1 ⲟⲩϩⲗⲗⲟ ⲇⲉ ⲛⲁⲛⲁⲭⲱⲣⲏⲧⲏⲥ ⲉϥⲥⲟⲣⲙ ϩⲛⲧⲉⲣⲏⲙⲟⲥ ·
…
2 ⲁⲩⲱ ⲡⲉϫⲁϥ ϩⲣⲁⲓ ⲛϩⲏⲧϥ ϫⲉⲁⲓⲕⲁⲧⲟⲣⲑⲟⲩ ⲛⲧⲁⲣⲉⲧⲏ ·
…
3 ⲁⲩⲱ ⲁϥϣⲗⲏⲗ ⲉⲡⲛⲟⲩⲧⲉ ⲉϥϫⲱ ⲙⲙⲟⲥ · ϫⲉⲟⲩⲡⲉϯϣⲁⲁⲧ ⲙⲙⲟϥ ⲧⲁⲁⲁϥ ·
…
4 ⲁϥⲟⲩⲱϣ ⲇⲉ ⲛϭⲓⲡⲛⲟⲩⲧⲉ ⲉⲑⲃⲃⲓⲉⲡⲉϥⲙⲉⲉⲩⲉ ⲻ
…
5 ⲡⲉϫⲁϥ ⲛⲁϥ ϫⲉⲃⲱⲕ ϣⲁⲙⲉϣⲉ ⲛⲓⲙ ⲛⲁⲣⲭⲓⲙⲁⲛⲇⲣⲓⲧⲏⲥ ·
…
6 ⲁⲩⲱ ⲡⲉⲧⲉϥⲛⲁϫⲟⲟϥ ⲛⲁⲕ ⲁⲣⲓϥ ·
…
7 ⲁⲡⲛⲟⲩⲧⲉ ⲇⲉ ϭⲱⲗⲡ ⲉⲃⲟⲗ ⲙⲡⲓⲁⲣⲭⲓⲙⲁⲛⲇⲣⲓⲧⲏⲥ ⲉϥϫⲱ ⲙⲙⲟⲥ · ϫⲉⲉⲓⲥⲙⲉϣⲉ ⲛⲓⲙ ⲁⲛⲁⲭⲱⲣⲏⲧⲏⲥ ⲛⲏⲩ ϣⲁⲣⲟⲕ
…
8 ϯⲟⲩⲫⲣⲁⲅⲉⲗⲗⲓⲟⲛ ⲛⲁϥ · ⲛⲅⲧⲣⲉϥⲙⲟⲟⲛⲉ ⲛⲛⲣⲓⲣ · ⲻ
…
9 ⲁϥⲉⲓ ⲇⲉ ⲛϭⲓⲡϩⲗⲗⲟ ⲁϥⲕⲱⲗϩ ⲉⲡⲣⲟ
…
10 ⲁⲩⲱ ⲁϥⲃⲱⲕ ⲉϩⲟⲩⲛ ϣⲁⲡⲁⲡⲉ ⲛⲧⲥⲟⲟⲩϩⲥ ·
…
11 ⲁⲩⲁⲥⲡⲁⲍⲉ ⲛⲛⲉⲩⲉⲣⲏⲩ ⲁⲩϩⲙⲟⲟⲥ ⲻ
…
12 ⲁⲩⲱ ⲡⲉϫⲁϥ ⲛϭⲓⲡⲁⲛⲁⲭⲱⲣⲏⲧⲏⲥ ϫⲉⲟⲩ ⲡⲉϯⲛⲁⲁⲁϥ ϫⲉⲉⲓⲉⲟⲩϫⲁⲓ ·
…
13 ⲡⲉϫⲁϥ ⲛⲁϥ ⲛϭⲓⲡⲁⲣⲭⲓⲙⲁⲛⲇⲣⲓⲧⲏⲥ ϫⲉⲡⲉϯⲛⲁϫⲟⲟϥ ⲛⲁⲕ ⲕⲛⲁⲁϥ ·
…
14 ⲛⲧⲟϥ ⲇⲉ ⲡⲉϫⲁϥ ϫⲉⲥⲉ
…
15 ⲡⲉϫⲁϥ ⲛⲁϥ ϫⲉϥⲓ ⲛⲧⲉⲓⲙⲁⲥⲧⲓⲅⲝ ⲛⲅⲙⲟⲟⲛⲉ ⲛⲛⲣⲓⲣ ⲻ
…
16 ⲛⲉⲧⲥⲟⲟⲩⲛ ⲇⲉ ⲙⲙⲟϥ ⲁⲩⲛⲁⲩ ⲉⲣⲟϥ ⲉϥⲙⲟⲟⲛⲉ ⲛⲛⲣⲓⲣ ·
…
17 ⲛⲉⲩϫⲱ ⲙⲙⲟⲥ ϫⲉⲁⲛⲁⲩ ⲉⲡⲉⲓⲛⲟϭ ⲛⲁⲛⲁⲭⲱⲣⲏⲧⲏⲥ ⲉⲁⲡⲉϥϩⲏⲧ ⲡⲱϣⲥ
…
18 ⲁⲩⲱ ⲟⲩⲛⲟⲩⲇⲁⲓⲙⲱⲛ ϩⲓⲱⲱϥ · ⲉϥⲙⲟⲟⲛⲉ ⲛⲉⲛⲣⲓⲣ · ⲻ
…
19 ⲁϥⲛⲁⲩ ⲇⲉ ⲛϭⲓⲡⲛⲟⲩⲧⲉ ⲉⲡⲉϥⲑⲃⲃⲓⲟ ϫⲉⲁϥϩⲩⲡⲟⲙⲓⲛⲉ ⲛⲧⲉⲓϩⲉ ⲉⲡⲛⲟϭⲛⲉϭ ⲛⲛⲣⲱⲙⲉ ·
…
20 ⲁϥϫⲟⲟⲩϥ ⲟⲛ ⲉⲡⲉϥⲙⲁ · ·
…