1 ..ⲡⲁⲣⲁⲕⲁⲓⲣⲟⲥ ϩⲛⲧⲉⲓⲣⲏⲛⲏ ⲙⲡⲉⲓⲱⲧ ϩⲁⲙⲏⲛ ·
…
2 ⲛⲧⲉⲣⲟⲩⲥϯⲟⲩ ⲇⲉ ⲙⲡⲥⲱⲧⲏⲣ ⲁⲩⲕⲁⲁϥ ϩⲛⲟⲩⲧⲁⲫⲟⲥ ·
…
3 ⲁϥⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ ϩⲙⲡⲙⲉϩϣⲟⲙⲛⲧ ⲛϩⲟⲟⲩ ·
…
4 ⲁϥϥⲓ ⲛⲧⲉⲯⲩⲭⲏ ⲙⲡϩⲁⲅⲓⲟⲥ ⲁⲡⲁ ⲁⲛⲁⲛⲓⲁ ⲛⲙⲙⲁϥ ⲉϩⲣⲁⲓ ⲉⲙⲡⲏⲩⲉ ⲛⲥⲁⲧⲟⲧϥ ·
…
5 ⲁⲩⲱ ⲁϥⲟⲩⲱⲙ ⲁϥⲥⲱ ⲙⲡⲉⲛⲥⲱⲧⲏⲣ · ϩⲓϫⲛⲧⲉⲧⲣⲁⲡⲉⲍⲁ ⲛⲧⲉϥⲙⲛⲧⲣⲣⲟ ·
…
6 ⲓⲱⲥⲏⲫ ⲇⲉ ⲛⲁⲁⲣⲓⲙⲁⲑⲁⲓⲁ ⲁϥⲕⲱⲱⲥ ⲙⲡⲥⲱⲙⲁ ⲙⲡϣⲏⲣⲉ ⲙⲡⲛⲟⲩⲧⲉ ·
…
7 ⲁⲩϯ ⲉⲣⲟϥ ⲛⲟⲩⲙⲏⲏϣⲉ ⲛⲥϯⲛⲟⲩϥⲉ ⲉⲛⲁ ⲥⲉϣⲟⲩⲛⲧⲟⲩ ·
…
8 ⲁϥⲕⲱ ⲙⲙⲟϥ ϩⲛⲟⲩⲉⲙϩⲁⲁⲩ ⲛⲃⲣⲣⲉ ·
…
9 ⲁⲡⲙⲟⲩ ⲇⲉ ⲉⲓⲉϩⲣⲁⲓ ϩⲛⲁⲙⲉⲛⲧⲉ ⲉϥϫⲱ ⲙⲙⲟⲥ · ϫⲉⲉϥⲧⲱⲛ ϭⲉ ⲧⲉⲓⲯⲩⲭⲏ ⲛⲧⲁⲥⲉⲓ ⲉⲃⲟⲗ ϩⲛⲥⲱⲙⲁ ⲛⲃⲣⲣⲉ ·
…
10 ⲙⲡⲟⲩⲛⲧⲥ ⲅⲁⲣ ϣⲁⲣⲟⲓ ⲉⲁⲙⲛⲧⲉ ·
…
11 ⲉⲓⲥϩⲟⲟⲩ ⲅⲁⲣ ⲥⲛⲁⲩ ϯⲕⲱⲧⲉ ⲛⲥⲱⲥ ⲙⲡⲓϩⲉ ⲉⲣⲟⲥ · ⲟⲩ ϭⲉ ⲧⲉ ⲧⲉⲓⲛⲟϭ ⲛϣⲡⲏⲣⲉ · ⲛϯⲥⲟⲟⲩⲛ ⲁⲛ ·
…
12 ⲟⲩⲇⲉ ⲛϯⲥⲟⲟⲩⲛ ⲁⲛ ϫⲉⲟⲩ ⲡⲉ ⲡⲉⲓⲛⲟϭ ⲛϩⲃⲁ ⲙⲡϩⲟⲟⲩ · ⲉⲣⲉⲡⲕⲟⲥⲙⲟⲥ ⲧⲏⲣϥ ϣⲧⲣⲧⲱⲣ ϩⲛⲟⲩϩⲃⲁ ⲙⲛⲛⲉⲧ ⲛϩⲏⲧϥ ⲧⲏⲣⲟⲩ ·
…
13 ⲁⲩⲱ ⲙⲡⲁⲧⲓⲉⲓⲙⲉ ⲉⲡⲁⲓ ·
…
14 ⲁϥⲙⲟⲩⲧⲉ ⲉⲡⲉϥϩⲩⲡⲏⲣⲉⲧⲏⲥ ⲡⲉϫⲁϥ ⲛⲁϥ · ϫⲉ ⲙⲁⲣⲛⲟⲩⲟⲓ ϩⲙⲙⲁ ⲛⲓⲙ · ⲛⲧⲛⲛⲁⲩ ϫⲉⲧⲛϩⲉ ⲉⲧⲉⲓⲕⲁⲓⲥⲉ ⲙⲃⲣⲣⲉ · ⲙⲛⲧⲉⲓⲯⲩⲭⲏ ⲛⲃⲣⲣⲉⲛⲧ ⲁⲥϩⲟⲡⲥ ⲉⲣⲟⲥ ·
…
15 ⲁⲩⲱ ⲙⲡⲓⲉⲓⲙⲉ ϫⲉⲛⲧⲁⲥⲃⲱⲕ ⲉⲧⲱⲛ ·
…
16 ⲡⲙⲟⲩ ⲇⲉ ⲁϥⲉⲓ ⲉϩⲣⲁⲓ ⲉⲡⲧⲁⲫⲟⲥ ⲙⲡⲥⲱⲧⲏⲣ ·
…
17 ⲁϥϩⲉ ⲉⲣⲟϥ ⲉϥⲗⲁⲙⲡⲉⲩⲉ ϩⲙⲡⲟⲩⲟⲉⲓⲛ ⲙⲡⲱⲛϩ ·
…
18 ⲁϥⲡⲱⲧ ⲇⲉ ⲉⲡⲁϩⲟⲩ ⲙⲡⲧⲁⲫⲟⲥ ⲁϥϩⲙⲟⲥ ⲙⲙⲁⲩ ⲙⲛⲛⲉϥϩⲩⲡⲏⲣⲉⲧⲏⲥ ·
…
19 ⲁⲃⲃⲁⲧⲱⲛ ⲇⲉ ⲉⲧⲉⲛ….. ⲡⲙⲟⲩ ⲙⲛⲅⲁⲓⲟⲥ · ⲙⲛⲧⲣⲩⲫⲱⲛ ⲙⲛⲱⲫⲓⲁⲑ · ⲙⲛⲫⲑⲓⲛⲱⲛ · ⲙⲛⲥⲟⲧⲟⲙⲓⲥ · ⲙⲛⲕⲟⲙⲫⲓⲟⲛ · ⲉⲧⲉⲛⲁⲓ ⲛⲉ ⲡⲥⲟⲟⲩ ⲛϣⲏⲣⲉ ⲙⲡⲙⲟⲩ ·
…
20 ⲉⲛⲉⲩⲟⲗⲕ ⲡⲉ ϩⲓⲡⲟⲩϩⲟⲩⲟ ⲙⲡⲉⲙϩⲁⲁⲩ ⲙⲡϣⲏⲣⲉ ⲙⲡⲛⲟⲩⲧⲉ ·
…
21 ⲙⲡⲉⲥⲙⲟⲧ ⲛϩⲉⲛⲕⲟⲗⲗⲏⲕⲏⲛⲉⲟⲗⲕ ⲙⲛⲡⲉⲩⲛⲟϭ ⲛⲗⲏⲥⲧⲏⲥ ⲛⲁⲙⲉ ·
…
22 ⲛⲉⲓⲥⲟⲛⲉ ⲙⲛⲛⲉⲓⲕⲁⲕⲟⲩⲣⲅⲟⲥ · ⲉⲛⲉⲩϭⲱϣⲧ ⲉⲃⲟⲗ ⲡⲉ ⲉⲧⲃⲉⲡⲛⲁⲩ ⲉⲧⲉⲣⲉⲡⲥⲱⲧⲏⲣ ⲛⲁⲃⲱⲕ ⲉⲡⲉⲥⲏⲧ ⲉⲁⲙⲉⲛⲧⲉ ·
…
23 ϫⲉⲕⲁⲥ ⲉⲩⲛⲁⲃⲱⲕ ⲛⲙⲙⲁϥ · ⲛⲥⲉⲉⲓⲙⲉ ϫⲉⲟⲩ ⲡⲉⲧϥⲛⲁⲁϥ ·
…
24 ⲡⲥⲱⲧⲏⲣ ⲁϥⲟⲩⲟⲛϩϥ ⲉⲣⲟⲟⲩ ⲙⲡⲉⲥⲙⲟⲧ ⲛⲟⲩⲕⲁⲓⲥⲉ ϩⲓⲡⲁϩⲟⲩ ⲙⲡⲉⲙϩⲁⲁⲩ ·
…
25 ⲉϥⲛⲏϫ ⲉϫⲙⲡⲕⲁϩ ϩⲛⲧⲉⲩⲙⲏⲏⲧⲉ · ⲉⲡⲉϥⲙⲉϩϩⲟⲟⲩ ⲥⲛⲁⲩ · ⲉϥϩⲙⲡϩⲏⲧ ⲙⲡⲕⲁϩ · ⲉⲣⲉⲟⲩⲥⲟⲩⲇⲁⲣⲓⲟⲛ ϭⲟⲟⲗⲉ ⲉⲡⲉϥϩⲟ · ⲉⲣⲉⲕⲉⲟⲩⲁ ϭⲟⲟⲗⲉ ⲉⲧⲉϥⲁⲡⲉ ·
…
26 ϭⲱϣⲧ ⲣⲱ ⲱ ⲡⲁϣⲏⲣⲉ ⲉⲡⲉⲧⲉϣⲁϥϭⲱϣⲧ ⲛⲛⲉϥⲃⲁⲗ · ⲛⲧⲉⲡⲣⲏ ⲁϩⲉⲣⲁⲧϥ ·
…
27 ⲁⲩⲱ ⲛⲉϥϣⲁⲉϩⲣⲁⲓⲉϫⲙⲡⲕⲁϩ · ϫⲉⲁϥϩⲱⲃⲥ ⲙⲡⲉϥϩⲟ ϩⲛⲟⲩⲥⲟⲩⲇⲁⲣⲓⲟⲛ ·
…
