1 ⲟⲩⲟϩ ⲁⲓϥⲁⲓ ⲛⲛⲁⲃⲁⲗ ⲉⲡϣⲱⲓ ⲁⲓⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲟⲩⲣⲱⲙⲓ ⲟⲩⲟϩ ⲛⲉ ⲟⲩⲟⲛ ⲟⲩⲛⲟϩ ⲛⲣⲱϣ ϧⲉⲛⲧⲉϥϫⲓϫ .
And I lifted up mine eyes, and looked, and behold a man, and in his hand a measuring line.
2 ⲟⲩⲟϩ ⲡⲉϫⲏⲓ ⲛⲁϥ ϫⲉⲁⲕⲙⲟϣⲓ ⲉⲑⲱⲛ ⲛⲑⲟⲕ ⲟⲩⲟϩ ⲡⲉϫⲁϥ ⲛⲏⲓ ϫⲉⲉⲓϣⲓ ⲛⲓⲗⲏⲙ ⲟⲩⲟϩ ⲉⲛⲁⲩ ϫⲉⲟⲩⲁϣ ⲙⲁⲓⲏ ⲡⲉ ⲡⲉⲥⲟⲩⲟⲥⲑⲉⲛ ⲟⲩⲟϩ ⲟⲩⲁϣ ⲙⲁⲓⲏ ⲧⲉ ⲧⲉⲥϣⲓⲏ .
And I said to him, Whither goest thou? And he said to me, To measure Jerusalem, to see what is the breadth of it, and what is the length of it.
3 ⲟⲩⲟϩ ϩⲏⲡⲡⲉ ⲓⲥ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛϧⲣⲏⲓ ⲛϧⲏⲧ ⲛⲁϥⲟϩⲓ ⲉⲣⲁⲧϥ ⲡⲉ ⲟⲩⲟϩ ⲛⲁϥⲛⲏⲟⲩ ⲉⲃⲟⲗ ⲡⲉ ⲛϫⲉⲕⲉⲁⲅⲅⲉⲗⲟⲥ ⲉⲑⲣⲉϥⲉⲣⲁⲡⲁⲛⲧⲁⲛ ⲉⲣⲟϥ .
And, behold, the angel that spoke with me stood by, and another angel went forth to meet him,
4 ⲟⲩⲟϩ ⲡⲉϫⲁϥ ⲛⲁϥ ⲉϥϫⲱ ⲙⲙⲟⲥ ϫⲉϭⲟϫⲓ ⲥⲁϫⲓ ⲛⲉⲙⲡⲓϧⲉⲗϣⲓⲣⲓ ⲉⲧⲧⲏ ⲉⲕϫⲱ ⲙⲙⲟⲥ ϫⲉⲉⲥⲉϣⲱⲡⲓ ⲛϫⲉϩⲓⲉⲣⲟⲩⲥⲁⲗⲏⲙ ⲉⲥⲟⲧⲡ ⲛⲟⲩⲧⲁϩ ⲛⲧⲉⲛⲡⲁϣⲁⲓ ⲛⲛⲓⲣⲱⲙⲓ ⲛⲉⲙⲛⲓⲧⲉⲃⲛⲱⲟⲩⲓ ⲉⲧϧⲉⲛⲧⲉⲥⲙⲏϯ .
and spoke to him, saying, Run and speak to that young man, saying, Jerusalem shall be fully inhabited by reason of the abundance of men and cattle in the midst of her.
5 ⲟⲩⲟϩ ⲁⲛⲟⲕ ⲉⲓⲉϣⲱⲡⲓ ⲛⲁⲥ ⲡⲉϫⲉ ⲡϭⲟⲉⲓⲥ ⲛⲟⲩⲥⲟⲃⲧ ⲛⲭⲣⲱⲙ ⲉϥⲕⲱϯ ⲟⲩⲟϩ ⲉⲓⲉϣⲱⲡⲓ ⲉⲩⲱⲟⲩ ϧⲉⲛⲧⲉⲥⲙⲏϯ .
And I will be to her, saith the Lord, a wall of fire round about, and I will be for a glory in the midst of her.
6 ⲱ ⲱ ⲫⲱⲧ ⲉⲃⲟⲗϩⲁ ⲡⲕⲁϩⲓ ⲙⲡⲉⲙϩⲓⲧ ⲡⲉϫⲉ ⲡϭⲟⲉⲓⲥ ϫⲉⲉⲃⲟⲗϧⲉⲛ ⲡⲓϥⲧⲟⲩ ⲑⲏⲟⲩ ⲛⲧⲉⲧⲫⲉ ⲉⲓⲉⲑⲟⲩⲉⲧ ⲑⲏⲛⲟⲩ ⲡⲉϫⲉ ⲡϭⲥ .
Ho, ho, flee from the land of the north, saith the Lord: for I will gather you from the four winds of heaven, saith the Lord,
7 ⲛⲁϩⲉⲙ ⲑⲏⲛⲟⲩ ⲉϧⲟⲩⲛ ⲉⲥⲓⲱⲛ ⲛⲏⲉⲧϣⲟⲡ ϧⲉⲛⲧϣⲉⲣⲓ ⲙⲃⲁⲃⲩⲗⲱⲛ .
even to Sion: deliver yourselves, ye that dwell with the daughter of Babylon.
8 ϫⲉⲟⲩⲏⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲥ ⲡⲓⲡⲁⲛⲧⲟⲕⲣⲁⲧⲱⲣ ⲁϥⲟⲩⲟⲣⲡⲧ ⲛⲱⲟⲩ ϩⲓⲫⲁϩⲟⲩ ⲛⲛⲓⲉⲑⲛⲟⲥ ⲉⲧⲁⲓϣⲉⲗ ⲑⲏⲛⲟⲩ ϫⲉⲟⲩⲏⲓ ⲫⲏⲉⲧϭⲓⲛⲉⲙⲱⲧⲉⲛ ⲁϥ ⲙⲫⲣⲏϯ ⲙⲫⲏⲉⲧϭⲓⲛⲉⲙ ⲧⲁⲗⲗⲟⲩ ⲛⲛⲉϥⲃⲁⲗ .
For thus saith the Lord Almighty; After the glory has he sent me to the nations that spoiled you: for he that touches you is as one that touches the apple of his eye.
9 ϫⲉⲟⲩⲏⲓ ϩⲏⲡⲡⲉ ⲁⲛⲟⲕ ϯⲛⲁⲓⲛⲓ ⲛⲧⲁϫⲓϫ ⲟⲩⲟϩ ⲉⲩⲉϣⲱⲡⲓ ⲉⲡϣⲱⲗ ⲛⲛⲏⲉⲧⲁⲩϣⲟⲗⲟⲩ ⲟⲩⲟϩ ⲉⲣⲉⲧⲉⲛⲉⲉⲙⲓ ϫⲉⲡϭⲟⲉⲓⲥ ⲡⲓⲡⲁⲛⲧⲟⲕⲣⲁⲧⲱⲣ ⲡⲉⲧⲁϥⲟⲩⲟⲣⲡⲧ .
For, behold, I bring my hand upon them, and they shall be a spoil to them that serve them: and ye shall know that the Lord Almighty has sent me.
10 ⲟⲩⲣⲟⲧ ⲟⲩⲟϩ ⲟⲩⲛⲟϥ ⲧϣⲉⲣⲓ ⲛⲥⲓⲱⲛ ϫⲉϩⲏⲡⲡⲉ ⲁⲛⲟⲕ ϯⲛⲟⲩ ⲟⲩⲟϩ ⲛⲧⲁϣⲱⲡⲓ ϧⲉⲛⲧⲉⲙⲏϯ ⲡⲉϫⲉ ⲡϭⲥ .
Rejoice and be glad, O daughter of Sion: for, behold, I come, and will dwell in the midst of thee, saith the Lord.
11 ⲟⲩⲟϩ ϩⲁⲛⲙⲏϣ ⲛⲉⲑⲛⲟⲥ ⲉⲩⲉⲫⲱⲧ ⲉⲣⲁⲧϥ ⲙⲡϭⲟⲉⲓⲥ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲟⲩⲟϩ ⲉⲩⲉϣⲱⲡⲓ ⲛⲁϥ ⲉⲟⲩⲗⲁⲟⲥ ⲟⲩⲟϩ ⲉⲩⲉϣⲱⲡⲓ ϧⲉⲛⲧⲉⲙⲏϯ ⲟⲩⲟϩ ⲉⲣⲉⲉⲙⲓ ϫⲉⲡϭⲟⲉⲓⲥ ⲡⲓⲡⲁⲛⲧⲟⲕⲣⲁⲧⲱⲣ ⲡⲉⲧⲁϥⲟⲩⲟⲣⲡⲧ ϩⲁⲣⲟ .
And many nations shall flee for refuge to the Lord in that day, and they shall be for a people to him, and they shall dwell in the midst of thee: and thou shalt know that the Lord Almighty has sent me to thee.
12 ⲟⲩⲟϩ ⲉⲣⲉⲡϭⲥ ⲉⲉⲣⲕⲗⲏⲣⲟⲛⲟⲙⲓⲛ ⲛⲓⲟⲩⲇⲁ ⲧⲉϥⲧⲟⲓ ϩⲓϫⲉⲛⲡⲓⲕⲁϩⲓ ⲉⲑⲟⲩⲁⲃ ⲟⲩⲟϩ ⲉϥⲉⲥⲱⲧⲡ ⲛⲓⲗⲏⲙ .
And the Lord shall inherit Juda his portion in the holy land, and he will yet choose Jerusalem.
13 ⲙⲁⲣⲟⲩⲉⲣϩⲟϯ ϧⲁⲧϩⲏ ⲙⲡϩⲟ ⲙⲡϭⲟⲉⲓⲥ ⲛϫⲉⲥⲁⲣⲝ ⲛⲓⲃⲉⲛ ϫⲉⲁϥⲧⲱⲛϥ ⲉⲃⲟⲗϧⲉⲛ ⲛⲉϥϭⲏⲡⲓ ⲉⲑⲟⲩⲁⲃ .
Let all flesh fear before the Lord: for he has risen up from his holy clouds.