1 ϩⲩⲡⲟⲧⲁⲥⲥⲉ ⲛⲛⲉⲧⲙⲟⲟⲩⲧ ·
…
2 ⲁⲗⲗⲁ ⲡⲉⲧⲙⲟⲟⲩⲧ ⲛⲧⲟϥ ϣⲁϥϩⲩⲡⲟⲧⲁⲥⲥⲉ ⲉⲙⲡⲉⲧⲟⲛϩ ϫⲉⲕⲁⲥ ϩⲱⲱϥ ⲉϥⲉⲱⲛϩ ⲉⲃⲟⲗ ϩⲓⲧⲟⲟⲧϥ .
…
3 ⲛϥⲁⲓϣⲓⲛⲉ ⲇⲉ ⲛⲧⲉⲣⲟⲩⲥⲱⲧⲙ ⲉⲛⲁⲓ ⲛⲧⲟⲟⲧϥ ⲙⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲁⲩⲧⲁⲙⲉⲡⲣⲣⲟ ⲕⲁⲧⲁⲛⲉⲓϣⲁϫⲉ .
…
4 ⲛⲧⲉⲣⲉⲡⲣⲣⲟ ⲇⲉ ⲥⲱⲧⲙ ⲉⲛⲁⲓ ⲁϥϭⲱⲛⲧ ⲉⲙⲁⲧⲉ ⲁϥⲧⲛⲛⲟⲟⲩ ⲛⲟⲩⲥⲧⲣⲁⲧⲏⲗⲁⲧⲏⲥ ⲛⲥⲱϥ ⲉⲧⲣⲉⲩϫⲓⲧϥ ⲛⲁϥ ⲡⲁⲣⲁⲡⲉϥⲟⲩⲱϣ ⲁⲩⲱ ⲛⲧⲉⲣⲟⲩϫⲓⲧϥ ⲛⲁϥ ·
…
5 ⲁϥⲛⲁⲩ ⲉⲡⲉϥϩⲟ ⲉϥⲙⲉϩ ⲛⲉⲟⲟⲩ ⲉⲙⲁⲧⲉ ⲡⲉϫⲉⲡⲣⲣⲟ ⲛⲁϥ ϫⲉϩⲏⲗⲓⲁⲥ ϯⲟⲩⲁϣⲕ ⲉⲉⲙⲁⲧⲉ ⲉⲧⲃⲉⲟⲩ ⲁⲕⲥⲁϣⲧ ⲉⲙⲁⲧⲉ ⲛⲧⲉⲓϩⲉ ⲧⲏⲣⲥ ⲁⲕⲕⲁⲧⲁⲫⲣⲟⲛⲉⲓ ⲙⲙⲟⲓ ·
…
6 ⲙⲡⲉⲕⲉⲓ ϣⲁⲣⲟⲓ ⲛⲧⲁⲓⲧⲛⲛⲟⲟⲩ ⲛⲥⲱⲕ ·
…
7 ⲁⲗⲗⲁ ⲁⲕⲧⲛⲧⲱⲛⲧ ⲉⲩⲣⲉϥⲙⲟⲟⲩⲧ ⲡⲉϫⲉⲡϩⲗⲅⲓⲟⲥ ϩⲏⲗⲓⲁⲥ ⲛⲁϥ ϫⲉⲛⲛⲟⲩⲧⲉ ⲧⲏⲣⲟⲩ ⲛⲛϩⲉⲑⲛⲟⲥ : ϩⲛϩⲁⲧ ϩⲓⲛⲟⲩⲃ ⲛⲉ ·
…
8 ϩⲛϩⲃⲏⲩⲉ ⲛⲉ ⲛϭⲓϫ ⲛⲣⲱⲙⲉ ⲛⲉⲩⲃⲁⲗ ⲙⲙⲟⲟⲩ ⲛⲥⲉⲛⲁⲩ ⲉⲃⲟⲗ ⲁⲛ ⲛⲉⲩⲙⲁⲁϫⲉ ⲙⲙⲟⲟⲩ ⲛⲥⲉⲥⲱⲧⲙ ⲁⲛ ⲛⲉⲩϭⲓϫ ⲙⲙⲟⲟⲩ ⲻ
…
9 ⲙⲉⲩϭⲟⲙϭⲙⲛⲉⲩⲟⲩⲉⲣⲏⲧⲉ ⲙⲙⲟⲟⲩ ⲙⲉⲩⲙⲟⲟϣⲉ ⲉⲩⲉⲉⲣⲧⲉⲩϩⲉ ⲛϭⲓⲛⲉⲛⲧⲁⲩⲧⲁⲙⲓⲟⲟⲩ ⲙⲛ ⲟⲩⲟⲛ ⲛⲓⲙ ⲉⲧⲟⲩⲱϣⲧ ⲛⲁⲩ
…
10 ⲉⲓⲥ ϩⲏⲏⲧⲉ ϭⲉ ⲁⲕⲉⲓⲙⲉ ⲱ ⲡⲣⲣⲟ ϫⲉⲛⲧⲕⲟⲩⲣⲉϥⲙⲟⲟⲩⲧ ⲛϩⲟⲥⲟⲛ ⲕⲟⲩⲱϣⲧ ⲛϩⲛⲛⲟⲩⲧⲉ ⲉⲩⲙⲟⲟⲩⲧ .
…
11 ⲡⲁⲛⲟⲩⲧⲉ ⲁⲛⲟⲕ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲟⲩⲛⲟⲩⲧⲉ ⲉϥⲟⲛϩⲡⲉ
…
12 ⲁⲩⲱ ⲟⲩⲟⲛ ⲛⲓⲙ ⲉⲧⲟⲛϩⲉⲧⲡⲓⲥⲧⲉⲩⲉⲉⲣⲟϥ ϥⲛⲁⲱⲛϩ ϩⲣⲁⲓ ⲛϩⲏⲧϥ ϥⲥⲏϩ ⲛⲧⲉⲓϩⲉ ϫⲉⲕⲁⲧⲁⲧϩⲉ ⲙⲡⲁⲉⲓⲱⲧ ⲉⲧⲟⲛϩ ⲁⲛⲟⲕ ϩⲱ ϯⲟⲛϩ ⲉⲧⲃⲉⲡⲁⲉⲓⲱⲧ ⲛⲧⲱⲧⲛ ϩⲱⲧⲧⲏⲩⲧⲛ ⲧⲉⲧⲛⲛⲁⲱⲛϩ ⲉⲧⲃⲏⲏⲧ · ⲛⲧⲉⲣⲉⲡⲣⲣⲟ ⲥⲱⲧⲙ ⲉⲛⲁⲓ ·
…
13 ⲡⲉϫⲁϥ ϫⲉϩⲏⲗⲓⲁⲥ ⲥⲱⲧⲙ ⲛⲥⲱⲓ ⲛⲅⲟⲩⲱϣⲧ ⲛⲛⲁⲛⲟⲩⲧⲉ ⲉⲛⲧⲁⲣⲉⲕⲟⲩϫⲁⲓ ⲉϩⲛⲛⲟϭ ⲛⲃⲁⲥⲁⲛⲟⲥ ⲉⲩϩⲟⲟⲩ .