28 ⲡⲙⲟⲩ ⲇⲉ ⲡⲉϫⲁϥ ⲙⲡⲉϥϣⲏⲣⲉ ⲉⲧⲉⲡⲗⲟⲓⲙⲟⲥ ⲡⲉ · ϫⲉⲁⲣⲁⲁⲩ ⲛⲧⲉⲓⲯⲩⲭⲏ ⲛⲁⲕ ⲉⲁⲙⲛⲧⲉ ⲛⲧⲁⲥⲙⲟⲩ ⲛⲃⲣⲣⲉ ·
…
29 ⲁⲣⲁ ⲁⲩϩⲩⲡⲟⲙⲛⲏⲥⲕⲉ ⲙⲙⲟⲥ ⲛⲧⲟⲟⲧⲕ · ⲁⲣⲁ ⲁⲕϫⲓ ⲏⲡⲉ ⲙⲙⲟⲥϩⲁⲡⲁⲣⲓⲑⲙⲟⲥ ⲉⲧⲟϣ ·
…
30 ⲙⲁⲧⲁⲙⲟⲓ ϫⲉϯϣⲧⲣⲧⲱⲣ ϩⲛⲟⲩϩⲃⲁ ·
…
31 ⲙⲡⲓⲉⲓⲙⲉ ϫⲉⲛⲧⲁⲟⲩϣⲱⲡⲉ ⲙⲡϩⲟⲟⲩ ·
…
32 ⲁⲡⲙⲁ ⲣϩⲃⲁ ⲛⲧⲟⲟⲧ ·
…
33 ⲁⲡⲁⲏⲣ ϣⲓⲃⲉ · ⲡⲉⲥⲧⲉⲣⲱⲙⲁ ϣⲧⲟⲣⲧⲣ · ⲁⲛ ⲟⲩⲛⲟⲟⲩⲉ ⲥⲃⲟⲕⲛⲉⲩϣⲟⲟⲩⲉ ϣⲓⲃⲉ ·
…
34 ⲁⲡⲉϩⲟⲟⲩ ⲁⲓⲁⲓ…………………………………..ⲣⲱⲓ ⲙⲡⲣⲟ …………..ⲁⲧⲥⲁⲧⲉ ⲱϣⲙ…….ⲭⲟ….ϣⲓⲡⲉ ·
…
35 ⲁⲧⲅⲉϩⲉⲛⲛⲁ ϩⲣⲏ…ⲥⲧⲏⲥ ⲁ..ⲛⲉⲓ ·
…
36 ⲁⲛϩⲩⲡⲏⲣⲉⲧⲏⲥ ⲱϫⲛ · …ϫⲓϣⲓⲡⲉ · ⲁⲛⲁⲡⲣⲟⲇⲣⲟⲙⲟⲥ ⲱϫⲛ · ..ⲁⲛⲁⲅⲅⲉⲗⲟⲥ ϫⲱⲱⲣⲉ ⲉⲃⲟⲗ ·
…
37 ⲁⲛϣⲙ………ⲟⲓϭⲉ ϫⲉⲛⲧⲕⲛⲓⲙ ⲱ ……..ϩⲉ ⲉϭⲟⲙ ⲉⲣⲟⲕ ⲛⲧⲕⲟⲩ…….ⲧⲕ ϫⲉⲁⲕϣⲧⲣⲧⲱⲣⲧ ⲉⲙⲁⲧⲉ ………ⲃⲟⲗ · ⲁⲛⲟⲕ ⲉⲧⲃⲱⲗ ⲉⲃⲟⲗ ⲛⲟⲩⲟⲛ ⲛⲓⲙ ·
…
38 ⲉⲓⲥϩⲏⲏⲧⲉ ⲧⲉⲛⲟⲩ ⲙⲡⲓⲉⲓⲙⲉϫⲉⲛⲧⲕⲟⲩ ⲟⲩ ⲛⲧⲉⲓϩⲉ ·
…
39 ⲓⲏⲥⲟⲩⲥ ⲇⲉ ⲁϥϭⲱⲗⲡ ⲉⲃⲟⲗ ⲙⲡⲥⲟⲩⲇⲁⲣⲓⲟⲛ ⲉⲧϩⲓⲣⲙⲡⲉϥϩⲟ ·
…
40 ⲁϥϭⲱϣⲧ ⲛⲥⲁⲡⲙⲟⲩ ·
…
41 ⲁϥⲥⲱⲃⲉ ⲛⲥⲱϥ ·
…
42 ⲡⲙⲟⲩ ⲇⲉ ⲁϥϭⲱϣⲧ ⲛⲥⲁⲡⲥⲱⲧⲏⲣ ⲉϥⲥⲱⲃⲉ ·
…
43 ⲁϥϣⲧⲉⲣⲧⲣ ·
…
44 ⲁϥⲡⲱⲧ ⲛⲥⲁⲡⲁϩⲟⲩⲟ ⲁϥϩⲉ ⲉϩⲣⲁⲓ ⲉϫⲙⲡⲕⲁϩ ⲙⲛⲡⲉϥⲕⲉⲥⲟⲟⲩ ⲛϣⲏⲣⲉ ·
…
45 ⲡⲁⲗⲓⲛ ⲟⲛ ⲡⲙⲟⲩ ⲁϥⲧⲱⲟⲩⲛ ⲁϥⲙⲟⲟϣⲉ ⲉϩⲟⲩⲛ ⲉⲧⲕⲁⲓⲥⲉ ⲛⲓⲏⲥⲟⲩⲥ ⲉϥⲣϩⲟⲧⲉ ⲁⲩⲱ ⲉϥⲟ ⲛϩⲃⲁ ·
…
46 ⲛⲉϥⲕⲟⲩⲓ ⲇⲉ ⲉϥⲡⲏⲧ ⲛⲥⲁⲡⲁϩⲟⲩⲟ · ⲓⲏⲥⲟⲩⲥ : ⲟⲛ ⲁϥϭⲱϣⲧ ⲛⲥⲁⲡⲙⲟⲩ ⲁϥⲥⲱⲃⲉ ·
…
47 ⲡⲁⲗⲓⲛ ⲟⲛ ⲡⲉϫⲉⲡⲙⲟⲩ ⲛⲁϥ ϫⲉⲛⲧⲕⲛⲓⲙ ⲙⲁⲧⲁⲙⲟⲓ ·
…
48 ⲁⲣⲏⲩ ⲛⲧⲕ..ⲡϣⲣⲡ ⲙⲓⲥⲉ ⲙⲡⲉⲓⲱⲧ ⲡⲉϩⲓⲉⲓⲃ ⲉⲧⲟⲩⲁⲁⲃ ·
…
49 ⲙⲙⲟⲛ ⲛⲧⲟⲕ ⲁⲛ ⲡⲉ · ⲉⲛ……ⲡⲉ ϯⲛⲁⲉⲓⲙⲉ ⲉⲣⲟⲕ · ⲛⲥⲉⲛⲁⲕⲁ……ⲧⲉⲓ ϩⲉ ·
…
50 ϯⲥⲟⲟⲩⲛ ⲅⲁⲣ ⲙⲡⲉ…. ·
…
51 ⲇⲉ : ⲉϥⲱ…… ..ⲁⲏ ⲡⲉⲩ…………….. ..ⲱϣⲧ ⲉⲃⲟⲗ ϩⲏⲧ…………ⲩⲣⲙⲉ ⲥⲉⲱϣ ⲉⲃⲟⲗ ……ⲉ…… ϫⲉⲡⲛⲟⲩⲧⲉ ⲛⲁⲅⲁⲑⲟⲥ ⲛⲁϩⲏⲧ ⲛϣ…. ϩⲧⲏⲕ ϩⲁⲣⲟⲛ ϫⲉⲟⲧⲡ ⲉϩⲟⲩⲛ ⲉⲡⲉϣⲧⲉⲕⲟ ⲛⲅⲧⲛⲛⲟⲟⲩ ⲛⲁⲛ ⲙⲡⲉⲕϣⲏⲣⲉ ⲙⲙⲉⲣⲓⲧ ⲛϣⲁⲛϩⲧⲏϥ ϩⲁⲣⲟⲛ · ⲛϥⲛⲁ ⲛⲁⲛ ·
…
52 …ⲡⲛⲟⲩⲧⲉ.. ⲛⲅϫⲓⲧⲛ ⲉϩⲟⲩⲛ ⲉⲧⲉⲕⲙⲛⲧⲉⲣⲟ…..ⲙⲁⲧⲁ ⲙⲙⲟⲓ ϫⲉⲛⲧⲉⲕⲛⲓⲙ ·
…
53 ⲧⲁϩⲩⲡ……… ⲅⲁⲣ ⲁⲛ ⲧⲁϣⲓⲡⲉ ϩⲓⲧⲥ ·
…
54 ⲛⲧⲉⲕ…….. ⲇⲩⲛⲁⲧⲟⲥ ⲁⲛ ⲧⲁⲣⲓϩⲟⲧⲉϩⲏⲧⲕ ….. ·
…
55 ⲁⲩⲱ ⲛⲧⲕⲟⲩϩⲗⲗⲟ ⲁⲛ ⲧⲁⲓϣⲓⲡⲉ ϩⲏⲧⲕ..ⲕⲥⲕⲓⲙ ⲉⲧⲧⲁⲓⲏⲩ ·
…
56 ⲟⲩⲇⲉ ⲛⲧⲉⲕⲟⲩϣⲏⲣⲉ ϣⲏⲙ ⲁⲛ ⲧⲁϣⲓⲡⲉ ϩⲏⲧϥ ⲛⲧⲉⲕⲙⲛⲧⲃⲣⲣⲉ ·
…
57 ⲟⲩⲇⲉ ⲛⲧⲉⲕⲟⲩϣⲁⲣⲁϩⲉ ⲁⲛ ⲧⲁϣⲓⲡⲉ ϩⲏⲧⲥ · ⲛⲧⲉⲕⲙⲛⲧⲕⲟⲩⲓ ·
…
58 ⲟⲩⲇⲉ ⲛⲧⲉⲕⲟⲩⲛⲩⲙⲫⲓⲟⲥ ⲁⲛ ⲧⲁⲣⲓϩⲟⲧⲉ ϩⲏⲧⲥ · ⲛⲧⲉⲕⲙⲛⲧⲛⲩⲙⲫⲓⲟⲥ ·
…
59 ⲛⲁⲓ ⲇⲉ ϯⲟ ⲛϫⲟⲉⲓⲥ ⲉⲣⲟⲟⲩ ⲛⲁⲓ ⲇⲉ ⲉϥϫⲱ ⲙⲙⲟⲟⲩ ·
…
60 ⲛϭⲓⲡⲙⲟⲩ ⲉϩⲟⲩⲛ ⲉⲧⲕⲁⲓⲥⲉ ⲙⲡϣⲏⲣⲉ ⲙⲡⲛⲟⲩⲧⲉ ·
