1 ⲓⲏⲥⲟⲩⲥ ✠ ⲭⲣⲓⲥⲧⲟⲥ ⲧⲁⲓ ⲧⲉ ⲧⲙⲁⲣⲧⲏⲣⲓⲁ ⲙⲡϩⲁⲅⲓⲟⲥ ⲙⲙⲁⲣⲧⲩⲣⲟⲥ ⲙⲡⲉⲭⲣⲓⲥⲧⲟⲥ ⲁⲡⲁ ϩⲏⲗⲓⲁ · ⲛⲧⲁϥϫⲱⲕ ⲉⲃⲟⲗ ⲙⲡⲉϥⲁⲅⲱⲛ ⲉⲧⲧⲁⲓⲏⲩ ⲙⲛⲛⲧⲉⲧⲛⲙⲙⲙⲁϥ ⲛⲥⲟⲩ ⲙⲛⲧⲁⲥⲉ ⲙⲡⲁⲣⲉⲙϩⲟⲧⲡ ϩⲛⲟⲩⲉⲓⲣⲏⲛⲏ ϩⲁⲙⲏⲛ :ⲻ:ⲻ
…
2 ⲁⲥϣⲱⲡⲉ ⲇⲉ ⲛⲧⲉⲣⲉⲛⲁⲡⲟⲥⲧⲟⲗⲟⲥ ϫⲱⲕ ⲉⲃⲟⲗ ⲙⲡⲉⲩⲧⲁϣⲉⲟⲉⲓϣ ⲕⲁⲧⲁⲡⲟⲩⲉϩⲥⲁϩⲛⲉ ⲙⲡⲉⲛⲥⲱⲧⲏⲣ ⲓⲏⲥⲟⲩⲥ ⲁⲩϯ ⲡⲗⲱⲃϣ ⲛⲧⲉⲕⲕⲗⲏⲥⲓⲁ ϫⲓⲛⲙⲙⲁⲡϣⲁ ⲙⲡⲣⲏ ϣⲁⲙⲙⲁⲛϩⲱⲧⲏ
…
3 ϩⲱⲥⲧⲉ ⲉⲧⲣⲉⲡⲉⲥϯⲛⲟⲩϥⲉ ⲛⲧⲉⲩⲡⲣⲟⲥⲫⲟⲣⲁϣⲱϣ ⲙⲏ ⲧⲁⲛⲡⲏⲩⲉ ⲉⲧⲕⲉⲡⲉⲩϩⲏⲧ ⲉⲧⲥⲟⲩⲧⲱⲛ ⲉϩⲟⲩⲛⲉⲧⲡⲓⲥⲧⲓⲥ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ
…
4 ⲁⲩⲱ ⲁϥϫⲓⲉⲟⲟⲩ ⲛϭⲓⲡⲣⲁⲛ ⲙⲡⲛⲟⲩⲧⲉ ⲁϥϫⲓϣⲓⲡⲉ ⲛϭⲓⲙⲁⲥⲧⲏⲙⲁⲻ ⲁⲡⲉⲟⲟⲩ ⲛⲧⲉⲕⲕⲗⲏⲥⲓⲁ ⲟⲩⲱⲛϩ ⲉⲃⲟⲗ ⲁⲩⲟⲩⲱⲥϥ ⲛϭⲓⲛⲉⲉⲓⲇⲱⲗⲟⲛ ϣⲁⲛⲧⲉⲥⲛⲁⲩ ⲛϣⲉ ⲙⲛϩⲙⲉⲡⲉ ⲙⲛⲥⲟ ⲛⲣⲟⲙⲡⲉ ϫⲱⲕ ⲉⲃⲟⲗ ϫⲓⲛ ⲧⲁⲛⲁⲗⲏⲯⲓⲥ ⲙⲡⲉⲛⲥⲱⲧⲏⲣ ⲓⲏⲥⲟⲩⲥ ⲡⲉⲭⲥⲡⲉⲡϫⲟⲉⲓⲥ .
…
5 ⲉⲣⲉⲡⲕⲟⲥⲙⲟⲥⲧⲏⲣϥ ⲟ ⲛⲟⲩⲡⲓⲥⲧⲓⲥ ⲛⲟⲩⲱⲧ ·
…
6 ⲉⲩϣⲙϣⲉ ⲛⲟⲩⲛⲟⲩⲧⲉ ⲛⲟⲩⲱⲧ ⲓⲏⲥⲟⲩⲥⲡⲉⲭⲣⲓⲥⲧⲟⲥ ⲙⲛⲡⲉϥⲉⲓⲱⲧ ⲛⲁⲅⲁⲑⲟⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ϣⲁⲉⲛⲉϩⲛⲉⲛⲉϩ
…
7 ϩⲁⲙⲏⲛⲁⲥϣⲱⲡⲉⲇⲉ ⲙⲛⲛⲥⲁⲡⲉⲓ ⲛⲟϭ ⲛⲟⲩⲟⲡⲉⲓ ⲛⲟϭ ⲛⲟⲩⲟⲉⲓϣ ⲉⲧⲙⲡⲉⲡⲕⲟⲥⲙⲟⲥ ⲣⲛⲟⲃⲉ ϩⲛⲧⲙⲛⲧⲣⲉϥϣⲙϣⲉⲉⲓⲇⲱⲗⲟⲛ ⲻ
…
8 ⲁⲩⲱ ⲛⲧⲉⲣⲉⲙⲁⲥⲧⲡⲙⲁ ⲉⲓⲙⲉϫⲉ ⲁϥϫⲓϣⲓⲡⲉ ⲙⲛⲛⲉⲧⲛⲟⲩϥ ⲛⲉ ⲻ
…