…
14 ⲙⲏ ⲉⲕⲟⲩⲱϣ ⲉⲙⲟⲩ ϩⲙⲡⲙⲟⲩ ⲉⲧⲥⲏϣ ⲛⲥⲱⲧⲏⲣⲓⲭⲟⲥ ⲡⲉϫⲉⲡϩⲁⲅⲓⲟⲥ ⲛⲁϥ ϫⲉ ⲱ ⲡⲣⲣⲟ ⲛⲟⲩⲙⲟⲩ ⲉϥⲥⲏϣ ⲁⲛ ⲡⲉ ⲡⲙⲟⲩ ⲛⲥⲱⲧⲏ ⲣⲓⲭⲟⲥ ⲁⲗⲗⲁ ϥⲧⲁⲉⲓⲏⲩ ⲉⲡⲉϩⲟⲩⲟ ⲉⲃⲟⲗ ϫⲉϥⲥⲏϩ ⲛⲧⲉⲓϩⲉ ϫⲉⲡⲙⲟⲩ ⲛⲡⲉⲧⲟⲩⲁⲁⲃ ⲙⲡϫⲟⲉⲓⲥ ⲧⲁⲓⲏⲩ ⲙⲡⲉϥⲙⲧⲟ ⲉⲃⲟⲗ ⲡⲉϫⲉⲡⲣⲣⲟ ⲛⲁϥ ϫⲉϩⲏⲗⲓⲁⲥ ⲡϣⲟⲩⲙⲉⲣⲓⲧϥ ⲙⲡⲉⲣⲕⲁⲁⲧ ⲉⲙⲉⲥⲧⲱⲕ ⲉⲡϫⲓⲏϫⲏ .
…
15 ⲡⲡⲉⲧⲟⲩⲁⲁⲃ ⲇⲉ ϩⲏⲗⲓⲁⲥ ⲁϥϩⲓⲧⲟⲟⲧϥ ⲉϯϣⲓⲡⲉ ⲛⲛⲉⲛⲟⲩⲧⲉ ⲙⲡⲣⲣⲟ .
…
16 ⲡⲉϫⲁϥ ϫⲉⲱ ⲡⲣⲣⲟ · ⲉⲡⲉⲓⲇⲏ ⲁⲕⲁⲛⲁⲅⲕⲁⲍⲉ ⲙⲙⲟⲓ ⲉⲙⲁⲧⲉ ⲁⲛⲟⲕ ϩⲱ ⲛϯⲟⲩⲉϣⲗⲩⲡⲉⲓ ⲙⲙⲟⲕ ⲁⲛ ⲁⲗⲗⲁ ϯⲟⲩⲱϣ ⲛⲅⲧⲙⲕⲁⲣⲱⲙⲉ ⲉⲉⲓ ⲉϩⲟⲩⲛ ⲉⲡⲣⲡⲉ ϣⲁⲛⲧⲓⲟⲩⲱ ⲉⲓⲧⲁⲗⲉⲑⲩⲥⲓⲁ ⲉϩⲣⲁⲓ ⲛⲛⲉⲕⲛⲟⲩⲧⲉⲟⲩ ⲡⲣⲣⲟ ⲇⲉ ⲁϥⲕⲉⲗⲉⲩⲉ ⲉⲧⲣⲉϥⲃⲱⲕ ⲉϩⲟⲩⲛ ⲛϭⲓⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲧⲟⲧⲉ ⲡⲡⲉⲧⲟⲩⲁⲁⲃ ⲁϥϫⲓ ⲛⲙⲙⲁϥ ⲛⲟⲩⲕⲉⲗⲉⲃⲓⲛ ϩⲓϩⲟⲩⲛ ⲛⲛⲉϥϩⲟⲉⲓⲧⲉ .
…
17 ⲁⲩⲱ ⲛⲧⲉⲣⲉϥⲛⲁⲩ ⲉⲛⲉⲓⲇⲱⲗⲟⲛ ⲉⲩⲁϩⲉⲣⲁⲧⲟⲩ ϩⲓϫⲛⲛⲉⲩⲃⲁⲥⲓⲥ ⲁϥϯ ⲙⲡⲉϥⲟⲩⲟⲓ ⲉⲣⲟⲟⲩ ϩⲛⲟⲩⲛⲟϭ ⲛϭⲟⲙ ⲙⲛⲧⲉⲡⲛⲟⲩⲧⲉ ·
…
18 ⲁϥⲛⲟϫⲟⲩ ⲉⲡⲉⲥⲏⲧ ϩⲓϫⲛⲛⲉⲩⲃⲁⲥⲓⲥ ϩⲉ ⲙⲛⲕⲉⲗⲉⲃⲓⲛ ⲧⲉⲧⲛⲧⲟⲟⲧϥ ·
…
19 ⲁϥϥⲓ ⲛⲛⲉⲩⲁⲡⲏⲩⲉ ⲛⲥⲁⲃⲟⲗ ⲛⲛⲉⲩⲥⲱⲙⲁ ⲁⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲉⲓϣⲉ ⲛⲛⲉⲩⲥⲱⲙⲁ ⲉϩⲣⲁⲓ ϩⲙⲡⲁⲏⲣ ⲛⲧⲙⲏⲧⲉ ⲙⲡⲣⲡⲉ ·
…
20 ⲛⲉⲩⲁⲡⲏⲩⲉ ⲇⲉ ⲛⲉⲩⲛⲏϫ ϩⲁⲣⲁⲧⲟⲩ ⲛⲛⲉⲩⲃⲁⲥⲓⲥ .