…
61 ⲙⲡⲉϥⲉⲓⲙⲉ ⲣⲱ ϫⲉⲡⲛⲟϭ ⲛⲣⲣⲟ ⲡⲉ ⲡⲉⲛⲥⲱⲧⲏⲣ ·
…
62 ⲛϩⲟⲩⲟ ⲉⲛⲉⲣⲣⲟⲩ ⲧⲏⲣⲟⲩ · ⲙⲡⲕⲁϩ ·
…
63 ⲁϥⲉⲓ ⲛⲁⲛ ⲉⲃⲟⲗ ϩⲛⲧⲡⲉ ⲁϥϯⲡⲱⲛϩ ⲛⲁⲛ ⲛⲕⲉⲥⲟⲡ ·
…
64 ⲁϥϫⲟⲟⲥ ⲅⲁⲣ ϫⲉⲛⲧⲕⲟⲩⲇⲩⲛⲁⲧⲟⲥ ⲁⲛ ·
…
65 ⲙⲡⲉϥⲉⲓⲙⲉ ..ϣϫ.. ⲛⲧⲟⲥ ⲛⲉ ⲡⲇⲩⲛⲁⲧⲟⲥ ⲉⲧⲧⲁϫⲣⲏⲩ ⲛϩ…ⲛ ⲁⲗⲗⲁ ⲁϥⲉⲓ ⲉⲩⲙⲛⲧⲕⲟⲩⲓ ⲉⲧⲃⲉⲡⲉⲛⲟⲩϫⲁⲓ ⲛⲧⲟϥ ⲇⲉ ⲛⲟⲩϣⲏⲣⲉ ϣⲏⲙ ⲁⲛ ⲡⲉ · ⲁⲗⲗⲁ……ⲁ ⲙⲛⲧⲙⲛⲧⲣⲱⲙⲉ ·
…
66 ⲉⲧⲃⲉⲡⲕ…………….. ⲁϥⲣⲙⲁⲁⲃ ⲛⲣⲟⲙⲡⲉ ……….ⲕⲟⲥⲙⲟⲥ ϣⲁⲛⲧⲉϥϫⲓⲃⲁⲡⲧⲓⲥⲙⲁ ……ⲁ ·
…
67 ⲛⲉϥϯ ⲛⲁⲛ ⲙⲡⲉϥ……….. ⲥⲛⲟϥ ⲉⲧⲧⲁⲉⲓⲏⲩ ·
…
68 ⲡⲁ………. ⲛⲓⲏⲥⲟⲩⲥ · ϫⲉⲛⲧⲕⲛⲓⲙ ⲉⲧⲥⲱⲃⲉ …………. ϯϣⲓⲛⲉ ϯϣⲁϫⲉ ⲉⲣⲱ…………ⲟⲓ ⲛⲥϫⲓ ⲉⲣⲟⲕ ⲁⲛ · ϫⲉ……….ⲥⲟⲟⲩ ⲛϣⲏⲣⲉ ·
…
69 ⲙⲁⲧⲁⲙⲟⲓ …………ⲗⲟ ⲉⲛⲟ ⲛϩⲃⲁ ·
…
70 ⲁϩⲣⲟⲕ ⲛⲧⲉⲓϩⲉⲉⲕ …ⲱ ⲕⲟⲩⲱϣⲃ ⲛⲁⲓ ·
…
71 ⲉⲓⲥϩⲟⲟⲩ ⲅⲁⲣ ⲥⲛⲁⲩ ϫⲓⲛⲛⲧⲉⲕⲟⲩⲥⲩⲙⲛⲁⲥⲓⲁ ..ⲧⲁϩⲟⲓ ϫⲉⲣⲟⲉⲓⲥ ⲉⲣⲟⲕ ⲙⲡⲣⲕⲁⲁⲩ ⲉⲥⲩⲗⲁ ⲙⲙⲟⲕ ·
…
72 ϯⲉⲓⲣⲉ ⲅⲁⲣ ⲙⲡⲙⲉⲉⲩⲉ ⲛⲧⲉⲓⲥⲙⲏ ·
…
73 ⲁⲗⲗⲁ ⲉⲓⲥϩⲏⲏⲧⲉ ⲉⲕⲁϩⲧⲏⲓ ⲉⲕⲥⲱⲃⲉ ⲟⲛ ⲛⲥⲱⲓ · ⲛϯⲛⲁⲥⲛⲧⲕ ⲅⲁ ⲣⲁⲛ ⲉⲃⲟⲗ ·
…
74 ⲁⲗⲗⲁ ϯⲛⲁϭⲱ ϩⲁϩⲧⲏⲕ ϣⲁⲛⲧⲕⲟⲩⲟⲛϩⲕ ⲉⲃⲟⲗ ϫⲉⲛⲧⲉⲕⲛⲛⲓⲙ ·
…
75 ϩⲁⲡⲗⲱⲥ ⲇⲉ ⲁⲛⲅⲟⲩϫⲱⲱⲣⲉ ϩⲛⲧⲁϭⲟⲙ · ⲛⲅⲛⲁϣⲣϩⲁⲗ ⲙⲙⲟⲓ ⲁⲛ ·
…
76 ⲛⲁⲓ ⲇⲉ ⲉϥϫⲱ ⲙⲙⲟⲟⲩ ⲛϭⲓⲁⲃⲃⲁⲧⲱⲛ ⲡⲁⲅⲅⲉⲗⲟⲥ ⲉⲧⲉⲡⲙⲟⲩ ⲡⲉ ⲉϩⲟⲩⲛ ⲉⲧⲕⲁⲓⲥⲉ ⲙⲡϣⲏⲣⲉ ⲙⲡⲛⲟⲩⲧⲉ ·
…
77 ⲁⲡⲥⲱⲧⲏⲣ ⲡⲉⲧⲟⲛϩ ⲓⲁⲱ ⲁϥⲧⲁⲗⲉ ⲉϫⲙⲡⲛⲟϭ ⲛϩⲁⲣⲙⲁ ⲛⲛⲉⲭⲉ ⲣⲟⲩⲃⲉⲓⲛ ⲛⲕⲱϩⲧ ⲧⲏⲣϥ ⲉϥⲗⲁⲙⲡⲉⲩⲉ …ⲛ ⲙⲡⲱⲛϩ ·
…
78 ⲉⲣⲉⲟⲩⲛⲟϭ ⲙⲙⲏⲏϣⲉ ⲛⲁⲅⲅⲉⲗⲟⲥ ϩⲓⲁⲣⲭⲁⲅⲅⲉⲗⲟⲥ ϩⲓⲣⲙⲡⲣⲟ ⲙⲡⲧⲁⲫⲟⲥ ⲙⲛⲭⲉⲣⲟⲩⲃⲉⲓⲛ ⲙⲛⲥⲉⲣⲁⲫⲓⲛ · ⲙⲛϫⲟⲩⲧ ⲁϥⲧⲉ ⲙⲡⲣⲉⲥⲃⲩⲧⲉⲣⲟⲥ · ⲛⲇⲩⲛⲁⲙⲓⲥ … ⲙⲛϩⲉⲛⲙⲏⲏϣⲉ……….ⲙⲟϥ ·
…
79 ⲁⲩⲱ ⲁϥ……………. ⲁϥⲟⲩⲱϣϥ ⲛⲛⲉⲩ…………… ⲛϩⲟⲙⲛⲧ ·
…
80 ⲁⲛⲉⲩ…………… ⲛⲥ ⲧⲁⲕⲟ ·
…
81 ⲁϥϥⲓ ⲛ…………..ⲁ ⲙⲉⲛⲧⲉ ⲉϥⲟ ⲛⲉⲣⲏⲙⲟⲥ ……….. ⲁϥⲥⲱⲛϩ ⲙⲡⲁⲧϣⲓⲡⲉ ………. ⲙⲡⲥⲁⲧⲁⲛⲁⲥ ·
…
82 ⲁϥⲥⲱⲛϩ………. ⲧⲁ ⲙⲙⲉⲗⲭⲓⲣ ·
…
83 ⲁϥⲧⲁϫ……ⲙⲡⲉⲛⲓⲡⲉ ·
…
84 ⲁⲓⲥ ⲃⲱⲕ ⲉⲡⲉⲥⲏⲧ………. ⲁϥϫⲟⲟⲣϥ ⲉⲃⲟⲗ ⲁϥⲥⲱⲛϩ ⲙⲡⲇⲓⲁⲃⲟⲗⲟⲥ ·
…
85 ⲁⲩⲱ ⲁϥⲥⲱⲧⲉ ⲛⲁⲇⲁⲙ ⲙⲛⲛⲉϥϣⲏⲣⲉ ⲧⲏⲣⲟⲩ ϥⲛⲟⲩϩⲙ ⲙⲡⲣⲱⲙⲉ ·
…
86 ⲁϥϣⲉⲛϩⲧⲏϥ ϩⲁⲧⲉϥϩⲓⲕⲱⲛ ·
…
87 ⲁϥⲉⲗⲉⲩⲑⲉⲣⲟⲩ ⲙⲡⲥⲱⲛⲧ ⲧⲏⲣϥ ⲙⲛⲡⲕⲟⲥⲙⲟⲥ ⲧⲏⲣϥ ·
…
88 ⲁϥⲣⲡⲁϩⲣⲉ ⲉⲡⲉϥϣⲏⲣⲉ ⲡⲁⲓ ⲛⲧⲁⲡϫⲁϫⲉ ⲡⲗⲏⲅⲉ ⲙⲙⲟϥ ·
…
89 ⲁϥⲕⲧⲟ ⲙⲡⲉⲥⲟⲟⲩ ⲛⲧⲁϥⲥⲱⲣⲙ ⲉⲡⲉϥⲟϩⲉ ⲛⲕⲉⲥⲟⲡ ⲛϭⲓⲡϣⲱⲥ ⲉⲧⲟⲩⲁⲁⲃ ⲉⲧⲛϩⲟⲧ ·
…
90 ⲁⲩⲱ ⲁϥⲕⲧⲟ ⲛⲁⲇⲁⲙ ⲉⲧⲉϥⲁⲣⲭⲏ ⲛⲕⲉⲥⲟⲡ ·
…
91 ⲁϥⲕⲁ ⲛⲉⲩⲛⲟⲃⲉ ⲛⲁⲩ ⲉⲃⲟⲗ ϩⲛⲟⲩⲉⲓⲣⲏⲛⲏ ϩⲁⲙⲏⲛ .
