1 ⲡⲥⲱⲧⲏⲣ ⲇⲉ ⲁϥⲙⲟⲟϣⲉ ⲉⲓ ⲉϩⲣⲁⲓ ⲉⲙⲡⲏⲩⲉ ⲉϥⲧⲁⲗⲩ ⲉⲡϩⲁⲣⲙⲁ ⲙⲡⲉⲓⲱⲧ ⲙⲡⲧⲏⲣϥ · ⲉⲣⲉⲧⲁⲓⲭⲙⲁⲗⲱⲥⲓⲁ ⲧⲏⲣⲥ ⲛⲛϣⲏⲣⲉ ⲛⲁⲇⲁⲙ ⲟⲩⲏϩ ⲛⲥⲱϥ ·
…
2 ⲙⲡⲉⲥⲙⲟⲧ ⲛⲟⲩⲣⲣⲟ ⲛⲧⲁϥ.. ϩⲙⲡⲡⲟⲗⲉⲙⲟⲥ ·
…
3 ⲁϥϫⲣⲟ ⲉⲛⲉϥϫⲁϫⲉ ·
…
4 ⲁϥϥⲓⲧϥ ⲛⲟⲩϣⲱⲗ ·
…
5 ⲁⲩⲱ ϣⲁⲕϭⲛⲧϥ ⲉϥ……….. ⲟⲛ ⲉⲧⲃⲉⲛⲉϥⲣⲱⲙⲉ ⲛⲧⲁϥ…………………………. ….ⲡⲥⲏⲣ ⲓⲏⲥⲟⲩⲥ ⲡⲉⲛϫⲟⲉⲓⲥ ⲉϥⲙⲟⲟϣⲉ ⲉϥϣ………ⲉ · ⲉⲣⲉⲛⲁⲅⲅⲉⲗⲟⲥ ⲙⲟⲟϣⲉ ⲛⲙⲙⲁϥ ……ⲡⲕⲟⲥⲙⲟⲥ ⲧⲏⲣϥ ⲉⲃⲟⲗ ϩⲛⲛⲉⲩⲛⲟⲃⲉ ·
…
6 ⲁⲩⲱ ⲛⲉⲥⲉⲣⲁⲫⲓⲛ ⲛⲉⲩϩⲩⲙⲛⲉⲩⲉ ⲉⲣⲟϥ ϣⲁⲛⲧⲟⲩⲉⲓ ⲉϩⲣⲁⲓ ⲉⲧⲙⲉϩⲥⲁϣϥⲉ ⲙⲡⲉ ·
…
7 ⲁⲩⲱ ⲟⲛ ….ⲡⲉⲥⲕⲏⲛⲏ ⲙⲡⲉⲓⲱⲧ ·
…
8 ⲡⲉⲓⲁⲧϣⲁϫⲉ ⲉⲣⲟϥ ………ⲡⲉⲓⲱⲧ ϩⲓϫⲙⲡⲉϥⲑⲣⲟⲓⲟⲥ ⲁⲥⲡⲁⲍⲉ ⲙⲡⲉϥϣⲏⲣⲉ ⲙⲙⲉⲣⲓⲧ ·
…
9 ⲁⲩⲱ ⲁϥϯ ⲉϫⲛⲧⲉϥⲁⲡⲉ ⲛⲛⲟϭ ⲛϭⲣⲏⲡⲉ ⲛⲉⲟⲟⲩ ϩⲓⲥⲙⲟⲩ · ⲧⲁⲓ ⲛⲧⲁⲥⲣⲟⲩⲟⲉⲓⲛ ⲉⲛⲁⲓⲱⲛ ⲧⲏⲣⲟⲩ ⲙⲡⲛⲁⲩ ⲉⲧⲙⲙⲁⲩ ·
…
10 ⲱ ⲛⲁⲥⲛⲏⲩ ⲛⲁⲡⲟⲥⲧⲟⲗⲟⲥ ⲡⲓⲥⲧⲉⲩⲉ ⲛⲁⲓ ⲁⲛⲟⲕ ⲃⲁⲣⲑⲟⲗⲟⲙⲁⲓⲟⲥ ⲡⲁⲡⲟⲥⲧⲟⲗⲟⲥ · ϫⲉⲉⲓϣⲁⲛϩⲓⲧⲟⲟⲧ ⲙⲙⲁⲧⲉ ⲛϣⲁϫⲉ ⲉⲧⲃⲉⲛⲉϩⲃⲏⲩⲉ · ⲛⲧⲁⲩϣⲱⲡⲉ ⲙⲙⲟϥ ·
…
11 ⲙⲡⲛⲁⲩ ⲛⲧⲁⲡⲉⲓⲱⲧ ϯ ⲛⲟⲩϭⲣⲏⲡⲉ.. ϫⲉⲧⲁⲡⲉ ⲙⲡⲉϥϣⲏⲣⲉ ·
…
12 ⲛϯⲛⲁⲉϣϭⲙϭⲟⲙ ⲁⲛ ⲉⲥϩⲁⲓ ⲥⲟⲩ ⲙⲡⲁⲟⲩⲟⲉⲓϣ ⲧⲏⲣϥ ⲉϯⲛⲁⲁϥ ϩⲓϫⲙⲡⲕⲁϩ · ⲟⲩⲙⲟⲛⲟⲛ ⲟⲛ ⲙⲡⲣⲕⲁⲡⲉⲓϫⲱⲱⲙⲉ ⲉⲉⲓ ⲉⲧⲟⲟⲧϥ ⲛⲗⲁⲁⲩ ⲛⲣⲱⲙⲉ ⲛⲁⲡⲓⲥⲧⲟⲥ ⲛϩⲁⲓⲣⲉϯⲕⲟⲥ ·
…
13 ⲉⲓⲥⲡⲙⲉϩⲥⲁϣϥ ⲛⲥⲟⲡ ⲁⲓϩⲱⲛ ⲉⲧⲟⲟⲧⲕ ⲱ ⲡⲁϣⲏⲣⲉ ⲑⲁⲇⲇⲁⲓⲟⲥ ⲉⲧⲃⲉⲛⲉⲓⲙⲩⲥⲧⲏⲣⲓⲟⲛ ϫⲉⲙⲡⲣⲧⲁⲩⲟⲟⲩ ⲉⲣⲱⲙⲉ ⲉϥϫⲁϩⲙ · ⲁⲗⲗⲁ ϩⲁⲣⲉϩ ⲉⲣⲟⲟⲩ ϩⲛⲟⲩⲱⲣϫ ·
…
14 ⲕⲁⲓ ⲅⲁⲣ ⲛⲧⲁⲓ… …ⲉ ⲡⲉⲛⲥⲱⲧⲏⲣ ⲁϥⲧⲣⲉⲙⲓⲭⲁⲏⲗ ϭⲱ ⲉϥⲡⲣⲟⲥⲕⲁⲣⲧⲉⲣⲉⲓ ⲉⲣⲟⲓ · ϣⲁⲛⲧⲓⲛⲁⲩ ⲉⲛⲉⲓⲙⲩⲥⲧⲏⲣⲓⲟⲛ ………………… ⲙⲙⲟⲛ ⲛⲧⲁϭⲟⲙ ⲁⲛ ⲧⲉ ⲉⲧⲣⲁⲓ…….. ⲛⲧⲉⲓϭⲟⲧ ·
…
15 ⲛⲧⲁⲓⲛⲁⲩ ⲅⲁⲣ ⲛ…….. ⲥⲟⲩ ⲙⲛⲧⲧⲏ ⲙⲡⲁⲣⲙⲟⲩⲧⲉ ϩⲙ…….. ϩⲛⲧⲡⲉⲛϯⲕⲟⲥⲧⲏ ϩⲛⲟⲩⲉⲓⲣⲏⲛⲏ …. ⲡⲉⲓⲱⲧ ϯ ⲛⲧⲉϭⲣⲏⲡⲉ ⲉϫⲛⲧⲁⲡⲉ ⲙⲡⲉϥϣⲏⲣⲉ ⲡⲙⲉⲣⲓⲧ ⲡⲉϫⲁϥ ⲛⲁϥ · ⲉⲩⲥⲱⲧⲙ ⲛ………ⲧⲏⲣⲥ· ϫⲉⲧⲉⲓⲣⲏⲛⲏ ⲛⲁⲕ …………ϫⲉⲛⲧⲟⲕ ⲡⲉ ⲡⲣⲣⲟ ⲛ….. ⲁⲩⲱ ….. ⲉⲃⲟⲗ ⲙⲡⲟⲩⲱϣ ⲙⲡⲉⲕⲉⲓⲱⲧ ·
…
16 ⲁⲩⲱ ⲡⲉϫⲁϥ ⲛⲛⲁⲅⲅⲉⲗⲟⲥ ϫⲉϩⲩⲙⲛⲟⲥ ⲛⲓⲙ ⲉⲧⲧⲁⲉⲓⲏⲩ ⲧⲁⲩⲟⲟⲩ ϩⲙⲡⲣⲁϣⲉ ⲙⲡⲁϣⲏⲣⲉ · ϫⲉⲡⲁⲓ ⲡⲉ ⲡⲉϩⲟⲟⲩ ⲙⲡⲣⲁϣⲉ ·
…
17 ⲡⲉϩⲟⲟⲩ ⲙⲡⲟⲩⲛⲟϥ · ⲡⲉϩⲟⲟⲩ ⲙⲡⲧⲉⲗⲏⲗ · ⲡⲉϩⲟⲟⲩ ⲛⲧⲉⲩⲫⲣⲟⲥⲩⲛⲏ · ⲡⲉϩⲟⲟⲩ ⲛⲧⲙⲛⲧⲁⲧⲙⲟⲩ · ⲡⲉϩⲟⲟⲩ ⲛⲗⲁⲙⲡⲣⲟ · ⲡⲉϩⲟⲟⲩ ⲛⲧⲉⲗⲉⲩⲧⲉⲣⲓⲁ ⲉⲡⲟⲩϫⲁⲓ · ⲡⲉϩⲟⲟⲩ ⲙⲡⲕⲁⲛⲟⲃⲉ ⲉⲃⲟⲗ ·
…
18 ⲉⲃⲟⲗ ϫⲉⲡⲁⲓ ⲡⲉ ⲡⲉϩⲟⲟⲩ ⲛⲧⲁⲡⲁϣⲏⲣⲉ ⲉⲧⲉⲡⲉⲧⲛϫⲟⲉⲓⲥ ⲧⲏⲣⲛ ⲡⲉⲥⲉⲓⲱⲧⲉ ⲙⲡⲕⲟⲥⲙⲟⲥ ⲧⲏⲣϥ ⲉⲃⲟⲗ ϩⲛⲛⲉⲩⲛⲟⲃⲉ ·
…
19 ⲡⲉϫⲁϥ ⲟⲛ ⲛⲁϥ ⲛϭⲓⲡⲉⲓⲱⲧ ⲇⲉ ⲁⲙⲟⲩ ϩⲙⲟⲟⲥ ϩⲓⲟⲩⲛⲁⲙ ⲙⲙⲟⲓ ⲡⲁϣⲏⲣⲉ ⲙⲙⲉⲣⲓⲧ ϯⲛⲁϯ ⲛⲁⲕ ⲡⲁⲥⲙⲟⲩ ⲡⲁϣⲏⲣⲉ ⲙⲙⲉⲣⲓⲧ ⲡⲉⲛⲧⲁⲡⲁⲟⲩⲱϣ ϣⲱⲡⲉ ⲉϩⲣⲁⲓ ⲉϫⲱϥ ·