…
21 ⲡϩⲁⲅⲓⲟⲥ ⲇⲉ ϩⲏⲗⲓⲁⲥ ⲁϥⲉⲓ ⲉⲡⲥⲁ ⲙⲃⲟⲗ ⲡⲉϫⲁϥ ⲙⲡⲣⲣⲟ · ϫⲉⲱ ⲡⲣⲣⲟ ⲙⲁⲧⲥⲁⲃⲟⲓ ⲉⲛⲉⲕⲛⲟⲩⲧⲉ ⲻ
…
22 ⲉⲡⲓⲗⲏ ⲁⲓⲃⲱⲕ ⲉϩⲟⲩⲛ ⲉⲡⲣⲡⲉ ⲙⲡⲓϩⲉ ⲉⲛⲛⲁⲩⲧⲉ ⲙⲙⲁⲩ ⲛϣⲟⲩⲱϣⲧ ⲛⲁⲩ ⲉⲡⲉⲓⲇⲏ ϥⲥⲏϩ ϩⲙⲡⲉⲩⲗⲅⲅⲉⲗⲓⲟⲛ ϫⲉⲡϫⲟⲉⲓⲥ ⲡⲉⲕⲛⲟⲩⲧⲉ ⲡⲉⲧⲉⲕⲛⲁⲟⲩⲱϣⲧ ⲛⲁϥⲁⲩⲱ ⲛⲧⲟϥ ⲙⲁⲩⲁⲁϥ ⲡⲉⲧⲉⲕⲛⲁϣⲙϣⲓ ⲛⲁϥ .
…
23 ⲛⲧⲉⲣⲉ ⲡⲣⲣⲟ ⲥⲱⲧⲙ ⲉⲛⲁⲓ ⲁϥⲧⲱⲟⲩⲛ ϩⲛⲟⲩϭⲉⲡⲏ ⲁϥⲃⲱⲕ ⲉϩⲟⲩⲛ ⲉⲡⲣⲡⲉ ⲙⲡⲉϥⲛⲁⲩ ⲉⲗⲁⲁⲩ ⲛⲥⲁⲛⲁⲡⲏⲩⲉ ⲉⲩⲛⲏϫ ϩⲁⲣⲁⲧⲟⲩ ⲛⲛⲉⲩⲃⲁⲥⲓⲥ .
…
24 ⲁϥⲕⲉⲗⲉⲩⲉ ⲉⲧⲣⲉⲩⲉⲓⲛⲉ ⲛⲁϥ ⲛⲛⲉⲟⲩⲏⲏⲃ ⲁϥϣⲓⲛⲉ ⲉⲙⲙⲟⲟⲩ ϫⲉⲉⲩⲧⲱⲛ ⲛⲉ ⲛⲟⲩⲧⲉ ⲛⲧⲉⲛⲟⲩⲱϣⲧ ⲛⲁⲩ ⲻ
…
25 ⲛⲧⲟⲟⲩ ⲇⲉ ⲁⲩⲣϩⲟⲧⲉ ⲙⲡⲟⲩϭⲛ ⲉⲩⲛⲁϫⲟⲟⲥ ϫⲉⲟⲩ ⲙⲁⲗⲗⲟⲛ ⲇⲉ ⲛⲉⲩⲟⲩⲱϣ ⲉⲉⲣϩⲁⲗ ⲙⲡⲣⲣⲟ .
…
26 ⲡⲉϫⲁⲩ ⲙⲡⲣⲣⲟ · ϫⲉ ⲱ ⲡⲉⲛϫⲟⲉⲓⲥ ⲡⲣⲣⲟ ⲱ ⲛⲁϩ ϣⲁⲉⲛⲉϩ ⲁⲛⲉⲛⲟⲩⲧⲉ ⲡⲱⲧ ⲉⲃⲟⲗ ϩⲓⲧⲟⲟⲧⲛ · ⲉⲩϫⲱⲙⲙⲟⲥ ϫⲉⲉⲣⲉϩⲛϫⲁϫⲉ ⲛⲧⲉⲡⲣⲣⲟ ·
…
27 ⲟⲩⲱϣ ⲉⲧⲱⲟⲩⲛ ⲉϫⲱϥ · ⲉⲛⲛⲁⲃⲱⲕ ⲛⲧⲛϫⲓ ⲙⲡⲡⲟⲗⲉⲙⲟⲥ ⲛⲧⲛⲕⲧⲟⲛ ϣⲁⲻⲣⲱⲧⲛ .
…
28 ⲛⲧⲉⲣⲉϥⲥⲱⲧⲙ ⲉⲛⲁⲓ ⲛϭⲓⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲁϥⲣⲁϣⲉ ⲉⲙⲁⲧⲉ ⲁⲩⲱ ⲁϥⲥⲱⲃⲉ · ϫⲉⲟⲩⲕⲟⲩⲛ ⲁⲛⲉⲕⲛⲟⲩⲧⲉ ⲉⲣⲡⲱⲃϣ ⲉϥⲓ ⲛⲛⲉⲩⲁⲡⲏⲩⲉ ⲛⲙⲙⲁⲩ ⲉⲩⲛⲁⲃⲱⲕ ⲉⲡⲡⲟⲗⲉⲙⲟⲥ
…
29 ⲁⲩⲱ ⲛⲧⲉⲣⲉⲛⲣⲣⲟ ⲥⲱⲧⲙ ⲉⲛⲁⲓ ⲁϥϣⲓⲡⲉ ⲉⲙⲁⲧⲉ
…
30 ⲙⲁⲗⲗⲟⲛ ⲇⲉ ⲁϥϭⲱⲛⲧ ⲉⲙⲁⲧⲉ ⲉϩⲟⲩⲛ ⲇⲉ ⲛⲉ ⲟⲩⲏⲏⲃ ⲡⲉϫⲁϥ ϫⲉⲱ ⲛⲉϣⲟⲩⲧⲁⲕⲟⲟⲩ ϩⲛⲧⲥⲏⲃⲉ ϣⲁⲣⲉⲛⲛⲟⲩⲧⲉ ⲃⲱⲕ ⲉⲡⲡⲟⲗⲉⲙⲟⲥ ⲉⲙⲏⲁⲻⲡⲉ ϩⲓϫⲱⲟⲩ .