…
92 ⲧⲟⲧⲉ ⲁⲡⲥⲱⲧⲏⲣ ⲕⲟⲧϥ ⲉⲡⲣⲱⲙⲉ ⲛⲧⲁϥⲡⲁⲣⲁⲇⲓⲇⲟⲩ ⲙⲙⲟϥ · ⲉⲧⲉⲓⲟⲩⲇⲁⲥ ⲡⲉ ⲡⲓⲥⲕⲁⲣⲓⲱⲧⲏⲥ ⲡⲉϫⲁϥ ⲛⲁϥ ·
…
93 ϫⲱⲓⲟⲩⲇⲁⲥ ⲛⲧⲁⲕϯϩⲏⲩ ⲛⲟⲩ ϫⲉⲁⲕⲡⲁⲣⲁⲇⲓⲇⲟⲩ ⲙⲙⲟⲓ ……..ⲓⲟⲩⲇⲁⲓ ⲛⲟⲩⲟⲩϩⲟⲣ ·
…
94 ⲡⲗⲏⲛ ⲁⲛⲟⲕ ⲁⲓϣⲉⲡϩⲓⲥⲉ ⲛⲓⲙ ϣⲁⲛⲧⲓϫⲱⲕ ⲉⲃⲟⲗ…. ⲙⲡⲁⲉⲓⲱⲧ · ⲛⲧⲁⲥⲱⲧⲉ ⲛⲧⲁϩⲓ……ⲡⲁⲡⲗⲁⲥⲙⲁ ⲛⲧⲁⲓⲧⲁⲙⲓⲟϥ · ⲛⲧⲟⲕ ϩⲱⲱⲕ ⲟⲩⲟⲓ ⲛⲁⲕ ϩⲉⲛⲟⲩⲟⲓ ⲉϥⲕⲏⲃ ·
…
95 …………….ϥ..ⲥ………………..ⲉ ⲃⲟⲗ ϩⲙⲡϫⲱⲱⲙⲉ ⲙⲡⲱⲛϩ ·
…
96 … ⲁⲩϥⲉⲧⲡⲉϥⲣⲁⲛ ⲉⲃⲟⲗ … ⲛⲛⲉⲧⲟⲩⲁⲁⲃ ·
…
97 ⲁⲩϥⲓ ⲙⲡⲉϥⲕⲗⲏⲣⲟⲛⲟⲙⲓⲁ ⲛⲛⲉⲧⲟⲛϩ ·
…
98 ⲁⲩⲟⲩⲱϭⲡ ⲛⲧⲉϥⲡⲓⲛⲁⲕⲓⲥ ·
…
99 ⲁⲩⲡⲱϩⲧ ⲙⲡⲛⲉϩ ⲙⲡⲉϥⲁⲅⲅⲓⲟⲛ ……ⲁⲩⲡⲱϩ ⲛⲧⲉϥⲥⲧⲟⲗⲏ ·
…
100 ⲁⲡⲥⲁⲧⲁⲛⲁⲥ ϫⲓϩⲁⲡ ⲛⲙⲙⲁϥ ·
…
101 ⲁϥⲉⲓ ⲉⲃⲟⲗ ⲉϥⲧϭⲁⲓⲏⲩ ·
…
102 ⲁⲩϥⲓ ⲛⲧⲟⲟⲧϥ ⲛⲧⲉϥⲙⲛⲧⲉⲡⲓⲥⲕⲟⲡⲟⲥ ·
…
103 ⲁⲩⲧⲱⲣⲡ ⲙⲡⲉϥⲕⲗⲟⲙ ·
…
104 ⲁϩⲉⲛϣⲙⲙⲟ ⲧⲱⲣⲡ ⲛⲛⲉϥϩⲓⲥⲉ ϩⲛⲟⲩϭⲉⲡⲏ ·
…
105 ⲁⲩϭⲟⲟⲗϥ ⲙⲡⲥⲁϩⲟⲩ ⲛⲧϩⲉ ⲛⲟⲩϩⲟⲓⲧⲉ ·
…
106 ⲁϥⲥⲟⲕϥ ⲛⲧϩⲉ ⲛⲟⲩⲙⲟⲟⲩ ·
…
107 ⲁⲩⲧⲱⲣⲡ ⲛⲧⲉⲥⲧⲟⲗⲏ ⲙⲡⲉϥϣⲟⲩϣⲟⲩ ·
…
108 ⲁⲩϫⲉⲛⲁ ⲙⲡⲟⲩⲟⲉⲓⲛ ⲙⲡⲉϥϩⲏⲃⲥ ·
…
109 ⲁⲩⲕⲱ ⲉⲃⲟⲗ ⲙⲡⲉϥⲏⲓ ⲛϫⲁⲓⲉ ·
…
110 ⲁⲛⲉϥϩⲟⲟⲩ ⲥⲃⲟⲕ ·
…
111 ⲁⲡⲉϥⲁϩⲉⲟⲩⲱ ⲛⲁⲧⲙⲟⲛⲉⲥ ·
…
112 ⲁⲡϩⲓⲥⲉ ⲉⲓ ⲛⲁϥ ·
…
113 ⲁⲡⲟⲩⲟⲉⲓⲛ ⲃⲱⲕ ⲁϥⲕⲁⲁϥ ·
…
114 ⲁⲡⲕⲁⲕⲉ ⲉⲓ ⲛⲁϥ ·
…
115 ⲁϥⲛⲧⲕⲗⲏⲣⲟⲛⲟⲙⲉⲓ ⲙⲙⲟϥ ·
…
116 ⲁϥϩⲁⲡⲥϥ ⲛⲟⲩϫⲟⲗⲉⲥ ·
…
117 ⲁⲛⲁⲅⲅⲉⲗⲟⲥ ⲉⲧⲟⲩⲏϩ ⲛⲥⲁⲡϫⲟⲉⲓⲥ ϩⲃⲟⲣⲃⲣ ⲙⲙⲟϥ ·
…
118 ⲁⲩⲥⲱⲗⲡ ⲁⲡⲉϥⲗⲁⲥ ·
…
119 ⲁⲩⲡⲱⲣⲕ ⲙⲡⲟⲩⲟⲉⲓⲛ ⲛⲛⲉϥⲃⲁⲗ ·
…
120 ⲁⲩⲱⲗⲕ ⲙⲡϥⲱ ⲛⲧⲉϥⲁⲡⲉ ·
…
121 ⲁⲩⲙ…ⲧⲁⲡⲣⲟ ·
…
122 ⲡⲙⲁⲁⲃ ⲛⲇⲣⲁⲕⲱⲛ …ⲱⲙ ⲛⲥⲱϥ · ⲉⲧⲉⲛⲁⲓ ⲛⲉ ⲛⲉⲩⲣⲁⲛ .
…
123 ⲡⲙⲉϩϣⲟⲣⲡ ⲡⲉ ⲡⲟⲩⲉ ⲉⲃⲟⲗ ⲙⲡ… ⲡⲙⲉϩⲥⲛⲁⲩ ⲡⲕⲱϩ ⲉⲧϩⲟⲟⲩ · ⲡⲙⲉϩϣⲟⲙⲛⲧ…….. ·
…
124 ⲡⲙⲉϩϥⲧⲟⲩ ….ⲧⲙⲉϩϯⲟⲩ ⲡⲉⲫⲑⲟⲛⲟⲥ · ⲡⲙⲉϩⲥⲟⲟⲩ ⲡⲉⲙⲛⲧⲁⲧⲛⲁ ·
…
125 ⲧⲙⲉϩⲥⲁϣϥ ⲧⲉ ⲧⲙⲛⲧϫⲁⲥⲓϩⲏⲧ ⲡⲙⲉϩϣⲙⲟⲩⲛ ⲡⲉ ⲡϯⲧⲱⲛ · ⲡⲙⲉϩⲯⲓⲥⲡⲉ ⲕⲁⲥⲕⲥ ·
…
126 ⲡⲙⲉϩⲙⲏⲧⲉ ⲡⲉ ⲡ…… ⲡⲙⲉϩⲙⲛⲧⲟⲩⲉ ⲕⲁⲧⲁⲗⲁⲗⲓⲁ · ⲡⲙⲉϩⲙⲛⲧⲥⲛⲟⲟⲩⲥ ⲡⲉ ⲡϩⲩⲡⲟⲕⲣⲓⲥⲓⲥ ·
…
127 ⲡⲙⲉϩ ⲙⲛⲧⲟⲙⲧⲉⲧⲉ……… ⲡⲙⲉϩ ⲙⲛⲧⲁϥⲧⲉ ⲡⲉ….. ⲡⲙⲉϩⲙⲛϯⲉ ⲡⲉ ⲧⲙⲛⲧⲁⲧⲥⲉⲓ ·
…
128 ⲡⲙⲉϩⲙⲛⲧⲧⲁⲥⲉ ⲡⲉ ⲡⲥⲁϩⲟⲩ · ⲡⲙⲉϩⲙⲛⲧⲥⲁϣϥⲉ ⲡⲉ ⲧⲟⲣⲅⲏ ·
…
129 ⲡⲙⲉϩⲙⲛⲧϣⲙⲏⲛ ⲡⲉ ⲧⲉⲡⲓⲃⲟⲩⲗⲏ ·
…
130 ⲡⲙⲉϩⲙⲛⲧⲯⲓⲥ ⲡⲥⲱⲣⲙ ·
…
131 ⲡⲙⲉϩϫⲟⲩⲱⲧ ⲡⲉ ⲡⲗⲁⲥ ⲛⲛⲟⲩϫ ·
…
132 ⲡⲙⲉϩϫⲟⲩⲧⲟⲩⲁⲡⲉⲧⲟⲗⲙⲏⲣⲟⲥ ·
…
133 ⲡⲙⲉϩϫⲟⲩⲧⲥⲛⲟⲟⲩ ⲡⲉ ⲧⲥⲱϣ ·
…
134 ⲡⲙⲉϩϫⲟⲩⲧϣⲟⲙⲧⲉ ⲡⲉ ⲡⲛⲟⲩϫ ·
…
135 ⲡⲙⲉϩϫⲟⲩⲧⲁϥⲧⲉ ⲡⲉ ϭⲟⲣϭⲥ ·
…
136 ⲡⲙⲉϩϫⲟⲩⲧⲏ ⲡⲉ ⲧⲙⲛⲧⲁⲧϩⲏⲧ · ⲡⲙⲉϩϫⲟⲩⲧⲁⲥⲉ ⲧⲁⲙⲉⲗⲉⲓⲁ ·
…
