1 ⲁⲩϫⲛⲉⲧⲙⲁⲕⲁⲣⲓⲁ ⲥⲩⲛⲕⲗⲏⲧⲓⲕⲏ · ϫⲉⲛⲉⲟⲩⲁⲅⲁⲑⲟⲛ ⲉϥϫⲏⲕ ⲉⲃⲟⲗ ⲧⲉ ⲧⲙⲛⲧⲁⲧϩⲛⲁⲁⲩ ·
…
2 ⲁⲥⲟⲩⲱϣⲃ ϫⲉⲟⲩⲁⲅⲁⲑⲟⲛ ⲛϩⲟⲩⲟ ⲡⲉ ⲉϥϫⲏⲕ ⲉⲃⲟⲗ ⲛⲛⲉⲧⲉⲙⲛϭⲟⲙ ⲙⲙⲟⲟⲩ .
…
3 ⲛⲉⲛⲧⲁⲩϩⲩⲡⲟⲙⲓⲛⲉ ⲅⲁⲣ ϩⲙⲡⲁⲓ ⲟⲩⲛⲧⲁⲩ ⲙⲙⲁⲩ ⲛⲟⲩⲑⲗⲓⲯⲓⲥ ϩⲛⲧⲥⲁⲣⲝ · ϩⲛⲧⲉⲯⲩⲭⲏ ⲇⲉ ⲟⲩⲛⲧⲁⲩ ⲙⲙⲁⲩ ⲛⲟⲩϩⲙⲟⲧ .
…
4 ⲛⲧϩⲉ ⲅⲁⲣ ⲛϩⲉⲛϩⲟⲓⲧⲉ ⲉⲩϫⲟⲟⲣ ⲉⲩϩⲱⲙ ⲉϫⲱⲟⲩ · ⲁⲩⲱ ⲉⲩϣⲱⲙ ⲙⲙⲟⲟⲩ
…
5 ϣⲁⲩⲧⲣⲉⲩⲕⲱⲧⲉ ϩⲛⲟⲩϫⲛⲁϩ ϣⲁⲛⲧⲟⲩⲟⲩⲃⲁϣ ·
…
6 ⲧⲁⲓ ⲧⲉ ⲧϩⲉ ⲛⲧⲉⲯⲩⲭⲏ ⲉⲧϫⲟⲟⲣ ϩⲛⲧⲙⲛⲧϩⲏⲕⲉ ϩⲁⲡⲉⲩϩⲧⲟⲣ ⲉϣⲁⲩⲁⲙⲁϩⲧⲉ ⲛϩⲟⲩⲟ .
…