9 ⲁϥϣⲁϫⲛⲉ ⲙⲛⲛⲉⲧⲛⲟⲩϥ ⲛⲉ · ϫⲉⲟⲩⲡⲉⲧⲉⲛⲛⲁⲁϥ ϣⲗⲛϯ ⲥⲉⲕⲡⲕⲟⲥⲙⲟⲥⲉⲣⲟⲓ ⲛⲕⲉⲥⲟⲡⲙⲙⲟⲛ ⲛⲥⲉⲥⲱⲧⲙ ⲛⲥⲱⲓ ⲁⲛⲁϥⲙⲉⲉⲩⲉ ⲉⲩⲕⲟⲧⲥ ⲛⲧⲉⲓⲙⲓⲛⲉ ϫⲉⲕⲁⲥ ⲉϥⲉⲧⲣⲉⲡⲕⲟⲥⲙⲟⲥ ⲣⲓⲕⲉ ⲉⲃⲟⲗⲛⲑⲉⲛϣⲟⲣⲡϩⲟⲙⲁⲓⲟⲥ ⲧⲁⲛⲁⲅⲕⲏ ⲧⲉ ⲉⲧⲣⲉⲙⲙⲁⲣⲧⲩⲣⲟⲥ ϫⲓⲕⲗⲟⲙ :·ⲻ ⲻ·:ⲻ
…
10 ⲁϥϣⲟϫⲛⲉ ϩⲣⲁⲓⲛϩⲏⲧϥ ⲉϥϫⲱⲙⲙⲟⲥ ϫⲉϯ ·ⲛⲁⲃⲱⲕ ⲉϩⲟⲩⲛⲉⲡϩⲏⲧ ⲛⲛⲉⲛⲟϭ ⲛⲣⲣⲱⲟⲩⲉⲧⲁⲙⲁϩⲧⲉ ⲙⲡⲕⲟⲥⲙⲟⲥ ⲛⲧⲁⲡⲱⲱⲛⲉ ⲙⲡⲉⲩϩⲏⲧ ·
…
11 ⲧⲁⲧⲣⲉⲩⲕⲱ ⲛⲥⲱⲟⲩ ⲙⲡⲛⲟⲩⲧⲉⲛⲧⲡⲉ ⲛⲥⲉϣⲙϣⲉ ⲉⲓⲇⲟⲗⲱⲛⲛⲥⲉⲡⲱϩⲧ ⲉⲃⲟⲗⲛϩⲛⲥⲛⲟϥ · ⲉⲧⲕⲉϩⲛϩⲃⲏⲩⲉ ⲉⲩⲧⲉϩⲧⲱϩ ⲉϯⲛⲗⲁⲁⲩ
…
12 ⲛⲁⲓⲇⲉ ⲛⲉ ⲡⲉⲣⲁⲛ ⲛⲛⲉⲣⲣⲱⲟⲩ ⲉⲧⲁⲙⲁϩⲧⲉ ⲛⲛⲕⲉⲣⲟⲥ ⲉⲧⲙⲙⲁⲩⲡⲟⲩⲁ · ⲡⲟⲩⲁϩⲛⲧⲉϥⲭⲱⲣⲁ .
…
13 ⲁⲗⲓⲃⲉⲣⲓⲁⲛⲟⲥⲉϥⲟ ⲛⲣⲣⲟ ⲉⲧⲕⲟⲛⲟⲓⲁ :ⲻ:ⲻ ⲛ ⲛⲓⲕⲱⲙⲏⲧⲏⲥⲉϥⲟ ⲛⲣⲣⲟ ⲉⲧⲡⲉⲣⲥⲓⲥ ⲻ:ⲻ ⲅ ⲉⲩⲧⲩⲭⲱⲇⲟⲣⲟⲥ · ⲉϥⲟ ⲛⲣⲣⲟ ⲉⲧⲙⲏⲧⲓⲁ . ⲇⲓⲱⲕⲗⲏⲧⲓⲁⲛⲟⲥ
…
14 ⲉϥⲟ ⲛⲣⲣⲟ ⲉⲛⲉϩⲣⲱⲙⲁⲓⲟⲥ . ⲉⲣⲱⲇⲓⲁⲛⲟⲥⲉϥⲟ ⲛⲣⲣⲟ · ⲉⲧⲑⲉⲛⲧⲓⲕⲏ .
…
15 ⲛⲧⲉⲣⲉⲡⲇⲓⲁⲃⲟⲗⲟⲥ ⲇⲉ ⲡⲗⲁⲡⲁ ⲙⲙⲟⲟⲩ ⲁⲩⲕⲱ ⲛⲥⲱⲟⲩ ⲙⲡⲛⲟⲩⲧⲉ ⲛⲧⲡⲉ ⲁⲩϣⲙϣⲉⲉⲓⲇⲱⲗⲟⲛ ⲁⲩⲡⲱϩⲧ ⲉⲃⲟⲗ ⲙⲡⲉⲥⲛⲟϥ ⲛⲡⲉⲭⲣⲏⲥϯⲁⲛⲟⲥ ⲧⲏⲣⲟⲩ ⲡⲟⲩⲁ ⲡⲟⲩⲁ ϩⲛⲧⲉϥⲭⲱⲣⲁ .
…
16 ⲗⲟⲓⲡⲟⲛ ⲛⲉⲩⲡⲟⲩⲁ ⲇⲉ ϫⲉⲥⲱⲧⲏⲣⲓⲭⲟⲥ · ⲉϥⲟ ⲛⲕⲉⲥⲁⲣⲟⲥ ⲛⲉⲣⲱⲇⲓⲁⲛⲟⲥ ⲡⲣⲣⲟ ⲛⲑⲉⲛⲧⲓⲕⲏ ⲻ:
…
17 ⲛⲧⲉⲣⲉϥⲛⲁⲩ ϫⲉⲥⲉϩⲩⲃⲣⲓⲍⲉ ⲛⲛⲉⲭⲣⲏⲥϯⲁⲛⲟⲥ ⲧⲏⲣⲟⲩ ·
…
18 ⲉⲧⲃⲉⲡⲣⲁⲛ ⲉⲧⲟⲩⲁⲁⲃ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ .
…
19 ϩⲱⲥ ⲧⲉ ⲛϥⲛⲁⲩ ⲉϩⲛⲛⲟϭ ⲛϭⲟⲙ ⲉⲁⲩϣⲱⲡⲉ ⲉⲃⲟⲗ ϩⲓⲧⲟⲟⲧⲟⲩ ⲁϥⲥⲁ ϩⲱⲱϥ ⲉⲃⲟⲗ ⲛⲛⲉⲉⲓⲇⲱⲗⲟⲛ ⲁϥⲡⲓⲥⲧⲉⲩⲉ ⲉⲡⲛⲟⲩⲧⲉ ⲙⲙⲉ ⲡⲉⲭⲣⲓⲥⲧⲟⲥ ⲓⲏⲥⲟⲩⲥ
…
20 ⲁⲩⲱ ⲁϥⲁⲣⲭⲉⲓ ⲛϭⲓⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ ⲉϯⲉϩⲟⲩⲛ ⲉϩⲣⲁϥ ⲙⲡⲣⲣⲟ .
…
21 ⲁϥϫⲟⲟⲩ ϩⲛⲟⲩⲙⲛⲧⲧⲩⲣⲁⲛⲟⲥ ⲁϥⲕⲱ ⲉⲃⲟⲗ ⲛⲛⲉⲭⲣⲏⲥϯⲁⲛⲟⲥ ⲧⲏⲣⲟⲩ ⲉⲧⲟⲧⲡ ⲉϩⲟⲩⲛ
…
22 ⲛⲧⲉⲣⲉϥⲥⲱⲧⲙ ⲇⲉ ⲛϭⲓⲉⲣⲱⲇⲓⲁⲛⲟⲥ ⲡⲣⲣⲟ ⲁϥϭⲱⲛⲧ ⲉⲙⲁⲧⲉ ⲁϥϫⲟⲟⲩ ϩⲛⲟⲩⲥⲡⲟⲩⲇⲛ ⲁϥⲧⲣⲉⲩⲉⲓⲛⲉ ⲛⲁϥ ⲛⲥⲱⲧⲏⲣⲓⲭⲟⲥ .
…
23 ⲁⲩⲱ ⲛⲧⲉⲣⲉϥⲉⲓ ⲡⲉϫⲉⲡⲣⲣⲟ ⲛⲁϥ ϫⲉⲥⲱⲧⲏⲣⲓⲭⲟⲥ ⲟⲩⲧⲉ ⲧⲉⲓⲧⲟⲗⲙⲏⲣⲓⲁ : ⲛⲧⲁⲕⲁⲁⲥ ϩⲛⲧⲁⲙⲛⲧⲣⲣⲟ :
…
24 ⲁⲕϯ ⲉϩⲟⲩⲛ ϩⲉⲙⲡⲁⲟⲩⲉϩⲥⲁϩⲛⲉ ⲉⲛⲉⲧⲉⲙⲉϣϣⲉ ⲉⲛⲛⲟⲩⲧⲉ · ϫⲉⲙⲛⲛⲥⲱⲓ ⲉⲃⲟⲗ ⲛⲧⲟⲕ ⲡⲉ ϩⲛⲧⲁⲙⲛⲧⲣⲣⲟ ⲁϥⲟⲩⲱϣⲃ ⲛϭⲓⲥⲱⲧⲏⲣⲓⲭⲟⲥ ϫⲉⲛⲛⲉⲥϣⲱⲡⲉ ⲙⲉⲓ ϫⲓⲛⲧⲉⲛⲟⲩ ⲉⲧⲣⲁϩⲩⲡⲟⲧⲁⲥⲥⲉ ⲛⲟⲩⲣⲣⲟ ⲛⲧⲉⲡⲉⲓⲕⲟⲥⲙⲟⲥ ⲁⲗⲗⲁ ⲉⲓⲛⲁϩⲱⲕ ϩⲗⲣⲁⲧϥ ⲙⲡⲣⲣⲟ ⲙ ⲙⲉ ⲡⲉⲭⲣⲓⲥⲧⲟⲥ ⲓⲏⲥⲟⲩⲥⲡⲁⲓ ⲉⲧⲉⲙⲉⲣⲉⲧⲉϥⲙⲛⲧⲣⲣⲟⲟⲩⲉⲓⲛⲉⲟⲩⲇⲉⲙⲉⲥⲃⲱⲗ ⲉⲃⲟⲗ ⲧⲉⲛⲟⲩ ϭⲉ ⲱ ⲡⲣⲣⲟ ·
…
25 ⲙⲡⲉⲣⲉⲣⲗⲁϭ ⲉⲣⲟⲓ ⲛϯⲛⲁϣⲙϣⲉⲁⲛ ⲛⲛⲉⲕⲛⲟⲩⲧⲉ ⲛⲃⲟⲧⲉ ·
…
26 ⲟⲩⲇⲉ ⲛϯⲛⲁⲕⲱⲛⲥⲱⲓ ⲁⲛ ⲙⲡⲁⲣⲣⲟ ⲓⲏⲥⲟⲩⲥ .
…
27 ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲁⲡⲣⲣⲟϭⲱⲛⲧ ⲉⲙⲁⲧⲉ ⲁϥⲕⲉⲗⲉⲩⲉ ⲉⲧⲣⲉⲩⲥⲟⲛϩϥ ·
…
28 ⲁⲩⲱ ⲛⲧⲉⲣⲟⲩⲛⲁⲩ ⲉⲣⲟϥ ⲛϭⲓⲛⲉϥⲙⲁⲧⲟⲓ ⲉϥⲥⲟⲛϩ ⲁⲩⲱϣ ⲉⲃⲟⲗ ϫⲉⲡⲉⲛϫⲟⲉⲓⲥ ·
…
29 ⲕⲕⲉⲗⲉⲩⲉ ⲛⲧⲉⲛⲃⲟⲗⲕ ⲉⲃⲟⲗ · ⲛⲧⲛⲡⲁϩⲙⲉⲕ ⲛⲧⲟⲟⲧϥ ⲙⲡⲣⲣⲟ .
