲉ ⲉⲩⲙⲉⲧⲁⲛⲟⲓⲁ .
…
48 ⲧⲉⲛⲟⲩ ϭⲉ ϯⲥⲟⲡⲥ ⲙⲙⲟⲕ ⲉⲧⲣⲉⲧⲉⲓⲡⲉⲧⲣⲁ ⲛⲕⲱϩⲧ ⲡⲱⲱⲛⲉ · ⲛⲥⲉⲣⲟⲩⲡⲩⲅⲏ ⲙⲙⲟⲟⲩ · ⲛⲧⲁⲃⲁⲡⲧⲓⲍⲉ ⲛⲛⲧⲁⲕⲥⲟⲧⲡⲟⲩ ⲉⲡⲉⲕⲣⲁⲛ ⲉⲧⲟⲩⲁⲁⲃ ·
…
49 ⲛⲥⲉϫⲓ ⲛⲧⲉⲥⲫⲣⲁⲅⲓⲥ ⲙⲡⲱⲛϩ . ⲛⲧⲟⲕ ⲁⲕϫⲟⲟⲥ ⲛⲛⲉⲕⲙⲁⲑⲏⲧⲏⲥ ϫⲉⲙⲟⲟϣⲉ ⲉⲃⲟⲗ ⲉⲡⲓⲕⲟⲥⲙⲟⲥ ⲧⲏⲣϥ · ⲛⲧⲉⲧⲉⲛⲃⲁⲡⲧⲓⲍⲉ ⲛⲛϩⲉⲑⲛⲟⲥ ⲧⲏⲣⲟⲩ ⲉⲡⲣⲁⲛ ⲙⲡⲉⲓⲱⲧ · ⲙⲛⲡϣⲏⲣⲉ ⲙⲛⲡⲉⲡⲛⲁⲉⲧⲟⲩⲁⲁⲃ .
…
50 ⲁⲩⲱ ϩⲛⲧⲉⲩⲛⲟⲩ ⲉⲧⲙⲙⲁⲩ ·
…
51 ⲁⲥⲡⲱⲱⲛⲉ ⲛϭⲓⲧⲡⲉⲧⲣⲁ ⲛⲕⲱϩⲧ ·
…
52 ⲁⲥϣⲱⲡⲉ ⲛⲟⲩⲡⲩⲅⲏ ⲙⲙⲟⲟⲩ · ⲉⲥϯϩⲟⲉⲓⲙ .
…
53 ⲁⲩⲱ ⲁⲡϩⲁⲅⲓⲟⲥ ϩⲏⲗⲓⲁⲥ ⲃⲁⲡⲧⲓⲍⲉ ⲛⲑⲉⲟⲕⲗⲏⲧⲟⲥ ⲡⲙⲁⲅⲟⲥ · ⲙⲛⲡⲟⲩⲡⲗⲓⲁⲛⲟⲥ ⲡⲥⲩⲛⲅⲗⲏⲧⲓⲕⲟⲥ ·
…
54 ⲁⲩⲱ ⲁϥⲥⲫⲣⲁⲅⲓⲍⲉⲙⲙⲟⲟⲩ ⲉⲡⲣⲁⲛ ⲙⲡⲉⲓⲱⲧ · ⲙⲛⲡϣⲏⲣⲉ ·
…
55 ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲉⲡⲕⲱ ⲉⲃⲟⲗ ⲛⲛⲉⲩⲛⲟⲃⲉ .
…
56 ⲁⲥϣⲱⲡⲉ ⲇⲉ ⲛⲧⲉⲣⲉⲡⲣⲣⲟ ⲛⲁⲩ ⲉⲡⲁⲓ ⲁϥϭⲱⲛⲧ ⲉⲙⲁⲧⲉ ϫⲉⲁⲡⲙⲁⲅⲟⲥ ⲙⲛⲡⲥⲩⲛⲕⲗⲓϯⲕⲟⲥ ⲡⲓⲥⲧⲉⲩⲉ ⲉⲡϫⲟⲉⲓⲥ ⲓⲏⲥⲟⲩⲥ ⲁϥⲉⲓ ⲉⲡⲉⲥⲏⲧ ϩⲓⲡⲧⲟⲟⲩ ⲛⲙⲙⲁⲩ .
…
57 ⲁϥⲕⲉⲗⲉⲩⲉ ⲉⲧⲣⲉⲩϥⲓ ⲛⲧⲁⲡⲉⲙⲡⲙⲁⲅⲟⲥ ⲙⲛⲡⲥⲩⲛⲕⲗⲓϯⲕⲟⲥ ϩⲓⲟⲩⲥⲟⲡ .
…
58 ⲛⲉⲩⲛⲧⲉⲉⲡⲟⲩⲡⲗⲓⲁⲛⲟⲥ ⲡⲥⲩⲛⲅⲗⲏⲧⲓⲕⲟⲥ ϣⲟⲙⲛⲧ ⲛϣⲃⲏⲣ ⲁⲩⲉⲓ ⲉϭⲙⲡⲉϥϣⲓⲛⲉ ⲉϥⲙⲏⲣ .