…
31 ⲛϩⲟⲥⲟⲛ ⲇⲉ ⲉⲣⲉⲡⲣⲣⲟ ϫⲱ ⲛⲡⲁⲓ ⲉⲓⲥⲟⲩⲥ ⲙⲉⲁⲟⲉⲓ ⲉⲃⲟⲗ ϩⲙⲡⲥⲱⲙⲁ ⲛⲉⲓⲇⲱⲗⲟⲛ ⲉⲧⲁϣⲉ ⲉϩⲣⲁⲓ ϩⲙⲡⲁⲏⲣ ϩⲉⲙⲡⲣⲡⲉ ⲉⲥϫⲱ ⲙⲙⲟⲥ ϫⲉⲱ ⲡⲣⲣⲟ ⲉⲣⲱⲇⲓⲁⲛⲟⲥ ⲙⲡⲣⲡⲓⲥⲧⲉⲩⲉ ⲉⲛⲓⲟⲩⲏⲏⲃ ·
…
32 ⲉⲧⲉⲣϩⲁⲗ ⲙⲙⲟⲕ ϫⲉⲁⲛⲃⲱⲕ ⲉⲡⲡⲟⲗⲉⲙⲟⲥ ϫⲉⲕⲁⲥ ⲉⲛⲛⲁⲛⲁϩⲙⲉⲕ ⲛⲁⲛⲁⲛ ϩⲉⲛⲛⲟⲩⲧⲉ ⲁⲛⲉⲟⲩⲛϭⲟⲙ ⲙⲙⲟⲛ ⲉϫⲓⲡⲟⲗⲉⲙⲟⲥ ·
…
33 ⲉⲓⲥϩⲏⲏⲧⲉ ⲅⲁⲣ ⲧⲉⲛⲁϣⲉ ⲉϩⲣⲁⲓ ϩⲛⲧⲙⲏⲧⲉ ⲙⲡⲁⲧⲛⲣ ϩⲓⲧⲙ ⲛⲛⲟⲩⲧⲉ ⲙⲡϩⲁⲅⲓⲟⲥ ϩⲏⲗⲓⲁⲥ
…
34 ⲁⲩⲱ ⲙⲡⲉⲛⲉϣϭⲙϭⲟⲙ ⲉⲛⲁϩⲙⲉⲕ ϫⲉⲉⲛⲛⲁⲛⲁϩⲙⲉⲕ ϩⲱⲱⲕ ⲧⲛⲥⲟⲡⲥ ⲙⲙⲟⲕⲱ ⲡⲣⲣⲟ ·
…
35 ϫⲉⲕⲁⲥ ⲉⲕⲉⲁⲓⲧⲉⲓ ⲙⲡϩⲁⲅⲓⲟⲥ ϩⲏⲗⲓⲁⲥ ⲛϥⲕⲁ ⲁⲛ ⲉⲡⲉⲥⲏⲧ ϫⲉⲉⲛⲛⲉϣⲱⲡⲉ ⲛⲧⲛϩⲉ .
…
36 ⲡⲣⲣⲟ ⲇⲉ ⲁϥⲕⲟⲧϥ ⲉⲡϩⲁⲅⲓⲟⲥ ϩⲏⲗⲓⲁⲥ ⲡⲉϫⲁϥ ⲛⲁϥ ϫⲉϩⲏⲗⲓⲁⲥ ϯⲥⲟⲟⲩⲛ ϫⲉⲙⲛⲗⲁⲁⲩ ⲛϩⲱⲃ ⲱ ⲛⲁⲧϭⲟⲙ ⲛⲁϩⲣⲁⲕ ·
…
37 ⲁⲩⲱ ⲉⲕϩⲙⲡⲡⲁⲗⲗⲁϯⲟⲛ ϣⲁⲕⲉⲣⲡⲁϩⲣⲉ ⲉϣⲱⲛⲉ ⲛⲓⲙ ⲁϫⲛϩⲓⲥⲉ .
…
38 ⲛⲧⲉⲓϩⲉ ⲟⲛ ⲉⲓⲁⲓⲧⲉⲓ ⲙⲙⲟⲕ ⲉⲧⲣⲉⲕⲣⲡⲁϩⲣⲉ ⲉⲛⲛⲟⲩⲧⲉ ⲛⲅⲧⲙⲕⲁⲁⲩ ⲉⲩⲁϣⲉ ⲉϩⲣⲁⲓ ·
…
39 ⲁⲩⲱ ⲛⲅⲧⲣⲉⲛⲉⲩⲁⲡⲏⲩⲉ ⲧⲱϭⲉ ⲉⲛⲉⲩⲥⲱⲙⲁ ⲛⲕⲉⲥⲟⲡ .
…
40 ⲡⲡⲉⲧⲟⲩⲁⲁⲃ ⲇⲉϩⲏⲗⲓⲁⲥ ⲡⲉϫⲁϥ ⲙⲡⲣⲣⲟ · ϫⲉⲛⲣⲱⲙⲉ ϣⲁⲩⲉⲣⲡⲁϩⲣⲉ ⲉⲛⲛⲟⲩⲧⲉ ϫⲉⲛⲛⲟⲩⲧⲉ ϣⲁⲩⲉⲣⲡⲁϩⲣⲉ ⲉⲛⲉⲣⲱⲙⲉ ⲡⲉϫⲉⲡⲣⲣⲟ ⲛⲁϥϫⲉⲁⲗⲏⲑⲱⲥ ⲡⲛⲟⲩⲧⲉ ϣⲁϥⲣⲡⲁϩⲣⲉ ⲉⲡⲣⲱⲙⲉ ⲡⲉϫⲉⲡϩⲁⲅⲓⲟⲥ ϩⲏⲗⲓⲁⲥ ϫⲉ ⲁⲗⲏⲑⲱⲥ ⲁⲕϯϩⲁⲡ ϩⲛⲟⲩⲥⲟⲟⲩⲧⲛ ·
…
41 ⲱ ⲡⲣⲣⲟ ⲉⲧⲃⲉⲟⲩ ϭⲉ ⲕⲁⲛⲁⲅⲕⲁⲍⲉ ⲙⲙⲟⲓ ϫⲉⲁⲣⲓⲡⲁϩⲣⲉ ⲉⲛⲉⲕⲛⲟⲩⲧⲉ ⲛⲁⲓ ⲉⲕϫⲱ ⲙⲙⲟⲥ ⲉⲣⲟⲟⲩ ϫⲉϩⲛⲛⲟⲩⲧⲉ ⲛⲉ ⲉϣϫⲉ ϩⲛⲛⲟⲩ ⲧⲉ ⲛⲉ ⲉⲓⲉ ⲙⲁⲣⲟⲩⲉⲣⲡⲁϩⲣⲉ ⲉⲣⲟⲟⲩ ⲙⲙⲓⲓⲙⲙⲟⲟⲩ ·
…
42 ⲁⲗⲗⲁ ⲉⲡⲉⲓⲇⲏ ⲁⲕⲉⲧⲉⲓ ⲙⲙⲟⲓ ⲱ ⲡⲣⲣⲟ ϫⲉⲕⲁⲁⲩ ⲉⲡⲉⲥⲏⲧ ⲛⲧⲟⲩⲗⲟ ⲉⲩⲁϣⲉ ⲉϩⲣⲁⲓ ⲛϯⲛⲁⲗⲩⲡⲉⲓ ⲙⲙⲟⲕ ⲁⲛ .