…
30 ⲡⲉϫⲁⲩ ⲛⲁⲩ ϫⲉⲙⲙⲟⲛ · ⲉⲡⲉⲓⲇⲏ ⲡⲟⲩⲱϣ ⲙⲡⲁϫⲟⲉⲓⲥ ⲓⲏⲥⲟⲩⲥ ⲡⲉ ⲡⲁⲓ ⲉⲧⲣⲁⲙⲟⲩ ⲉϫⲙⲡⲉϥⲣⲁⲛ ⲉⲧⲟⲩⲁⲁⲃ . ⲡⲉⲛϫⲟⲉⲓⲥ ⲓⲏⲥⲟⲩⲥ ⲛⲉϥⲟⲩⲉϣ ⲡⲟⲗⲉⲙⲟⲥ ⲁⲛ · ⲁⲗⲗⲁ ⲟⲩⲉⲓⲣⲏⲛⲏ . ⲁⲛⲟⲕ ϩⲱ ⲡⲉⲧⲓϣⲓⲛⲉ ⲛⲥⲱϥ ⲛⲧⲉⲧⲏⲩⲧⲛⲡⲉ ⲡⲁⲓ ·
…
31 ϫⲉⲕⲁⲥ ⲉⲧⲉⲧⲛⲛⲉ ϯⲛⲁⲓ ⲙⲡⲉⲧⲛϩⲏⲧ ⲧⲏⲣⲧⲛ ⲛⲧⲉⲧⲛⲙⲟⲩ ⲉϫⲙⲡⲣⲁⲛ ⲙⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ϫⲉⲕⲁⲥ ⲉⲩⲉϩⲁⲕ ⲧⲏⲩⲧⲛ ⲉⲡⲉⲥⲧⲣⲁⲧⲉⲩⲙⲁ ⲛⲛⲁⲅⲅⲉⲗⲟⲥ .
…
32 ⲛⲧⲟⲟⲩ ⲇⲉ ⲧⲏⲣⲟⲩ ⲁⲩⲱϣ ⲉⲃⲟⲗ ϫⲉⲡⲉⲛⲧⲁⲕϫⲟⲟϥ ⲧⲉⲛⲥⲃⲧⲱⲧ ⲉⲁⲁϥ ϩⲛⲟⲩⲣⲁϣⲉ .
…
33 ⲛⲉⲩϩⲁⲣⲁⲧϥ ⲙⲡⲉϩⲟⲟⲩ ⲉⲧⲙⲙⲁⲩ ⲛϭⲓϯⲟⲩ ⲛⲭⲓⲗⲓⲁⲣⲭⲟⲥ · ⲙⲛⲡⲉⲩⲙⲏⲏϣⲉ ⲙⲙⲁⲧⲟⲓ
…
34 ⲁⲩⲱ ⲁⲩⲉⲓ ϣⲁⲡⲣⲣⲟ ϩⲛⲟⲩⲅⲛⲱⲙⲏ ⲛⲟⲩⲱⲧ ⲉⲩϫⲱ ⲙⲙⲟⲥ ϫⲉⲁⲛⲟⲛ ϩⲉⲛⲭⲣⲏⲥϯⲁⲛⲟⲥ ⲧⲏⲣⲛ ⲡⲙⲟⲩ ⲉⲧⲉⲣⲉⲡⲉⲛϫⲟⲉⲓⲥ ⲥⲱⲧⲏⲣⲓⲭⲟⲥ ⲛⲁⲙⲟⲩ ⲛϩⲏⲧϥ ⲉⲛⲛⲁⲙⲟⲩ ϩⲱⲱⲛ ⲻ ⲛϩⲏⲧϥ .
…
35 ⲛⲧⲉⲣⲉϥⲥⲱⲧⲙ ⲇⲉ ⲉⲣⲟⲟⲩ ⲛϭⲓⲡⲣⲣⲟ ⲁϥϭⲱⲛⲧ ⲉⲙⲁⲧⲉ ⲙⲁⲗⲗⲱⲛ ⲇⲉ ⲁϥϣⲧⲟⲣⲧⲣ .
…
36 ⲁϥⲕⲉⲗⲉⲩⲉ ⲉⲧⲣⲉⲩⲧⲁⲗⲟⲟⲩ ⲉϩⲛϭⲓⲛⲟⲩⲏⲗ ⲛⲥⲉϫⲓⲧⲟⲩ ⲉⲃⲟⲗ ⲉⲡⲡⲩⲗⲁⲅⲟⲥ ⲛⲧⲉⲑⲁⲗⲁⲥⲥⲁ ⲁⲩϥⲓ ⲛⲧⲉⲩⲁⲡⲉ ⲁⲩⲛⲉϫⲛⲉⲩⲥⲱⲙⲁ ⲉⲑⲁⲗⲁⲥⲥⲁ ⲉⲣⲉⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ ⲁϩⲉⲣⲁⲧϥ ϩⲓϫⲱⲟⲩ ⲉϥϣⲗⲏⲗ .