…
59 ⲡⲉϫⲁⲩ ⲛⲁϥ ϫⲉⲟⲩⲡⲉ ⲡⲉⲓϩⲱⲃ ⲛⲧⲁϥⲧⲁϩⲟⲕⲡⲉⲛϣⲃⲏⲣ ⲙⲏⲉⲣⲉⲡⲣⲣⲟ ⲁⲙⲁϩⲧⲉ ⲙⲙⲟⲕ ⲉϩⲛⲭⲣⲏⲙⲁ ⲙⲡⲉⲕ · ϭⲛⲧⲟⲩ ⲉⲧⲁⲁⲩ . ⲉϣⲱⲡⲉ ⲉϩⲉ · ⲉⲓⲉ ⲁⲛⲟⲛ ⲡⲧⲉⲧⲛⲛⲁϯⲛⲁⲕ ⲙⲡⲉⲧⲉⲣⲉⲡⲣⲣⲟ ⲁⲙⲁϩⲧⲉ ⲙⲙⲟⲕ ⲉⲣⲟϥ ⲡⲉϫⲁϥ ⲛⲁⲩ ϫⲉⲉϣϫⲉ ⲧⲉⲧⲛⲟⲩⲱϣ · ⲉⲥⲱⲧⲙⲡⲥⲱⲓ ⲁⲛⲟⲕ ⲡⲉⲧⲛϣⲃⲏⲣ ⲡⲉⲧϫⲱ ⲙⲙⲟϥ ⲡⲉⲧⲛ ⲁⲣⲓϥ .
…
60 ⲛⲉⲓⲁⲓⲧⲉⲓ ⲛⲗⲁⲁⲩ ⲛⲧⲉⲧⲏⲩⲧⲛ ⲁⲛ ⲉⲓⲙⲏⲧⲓ ⲛⲧⲉⲧⲛ ϩⲟⲙⲟⲗⲟⲅⲉⲓ ⲙⲡⲛⲟⲩⲧⲉ ⲙⲡϩⲁⲅⲓⲟⲥ ϩⲏⲗⲓⲁⲥ ⲧⲁⲣⲉⲧⲉⲧⲛϫⲓ ⲙⲡⲉⲕⲗⲟⲙ ⲛⲁⲧⲧⲁⲕⲟ ϣⲁⲉⲛⲉϩ ⲛⲧⲉⲩⲛⲟⲩ ⲁⲩⲱϣ ⲉⲃⲟⲗ ϫⲉⲧⲛⲥⲃⲧⲱⲧ ⲉⲙⲟⲩ ⲉϫⲙⲡⲉϥⲣⲁⲛ ⲉⲧⲟⲩⲁⲁⲃ ⲁⲩⲱϣ ⲉⲃⲟⲗ ⲧⲏⲣⲟⲩ ⲉⲡⲣⲣⲟ ϫⲉⲁⲛⲟⲛ ϩⲛⲭⲣⲓⲥⲧⲓⲁⲛⲟⲥ ⲛⲉϥ ⲙⲙⲁⲩ ⲡⲉ ⲛϭⲓⲡⲟⲩⲡⲗⲓⲟⲥ ⲡⲥⲩⲛⲕⲗⲓϯⲕⲟⲥ ⲙⲛⲡⲉϥϣⲟⲙⲛⲧ ⲛϣⲃⲏⲣ ⲙⲛⲡⲉϥⲥⲧⲣⲁⲧⲉⲩⲙⲁ ⲙⲙⲁⲧⲟⲓ ⲙⲛⲛⲁⲛⲉⲩⲏⲓ ⲙⲛⲡⲕⲉⲑⲉⲟⲕⲗⲏⲧⲟⲥ ⲡⲙⲁⲅⲟⲥ ⲁϥⲕⲉⲗⲉⲩⲉ ⲛϭⲓⲡⲣⲣⲟ ⲛⲥⲉϣⲓⲕⲉ ⲛϩⲛⲫⲱⲥⲥⲁ ⲛⲥⲉⲙⲁϩⲟⲩ ⲛⲕⲱϩⲧ ⲛⲥⲉⲛⲟⲩϫⲉ ⲛⲛⲉⲧⲟⲩⲁⲁⲃ ⲉⲣⲟⲟⲩ
…
61 ⲁⲩⲱ ⲁϥⲣⲟⲕϩⲟⲩ ⲧⲏⲣⲟⲩ ⲛⲟⲩϩⲟⲟⲩ ⲛⲟⲩⲱⲧ ⲁⲩⲱ ⲧⲁⲓ ⲧⲉ ⲧϩⲉ ⲛⲧⲁⲩϫⲱⲕ ⲉⲃⲟⲗ ⲛⲧⲉⲩⲙⲁⲣⲧⲩⲣⲓⲁ ⲛϭⲓⲡⲟⲩⲡⲗⲓⲟⲥ ⲡⲥⲩⲛⲅⲗⲏⲧⲓⲕⲟⲥ ⲙⲛ ⲑⲉⲟⲕⲗⲏⲧⲟⲥ ⲡⲙⲁⲅⲟⲥ ⲙⲛ ⲟⲩⲟⲛ ⲛⲓⲙ ⲉⲧⲛⲙⲙⲁϥ ⲉⲩⲙⲉϩⲯⲓⲥ ⲛϣⲉ ⲙⲛϣϥⲉ ϥⲧⲟⲟⲩ ⲛⲥⲟⲩϫⲟⲩⲉ ⲙⲙⲉϣⲓⲣ ⲁⲩⲃⲱⲕ ⲉϩⲣⲁⲓ ⲉⲙⲡⲏⲩⲉ ϩⲛⲟⲩⲉⲟⲟⲩ ·