…
43 ⲁⲩⲱ ⲁϥϥⲓ ⲛⲛⲉϥⲃⲁⲗ ⲉϩⲣⲁⲓ ⲉⲧⲡⲉ ⲁϥϣⲗⲏⲗ ⲛϭⲓⲡϩⲁⲅⲓⲟⲥ ϩⲏⲗⲓⲁⲥ ⲉϥϫⲱ ⲙⲙⲟⲥ ϫⲉⲥⲱⲧⲙ ⲉⲣⲟⲓ ⲓⲏⲥⲟⲩⲥ ⲡⲙⲁⲁϫⲉ ⲛⲣⲉϥⲥⲱⲧⲙ ⲡⲃⲁⲗ ⲛⲣⲉϥⲛⲁⲩ ·
…
44 ϯⲧⲱⲃϩ ⲙⲙⲟⲕ ϫⲉⲕⲁⲥ ⲉⲕⲉⲧⲣⲉⲛⲉⲓⲇⲱⲗⲟⲛ ϩⲉ ⲉϩⲣⲁⲓ ⲉϫⲙⲡⲕⲁϩ ⲛⲥⲧⲉⲧⲛⲁ ⲛⲧⲉⲡⲉⲩⲉⲣⲡⲙⲉⲉⲩⲉ ⲃⲱⲧⲉ ⲉⲃⲟⲗ ϩⲓϫⲙⲡⲕⲁϩ ·:
…
45 ⲁⲩⲱ ⲛⲧⲉⲩⲛⲟⲩ ⲁⲩϩⲉ ⲉϫⲙⲡⲕⲁϩ ⲛϭⲓⲛⲉⲓⲇⲱⲗⲟⲛ
…
46 ⲁⲩⲱ ⲁⲩⲧⲛⲟ ⲁⲩⲣⲧϩⲉ ⲛⲟⲩϣⲟⲉⲓϣ ⲙⲉⲛⲛⲉⲩⲕⲉⲁⲡⲏⲩⲉ ⲉⲧⲛⲏϫ ϩⲓϫⲙⲡⲕⲁϩ .
…
47 ⲙⲛⲛⲥⲱⲥ ⲁϥⲛⲓⲃⲉ ⲛϭⲓⲟⲩⲧⲏⲩ ⲉϥⲛⲁϣⲧ ⲁϥⲑⲗⲟ ⲙⲡϣⲟⲉⲓϣ ⲛⲛⲉⲉⲓⲇⲱⲗⲟⲛ ⲉⲃⲟⲗ ⲁⲩⲱϫⲛ ϩⲓϫⲙⲡⲕⲁϩ .
…
48 ⲛⲧⲉⲣⲉϥⲛⲁⲩ ⲇⲉ ⲛϭⲓⲡⲣⲣⲟ · ⲉⲡⲉⲛⲧⲁϥϣⲱⲡⲉ ⲡⲉϫⲁϥ ⲙⲡϩⲁⲅⲓⲟⲥ ϫⲉⲱ ϩⲏⲗⲓⲁⲥ ⲡⲉⲕϩⲙⲟⲧ ⲡⲉ ⲡⲁⲓ ⲛⲧⲁⲕⲁⲁϥ ⲛⲙⲙⲁⲓ ⲛⲧⲁⲓ ⲉⲧⲓ ⲙⲙⲟⲕ ⲛⲟⲩϩⲙⲟⲧ ⲛⲧⲟⲕ ϩⲱⲱⲕ ⲁⲕⲧⲣⲉⲛⲁⲛⲟⲩⲧⲉ ⲣⲧϩⲉ ⲛⲟⲩϣⲟⲉⲓϣ ⲛⲁϩⲣⲛⲟⲩⲧⲏⲩ .
…
49 ⲡⲉϫⲉ ⲡⲡⲉⲧⲟⲩⲁⲁⲃ ⲙⲡⲣⲣⲟ ϫⲉϥⲥⲏϩ ϫⲉⲉⲣⲉⲡⲁⲥⲉⲃⲏⲥ ⲟ ⲛⲧϩⲉ ⲙⲡϣⲟⲉⲓϣ ⲛϣⲁⲣⲉⲡⲧⲏⲩ ⲑⲗⲟϥ ⲉⲃⲟⲗϩⲓϫⲙⲡϩⲟ ⲙⲡⲕⲁϩ ⲛⲧⲟⲕ ⲇⲉ ϩⲱⲱⲕ ⲱ ⲡⲣⲣⲟ ⲉⲕϣⲁⲛϭⲱ ⲉⲕⲟ ⲛⲁⲥⲉⲃⲏⲥ ·
…
50 ⲕⲛⲁⲃⲱⲕ ⲉⲡⲧⲁⲕⲟ ⲛⲧϩⲉ ⲛⲛⲉⲧⲙⲙⲁⲩ ·
…
51 ⲛⲧⲉⲣⲉⲡⲣⲣⲟ ⲥⲱⲧⲙ ⲉⲛⲁⲓ ⲁϥϭⲱⲛⲧ ⲉⲙⲁⲧⲉ ⲁϥⲕⲉⲗⲉⲩⲉ ⲉⲧⲣⲉⲩⲟⲧⲡϥ ⲉϩⲟⲩⲛ ⲛϣⲁⲡⲉϥⲣⲁⲥⲧⲉ . ⲛⲧⲟϥ ⲇⲉ ⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲁϥⲣⲧⲉⲩϣⲏ ⲧⲏⲣⲥ ⲉϥϣⲗⲏⲗ ⲉϩⲣⲁⲓ ⲉⲡⲛⲟⲩⲧⲉ .
