1 ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉϥⲉϣⲱⲡⲓ ⲛϫⲉⲙⲁⲓ ⲛⲓⲃⲉⲛ ⲉϥⲟⲩⲏⲛ ϧⲉⲛⲡⲏⲓ ⲛⲇⲁⲩⲓⲇ ⲛⲉⲙⲛⲏⲉⲧϣⲟⲡ ϧⲉⲛϩⲓⲉⲣⲟⲩⲥⲁⲗⲏⲙ ⲛⲉⲙⲡⲓⲟⲩⲱⲧⲉⲃ ⲉⲃⲟⲗ ⲛⲉⲙⲡⲓⲛⲟⲩϫϧ .
In that day every place shall be opened to the house of David and to the inhabitants of Jerusalem for removal and for separation.
2 ⲟⲩⲟϩ ⲉⲥⲉϣⲱⲡⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲡⲉϫⲉ ⲡϭⲟⲉⲓⲥ ⲥⲁⲃⲁⲱⲑ ϯⲛⲁϥⲱϯ ⲉⲃⲟⲗ ⲛⲛⲓⲣⲁⲛ ⲛⲧⲉⲛⲓⲓⲇⲱⲗⲟⲛ ⲉⲃⲟⲗϩⲁ ⲡⲕⲁϩⲓ ⲟⲩⲟϩ ⲛⲛⲟⲩⲉⲣⲡⲟⲩⲙⲉⲩⲓ ⲟⲩⲟϩ ⲛⲓⲡⲣⲟⲫⲏⲧⲏⲥ ⲛⲛⲟⲩϫ ⲛⲉⲙⲡⲓⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ϯⲛⲁⲣⲟⲕϩⲟⲩ ⲉⲃⲟⲗϩⲁ ⲡⲕⲁϩⲓ .
And it shall come to pass in that day, saith the Lord of hosts, that I will utterly destroy the names of the idols from off the land, and there shall be no longer any remembrance of them: and I will cut off the false prophets and the evil spirit from the land.
3 ⲟⲩⲟϩ ⲉⲥⲉϣⲱⲡⲓ ⲁⲣⲉϣⲁⲛ ⲟⲩⲣⲱⲙⲓ ⲉⲣⲡⲣⲟⲫⲏⲧⲉⲩⲓⲛ ⲛⲕⲉⲥⲟⲡ ⲟⲩⲟϩ ⲉⲩⲉϫⲟⲥ ⲛⲁϥ ⲛϫⲉⲡⲉϥⲓⲱⲧ ⲛⲉⲙⲧⲉϥⲙⲁⲩ ⲛⲏⲉⲧⲁⲩϫⲫⲟϥ ϫⲉⲛⲛⲉⲕⲱⲛϧ ϫⲉⲁⲕⲥⲁϫⲓ ⲙⲙⲉⲑⲛⲟⲩϫ ϧⲉⲛⲫⲣⲁⲛ ⲙⲡϭⲟⲉⲓⲥ ⲟⲩⲟϩ ⲉⲩⲉⲥⲟⲛϩϥ ⲛϫⲉⲡⲉϥⲓⲱⲧ ⲛⲉⲙⲧⲉϥⲙⲁⲩ ϧⲉⲛⲡϫⲓⲛⲑⲣⲉϥⲉⲣⲡⲣⲟⲫⲏⲧⲉⲩⲓⲛ .
And it shall come to pass, if a man will yet prophesy, that his father and his mother which gave birth to him shall say to him, Thou shalt not live; for thou has spoken lies in the name of the Lord: and his father and his mother who gave him birth shall bind him as he is prophesying.
4 ⲟⲩⲟϩ ⲉⲥⲉϣⲱⲡⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉⲩⲉϭⲓϣⲓⲡⲓ ⲛϫⲉⲛⲓⲡⲣⲟⲫⲏⲧⲏⲥ ⲫⲟⲩⲁⲓ ⲫⲟⲩⲁⲓ ⲉⲃⲟⲗϧⲉⲛ ⲧⲉϥϩⲟⲣⲁⲥⲓⲥ ϧⲉⲛⲡϫⲓⲛⲑⲣⲟⲩⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ⲉⲩⲉϯ ϩⲓⲱⲧⲟⲩ ⲛⲟⲩⲥⲟⲕ ⲙϥⲱⲓ ⲉⲫⲙⲁ ϫⲉⲁⲩϫⲉⲙⲉⲑⲛⲟⲩϫ .
And it shall come to pass in that day, that the prophets shall be ashamed every one of his vision when he prophesies; and they shall clothe themselves with a garment of hair, because they have lied.
5 ⲟⲩⲟϩ ⲉϥⲉϫⲟⲥ ϫⲉⲁⲛⲟⲕ ⲟⲩⲡⲣⲟⲫⲏⲧⲏⲥ ⲁⲛ ⲁⲛⲟⲕ ϫⲉⲟⲩⲏⲓ ⲟⲩⲣⲱⲙⲓ ⲉⲧⲁϥϫⲫⲟⲓ ⲓⲥϫⲉⲛ ⲧⲁⲙⲉⲧⲁⲗⲟⲩ .