…
20 ⲁⲛⲟⲕ ⲇⲉ ⲁⲛⲅⲡⲉⲕⲉⲓⲱⲧ ⲁⲩⲱ ⲙⲛⲕⲉⲛⲟⲩⲧⲉ ⲛⲥⲁⲃⲗⲗⲁⲕ ϩⲛⲧⲡⲉ ⲁⲩⲱ ϩⲓϫⲙⲡⲕⲁϩ ·
…
21 ϯⲛⲁⲕⲱ ⲛⲛⲉⲕϫⲓϫⲉⲉⲩⲉ ⲉⲡⲉⲥⲏⲧ ⲛⲛⲉⲕⲟⲩⲉⲣⲏⲧⲉ · ⲛⲅⲣⲣⲟ ⲉⲃⲟⲗ ϩⲓⲡϣⲉ ⲙⲡⲉⲥⲧⲁⲩⲣⲟⲥ ·
…
22 ⲁⲩⲱ …………………………………………………ⲉⲛ.. …………ⲙⲏⲛ ⲉⲃⲟⲗ ϣⲁⲉⲛⲉϩ ………..ⲡⲁ ϣⲏⲣⲉ ⲡⲁⲙⲉⲣⲓⲧ ……….. ϩⲓⲧⲛⲛⲁⲥⲙⲟⲩ · ⲛⲧⲟⲕ ⲡⲉ………….ⲏ · ⲛⲧⲟⲕ ⲡⲉ ⲡⲧⲁϫⲣⲟ ………….. ⲛⲩⲙⲫⲓⲟⲥ · ⲛⲧⲟⲕ ⲡⲉ ……….. ⲡⲉⲓⲱⲧ · ⲛⲧⲟⲕ ⲡⲉ ⲡϣⲏⲣⲉ …. ⲛⲧⲟⲕ ⲡⲉ ⲡⲡⲁⲣⲁⲕⲗⲏⲧⲟⲥ ⲉⲧⲟⲩⲁⲁⲃ
…
23 ϥⲑ………….ⲥ ⲉⲡⲉⲓⲱⲧ ⲛⲧⲙⲛⲧ… ϩⲙⲟⲟⲥ ϩⲓϫⲛⲡⲉⲑⲣⲟⲛⲟⲥ ⲙⲙⲁⲣⲅⲁⲣⲓⲧⲏⲥⲛⲟⲩⲟⲉⲓⲛ ·
…
24 ⲁⲓⲛⲁⲩ ⲟⲛ ⲉⲡⲥⲱⲧⲏⲣ ⲉϥϩⲙⲟⲟⲥ ⲛⲥⲁⲟⲩⲛⲁⲙ ⲙⲡⲉϥⲉⲓⲱⲧ ⲁϩⲉⲛϣⲟ ⲛϣⲟ ⲛⲛⲁⲣⲭⲁⲅⲅⲉⲗⲟⲥ ⲙⲛⲛⲉⲭⲉⲣⲟⲩⲃⲓⲛ · ⲙⲛⲥⲉⲣⲁⲫⲓⲛ · ⲙⲛⲛⲇⲩⲛⲁⲙⲓⲥ · ⲙⲛⲛⲉⲝⲟⲩⲥⲓⲁ · ⲙⲛⲧⲙⲛⲧⲥⲛⲟⲟⲩⲥ ⲛⲁⲣⲉⲧⲏ ⲛⲧⲉⲡⲉⲡⲛⲉⲩⲙⲁ ⲉⲧⲟⲩⲁⲁⲃ · ⲙⲛϫⲟⲩⲧⲁϥⲧⲉ ⲙⲡⲣⲉⲥⲃⲩⲧⲉⲣⲟⲥ · ⲙⲛⲡⲥⲁϣϥ ⲛⲁⲓⲱⲛ · ⲙⲛⲛⲡⲁⲧⲣⲓⲁⲣⲭⲏⲥ · ⲙⲛⲛⲉⲡⲣⲟⲫⲏⲧⲏⲥ · ⲙⲛⲛⲇⲓⲕⲁⲓⲟⲥ ⲧⲏⲣⲟⲩ ·
…
25 ⲁⲩⲉⲓ ϩⲓⲟⲩⲥⲟⲡ ·
…
26 ⲁⲩⲟⲩⲱϣⲧ ⲙⲡϣⲏⲣⲉ ⲙⲡⲛⲟⲩⲧⲉ ⲉⲩϫⲱ ⲙⲙⲟⲥ · ϫⲉϥⲟⲩⲁⲁⲃ ⲉϥⲟⲩⲁⲁⲃ ϥⲟⲩⲁⲁⲃ ⲛϭⲓⲡⲣⲣⲟ ⲡϣⲏⲣⲉ ⲙⲡⲛⲟⲩⲧⲉ ·
…
27 ⲡϣⲏⲣⲉ ⲙⲡⲣⲣⲟ · ⲙⲛⲡⲉϥⲉⲓⲱⲧ ⲛⲁⲅⲁⲑⲟⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
…
28 ⲡⲕⲁϩ ⲙⲉϩ ⲉⲃⲟⲗ ϩⲙⲡⲛⲁ ⲙⲡϫⲟⲉⲓⲥ ⲛⲧⲉϥⲙⲛⲧϣⲁ ⲛϩⲧⲏϥ
…
29 ⲁⲩⲱ ⲁϥⲛⲟⲩϩⲙ ⲙⲡⲣⲱⲙⲉ ⲉⲧⲛⲁⲛⲧ ⲁϥⲧⲁⲙⲓⲟϥ ·
…
30 ⲁϥⲕⲁⲛⲉϥⲛⲟⲃⲉ ⲛⲁϥ ⲉⲃⲟⲗ ⲙⲛⲛⲉϥϣⲏⲣⲉ ⲧⲏⲣⲟⲩ · ϩⲛⲟⲩⲉⲓⲣⲏⲛⲏ ϩⲁⲙⲏⲛ ⲻ
…
31 ………… ⲙⲛⲛⲉϥϣⲏⲣⲉ ⲉ… ….ⲛⲁ……………… ⲡⲉⲟⲟⲩ ⲛⲁⲕ ⲡⲉⲡⲛⲉⲩⲙⲁ ⲉⲧⲟⲩⲁⲁⲃ ……. ⲡⲉⲥⲙⲟⲩ ⲧⲏⲣ ϩⲁⲙⲏⲛ ………… ⲛⲧⲟⲕ ⲡⲉ ⲡϣⲱⲥ ⲛⲛⲉⲥⲟⲟⲩ ……… ⲙⲡⲱⲛϩ ϩⲁⲙⲏⲛ · ⲛⲧⲟⲕ ……….. ⲛⲧⲟⲕ ⲟⲛ ⲡⲉⲛⲧⲁⲕⲥⲱⲧⲉ………..ⲛⲁⲡⲉⲥⲙⲟⲩ ⲧⲏⲣϥ ϩⲁⲙⲏⲛ ………. ⲙⲡⲱⲛϩ ϩⲁⲙⲏⲛ · ⲡⲉⲟⲟⲩ ………. ϩⲁⲙⲏⲛ ·
…
32 ⲡⲉⲟⲟⲩ ⲛⲁⲕ …………. ⲡⲉⲟⲟⲩ ⲛⲁⲕ ⲡⲣⲉϥⲭⲱ ⲉⲃⲟⲗ ϩⲁⲙⲏⲛ ·
…
33 ⲡⲉⲟⲟⲩ ⲛⲁⲕ ⲡⲁⲑⲁⲛⲁⲧⲟⲥ ϩⲁⲙⲏⲛ ·
…
34 ⲡⲉⲟⲟⲩ ⲛⲁⲕ ⲡⲣⲣⲟ ⲛⲧⲉⲓⲣⲏⲛⲏ ϩⲁⲙⲏⲛ ·
…
35 ⲡⲉⲟⲟⲩ ⲛⲁⲕ ⲡⲁⲅⲉⲛⲏⲧⲟⲥ ϩⲁⲙⲏⲛ ·
…
36 ⲡⲉⲟⲟⲩ ⲛⲁⲕ ⲡⲁⲁⲫⲑⲁⲣⲧⲟⲥ ϩⲁⲙⲏⲛ ⲡⲉⲟⲟⲩ ⲛⲁⲕ ⲡⲣⲣⲟ ⲙⲡⲉⲟⲟⲩ ϥⲑ ·
…
37 ⲡⲉⲟⲟⲩ ⲛⲁⲕ ⲡⲕⲉⲫⲁⲗⲁⲓⲟⲛ ⲙⲡⲧⲏⲣϥ ϩⲁⲙⲏⲛ ·
…
38 ⲡⲉⲟⲟⲩ ⲛⲁⲕ ⲡⲧⲉⲗⲉⲓⲟⲥ ⲉⲧⲟⲩⲁ ⲁⲁⲃϩⲁⲙⲏⲛ ·
…
39 ⲡⲉⲟⲟⲩ ⲛⲁⲕ ⲡⲁϩⲟ ⲙⲡⲉⲟⲟⲩ ϥⲑ ·
…
40 ⲡⲉⲟⲟⲩ ⲛⲁⲕ ⲡⲟⲩⲟⲉⲓⲛ ⲙⲙⲉ ϩⲁⲙⲏⲛ ·
…
41 ⲡⲉⲟⲟⲩ ⲛⲁⲕ ⲡⲛⲟⲩ ϩⲙⲧⲏⲣϥ ϥⲑ ·
…
42 ⲡⲉⲟⲟⲩ ⲛⲁⲕ ⲡⲁⲅⲁⲑⲟⲥ ⲙⲙⲉ ϩⲁⲙⲏⲛ ·
…
43 ⲡⲉⲟⲟⲩ ⲛⲁⲕ ⲁⲗⲫⲁ ⲧⲏⲣϥ ϩⲁⲙⲏⲛ ·
…