…
37 ⲁϥϭⲱϣⲧ ⲁϥⲛⲁⲩ ⲉⲛⲉⲩⲯⲩⲭⲟⲟⲩⲉ ⲉⲩⲟ ⲛⲧϩⲉ ⲛϩⲛϭⲣⲟⲟⲙⲡⲉ ⲛⲟⲩⲟⲃϣ ⲉⲩⲃⲏⲕ ⲉϩⲣⲁⲓ ⲉⲧⲡⲉ · ⲛⲧⲟϥ ⲇⲉ ϩⲱⲱϥ ⲁϥⲥⲟⲟⲩⲧⲛ ⲉⲃⲟⲗ ⲛⲧⲉϥⲁⲡⲉ ⲁⲩⲃⲓⲧⲥ ·
…
38 ⲁⲩⲱⲧⲁⲓ ⲧⲉ ⲧϩⲉ ⲛⲧⲁϥϫⲱⲕ ⲉⲃⲟⲗ ⲛⲧⲉϥⲙⲁⲣⲧⲩⲣⲓⲁⲛϭⲓ ⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ ⲙⲛⲡⲉϥⲏⲓ ⲧⲏⲣϥ ⲙⲛⲛⲉⲙⲁⲧⲟⲓ ⲉⲧϩⲁⲣⲁⲧϥ .
…
39 ⲧⲉⲩⲏⲡⲉ ⲇⲉ ⲧⲏⲣⲟⲩ ⲛⲉⲩⲉⲓⲣⲉⲛϥⲧⲟⲟⲩ ⲛϣⲉⲧⲁⲓⲟⲩ ⲙⲛⲥⲟⲟⲩ ⲙⲛⲡⲕⲉ ϯⲟⲩ ⲛⲭⲓⲗⲓⲁⲣⲭⲟⲥ ⲉⲁⲩϫⲱⲕ ⲉⲃⲟⲗ ⲛⲟⲩϩⲟⲟⲩ ⲛⲟⲩⲱⲧ ⲧⲏⲣⲟⲩ · ⲉⲧⲉⲥⲟⲩⲯⲓⲥ ⲛⲧⲱⲃⲉ ⲡⲉ ϩⲛⲟⲩⲉⲓⲣⲏⲛⲏ ϩⲁⲙⲏⲛ .
…
40 ⲥⲱⲧⲙ ϭⲉ ⲧⲉⲛⲟⲩ ⲛⲁⲥⲛⲏⲩ ⲧⲁⲧⲁⲙⲱⲧⲛ ϫⲉⲙⲉⲣⲉⲡⲛⲟⲩⲧⲉ ⲟⲃϣϥ ⲉⲛⲉⲧⲕⲱⲛϩⲧⲏⲩ ⲉⲣⲟϥ ⲁⲗⲗⲁ ϣⲁϥⲃⲟⲏⲑⲓⲁ ⲉⲣⲟⲟⲩ ⲛϥϯϭⲟⲙ ⲛⲁⲩ ·
…
41 ⲁⲥϣⲱⲡⲉ ⲇⲉ ⲛⲧⲉⲣⲉϥⲣⲙⲁⲣⲧⲩⲣⲟⲥⲛϭⲓ ⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥⲛⲉⲩ ⲛⲟⲩⲙⲁⲧⲟⲓ ϩⲙⲡⲡⲁⲗⲗⲁⲧⲓⲟⲛⲉϥϩⲛ ⲙⲁⲁⲃⲉⲙⲛ ϣⲟⲙⲧⲉ ⲛⲣⲟⲙⲡⲉ ⲉⲡⲉϥⲣⲁⲛ ⲡⲉ ⲉ⁽²⁾ϩⲏⲗⲓⲁⲥⲉⲩⲥⲁⲓⲉ ⲡⲉ ϩⲉⲙⲡⲉϥⲡⲣⲟⲥⲟⲡⲟⲛ ⲉⲩϫⲱⲱⲣⲉ ⲡⲉ ϩⲛⲧⲉϥϭⲟⲙ ⲉϥϫⲏⲕ ⲉⲃⲟⲗ ϩⲛϩⲱⲃ ⲛⲓⲙ ⲉⲛⲁⲛⲟⲩⲟⲩ .
…
42 ⲡⲁⲓ ⲇⲉ ⲛⲉⲩⲥⲁⲉⲓⲛ ⲡⲉ ⲉϥⲁϩⲉⲣⲁⲧϥ ⲉⲡⲣⲣⲟ ⲛⲛⲁⲩ ⲛⲓⲙ ⲉⲧⲃⲉⲛⲉⲧⲁⲗϭⲟ ⲉϥⲉⲓⲣⲉ ⲙⲙⲟⲟⲩ ϩⲱⲥ ⲧⲉ ·
…
43 ⲕⲁⲛ ⲉⲣϣⲁⲛⲟⲩⲙⲟⲕϩⲥ ⲧⲁϩⲉⲡⲣⲣⲟ ⲙⲛⲛⲉϥⲛⲟϭ ⲛⲧⲟϥ ⲡⲉ ϣⲁϥⲑⲉⲣⲁⲡⲉⲩⲉ ⲙⲙⲟⲟⲩ .
…
44 ⲉⲧⲃⲉⲡⲁⲓ ⲛⲉⲩⲙⲉ ⲙⲙⲟϥ ⲛϭⲓⲛⲁⲡⲡⲁⲗⲗⲁϯⲟⲛ ⲧⲏⲣⲟⲩ ϫⲓⲛⲡⲉⲩⲕⲟⲩⲓ ϣⲁⲡⲉⲩⲛⲟϭ
…
45 ⲡⲡⲉⲧⲟⲩⲁⲃⲃ ⲇⲉ ϩⲏⲗⲓⲁⲥ ⲛⲉϥⲙⲉⲉⲩⲉ ⲉⲃⲟⲗ ⲙⲙⲏⲛⲉ ⲉⲧⲃⲉⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ
…
46 ⲁⲩⲱ ⲛⲉϥⲁⲓⲧⲉⲓ ⲉϥϫⲱ ⲙⲙⲟⲥ · ϫⲉϩⲟⲧⲁⲛ ⲉⲓϣⲁⲛⲙⲡϣⲁ ⲛⲕⲟⲩⲟⲛϩⲕ ⲛⲁⲓ ⲉⲃⲟⲗ ⲧⲁⲛⲁⲩ ⲉⲡⲉⲕϩⲟ ⲛⲕⲉⲥⲟⲡ .
