1 ⲛⲁⲓ ⲛⲧⲉⲣⲟⲩϫⲟⲟⲩ ⲛϭⲓⲛⲁⲡⲟⲥⲧⲟⲗⲟⲥ ·
…
2 ⲁⲩⲧⲁⲗⲉ ⲉϩⲣⲁⲓ ⲛⲧⲉⲡⲣⲟⲥⲫⲟⲣⲁ · ⲉⲣⲉⲙⲁⲣⲓϩⲁⲙ ϣⲟⲟⲡ ⲛⲙⲙⲁⲩ ·
…
3 ⲡⲉⲛⲧⲁⲡⲥⲱⲧⲏⲣ ⲓⲏⲥⲟⲩⲥ ⲧⲛⲛⲟⲟⲩⲥ ⲛⲁⲩ · ϫⲉⲙⲟⲩⲧⲉ ⲉⲣⲟⲟⲩ ⲛⲁⲓ ⲛⲣⲁⲥⲧⲉ ⲉⲧⲉⲅⲁⲗⲓⲗⲁⲓⲁ · ⲛⲧⲁϯ ⲛⲏⲧⲛ ⲛⲧⲁⲉⲓⲣⲏⲛⲏ ·
…
4 ⲛⲧⲉⲣⲟⲩϫⲓ ⲇⲉ ⲙⲡⲥⲱⲙⲁ ⲙⲛⲡⲉⲥⲛⲁϥⲙⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲡϣⲏⲣⲉ ⲙⲡⲛⲟⲩⲧⲉ ⲉⲧⲟⲛϩ ·
…
5 ⲁⲩⲟⲩⲛⲟϥ ⲁⲩⲱ ⲁⲩ….ⲡⲛⲟⲩⲧⲉ ⲡⲙⲁⲓⲣⲱⲙⲉ ·
…
6 ⲁⲡⲕⲁⲡⲛⲟⲥ ⲛⲧⲉⲑⲩⲥⲓⲁ ⲉⲛⲉⲣⲅⲉⲓ ⲛⲟⲩⲕⲛⲛⲉ ⲛⲥϯⲛⲟⲩϥⲉ ϣⲁⲡⲉⲑⲣⲟⲛⲟⲥ ⲙⲡⲉⲓⲱⲧ ·
…
7 ⲁϥϣⲱⲗⲙ ⲙⲡⲉⲥϯⲛⲟⲩϥⲉ ⲛⲛⲁⲡⲟⲥⲧⲟⲗⲟⲥ ⲛϭⲓⲡⲉⲓⲱⲧ ⲁϥϣⲛϩⲧⲏϥ ϩⲁⲡⲉⲩⲥⲟⲡⲥ ·
…
8 ⲁⲩⲱ ⲁϥⲥⲱⲧⲙ ⲉⲡⲉⲩϣⲗⲏⲗ ·
…
9 ⲁϥⲟⲩⲱϣⲃ ⲛϭⲓⲡⲉⲓⲱⲧ ⲡⲉϫⲁϥ ⲙⲡⲉϥϣⲏⲣⲉ ϫⲉⲧⲱⲟⲩⲛⲡⲁϣⲏⲣⲉ ⲡⲙⲉⲣⲓⲧ ⲛⲅⲃⲱⲕ ⲉⲡⲉⲥⲏⲧ ϣⲁⲛⲉⲕⲙⲁⲑⲏⲧⲏⲥ ⲛⲅⲥⲗⲥⲟⲗⲟⲩ · ⲛⲅϯϫⲟⲙ ⲛⲁⲩ
…
10 ⲁⲩⲱ ⲛⲅ……ⲉ ⲛⲁⲩ ϫⲉⲛⲛⲉ…… ……… ⲉⲃⲟⲗ · ⲛⲥⲉϫⲟⲟⲥ ϫⲉ….. ……………ⲁϥⲃⲱⲕ…………………………………………….. ⲙⲃ ⲁϥⲕⲁⲁⲛ ⲛⲥⲱϥ ϩⲛⲧⲙⲏⲏⲧⲉ ⲛⲙⲡⲟⲗⲓⲥ …. ⲧⲟⲧⲉ ⲁⲡϣⲏⲣⲉ ⲙⲡⲛⲟⲩⲧⲉ ⲧⲱⲟⲩⲛ ⲁϥⲃⲱⲕ ⲉⲧⲅⲁⲗⲓⲗⲁⲓⲁ ·
…
11 ⲁϥϩⲉ ⲉⲛⲉϥⲙⲁⲑⲏⲧⲏⲥ ⲙⲛⲙⲁⲣⲓⲁ ⲉⲩⲥⲟⲟⲩϩⲉⲛⲉⲩⲣⲏⲩ ·
…
12 ⲓⲏⲥⲟⲩⲥ ⲇⲉ ⲁϥⲟⲩⲟⲛϩ ⲉⲣⲟⲟⲩ ⲡⲉϫⲁϥ ⲛⲁⲩ · ϫⲉⲭⲁⲓⲣⲉ ⲡⲉⲧⲣⲟⲥ ⲡⲁⲉⲡⲓⲥⲕⲟⲡⲟⲥ ⲡⲉⲕⲗⲟⲙ ⲙⲛⲁⲡⲟⲥⲧⲟⲗⲟⲥ ·
…
13 ⲭⲁⲓⲣⲉ ⲛⲁϣⲃⲣ.. ⲉⲧⲧⲁⲓⲏⲩ ⲛⲧⲁⲓⲥⲟⲧⲡⲟⲩ ⲟⲩⲁ ⲟⲩⲁ ·
…
14 ⲭⲁⲓⲣⲉ ⲛⲁⲥⲛⲏⲩ ⲁⲩⲱ ⲛⲁϣⲏⲣⲉ · ⲧ ⲙⲡⲁⲉⲓⲱⲧ ⲛⲙⲙⲏⲧⲛ ·
…
15 ⲡⲉⲧⲱⲓ ⲧⲉ ⲛⲧⲁⲓϫⲓⲧⲥ ⲛ….ⲉⲓⲱⲧ · ⲉⲧⲣⲉⲥϭⲱ ⲛⲙⲙⲏⲧⲛ ⲛⲟⲩⲟⲉⲓϣ ⲛⲓⲙ ·
…
16 ⲁϥⲛⲓϥⲉ ⲉϩⲟⲩⲛ ϩⲛⲡⲉⲩϩⲟ ⲡⲉϫⲁϥ · ϫⲉϫⲓⲡⲛⲁ ⲉϥⲟⲩⲁⲁⲃ ⲛⲏⲧⲛ · ⲛⲉⲧⲉⲧⲛⲁⲕⲁⲛⲉⲩⲛⲟⲃⲉ ⲛⲁⲩ ⲉⲃⲟⲗ ·
…
17 ϯⲛⲁⲕⲁⲁⲩ ⲉⲃⲟⲗ ·
…
18 ⲁⲩⲱ ⲛⲉⲧⲉⲧⲛⲁⲁⲙⲁϩⲧⲉ ⲙⲙⲟⲟⲩ ·
…
19 ϯⲛⲁⲁⲙⲁϩⲧⲉ ⲙⲙⲟⲟⲩ ·
…
20 ⲁⲩⲱ ⲁϥⲧⲥⲁⲃⲟⲟⲩ ⲉⲛ…….ⲉⲧ ϩⲛⲛⲉϥϭⲓϫ ⲙⲛⲧⲉϣⲥ ⲛⲗⲟⲅⲭⲏ ⲉⲧϩⲛⲛⲉϥⲥⲡⲓⲣ ⲙⲛⲛⲡⲁϭⲥⲉ ⲉⲧϩⲛⲡⲉϥϩⲟ · ⲙⲛ..ⲥⲛⲁⲁ..ⲉⲧ ϩⲛⲛⲉϥⲃⲁⲗ ·
…
21 ⲙⲛⲛⲉϣⲥ ⲛⲥⲟⲩⲣⲉ ⲙⲡⲉⲕⲗⲟⲙ ⲛϣⲟⲛⲧⲉ ⲉⲧϩⲛⲧⲉϥⲁⲡⲉ ·
…
22 ⲁⲩⲱ ⲁϥⲧⲁⲗⲟ ⲛⲧⲉϥϭⲓϫ ⲉϩⲣⲁⲓ ⲉϫⲱⲟⲩ ⲁϥⲥⲙⲟⲩ ⲉⲣⲟⲟⲩ ⲉϥϫⲱ ⲙⲙⲟⲥ · ϫⲉⲱ ⲛⲁⲙⲉⲗⲟⲥ ⲉⲧⲟⲩⲁⲁⲃ ·
…
23 ⲧⲱⲕ ⲛϩⲏⲧ ⲙⲡⲣⲣϩⲟⲧⲉ ⲉⲣⲉⲡⲁⲉⲓⲱⲧ ϯ ⲛⲏⲧⲛ ⲙⲡⲃⲉⲕⲉ ⲙⲡⲉⲧ…. ·
…
24 ⲡⲁⲓ ⲡⲉ ⲡ……ⲛⲁⲩ ⲛⲧⲁⲡⲥⲱⲧⲏⲣ ⲟⲩ…ⲛⲉϥⲙⲁⲑⲏⲧⲏⲥ … ⲉϥⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ · .. ⲛⲁⲡⲟⲥⲧⲟⲗⲟⲥ ⲧⲏⲣⲟⲩ ·
…
25 ⲁⲩ……………. ⲛⲧⲣⲣⲟ ………………………………. ⲙⲅ …..ⲉ ⲉⲩⲣⲓⲙⲉ ⲉⲙⲁⲧⲉ ·
…
26 ⲁⲓⲥ ⲧⲟⲩⲛⲟⲥⲟⲩ ⲡⲉϫⲁϥ …ϫⲉⲧⲱⲟⲩⲛ ⲉϩⲣⲁⲓ ⲙⲡⲣⲣⲓⲙⲉ ⲉⲣⲟⲓ · ϫⲉⲁⲓⲟⲩⲱ ….. ⲉⲃⲟⲗ ϩⲛⲛⲉⲧⲙⲟⲟⲩⲧ ⲁⲓⲃⲱⲕ ϣⲁⲡⲁⲉⲓⲱⲧ ·
…
27 ……. ⲱ ⲡⲉⲧⲣⲟⲥ ⲛⲅⲥⲟⲩⲛ ⲁⲛ · ϫⲉⲛⲧϩⲉ ⲛⲟⲩ……ⲁⲡⲟⲇⲏⲙⲉⲓⲉⲥ ⲟⲩⲏⲩ · ⲉⲟⲩⲛⲧⲁϥ ⲙⲙⲁⲩ …..ⲏⲣⲉ ·
…
28 ⲁⲩⲣⲓⲙⲉ ⲛⲥⲱϥ ⲉϥϫⲱ ⲙⲙⲟⲥ · ϫⲉ……..ⲛⲓ ⲕⲁⲁⲕ ϩⲁϩⲧⲛ ⲛⲓⲙ ·
…
29 ⲁϥⲟⲩⲱϣⲃ ⲉϥϫⲱ ⲙⲙⲟⲥ · ϫⲉⲉⲓⲥⲡⲉⲧⲛⲛⲟϭ ⲛⲥⲟⲛ ⲁⲓⲕⲁⲁϥ ϩⲓϫⲛⲧⲏⲩⲧⲛ ·
…
30 ⲥⲱⲧⲙ ⲛⲥⲱϥ ⲛⲧⲁϩⲉ ⲉⲧⲉⲧⲛⲥⲱⲧⲙ .. ⲛⲥⲱϥ · ⲁⲛⲟⲕ ⲡⲉ ⲉⲧⲉⲧⲛⲥⲱⲧⲙ ⲛⲥⲱⲓ · ⲛⲧⲟⲕ ⲇⲉ ⲱ ⲡⲉⲧⲣⲟⲥ ⲡⲁⲙⲉⲣⲓⲧ ·
…
31 ⲉⲓⲥϩⲏⲏⲧⲉ ⲁⲓⲁⲁⲕ ⲛⲉⲓⲱⲧ ⲉϫⲛⲛⲉⲕⲥⲛⲏⲩ ⲧⲏⲣⲟⲩ · ⲛⲧⲟⲕ ⲇⲉ ϣⲱⲡⲉ ⲉⲕⲥⲟⲗⲥⲗⲛⲉⲕⲕⲟⲩⲓ ⲛⲥⲛⲏⲩ ⲛⲁⲡⲟⲥⲧⲟⲗⲟⲥ · ⲉⲕϯⲧⲱⲕ ⲛϩⲏⲧ ⲛⲁⲩ · ϣⲁⲛⲧⲟⲩϫⲱⲕ ⲉⲃⲟⲗ ⲙⲡⲉⲩⲇⲣⲟⲙⲟⲥ ϩⲙⲡⲕⲟⲥⲙⲟⲥ ·