44 ⲡⲉⲟⲟⲩ ⲛⲁⲕ ⲡⲱⲛϩ ⲧⲏⲣϥ ϩⲁⲙⲏⲛ · ⲱ ⲡⲣⲁⲛ ⲉⲧϩⲟⲗϭ ϩⲁⲙⲏⲛ · ⲱ ⲡⲉⲧϣⲟⲟⲡ ϩⲁϫⲱϥ ⲙⲡⲧⲏⲣϥ ϥⲑ ⲡⲁⲣⲭⲏ ⲙⲡϫⲱⲕ ⲛϩⲱⲃ ⲛⲓⲙ ϩⲁⲙⲏⲛ ⲡϣⲟⲣⲡ ⲛϩⲩⲙⲛⲟⲥ ⲛⲛⲁⲅⲅⲉⲗⲟⲥ ⲛⲧⲁⲩϫⲟⲟⲩⲟⲩⲥⲟⲟⲩ ⲛϭⲓⲛⲉⲧⲟⲩⲁⲁⲃ ⲧⲏⲣⲟⲩ ⲉⲡⲕⲱ ⲉⲃⲟⲗ ⲛⲁⲇⲁⲙ ⲙⲛⲛⲉϥϣⲏⲣⲉ ⲧⲏⲣⲟⲩ ⲡϣⲏⲣⲉ ⲙⲡⲛⲟⲩⲧⲉ ⲁϥⲕⲱ ⲉⲃⲟⲗ ⲛⲛⲟⲃⲉ ⲙⲡⲕⲟⲥⲙⲟⲥ ⲧⲏⲣϥ ϩⲛⲉⲓⲣⲏⲛⲏ ϥⲑ ·
…
45 ………………ⲉⲗϯⲗⲏ……….. ϩⲁⲙⲏⲛ ·
…
46 ⲡⲉⲟⲟⲩ ⲛⲁⲕ ⲡϣⲱⲥ ϥⲑ ·
…
47 ….. ⲡⲉⲟⲟⲩ ⲛⲁⲕ ⲡⲉⲓⲕⲟⲛⲟⲙⲟⲥ ⲙⲡⲉⲓⲱⲧ ⲓⲏⲥⲟⲩⲥ ϩⲁⲙⲏⲛ ·
…
48 ⲡⲉⲟⲟⲩ ⲛⲁⲕ ⲛⲣⲉϥⲣⲟⲩⲟⲉⲓⲛ ⲓⲏⲥⲟⲩⲥ ϩⲁⲙⲏⲛ ·
…
49 ⲡⲉⲟⲟⲩ ⲛⲁⲕ ……..ϩ ϩⲁⲙⲏⲛ ·
…
50 ⲡⲉⲟⲟⲩ ⲛⲁⲕ ⲧϩⲃⲥⲱ ⲛⲛⲉⲧ….ϩⲁⲙⲏⲛ ·
…
51 ⲡⲉⲟⲟⲩ ⲛⲁⲕ ⲡⲉⲥⲥⲕⲉⲡⲁⲥⲧⲏⲥ ⲛⲛⲉⲧ… ϩⲁⲙⲏⲛ ·
…
52 ⲡⲉⲟⲟⲩ ⲛⲁⲕ ..ⲕ ⲛⲛⲉⲧϩⲁⲉⲓ .. ⲓⲏⲥⲟⲩⲥ ϩⲁⲙⲏⲛ ·
…
53 ⲡⲉⲟⲟⲩ ⲛⲁⲕ ⲡⲛⲩⲙⲫⲓⲟⲥ ⲙⲙⲉ ⲓⲏⲥⲟⲩⲥ ϩⲁⲙⲏⲛ ·
…
54 ⲡⲉⲟⲟⲩ ⲛⲁⲕ ⲧⲉ….. ⲡⲟⲩϫⲁⲓ ⲓⲏⲥⲟⲩⲥ ϩⲁⲙⲏⲛ ·
…
55 ⲡⲉⲟⲟⲩ ⲛⲁⲕ ⲡⲉⲥⲙⲟⲩ ⲥⲁⲃⲁⲱⲑ ⲓⲏⲥⲟⲩⲥ ϩⲁⲙⲏⲛ ·
…
56 ⲡⲉⲟⲟⲩ ⲛⲁⲕ ⲡⲣⲁϣⲉ ⲛⲁⲓⲱⲛ ⲓⲏⲥⲟⲩⲥ ϥⲑ·
…
57 ⲡⲉⲟⲟⲩ ⲛⲁⲕ ⲡⲧⲉⲗⲏⲗ ⲉⲗⲱⲓ ⲓⲏⲥⲟⲩⲥ ϩⲁⲙⲏⲛ ·
…
58 ⲁⲩⲱ ⲟⲛ ⲙⲛⲛⲉϥϣⲏⲣⲉ ⲧⲏⲣⲟⲩ ϩⲛⲟⲩⲉⲓⲣⲏⲛⲏ ϩⲁⲙⲏⲛ ⲁⲙⲏⲓⲧⲛ ⲉⲡⲣⲁϣⲉ ⲙⲡⲉⲛⲣⲣⲟ ϩⲁⲙⲏⲛ ·
…
59 ⲙⲁⲣⲉⲡⲟⲩⲁ ⲡⲟⲩⲁ ⲛⲛⲁⲅⲅⲉⲗⲟⲥ ⲉⲓ ⲙⲛⲕⲁⲣⲡⲟⲥ ⲛⲥⲉⲣⲁϣⲉ ⲧⲏⲣⲟⲩ ⲉϫⲙⲡⲕⲱ ⲉⲃⲟⲗ ⲛⲁⲇⲁⲙ ⲙⲛⲛⲉϥϣⲏⲣⲉ ⲧⲏⲣⲟⲩ · ϫⲉⲁⲩⲕⲟⲧϥ ⲉⲧⲉϥⲁⲣⲭⲏ ⲛⲧϩⲉ ⲛϣⲟⲣⲡ ϩⲛⲟⲩⲉⲓⲣⲏⲛⲏ ϥⲑ ⲧⲙⲉϩϣⲟⲙⲛⲧ ⲛϩⲩⲙⲛⲟⲥ ⲛⲧⲉⲛⲛⲁⲅⲅⲉⲗⲟⲥ ϩⲛⲟⲩⲉⲓⲣⲏⲛⲏ ϥⲑ
…
60 ⲁⲡⲉⲓⲱⲧ ⲕⲉⲗⲉⲩⲉ ⲉⲧⲣⲉⲩⲉⲓⲛⲉ ⲛⲁⲇⲁⲙ ⲉⲧⲙⲏⲏⲧⲉ ⲙⲛⲉⲩϩⲉⲧⲉϥⲥϩⲓⲙⲉ ·
…
61 ⲁⲩⲱ ⲛⲧⲉⲩⲛⲟⲩ ⲁϥⲡⲱⲧⲛϭⲓ ⲙⲓⲭⲁⲏⲗ ⲉⲡⲡⲁⲣⲁⲇⲓⲥⲟⲥ ⲁϥⲉⲓⲛⲉ ⲛⲁⲇⲁⲙ ⲙⲛⲉⲩϩⲁ ·
…
62 ⲁϥⲧⲁϩⲟⲟⲩ ⲉⲣⲁⲧⲟⲩ ⲙⲡⲉⲙⲧⲟ ⲉⲃⲟⲗ ⲙⲡⲉⲓⲱⲧ ⲉⲣⲉⲁⲇⲁⲙ ⲇⲉ ⲉⲓⲣⲉ ⲛϥⲧⲟⲟⲩ ϫⲟⲩⲱⲧ ⲙⲙⲁϩⲉ ⲛϣⲓⲏ ·
…
63 ⲉⲩϩⲁ ϩⲱⲥ ⲉⲥⲉⲓⲣⲉ ⲛⲧⲁⲉⲓⲟⲩ ⲙⲙⲁϩⲁ ·
…
64 ⲡⲓⲥⲧⲉⲩⲉ ⲛⲁⲓ ⲛⲁⲥⲛⲏⲩ ⲛⲁⲡⲟⲥⲧⲟⲗⲟⲥ ⲁⲛⲟⲕ ⲃⲁⲣⲑⲟⲗⲟⲙⲁⲓⲟⲥ ⲡⲁⲡⲟⲥⲧⲟⲗⲟⲥ · ϫⲉⲙⲡⲓⲛⲁⲩ ⲉⲧϩⲓⲕⲱⲛ ⲛⲛⲣⲱⲙⲉ ϫⲓⲛⲛⲧⲁⲩϫⲡⲟⲓ ⲉⲡⲕⲟⲥⲙⲟⲥ ⲟⲩⲇⲉ ⲧⲡⲉ ·
…
65 ⲟⲩⲇⲉ ⲙⲡⲕⲁϩ · ⲉⲥⲧⲛⲧⲱⲛ ⲉⲧϩⲓⲕⲱⲛ ⲛⲁⲇⲁⲙ ·
…
66 ……………………. ⲉⲣⲉⲟⲩϫⲱⲕ ⲙⲙⲁⲣⲅⲁⲣⲓⲧⲏⲥ ……… ⲛⲛⲟϭ ⲙⲙⲏⲏϣⲉ ⲛⲁⲅⲅⲉⲗⲟⲥ ………. ϩⲛⲟⲩⲉⲗⲗⲉ ⲛⲧⲉⲧⲡⲉ ·
…
67 ⲉⲣⲉ…..ⲕ…..ⲉ ⲉⲃⲟⲗ ⲛϩⲛⲃⲁⲗ ⲛⲁⲇⲁⲙⲁⲥ ⲛⲧϩⲉ ⲙ…… ⲛⲧⲁⲓⲛⲁⲩ ⲉⲣⲟϥ ϩⲛⲧⲉⲥⲕⲏⲛⲏ ⲙⲡⲉⲓⲱⲧ ⲛⲉⲣⲉϩⲛⲭⲁⲣⲁⲕⲧⲏⲣ ⲛⲥⲓⲙⲓⲟⲛ .. ⲥϩⲁⲓ ⲛ……..ⲧⲉϩⲛⲉ ⲉⲙⲛϣϭⲟⲙ ⲛⲥⲁⲣⲝ ϩⲓⲥⲛⲟϥ …… ⲉⲣⲉⲡⲣⲁⲛ ⲙⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲥⲏϩ ⲉⲡⲉϥⲥⲱⲙⲁ ϩⲛⲥⲁϣϥ ⲙ…. ⲟⲛ ·
…
68 ⲁⲡⲧⲟⲟⲩⲉ ⲙⲡⲉⲓⲱⲧ ϩⲛⲛⲉϥⲟⲩⲉⲣⲏⲧⲉ ⲉⲣⲉⲛⲉϥⲙⲟⲩⲥ ⲣⲟⲩⲟⲉⲓⲛ ⲡⲁⲣⲁⲡⲣⲏ ⲙⲛⲡⲟⲟϩ ⲛⲥⲁϣϥ ⲛⲥⲟⲡ ⲛⲕⲱⲃ ·
…