137 ⲡⲙⲉϩϫⲟⲩⲧⲥⲁϣϥⲉ ⲡⲉ ⲧⲙⲛⲧⲛⲁϣⲧ ⲙⲙⲉ · ⲡⲙⲉϩϫⲟⲩⲧϣⲙⲏⲛ ⲡⲉ ⲕⲣⲟϥ ·
…
138 ⲡⲙⲉϩϫⲟⲩⲧⲯⲓⲥ ⲡⲉ ⲧⲙⲛⲧⲙⲁⲓⲧⲟ ⲛϩⲟⲩⲟ ·
…
139 ⲡⲙⲉϩⲙⲁⲁⲃ ⲡⲉ ⲧⲙⲛⲧⲁⲧⲛⲟⲩⲧⲉ ⲛⲁⲓ ⲛⲉ ⲡⲙⲁⲁⲃ ⲛⲇⲣⲁⲕⲱⲛ ·
…
140 ⲛⲧ…..ⲟⲩⲱⲙ ⲛⲥⲁⲓⲟⲩⲇⲁⲥ ⲡⲓⲥⲕⲁⲣⲓⲱⲧⲏⲥ ⲛⲁⲓ ⲛⲉ ⲡⲙⲁⲁⲃ ⲛϩⲟⲧⲉ ……………ⲙ………………………………………….ⲛ ⲛⲓⲟⲩⲇⲁⲓ
…
141 ⲁⲩⲱ …ϩⲟⲟⲩ ……… ⲁϥϫⲓⲧⲟⲩ ⲉϩⲛϩⲟϥ …ⲛⲥⲱϥ ⲉϥ…. ϩⲙⲡⲕⲁⲕⲉ ⲉⲧϩⲃⲟⲗ · …ⲛⲁⲣⲡⲉϥⲙⲉⲉⲩⲉ ⲁⲛ ·
…
142 ⲁⲩⲱ ⲙⲛϭⲙⲡϣⲓⲛⲉ ⲛⲁϥ · ⲙⲛⲟⲩⲣⲡⲙⲉⲉⲩⲉ ⲛⲁϣⲱⲡⲉ ⲛⲁϥ …ⲟⲩⲟⲉⲓϣ ·
…
143 ⲛⲁⲓ ⲛⲉ ⲛⲥⲁϩⲟⲩ ⲛⲧⲁⲡⲥⲱⲧⲏⲣ ϫⲟⲟⲩ … ϩⲛⲁⲙⲉⲛⲧⲉ ·
…
144 ⲡⲥⲱⲧⲏⲣ ⲇⲉ ⲁϥⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ ϩⲙⲡⲙⲉϩϣⲟⲙⲛⲧ ⲛϩⲟⲟⲩ ·
…
145 ⲁⲃⲃⲁⲧⲱⲛ ⲇⲉ ⲡⲙⲟⲩ ⲁϥⲟⲛⲕϥ ⲉϩⲣⲁⲓ ⲙⲡⲉϥⲛⲁⲩ ⲉⲧⲕⲁⲓⲥⲉ ⲛⲓⲏⲥⲟⲩⲥ ⲡϣⲏⲣⲉ ⲙⲡⲛⲟⲩⲧⲉ ⲉⲧϣⲁϫⲉ ⲛⲙⲙⲁϥ ·
…
146 ⲡⲉϫⲁϥ ⲙⲡⲉϥϣⲏⲣⲉ ⲡⲗⲟⲓⲙⲟⲥ · ϫⲉⲧⲁⲭⲩⲡⲱⲧ ⲉⲡⲉⲥⲏⲧ ⲉⲁⲙⲛⲧⲉ ⲁⲥⲫⲁⲗⲓⲍⲉ ⲛⲧⲟⲟⲧⲕ ⲕⲁⲗⲱⲥ ·
…
147 ϣⲧⲁⲙ ⲛⲛⲣⲟ ⲛⲁⲙⲉⲛⲧⲉ · ϣⲁⲛⲧⲓⲛⲁⲩ ϫⲉⲛⲓⲙ ⲡⲉ ⲡⲁⲓ ⲛⲧⲁϥⲣϩⲁⲗ ⲙⲙⲟⲓ ·
…
148 ⲙⲡⲉⲣⲓⲙⲉ · ϫⲉⲧⲛⲛⲁϣⲁϫⲉ ⲛⲙⲙⲁϥ ·
…
149 ⲁϥϩⲟⲡϥ ⲉⲣⲟⲛ ·
…
150 ⲁⲣⲏⲩ ⲣⲱ ⲛⲧⲟϥ ⲡⲉ ⲡϣⲏⲣⲉ ⲙⲡⲛⲟⲩⲧⲉ ⲡⲉⲧⲃⲱⲗ ⲉⲃⲟⲗ ⲛⲣⲱⲙⲉ ⲛⲓⲙ · ⲡⲁⲓ ⲇⲉ ⲛⲧⲟϥ ⲙⲡⲓϩⲉ ⲉϭⲟⲙ ⲉⲣⲟϥ ·
…
151 ⲟⲩⲇⲉ ⲡⲁⲕⲉⲥⲟⲟⲩ ⲛϣⲏⲣⲉ ·
…
152 ⲁⲩⲱ ⲁϥⲡⲱⲧ ⲛϭⲓⲡⲙⲟⲩ ⲉϩⲣⲁⲓ ⲉⲁⲙⲉⲛⲧⲉ ⲙⲛⲡⲉϥⲕⲉⲥⲟⲟⲩ ⲛϣⲏⲣⲉ ·
…
153 ⲁϥϭⲓⲛⲉ ⲛⲁⲙⲛⲧⲉ ⲉϥϣⲏϥ ⲉϥⲟ ⲛⲉⲣⲏⲙⲟⲥ ⲉⲙⲛⲟⲩⲯⲩⲭⲏ ⲛⲟⲩⲱⲧ ⲙⲙⲁⲩ ·
…
154 ⲁⲗⲗⲁ ⲉⲣⲉⲛⲉϥⲣⲟⲧⲏⲣⲟⲩ ϩⲟⲣϥ ·
…
155 ⲁⲩⲱ ⲉⲣⲉⲛⲉⲩⲙⲉϣϯⲃⲥ ⲛⲏϩⲉ ⲉⲃⲟⲗ ⲉⲣⲉⲛⲉⲩⲙⲟⲭⲗⲟⲥ ⲟⲩϭⲡ ·
…
156 ⲁⲩⲱ ⲁⲩⲧⲁⲗⲉ ⲛⲛⲉⲧⲣⲓⲣ ⲛϩⲟⲙⲛⲧ ⲉⲧϫⲉⲣⲟ ·
…
157 ⲙⲡⲟⲩϩⲉ ϩⲙⲡⲙⲁ ⲉⲧⲙⲙⲁⲩ ⲉⲓⲙⲏ ϯϣⲟⲙⲛⲧ ⲛⲥⲙⲏ ⲙⲙⲁⲧⲉ………………. ⲛϣⲧⲟⲣⲧⲣ ·
…
158 ϩⲓϩⲓⲥⲉ ϩⲙⲡⲙⲁ ϩⲙⲡⲣⲓⲙⲉ · ⲙⲛⲡϫⲁϩⲙⲛ ⲛⲟⲃϩⲉ ·
…
159 ⲡⲙⲁ ⲙⲡⲁϣⲁϩⲟⲙ ⲙⲛⲡⲉϣⲧⲟⲣⲧⲣ · ⲙⲛⲡϥⲛⲧ ⲛⲁⲧⲛⲕⲟⲧⲕ ·
…
160 ⲟⲩⲟⲓ ⲛⲁⲩ ⲁ…ⲁⲅⲅⲉⲗⲟⲥ ⲉⲩϩⲩⲙⲛⲉⲩⲉ ϩⲙⲡϩⲩⲙⲛⲟⲥ ⲙⲡⲉⲥⲙⲟⲩ ⲡⲁⲓ ⲉϣⲁⲩϫⲟⲟϥ ⲛϭⲓⲛⲥⲉⲣⲁⲫⲓⲛ ⲙⲡⲛⲁⲩ ⲙⲡⲟⲩⲟⲉⲓⲛ ⲛⲧⲕⲩⲣⲓⲁⲕⲏ ⲉϫⲙⲡⲥⲱⲙⲁ ⲙⲛⲡⲉⲥⲛⲟϥ ϩⲧⲟⲟⲩⲉ ⲧⲕⲩⲣⲓⲁⲕⲏ ⲉⲧⲓ………..
…
161 ⲁⲩⲉⲓ ⲉⲃⲟⲗ ⲉⲡⲧⲁⲫⲟⲥ ⲛϭⲓⲛⲉϩⲓⲟⲟⲙⲉ ⲉⲧⲟⲩⲁⲁⲃ ⲙⲁⲣⲓⲁ ⲧⲙⲁⲅⲇⲁⲗⲓⲛⲏ ·
…
162 ⲁⲩⲱ ⲙⲁⲣⲓⲁ ⲧⲁⲓⲁⲕⲱⲃⲟⲥ ⲧⲉ ⲛⲧⲁϥⲛⲁϩⲙⲉⲥ ⲛⲧⲟⲟⲧϥ ⲙⲡⲥⲁⲧⲁⲛⲁⲥ ·
…
163 ⲙⲛⲥⲁⲗⲱⲙⲏ ⲧⲣⲉϥⲣⲓⲣⲁⲍⲉ · ⲙⲛⲙⲁⲣⲓⲁ ⲧⲣⲉϥⲇⲓⲁⲕⲟⲛⲉⲓ · ⲙⲛⲙⲁⲣⲧⲁⲧⲥⲱⲛⲉ ·
…
164 ⲙⲛⲥⲟⲩⲥⲁⲛⲛⲁ ⲧⲉⲥϩⲓⲙⲉ ⲛⲭⲟⲩⲥⲁⲡ ⲉⲡⲓⲧⲣⲟⲡⲟⲥ ⲛϩⲣⲱⲇⲏⲥ ·
…
165 ⲉⲁⲥⲥⲁ ϩⲱⲥ ⲉⲃⲟⲗ ⲙⲡⲙⲁ ⲛⲛⲕⲟⲧⲕ · ⲙⲛⲃⲉⲣⲉⲛⲓⲕⲏ ⲧⲉ ⲛⲧⲁⲧⲡⲩⲅⲏ ⲙⲡⲉⲥⲛⲟϥ ⲗⲟ ϩⲁⲣⲟⲥ ϩⲛⲕⲁⲫⲁⲣⲛⲁⲟⲩⲙ · ⲙⲛⲗⲓⲁⲧⲉⲭⲏⲣⲁ ·
…
166 ⲧⲉⲛⲧⲁⲡⲛⲟⲩⲧⲉ ⲧⲟⲩⲛⲉⲥ ⲡⲉⲥϣⲏⲣⲉ ⲛⲁⲥ ⲉⲃⲟⲗ ϩⲛⲛⲉⲧⲙⲟⲟⲩⲧ ·
…