…
32 ⲁⲛⲟⲕ ⲇⲉ ⲙⲛⲡⲁⲉⲓⲱⲧ ⲧⲛϣⲟⲟⲡ ⲛⲙⲙⲏⲧⲛ ⲛⲟⲩⲟⲉⲓϣ ⲛⲓⲙ ϥⲑ ·
…
33 ⲧϫⲱ ⲙⲙⲟⲥ ⲛⲏⲧⲛ ⲱ ⲛⲁⲙⲁⲕⲁⲣⲓⲟⲥ ⲙⲙⲁⲑⲏⲧⲏⲥ ϫⲉⲛⲉⲧⲛⲣⲁⲛ ⲥⲏϩ ⲉϫⲛⲧⲁϭⲓϫ ⲛⲟⲩⲛⲁⲙ ⲛⲟⲩⲟⲉⲓϣ ⲛⲓⲙ ⲉⲓⲉⲓⲣⲉ ⲙⲡⲉⲧⲛⲙⲉⲉⲩⲉ ·
…
34 ⲁⲩⲱ ⲧⲕⲉⲙⲁⲣⲓϩⲁⲙ ϩⲱⲱⲥ ·
…
35 ⲉⲓⲥϩⲏⲏⲧⲉ ⲁⲓϭⲁⲗⲱⲱⲥ ⲉⲣⲱⲧⲛ ⲛⲧⲱⲧⲛ ϩⲱⲧⲧⲏⲩⲧⲛ ⲙⲡⲣⲛⲟϫⲥ ⲛⲥⲁⲃⲟⲗ ⲙⲙⲱⲧⲛ ·
…
36 ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ ⲁⲩⲧⲱⲟⲩⲛ ⲛⲛⲁⲡⲟⲥⲧⲟⲗⲟⲥ ⲁⲩⲁⲥⲡⲁⲍⲉ ⲙⲡⲉⲥⲡⲓⲣ ⲛⲓⲥ…ⲃⲟⲗ ⲙⲡⲉϥⲥⲛⲟϥ ⲛⲱⲛϩ ⲉⲧϩⲁⲁⲧⲉ ⲉⲃⲟⲗ ….. ⲁϥⲥⲫⲣⲁⲅⲓⲍⲉ ⲙⲙⲟⲟⲩ ⲛϩⲏⲧϥ · ……… …ⲛⲁⲙⲉⲗⲟⲥ ⲉⲧⲟⲩⲁⲁⲃ ·
…
37 ⲉⲓⲥ……… ……..ⲙⲁ ⲧⲉⲛⲟⲩ ………… ⲙⲇ ….ⲛϩⲁⲓⲃⲉⲥ ⲛϭⲟⲙ · ⲧⲉⲧⲛⲁⲧⲟⲩⲱⲛ …ⲣⲉϥⲙⲟⲟⲩⲧ · ⲛⲧⲉⲛⲃⲗⲗⲉ ⲛⲁⲩ ⲉⲃⲟⲗ …..ⲛϭⲁⲗⲉⲉⲩ ⲉⲙⲟⲟϣⲉ · ⲛⲧⲉⲛⲙⲡⲟⲩϣⲁϫⲉ…. ⲥⲱⲧⲙ ·
…
38 ⲁⲩⲱ ⲛϩⲏⲕⲉ ⲛⲧⲉⲧⲛ……….ⲛⲛⲁϭⲟⲙ ⲧⲏⲣⲟⲩ ·
…
39 ⲛⲧⲁⲓⲁⲁⲩ ⲉⲓϣⲟⲟⲡ ⲛⲙⲙⲏⲧⲛ ϩⲙⲡⲕⲟⲥⲙⲟⲥ ·
…
40 ⲉⲓϣⲁⲛⲃⲱⲕ ⲅⲁⲣ …….. ⲧⲉⲧⲛⲛⲁⲣⲛⲉⲧⲟⲩⲟⲧⲃ ⲉⲛⲁⲓ ϣⲁⲛⲧ..ⲥⲱⲟⲩϩ ⲉϩⲟⲩⲛ ⲛⲛⲁⲉⲥⲟⲟⲩ ⲉⲧϫⲟⲟⲣ ⲉⲃⲟⲗ ·
…
41 ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ ⲁϥⲥⲙⲟⲩ ⲉⲣⲟⲟⲩ ⲁϥⲃⲱⲕ ⲉϩⲣⲁⲓ ⲙⲡⲏⲩⲉ ⲉⲩϩⲱⲥ ϩⲁⲧⲉϥϩⲓⲏ ⲛϭⲓⲛⲁⲅⲅⲉⲗⲟⲥ ⲙⲡⲉⲟⲟⲩ ·
…
42 ⲛⲁⲡⲟⲥⲧⲟⲗⲟⲥ ⲇⲉ ⲁⲩⲣⲁϣⲉ ⲉⲙⲁⲧⲉ · ϫⲉⲁⲡϣⲏⲣⲉ ⲙⲡⲛⲟⲩⲧⲉ ⲥⲙⲟⲩ ⲉⲣⲟⲟⲩ ·
…
43 ⲑⲱⲙⲁⲥ ⲇⲉ ⲡⲉⲧⲉϣⲁⲉⲣⲟϥ ϫⲉⲇⲓⲇⲩⲙⲟⲥ · ⲛϥⲙⲙⲁⲩ ⲁⲛ ⲡⲉ ·
…
44 ⲛⲧⲉⲣⲉⲡϫⲟⲉⲓⲥ ⲉⲓ ⲁⲗⲗⲁ ⲛⲧⲁϥⲃⲱⲕ ⲉⲧⲉϥⲡⲟⲗⲓⲥ · ϫⲉⲁⲩⲛⲡⲟⲩⲱ ⲛⲁϥ ϫⲉⲁⲡⲉⲕϣⲏⲣⲉ ⲙⲟⲩ ·
…
45 ⲁϥⲃⲱⲕ ⲛϭⲓⲑⲱⲙⲁⲥ ⲁϥϩⲉ ⲉⲣ ⲉⲉⲡⲉϥⲙⲉϩⲥⲁϣϥ ⲛϩⲟⲟⲩ ⲡⲉ ϫⲓⲛⲛⲧⲁϥⲙⲟⲩ ·
…
46 ⲁϥⲃⲱⲕ ⲇⲉ ⲛⲧⲉⲩⲛⲟⲩ ⲉⲡⲙⲁ ⲛⲧⲁⲩⲧⲟⲙⲥϥ ⲛϩⲏⲧϥ ⲁϥⲱϣ ⲉⲃⲟⲗ · ϫⲉⲥⲓⲱⲫⲁⲛⲏⲥ ⲡⲁⲙⲉⲣⲓⲧ ·
…
47 ⲧⲱⲟⲩⲛ ϩⲙⲡⲣⲁⲛ ⲛⲓⲏⲥⲟⲩⲥ · ⲡⲉⲭⲣⲓⲥⲧⲟⲥ ⲡϣⲏⲣⲉ ⲙⲡⲛⲟⲩⲧⲉ ⲉⲧⲟⲛϩ ·
…
48 ⲧⲱⲟⲩⲛ ⲛⲅⲁϩⲉⲣⲁⲧⲕ ⲉϫⲛⲛⲉⲕⲟⲩⲉⲣⲏⲧⲉ ⲛⲧⲁϣⲁϫⲉ ⲛⲙⲙⲁⲕ ·
…
49 ⲁⲩⲱ ⲛⲧⲉⲩⲛⲟⲩ ⲁϥⲧⲱⲟⲩⲛ ⲛϭⲓⲥⲓⲱⲫⲁⲛⲏⲥ · ⲉⲣⲉⲡⲉⲟⲟⲩ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ … ⲙⲡⲉϥϩⲟ ·
…
50 ⲁϥⲟⲩⲱϣⲧ ⲙⲡⲉϥⲉⲓⲱⲧ ……… ⲛⲟⲩⲣⲁϣⲉ ·
…
51 ⲁϥⲟⲩⲱϣⲃ ⲛϭⲓ……………………. ……………………. ⲙⲉ … ⲡⲉ ⲛⲧⲁⲧⲁⲇⲱⲣⲉⲁ ⲛⲓⲏⲥⲟⲩⲥ ⲧⲁϩⲉ ⲧⲡⲟⲗⲓⲥ ⲧⲏⲣϥ ⲉⲧⲃⲏⲏⲧϥ ·
…
52 ⲁϥⲟⲩⲱϣⲃ ⲛϭⲓⲥⲓⲱⲫⲓⲛⲏⲥ ⲡⲉϫⲁϥ ⲙⲡⲉϥⲉⲓⲱⲧ · ϫⲉⲕⲥⲙⲁⲙⲁⲁⲧ ⲛⲧⲟⲕ ⲱ ⲡⲁⲉⲓⲱⲧ ⲛⲧⲟⲟⲧϥ ⲙⲡϫⲟⲉⲓⲥ · ϫⲉⲁⲕⲡⲓⲥⲧⲉⲩⲉ ⲉⲡϫⲟⲉⲓⲥ ⲡϣⲏⲣⲉ ⲙⲡⲡⲟⲩⲧⲉ ·
…
53 ⲉⲓⲥϩⲏⲏⲧⲉ ϯϫⲱ ⲙⲙⲟⲥ ⲛⲁⲕ ⲱ ⲡⲁⲉⲓⲱⲧ · ϫⲉⲙⲡⲛⲁⲩ ⲛⲧⲁⲩⲉⲓ ⲛⲥⲱⲓ ⲉⲧⲣⲉⲩⲡⲱⲣϫ ⲛⲧⲁⲯⲩⲭⲏ ⲉⲡⲁⲥⲱⲙⲁ ·
…
54 ⲁϥⲉⲓ ⲛϭⲓⲟⲩⲛⲟϭ ⲛϭⲓⲛⲁⲅⲅⲉⲗⲟⲥ ⲛϫⲱⲱⲣⲉ ⲙⲛⲟⲩⲙⲁⲡⲡⲁ ⲛⲟⲩϣⲛⲥ ⲙⲛϩⲉⲛⲕⲉⲙⲏⲏϣⲉ ⲛⲁⲅⲅⲉⲗⲟⲥ ⲉⲩⲙⲏⲣ ⲧⲏⲣⲟⲩ ⲛⲫⲁⲥⲅⲓⲁ ⲛⲛⲟⲩⲃ ⲉϫⲛⲧⲉⲩϯⲡⲉ ·
…
55 ⲙⲛϩⲉⲛⲥϯⲛⲟⲩϥⲉ ⲉⲩⲙⲟⲩⲧⲉ ⲉⲡⲁⲅⲅⲉⲗⲟⲥ ⲉⲧⲙⲙⲁⲩ ϫⲉⲙⲓⲭⲁⲏⲗ ⲡⲁⲅⲅⲉⲗⲟⲥ ⲛⲧⲙⲛⲧϣⲁⲛϩⲧⲏϥ ·
…
56 ⲁⲩⲁϩⲉⲣⲁⲧⲟⲩ ϩⲓϫⲱⲓ ⲧⲏⲣⲟⲩ ⲉⲣⲉⲡⲉⲩϩⲟ ⲛⲟⲧⲃ ⲛⲥⲱⲃⲉ ⲉϩⲟⲩⲛ ⲉⲣⲟⲓ ·
…
57 ⲁⲩⲱ ⲙⲓⲭⲁⲏⲗ ⲥⲫⲣⲁⲅⲓⲍⲉ ⲛⲧⲁⲧⲁⲡⲣⲟ ϩⲙⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲛⲉⲩⲙⲁ ⲉⲧⲟⲩⲁⲁⲃ ·
…
58 ⲁⲩⲱ ⲛⲧⲉⲩⲛⲟⲩ ⲁⲡⲁⲯⲩⲭⲏ ϥⲟϭⲥ ⲉⲃⲟⲗ ϩⲙⲡⲁⲥⲱⲙⲁ ⲁⲥⲟⲩⲱϩ ϩⲓϫⲛⲧϭⲓϫ ⲙⲙⲓⲭⲁⲏⲗ ·
…
59 ⲁϥⲥⲟⲩⲗⲱⲗⲥ ϩⲛⲧⲙⲁⲡⲡⲁ ⲛϣⲛⲥ ⲁⲩⲙⲟⲟϣⲉ ⲛⲙⲙⲁⲥ ⲉϩⲣⲁⲓ ⲉⲧⲡⲉ ⲉⲩϩⲩⲙⲛⲉⲉⲩⲉ ….. ⲛⲡⲱϩ ⲇⲉ ⲉϫⲙⲡⲉⲓⲣⲣⲟ ⲛⲕⲱϩⲧ ·