…
52 ⲡⲣⲣⲟ ⲇⲉ ϩⲱⲱϥ ⲉⲧⲓ ⲉϥⲛⲕⲟⲧⲕ ⲛⲧⲉⲩϣⲏ ⲉⲧⲙⲙⲁⲩ ⲉⲓⲥ ⲡⲇⲓⲁⲃⲟⲗⲟⲥ ⲁϥⲃⲱⲕ ⲉϩⲟⲩⲛ ϣⲁⲣⲟϥ ⲉϥⲟ ⲙⲡⲉⲥⲙⲟⲧ ⲛⲟⲩⲛⲟϭ ⲛⲇⲣⲁⲕⲱⲛ ⲛⲛⲕⲁⲙⲏ ·
…
53 ⲉⲣⲉϯⲛⲁⲡⲏ ⲙⲙⲟϥ ⲉϥⲟ ⲛϩⲟⲧⲉ ⲉⲙⲁⲧⲉ .
…
54 ⲛⲧⲉⲣⲉⲡⲣⲣⲟ ⲛⲁⲩ ⲉⲣⲟϥ ⲁϥϣⲧⲟⲣⲧⲣ
…
55 ⲁⲩⲱ ⲁϥⲱϣ ⲉⲃⲟⲗ ϫⲉⲛⲧⲕⲛⲓⲙ ⲛⲧⲉⲓϩⲉ ⲱ ⲡⲉⲧⲓⲛⲁⲩ ⲉⲣⲟϥ ϩⲉ ⲙⲡⲉⲓⲥⲙⲟⲧ ·
…
56 ⲙⲛⲧⲉⲓⲙⲟⲣⲫⲏ ⲛϩⲟⲧⲉ ⲁϥⲟⲩⲱϣⲃ ⲛϭⲓⲡⲉⲇⲣⲁⲕⲱⲛ ϫⲉⲁⲛⲟⲕ ⲡⲉ ⲡⲇⲓⲁⲃⲟⲗⲟⲥ ⲡϫⲁϫⲉ ⲛⲛⲉⲭⲣⲏⲥϯⲁⲛⲟⲥ .
…
57 ⲉⲧⲃⲉⲟⲩ ⲁⲕⲕⲁϩⲏⲗⲓⲁⲥ ⲡⲉⲓⲭⲣⲏⲥϯⲁⲛⲟⲥ ⲙⲙⲁⲅⲟⲥ ⲉⲧⲁⲕⲉⲛⲉⲕⲛⲟⲩⲧⲉ ⲙⲏ ⲉⲕⲟⲩⲱϣ ⲉⲉⲣⲭⲣⲓⲥⲧⲓⲁⲛⲟⲥ ϩⲱⲱⲕ ⲛⲕⲣϫⲁϫⲉ ⲉⲣⲟⲓ ⲉϣⲱⲡⲉ ⲉϩⲉ ϯⲛⲁⲡⲉⲇⲉⲩⲉ ⲙⲙⲟⲕ ϩⲛⲟⲩⲛⲟϭ ⲛⲇⲓⲙⲱⲣⲓⲁ ⲉⲓⲥϩⲏⲏⲧⲉ ⲅⲁⲣ ⲕⲛⲁⲩ ⲉⲧⲁϩⲟⲧⲉ .
…
58 ⲡⲣⲣⲟ ⲇⲉ ⲁϥϣⲧⲟⲣⲧⲣ ⲉⲙⲁⲧⲉ ·
…
59 ⲛⲉⲣⲉⲛⲃⲁⲗ ⲙⲡⲉⲇⲣⲁⲕⲱⲛ ⲛⲉϫⲕⲱϩⲧ ⲉⲃⲟⲗ ⲡⲉϫⲉⲡⲣⲣⲟ ⲛⲁϥ ϫⲉⲡⲁϫⲟⲉⲓⲥ ⲡⲉⲧⲉⲕⲛⲁϫⲟⲟϥ ⲛⲁⲓ ϯⲛⲁⲁⲁϥ ⲟⲩ ⲙⲟⲛⲟⲛ ⲙⲡⲉⲣⲧⲁⲕⲟⲓ:ⲻⲡⲉϫⲉⲡⲇⲓⲁⲃⲟⲗⲟⲥ ⲛⲁϥ ϫⲉⲉϣϫⲉ ⲕⲛⲁⲥⲱⲧⲙ ⲛⲥⲱⲓ ⲉⲕϣⲁⲛⲧⲱⲟⲩⲛ ⲛϣⲱⲣⲡ ⲛⲣⲁⲥⲧⲉ ⲙⲁⲣⲟⲩⲧⲁⲙⲓⲟ ⲛⲁⲕ ⲛϩⲛⲛⲟⲩⲧⲉ ⲛⲛⲟⲩⲃ ·
…
60 ⲉⲡⲙⲁ ⲛⲛⲉⲓⲱⲛⲉ ⲛⲧⲁϥⲧⲁⲕⲟⲟⲩ ⲛϭⲓϩⲏⲗⲓⲁⲥ .
…
61 ⲁⲩⲱ ⲁⲛⲁⲅⲕⲁⲍⲉ ⲙⲙⲟϥ ϩⲱⲱϥ ⲉⲧⲣⲉϥⲟⲩⲱϣⲧ ⲛⲁⲩ .