69 ⲉⲩϩⲁ ϩⲱⲱⲥ ⲉⲥⲕⲟⲥⲙⲉⲓ ϩⲛϩⲉⲛⲕⲟⲥⲙⲟⲥ ⲛⲧⲉⲡⲉⲡⲛⲉⲩⲙⲁ ⲉⲧⲟⲩⲁⲁⲃ · ⲉⲣⲉϩⲉⲛⲇⲩⲛⲁⲙⲓⲥ ⲙⲛϩⲉⲛⲡⲁⲣⲑⲉⲛⲟⲥ ·
…
70 ϩⲩⲙⲛⲉⲩⲉ ⲉⲣⲟⲥ ϩⲛⲧⲁⲥⲡⲉ ⲛⲉⲡⲟⲩⲣⲁⲛⲓⲟⲛ · ⲉⲩⲙⲟⲩⲧⲉ ⲉⲣⲟ ϫⲉⲍⲱⲏ ⲡⲙⲁⲩ ⲛⲛⲉⲧⲟⲛϩ ⲧⲏⲣⲟⲩ ·
…
71 ⲁϥⲟⲩⲱϣⲃ ⲛϭⲓⲡⲉⲓⲱⲧ · ϫⲉⲱ ⲁⲇⲁⲙ ⲡⲁϣⲏⲣⲉ ·
…
72 ⲕⲁⲛ ⲉϣϫⲉ ⲁⲕⲕⲱ ⲛⲥⲱⲕ ⲛⲧⲁⲉⲛⲧⲟⲗⲏ ·
…
73 ⲉⲧⲃⲉⲧⲉⲕⲥϩⲓⲙⲉ ⲙⲡⲉⲕϩⲁⲣⲉϩ ⲉⲣⲟⲥ ·
…
74 ⲉⲓⲥ ⲓⲏⲥⲟⲩⲥ ⲡⲁϣⲏⲣⲉ ϩⲱⲱϥ ⲁϥϣⲡⲛⲉⲓϩⲓⲥⲓ ⲧⲏⲣⲟⲩ ϣⲁⲕⲕⲁⲛⲉⲕⲛⲟⲃⲉ ⲛⲁⲕ ⲉⲃⲟⲗ · ⲛⲅϣⲱⲡⲉ ϩⲱⲱⲕ ⲛϣⲏⲣⲉ ⲛⲧⲉϥϩⲉ ·
…
75 ⲙⲁⲣⲓⲁ ϩⲱⲱⲥ ⲛⲧⲁⲡⲁϣⲏⲣⲉ ϭⲟⲓⲗⲉ ⲉⲣⲟⲓ · ⲉⲩϩⲁⲇⲉ ϩⲱⲱⲥ ⲛⲥϣⲟⲟⲡ ⲙⲙⲁⲁⲩ ⲛⲙⲙⲁⲥ ϩⲛⲧⲁⲙⲛⲧⲣⲣⲟ ·
…
76 ⲁϥⲟⲩⲱϣⲃ ⲛϭⲓⲡⲉⲓⲱⲧ ⲡⲉϫⲁϥ ⲛⲧⲁⲅⲅⲉⲗⲓⲕⲏ ⲧⲏⲣⲥ · ϫⲉⲙⲁⲣⲟⲩⲉⲓ ⲙⲛⲛⲉⲩϣⲙⲛⲟⲩϥⲉ ⲙⲛⲛⲉⲩⲥϯⲛⲟⲩϥⲉ · ⲛⲥⲉⲡⲁϩⲧⲟⲩ ⲙⲡⲁⲙⲧⲟ ⲉⲃⲟⲗ ϫⲉⲁⲓϩⲱⲧⲡ ⲙⲛⲧⲁϩⲓⲕⲱⲛ ⲛⲕⲉⲥⲟⲡ ·
…
77 ⲧⲟⲧⲉ ⲙⲓⲭⲁⲏⲗ … ⲙⲡⲓϩⲩⲙⲛⲟⲥ ⲉⲁⲇⲁⲙ ⲙⲡⲛⲁⲩ ⲉⲧⲙⲙⲁⲩ …………………………………………ⲟϥ ⲉ……….. ϩⲛⲟⲩⲉⲓⲣⲏⲛⲏ ϩⲁⲙⲏⲛ·
…
78 ……..ϣ ⲙⲛⲟⲩϥⲉ ϩⲁⲙⲏⲛ · ϩⲣⲁⲫⲉⲁⲏⲗ ……..ϩ ϩⲁⲙⲏⲛ· ..ⲟⲩⲏⲗ ⲙⲛⲡⲉϥⲕⲁⲣⲡⲟⲥ ϥⲑ · ……ⲙⲛ ⲛⲉϥⲗⲁⲙⲡⲁⲥ ⲛⲟⲩⲟⲉⲓⲛ ϩⲁⲙⲏⲛ ·
…
79 …..ⲙⲛ ⲡⲛⲉϩ ⲉⲧⲟⲩⲁⲁⲁⲃ ϩⲁⲙⲏⲛ ·
…
80 ⲁⲥⲟⲩⲏⲗ ⲙⲛ… ϩⲁⲙⲏⲛ·
…
81 ⲥⲁⲣⲁⲫⲟⲩⲏⲗ ⲙⲛⲛⲉϥⲯⲁⲗⲧⲏⲣⲓⲟⲛ ϩⲁⲙⲏⲛ …ⲩⲏⲗ ⲙⲛⲛⲉϥⲥⲧⲟⲗⲏ ϩⲁⲙⲏⲛ · …..ⲙⲛⲧⲉϥⲡⲁⲣⲑⲉⲛⲓⲁ ϩⲁⲙⲏⲛ · ϩⲁⲣⲙⲟⲥⲓⲏⲗ..ⲥⲁⲗⲡⲓⲅⲝ ⲙⲛⲡⲛⲉⲩⲙⲁ ϩⲁⲙⲏⲛ · ⲥⲁⲣⲉⲓⲟⲩⲏⲗ ⲙⲛⲡⲉϥⲥϯⲛⲟⲩϥⲉ ϩⲁⲙⲏⲛ ·
…
82 ⲕⲁⲇⲓⲏⲗ ⲙⲛⲡⲉϥⲕⲟⲩⲕⲱ ϥⲑ ·
…
83 ⲟⲩⲣⲓⲏⲗ ⲙⲛⲡⲟⲩⲟⲉⲓⲛ ⲙⲡⲣⲏ ϩⲁⲙⲏⲛ · ⲉⲧⲉⲛⲁⲓ ⲛⲉ ⲛⲁⲅⲅⲉⲗⲟⲥ ⲙⲡⲟⲩⲟⲉⲓⲛ ·
…
84 ⲁⲙⲏⲉⲓⲧⲛ ⲉⲡⲣⲁϣⲉ ⲙⲡⲉⲛⲣⲣⲟ ⲓⲏⲥⲟⲩⲥ ϩⲁⲙⲏⲛ · ⲉⲛⲣⲁϣⲉ ⲧⲏⲣⲛ ⲉϫⲙⲡⲕⲱ ⲉⲃⲟⲗ ⲛⲁⲇⲁⲙ ⲙⲛⲛⲉϥϣⲏⲣⲉⲧⲏⲣⲟⲩ ϩⲛⲟⲩⲉⲓⲣⲏⲛⲏ ϩⲁⲙⲏⲛ ⲁⲗⲗⲏⲗⲟⲩⲓⲁ ·
…
85 ⲡⲙⲉϩϥⲧⲟⲟⲩ ⲛϩⲩⲙⲛⲟⲥ ⲛⲧⲉⲛⲁⲅⲅⲉⲗⲟⲥ ⲡⲁⲥⲙⲟⲩ ⲉⲣⲟⲕ ⲡⲣⲣⲟ ⲛⲛⲁⲓⲱⲛ ϩⲁⲙⲏⲛ ⲧⲛⲛⲁⲥⲙⲟⲩ ⲉⲣⲟⲕ ⲡⲉⲓⲉⲓⲁⲧⲧⲁϩⲟϥ ϩⲁⲙⲏⲛ · ⲏⲗ · ⲏⲗ · ⲁⲃⲃⲁ ⲡⲣⲣⲟ ϩⲁⲙⲏⲛ ·
…
86 ⲁⲃⲣⲓⲁⲑ ⲡⲣⲉϥⲥⲱⲧⲉ ⲉⲧⲟⲛϩ ϩⲁⲙⲏⲛ ⲡⲉⲛⲣⲉϥⲧⲱⲛϩ ⲛⲁⲛ ϩⲁⲙⲏⲛ ⲁⲩⲱ ⲡϫⲱⲕ ⲛϩⲱⲃ ⲛⲓⲙ ϩⲁⲙⲏⲛ ·
…
87 ⲡⲙⲉϩϯⲟⲩ ⲛϩⲩⲙⲛⲟⲥ ⲛⲛⲁⲅⲅⲉⲗⲟⲥ ⲉⲩⲥⲙⲟⲩ ⲉⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲛⲉⲩⲙⲁ ⲉⲧⲟⲩⲁⲁⲃ ϥⲑ ·
…
88 ⲥⲙⲟⲩ ⲉⲣⲟⲛ ⲡⲉⲓⲱⲧ ϩⲁⲙⲏⲛ ·
…
89 ⲥⲙⲟⲩ ⲉⲣⲟⲛ ⲡϣⲏⲣⲉ ϥⲑ ⲥⲙⲟⲩ ⲉⲣⲟⲛ ⲡⲉⲡⲛⲉⲩⲙⲁ ⲉⲧⲟⲩⲁⲁⲃ ϩⲁⲙⲏⲛ ·
…
90 ⲙⲁⲣⲉⲡⲡⲁⲣⲁⲇⲓⲥⲟⲥ ϫⲟⲟⲥ ⲛⲙⲙⲁⲛ ϫⲉϩⲁⲙⲏⲛ ·
…
91 ⲙⲁⲣⲉⲛⲉⲭⲉⲣⲟⲩⲃⲓⲛ ϫⲟⲟⲥ ⲛⲙⲙⲁⲛ ϩⲁⲙⲏⲛ ·
…
92 ⲙⲁⲣⲉ.. ….ⲩⲛⲁ………………. ⲙⲁⲣⲉⲛⲁⲙⲡⲏⲩⲉ ϫⲟⲟⲥ ϫⲉϩⲁⲙⲏⲛ ·
…