167 ⲙⲛⲧⲉⲥϩⲓⲙⲉ ⲛⲣⲉϥⲣⲛⲟⲃⲉ ⲛⲧⲁⲡⲥⲱⲧⲏⲣ ϫⲟⲟⲥ ⲛⲁⲥ · ϫⲉⲛⲟⲩⲛⲟⲃⲉ ⲉⲧⲛⲁϣⲱⲟⲩ ⲕⲏⲛ ⲉⲃⲟⲗ ·
…
168 ⲃⲱⲕ ϩⲛⲟⲩⲉⲓⲣⲏⲛⲏ ·
…
169 ⲛⲉⲩⲁϩⲉⲣⲁⲧⲟⲩ ϩⲛⲧⲉϣⲛⲏ ⲛⲫⲓⲗⲟⲅⲉⲛⲏⲥ ⲡⲕⲏⲃⲟⲩⲣⲅⲟⲥ · ⲡⲁⲓ ⲛⲧⲁⲡⲥⲱⲧⲏⲣ ⲧⲁⲗϭⲉⲡⲉϥϣⲏⲣⲉ ·
…
170 ⲁⲩⲱ ⲥⲓⲙⲱⲛ ⲙⲡⲉⲟⲩⲟⲉⲓϣ ⲉϥⲛⲏⲩ ⲉⲡⲉⲥⲏⲧ ϩⲓⲡⲧⲟⲟⲩⲛ ⲛϫⲟⲉⲓⲧ ⲙⲛⲛⲉϥⲁⲡⲟⲥⲧⲟⲗⲟⲥ ⲧⲏⲣⲟⲩ ·
…
171 ⲡⲉϫⲉⲙⲁⲣⲓⲁ ⲛⲫⲓⲗⲟⲅⲉⲛⲏⲥ · ϫⲉⲉϣϫⲉ ⲛⲧⲟⲕ ⲡⲉ…… ·
…
172 ⲡⲉϫⲁϥ ⲛⲁⲥ ⲛϭⲓⲫⲓⲗⲟⲅⲉⲛⲏⲥ ϫⲉⲛⲧⲟ ⲡⲉ ⲙⲁⲣⲓⲁ ⲧⲙⲁⲁⲩ · ⲙⲑⲁⲣⲕⲁ ·
…
173 ⲙⲁⲣ…. ⲡⲉϥⲟⲩⲱϩⲙ ⲡⲉ ⲡⲣⲁϣⲉ ⲙⲛⲡⲉⲥⲙⲟⲩ ⲙⲛ…
…
174 ⲡⲉϫⲁⲥ ⲛⲁϥ ⲛϭⲓⲙⲁⲣⲓⲁ ……………………………..ⲉⲣⲟⲓ ϫⲉⲛⲧⲁⲕⲕⲁⲁϥ ⲧⲱⲛ ·
…
175 ⲁⲩⲱ ⲁⲛⲟⲕ ϯⲛⲁϥⲓⲧϥ ·
…
176 ⲡⲉϫⲁϥ ⲛⲁⲥ ⲛϭⲓⲫⲓⲗⲟⲅⲉⲛⲏⲥ · ϫⲉⲱ ⲧⲁⲥⲱⲛⲉ ⲟⲩ ⲛⲉ ⲛⲉⲓϣⲁϫⲉ ⲉⲣⲉϫⲱ ⲙⲙⲟⲟⲩ ·
…
177 ⲱⲡⲁⲣⲑⲉⲛⲟⲥ ⲉⲧⲟⲩⲁⲁⲃ ⲧⲙⲁⲁⲩ ⲙⲡⲉⲭⲣⲓⲥⲧⲟⲥ ·
…
178 ϫⲓⲛⲛⲡⲛⲁⲩ ⲅⲁⲣⲛⲧ ⲁⲩⳁⲟⲩ ⲛⲓⲏⲥⲟⲩⲥ ⲛϭⲓⲛⲓⲟⲩⲇⲁⲓ
…
179 ⲁⲩⲱ ⲉⲩϯⲟⲩⲟⲓ ⲛⲥⲁⲟⲩⲙϩⲁⲁⲩ ⲉϥⲟⲣϫ · ⲛⲥⲉⲕⲁⲁϥ ϩⲓⲱⲱϥ ·
…
180 ..ⲛⲉϥⲙⲁⲑⲏⲧⲏⲥ ϫⲉⲛⲛⲉⲩⲓⲛⲥⲉϥⲓⲧϥ ⲛϫⲓⲟⲩⲉ ⲛⲧⲉⲩϣⲏ ·
…
181 ⲁⲛⲟⲕ ⲇⲉ ⲡⲉϫⲁⲓ ⲛⲁⲩ · ϫⲉⲟⲩⲛⲟⲩⲧⲁⲫⲟⲥ ϩⲓⲧⲟⲩⲱϥ ⲛⲧⲁϣⲛⲏⲛⲟⲩⲟⲟⲧⲉ ⲁⲛⲓϥⲟⲩⲁϩϥ ϩⲓⲱⲱϥ ·
…
182 ⲁⲛⲟⲕ ϯⲛⲁⲣⲟⲉⲓⲥ ⲉⲣⲟϥ ·
…
183 ⲉⲛⲉⲓⲙⲉⲉⲩⲉ ϩⲙⲡⲁϩⲏⲧ ⲇⲉ ⲉⲩϣⲁⲛⲙⲟⲟϣⲉ ⲛϭⲓⲛⲟⲩⲇⲁⲓⲛⲥⲉⲃⲱⲕ ⲉⲡⲉⲩⲏⲓ ·
…
184 ϯⲛⲁⲃⲱⲕ ⲉϩⲟⲩⲛ ⲉⲡⲧⲁⲫⲟⲥⲙ ⲡⲁϫⲟⲉⲓⲥ ⲛⲧⲁϥⲓⲧϥ ⲛⲧⲁϯ ⲛϩⲉⲛϩⲏⲛⲉ ⲉⲣⲟϥ · ⲙⲛⲟⲩⲙⲏⲏϣⲉ ⲛⲥϯⲛⲟⲩϥⲉ ·
…
185 ⲁϥⲛⲧϥ ⲇⲉ ⲁⲩⲕⲁⲁϥ ϩⲓⲱⲱϥ ⲁⲩⲥⲫⲣⲁⲅⲓⲍⲉ ⲙⲙⲟϥ ⲁⲩⲃⲱⲕ ⲉⲡⲉⲩⲏⲓ ·
…
186 ϩⲛⲧⲡⲁϣⲉ ⲇⲉ ⲛⲧⲉⲩϣⲏ ⲁⲓⲧⲱⲟⲩⲛ ⲁⲓⲃⲱⲕ ⲉⲣⲙⲡⲣⲟⲙⲡⲧⲁⲫⲟⲥ ⲙⲡⲁϫⲟⲉⲓⲥ ·
…
187 ⲁⲓϩⲉ ⲉⲧⲉⲥⲧⲣⲁⲧⲓⲁ ⲧⲏⲣⲥⲛ ⲛⲁⲅⲅⲉⲗⲟⲥ ⲉⲥⲥⲱⲧⲏⲣ ⲉⲃⲟⲗ · ⲉⲣⲉϣⲟⲣⲡ ⲛⲧⲁⲝⲓⲥ ⲛⲛⲉⲭⲉⲣⲟⲩⲃⲓⲛ ⲉⲓⲣⲉ ⲙⲙⲛⲧⲥⲛⲟⲟⲩⲥ ⲛϣⲟ · ⲉⲣⲉⲧⲙⲉϩ ⲥⲛⲧⲉ ⲛⲧⲁⲝⲓⲥ ⲛⲥⲉⲣⲁⲫⲓⲛ ⲉⲓⲣⲉ ⲙⲙⲛⲧϣⲟⲙⲧⲉ ⲛϣⲟ ·
…
188 ⲉⲣⲉⲧⲙⲉϩϣⲟⲙⲧⲉ ⲛⲧⲁⲝⲓⲥ ⲛⲇⲩⲛⲁⲙⲓⲥ ⲉⲓⲣⲉ ⲛϫⲟⲩⲱⲧ ⲛϣⲟ ·
…
189 ⲁⲩⲱ ⲟⲛ ⲉⲣⲉⲧⲙⲉϩϥⲧⲟ ⲛⲧⲁⲝⲓⲥ ⲙⲡⲁⲣⲑⲉⲛⲟⲥ ⲉⲓⲣⲉ ⲙⲙⲁⲁⲃ ⲛϣⲟ ·
…
190 ϩⲉⲛϣⲟ ⲛϣⲟ ⲛⲉⲧⲕⲱⲧⲉ ⲉⲣⲟϥ ·
…
191 ⲁⲩⲱ ϩⲉⲛⲧⲃⲁ ⲛⲧⲃⲁ ⲛⲉⲧⲥⲟⲟⲩϩ ⲉⲣⲟϥ · ⲉⲣⲉⲟⲩⲛⲟϭ ⲛϩⲁⲣⲙⲁ…ⲁϩⲏⲩ ⲉⲣⲁⲧϥ ⲙⲙⲁⲩ · ⲉϥⲟ ⲛⲕⲱϩⲧ……………..ⲉⲣⲉ ⲕⲉⲙⲛⲧⲥⲛⲟⲩⲥ……………………..ⲉⲩϩⲩⲙⲛⲉⲩⲉ ϩⲛⲧⲁⲥⲡⲉ ⲛⲛⲉⲭⲉⲣⲟⲩⲃⲓⲛ · ⲉⲩⲟⲩⲱϣⲃ ⲛⲥⲱⲟⲩ ⲧⲏⲣⲟⲩ ϫⲉϩⲁⲙⲏⲛ ⲁⲗⲗⲏⲗⲟⲩⲓⲁ ·
…
192 ⲁⲓⲛⲁⲩ ⲇⲉ ⲟⲛ ⲉⲡⲥⲁϣϥ ⲛⲥⲧⲉⲣⲉⲱⲙⲁ ⲛ……..ⲛⲥⲁ ⲛⲉⲩⲉⲣⲏⲩ ·
…
193 ⲁⲡⲉⲓⲱⲧ ⲉⲓ ⲉⲃⲟⲗ ϩⲛⲛⲉⲧϫⲟⲥⲉ ⲙⲛⲧⲉϥⲥⲕⲏⲛⲏ ⲙⲡⲟⲩⲟⲉⲓⲛ ·
…
194 ⲁϥⲉⲓ ⲉⲡⲧⲁⲫⲟⲥ ⲙⲡⲥⲱⲧⲏⲣ ⲁϥⲧⲟⲩⲛⲟⲥϥ ⲉⲃⲟⲗ ϩⲛⲛⲉⲧⲙⲟⲟⲩⲧ ·
…
195 ⲛⲉⲓⲉⲟⲟⲩ ⲧⲏⲣⲟⲩ ⲁⲓⲛⲁⲩ ⲉⲣⲟⲟⲩ ·
…
196 ⲱ ⲧⲁⲥⲱⲛⲉ ⲙⲁⲣⲓⲁ ϫⲉⲁⲓⲛⲁⲩ ⲉⲡⲉⲧⲣⲟⲥ ⲙⲙⲁⲩ ⲡⲛⲟϭ ⲛϩⲉⲣⲙⲉⲛⲉⲩⲧⲏⲥ ⲛⲓⲏⲥⲟⲩⲥ ·