…
62 ⲉϥϣⲁⲛⲉⲣⲁⲧⲥⲱⲧⲙ ⲛⲥⲱⲕ ⲃⲁⲥⲁⲛⲓⲍⲉ ⲙⲙⲟϥ ⲉⲡⲉϩⲟⲩⲟ
…
63 ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲛϭⲓⲡⲉⲇⲣⲁⲕⲱⲛ ⲁϥⲥⲱⲣⲙ ⲙⲡϩⲏⲧ ⲙⲡⲣⲣⲟ
…
64 ⲁⲩⲱ ⲁϥⲣⲟⲩϣⲁϩ ⲛⲕⲱϩⲧ ⲉⲁϥϩⲱⲗ ⲉⲃⲟⲗ ⲡⲣⲣⲟ ⲇⲉ ⲛⲧⲉⲣⲉϥⲧⲱⲟⲩⲛ ⲛϣⲱⲣⲡ ⲁϥⲕⲉⲗⲉⲩⲉ ⲉⲧⲣⲉⲩⲧⲁⲙⲓⲟ ⲛⲁϥ ⲛϩⲛⲛⲟⲩⲧⲉ ⲛⲛⲟⲩⲃ ⲉⲡⲙⲁⲛⲛⲉⲱⲛⲉ ⲕⲁⲧⲁⲧϩⲉ ⲛⲧⲁⲡⲇⲓⲁⲃⲟⲗⲟⲥ ϫⲟⲟⲥ
…
65 ⲁⲩⲱ ⲁϥⲧⲣⲉⲩⲉⲓⲛⲉ ⲛⲁϥ ⲙⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲡⲉϫⲉⲡⲣⲣⲟ ⲛⲁϥ ϫⲉⲟⲩ ⲡⲉⲧⲉⲕ ⲛⲁϫⲟⲟϥ ⲛⲁⲓ ⲟⲛ ⲧⲉⲛⲟⲩ ⲙⲏ ⲕⲛⲁϣϫⲟⲟⲥ ⲛⲛⲁⲓ ϫⲉⲛϩⲛⲛⲟⲩⲧⲉ ⲁⲛ ⲛⲉ ⲉⲓⲥϩⲏⲏⲧⲉ ⲁⲓⲧⲁⲙⲓⲟⲟⲩ ⲛⲛⲟⲩⲃ ⲗⲟⲓⲡⲟⲛ ⲥⲱⲧⲙ ⲛⲥⲱⲓ ⲁⲙⲟⲩ ⲛⲅⲟⲩⲱϣⲧ ⲛⲁⲩ ⲙⲡⲁⲧⲓⲃⲁⲥⲁⲛⲓⲍⲉ ⲙⲙⲟⲕ ⲉⲛⲓ ⲛϯⲛⲁϯⲥⲟ ⲉⲣⲟⲕ ⲁⲛ ⲛⲕⲉϩⲟⲟⲩ ⲛⲟⲩⲱⲧ .
…
66 ⲡⲡⲉⲧⲟⲩⲁⲁⲃ ⲇⲉ ϩⲏⲗⲓⲁⲥ ⲡⲉϫⲁϥ ⲙⲡⲣⲣⲟ ⲡⲉ ϫⲉ ⲕⲟⲩⲁϣϥⲁⲣⲓϥ ⲛⲁⲓ ϩⲛⲟⲩϭⲉⲡⲏ ⲉⲡⲉⲓⲇⲏ ⲛϯⲛⲁⲕⲱ ⲛⲥⲱⲓ ⲁⲛ ⲙⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲧⲁⲟⲩⲱϣⲧ ⲛϩⲛⲧⲁⲙⲓⲟ ⲛϭⲓϫ ⲛⲣⲱⲙⲉ
…
67 ⲛⲧⲉⲣⲉϥⲥⲱⲧⲙ ⲉⲛⲁⲓ ⲛϭⲓⲡⲣⲣⲟ ⲁϥϭⲱⲛⲧ ⲉⲙⲁⲧⲉ ⲁϥⲕⲉⲗⲉⲩⲉ ⲛⲥⲉⲟⲩⲱϭⲡ ⲛⲛⲥⲏⲃⲉ ⲛⲣⲁⲧϥ ⲛⲥⲉⲉⲓⲛⲉ ⲉⲃⲟⲗ ⲛⲛⲉⲩⲕⲁⲥ .
…
68 ⲡⲉϫⲉⲛⲣⲣⲟ ⲛⲁϥ ϫⲉϩⲏⲗⲓⲁⲥ
…
69 ⲁⲕⲛⲁⲩ ⲉⲧⲁⲣⲭⲏ ⲛⲛⲃⲁⲥⲁⲛⲟⲥ ϫⲉⲥⲉϩⲟⲟⲩ ⲉⲙⲁⲧⲉ
…
70 ⲥⲱⲧⲙ ϭⲉ ⲛⲥⲱⲓ ⲛⲅⲉⲣⲃⲟⲗ ⲉⲡⲉⲓⲃⲁⲥⲁⲛⲟⲥ ⲉⲧϩⲟⲟⲩ .
…
71 ⲡⲉϫⲉⲡϩⲁⲅⲓⲟⲥ ⲛⲁϥ ϫⲉⲛⲥⲥⲙⲉⲗⲉⲓ ⲁⲛ ϩⲁⲛⲉⲕⲃⲁⲥⲁⲛⲟⲥ ⲱ ⲡϣⲏⲣⲉ ⲙⲛⲇⲓⲁⲃⲟⲗⲟⲥ .
…
72 ⲡⲣⲣⲟ ⲇⲉ ⲛⲧⲉⲣⲉϥⲥⲱⲧⲙ ⲉⲛⲁⲓ ⲁϥϭⲱⲛⲧ ⲉⲙⲁⲧⲉ ⲁϥⲕⲉⲗⲉⲩⲉ ⲉⲧⲣⲉⲩⲉⲓⲛⲉ ⲛⲡⲉϥⲉⲓⲃ ⲟⲩⲁ ⲟⲩⲁ ⲛⲁⲛⲉϥϭⲓϫ ⲙⲛⲛⲁⲡⲉϥⲟⲩⲉⲣⲏⲧⲉ
…
73 ⲡⲉϫⲉ ⲡⲣⲣⲟ ⲛⲁϥϫⲉⲥⲱⲧⲙ ⲛⲥⲱⲓ ⲛⲧⲁⲣⲉⲕⲣⲃⲟⲗ ⲉϩⲉⲛⲃⲁⲥⲁⲛⲟⲥ ⲉⲩϩⲟⲟⲩ ⲑⲩⲥⲓⲁⲍⲉ ⲛⲧⲁⲕⲁⲁⲕ ⲉⲃⲟⲗ .