…
47 ϥⲟⲛϩ ⲛϭⲓⲡϫⲟⲉⲓⲥ ⲁⲩⲱ ⲥⲟⲛϩ ⲛϭⲓⲧⲉⲕⲯⲩⲭⲏ ϫⲉⲡⲙⲟⲩ ⲛⲧⲁⲕⲙⲟⲩ ⲛϩⲏⲧϥ ·
…
48 ϯⲛⲁⲙⲟⲩ ⲛϩⲏⲧϥ ⲻ ϩⲱ
…
49 ⲛⲧⲉⲣⲉϥⲛⲕⲟⲧⲕ ⲇⲉ ⲉϥⲙⲉⲉⲩⲉ ⲉⲃⲟⲗ ϩⲛⲛⲁⲓ ⲁⲩⲥⲙⲏ ϣⲱⲡⲉ ϣⲁⲣⲟϥ ϫⲉϩⲏⲻⲗⲓⲁⲥ ϩⲏⲗⲓⲁⲥ ⲛⲧⲟϥ ⲇⲉ ⲡⲉϫⲁϥ ϫⲉⲉⲓⲥϩⲏⲏⲧⲉ ⲁⲛⲟⲕ ⲡϫⲟⲉⲓⲥ ⲛⲧⲕ ⲛⲓⲙ ⲙⲡⲉⲧⲙⲟⲩⲧⲉ ⲉⲣⲟⲓ .
…
50 ⲛⲉϥⲙⲉⲉⲩⲉ ⲛϭⲓⲡⲡⲉⲧⲟⲩⲁⲁⲃϩⲏⲗⲓⲁⲥ ϫⲉⲛⲧⲁⲩⲙⲟⲕϩⲥⲧⲗϩⲉ ⲡⲣⲣⲟ ⲁϥⲧⲛⲛⲟⲟⲩ ⲛⲥⲱϥⲉⲧⲣⲉϥⲣⲡⲁϩⲣⲉⲉⲣⲟϥ :ⲻ:ⲻ:ⲻ
…
51 ⲁⲧⲉⲥⲙⲏ ϣⲱⲡⲉ ϣⲁⲣⲟϥ ⲙⲡⲙⲉϩⲥⲡⲥⲛⲁⲩϫⲉⲡⲁⲥⲱⲧⲡ ϩⲏⲗⲓⲁⲥ ⲛⲁⲛⲁⲕⲟⲩⲣⲣⲟ ⲁⲛ ⲛⲧϩⲉ ⲉⲧⲉⲕⲙⲉ ⲉⲩⲉ ⲉⲣⲟⲥ ⲛϣⲁϥⲣⲭⲣⲉⲓⲁ ⲛⲥⲁⲉⲓⲛ ⲛϥⲣⲡⲁϩⲣⲉⲉⲣⲟϥ ⲁⲗⲗⲁⲟⲩⲱⲛ ⲛⲛⲉⲕⲃⲁⲗ ⲛⲅⲥⲟⲩⲱⲻ ⲛⲧϫⲉⲁⲛⲅⲛⲓⲙⲁⲛⲟⲕ ⲡⲉ ⲓⲏⲥⲟⲩⲥ ⲡⲉⲥϯⲛⲟⲩϥⲉ ⲙⲡϣⲟⲩⲻϩⲏⲛⲉ ⲙⲡⲉⲓⲱⲧ .
…
52 ⲁⲛⲟⲕ ⲡⲉ ⲓⲏⲥⲟⲩⲥ ⲡⲥⲁⲉⲓⲛ ⲙⲙⲉ ⲉⲓⲉⲣⲡⲁϩⲣⲉ ⲉϣⲱⲛⲉⲛⲓⲙ ⲉⲓⲧⲟⲗϭ ⲛⲛⲉⲧⲙⲟⲕϩ .
…
53 ⲁⲡⲟⲕ ⲡⲉ ⲓⲏⲥⲟⲩⲥ ⲡⲉⲥϯⲛⲟⲩϥⲉ ⲛⲧⲃⲱ ⲛⲉⲗⲟⲟⲗⲉ ⲙⲙⲉ ⲙⲡⲉⲓⲱⲧ ⲛⲁⲅⲁⲑⲟⲥ ⲁⲛⲟⲕ ⲡⲉ ⲓⲏⲥⲟⲩⲥ ⲡⲟⲩⲣⲟⲧ ⲙⲡⲙⲡⲙⲟⲟⲩ ⲛⲧⲁⲣⲭⲓⲉⲣⲟⲩⲥⲓⲁⲗⲓⲙⲛⲏ .
…
54 ⲁⲛⲟⲕ ⲡⲉ ⲓⲏⲥⲟⲩⲥ ⲧⲙⲣⲣⲉ ⲛⲛⲁⲓⲱⲛⲛⲁⲧⲕⲱⲗ ⲉⲃⲟⲗ .
…
55 ⲁⲛⲟⲕ ⲡⲉ ⲓⲏⲥⲟⲩⲥ ⲉⲧⲃⲟⲏⲑⲉⲓⲁ ⲉⲟⲩⲟⲛ ⲛⲓⲙ ⲉⲧⲡⲓⲥⲧⲉⲩⲉ ⲉⲣⲟϥ ϩⲙⲡⲉⲩϩⲏⲧ ⲧⲏⲣϥ
…
56 ⲛⲁⲓ ⲇⲉ ⲛⲧⲉⲣⲉϥⲥⲱⲧⲙ ⲉⲣⲟⲟⲩ ⲛϭⲓⲡⲡⲉⲧⲟⲩⲁⲁⲕ ϩⲏⲗⲓⲁⲥ ⲁϥϥⲓ ⲛⲛⲉϥⲃⲁⲗ ⲉϩⲣⲁⲓ ⲁϥⲛⲁⲩ ⲉⲓⲥ ⲉϥⲧⲁⲗⲏⲩ ⲉϩⲣⲁⲓ ⲉϫⲉⲛⲛⲉϩⲁⲣⲙⲁ ⲛⲛⲉⲭⲉⲣⲟⲩⲃⲓⲛ .