…
60 ⲁⲙⲓⲭⲁⲏⲗ ⲟⲩⲁϩⲧ ⲉⲡⲉⲥⲏⲧ ⲉϫⲛⲛⲉϥϭⲓϫ ⲁⲓⲃⲱⲕ ⲛϩⲏⲧϥ ⲛⲧϩⲉ ⲛⲟⲩⲕⲟⲩⲓ ⲛⲉⲓⲟⲟⲣⲉ ⲙⲙⲟⲟⲩ · ⲙⲛⲛⲥⲁⲉⲛ….ⲡⲉⲓⲉⲣⲟ ⲛⲕⲱϩⲧ ·
…
61 ϩⲱⲥⲧⲉ ⲛⲧⲁϫⲟⲟⲥ .ⲙ…..ⲡⲙⲁ ⲛⲧⲁⲓⲛⲁⲩ ⲉⲣⲟϥ ..ⲕⲱϩⲧ…….ⲙⲟⲥ ⲟⲩϫⲉⲃⲥ ⲁ…ⲡⲉⲓⲉⲣⲟ……..ϫⲓⲟⲟⲣ………………………………ⲙⲅ…ⲟⲩⲟⲉⲓⲛ ⲙⲙⲓⲭⲁⲏⲗ ⲣⲟⲩⲟⲉⲓⲛ ⲉⲣⲟⲓ ϣⲁⲛⲧⲛⲱⲧⲃ ⲙⲛⲛⲥⲁⲧⲣⲉⲛⲱⲧⲃ ⲙⲙⲟϥ ⲁⲛⲙⲟⲟϣⲉ ⲉϩⲣⲁⲓ ⲉⲙⲡⲏⲩⲉ ⲁϥϫⲓⲧ ⲉϩⲣⲁⲓ ⲉϫⲛⲧⲁⲭⲉⲣⲟⲩⲥⲓⲁ ⲛⲗⲩⲙⲛⲏ ·
…
62 ⲁϥϫⲟⲕ ⲙⲉⲧ ⲛϩⲏⲧϥ ⲛϣⲟⲙⲛⲧ ⲛⲥⲟⲡ ·
…
63 ⲙⲛⲛⲥⲱⲥ ⲁⲩⲟⲩⲥⲙⲏ .. ⲉⲃⲟⲗ ϩⲙⲡϫⲓⲥⲉ · ϫⲉⲱ ⲛⲁⲅⲅⲉⲗⲟⲥ ⲛϥⲁⲓϣⲙⲛⲟⲩϥⲉ ·
…
64 ϫⲓ ⲛⲧⲉⲓⲯⲩⲭⲏ ⲉⲛⲧⲟⲡⲟⲥ ⲛⲧⲙⲛⲧⲁⲧⲙⲟⲩ · ⲙⲛⲡⲁⲣⲁⲇⲓⲥⲟⲥ ⲙⲡⲱⲛϩ ⲛⲉⲡⲟⲩⲣⲁⲛⲓⲟⲛ · ⲛⲥⲛⲁⲩⲛⲧⲟⲡⲟⲥ ⲛⲛⲁⲡⲟⲥⲧⲟⲗⲟⲥ ⲙⲛⲛⲉⲩⲕⲗⲟⲙ ⲙⲛⲛⲉⲩⲑⲣⲟⲛⲟⲥ ·
…
65 ⲁⲩⲱ ⲛⲧⲉⲩⲛⲟⲩ ⲁⲙⲓⲭⲁⲏⲗ ϫⲓ ⲙⲙⲟⲓ ⲉⲩⲙⲁ ⲉⲩⲙⲟⲩⲧⲉ ⲉⲣⲟϥ ϫⲉⲡⲉⲥⲕⲏⲛⲏ ⲙⲡⲉⲓⲱⲧ ·
…
66 ⲁⲩⲱ ⲁⲓⲛⲁⲩ ⲉⲡⲉⲧⲛⲙⲛⲧⲥⲛⲟⲟⲩⲥ ⲛⲑⲣⲟⲛⲟⲥ ⲙⲙⲁⲣⲅⲁⲣⲓⲧⲏⲥ ⲛⲟⲩⲟⲉⲓⲛ · ⲉⲣⲉⲡⲉⲧⲛⲙⲛⲧⲥⲛⲟⲟⲩⲥ ⲛⲕⲙⲟⲗⲧⲟⲕⲥ ⲛⲱⲛⲉ ⲙⲙⲉ ϩⲓⲇⲟⲡⲁⲧⲓⲟⲛ ϩⲓⲥⲙⲁⲣⲁⲕⲇⲟⲛ · ⲉⲩⲣⲟⲩⲟⲉⲓⲛ ⲉⲧⲡⲟⲗⲓⲥ ⲧⲏⲣⲥ ⲙⲡⲉⲭⲣⲓⲥⲧⲟⲥ ·
…
67 ⲁⲓⲛⲁⲩ ⲉⲕⲉⲙⲛⲧⲥⲛⲟⲟⲩⲥ ⲛⲥⲧⲟⲗⲏ ⲛⲟⲩⲟⲃϣ ⲉⲩⲟⲩⲏϩ ϩⲓϫⲛⲛⲉⲑⲣⲟⲛⲟⲥ ⲙⲡⲛⲉⲩⲙⲁ · ⲉⲣⲉⲕⲉⲙⲛⲧⲥⲛⲟⲟⲩⲥ ⲛϣⲏⲛ ⲉⲩⲟⲧⲡ ⲛⲕⲁⲣⲡⲟⲥ ⲛⲟⲩⲟⲉⲓϣ ⲛⲓⲙ · ⲉⲩⲣϩⲁⲓⲃⲉⲥ ⲉⲡⲟⲩⲁ ⲡⲟⲩⲁ ⲛⲛⲉⲑⲣⲟⲛⲟⲥ ·
…
68 ⲉⲣⲉⲕⲉⲙⲛⲧⲥⲛⲟⲟⲩⲥ ⲛⲁⲓⲧⲟⲥ ⲛϩⲟ ⲛⲣⲱⲙⲉ ⲡⲟⲣϣ ⲉⲃⲟⲗ ⲉϫⲱⲟⲩ ϩⲛⲛⲉⲩⲧⲛϩ · ⲟⲩⲁⲉⲧⲟⲥⲕⲁⲧⲁⲑⲣⲟⲛⲟⲥ · ⲉⲣⲉⲡⲣⲁⲛ ⲙⲙⲛⲧⲥⲛⲟⲟⲩⲥ ⲛⲁⲡⲟⲥⲧⲟⲗⲟⲥ ⲥⲏϩ ⲉϫⲛⲡⲟⲩⲁ ⲡⲟⲩⲁ ⲛⲛⲉⲑⲣⲟⲛⲟⲥ ·
…
69 ⲉⲣⲉⲕⲉⲙⲛⲧⲥⲛⲟⲟⲩⲥ ⲛⲕⲁⲧⲁⲡⲉⲧⲁⲥⲙⲁ ⲥⲏⲕ ⲉⲡⲟⲩⲁ ⲡⲟⲩⲁ ⲛⲛⲉⲑⲣⲟⲛⲟⲥ · ⲉⲣⲉⲟⲩϭⲣⲏⲡⲉ ⲛⲱⲛⲉ ⲙⲙⲉ ⲡⲟⲣϫ ⲉϫⲛⲛⲉⲑⲣⲟⲛⲟⲥ ⲙⲡⲉϥⲛⲧⲡⲉ · ⲉⲣⲉⲟⲩϣⲟ ⲛⲁⲅⲅⲉⲗⲟⲥ ϩⲩⲙⲛⲉⲩⲉ ϫⲉⲡⲟⲩⲁ ⲡⲟⲩⲁ ⲛⲛⲉⲑⲣⲟⲛⲟⲥ ·
…
70 ⲁⲓⲟⲩⲱϣⲧ ⲁⲛⲟⲕ ⲥⲓⲱⲫⲁⲛⲏⲥ ⲡⲉϫⲁⲓ ⲙⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ …. ϫⲉⲛⲓⲙ ⲛⲉ ⲛⲉⲓⲑⲣⲟⲛⲟⲥ ……………………………. ⲙⲍ …..ⲙⲛⲧⲥⲛⲟⲟⲩⲥ ⲛⲑⲣⲟⲛⲟⲥ · ⲛⲧⲉⲙⲛⲧⲥⲛⲟⲟⲩⲥ ⲛϩⲁⲅⲓⲟⲥ ⲙⲙⲁⲑⲏⲧⲏⲥ ·
…
71 ⲛⲁⲓ ⲛⲧⲁⲩⲟⲩⲁϩⲟⲩ ⲛⲓⲏⲥⲟⲩⲥ ⲡϣⲏⲣⲉ ⲙⲡⲛⲟⲩⲧⲉ ϩⲙⲡⲕⲟⲥⲙⲟⲥ ·
…
72 ⲉⲧⲃⲉⲡⲁⲓ ⲁⲡⲛⲟⲩⲧⲉ ⲕⲱ ⲛⲛⲉⲓϣⲟ ⲛⲁⲅⲅⲉⲗⲟⲥ · ⲉⲩϩⲩⲙⲛⲉⲩⲉ ⲉⲣⲟⲟⲩ ϣⲁⲛⲧⲟⲩϫⲱⲕ ⲉⲃⲟⲗ ⲙⲡⲉⲩⲇⲣⲟⲙⲟⲥ ⲛⲥⲉⲉⲓ ⲛϩⲙⲟⲟⲥ ϩⲓϫⲱⲟⲩ ⲉⲩⲟ ⲛⲣⲣⲟ ⲙⲛⲡϣⲏⲣⲉ ⲙⲡⲛⲟⲩⲧⲉ ϩⲛⲧⲉϥⲙⲛⲧⲣⲣⲟ ·
…
73 ⲁⲓⲟⲩⲱϣⲃ ⲡⲉϫⲁⲓ ⲙⲙⲓⲭⲁⲏⲗ ϫⲉⲡⲁϫⲟⲉⲓⲥ ⲙⲁⲧⲥⲁⲃⲟⲓ ⲉⲡⲉⲑⲣⲟⲛⲟⲥ ⲙⲡⲁⲉⲓⲱⲧ ⲉⲃⲟⲗ · ϫⲉⲙⲡⲉⲓϩⲉⲉϣϭⲙϭⲟⲙ ⲉⲱϣ ⲛⲛⲉⲥϩⲁⲓ ⲉⲧⲥⲏϩ ⲉϫⲛⲛⲉⲑⲣⲟⲛⲟⲥ ·
…
74 ⲁϥϫⲓⲧⲛ ⲛϭⲓⲙⲓⲭⲁⲏⲗ ⲉⲧⲙⲏⲧⲉ ⲛⲛⲉⲑⲣⲟⲛⲟⲥ ⲁϥⲧⲥⲁⲃⲟⲓ ⲉⲣⲟϥ ·
…
75 ⲁⲩⲱ ⲛⲧⲉⲩⲛⲟⲩ ⲛⲧⲁⲓϩⲱⲛ ⲉϩⲟⲩⲛ ⲉⲣⲟϥ ·
…
76 ⲁⲡⲟⲩⲟⲉⲓⲛ ⲙⲡⲙⲁⲣⲅⲁⲣⲓⲧⲏⲥ ⲙⲛⲡϣⲟ ⲛⲁⲅⲅⲉⲗⲟⲥ ⲙⲛⲡⲉⲩⲉⲟⲟⲩ ⲁⲩϭⲱ ⲉⲩⲧⲁⲁⲧⲉ ⲉϩⲟⲩⲛ ϩⲙⲡⲉⲩϩⲟ ·
…
77 ⲛⲉⲓⲟⲩⲱϣ ⲉϩⲙⲟⲟⲥ ϩⲓϫⲱⲱϥ ⲡⲉ ·
…
78 ⲁⲩⲕⲱⲗⲩ ⲙⲙⲟⲓ ⲛϭⲓⲛⲁⲅⲅⲉⲗⲟⲥ · ϫⲉⲉⲓⲙⲏ ϯ ⲉⲡⲉⲕⲉⲓⲱⲧ ⲙⲛⲗⲁⲁⲩ ⲛⲁ..ϣϩⲙⲟⲟⲥ ϩⲓϫⲱϥ ·
…
79 ⲙⲡⲟⲩⲧⲁⲁⲥ ⲛⲗⲁⲁⲩ ⲛⲥⲁⲣⲝ ϩⲓⲥⲛⲟϥ ⲉϩⲙⲟⲟⲥ ϩⲓϫⲛⲛⲉⲓⲑⲣⲟⲛⲟⲥ · ⲉⲓⲙⲏⲧⲓ ⲛⲉϥⲁⲡⲟⲥⲧⲟⲗⲟⲥ ⲙⲙⲁⲧⲉ ·
…
80 ⲁⲩⲱ ⲁⲓϯ ⲙⲡⲁⲟⲩⲟⲓ ⲁⲓ….ⲛⲉⲑⲣⲟⲛⲟⲥ ⲁⲩⲱ ⲡϣⲟ ⲛⲁⲅⲅⲉⲗⲟⲥ ⲁⲩⲥⲙⲟⲩ ⲉⲣⲟⲓ ϩⲛⲟⲩⲛⲟϭ ⲛⲥⲙⲟⲩ ⲛⲧⲉⲧⲡⲉ · ϩⲛⲉⲓⲣⲏⲛⲛ ϥⲑ ·
…