93 ⲙⲁⲣⲉ..ⲡⲁⲣⲑⲉⲛⲟⲥ ϫⲟⲟⲥ ϫⲉϩⲁⲙⲏⲛ…………. ⲁⲣⲓⲡⲉⲓⲙⲉⲉⲩⲉ ⲉ……ⲣ… ⲡⲉⲛ….. ϫⲉⲛⲧⲟⲕ ⲡⲉ ⲡⲉⲛϣⲟⲩϣⲟⲩ .. ⲁⲩⲱ ⲧⲟⲣⲅⲏ .. ⲟⲩϫⲁⲓ · ⲡⲉⲛⲱⲛϩ · ⲡⲉⲛⲙⲁ ⲛⲡⲱⲧ · ⲡⲉⲛ….. ⲡⲉⲛⲃⲟⲏⲑⲟⲥ ·
…
94 ⲧⲉⲛⲛⲁϣⲧⲉ ⲡⲛⲣ……… ⲡⲉϥⲛⲁ ϩⲓϫⲛⲟⲩⲟⲛ ⲛⲓⲙ ϩⲁⲙⲏⲛ ⲁⲗⲗⲏⲗⲟⲩⲓⲁ ·
…
95 ⲡⲙⲉϩⲥⲟⲟⲩ ⲛϩⲩⲙⲛⲟⲥ ⲛⲧⲉⲛⲛⲁⲅⲅⲉⲗⲟⲥ ·
…
96 ⲧⲟⲧⲉ ⲛⲧⲉⲁⲇⲁⲙ ⲛⲁⲩ ⲉⲡⲛⲟϭ ⲛⲧⲁⲉⲓⲟ ⲙⲛⲧⲉⲓⲇⲱⲣⲉⲁ ⲛⲧⲁⲥϣⲱⲡⲉ ⲙⲙⲟϥ ⲙⲛⲛⲉϥϣⲏⲣⲉ ⲧⲏⲣⲟⲩ · ϫⲉ ⲁⲡϣⲏⲣⲉ ⲙⲡⲛⲟⲩⲧⲉ ⲕⲁⲛⲉⲩⲛⲟⲃⲉ ⲛⲁⲩ ⲉⲃⲟⲗ ·
…
97 ⲁϥϫⲱ ⲙⲡⲉⲓϩⲩⲙⲛⲟⲥ ⲉϥϫⲱ ⲙⲙⲟⲥ · ϫⲉϯⲛⲁⲥⲙⲟⲩ ⲉⲡⲛⲟⲩⲧⲉ ⲡⲉⲛⲧⲁϥⲣⲡⲁⲙⲉⲉⲩⲉ ·
…
98 ⲛⲁⲅⲅⲉⲗⲟⲥ ⲛⲡⲣⲁϣⲉ ⲁⲙⲏⲉⲓⲧⲛ ⲟⲩⲛⲟϥ ⲛⲙⲙⲁⲓ · ϫⲉⲁⲡϣⲏⲣⲉ ⲙⲡⲛⲟⲩⲧⲉ ⲉⲗⲉⲩⲑⲉⲣⲟⲩ ⲙⲙⲟⲓ ·
…
99 ⲁϥⲛⲟⲩϩⲙ ⲙⲛⲧⲁⲥϩⲓⲙⲉ ·
…
100 ⲁⲩⲱ ⲁϥⲧⲟⲩϫⲟ ⲙⲛⲛⲁⲕⲉϣⲏⲣⲉ ⲧⲏⲣⲟⲩ · ⲛⲇⲓⲕⲁⲓⲟⲥ ⲧⲏⲣⲟⲩ ⲙⲡⲕⲁϩ ·
…
101 ⲁⲙⲏⲉⲓⲧⲛ ⲛⲧⲉⲛⲟⲩⲛⲟϥ ⲛⲙⲙⲁⲓ · ϫⲉⲁⲡⲉⲭⲣⲓⲥⲧⲟⲥ ⲡϣⲏⲣⲉ ⲙⲡⲛⲟⲩⲧⲉ ⲁⲁⲧ ⲛⲁⲧⲛⲟⲃⲉ ϫⲉⲡⲁⲓ ⲡⲉ ⲡⲉϩⲟⲟⲩ ·
…
102 ⲁⲩⲱ ⲡⲛⲁⲩ ⲙⲡⲣⲁϣⲉ ·
…
103 ⲡⲉⲛⲧⲁⲡⲁⲉⲓⲱ ⲧⲙⲓⲭⲁⲏⲗ ⲡⲁⲣⲭⲁⲅⲅⲉⲗⲟⲥ ⲙⲛⲧⲁⲅⲅⲉⲗⲓⲕⲏ ⲧⲏⲣⲥ ⲥⲟⲡⲥ ⲉϫⲙⲡⲁⲥⲡⲉⲣⲙⲁ ⲧⲏⲣϥ ϣⲁⲛⲧⲉⲡⲛⲟⲩⲧⲉ ⲡⲡⲁⲛⲧⲟⲕⲣⲁⲧⲱⲣ ϣⲛϩⲧⲏϥ ϩⲁⲣⲟⲓ ⲙⲛⲛⲁϣⲏⲣⲉ ⲧⲏⲣⲟⲩ
…
104 ⲁⲩⲱ ⲛϥϩⲱⲧⲡ ⲉⲡⲁⲡⲗⲁⲥⲙⲁ ⲛⲧⲁϥⲧⲁⲙⲓⲟϥ · ϫⲉⲡⲁⲓ ⲡⲉ ⲡⲉϥⲉⲓⲛⲉ ⲙⲛⲧⲉϥϩⲓⲕⲱⲛ ϩⲛⲟⲩⲉⲓⲣⲏⲛⲏ ⲁⲩⲱ ⲙⲓⲭⲁⲏⲗ · ⲙⲛⲅⲁⲃⲣⲓⲏⲗ · ⲙⲛϩⲣⲁⲫⲁⲏⲗ ⲙⲛⲁⲥⲟⲩⲏⲗ ⲙⲛⲥⲁⲣⲟⲩⲫⲟⲩⲏⲗ · ⲡⲉϥⲥⲟⲟⲩ ⲛϣⲃⲏⲣ .. ⲁⲩⲡⲁϩⲧⲟⲩ ⲁⲩⲟⲩⲱϣⲧ ⲙⲡⲉⲓⲱⲧ ⲙⲛⲡϣⲏⲣⲉ …………………………………….ϩ.. ⲉⲃⲟⲗ … …………….ⲛⲟⲩⲧⲉ ·
…
105 ⲁⲕⲣⲡⲛⲉⲩⲙⲁ …. ⲁⲇⲁⲙ ⲟⲛ ……..ⲉⲡⲉⲁⲕⲧⲟⲩ ….ⲏⲛ · ⲉⲛⲉϥⲥ…… ⲕⲧⲟϥ ⲉϩⲟⲩⲛ ….ⲟⲩⲧⲱⲛ · ⲧⲉϩⲓⲏ ⲙⲡⲟⲩϫⲁⲓ ϩⲁⲙⲏⲛ ·
…
106 ⲣⲁ…. ⲁⲇⲁⲙ ϩⲙⲡⲣⲁϣⲉ ⲙⲡⲉⲕⲣⲣⲟ ⲓⲏⲥⲟⲩⲥ · ϥⲑ : ………ⲧⲃⲏⲏⲧⲕ ϣⲁⲛⲧϥⲛⲟⲩϩⲙ …. ⲧⲏⲣⲟⲩ ϩⲛⲟⲩⲉⲓⲣⲏⲛⲏ ϩⲁⲙⲏⲛ ·
…
107 ⲡⲙⲉϩϣⲙⲟⲩⲛ ⲛϩⲩⲙⲛⲟⲥ ⲛⲁⲇⲁⲙ ⲡⲉⲓⲛⲉ ⲙⲡⲛⲟⲩⲧⲉ ⲉⲧϫⲟⲥⲉ ϩⲛⲉⲓⲣⲏⲛⲏ ϩⲁⲙⲏⲛ ⲁⲗⲗⲏⲗⲟⲩⲓⲁ ·
…
108 ⲁⲩⲉⲓ ϩⲱⲟⲩ ⲛϭⲓⲛⲇⲓⲕⲁⲓⲟⲥ ⲛⲧⲁⲁⲇⲁⲙ ⲕⲁⲗⲉⲓ ⲙⲙⲟⲟⲩ ⲉⲧⲣⲉⲩⲉⲓ ⲉⲡⲉϥⲣⲁϣⲉ ⲙⲛⲡⲉϥⲟⲩⲛⲟϥ · ⲉⲧⲉⲛⲁⲓ ⲛⲉ ·
…
109 ⲡϣⲟⲣⲡ ⲡⲉ ⲁⲃⲣⲁϩⲁⲙ ⲡⲉϣⲃⲏⲣ ⲙⲡⲛⲟⲩⲧⲉ ⲙⲛⲓⲥⲁⲁⲕ ·
…
110 ⲡⲁⲧⲛⲟⲃⲉ ⲙⲛⲓⲁⲕⲱⲃ ⲡϩⲁⲅⲓⲟⲥ ⲙⲡⲁⲛⲧⲟⲕⲣⲁⲧⲱⲣ · ⲙⲛⲓⲱⲃ ⲡϩⲁⲣϣϩⲏⲧ · ⲙⲛⲙⲱⲩⲥⲏⲥ ⲡⲁⲣⲭⲓⲡⲣⲟⲫⲏⲧⲏⲥ · ⲙⲛⲛⲱϩⲉ ⲡⲇⲓⲕⲁⲓⲟⲥ ·
…
111 ⲙⲛⲇⲓⲕⲁⲓⲟⲥ ⲧⲏⲣⲟⲩ ⲛⲧⲁⲩⲣⲡⲟⲩⲱϣ ⲙⲡⲛⲟⲩⲧⲉ ⲁⲩⲁⲥⲡⲁⲍⲉ ⲛⲁⲇⲁⲙ ⲁⲩⲟⲩⲱϣⲧ ⲛⲁϥ ⲧⲏⲣⲟⲩ ⲉϥϫⲱ ⲙⲙⲟⲥ ϫⲉⲛⲁⲓⲁⲧⲕ ⲛⲧⲟⲕ ⲱ ⲁⲇⲁⲙ · ϫⲉⲁⲡⲉⲭⲣⲓⲥⲧⲟⲥ ⲓⲏⲥⲟⲩⲥ ⲕⲁⲛⲉⲩⲛⲟⲃⲉ ⲛⲁⲕ ⲉⲃⲟⲗ ·
…
112 ⲁⲩⲱ ⲁⲛⲟⲛ ϩⲱⲱⲛⲡⲉⲕϣⲏⲣⲉ ⲁϥⲉⲗⲉⲩⲑⲉⲣⲟⲩ ⲙⲙⲟⲛ ϩⲁⲙⲏⲛ ·
…
113 ⲧⲟⲧⲉ ⲛⲇⲓⲕⲁⲓⲟⲥ ⲧⲏⲣⲟⲩ ⲁⲩⲟⲩⲛⲟϥ ⲁⲩⲥⲙⲟⲩ ⲉⲡⲛⲟⲩⲧⲉ ⲉϥϫⲱ ⲙⲙⲟⲥ · ϫⲉⲛⲇⲓⲕⲁⲓⲟⲥ ⲧⲏⲣⲟⲩ ⲛⲁⲣⲟⲩⲟⲉⲓⲛ ϩⲛⲧⲙⲛⲧⲣⲣⲟ ⲙⲡⲉⲩⲉⲓⲱⲧ ·