…
62 ⲙⲛⲛⲥⲁⲛⲁⲓ ⲁⲩⲛⲡⲡⲉⲧⲟⲩⲁⲁⲃ ϩⲏⲗⲓⲗⲥ ⲉϫⲙⲡⲃⲏⲙⲁ ·
…
63 ⲡⲉϫⲉⲡⲣⲣⲟ ⲛⲁϥ ϫⲉϩⲏⲗⲓⲁⲥ ⲉⲕⲙⲉⲉⲩⲉ · ϫⲉⲛⲧⲁⲕϩⲱⲧⲃ ⲙⲡⲁⲙⲁⲅⲟⲥ ⲉⲓⲛⲁⲉⲣϩⲟⲧⲉ ϩⲏⲧⲕ ⲧⲁⲕⲁⲁⲕ ⲉⲃⲟⲗ .
…
64 ϣⲉⲡⲉⲕⲣⲁⲧⲟⲥ ⲛⲧⲁⲙⲛⲧⲣⲣⲟ ·
…
65 ϯⲛⲁⲃⲁⲥⲁⲛⲓⲍⲉ ⲙⲙⲟⲕ ⲕⲁⲕⲱⲥ · ϣⲁϯⲛⲁⲩ ϫⲉⲓⲏⲥⲟⲩⲥ ⲛⲁⲉϣⲛⲁϩⲙⲉⲕ ⲉⲃⲟⲗ ϩⲛⲛⲁϭⲓϫ ·
…
66 ⲡϩⲁⲅⲓⲟⲥ ⲇⲉ ϩⲏⲗⲓⲁⲥ ⲁϥⲕⲁⲣⲱϥ ⲙⲡⲉϥϣⲁϫⲉ ϩⲟⲗⲱⲥ ·
…
67 ⲁⲗⲗⲁ ⲡⲉϥϭⲱϣⲧ ⲉϩⲣⲁⲓ ⲉⲧⲡⲉ .
…
68 ⲁϥⲕⲉⲗⲉⲩⲉ ⲛϭⲓⲡⲣⲣⲟ · ⲉⲧⲣⲟⲩϯⲥⲟⲩⲃⲗⲓⲛ ·
…
69 ⲥⲛⲁⲩ ⲛⲕⲱϩⲧ ⲉϩⲟⲩⲛ ⲉⲛⲉϥⲙⲁⲁϫⲉ ⲁⲩⲱ ⲕⲉⲥⲛⲁⲩ ⲉϩⲟⲩⲛ ϩⲛⲛⲉϥⲃⲁⲗ ·
…
70 ⲙⲛⲛⲥⲱⲥ ⲛⲥⲉⲥⲱⲗⲛ ⲙⲡⲉϥⲗⲁⲥ ·
…
71 ϩⲱⲥⲧⲉ ⲛⲧⲉⲡⲉϥⲁⲛⲕⲉⲫⲁⲗⲟⲥ ϭⲱϩⲧ ··— ⲙⲛⲛⲥⲱⲥ ⲁϥⲕⲉⲗⲉⲩⲉ ⲛⲥⲉⲧⲁⲗⲟϥ ϩⲓϫⲛⲟⲩⲙⲁⲛⲉⲛⲕⲟⲧⲕ ·
…
72 ⲙⲡⲉⲓⲓⲡⲉ · ⲛⲥⲉⲡⲱϩⲧ ⲛⲟⲩⲧⲁϩⲧ ⲉϥⲃⲣⲃⲣ ⲉϩⲣⲁⲓ ⲉⲣⲱϥ .
…
73 ⲡⲡⲉⲧⲟⲩⲁⲁⲃ ⲇⲉ ϩⲏⲗⲓⲁⲥ ⲁϥⲧⲱⲟⲩⲛ ϩⲁⲧⲉⲓⲕⲉⲃⲁⲥⲁⲛⲟⲥ ϩⲛⲟⲩ
…