81 ……ⲙⲓⲭⲁⲏⲗ ⲉⲓⲛⲉ ⲙⲙⲟⲓ ⲉⲡⲡⲁⲣⲇⲉⲓⲥⲟⲥ ….ⲡⲁⲣⲁⲇⲓⲥⲟⲥ ⲕⲱⲣϣ ⲉⲣⲟⲓ ϫⲉⲁⲙⲟⲩ …… ⲛⲧⲛϣϣⲟⲣⲣ ⲛⲛⲁⲡⲟⲥⲧⲟⲗⲟⲥ….ⲁⲛⲟⲕ ⲙⲛⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ…………………. ⲙⲏ ⲧⲁⲕϣⲗⲏⲗ ⲉⲡⲛⲟⲩⲧⲉ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ·
…
82 ⲁⲙⲓⲭⲁⲏⲗ ϫⲓⲛⲧⲁⲯⲩⲭⲏ ⲁϥϯ ⲙⲙⲟⲥ ⲉϩⲟⲩⲛ ⲉⲡⲁⲥⲱⲙⲁ ⲛⲕⲉⲥⲟⲡ ·
…
83 ⲁⲓⲧⲱⲟⲩⲛ ⲉϩⲣⲁⲓ ⲉⲓⲟⲛϩ ⲁⲓϣⲁϫⲉ ⲛⲙⲙⲁⲕ ⲧⲉⲛⲟⲩ
…
84 ⲁϥⲟⲩⲱϣⲃ ⲛϭⲓⲑⲱⲙⲁⲥ ⲡⲉϫⲁϥ ⲙⲡⲉϥϣⲏⲣⲉ ϫⲉⲛⲁⲓⲁⲧⲕ ⲛⲧⲟⲕ ⲱ ⲡⲁϣⲏⲣⲉ · ϫⲉⲁⲡⲉϩⲙⲟⲧ ⲙⲡⲛⲟⲩⲧⲉ ⲧⲁϩⲟⲕ ·
…
85 ⲁⲕⲛⲁⲩ ⲉⲡⲉⲓⲛⲟϭ ⲛⲧⲁⲉⲓⲟ ·
…
86 ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲛϭⲓⲑⲱⲙⲁⲥ ⲁϥⲡⲱⲧ ⲙⲛⲡⲉϥϣⲏⲣⲉ ⲉϩⲣⲁⲓ ⲉⲧⲡⲟⲗⲓⲥ ·
…
87 ⲛⲧⲉⲩⲛⲟⲩ ⲁϥⲃⲱⲕ ⲉϩⲟⲩⲛ ⲉⲡⲉϥⲏⲓ ·
…
88 ⲛⲧⲉⲣⲟⲩⲛⲁⲩ ⲇⲉ ⲉⲣⲟϥ ⲛϭⲓⲛⲉⲧϩⲙⲡⲏⲓ ⲁⲩϩⲉ ⲉϩⲣⲁⲓ ⲉϫⲙⲡⲉⲩϩⲟ ⲁⲩϣⲱⲡⲉ ⲛⲧϩⲉ ⲛⲛⲉⲧⲙⲟⲟⲩⲧ ·
…
89 ⲁⲩϯⲡⲉⲩⲟⲟⲓ ⲉⲣⲟⲟⲩ ·
…
90 ⲁϥⲧⲟⲩⲛⲟⲥⲟⲩ ·
…
91 ⲁϥϣⲁϫⲉ ⲛⲙⲙⲁⲩ ⲁϥⲧⲁⲙⲟⲟⲩ ⲛⲧϩⲉ ⲛⲧⲁϥϣⲁϫⲉ ⲛⲙⲙⲁϥ ⲛϭⲓⲡⲉⲓⲱⲧ ⲁϥⲧⲟⲩⲛⲟⲥϥ ⲉⲃⲟⲗ ϩⲛⲛⲉⲧⲙⲟⲟⲩⲧ ⲙⲛⲧϩⲉ ⲛⲧⲁϥⲛⲁⲩ ⲉⲡⲉⲟⲟⲩ ⲙⲛⲡⲧⲁⲉⲓⲟ ⲛⲛⲁⲙⲡⲏⲩⲉ ·
…
92 ⲑⲱⲙⲁⲥ ⲅⲁⲣ ⲙⲡⲉϥⲃⲱⲕ ⲉϩⲟⲩⲛ ⲉⲡⲉϥⲏⲓ ·
…
93 ⲉⲧⲃⲉⲛϭⲟⲙ ⲉⲧⲉϥⲉⲓⲣⲉⲙ ⲙⲙⲟⲟⲩ ⲁⲗⲗⲁ ⲁϥϭⲱ ⲙⲡⲃⲟⲗ ⲛⲧⲡⲟⲗⲓⲥ ·
…
94 ϫⲉⲣⲉⲡⲉⲗⲟⲥ ….ⲙⲏⲏϣⲉ ⲡⲓⲥⲧⲉⲩⲉ ⲉⲡϫⲟⲉⲓⲥ ·
…
95 ⲁⲡⲥⲟⲉⲓⲧ ⲙⲟⲟϣⲉ …ⲧⲡⲟⲗⲓⲥ ⲧⲏⲣⲥ · ϫⲉⲥⲓⲱⲫⲁⲛⲏⲥ ⲡϣⲏⲣⲉ ⲛⲑⲱⲙⲁⲥ …ⲃⲟⲗ ϩⲛⲛⲉⲧⲙⲟⲟⲩⲧ ·
…
96 ⲁⲩⲱ ⲁⲡⲙⲏⲏϣⲉ ⲧⲏⲣϥ ⲁⲩⲥⲱⲟⲩϩ ⲉⲣⲙⲡⲣⲟ ⲙⲡⲏⲓ ⲉⲧⲉⲣⲉⲡϣⲏⲣⲉ ⲛϩⲏⲧϥ ⲁⲩⲛⲁⲩ ⲉⲣⲟϥ ⲁⲩⲣϣⲡⲏⲣⲉ ·
…
97 ⲁⲩⲱ ⲁⲩ….ⲡⲕⲟⲩⲓ ⲁⲩϫⲛⲟⲩϥ · ϫⲉⲛⲓⲙ ……… …ⲛⲉ…………………………………….. ⲙⲑ ……ⲏⲧⲁⲗⲓⲁ ·
…
98 ⲛⲧⲉⲣⲁⲓⲙⲟⲩ ⲁⲩϫⲓⲧ ⲉⲃⲟⲗ ..ⲧⲁⲫⲟⲥ ⲁⲩⲧⲟⲙⲥⲧ ·
…
99 ⲁⲩϥⲓ ⲛⲧⲁⲯⲩⲭⲏ ⲉϩⲣⲁⲓⲙⲡⲏⲩⲉ ⲁⲩⲧⲥⲁⲃⲟⲓ ⲉⲛⲧⲟⲡⲟⲥ ⲛⲧⲙⲛⲧⲁⲧⲙⲟⲩ ·
…
100 ⲁⲓⲣⲥⲁϣϥ ⲛϩⲟⲟⲩ ⲛϩⲟⲩⲛ ϩⲁϣⲏⲛ ⲙⲡⲁⲣⲁⲇⲓⲥⲟⲥ ⲛⲧϩⲓⲉⲣⲟⲩⲥⲁⲗⲏⲙ ⲛⲧⲡⲉ · ⲉⲓϫⲓϩⲁⲓⲃⲉⲥ ϩⲁⲛⲉⲩⲕⲗⲁⲇⲟⲥ ⲧⲁⲥⲱⲙⲁ ϩⲱⲱϥ ⲁⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲥⲫⲣⲁⲅⲓⲍⲉ ⲙⲙⲟϥ ϩⲙⲡⲉϥⲧⲏⲡⲉ ·
…
101 ϩⲙⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉ ⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
…
102 ⲙⲡⲉϥⲧⲁⲕⲟⲟⲩ ⲇⲉ ⲙⲡⲉϥⲕⲛⲟⲥ ·
…
103 ⲟⲩⲇⲉ ⲙⲡⲉϥⲃⲱⲗ ⲉⲃⲟⲗ ϩⲙⲡⲉⲓⲥⲁϣϥ ⲛϩⲟⲟⲩ ·
…
104 ⲁⲩⲱ ⲛⲉϥⲉⲩⲫⲣⲁⲛⲉ ⲧⲏⲣϥ ⲉϥⲧⲣⲉϣⲣⲱϣ ⲛⲧϩⲉ ⲛⲛⲉⲓⲟⲩⲣⲧ ·
…
105 ⲉⲃⲟⲗ ϫⲉϩⲁⲡⲥ ⲉⲧⲣⲁⲕⲧⲟⲓ ⲉⲣⲟϥ ⲛⲕⲉⲥⲟⲡ ·
…
106 ⲉⲧⲃⲉⲡⲟⲩϫⲁⲓ ⲙⲛⲡⲛⲟⲩϩⲙ ⲛⲧⲁⲡⲟⲗⲓⲥ · ⲙⲛⲛⲥⲁⲡⲥⲁϣϥ ⲇⲉ ⲛϩⲟⲟⲩ ·
…
107 ⲁⲡⲉⲓⲱⲧ ⲥⲱⲧⲙ ϫⲉⲁⲓⲙⲟⲩ ⲁϥⲉⲓ ⲁϥⲧⲟⲩⲛⲟⲥⲧ ⲉⲃⲟⲗ ϩⲛⲛⲉⲧⲙⲟⲟⲩⲧ ϩⲙⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ϩⲛⲟⲩⲉⲓⲣⲏⲛⲏ ϥⲑ .. ⲛⲧⲉⲣⲉⲙⲙⲏⲏϣⲉ ⲥⲱⲧⲙ ⲉⲣⲟⲟⲩ ⲁⲩⲛⲟϫⲧⲟⲩ ⲁⲩⲟⲩⲱϣⲧ ⲛⲁϥ ⲉϫⲙⲡⲉⲩϩⲟ ⲉⲩϫⲱ ⲙⲙⲟⲥ · ϫⲉⲧⲛⲥⲟⲡⲥ ⲙⲙⲟⲕ ⲙⲁⲧⲥⲁⲃⲟⲛ ⲉⲡⲙⲁ ⲉⲧⲉⲣⲉⲡϩⲩⲡⲉⲣⲉⲧⲏⲥ ⲙⲡⲉⲭⲣⲓⲥⲧⲟⲥ ⲛϩⲏⲧϥ ⲧⲁⲣⲛⲡⲓⲥⲧⲉⲩⲉ ϩⲱⲛ ⲉⲣⲟϥ ·
…
108 ⲛⲁⲓ ⲇⲉ ⲛⲧⲉⲣⲉⲡⲙⲏⲏϣⲉ ϫⲟⲟⲩ ·
…
109 ⲁⲡϣⲏⲣⲉ ….ⲡⲱⲧ ϩⲁⲧⲉⲩϩⲓⲏ ⲁϥⲛⲧⲟⲩ ⲛⲥⲁⲡⲉⲓ… ⲁϥϫⲓⲧⲟⲩ ⲉⲡⲙⲁ ⲉⲧⲉⲣⲉⲡⲁⲡⲟⲥⲧⲟⲗⲟⲥ ⲛϩⲏⲧϥ ⲛⲧⲉⲣⲁⲩⲛⲁⲩ ⲇⲉ ⲉⲣⲟϥ ⲁⲩⲡⲁϩⲧⲟⲩ ……………………. ⲛ ⲛⲧⲟⲕ ⲥⲙⲁⲙⲁⲁⲧ ϩⲛⲧⲉⲕϭⲓⲛⲉ ⲉϩⲟⲩⲛ … ⲁⲩⲱ ⲙⲛⲟⲩⲟⲛ ⲛⲥⲁⲃⲉⲗⲗⲁⲕ · ⲓⲏⲥⲟⲩⲥ ⲡϣⲏⲣⲉ ⲙⲡⲛⲟⲩⲧⲉ ⲉⲧⲟⲛϩ ·