…
74 ⲡⲉϫⲉ ⲡⲡⲉⲧⲟⲩⲁⲁⲃ ϩⲏⲗⲓⲁⲥ ϫⲉ ⲛⲧⲁⲕⲉⲓⲣⲉ ⲛⲁⲓ ⲧⲉⲛⲟⲩ ⲛⲟⲩⲡⲉⲧⲛⲁⲛⲟⲩϥ ⲱ ⲡⲣⲣⲟ ϥⲥⲏϩ ⲅⲁⲣ ⲛⲧⲉⲓϩⲉ ϫⲉⲡⲙⲟⲩ ⲉϥⲧⲱⲛ ⲡⲉⲕⲉⲓⲃ ⲡⲉⲓⲃ ⲇⲉ ⲙⲡⲙⲟⲩ ⲡⲉ ⲡⲛⲟⲃⲉ ·
…
75 ⲉⲧⲃⲉⲡⲁⲓ ⲡⲉⲓⲃ ⲙⲡⲙⲟⲩ ⲡⲉ ⲡⲁⲓ ⲛⲧⲁⲕⲡⲟⲣⲕϥ ⲛϩⲏⲧ .
…
76 ⲛⲧⲉⲣⲉϥⲉⲓⲙⲉ ⲛϭⲓⲡⲣⲣⲟ ϫⲉⲙⲡⲉϥϩⲱϣ ϩⲁⲧⲉⲓⲕⲉⲃⲁⲥⲁⲛⲟⲥ .
…
77 ⲁϥⲕⲉⲗⲉⲩⲉ ⲛⲥⲉϩⲓⲧⲉ ⲙⲡϣⲗⲁⲣ ⲛⲛⲉϥⲥⲡⲓⲣⲟⲟⲩⲉ ⲛⲥⲉⲉⲓⲡⲉ ⲛⲛⲉϥⲙⲟⲩⲧⲉ ⲉⲃⲟⲗ ⲟⲩⲁ · ⲟⲩⲁ .
…
78 ⲛⲁⲓ ⲛⲉ ⲛⲃⲁⲥⲁⲛⲟⲥ ⲛⲧⲁⲩⲧⲁⲁⲩ ⲛⲁϥ ⲙⲡⲉϩⲟⲟⲩ ⲉⲧⲙⲙⲁⲩ
…
79 ⲡⲉϫⲉ ⲡⲣⲣⲟ ϫⲉⲱ ϩⲏⲗⲓⲁⲥ ⲕⲉⲃⲁⲥⲁⲛⲟⲥ ⲙⲙⲁⲧⲉ ⲧⲉ ϯⲛⲁⲧⲁⲁⲥ ⲛⲁⲕ ⲉϣⲱⲡⲉ ⲙⲉⲕⲑⲩⲥⲓⲁⲍⲉ ϣⲉⲡⲟⲩϫⲁⲓ ⲛⲧⲁⲙⲛⲧⲣⲣⲟ ϯⲛⲁⲙⲟⲟⲩⲧⲕ ϩⲛⲟⲩⲙⲟⲩ ⲉϥϩⲟⲟⲩ ⲡⲉϫⲉⲡϩⲁⲅⲓⲟⲥ ϩⲏⲗⲓⲁⲥ ⲛⲁϥ ϫⲉϥⲥⲏϩ ϫⲉⲙⲡⲉⲣⲣϩⲟⲧⲉ ϩⲏⲧⲟⲩ ⲛⲛⲉⲧⲛⲁⲙⲟⲩⲟⲩⲧ ⲙⲡⲉⲧⲛⲥⲱⲙⲁ ⲧⲉⲧⲛⲯⲩⲭⲏ ⲇⲉ ⲙⲛϭⲟⲙ ⲙⲟⲟⲩ ⲉⲧⲁⲕⲟⲥ :ⲻⲛⲁⲓ ⲇⲉ ⲛⲧⲉⲣⲉϥ ⲥⲟⲧⲙⲟⲩ ⲛϭⲓⲡⲣⲣⲟ ⲁϥⲕⲉⲗⲉⲩⲉ ⲉⲧⲣⲉⲩⲧⲁⲗⲟϥ ϩⲓϫⲛⲟⲩⲙⲁ ⲛⲉⲛⲕⲟⲧⲕ ⲙⲡⲉⲛⲓⲡⲉ ·
…
80 ⲛⲥⲉⲥⲁϩⲧⲉ ϩⲁⲣⲟϥ ⲛϣⲟⲙⲧⲉ ⲛⲟⲩⲛⲟⲩ ⲉⲣⲉⲡⲕⲱϩⲧ ⲙⲟⲩϩ ϩⲁⲣⲟϥ .
…
81 ⲁⲩⲱ ⲛⲉⲩⲡⲉϩⲧⲁⲁⲙϫⲁⲏⲧ ⲉϫⲙⲡⲉϥⲥⲱⲙⲁ ⲛⲧⲟϥ ⲇⲉ ⲙⲡⲉϥⲁⲓⲥⲑⲁⲡⲉ ϩⲁⲧⲉⲓⲕⲉⲃⲁⲥⲁⲛⲟⲥ ⲉⲧⲛⲁϣⲧ ·
…
82 ⲁⲗⲗⲁ ⲛⲉϥϫⲱ ⲙⲡⲉⲓⲯⲁⲗⲙⲟⲥ ⲉϥϫⲱ ⲙⲙⲟⲥ · ϫⲉⲛⲉⲧⲟⲩⲁⲁⲃ ⲛⲁϣⲟⲩϣⲟⲩ ⲙⲙⲟⲟⲩ ϩⲛⲟⲩⲉⲟⲟⲩ ⲛⲛⲟⲩⲧⲁⲉⲓⲟ ⲥⲉⲛⲁⲧⲉⲗⲏⲗ ϩⲓϫⲛⲛⲉⲩⲙⲁ ⲡⲉⲛⲕⲟⲧⲕ ⲛϫⲓⲥⲉ ⲉⲙⲡⲛⲟⲩⲧⲉ ⲡⲉⲧϩⲉⲛⲧⲉⲩϣⲟⲩⲱⲃⲉ ⲉⲣⲉϩⲛⲥⲏⲃⲉ ⲛϩⲟ ⲥⲛⲁⲩ ϩⲛⲛⲉⲩϭⲓϫ
…