And one shall say, I am not a prophet, for I am a tiller of the ground, for a man brought me up thus from my youth.
6 ⲟⲩⲟϩ ⲉⲓⲉϫⲟⲥ ⲛⲁϥ ϫⲉⲟⲩ ⲛⲉ ⲛⲁⲓⲉⲣϧⲟⲧ ⲉⲧϧⲉⲛⲧⲙⲏϯ ⲛⲛⲉⲕϫⲓϫ ⲟⲩⲟϩ ⲉϥⲉϫⲟⲥ ϫⲉⲛⲁⲓ ⲛⲉ ⲛⲏⲉⲧⲁⲓϭⲓⲉⲣϧⲟⲧ ⲛϧⲏⲧⲟⲩ ϧⲉⲛⲡⲏⲓ ⲙⲡⲁⲙⲉⲛⲣⲓⲧ .
And I will say to him, What are these wounds between thine hands? and he shall say, Those with which I was wounded in my beloved house.
7 ⲧⲱⲛⲕ ⲧⲥⲏϥⲓ ⲉϫⲉⲛⲡⲁⲙⲁⲛⲉⲥⲱⲟⲩ ⲛⲉⲙⲉϫⲉⲛⲛⲉϥⲣⲉⲙⲃⲁⲕⲓ ⲡⲉϫⲉ ⲡϭⲟⲉⲓⲥ ⲡⲓⲡⲁⲛⲧⲟⲕⲣⲁⲧⲱⲣ ϣⲁⲣⲓ ⲉⲡⲓⲙⲁⲛⲉⲥⲱⲟⲩ ⲟⲩⲟϩ ⲙⲁⲣⲟⲩϫⲱⲣ ⲉⲃⲟⲗ ⲛϫⲉⲛⲓⲉⲥⲱⲟⲩ ⲟⲩⲟϩ ϯⲛⲁⲓⲛⲓ ⲛⲧⲁϫⲓϫ ⲉϫⲉⲛⲛⲓⲙⲁⲛⲉⲥⲱⲟⲩ .
Awake, O sword, against my shepherds, and against the man who is my citizen, saith the Lord Almighty: smite the shepherds, and draw out the sheep: and I will bring mine hand upon the little ones.
8 ⲟⲩⲟϩ ⲉⲥⲉϣⲱⲡⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲡⲉϫⲉ ⲡϭⲟⲉⲓⲥ ϧⲉⲛⲡⲕⲁϩⲓ ⲧⲏⲣϥ ⲉⲩⲉϥⲱϯ ⲉⲃⲟⲗ ⲛϫⲉⲧⲟⲓ ⲥⲛⲟⲩϯ ⲟⲩⲟϩ ⲉⲩⲉⲙⲟⲩⲛⲕ ⲡⲓⲧⲉⲣⲉⲅ ⲇⲉ ⲛⲁⲥⲱϫⲡ ⲛϧⲣⲏⲓ ⲛϧⲏⲧϥ .
And it shall come to pass, that in all the land, saith the Lord, two parts thereof shall be cut off and perish; but the third shall be left therein.
9 ⲟⲩⲟϩ ϯⲛⲁⲑⲣⲉ ⲡⲓⲧⲉⲣⲉⲅ ⲥⲓⲛⲓ ⲉⲃⲟⲗϩⲓⲧⲉⲛ ⲟⲩⲭⲣⲱⲙ ⲟⲩⲟϩ ϯⲛⲁⲫⲁⲥⲟⲩ ⲙⲫⲣⲏϯ ⲙⲡⲓϩⲁⲧ ⲉϣⲁⲩⲫⲁⲥϥ ⲟⲩⲟϩ ϯⲛⲁⲉⲣⲇⲟⲕⲓⲙⲁⲍⲓⲛ ⲙⲙⲱⲟⲩ ⲙⲫⲣⲏϯ ⲙⲡⲓⲛⲟⲩⲃ ⲉϣⲁⲩⲉⲣⲇⲟⲕⲓⲙⲁⲍⲓⲛ ⲙⲙⲟϥ ⲟⲩⲟϩ ⲛⲑⲟϥ ⲉϥⲉⲙⲟⲩϯ ⲉⲡⲁⲣⲁⲛ ⲟⲩⲟϩ ⲁⲛⲟⲕ ϯⲛⲁⲥⲱⲧⲉⲙ ⲉⲣⲟϥ ⲟⲩⲟϩ ϯⲛⲁϫⲟⲥ ϫⲉⲫⲁⲓ ⲡⲉ ⲡⲁⲗⲁⲟⲥ ⲟⲩⲟϩ ⲛⲑⲟϥ ⲉϥⲉϫⲟⲥ ϫⲉⲡϭⲥ ⲡⲁⲛⲟⲩϯ .
And I will bring the third part through the fire, and I will try them as silver is tried, and I will prove them as gold is proved: they shall call upon my name, and I will hear them, and say, This is my people: and they shall say, The Lord is my God.