…
110 ⲛⲁⲓ ⲛⲧⲉⲣⲟⲩϫⲟⲟⲩ ⲛϭⲓⲡⲙⲏⲏϣⲉ ⲧⲏⲣϥ ·
…
111 ⲁⲡⲁⲡⲟⲥⲧⲟⲗⲟⲥ ⲥⲙⲟⲩ ⲉⲣⲟⲟⲩ ⲁϥⲃⲁⲡⲧⲓⲍⲉ ⲙⲙⲛⲧⲥⲛⲟⲟⲩⲥ ⲛϣⲟ ⲛⲣⲱⲙⲉ ⲛϩⲏⲧⲟⲩ ⲙⲡⲉϩⲟⲟⲩ ⲉⲧⲙⲙⲁⲩ ·
…
112 ⲁⲩⲱ ⲁϥⲥⲱⲣ ⲛⲁⲩ ⲉⲃⲟⲗ ⲛⲧⲥⲛⲧⲉ ⲛⲧⲉⲕⲕⲗⲏⲥⲓⲁ ·
…
113 ⲁϥⲕⲁⲑⲓⲥⲧⲁ ⲛⲥⲓⲱⲫⲁⲛⲏⲥ ⲛⲉⲡⲓⲥⲕⲟⲡⲟⲥ ⲉⲧⲉⲕⲕⲗⲏⲥⲓⲁ ·
…
114 ⲁϥⲁⲡⲟⲗⲩ ⲙⲙⲟⲟⲩ ⲁϥⲕⲁⲁⲩ ⲉⲃⲟⲗ ϩⲛⲟⲩⲉⲓⲣⲏⲛⲏ ϩⲁⲙⲏⲛ ·
…
115 ⲑⲱⲙⲁⲥ ⲡⲁⲡⲟⲥⲧⲟⲗⲟⲥ ⲁϥⲧⲉⲗⲏⲗ ϩⲙⲡⲉⲡⲛⲉⲩⲙⲁ
…
116 ⲁⲩⲱ ⲁϥⲥⲙⲟⲩ ⲉⲡⲛⲟⲩⲧⲉ ⲉϥϫⲱ ⲙⲙⲟⲥ ϫⲉⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ϯϣⲡϩⲙⲟⲧ ⲛⲧⲟⲟⲧⲕ ⲛⲟⲩⲟⲉⲓϣ ⲛⲓⲙ ⲁⲕϯ ⲛⲁⲓ ⲛⲧⲕⲉⲉⲓⲣⲏⲛⲏ ·
…
117 ⲁⲓⲃⲱⲕ ϣⲁⲧⲡⲟⲗⲓⲥ ⲁⲓⲙⲟⲟⲛⲉ ⲉⲧⲉⲙⲣⲱ ⲛⲧⲉⲓⲣⲏⲛⲏ · ⲉⲣⲉⲡⲁϫⲟⲉⲓⲟⲩⲟϫ ⲁⲓϩⲉ ⲉⲧⲙⲣⲱ ⲉⲩⲕⲱⲱⲃⲉ ⲛϩⲏⲧⲥ ⲛϭⲓⲛⲇⲁⲓⲙⲟⲛⲓⲟⲛ ·
…
118 ⲙⲛⲛⲥⲱⲥ ⲁⲓϩⲩⲡⲟⲙⲓⲛⲉ ⲁⲓϫⲣⲟ ⲉⲣⲟⲟⲩ ϩⲛⲧⲉⲕϭⲟⲙ ·
…
119 ⲁⲓⲥⲟⲕⲟⲩ ⲛⲛⲁϣⲛⲏⲉⲧⲁⲃⲱ ⲙ….ⲡⲣⲣⲟ ⲓⲏⲥⲟⲩⲥ ·
…
120 ⲁⲩϩⲉ ⲉⲩⲙⲏⲏϣⲉ ⲉⲩⲗⲁⲁⲙ ϩⲙⲡⲛⲟⲃⲉ ·
…
121 ⲁⲓⲧⲣⲉⲟⲩⲃⲁϣ ϩⲙⲡⲉⲥⲛⲟϥ ⲙⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲉⲓⲥⲓⲥ ⲡⲉⲭⲣⲓⲥⲧⲟⲥ ⲧⲁⲗⲟⲓ ⲉⲡϫⲟⲉⲓ ⲙⲡⲟⲩϫⲁⲓ ⲁϥϫⲓⲧ ⲉⲧⲙⲣⲱ ⲛⲧⲉⲓⲣⲏⲛⲏ ·
…
122 ⲁⲓⲟⲩⲛⲟϥ ϩⲙⲡⲁϩⲏⲧ ⲁⲓⲧⲱϩⲙ ⲛⲟⲩⲙⲏⲏϣⲉ ⲉϩⲟⲩⲛ ⲉⲡⲉϥⲙⲁ ⲛϣⲉⲗⲉⲉⲧ ·
…
123 ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲡⲙⲁⲕⲁⲣⲓⲟⲥ ⲛⲁⲡⲟⲥⲧⲟⲗⲟⲥ ⲁϥⲁⲗⲉ ⲉϫⲙⲡⲉⲕⲗⲟⲟⲗⲉ ⲁⲥⲛϥ ⲙⲙⲟϥ ⲉϫⲙⲡⲧⲟⲟⲩ ⲛⲛϫⲟⲉⲓⲧ ·
…
124 ⲁϥϩⲉ ⲉⲛⲁⲡⲟⲥⲧⲟⲗⲟⲥ ⲉⲩϭⲱϣⲧ ..ⲗϩ………. ⲡⲉϫⲁϥ ……………………ⲛⲁ ……ⲥⲕⲗⲏⲣⲟⲥ ⲙⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲉϥⲥⲟⲟⲩϩ ⲛⲉⲩⲉⲣⲏⲩ ϩⲛⲧⲉⲓⲣⲏⲛⲏ ⲙⲡⲉⲓⲱⲧ ⲭⲁⲓⲣⲉ ⲛⲁⲥⲛⲏⲩ ⲛⲁⲡⲟⲥⲧⲟⲗⲟⲥ ⲡⲉⲕⲗⲟⲙ ⲙⲡⲱⲛϩ ⲁⲩⲟⲩⲱϣⲃ ϩⲱⲟⲩ ⲛϭⲓⲛⲁⲡⲟⲥⲧⲟⲗⲟⲥ ·
…
125 ⲭⲁⲓⲣⲉⲡϩⲙϩⲁⲗ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ·
…
126 ⲁⲕⲃⲱⲕ ϫⲉⲉⲕⲧⲟⲩⲛⲟⲛⲟⲥ ⲛⲟⲩⲣⲉϥⲙⲟⲟⲩⲧ ⲁⲕⲧⲟⲩⲛⲟⲥ ⲛⲟⲩⲙⲏⲏϣⲉ ⲙⲡⲟⲗⲓⲥ ϩⲙⲡⲃⲁⲡⲧⲓⲥⲙⲁ ⲙⲛⲧⲉⲥⲫⲣⲁⲅⲓⲥ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
…
127 ⲡⲉⲧⲣⲟⲥ ⲇⲉ ⲡⲉϫⲁϥ ⲛⲑⲱⲙⲁⲥ · ϫⲉⲱ ⲡⲁⲥⲟⲛ ⲛⲣⲉϥⲧⲱ ϩⲙⲉⲡⲙⲁ ⲛϣⲉⲗⲉⲉⲧ ⲙⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ·
…
128 ϯϫⲱ ⲙⲙⲟⲥ ⲛⲁⲕ ⲱ ⲡⲉⲛⲥⲟⲛ · ϫⲉⲁⲡⲉⲛϫⲟⲉⲓⲥ ⲓⲏⲥⲟⲩⲥ ⲟⲩⲟⲛϩϥ ⲉⲣⲟⲛ ϫⲓⲛⲛⲧⲁⲕⲃⲱⲕ ⲉⲃⲟⲗ ϩⲓⲧⲟⲟⲧⲛ ⲛⲧⲉⲣⲉϥⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ ⲙⲡⲁⲧϥⲃⲱⲕ ϣⲁⲡⲉϥⲃⲱⲕ ·
…
129 ⲁϥϯ ⲛⲁⲛ ⲛⲧⲉϥⲉⲓⲣⲏⲛⲏ ·
…
130 ⲁⲩⲱ ⲁⲛⲁⲥⲡⲁⲍⲉ ⲙⲙⲟϥ ⲁϥⲥⲙⲟⲩ ⲉⲣⲟⲛ ⲁϥⲃⲱⲕ ⲉϩⲣⲁⲓ ⲉⲙⲡⲏⲩⲉ ⲉⲃⲟⲗ ϩⲓⲧⲟⲟⲧⲛ ·
…
131 ⲁϥϫⲟⲟⲥ ⲛⲁⲛ · ϫⲉϯϣⲟⲟⲡ ⲛⲙⲙⲏⲧⲛ ⲛⲟⲩⲟⲉⲓϣ ⲛⲓⲙ · ⲁⲛⲟⲕ ⲙⲛⲡⲁⲉⲓⲱⲧ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
…
132 ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲡⲙⲁⲕⲁⲣⲓⲟⲥ ⲛⲁⲡⲟⲥⲧⲟⲗⲟⲥ ⲡⲉⲧⲣⲟⲥ ⲑⲱⲙⲁⲥ ⲑⲱⲙⲁⲥ ⲇⲉ ⲁϥⲗⲩⲡⲉⲓ ⲉⲙⲁⲧⲉ
…
133 ⲁⲩⲱ ⲁϥⲣⲓⲙⲉ ⲉⲙⲁⲧⲉ ⲉϥϫⲱ ⲙⲙⲟⲥ · ϫⲉⲉⲓⲉ ⲛⲧⲉⲣⲉⲕⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ ⲱ ⲡⲁϫⲟⲉⲓⲥ ⲁⲕⲟⲩⲟⲛ ϩⲉⲙⲙⲁⲑⲏⲧⲏⲥ ·