…
197 ⲁϥⲁⲙⲁϩⲧⲉ ⲙⲙⲟⲓ ⲁϥϯⲧⲟⲟⲧ…. ⲛⲁⲕⲁⲧⲟⲟⲧ ⲉⲃⲟⲗ ⲛⲧⲁⲙⲟⲩ ·
…
198 ϩⲓⲧⲛ…….ⲧⲏⲣⲓⲟⲛ ⲙⲛⲡⲉⲓⲛⲟϭ ⲛⲉⲟⲟⲩ ⲉⲧⲟ.. ⲛⲧⲁⲓⲛⲁⲩ ⲉⲣⲟⲟⲩ · ⲱ ⲙⲁⲣⲓⲁ ⲧⲁⲥⲱⲛⲉ ·
…
199 ⲟⲩⲡⲉⲧϯⲛⲁⲁϥ ϣⲁⲛⲧⲓⲃⲱⲕ ⲉⲡⲙⲁ ⲉⲧⲙⲙⲁⲩ ·
…
200 ⲛⲁⲓ ⲉⲣⲉⲫⲓⲗⲟⲅⲉⲛⲏⲥ ϫⲱ ⲙⲙⲟⲟⲩ ⲉⲙⲁⲣⲓⲁ ·
…
201 ⲁⲡⲥⲱⲧⲏⲣ ⲉⲓ ⲙⲡⲉⲩⲙⲧⲟ ⲉⲃⲟⲗ ⲉϥⲧⲁⲗⲏⲩⲡⲛⲟϭ ⲛϩⲁⲣⲙⲁ ⲙⲡⲉⲓⲱⲧ ⲧⲏⲣϥ ·
…
202 ⲁϥⲱϣ ⲉⲃⲟⲗ ⲛⲧⲁⲥⲡⲉ ⲛⲧⲉϥⲙⲛⲧⲛⲟⲩⲧⲉ · ⲉϥϫⲱ ⲙⲙⲟⲥ ϫⲉⲙⲁⲣⲓⲭⲁⲣⲙⲁⲣⲁⲑ ⲉⲧⲉϥϩⲉⲣⲙⲏⲛⲉⲓⲁ ⲧⲉ ⲙⲁⲣⲓϩⲁⲙ ⲧⲙⲁⲁⲩ ⲙⲡϣⲏⲣⲉ ⲙⲡⲛⲟⲩⲧⲉ ·
…
203 ⲁⲙⲁⲣⲓⲁ ⲇⲉ ⲁⲥⲥⲟⲩ ⲉⲛⲧϩⲉⲣⲙⲏⲛⲓⲁ ⲙⲡϣⲁϫⲉ ·
…
204 ⲡⲉϫⲁⲥ ϫⲉϩⲣⲁⲙⲃⲟⲩⲛ ⲉⲕⲁⲑⲓⲁⲑⲁⲣⲓ ⲙⲓⲱⲑ· ⲉⲧⲉⲡⲉϥⲟⲩⲱϩⲙ ⲡⲉ ⲡϣⲏⲣⲉ ⲙⲡⲁⲛⲧⲟⲕⲣⲁⲧⲱⲣ ·
…
205 ⲁⲩⲱ ⲡⲥⲁϩ ·
…
206 ⲁⲩⲱ ⲡⲁϣⲏⲣⲉ ·
…
207 ⲡⲉϫⲁϥ ⲛⲁⲥ · ϫⲉⲭⲁⲓⲣⲉⲧⲁⲙⲁⲁⲩ ⲭⲁⲓⲣⲉⲧⲁⲕⲓⲃⲱⲧⲟⲥ ⲉⲧⲟⲩⲁⲁⲃ ·
…
208 ⲭⲁⲓⲣⲉ ⲧⲉ ⲛⲧⲁⲥⲧⲱⲟⲩⲛ ϩⲁⲡⲱ ⲛϩⲙⲡⲕⲟⲥⲙⲟⲥ ⲧⲏⲣϥ ·
…
209 ⲭⲁⲓⲣⲉⲧⲁⲥⲧⲟⲗⲏ ⲉⲧⲟⲩⲁⲁⲃ ⲛⲧⲁⲓϭⲟⲟⲗⲧ ⲙⲙⲟⲥ ·
…
210 ⲭⲁⲓⲣⲉⲧⲁϩⲩⲇⲣⲓⲁ ⲉⲥϩⲏ ⲙⲟⲟⲩ ⲉⲧⲟⲩⲁⲁⲃ ·
…
211 ⲭⲁⲓⲣⲉⲧⲁⲙⲁⲁⲩ ⲡⲁⲏⲓ ⲡⲁⲙⲁ ⲛⲟⲩⲱϩ ⲭⲁⲓⲣⲉⲧⲁⲙⲁⲁⲩ ⲧⲁⲡⲟⲗⲓⲥ ⲡⲁⲙⲁ ⲙⲡⲱⲧ ⲭⲁⲓⲣⲉ ⲧⲉ ⲛⲧⲁⲥϣⲱⲡⲉ ⲉⲣⲟⲥ ………………………………………………………………..ⲡⲡⲁⲣⲁⲇⲓⲥⲟⲥ ⲧⲏⲣⲥ ⲣⲟⲟⲩⲧ ⲉⲧⲃⲏⲏⲧⲥ ·
…
212 ϯϫⲱ ⲙⲙⲟⲥ ⲛⲉ ⲱ ⲧⲁⲙⲁⲁⲩ · ϫⲉⲡⲉⲧⲙⲉ ⲙⲙⲟ ⲉϥⲙⲉ ⲙⲡⲱⲛϩ ·
…
213 ⲭⲁⲓⲣⲉ ⲧⲉ ⲛⲧⲁⲥⲧⲱⲟⲩⲛ ϩⲁⲡⲱⲛϩ ϩⲙⲡⲧⲏⲣϥ ϩⲉⲛⲧⲉⲥⲕⲁⲗⲁϩⲏ ·
…
214 ⲱ ⲧⲁⲙⲁⲁⲩ …………. ⲛⲧⲉϫⲟⲟⲥ ⲛⲛⲁⲥⲛⲏⲩ ………….ⲧ ⲁϫⲓⲥ ⲛⲁⲩ · ϫⲉⲃⲱⲕ ….. ⲉⲧⲉⲡⲉⲧⲛⲉⲓⲱⲧ ⲡⲉ ·
…
215 ⲁⲩⲱ ⲡⲁⲛⲟⲩⲧⲉ ϫⲟⲉⲓⲥ ⲉⲧⲉⲡⲉⲧⲛϫⲟⲉⲓⲥ ·
…
216 ⲁⲩⲱ ⲁⲣⲓⲡⲙⲉⲉⲩⲉⲛⲉⲛϣⲁϫⲉ ⲧⲏⲣⲟⲩ ⲛⲧⲁⲓϫⲟⲟⲩ ⲛⲏⲧⲛ ·
…
217 ϯⲛⲏⲩ ⲅⲁⲣ ϣⲁⲣⲱⲧⲛ ⲙⲡⲛⲁⲩ ⲙⲡⲟⲩⲟⲉⲓⲛ ⲛⲣⲁⲥⲧⲉ ·
…
218 ⲉⲧⲉⲡⲛⲁⲩ ⲟⲛ ⲡⲉ ⲉϣⲁⲓⲥⲟⲟⲩⲧⲛ ⲉⲃⲟⲗ ⲛⲧⲁϭⲓϫ ⲛⲟⲩⲟⲉⲓⲛ ⲛⲟⲩⲛⲁⲙ ⲛⲧⲉⲡⲣⲏ ϣⲁⲉϫⲙⲡⲕⲁϩ · ⲙⲡⲛⲁⲩ ⲟⲛ ⲡⲉ · ⲉϣⲁⲓⲕⲓⲙ ⲛⲧⲁⲥⲧⲟⲗⲏ ⲙⲡⲛⲉⲩⲙⲁ ·
…
219 ⲉⲓϩⲙⲟⲟⲥ ⲛⲥⲁⲟⲩⲛⲁⲙ ⲙⲡⲁⲉⲓⲱⲧ · ⲛⲧⲉϯⲉⲓⲱⲧⲉ ⲙⲡⲁⲣⲁⲇⲓⲥⲟⲥ ⲛⲧⲙⲉϩⲥⲁϣϥ ⲉⲙⲡⲉⲉⲓ ⲉϩⲣⲁⲓ ⲉϫⲙⲡⲕⲁϩ ⲧⲏⲣϥ ·
…
220 ⲛⲉϥϯ ϩⲉ ⲁⲩⲱ ⲛⲉϥϯ ⲛϩⲉⲛⲕⲁⲣⲡⲟⲥ ⲛⲱⲛϩ ·
…
221 ϯⲛⲏⲩ ϣⲁⲣⲱⲧⲛ ⲙⲡⲛⲁⲩ ⲉⲧⲙⲙⲁⲩ · ⲧⲁϯ ⲛⲏⲧⲛ ⲛⲧⲁⲉⲓⲣⲏⲛⲏ ⲛⲧⲁⲓϫⲓⲧⲥ ⲉⲃⲟⲗ ϩⲓⲧⲙⲡⲁⲉⲓⲱⲧ ⲉⲧⲟⲩⲁⲁⲃ ·
…
222 ⲁⲩⲱ ⲁϥⲧⲁⲁⲥ ⲛⲁⲓ ·
…
223 ⲁⲓⲛⲧⲥ ⲉⲡⲕⲟⲥⲙⲟⲥ · ⲛⲧⲁⲁⲥ ⲛⲏⲧⲛ ⲛⲧⲱⲧⲛ ⲛⲁⲙⲁⲑⲏⲧⲏⲥ ·
…
224 ⲟⲩⲟⲛ ⲛⲓⲙ ⲉⲧⲛⲁⲡⲓⲥⲧⲉⲩⲉ ⲉⲡⲁⲣⲁⲛ · ⲙⲛⲙⲁⲣⲓⲁ ⲧⲁⲙⲁⲁⲩ ⲙⲡⲁⲣⲑⲉⲛⲟⲥ ⲙⲙⲉ ⲧⲁⲕⲁⲗⲁϩⲏ ⲙⲡⲛⲉⲩⲙⲁ · ⲡⲁⲁϩⲟ ⲙⲙⲁⲣⲅⲁⲣⲓⲧⲏⲥ ·
…
225 ⲧⲕⲓⲃⲱⲧⲟⲥ ⲛⲛϣⲏⲣⲉ ⲛⲁⲇⲁⲙ · ⲛⲧⲁⲥⲧⲱⲟⲩⲛ ϩⲁⲡⲥⲱⲙⲁ ⲙⲡϣⲏⲣⲉ ⲙⲡⲛⲟⲩⲧⲉ · ⲙⲛⲡⲉϥⲥⲛⲟϥ ⲛⲁⲗⲏⲑⲓⲛⲟⲛ ·
…
226 ⲡⲉⲛⲧⲁϥϥⲓ ⲙⲡⲛⲟⲃⲉ ⲙⲡⲕⲟⲥⲙⲟⲥ …….ⲙⲛ ·
…
227 ⲡⲟⲩⲟⲉⲓⲛ ⲙⲡⲉ……..