…
114 ⲡⲁⲣⲁⲡⲣⲏ ⲥⲁϣϥ ⲛⲕⲱⲃ ⲛⲥⲟⲡ ·
…
115 ⲡⲟⲩⲟⲉⲓⲛ ⲛⲛⲇⲓⲕⲁⲓⲟⲥ …………….ⲩⲟⲉⲓⲛ ϩⲁⲧⲉⲩϩⲏ ……. ⲙⲡ………………. ⲧⲏⲣⲟⲩ ⲛⲧⲁⲩⲣⲁⲛⲁϥ.. ⲡⲛⲟⲩⲧⲉ …….ⲉ ⲧⲟⲛϩ ·
…
116 ⲡⲉ ⲡⲥⲱⲙⲁ ⲙⲛⲡⲉⲥⲛⲟϥ ⲙ…….. ⲛⲧⲁⲛⲉⲛⲧⲁⲩϫ…..ⲧⲟⲩ ⲧⲏⲣⲟⲩ …….. ⲛⲟⲃⲉ ·
…
117 ⲡⲉⲟⲟⲩ ⲛⲁⲕ ⲓⲏⲥⲟⲩⲥ ⲡⲉⲛⲣⲣⲟ ·
…
118 ⲡⲉⲟⲟⲩ ⲛⲁⲕ ⲓⲏⲥⲟⲩⲥ ⲡⲡⲁⲧϣⲉⲗⲉⲉⲧ ⲙⲙⲉ ·
…
119 ⲡⲉⲟⲟⲩ ⲛⲁⲕ ⲱ ………… ⲡⲉⲟⲟⲩ ⲛⲁⲕ ⲓⲏⲥⲟⲩⲥ ⲡⲉⲓⲱⲧ ⲛⲯⲩⲭⲏ ⲧⲏⲣⲟⲩ ·
…
120 ⲛ….. ⲧⲉⲣⲟⲩϫⲱⲕ ⲉⲃⲟⲗ ⲛϭⲓⲛⲇⲓⲕⲁⲓⲟⲥ ⲛⲡⲉⲩϩⲩⲙⲛⲟⲥ ⲁⲩⲙⲟⲟϣⲉ ⲁⲩⲃⲱⲕ ⲉϩⲟⲩⲛ ⲉⲧⲡⲟⲗⲓⲥ …….. ⲁⲩϣⲱⲡⲉ ⲛϩⲏⲧⲥ ⲛⲟⲩⲟⲉⲓϣ ⲛⲓⲙ ϩ…… ⲛ.. ϣⲁⲉⲛⲉϩ ϩⲁⲙⲏⲛ ·
…
121 ⲁⲩⲱ ⲛⲕⲉⲁⲅⲅⲉⲗⲟⲥ ⲧⲏⲣⲟⲩ ⲛⲧⲉⲣⲟⲩϫⲱⲕ ⲉⲃⲟⲗ ⲙⲡⲟⲩϩⲩⲙⲛⲟⲥ · ⲙⲛⲡⲉⲩϩⲁⲙⲏⲛ ·
…
122 ⲡⲉⲓⲱⲧ ϯⲛⲁⲩ ⲛⲧⲉϥⲉⲓⲣⲏⲛⲏ ⲁⲁⲩ ⲉⲃⲟⲗ ·
…
123 ⲁⲡⲟⲩⲁ ⲡⲟⲩⲁ ⲃⲱⲕ ⲉⲡⲉϥⲧⲟⲡⲟⲥ ⲉⲧⲉϥⲁⲣⲭⲏ ⲉⲣⲟⲟⲩ ϩⲛⲟⲩⲉⲓⲣⲏⲛⲏ ϩⲁⲙⲏⲛ ·
…
124 ⲛⲁⲓ ⲛⲉ ⲛϩⲩⲙⲛⲟⲥ ⲛⲧⲁⲩϫⲟⲟⲩ ⲛϭⲓⲛⲁⲅⲅⲉⲗⲟⲥ ⲉⲩⲥⲟⲟⲩϩ ⲉⲩⲣⲁϣⲉ ⲧⲏⲣⲟⲩ · ϫⲉⲁⲡϣⲏⲣⲉ ⲙⲡⲛⲟⲩⲧⲉ ⲧⲱⲟⲩⲛ ⲉⲃⲟⲗ ϩⲛⲛⲉⲧⲁϥⲥⲱⲧⲉ ⲛⲧⲁⲓⲭⲙⲁⲗⲱⲥⲓⲁ ⲛⲛϣⲏⲣⲉ ⲛⲁⲇⲁⲙ ·
…
125 ⲁϥϫⲓⲧⲟⲩ ⲉⲙⲡⲏⲩⲉ ⲁϥⲧⲁⲁⲩ ⲛⲇⲱⲣⲟⲛ ⲙⲡⲉϥⲉⲓⲱⲧ ϩⲛⲟⲩⲛⲟϭ ⲛⲉⲓⲣⲏⲛⲏ ϣⲁⲉⲛⲉϩ · ⲛⲉⲛⲉϩ ϥⲑ ·
…
126 ⲁⲇⲁⲙ ⲇⲉ ϩⲱⲱϥ ⲁⲡⲉⲓⲱⲧ ⲕⲁⲁϥ ϩⲓϫⲛⲙⲡⲩⲗⲏ ⲛⲱⲛϩ ⲉⲧⲣⲉⲩⲁⲥⲡⲁⲍⲉ ⲛⲛⲇⲓⲕⲁⲓⲟⲥ ⲧⲏⲣⲟⲩ ⲛϣⲟⲣⲡ ⲉⲩⲛⲁⲃⲱⲕ ⲉϩⲟⲩⲛ ⲉⲧϩⲓⲉⲣⲟⲩⲥⲁⲗⲏⲙ ⲧⲡⲟⲗⲓⲥ ⲙⲡⲉⲭⲣⲓⲥⲧⲟⲥ ·
…
127 ⲉⲩϩⲁ ϩⲱⲱⲥ ⲁϥⲕⲁⲑⲓⲥⲧⲁ ⲙⲙⲟⲥ ⲉϫⲛⲛⲉϩⲓⲟⲙⲉ ⲧⲏⲣⲟⲩ ·
…
128 ⲛⲧⲁⲩⲣⲡⲟⲩⲱϣ ⲙⲡⲛⲟⲩⲧⲉ …ⲥⲡⲁⲍⲉ ⲙⲙⲟⲟⲩ ⲛϣⲟⲣⲡ .. ⲃⲱⲕ ⲉϩⲟⲩⲛ ⲉⲧⲡⲟⲓⲥ ⲙⲡⲉⲭⲣⲓⲥⲧⲟⲥ
…
129 ……….. ……ⲩⲟⲉⲓϣ …… ⲉⲡⲉ…… …… ⲉⲣⲟϥ ϣ.. ⲧⲣⲉ..ⲏ ⲙⲡ…….. ⲛⲉⲥⲛⲏⲩ ⲛⲁⲡⲟⲥⲧⲟⲗⲟⲥ ⲁⲓϫⲱ ⲉⲣⲱⲧⲛ ..ⲙⲩⲥⲧⲏⲣⲓⲟⲛ ⲛⲧⲁⲓⲛⲁⲩ ⲉⲣⲟⲟⲩ ·
…
130 ⲣⲁϣⲉ ⲛⲏⲧⲛ ………. ⲡⲕⲁ ⲛⲟⲃⲉ ⲉⲃⲗ ⲛⲧⲁⲡⲉⲛⲥⲱⲧⲏⲣ ……….ⲙⲛ ⲛⲉϥϣⲏⲣⲉ ⲧⲏⲣⲟⲩ ·
…
131 ⲁⲩⲟⲩ…………. ⲛϭⲓⲛⲁⲡⲟⲥⲧⲟⲗⲟⲥ ⲉⲩ…………ⲡⲉⲛⲙⲉⲣⲓⲧ ⲛⲥⲟⲛ ·
…
132 ⲃⲁⲣⲑⲟⲗⲟⲙⲁⲓⲟⲥ … ⲙⲩⲥⲧⲏⲣⲓⲟⲛ ⲙⲡⲉⲭⲣⲓⲥⲧⲟⲥ ·
…
133 ⲁⲗⲏⲑⲱⲥ ………….ⲡϣⲁ ⲛⲧⲁⲡϣⲏⲣⲉ ⲙⲡⲛⲟⲩⲧⲉ…….ⲛⲧ ⲕⲛⲁⲩ ⲉⲛⲉⲓ………….ⲛ ⲁⲧϣⲁϫⲉ ⲉⲣⲟⲟⲩ ⲁⲗⲏⲑⲱⲥ ……. ⲉⲣⲟⲕ ϫⲉⲃⲁⲣⲑⲟⲗⲟⲙⲁⲓⲟⲥ ·
…
134 ⲡⲣⲉϥϫⲓ ⲛⲙⲙⲩⲥⲧⲏⲣⲓⲟⲛ ⲙⲡⲉⲭⲣⲓⲥⲧⲟⲥ ϣⲁϩⲣⲁⲓ ⲉⲧⲥⲩⲛⲧⲉⲗⲉⲓⲁ ⲙⲡⲁⲓⲱⲛ ·
…
135 ⲛⲛⲉⲡⲉⲕⲣⲁⲛ ⲱϫⲛ ϩⲛⲧⲡⲉ ⲁⲩⲱ ϩⲓϫⲙⲡⲕⲁϩ ·
…
136 ⲉⲩⲉⲙⲟⲩⲧⲉ ⲉⲣⲟⲕ ϫⲉⲃⲁⲣⲑⲟⲗⲟⲙⲁⲓⲟⲥ ⲡϩ..ⲙⲩⲥⲧⲏⲣⲓⲟⲛ ⲙⲡϣⲏⲣⲉ ⲙⲡⲛⲟⲩⲧⲉ ⲁϥⲟⲩⲱϣⲃ ⲛϭⲓⲃⲁⲣⲑⲟⲗⲟⲙⲁⲓⲟⲥ · ϫⲉⲕⲱ ⲛⲁⲓ ⲉⲃⲟⲗ ⲛⲁⲥⲛⲏⲩ ⲛⲁⲡⲟⲥⲧⲟⲗⲟⲥ ⲛϯⲣϣⲁⲩ ⲁⲛ ϩⲛⲧⲙⲏⲏⲧⲉ ..ⲧⲥⲧⲏⲩ ⲉⲃⲟⲗ ⲛⲛⲁϩⲣⲛⲣⲱⲙⲉ ⲛⲓⲙ · ⲁⲛⲅⲟⲩϩⲏⲕⲉ ϩⲛⲧⲁⲧⲉⲭⲛⲏ ·
…