…
134 ⲁⲛⲟⲕ ϩⲱ ⲁⲕⲡⲱⲣϫⲧ ..ⲛⲁⲥⲛⲏⲩ …..ⲕⲟⲩⲱϣ ⲟⲩⲟⲛϩⲕ ⲉⲣⲟⲓ …………………… ⲉⲧⲣⲁⲛⲁⲩ ⲉⲣⲟⲕ ⲙⲡⲁⲧⲃⲱⲕ ϣⲁ….. ⲡⲗⲏⲛ ϥⲟⲛϩ ⲙⲡⲣⲁⲛ ⲙⲡⲁϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ϫⲉⲉⲓⲧⲙⲛⲉϫⲡⲁⲧⲏⲏⲃⲉ ⲉϫⲛⲛⲉϣⲥⲛⲓϥⲧ·
…
135 ⲁⲩⲱ ⲧⲁϭⲓϫ ⲧⲁⲟⲩⲁϩⲥ ⲉϫⲛⲧⲉϣⲥ ⲛⲗⲟⲅⲭⲏ ·
…
136 ϯⲛⲁⲡⲓⲥⲧⲉⲩⲉ ⲁⲛ · ϫⲉⲁϥⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ ⲛϯⲡⲓⲥⲧⲉⲩⲉ ⲅⲁⲣ ⲁⲛ ϫⲉϥⲛⲁⲧⲱⲟⲩⲛ ⲙⲡⲉϥⲟⲩⲟⲛϩϥ ⲉⲣⲟⲓ ·
…
137 ⲁⲩⲱ ϥⲛⲛⲁⲗⲩⲡⲉⲓ ⲙⲙⲟⲓ ⲁⲛ ·
…
138 ⲁϥϫⲟⲟⲥ ⲅⲁⲣ ⲛⲁⲛ · ϫⲉⲛϯⲛⲁⲡⲉⲣϫⲧⲏⲩⲧⲛ ⲛⲁⲛ ⲉⲃⲟⲗ ⲛⲛⲉⲧⲛⲉⲣⲏⲩ ·
…
139 ⲁⲗⲗⲁ ⲡⲉⲓⲕⲗⲏⲣⲟⲥ ⲛⲟⲩⲱⲧ ⲡⲉⲧⲛⲁϣⲱⲡⲉ ⲛⲏⲧⲛ ϩⲛⲧⲁⲙⲛⲧⲣⲣⲟ ·
…
140 ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲑⲱⲙⲁⲥ ⲡⲁⲡⲟⲥⲧⲟⲗⲟⲥ ⲙⲡⲉⲙⲧⲟ ⲉⲃⲟⲗ ⲙⲡⲙⲛⲧⲟⲩⲉ ⲙⲙⲁⲑⲏⲧⲏⲥ ⲉϥⲣⲓⲙⲉ ·
…
141 ⲁϥⲟⲩⲱϣⲃ ⲛϭⲓⲛⲁⲡⲟⲥⲧⲟⲗⲟⲥ ⲙⲡⲉⲙⲧⲟ ⲉⲃⲟⲗ ⲛⲑⲱⲙⲁⲥ ⲉⲩϫⲱ ⲙⲙⲟⲥ ϫⲉⲱ ⲡⲉⲛϫⲟⲉⲓⲥ ⲛⲥⲟⲛ ⲙⲡⲣⲣⲁⲡⲓⲥⲧⲟⲥ ⲉⲧⲁⲛⲁⲥⲧⲁⲥⲓⲥ ⲙⲡⲥⲱⲧⲏⲣ ·
…
142 ⲁⲗⲗⲁ ⲡⲓⲥⲧⲉⲩⲉ ϫⲉⲁϥⲧⲱⲟⲩⲛ ⲁϥⲃⲱⲕ ⲉϩⲣⲁⲓ ϣⲁⲡⲉϥⲉⲓⲱⲧ ·
…
143 ⲁⲩⲱ ⲁⲛⲟⲛ ⲡⲉ ⲛϣⲟⲣⲡ ⲛⲧⲁϥⲟⲩⲱⲛϩ ⲉⲣⲟϥ ⲙⲛⲙⲁⲣⲓϩⲁⲙ ⲧⲉϥⲙⲁⲁⲩ ·
…
144 ⲁϥⲟⲩⲱϣⲃ ⲟⲛ ⲛϭⲓⲑⲱⲙⲁⲥ · ϫⲉϯⲡⲓⲥⲧⲉⲩⲉ ϫⲉⲁϥⲧⲱⲟⲩⲛ ⲉⲃⲟⲗ ·
…
145 ⲁⲩⲱ ⲟⲩⲁⲧⲙⲟⲩ ⲡⲉ ⲛⲧⲁϥϫⲓϯⲡⲉ ⲅⲁⲣ ⲙⲡⲙⲟⲩ ⲉⲧⲃⲉⲡⲟⲩϫⲁⲓ ⲧⲏⲣⲛ …
…
146 ⲁⲩⲱ ϩⲧⲛⲟϭ ⲛⲗⲩⲡⲏ …ⲁⲓⲇⲓⲥⲧⲁⲍ….ϫⲉ…… ⲉⲣⲟϥ ⲁ……ⲓⲟⲩ…ⲛϭⲓ…………………………………………..ⲥⲱⲧⲙ ⲉⲣⲟⲓ ⲱ ⲡⲁⲥⲟⲛ ⲑⲱⲙⲁⲥ ·
…
147 ⲁⲣⲓⲡⲙⲉⲉⲩⲉ ⲙⲡϣⲁϫⲉ ⲛⲧⲁⲡⲥⲱⲧⲏⲣ ϫⲟⲟϥ ..ⲡⲉⲩⲁⲅⲅⲉⲗⲓⲟⲛ · ϫⲉⲉϣⲱⲡⲉ ⲟⲩⲛⲧⲏⲧⲛⲡⲓⲥⲧⲓⲥ ⲙⲙⲁⲩ · ⲛⲧϩⲉ ⲛⲟⲩⲃⲗⲃⲓⲗⲉ ⲛϣⲗⲧⲁⲙ ·
…
148 ⲧⲉⲧⲛⲁϫⲟⲟⲥ ⲙⲡⲉⲓⲧⲟⲟⲩ ϫⲉⲡⲱⲱⲛⲉ ⲉⲃⲟⲗ ϩⲙⲡⲉⲓⲙⲁ ⲉⲡⲏ ·
…
149 ⲛⲉϥϣⲱⲡⲉ ⲛⲏⲧⲛ ⲉⲧⲉⲧⲙⲗⲁⲁⲩ ⲣⲁⲧϭⲟⲙ ⲛⲏⲧⲛ ·
…
150 ⲁⲩⲱ ϩⲱⲃ ⲛⲓⲙ ⲉⲧⲉⲧⲛⲁⲁⲓⲧⲉⲓ ⲙⲙⲟⲟⲩϩⲙⲡⲉϣⲗⲏⲗ ⲉⲧⲧⲛⲁⲡⲓⲥⲧⲉⲩⲉ ⲧⲉⲧⲛⲛⲁϫⲓⲧⲟⲩ · ⲧⲉⲛⲟⲩ ϭⲉ ⲱ ⲑⲱⲙⲁⲥ · ϣⲁⲣⲉⲡⲛⲟⲩⲧⲉ ⲥⲱⲧⲙ ⲉⲡⲥⲟⲡⲥ ⲛⲟⲩⲟⲛ ⲛⲓⲙ ⲉⲧⲛⲁϩⲧⲉ ⲉⲣⲟϥ · ⲟⲩⲁⲅⲁⲑⲟⲥ ⲡⲉ ⲡⲛⲟⲩⲧⲉ ϣⲁϥⲥⲱⲧⲙ ⲉⲟⲩⲟⲛ ⲛⲓⲙ ⲉⲧⲛⲁⲉⲡⲓⲕⲁⲗⲉⲓ ⲙⲙⲟϥ · ⲟⲩϫⲱⲱⲣⲉ ⲛϩⲁⲣϣϩⲏⲧ ⲡⲉ ⲡⲛⲟⲩⲧⲉ ·
…
151 ϥⲛⲁⲥⲱⲧⲙ ⲉⲡⲥⲟⲡⲥ ⲛⲛⲉⲧϣⲓⲛⲉ ⲛⲥⲱϥ ⲛⲟⲩⲟⲉⲓϣ ⲛⲓⲙ ·
…
152 ⲛⲁⲓ ⲇⲉ ⲛⲧⲉϥⲣⲉϥϫⲟⲟⲩ ⲛϭⲓⲃⲁⲣⲑⲟⲗⲟⲙⲁⲓⲟⲥ ⲙⲛⲑⲱⲙⲁⲥ ·
…
153 ⲁⲡⲥⲱⲧⲏⲣ ⲉⲓ ⲙⲡⲉⲩⲙⲧⲟ ⲉⲃⲟⲗ ⲁϥⲟⲩⲱϣ ⲉⲃⲟⲗ ⲉϥϫⲱ ⲙⲙⲟⲥ · ϫⲉⲭⲁⲓⲣⲉ ⲑⲱⲙⲁⲥ ⲡⲕⲟⲩⲓ ⲛⲣⲱⲙⲉ ·
…
154 ⲭⲁⲓⲣⲉⲡⲉϩⲣⲏⲣⲉ ⲙⲡⲁⲣⲁⲇⲓⲥⲟⲥ ϩⲛⲧⲙⲉϩⲥⲁϣϥⲉ ⲙⲡⲉ ·
…
155 ⲁⲓⲣ ⲉⲧⲡⲓⲥⲧⲓⲥ..ⲧⲁϫⲣⲏⲩ ϩⲛⲧⲡⲉ ϩⲓϫⲙⲡⲕⲁϩ ……ⲣⲉ ⲗⲁⲁⲩ ⲉϣⲡⲟⲟⲛⲥⲥ ·
…
156 ⲁⲓⲣ ⲉⲡⲉⲧⲣⲟⲥ ⲡⲛⲟϭ ⲛⲕⲗⲟⲙ ⲛⲛⲁⲡⲟⲥⲧⲟⲗⲟⲥ · ..ⲁⲩⲱ….ⲧⲛ…………………………. ⲛϣⲃⲏⲣ ⲕⲗⲏⲣⲟⲛⲟⲙⲟⲥ · ⲧⲁⲉⲓⲣⲏⲛⲏ …. ⲛⲙⲙⲏⲧⲛ ⲧⲏⲣⲧⲛ ·
…
157 ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ ⲛⲛⲁⲡⲟⲥⲧⲟⲗⲟⲥ ·
…
158 ⲛⲧⲉⲩⲛⲟⲩ ⲁⲩϯⲡⲉⲩⲟⲩⲟⲓ ⲁⲩⲟⲩⲱϣⲧ ⲛⲁϥ ⲉϫⲙⲡⲕⲁϩ ⲉⲩϫⲱ ⲙⲙⲟⲥ · ϫⲉⲡⲉⲕϩⲙⲟⲧ ⲙⲛⲧⲉⲕⲉⲓⲣⲏⲛⲏ ⲉⲩⲉϣⲱⲡⲉ ⲛⲙⲙⲁⲛ ⲓⲏⲥⲟⲩⲥ ϩⲁⲙⲏⲛ ·
…
159 ⲁϥⲟⲩⲱϣⲃ ⲛϭⲓⲡⲥⲱⲧⲏⲣ ⲓⲏⲥⲟⲩⲥ ⲡⲉϫⲁϥ ⲛⲑⲱⲙⲁⲥ ϫⲉⲁⲩⲉⲓⲡⲉⲕⲧⲏⲏⲃⲉ ⲛⲁⲓ ⲉⲡⲉⲓⲙⲁ ⲛⲅⲛⲟϫϥ ⲉϫⲛⲧⲁϭⲓϫ ⲛⲅⲛⲁⲩ ⲉⲛⲉϣⲥⲛⲉⲓϥⲧ ·
…
160 ⲛⲅⲛⲁⲩ ⲟⲛ ⲉⲛⲉϣⲥⲛⲁⲁⲥ ⲛⲧⲁⲩⲧⲁⲁⲩ ⲉϩⲟⲩⲛ ϩⲙⲡⲁϩⲟ ·