…
228 …………..ⲓⲥ ………. .ⲱ…………………..ⲧⲟⲧⲉ ⲁϥⲟⲩⲱⲛ ⲛⲣⲱϥ ⲛϭⲓⲡⲥⲱⲧⲏⲣ ⲡⲱⲛϩ ⲡⲉⲛⲟⲩϫⲁⲓ : ⲡⲉⲛⲣⲣⲟ · ⲧⲉ……….ⲡ.. ⲡⲉⲛⲃⲟⲏⲑⲟⲥ ·
…
229 ⲡⲉⲛ………..ⲁϥⲱϣ ⲉⲃⲟⲗ ⲉϥϫⲱ ⲙⲙⲟⲥ ϫⲉ…….ϩⲛⲧⲁⲙⲛⲧⲣⲣⲟ ·
…
230 ϩⲙⲡⲉⲥⲙⲟⲩ ⲛ………. ⲛⲁⲡⲟⲥⲧⲟⲗⲟⲥ ⲡⲓⲥⲧⲉⲩⲉ ⲛⲁⲓ ……….ⲁⲡⲟⲥⲧⲟⲗⲟⲥ ⲓⲏⲥⲟⲩⲥ ·
…
231 ⲁⲓⲛⲁⲩ ⲉⲡϣⲏⲣⲉ ⲙⲡⲛⲟⲩⲧⲉ ⲁϥⲁϩⲉⲣⲁⲧϥ ϩⲓϫⲙⲡϩⲁⲣⲙⲁ ⲛⲛⲉⲭⲉⲣⲟⲩⲃⲓⲛ ⲁⲩⲁϩⲉⲣⲁⲧⲟⲩ ϩⲱⲟⲩ ⲛϭⲓϩⲉⲛϣⲟ ⲛϣⲟ ⲛⲁⲣⲭⲁⲅⲅⲉⲗⲟⲥ · ⲙⲛϩⲉⲛϣⲟ ⲛϣⲟⲭⲉⲣⲟⲩⲃⲓⲛ ·
…
232 ⲁⲩⲱ ϩⲛⲧⲃⲁ ⲛⲧⲃⲁ ⲛⲥⲉⲣⲁⲫⲓⲛ · ⲙⲛⲧⲃⲁ ⲛⲧⲃⲁ ⲇⲩⲛⲁⲙⲓⲥ · ⲉⲣⲉϫⲱⲟⲩ ⲡⲁϩⲧ ⲉⲡⲉⲥⲏⲧ ⲉⲩⲟⲩⲱϣⲃ ⲛⲥⲁⲡⲉⲥⲙⲟⲩ ϫⲉⲁⲙⲏⲛⲁⲗⲗⲏⲗⲟⲩⲓⲁ ·
…
233 ⲡⲉⲧⲉⲣⲉⲡϣⲏⲣⲉ ⲛⲁϫⲟⲟϥ ⲉⲃⲟⲗ ϩⲛⲧⲉϥⲧⲁⲡⲣⲟ ⲙⲙⲁⲣⲓⲁ ·
…
234 ⲧⲟⲧⲉ ⲁⲡⲉⲛⲥⲱⲧⲏⲣ ⲥⲟⲟⲩⲧⲛ ⲉⲃⲟⲗ ⲛⲧⲉϥϭⲓϫ ⲛⲟⲩⲛⲁⲙⲉⲧⲙⲉϩ ⲛⲥⲙⲟⲩ ·
…
235 ⲁϥⲥⲙⲟⲩ ⲉⲧⲕⲁⲗⲁϩⲏ ⲙⲡⲙⲁⲣⲓⲁ ⲧⲉϥⲙⲁⲩ ·
…
236 ⲁⲓⲛⲁⲩ ⲉⲙⲡⲏⲩⲉ ⲉⲁⲩⲟⲩⲱⲛ ⲛⲥⲁⲛⲉⲩⲉⲣⲏⲩ ·
…
237 ⲁⲩⲟⲩⲱⲛ ⲛϭⲓⲡⲥⲁϣϥ ⲛⲥⲧⲉⲣⲱⲙⲁ ·
…
238 ⲁⲓⲛⲁⲩ ⲉⲩⲣⲱⲙⲉ ⲛⲟⲩⲟⲉⲓⲛ ⲛⲗⲁⲙⲡⲣⲟⲛ ⲙⲙⲁⲣⲅⲁⲣⲓⲧⲏⲥ ⲉⲙⲛϭⲟⲙ ⲉⲧⲣⲉⲗⲁⲁⲩ ⲛⲣⲱⲙⲉ ⲑⲉⲱⲣⲉⲓ ⲙⲙⲟϥ · ⲙⲛⲕⲉϭⲓϫ ⲛⲕⲱϩⲧ · ⲙⲡⲁⲩⲁⲛ ⲙⲡⲭⲓⲱⲛ ·
…
239 ⲁⲥⲟⲩⲱϩ ⲉϫⲛϩⲏⲧⲥ ⲙⲙⲁⲣⲓⲁ ⲙⲛ…ⲙⲉⲥⲧϩⲏⲧ :
…
240 ⲁⲩⲱ ⲉⲧϭⲓϫ ⲙⲡⲉⲓⲱⲧ ⲧⲉ · ⲙⲛⲧⲟⲩⲛⲁⲙ ⲙⲡϣⲏⲣⲉ · ⲙⲛⲧⲟⲩⲛⲁⲙ ⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ ·
…
241 ⲁϥⲥⲙⲟⲩ ⲉⲣⲟⲟⲩ …………….. ϫⲉⲛ……………………………………………………………………………………………………ⲙⲏ…………….. ⲧⲏⲣⲟⲩ ϫⲉϩⲁⲙⲏⲛ ……. ⲉⲩⲛⲁⲙⲟⲩⲧⲉ ⲉⲣⲟ ϫⲉⲧⲡⲩⲅⲏ ⲙⲡⲱⲛϩ……ⲉⲣⲟ ⲛⲥⲛⲟϥ ⲛⲛⲟⲩⲧⲉ ⲉⲃⲟⲗ ……. ⲁⲗⲗⲏⲗⲟⲩⲓⲁ ·
…
242 ⲁⲩⲱ ⲁϥⲧⲥⲟ ⲛⲛ…… ⲁⲩⲧⲥⲟ ⲁⲩⲣⲁⲧⲛⲟⲃⲉ ϩⲁⲙⲏⲛ ⲁⲗⲗⲏⲗⲟⲩⲓⲁ….. ⲛⲉⲩ….ⲛ ⲛⲇⲩⲛⲁⲙⲓⲥ ⲛⲧⲡⲉ …………..ⲥⲙⲓⲛⲉ ⲉⲧⲃⲉⲡⲉⲥⲕⲁⲣⲡⲟⲥ ..ⲁⲗⲗⲏⲗⲟⲩⲓⲁ .. ⲉⲩⲛⲁⲙⲟⲩⲧⲉ ⲉⲣⲟ ϩⲛ…. ⲙⲙⲁⲣⲅⲁⲣⲓⲧⲏⲥ ⲙⲡⲉⲓⲱⲧ ·
…
243 ⲁⲩⲱ ⲥⲉⲙⲟⲩⲧⲉ ⲉⲣⲟ ϩⲓϫⲙⲡⲕⲁϩ · ϫⲉⲛⲧⲁⲥϫⲡⲉⲡⲛⲟⲩⲧⲉ ⲁⲩⲱ ⲡⲉⲛⲟⲩϫⲁⲓ · ⲉⲣⲉⲡⲉⲥⲙⲟⲩ ⲙⲡⲉⲓⲱⲧ ϣⲱⲡⲉ ⲛⲙⲙⲉ ⲛⲟⲩⲟⲉⲓϣ ⲛⲓⲙ ϩⲁⲙⲏⲛ ⲁⲗⲗⲏⲗⲟⲩⲓⲁ ·
…
244 ⲉⲣⲉⲧϭⲟⲙ ⲙⲡϣⲏⲣⲉ ⲛⲁⲣϩⲁⲓⲃⲉⲥ ⲉⲣⲟ ϩⲁⲙⲏⲛ ⲁⲗⲗⲏⲗⲟⲩⲓⲁ ⲉⲣⲉⲡⲣⲁϣⲉ ⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ ϭⲱ ⲉϥⲙⲏⲛ ⲉⲃⲟⲗ ⲛⲙⲙⲉ ⲛⲟⲩⲟⲉⲓϣ ⲛⲓⲙ ϩⲁⲙⲏⲛ ⲁⲗⲗⲏⲗⲟⲩⲓⲁ ·
…
245 ⲁⲩⲱ ⲉⲣϣⲁⲛⲉⲓ ⲉⲃⲟⲗ ϩⲛⲥⲱⲙⲁ ⲁⲛⲟⲕ ϯⲛⲏⲩ ⲙⲛⲡⲁⲉⲓⲱⲧ ⲙⲛⲙⲓⲭⲁⲏⲗ ⲙⲛⲁⲅⲅⲉⲗⲟⲥ ⲧⲏⲣⲟⲩ · ⲉⲣⲉϣⲱⲡⲉ ϩⲁϩⲧⲏⲛ ϩⲛⲧⲁⲙⲛⲧⲣⲣⲟ ·
…
246 ⲁⲩⲱ ⲡⲟⲩⲥⲱⲙⲁ ϯⲛⲁⲧⲣⲉⲛⲉⲭⲉⲣⲟⲩⲃⲓⲛ ..ⲥⲏϥⲉ ⲛⲕⲱϩⲧ ⲣⲟⲉⲓⲥ ⲉⲣⲟϥ ·
…
247 ⲉⲣⲉⲕⲉⲙⲛⲧⲛⲟⲟⲩⲥ ⲛϣⲉ ⲛⲛⲁⲅⲅⲉⲗⲟⲥ ⲣⲟⲉⲓⲥ ⲉⲣⲟⲥ ϣⲁⲡⲉϩⲟⲟⲩ ⲛⲧⲁⲡⲁⲣⲟⲩⲥⲓⲁ ⲙⲛⲧⲁⲙⲛⲧⲣⲣⲟ
…
248 ……………………ⲛⲉ………………….ⲁⲥ ⲅⲁⲗⲓⲗⲁⲓⲁ ………….. ⲛⲧⲁϯ ⲛⲏⲧⲛ ⲛⲧⲁⲉⲓⲣⲏⲛⲏ ………..ⲧⲁⲁⲥ ⲛⲁⲓ ⲉⲓⲛⲏⲩ ⲉⲡⲕⲟⲥⲙⲟⲥ ……… ⲙⲁⲣⲓⲁ ⲉⲩⲧⲁⲗⲟ ⲉϩⲣⲁⲓ ⲛⲟⲩⲡⲣⲟⲥⲫⲟⲣⲁ .ⲡⲥⲱⲙⲁ ⲙⲛⲡⲁⲥⲛⲟϥ ⲙⲡⲉⲭⲣⲓⲥⲧⲟⲥ ·
…
249 …… ⲛϩⲏⲧⲟⲩ ⲛϭⲓⲙⲁⲣⲓⲁ …………. ⲡⲛⲟϭ ⲛⲉⲡⲓⲥⲕⲟⲡⲟⲥ ……………ⲧⲟ ⲱ ⲙⲁⲣⲓⲁ · ϫⲉⲛⲧⲟ ⲟⲛ ⲡⲉⲡϣⲟⲣⲡ….. ⲡⲁⲅⲅⲉⲗⲟⲥ ⲉⲓⲛⲉ ⲙⲙⲟϥ ⲉⲃⲟⲗ ϩⲛⲧⲉⲕ….ⲉⲓⲛ ϣⲁⲛⲧⲉⲙⲙⲓⲥⲉ ⲙⲙⲟϥ ϩⲓϫⲙⲡⲕⲁϩ ·
…
250 ⲛϥⲥⲟⲧⲡⲛ ϩⲱⲱⲛ ⲛⲧⲛϣⲱⲡⲉ ⲛⲁϥ ⲙⲙⲁⲑⲏⲧⲏⲥ ⲛⲧⲟ ⲟⲛ ⲡⲉ ⲡϣⲟⲣⲡ · ⲛⲧⲁϥⲟⲛϩϥ ⲉⲣⲟ ⲉϥⲛⲁⲃⲱⲕ ϣⲁⲡⲉⲓⲱⲧ · ⲱ ⲛⲁⲓⲁⲧⲥ ⲛⲧⲁⲕⲁⲗⲁϩⲏ ⲛⲧⲁⲥⲧⲱ ⲟⲩⲛϩⲁⲣⲟ ·
…
251 ϣⲁⲛⲧⲉϫⲡⲟ ⲛⲁⲛ ⲙⲡⲣⲣⲟ ⲙⲡⲉⲟⲟⲩ ·
…
252 ⲛⲁⲡⲟⲥⲧⲟⲗⲟⲥ ⲇⲉ ⲧⲏⲣⲟⲩ ⲁⲩⲣⲁϣⲉ ϩⲛⲟⲩⲛⲟϭ ⲛⲣⲁϣⲉ ·
…
253 ⲛⲧⲉⲣⲟⲩⲥⲱⲧⲙ ϫⲉⲁⲡϫⲟⲉⲓⲥ ⲧⲱⲟⲩⲛ ⲉⲃⲟⲗ ϩⲛⲛⲉⲧⲙⲟⲟⲩⲧ ϩⲓⲧⲙⲙⲁⲣⲓⲁ ⲧⲉϥⲙⲁⲁⲩ ·
…