137 ⲁⲩⲱ ϯⲧⲙⲁⲉⲓⲏⲩ .. ϩⲙⲡⲁⲃⲓⲟⲥ ·
…
138 ϣⲁⲣⲉϩⲛⲙⲏⲏϣⲉ ⲛⲁⲩ ⲉⲣⲟϥ …ⲡⲟⲗⲓⲥ ⲛⲥⲉϫⲟⲟⲥ ϫⲉⲙⲏ ⲙⲡⲁⲓ ⲁⲛ ⲡⲉ ⲃⲁⲣⲑⲟⲗⲟⲙⲁⲓⲟⲥ ·
…
139 ⲡⲣⲙⲧⲓⲑⲁⲗⲓⲁ ⲙⲡⲕⲟⲙⲁⲣⲓⲧⲏⲥ ⲡⲥⲁ ..ⲟⲩⲟⲟⲧⲉ ·
…
140 ⲙⲏ ⲙⲡⲁⲓ ⲁⲛ ⲡⲉ ⲡⲉⲧϣⲟⲟⲡ ϩⲙⲡⲕⲱ ⲙⲁⲣⲓⲟⲛ ⲛϩⲓⲏⲣⲱⲕⲏⲥ ⲡⲁⲣⲭⲱⲛ ⲛⲧⲉⲛⲡⲟⲗⲓⲥ ………….. ⲛⲛⲉⲩϭⲓϫ ⲛ…. ….ⲧⲁ………..ⲱⲛ……. ..ϣⲁϫⲉ ⲛⲧⲙⲛⲧϩⲏⲕⲉ ⲛⲉϥⲥϩ…… ϭⲟⲙ ϩⲱⲱⲥ ⲙⲡϣⲏⲣⲉ ⲙⲡⲛⲟⲩⲧⲉ ……ⲛⲁⲥⲛⲏⲩ
…
141 ⲛⲉⲙⲉⲣⲁⲧⲉ ⲛⲧⲉⲧⲛ…….. ⲉⲡⲓⲥⲕⲟⲡⲟⲥ ⲛⲧⲁⲡⲥⲱⲧⲏⲣ ⲣⲧⲏⲩⲧⲛ … ⲡⲕⲟⲥⲙⲟⲥ ⲧⲏⲣ ·
…
142 ⲱ ⲡⲉⲛⲉⲓⲱⲧ ⲡⲉⲧⲣⲟⲥ ……….ⲥⲱⲧⲏⲣ ϫⲓⲧⲛ ⲉϩⲣⲁⲓ ⲉϫⲙⲡⲧⲱⲟⲩ ……..ⲁϥϣⲁϫⲉ ⲛⲙⲙⲁⲛ ·
…
143 ⲛϭⲓⲡⲉⲛⲥⲱⲧⲏⲣ ……ⲙⲡⲉⲛⲥⲟⲩⲱⲛⲥ ⲡⲣⲟⲥⲧⲉⲩⲛⲟⲩ ……….ϥⲟⲩⲟⲛϩϥ ⲛⲁⲛ ⲉⲃⲟⲗ ………… ⲁⲑⲁⲣⲁⲑⲑⲁⲩⲣⲁⲑ ·
…
144 ⲁⲩⲱ ………….ⲡⲥⲁϣϥ ⲛⲥⲧⲉⲣⲱⲙⲁ …………. ⲁⲛⲉⲛⲥⲱⲙⲁ ϩⲱⲱⲛ ⲣ……….ⲭⲓⲱⲛ
…
145 ⲁⲩⲱ ⲁⲛϭⲱϣⲧ ⲁⲛⲛⲁⲩ ⲉⲡⲉⲛⲥⲱⲧⲏⲣ ⲡⲉϥⲥⲱⲙⲁ ⲙⲟⲟϣⲉ ⲉϩⲣⲁⲓ ⲉⲙⲡⲏⲩⲉ ⲉⲣⲉⲛⲉϥⲟⲩⲉⲣⲏⲧⲉ ⲧⲁϫⲣⲏⲩ ⲉϫⲙⲡⲧⲟⲟⲩ ⲛⲙⲙⲁⲛ ·
…
146 ⲁϥⲥⲟⲟⲩⲧⲛⲉ ⲃⲟⲗ ⲛⲧⲉϥϭⲓϫ ⲛⲟⲩⲛⲁⲙ ⲁϥⲥⲫⲣⲁⲅⲓⲍⲉ ⲙⲙⲟⲛ ⲙⲙⲛⲧⲥⲛⲟⲟⲩⲥ ·
…
147 ⲁⲛⲙⲟⲟϣⲉ ϩⲱⲱⲛ ⲛⲙⲙⲁϥ ⲉⲡϫⲓⲥⲉ ϣⲁϩⲣⲁⲓ ⲉⲛⲉⲥⲕⲏⲛⲏ ⲙⲡⲉⲓⲱⲧ ⲡⲁⲅⲁⲑⲟⲥ ⲉⲧⲙⲉϩⲥⲁϣϥⲉ ⲙⲡⲉ ·
…
148 ⲧⲟⲧⲉ ⲁⲡⲥⲱⲧⲏⲣ ⲡⲁϩⲧϥ ⲉϫⲛⲙⲡⲁⲧ ⲙⲡⲉⲓⲱⲧ ⲉϥϫⲱ ⲙⲙⲟⲥ ·
…
149 ϣⲛϩⲧⲏⲕ ϩⲁⲛⲁⲥⲛⲏⲩ ⲛⲁⲡⲟⲥⲧⲟⲗⲟⲥ ⲛⲅⲥⲙⲟⲩ ⲉⲣⲟⲟⲩ ⲙⲡⲉⲥⲙⲟⲩ ⲛⲁⲧⲱϫⲛ ·
…
150 ⲁⲡⲉⲓⲱⲧ ⲥⲙⲟⲩ ⲉⲣⲟⲕ ⲉϥϫⲱ ⲙⲙⲟⲥ ϫⲉⲁⲛⲟⲕ ⲙⲛⲡⲁϣⲏⲣⲉ ⲓⲏⲥⲟⲩⲥ ⲙⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲡⲉⲧⲧⲁⲗⲉϭⲓϫ ⲉϫⲱⲕ ·
…
151 ⲁⲩⲱ ⲡⲉⲧⲕⲛⲁⲃⲟⲗ ϩⲓϫⲙⲡⲕⲁϩ ·
…
152 ⲁⲛⲟⲛ ⲡⲉⲧⲃⲱⲗ ⲙⲙⲟϥ ⲉⲃⲟⲗ ·
…
153 ⲁⲩⲱ ⲟⲛ ⲡⲉⲧⲕⲛⲁⲙⲟⲣϥ ϩⲓϫⲙⲡⲕⲁϩ ·
…
154 ⲁⲛ ⲟⲛ ⲡⲉⲧⲙⲟⲣϥ ⲙⲙⲟϥ …………ⲃ………………………………..ϩ………………….ⲛⲁ…….ⲧⲏⲣϥ ⲉϥ…….ⲣⲟⲥ · ⲁ……ⲛⲁⲛ
…
155 ⲉⲛⲉⲕϭⲓϫ…ⲡⲉⲕⲑⲣⲟⲛⲟⲥ….ⲃⲟⲗ ·
…
156 ϫⲱ ⲛⲉϥϣ….ⲁⲛ ·
…
157 ⲡⲉⲕ….ⲡ….ⲙⲉϩ ⲙⲡⲁⲛⲓϥⲉ ⲙⲛⲡⲛⲓϥⲉ ….ⲡⲛⲁ…ⲡⲛⲓϥⲉ ⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ · ϫⲉⲕⲁⲥⲣⲱⲙⲉ ⲛⲓⲙ ⲉⲕⲛⲁⲃⲁⲡⲧⲓⲍⲉ ⲙⲙⲟⲟⲩ ⲛⲅ…………ⲉ ϫⲓⲡⲛⲁ ⲉϥⲟⲩⲁⲁⲃ ·
…
158 ϩⲙ… ⲡⲉⲓⲱⲧ ⲙⲛⲡϣⲏⲣⲉ ⲙⲛⲡⲛⲉⲩⲙⲁ ⲉⲧⲟⲩⲁⲁⲃ ·
…
159 ………….ⲟⲩⲱϣⲃ ⲛϭⲓⲛⲉⲭⲉⲣⲟⲩⲃⲓⲛ ………..ⲁⲣⲭⲁⲅⲅⲉⲗⲟⲥ ⲙⲛⲛⲁⲅⲅⲉⲗⲟⲥ……….ⲉ ⲁϥⲥⲙⲟⲩ ⲉⲁⲛⲇⲣⲉⲁⲥ ⲉϥϫⲱ ⲙⲙⲟⲥ ϫⲉⲉⲕⲉϣⲱⲡⲉ ⲛⲟⲩⲥⲧⲩⲗⲟⲥ ⲛϭⲟⲙ ⲛⲧϩⲓⲉⲣⲟⲩⲥⲁⲗⲏⲙ ⲧⲁⲡⲟⲗⲓⲥ ⲙⲙⲉⲣⲓⲧ ϩⲛⲧⲁⲙⲛⲧⲣⲣⲟ ϩⲁⲙⲏⲛ ·
…
160 ⲁⲩⲱ ⲁϥⲥⲙⲟⲩ ⲉⲓⲁⲕⲱⲃⲟⲥ · ϫⲉⲡⲟⲗⲓⲥ ⲛⲓⲙ ϩⲓϯⲙⲉⲉⲕⲉ ⲛⲁⲩ ⲉⲣⲟ…..ⲃⲱⲕ ⲉϩⲟⲩⲛ ⲉⲣⲟⲟⲩ ·
…
161 ϩⲁⲧϩⲏ ⲙⲡⲁⲧⲕⲧ………… ⲙⲛⲛⲥⲱⲥ ⲛⲥⲉⲡⲓⲥⲧⲉⲩⲉ ⲉⲣⲟⲕ ϩⲁⲙⲏⲛ ·