…
161 ⲙⲛⲛⲡⲁϭⲥⲉ ⲛⲧⲁⲩⲧⲁⲁⲩ ⲉϩⲟⲩⲛ ϩⲙⲡⲁϩⲟ ⲙⲛⲛⲁⲃⲁⲗ ·
…
162 ⲙⲛⲛⲉϣⲥ ⲛⲥⲟⲩⲣⲉ ⲉⲧϩⲛⲡⲉⲕⲗⲟⲙ ⲛⲛϣⲟⲛⲧⲉ ⲛⲧⲁⲩⲧⲱⲕⲥ ⲉⲧⲁⲡⲉ ·
…
163 ⲙⲛⲛⲡⲱⲗϩ ⲛⲛⲕⲁϣ ⲛⲧⲁⲩϩⲓⲟⲩⲉ ⲙⲙⲟⲟⲩ ⲉⲧⲁⲁⲡⲉ ·
…
164 ⲁⲙⲟⲩ ⲛⲅⲛⲁⲩ ⲉⲡϩⲙϫ ⲙⲛⲧⲗⲟⲅⲭⲏ ·
…
165 ⲙⲛⲡⲥⲓϣⲉ ⲛⲧⲁⲩⲧⲥⲟⲓ ⲛϩⲏⲧϥ ·
…
166 ⲉⲡⲙⲁ .. ⲛⲟⲩⲕⲟⲩⲓ ⲙⲙⲟⲟⲩ ⲛⲧⲁⲓⲁⲓⲧⲉⲓ ⲙⲙⲟⲟⲩ ϫⲉⲁⲩⲉⲓⲥⲧⲁⲥⲱ · ⲛⲅⲧⲙϣⲱⲡⲉ ⲛⲁⲡⲓⲥⲧⲟⲥ ⲁⲗⲗⲁ ⲙⲡⲓⲥⲧⲟⲥ ·
…
167 ⲁⲩⲱ ⲛⲅⲡⲓⲥⲧⲉⲩⲉ ⲕⲁⲗⲱⲥ ·
…
168 ⲁϥⲟⲩⲱϣⲃ ⲛϭⲓⲑⲱⲙⲁⲥ · ϫⲉϯⲡⲓⲥⲧⲉⲩⲉ ⲡⲁϫⲟⲉⲓⲥ ⲁⲩⲱ ⲡⲁⲛⲟⲩⲧⲉ ϫⲉⲛⲧⲟⲕ ⲡⲉ ⲡⲉⲓⲱⲧ · ⲛⲧⲟⲕ ⲡⲉ ⲡϣⲏⲣⲉ · ⲛⲧⲟⲕ ⲡⲉ ⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
…
169 ⲁⲩⲱ ⲁⲕⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲩⲧⲉ ·
…
170 ⲁⲕⲧⲟⲩϫⲉ ⲛⲟⲩⲟⲛ ⲛⲓⲙ ϩⲛⲧⲉⲕⲁⲛⲁⲥⲧⲁⲥⲓⲥ ⲉⲧⲟⲩⲁⲁⲃ ·
…
171 ⲁⲗⲗⲁ ⲛⲧⲁⲓϫⲟⲟⲥ ⲛⲛⲁⲥⲛⲏⲩ ⲛⲁⲡⲟⲥⲧⲟⲗⲟⲥ ·
…
172 ⲉϣⲛⲉ ϫⲉⲉⲓⲧⲙⲛⲁⲩ ⲉⲣⲟϥ ⲁϥⲧⲱⲟⲩⲛ ⲛϯⲛⲁⲡⲓⲥⲧⲉⲩⲉ ⲁⲛ ·
…
173 ⲁϥⲟⲩⲱϣⲃ · ⲛϭⲓⲡⲥⲱⲧⲏⲣ ⲡⲉϫⲁϥ ϫⲉϩⲁⲙⲏⲛ ϯϫⲱ ⲙⲙⲟⲥ ⲛⲁⲕ ⲱ ⲑⲱⲙⲁⲥ ⲡⲕⲟⲩⲓ ⲛⲣⲱⲙⲉ · ϫⲉⲙⲙⲁ ⲛⲓⲙ ⲉⲧⲕⲛⲁⲧⲁϣⲉⲟⲉⲓϣ ⲙⲡⲁⲣⲁⲛ ⲛϩⲏⲧϥ ·
…
174 ϯϣⲟⲟⲡ ⲛⲙⲙⲁⲕ · ⲙⲛⲡⲁⲉⲓⲱⲧ ⲛⲁⲅⲁⲑⲟⲥ ·
…
175 ⲁⲩⲱ ⲛⲅⲛⲁⲃⲱⲕ ⲁⲛ ⲉϩⲟⲩⲛ ⲉⲩⲡⲟⲗⲓⲥ ⲛⲟⲩⲱⲧ ·
…
176 ⲏⲟⲩϯⲙⲉ ⲛⲟⲩⲱⲧ ⲛϯⲟⲩⲏϩ ⲛⲥⲱⲕ ⲙⲛⲡⲁⲉⲓⲱⲧ ⲛⲁⲅⲁⲑⲟⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ · ϫⲉⲡⲉⲧⲕⲛⲁⲧⲟⲟϭϥ ⲛⲧⲉⲡⲁⲉⲓⲱⲧ ⲥⲙⲟⲩ ⲉⲣⲟϥ ⲁⲛⲟⲕ ϩⲱ ⲧⲁⲁⲩⲝⲁⲛⲉ ⲙⲙⲟϥ ·
…
177 ⲛⲧⲉⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲣⲁⲡⲉ ⲉⲣⲟϥ ·
…
178 ⲧⲟⲧⲉ ⲑⲱⲙⲁⲥ ⲁϥⲥⲟⲧⲛ ⲉⲃⲟⲗ ⲙⲡⲉϥⲧⲏⲏⲃⲉ ⲁϥϥⲓ ⲉⲃⲟⲗ ⲙⲡⲉϥⲥⲛⲟϥ ⲉⲧϩⲁⲧⲉ ϩⲙⲡⲉⲥⲡⲓⲣ ⲙⲡϣⲏⲣⲉ ⲙⲡⲛⲟⲩⲧⲉ ⲁϥⲥⲫⲣⲁⲅⲓⲍⲉ ⲙⲙⲟϥ ⲛϩⲏⲧϥ ·
…
179 ⲁϥⲟⲩⲱϣⲃ ⲛϭⲓⲡⲥⲱⲧⲏⲣ ⲡⲉϫⲁϥ ⲛⲛⲁⲡⲟⲥⲧⲟⲗⲟⲥ ⲧⲏⲣⲟⲩ · ϫⲉⲉⲓⲥⲡⲁⲥⲛⲟϥ ⲛⲛⲟⲩⲧⲉ ⲁϥⲧⲱϭⲉ ⲉⲡⲉⲧⲛⲥⲱⲙⲁ ⲁⲧⲉⲧⲛⲣⲛⲟⲩⲧⲉ ⲛⲧⲱⲧⲛ ϩⲱⲧⲧⲏⲩⲧⲛ ⲛⲧⲁϩⲉ ·
…
180 ⲉⲓⲥϩⲏⲏⲧⲉ ϯϣⲟⲟⲡ ⲛⲙⲙⲏⲧⲛ ϣⲁϩⲣⲁⲓ ⲉⲧⲥⲩⲛⲧⲉⲗⲉⲓⲁ ⲙⲡⲁⲓⲱⲛ ·
…
181 ⲛⲁⲓ ⲛⲧⲉⲣⲉϥϫⲟⲟⲩ ⲛϭⲓⲡⲥⲱⲧⲏⲣ ⲁϥⲃⲱⲕ ⲉϩⲣⲁⲓ ⲙⲡⲏⲩⲉ ϩⲛⲟⲩⲛⲟϭ ⲛⲉⲟⲟⲩ ⲉϥϫⲱ ⲙⲙⲟⲥ · ϫⲉⲙⲡⲣⲁⲙⲉⲗⲉⲓ ⲡⲉⲧⲣⲟⲥ ⲛⲧⲟⲕ ⲙⲛⲛⲉⲕⲥⲛⲏⲩ …………..ⲩⲙⲟⲟⲛⲉ ⲙⲙⲟⲟⲩ ………………….. ⲛⲅ ϣⲁⲛⲧⲉⲧⲛⲥⲱⲟⲩϩ ⲙⲡⲕⲟⲥⲙⲟⲥ ⲧⲏⲣϥ ⲉϩⲟⲩⲛ ⲉⲧⲁⲉⲕⲕⲗⲏⲥⲓⲁ ⲉⲧⲧⲁⲏⲩ · ⲛⲥⲉⲱⲛϩ ϩⲛⲟⲩⲱⲛϩ ⲛⲁⲧⲧⲁⲕⲟ ·
…
182 ⲛⲥⲉϫⲓ ⲙⲡⲥⲱⲙⲁ ⲛⲛⲟⲩⲧⲉ ⲙⲛⲛⲁⲥⲛⲟϥ ⲉⲩⲧⲁⲏⲩ ⲛⲥⲉⲱⲛϩ ϩⲛⲟⲩⲉⲓⲣⲏⲛⲏ ϩⲁⲙⲏⲛ ·
…
183 ⲁϥⲣⲟⲩⲱⲛ ⲛⲛⲁⲃⲁⲗ ⲛⲁⲡⲟⲥⲧⲟⲗⲟⲥ … ⲁⲩ ⲟⲩⲙⲏⲏϣⲉ ⲛϩⲟⲟⲩ · ⲉⲩⲣϣⲡⲏⲣⲉ ⲛⲧⲉϥϭⲓⲛ ⲃⲱⲕ ⲉϩⲣⲁⲓ ⲉⲙⲡⲏⲩⲉ ·
…
184 ⲡⲁⲓ ⲡⲉ ⲡⲙⲉϩⲥⲟⲡ ⲥⲛⲁⲩ ⲛⲧⲉⲡⲥⲱⲧⲏⲣ ⲟⲩⲟⲛϩϥ ⲉⲛⲉϥⲙⲁⲑⲏⲧⲏⲥ ·
…
185 ⲛⲧⲉⲣⲉϥⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ · ⲡⲁⲓ ⲡⲉ ⲡϫⲱⲱⲙⲉ ⲛⲧⲁⲛⲁⲥⲧⲁⲥⲓⲥ ⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲡⲉⲛϫⲟⲉⲓⲥ ·
…
186 ϩⲛⲟⲩⲣⲁϣⲉ ⲙⲛⲟⲩⲧⲉⲗⲏⲗϩⲛⲟⲩⲉⲓⲣⲏⲛⲏ ϩⲁⲙⲏⲛ ·
…
187 ⲁϥⲟⲩⲱϣⲃ ⲛϭⲓⲡⲉⲧⲣⲟⲥ ⲉϥϫⲱ ⲙⲙⲟⲥ ϫⲉⲱ ⲛⲁⲥⲛⲏⲩ ⲛⲁⲡⲟⲥⲧⲟⲗⲟⲥ ·
…
188 ⲧⲱⲟⲩⲛ ⲛⲧⲉⲧⲛⲧⲁⲗⲟ ⲉϩⲣⲁⲓ ⲛⲧⲉⲡⲣⲟⲥⲫⲟⲣⲁ ϩⲁⲧϩⲏ ⲙⲡⲁⲧⲛⲡⲱⲣϫ ⲉⲛⲉⲛⲉⲣⲏⲩ ·
…