…
57 ⲉⲣⲉⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ϩⲓⲟⲩⲛⲁⲙ ⲙⲙⲟϥ ⲉⲣⲉⲡⲡⲉⲧⲟⲩⲁⲁⲃ ⲥⲱⲧⲏⲣⲓⲭⲟⲥ ϩⲓϩⲃⲟⲩⲣ ⲙⲙⲟϥ · ⲉⲣⲉⲟⲩϩⲃⲥⲱ ⲉⲥⲧⲁⲓⲏⲩ ⲧⲟ ⲉϩⲓⲱⲱϥ · ⲉⲙⲛϭⲟⲙ ⲛⲣⲣⲟ ⲛⲧⲉⲡⲉⲓⲕⲟⲥⲙⲟⲥ ⲉⲫⲟⲣⲉⲓ ⲙⲙⲟⲥ .
…
58 ⲛⲧⲉⲣⲉⲛⲁⲩ ⲉⲛⲁⲓ ⲛϭⲓⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲁϥⲡⲁϩⲧϥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲉϥϫⲱ ⲙⲙⲟⲥ ϫⲉⲕⲱ ⲛⲁⲓ ⲉⲃⲟⲗ ⲡⲁϫⲟⲉⲓⲥϫⲉ ⲁⲛⲅⲟⲩⲣⲱⲙⲉ ⲛⲣⲉϥⲣⲛⲟⲃⲉ ⲁⲗⲗⲁ ϯⲥⲟⲟⲩⲛ ⲡⲁϫⲟⲉⲓⲥ ϫⲉϣⲁⲕϯⲙⲉⲧⲁⲛⲟⲓⲁ ·
…
59 ⲙⲡⲣⲉϥⲣⲛⲟⲃⲉ ⲉϥϣⲁⲛⲕⲧⲟϥ ⲛϥⲙⲉⲧⲁⲛⲟⲉⲓ ϯⲧⲱⲃϩ ϭⲉ ⲙⲙⲟⲕ ⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲡⲉⲧⲉϣⲁϥⲕⲱ ⲉⲃⲟⲗ ⲛⲛⲣⲉϥⲣⲛⲟⲃⲉ ⲧⲏⲣⲟⲩ ⲕⲱ ⲛⲁⲓ ⲉⲃⲟⲗ ϩⲱⲛⲛⲉⲛⲟⲃⲉ ⲧⲏⲣⲟⲩ ⲛⲧⲁⲓⲁⲁⲩ · ⲉⲓ ⲟ ⲛⲁⲧⲥⲟⲟⲩⲛ ⲙⲙⲟⲕ .
…
60 ⲁⲩⲱ ϩⲛⲧⲉⲩⲛⲟⲩ ⲉⲧⲙⲙⲁⲩ ⲁⲓⲥ ⲧⲟⲩⲛⲟⲥϥ ⲉϩⲣⲁⲓ ⲉϥϫⲱ ⲙⲙⲟⲥ ⲛⲁϥ ϫⲉⲧⲱⲟⲩⲛ ⲉϩⲣⲁⲓⲡⲁⲥⲱⲧⲡ ϩⲏⲗⲓⲁⲥ ⲁⲛⲟⲕ ⲡⲉ ⲓⲏⲥⲟⲩⲥ ⲉⲧⲃⲟⲏⲑⲉⲓⲁ ⲉⲣⲟⲕ ϩⲁⲙⲏⲛ ϯϫⲱ ⲙⲙⲟⲥ ⲛⲁⲕ ϫⲉϯⲛⲁⲭⲁⲣⲓⲍⲉ ⲛⲁⲕ ⲛⲧⲁⲙⲛⲧⲣⲣⲟ
…
61 ⲉⲓⲥϩⲏⲏⲧⲉ ⲅⲁⲣ ⲁⲓⲟⲩⲱ ⲉⲥϩⲁⲓ ⲙⲡⲉⲕⲣⲁⲛ ⲉⲛϫⲱⲱⲙⲉ ⲙⲡⲱⲛϩ .
…
62 ϯⲥⲟⲟⲩⲛ ⲅⲁⲣ ϫⲉⲕⲛⲁϣⲉⲡϩⲁϩ ⲛϩⲓⲥⲉ ⲉϫⲙⲡⲁⲣⲁⲛ ⲁⲗⲗⲁⲙⲡⲉⲣⲣϩⲟⲧⲉ ·
…
63 ⲛⲥⲉⲛⲁϣϭⲙϭⲟⲙ ⲉⲣⲟⲕ ⲁⲛ ϫⲉϯϣⲟⲟⲛ ⲛⲙⲙⲁⲕ ϩⲙⲙⲁ ⲛⲓⲙ ⲉⲧⲟⲩⲛⲁϫⲓⲧⲕ ⲉⲣⲟⲟⲩⲉⲓϯϭⲟⲙ ⲛⲁⲕϣⲁⲛⲧⲉⲕ ϫⲱⲕ ⲉⲃⲟⲗ ⲙⲡⲉⲕⲁⲅⲱⲛ:ⲻ
…
64 ϩⲟⲧⲁⲛ ⲇⲉ ⲉⲣϣⲁⲡⲣⲣⲟ ⲧⲛⲛⲟⲟⲩ ⲛⲥⲱⲕ ·
…
65 ⲛⲣⲁⲥⲧⲉ ⲙⲡⲉⲣⲃⲱⲕ ϣⲁⲣⲟϥ ⲕⲁⲧⲁⲧⲉⲕⲟⲩⲡⲛⲑⲓⲁ ϥⲛⲁⲧⲛⲛⲟⲟⲩ ⲛⲥⲱⲕ ⲙⲡⲙⲉϩⲥⲡⲥⲛⲁⲩ ⲛⲥⲉⲗⲛⲁⲅⲕⲁⲍⲉ ⲙⲙⲟⲕ ϣⲁⲛⲧⲟⲩϫⲓⲧⲕ ⲛⲁϥ ϥⲛⲁϫⲡⲟⲩⲕ ⲇⲉϫⲉ ⲉⲧⲃⲉⲟⲩ ⲁⲓⲧⲛⲛⲟⲟⲩ ⲛⲥⲱⲕ
…
66 ⲙⲡⲉⲕⲉⲓ ⲛⲁⲓ ϩⲛⲟⲩϭⲉⲡⲏⲟⲩⲱϣⲃ ⲛⲁϥϩⲱⲱⲕ ⲁϫⲛⲗⲗⲁⲩⲛϩⲟⲧⲉϩⲛ ⲛⲉϣⲁϫⲉ ⲉⲧⲟⲩⲁⲁⲃ ⲉϯⲛⲁⲧⲁⲁⲩ ⲉⲧⲉⲕⲧⲁⲡⲣⲟ .