…
162 ⲁⲩⲱ ⲛⲧⲟⲕ ⲓⲱϩⲁⲛⲛⲏⲥ ⲡⲙⲉⲣⲓⲧ ⲙⲡⲁⲡⲛⲉⲩⲙⲁ ⲙⲛⲡⲁϣⲏⲣⲉ ⲓⲏⲥⲟⲩⲥ · ⲙⲛⲡⲱⲣϫ ⲟⲩⲧⲱⲟⲩ ϩⲓⲟⲩⲥⲟⲡ ·
…
163 ⲕⲛⲁϣⲱⲡⲉ ⲉⲕⲥⲙⲁⲙⲁⲁⲧ ϩⲛⲧⲁⲙⲛⲧⲣⲣⲟ ϣⲁⲉⲛⲉϩ ϩⲁⲙⲏⲛ ·
…
164 ⲁⲩⲱ ⲛⲧⲟⲕ ⲫⲓⲗⲓⲡⲡⲟⲥ ⲙⲁ ⲛⲓⲙ ⲉⲧⲕⲛⲁⲃⲱⲕ ⲉⲣⲟϥ ⲛⲅⲛⲁⲧⲁϣⲉⲟⲉⲓϣ ⲛϩⲏⲧϥ ·
…
165 ϩⲙⲡⲣⲁⲛ ⲙⲡⲁⲙⲉⲣⲓⲧ ⲛϣⲏⲣⲉ ⲙⲛⲡⲉϥⲥⲧⲁⲩⲣⲟⲥ ⲛⲟⲩⲟⲉⲓⲛ ..ⲛⲁϭⲱ ⲉϥⲙⲟⲟϣⲉ ⲛⲙⲙⲁⲕ ϣⲁⲛⲧⲟⲩⲡⲓⲥⲧⲉⲩⲉ ⲉⲣⲟⲕ ϣⲁⲉⲛⲉϩ ϩⲁⲙⲏⲛ · ⲛⲧⲟⲕ ϩⲱⲱⲕ ⲡⲁⲥⲱⲧⲡ ⲑⲱⲙⲁⲥ ·
…
166 …ⲉⲕⲡⲓⲥⲧⲓⲥ ⲛⲁϣⲱⲡⲉ ⲛⲧϩⲉ ⲛⲟⲩⲁⲉⲧⲟⲥ… … ⲉⲃⲟⲗ ϩⲛ… ⲧⲏⲣⲟⲩ ϣⲁⲛⲧⲟⲩⲡⲓⲥⲧⲉⲩⲉ ……ⲃⲟⲗ ϩⲓ.. ϣⲁⲉⲛⲉϩ ϩⲁⲙⲏⲛ · ⲛⲧⲟⲕ ⲃⲁⲣⲑⲟⲗⲟⲙⲁⲓⲟⲥ ⲉⲣⲉⲧⲁⲯⲩⲭⲏ ⲣⲣⲙⲛϭⲟⲓⲗⲉ ⲛⲙⲩⲥⲧⲏⲣⲓⲟⲛ ⲙⲡⲁϣⲏⲣⲉ ⲛⲧⲟⲕ ϩⲱⲱⲕ ⲱ ⲙⲁⲧⲑⲁⲓⲟⲥ ·
…
167 ⲛⲉⲕϭⲟⲙ ⲛⲁⲁϣⲁⲓ ϩⲱⲥⲧⲉ ⲛⲧⲉⲧⲉⲕϩⲁⲓⲃⲉⲥ ⲧⲁϩⲉⲟⲩⲙⲏϣⲉ.. ⲧ ⲁⲩⲣⲕⲱⲱⲥ ·
…
168 ⲛⲧⲉⲩⲛⲟⲩ ⲉⲣⲉⲧⲉⲕϩⲁⲓⲃⲉⲥ.. ⲥⲉⲛⲁϣⲱⲡⲉ ϩⲛⲟⲩⲛⲟϭ ⲛϭⲟⲙ …….
…
169 ⲁⲩⲱ ⲓⲁⲕⲱⲃⲟⲥ ⲡⲁⲗⲫⲁⲓⲟⲥ ⲛⲛⲉⲗⲁⲁⲩ ⲛϭⲟⲙ ⲛⲧⲉⲡⲇⲓⲁⲃⲟⲗⲟⲥ ⲉϣϭⲙϭⲟⲙ ⲉⲡⲉⲕⲥⲱⲙⲁ .. ⲉⲗⲁⲁⲩ ⲙⲙⲁ ·
…
170 ⲁⲗⲗⲁ ⲡⲉⲧⲉⲕⲛⲁⲧⲁϭϥ ⲉϥⲉϣⲱⲡⲉ ⲛⲁⲧⲡⲱⲣⲕ ϣⲁⲉⲛⲉϩ ϩⲁⲙⲏⲛ · ⲛⲧⲟⲕ ϩⲱⲱⲕ ⲥⲓⲙⲱⲛ ⲡⲥⲩⲗⲱⲧⲏⲥ ·
…
171 ⲛⲛⲉⲗⲁⲁⲩ ⲛⲃ……….. ⲉⲧⲃⲉⲛϩⲁⲣⲙⲟⲥ ⲙⲡⲉⲡⲛⲉⲩⲙⲁ ………..ⲟⲩϫⲡⲟ ⲉϥⲟⲩⲁⲁⲃ ϩⲁⲙⲏⲛ ·
…
172 ⲁⲩⲱ ⲛⲧⲟⲕ ..ⲡϣⲏⲣⲉ ⲛⲓⲁⲕⲱⲃⲟⲥ ·
…
173 ⲡⲙⲁ ⲉⲧⲉⲣⲉⲛⲧⲁϭⲥⲉ ⲛⲛⲉⲕⲟⲩⲉⲣⲏⲧⲉ ⲛⲁⲟⲩⲱϩ ϩⲓϫⲱϥ ·
…
174 ϯⲛⲁⲕⲁⲛⲉⲩⲛⲟⲃⲉ ⲧⲏⲣⲟⲩ ⲉⲃⲟⲗⲛⲥⲉⲡⲓⲥⲧⲉⲩⲉ ⲡⲉⲕⲣⲁⲛ ⲉⲃⲟⲗ …………ⲛϩⲁⲣϣϩⲏⲧ ϩⲛⲟⲩⲉⲓⲣⲏⲛⲏ ϩⲁⲙⲏⲛ ·
…
175 ⲁⲩⲱ ⲛⲧⲟⲕ ⲑⲁⲇⲇⲁⲓⲟⲥ ⲡⲁⲙⲉⲣⲓⲧ ·
…
176 ⲡⲙⲁ ⲛⲓⲙ ⲉⲧⲕⲛⲁⲧⲁϫⲣⲟ ⲙⲡⲗⲟⲅⲟⲥ ⲙⲡⲁϣⲏⲣⲉ ⲛϩⲏⲧ ⲛⲛⲉⲗⲁⲁⲩ ⲙⲙⲉⲉⲩⲉ ⲛⲧⲉⲡⲇⲓⲁⲃⲟⲗⲟⲥ ⲉϣϩⲱⲛ ⲉϩⲟⲩⲛ ⲉⲣⲟϥ ·
…
177 ⲉⲧⲃⲉⲡⲧⲃⲃⲟ ⲛⲧⲉⲕⲯⲩⲭⲏ ϩⲁⲙⲏⲛ ⲁⲩⲱ ⲙⲁⲧⲑⲓⲁⲥ ⲡⲙⲁⲕⲁⲣⲓⲟⲥ ⲛⲁⲡⲟⲥⲧⲟⲗⲟⲥ · ⲡⲉⲕⲥϯⲛⲟⲩϥⲉ ⲛⲁⲙⲟⲟϣⲉ ϩⲙⲡⲕⲟⲥⲙⲟⲥ ⲧⲏⲣϥ ⲙⲛⲛⲡⲏⲩⲉ · ϫⲉⲛⲧⲕⲟⲩⲣⲙⲙⲁⲟ ⲕⲁⲧⲁⲡⲕⲟⲥⲙⲟⲥ ⲁⲕⲕⲁ ⲛⲛⲓⲙ ⲛⲥⲱⲕ ⲉⲧⲃⲉⲡⲁϣⲏⲣⲉ ⲓⲏⲥⲟⲩⲥ …ⲛ ⲙⲡⲁⲥⲡⲓⲣ ·
…
178 ⲁⲩⲱ ⲡ.. ⲙⲡⲁϩⲏⲧ · ….ⲙⲡⲁⲗⲁⲥ · ϩⲛⲟⲩⲉⲓⲣⲏⲛⲏ ϩⲁⲙⲏⲛ · ⲛⲁⲅⲅⲉⲗⲟⲥ ⲙⲛⲛⲁⲣⲭⲁⲅⲅⲉⲗⲟⲥ ·
…
179 ⲙⲛⲛⲉⲭⲉⲣⲟⲩⲃⲓⲛ ⲙⲛⲛⲉⲥⲉⲣⲁⲫⲓⲛ ⲙⲛⲛⲉⲇⲩⲛⲁⲙⲓⲥ ⲙⲛⲡϫⲟⲩⲧⲁϥⲧⲉ ⲡⲣⲉⲥⲃⲩⲧⲉⲣⲟⲥ ⲙⲁ … ⲥⲱⲧⲙ ⲉⲡⲉⲥⲙⲟⲩ ⲛⲧⲁⲡⲉⲓⲱⲧ ϫⲟⲟϥ ⲉϫⲛ….
…
180 ⲁⲩⲱ ⲁⲛⲟⲛ ϩⲱⲱⲛ ⲁⲛⲟⲩⲱϣⲃ ⲧⲏⲣⲛ … ⲁⲗⲗⲏⲗⲟⲩⲓⲁ ·
…
181 ⲧⲉⲛⲟⲩ ϭⲉ ⲛⲁⲥⲛⲏⲩ · ⲛⲁⲡⲟⲥⲧⲟⲗⲟⲥ ⲕⲱ ⲛⲁⲓ ⲉⲃⲟⲗ ⲛϯⲧⲙⲁⲓⲏⲩ ⲁⲛ ⲁⲛⲟⲕ ⲃⲁⲣⲑⲟⲗⲟⲙⲁⲓⲟⲥ ⲡⲁⲡⲟⲥⲧⲟⲗⲟⲥ ·
…
182 ⲧⲟⲧⲉ ⲛⲁⲡⲟⲥⲧⲟⲗⲟⲥ ⲧⲏⲣⲟⲩ ⲁⲩⲧⲱⲟⲩⲛ ⲁⲩⲁⲥⲡⲁⲍⲉ ⲉϫⲛⲧⲁⲡⲉ ⲛⲃⲁⲣⲑⲟⲗⲟⲙⲁⲓⲟⲥ ⲡⲉϫⲁⲩ ⲛⲁϥ · ϫⲉⲕⲁⲗⲱⲥ ⲡⲉⲛⲙⲉⲣⲓⲧ ⲛⲥⲟⲛ ⲃⲁⲣⲑⲟⲗⲟⲙⲁⲓⲟⲥ ⲙⲛⲡⲉⲑⲃⲃⲓⲟ ⲛⲧⲁⲕⲑⲃⲃⲓⲟⲕ ⲛϩⲏⲧϥ ·
…