189 ⲧⲟⲧⲉ ⲁⲩⲟⲩⲱϣⲃ ⲛϭⲓⲛⲁⲡⲟⲥⲧⲟⲗⲟⲥ ⲡⲉϫⲁⲩ ⲛⲁϥ · ϫⲉⲛⲧⲟⲕ ⲡⲉ ⲡⲉⲛⲉⲓⲱⲧ ⲁⲩⲱ ⲡⲉⲛⲉⲡⲓⲥⲕⲟⲡⲟⲥ ·
…
190 ⲧⲉⲝⲟⲩⲥⲓⲁ ⲧⲟ ⲛⲁⲕ ⲉⲣⲡⲉⲧⲉϩⲛⲁⲕ ϩⲛϩⲱⲃ ⲛⲓⲙ ·
…
191 ⲛⲁⲡⲟⲥⲧⲟⲗⲟⲥ ⲇⲉ ⲁⲩⲧⲱⲟⲩⲛ ⲉϩⲣⲁⲓ ⲁⲩⲉⲓⲣⲉ ⲙⲡⲥⲟⲃⲧⲉ ⲛⲧⲉⲡⲣⲟⲥⲫⲟⲣⲁ ·
…
192 ⲁⲩⲉⲓⲛⲉ ⲙⲡⲟⲉⲓⲕ ⲉϥⲥⲟⲧⲡ ⲙⲛⲟⲩⲡⲟⲧⲏⲣⲓⲟⲛ ⲛⲁⲅⲕⲣⲁⲧⲱⲣ · ⲙⲛⲟⲩϣⲟⲩϩⲏⲛⲉ ⲛⲥϯⲛⲟⲩϥⲉ ·
…
193 ⲁⲡⲉⲧⲣⲟⲥ ⲁϩⲉⲣⲁⲧϥ ⲉϫⲛⲧⲉⲑⲩⲥⲓⲁ ·
…
194 ⲁⲛⲁⲡⲟⲥⲧⲟⲗⲟⲥ ⲧⲏⲣⲟⲩ ⲣⲟⲩⲕⲗⲟⲙ ⲉⲧⲉⲧⲣⲁⲡⲉⲍⲁ ·
…
195 ⲁⲩϭⲱϣⲧ ⲛⲛⲁⲡⲟⲥⲧⲟⲗⲟⲥ………… ………………….. …………ⲟⲩ…….ⲙⲉ ⲛ………… ⲁⲩⲱ …… ⲉⲃⲟⲗ …………ⲱϣ ⲙ…. ⲛⲧⲉⲧⲣⲁⲡⲉⲍⲁ……..ⲟⲩⲱⲛ ⲁⲡⲉⲩϩⲏⲧ ⲟⲩⲛⲟϥ ·
…
196 ⲟⲩⲱϣⲧ……ⲉ ⲡϣⲏⲣⲉ ⲙⲡⲛⲟⲩⲧⲉ ϥϩⲙⲟⲟⲥ…… ⲙⲡⲉϥⲉⲓⲱⲧ · ⲉⲣⲉⲡⲉϥⲥⲱⲙⲁ ϩⲓϫⲛⲧⲉⲧⲣⲁⲡⲉⲍⲁ ⲉⲩⲥⲟⲟⲩϩ ⲉⲣⲟϥ ⲉⲩⲡⲱϣ ⲙⲙⲟϥ ·
…
197 ⲁⲩⲛⲁⲩ ⲉⲡⲉⲥⲛⲟϥ ⲛⲓⲏⲥⲟⲩⲥ ⲉϥϣⲟⲩⲉⲥⲛⲟϥ ⲛⲱⲛϩ ⲉⲡⲉⲥⲏⲧ ⲉⲡⲡⲟⲧⲏⲣⲓⲟⲛ ⲁϥⲟⲩⲱϣⲃ ⲛϭⲓⲡⲉⲧⲣⲟⲥ · ϫⲉⲥⲱⲧⲙ ⲉⲣⲟⲓ ⲛⲁⲉⲓⲟⲧⲉ ⲁⲩⲱ ⲛⲁⲥⲛⲏⲩ ·
…
198 ⲁⲡⲛⲟⲩⲧⲉ ⲙⲉⲣⲓⲧⲛ ⲡⲁⲣⲁⲛⲗⲁⲟⲥ ⲧⲏⲣⲟⲩ ⲙⲡⲕⲁϩ ·
…
199 ⲁϥⲧⲣⲉⲛⲛⲁⲩⲛⲉⲓⲛⲟϭ ⲛⲧⲁⲉⲓⲟ ·
…
200 ⲁⲡⲉⲛϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲧⲣⲉⲛⲉⲓⲱⲣϩ ⲁϥϭⲱⲗⲡ ⲛⲁⲛ ⲙⲡⲉⲟⲟⲩ ⲙⲡⲉϥⲥⲱⲙⲁ ⲙⲛⲡⲉⲥⲛⲟϥ ⲛⲛⲟⲩⲧⲉ ·
…
201 ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ·
…
202 ⲙⲛⲛⲥⲱⲥ ⲁⲩϫⲓ ϩⲙⲡⲥⲱⲙⲁ ⲙⲛⲡⲉϥⲥⲛⲟϥ ⲛⲓⲏⲥⲟⲩⲥ ⲁⲩϯⲉⲟⲟⲩ ⲙⲡⲉⲑⲏⲥⲁⲩⲣⲟⲥ ⲙⲡⲱⲛϩ ·
…
203 ⲙⲛⲛⲥⲱⲥ ⲁⲩⲡⲱⲣϣ ⲉⲃⲟⲗ ⲁⲩⲧⲁϣⲉⲟⲉⲓϣ ·
…
204 ϩⲙⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
…
205 ⲉⲩⲉ… .. ⲧⲉⲧⲣⲓⲁ ⲉⲧⲟⲩⲁⲁⲃ ..ϩⲟⲙⲟⲟⲩⲥⲓⲟⲛ ·
…
206 ϫⲓⲛⲧⲉⲛⲟⲩ ϣⲁⲉⲛⲉϩ ⲛⲉⲛⲉϩ ϩⲁⲙⲏⲛ ·
…
207 ϯ.. ϩⲙⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲧⲉⲧⲣⲓⲁ ⲉⲧⲟⲩⲁⲁⲃ ⲛϩⲟⲙⲟⲟⲩⲥⲓⲟⲛ……… ⲁⲅⲁⲑⲟⲛ……ⲱⲫⲉⲗⲓⲙⲟⲥ ………. ⲡⲉⲓ ⲛⲟϭ ⲛⲇⲱⲣⲟⲛ ⲛⲁⲡ………….. ϫⲱⲱⲙⲉ ⲛⲧⲁⲛⲁⲥⲧⲁⲥⲓⲥ …………..ⲛⲟⲩⲧⲉ ⲁⲩⲱ ⲡⲣⲱⲙⲉ …………….ⲥⲟⲩ ·
…
208 ⲁϥⲥϩⲁⲓ ⲛⲓⲏⲥⲟⲩⲥ ⲡⲉⲭⲣⲓⲥⲧⲟⲥ ….. ⲁϥϥⲓⲣⲟⲟⲩϣ .. ⲧⲙⲛⲧϥⲁⲓⲣⲟⲟⲩϣ ⲛⲓⲙ …ⲁⲅⲁⲑⲟⲛ ⲁⲩⲱ ⲙⲡ…ⲙⲓⲁ ⲛⲓⲙ ⲉⲧⲛⲁⲛⲟⲩⲥ ⲛⲧⲉϥⲯⲩⲭⲏ ·
…
209 ⲁϥⲥϩⲁⲓ … ϩⲛⲛⲉϥⲙⲉⲙⲃⲣⲁⲛⲟⲛ ⲙⲙⲓⲛ ⲙⲙⲟϥ ·
…
210 ⲁϥⲧⲁⲁϥ ⲉ.. ⲉⲧⲉⲕⲕⲗⲏⲥⲓⲁ ⲛϣⲟⲩⲡⲣⲟⲥⲕⲩⲛⲉⲓ ⲛⲁϥ ⲙⲡⲉⲛⲥⲱⲧⲏⲣ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ ⲧⲁⲓ ⲉⲧⲕⲏⲧ ⲛⲓⲗⲗⲁⲣⲓ · ⲧⲁⲓ ⲟⲛ ⲛⲧⲁⲡⲛⲟⲩⲧⲉ ⲡⲇⲏⲙⲓⲟⲩⲣⲅⲟⲥ ⲙⲡⲧⲏⲣϥ ⲥϩⲁⲓⲥⲟⲩ ⲉⲧⲃⲉⲡⲟⲩϫⲁⲓ ⲛⲧⲉϥⲯⲩⲭⲏ ·
…
211 ⲁⲩⲱ ⲟⲛ ⲉⲧⲃⲉⲱⲫⲉⲗⲓⲙⲟⲥ ⲉ…ϭⲛϩⲏⲩ ·
…
212 ϫⲉⲕⲁⲥ ⲉⲣⲉⲡⲕⲟⲥⲙⲟⲥ ⲧⲏⲣϥ ⲛϩⲟⲟⲩⲧ ⲙⲛⲛⲉϩⲓⲟⲙⲉ ·
…
213 ⲡⲛⲟⲩⲧⲉ ⲇⲉ ⲡⲁⲅⲁⲑⲟⲥ ⲁⲩⲱ ⲡⲣⲉϥ…. ⲡⲃⲉⲕⲉ ⲛⲟⲩⲟⲛ ⲛⲓⲙ ⲉⲩϣⲡϩⲓⲥⲉ ·
…
214 ⲉϥⲉϯ ⲛⲁϥ ⲙⲃⲉⲕⲉ ⲉⲧⲛⲁⲛⲟⲩⲥ ·
…
215 ⲁⲩⲱ ⲉⲧϫⲏⲕ ⲉⲃⲟⲗ ϩⲛⲛⲡⲏⲩⲉ ⲁⲩⲱ ⲉϥⲉⲥⲙⲟⲩ ⲉⲣⲟϥ ϩⲛⲥⲙⲟⲩ ⲛⲓⲙ ⲙⲡⲛⲉⲩⲙⲁⲧⲓⲕⲟⲛ … ϩⲛ….ϥ ⲧⲡⲉ ·
…
216 ⲙⲡⲉⲓⲕⲁϩ ⲙⲉⲛ ⲉϥ………… ⲉⲡⲁⲛⲧⲓⲕⲉⲓⲙⲉⲛⲟⲥ ⲡⲇⲓ……ⲉⲱⲛ…….ϩⲛⲙⲡⲏⲩⲉ ⲉϥⲁⲁⲛ ⲛ..ⲉⲧⲣⲉϥⲟⲩⲏϩ ϩⲛⲧⲉⲕⲕⲗⲏⲥⲓⲁ ⲛⲛϣⲣⲡ…… ……ⲧⲡⲉ ·
…
217 ⲁ… ⲛⲉϥⲉⲁⲁϥ ⲛⲁⲅⲓⲟ…. ⲕⲗⲏⲣⲟⲛⲟⲙⲉⲓ ⲛⲛ….ⲛⲓⲙ ⲉⲩϣⲟⲟ………ϣϥ ⲛⲧⲡⲉ ·
…
218 ⲛⲁⲓ ⲉ…ⲃⲁⲗ ⲛⲁⲩ ⲉⲣⲟⲟⲩ .. …ⲟⲩⲙⲁⲁϫⲉ……ⲟⲩⲇⲉ ⲙⲡⲟⲩ………ⲡϩⲏⲧ ⲛⲛⲣⲱⲙⲉ ⲛⲁⲓ ⲛⲧⲁϥⲥⲃⲧⲱⲧⲟⲩ ⲛⲛⲉⲧⲙⲉ ⲙⲙⲟϥ ……………
…