…
67 ⲁⲛⲟⲕ ⲇⲉ ϯϣⲟⲟⲡ ⲛⲙⲙⲁⲕⲁⲩⲱ ϯⲛⲁⲙⲁϩⲕ ⲙⲡⲛⲉⲩⲙⲁ ⲉϥⲟⲩⲁⲁϥ ⲉⲓϯϭⲟⲙⲛⲁⲕ ϣⲁⲛⲧⲉⲡⲁⲣⲁⲛ ϫⲓⲉⲟⲟⲩ ⲉⲃⲟⲗ ϩⲓⲧⲟⲟⲧⲕ ⲧⲱⲟⲩⲛ ϭⲉ ⲧⲉⲛⲟⲩ ⲁⲙⲟⲩ ⲁⲥⲡⲁⲍⲉ ⲙⲡⲉⲕϣⲃⲏⲣ ⲥⲱⲧⲛⲣⲓⲭⲟⲥ ⲡⲁⲓ ⲛⲧⲁⲕⲁⲓⲧⲉⲓ ⲉⲧⲣⲉⲕⲛⲁⲩ ⲉⲣⲟϥ ⲡⲁⲓ ⲇⲉ ⲛⲧⲉⲣⲉⲡⲥⲱⲧⲏⲣ ϫⲟⲟⲩ ⲛⲁϥ ⲁϥϯ ⲛⲁϥ ⲛⲧⲉⲓⲣⲏⲛⲏ ⲁϥⲃⲱⲕ ⲉϩⲣⲁⲓ ⲙⲡⲏⲩⲉ ϩⲛⲟⲩⲉⲟⲟⲩ ·
…
68 ⲉⲣⲉⲡⲡⲉⲧⲟⲩⲁⲁⲃ ϩⲏⲗⲓⲁⲥ ϭⲱϣⲧ ⲛⲥⲱϥ ϩⲟⲙⲁⲓⲟⲥ ⲇⲉ ⲟⲛ ⲛⲉⲣⲉⲟⲩⲛⲟϭ ⲛⲥϯⲛⲟⲩϥⲉ ϣⲱϣ ⲉⲃⲟⲗ ϩⲙⲛⲕⲟⲓⲧⲟⲛ ⲉⲧⲉⲣⲉⲡⲛⲉⲧⲟⲩⲁⲁⲃ ϩⲏⲗⲓⲁⲥ ⲉⲛⲕⲟⲧⲕ ⲛϩⲏⲧϥϩⲧⲟⲟⲩⲉ
…
69 ⲇⲉ ⲛⲧⲉⲣⲉϥϣⲱⲡⲉ ⲙⲡⲉⲡⲡⲉⲧⲟⲩⲁⲁⲃ ϩⲏⲗⲓⲁⲥ ⲃⲱⲕ ⲉⲡⲡⲁⲗⲗⲁϯⲟⲛ ⲙⲡⲣⲣⲟ ·
…
70 ⲕⲁⲧⲁⲧⲉϥⲥⲩⲡⲏⲑⲓⲁ ⲗⲟⲓⲡⲟⲛ ⲁⲡⲣⲣⲟ ⲧⲛⲛⲟⲟⲩ ⲛⲥⲱϥ ⲡⲉϫⲉⲛⲃⲁⲓϣⲓⲛⲉ ⲛⲁϥ ϫⲉⲡⲣⲣⲟ ⲙⲟⲩⲧⲉ ⲉⲣⲟⲕ ⲱ ϩⲏⲗⲓⲁⲥ ·
…
71 ⲁϩⲣⲟⲕ ⲙⲛϩⲟⲟⲩ ⲙⲡⲉⲕⲉⲓ ⲉⲡⲡⲁⲗⲗⲁϯⲟⲛ :ⲻ:ⲻ:ⲻ
…
72 ⲡⲉϫⲉⲡⲡⲉⲧⲟⲩⲁⲗⲃ ⲛⲁⲩ ϫⲉⲃⲱⲕ ⲁϫⲓⲥ ⲙⲡⲣⲣⲟ ϫⲉⲡⲉϫⲉϩⲏⲗⲓⲁⲥ ⲛϩⲙϩⲁⲗ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ϫⲉⲛϯⲛⲁϩⲩⲡⲟⲧⲁⲥⲥⲉ ⲛⲁⲕ ⲁⲛ ϫⲓⲛⲡⲉⲓⲛⲁⲩ ϫⲉⲛϣϣⲉ ⲁⲛ ⲙⲡⲉⲧⲟⲛϩ ⲉ
…