1 ⲟⲩⲟϩ ⲉⲥⲉϣⲱⲡⲓ ⲉⲡϧⲁⲉ ⲛⲧⲉⲛⲓⲉϩⲟⲟⲩ ⲉϥⲉⲟⲩⲟⲛϩϥ ⲉⲃⲟⲗ ⲛϫⲉⲡⲧⲱⲟⲩ ⲙⲡϭⲟⲉⲓⲥ ⲉϥⲥⲉⲃⲧⲱⲧ ϩⲓϫⲉⲛⲛⲓϭⲓⲥⲓ ⲛⲧⲉⲛⲓⲧⲱⲟⲩ ⲟⲩⲟϩ ⲉϥⲉϭⲓⲥⲓ ⲥⲁⲡϣⲱⲓ ⲛⲛⲓⲑⲁⲗ ⲉⲩⲉⲓⲱⲥ ϩⲁⲣⲟϥ ⲛϫⲉⲛⲓⲗⲁⲟⲥ .

And at the last days the mountain of the Lord shall be manifest, established on the tops of the mountains, and it shall be exalted above the hills; and the peoples shall hasten to it.

2 ⲟⲩⲟϩ ⲉⲩⲉⲙⲟϣⲓ ϩⲁⲣⲟϥ ⲛϫⲉⲟⲩⲙⲏϣ ⲛⲉⲑⲛⲟⲥ ⲟⲩⲟϩ ⲉⲩⲉϫⲟⲥ ϫⲉⲁⲙⲱⲓⲛⲓ ⲙⲁⲣⲉⲛϣⲉⲛⲁⲛ ⲉⲡϣⲱⲓ ⲉϫⲉⲛⲡⲓⲧⲱⲟⲩ ⲛⲧⲉⲡϭⲥ ⲛⲉⲙⲡⲏⲓ ⲙⲫⲛⲟⲩϯ ⲛⲓⲁⲕⲱⲃ ⲟⲩⲟϩ ⲉⲩⲉⲧⲁⲙⲟⲛ ⲉⲛⲉϥⲙⲱⲓⲧ ⲟⲩⲟϩ ⲉⲛⲉⲙⲟϣⲓ ϧⲉⲛⲛⲉϥⲙⲁⲛⲙⲟϣⲓ ϫⲉⲉⲃⲟⲗϧⲉⲛ ⲥⲓⲱⲛ ⲉϥⲉⲓ ⲉⲃⲟⲗ ⲛϫⲉⲟⲩⲛⲟⲙⲟⲥ ⲟⲩⲟϩ ⲡⲥⲁϫⲓ ⲙⲡϭⲟⲉⲓⲥ ⲉⲃⲟⲗϧⲉⲛ ϩⲓⲉⲣⲟⲩⲥⲁⲗⲏⲙ .

And many nations shall go, and say, Come, let us go up to the mountain of the Lord, and to the house of the God of Jacob; and they shall shew us his way, and we will walk in his paths: for out of Sion shall go forth a law, and the word of the Lord from Jerusalem.

3 ⲟⲩⲟϩ ⲉϥⲉϯϩⲁⲡ ϧⲉⲛⲧⲙⲏϯ ⲛϩⲁⲛⲗⲁⲟⲥ ⲉⲩⲟϣ ⲟⲩⲟϩ ϥⲛⲁⲥⲟϩⲓ ⲛϩⲁⲛⲗⲁⲟⲥ ⲉⲩϫⲟⲣϫ ϣⲁⲉϧⲟⲩⲛ ⲉⲟⲩⲕⲁϩⲓ ⲉϥⲟⲩⲏⲟⲩ ⲟⲩⲟϩ ⲉⲩⲉϩⲱⲙⲓ ⲛⲛⲟⲩⲥⲏϥⲓ ⲉϩⲁⲛϩⲉⲃⲓ ⲛⲉⲙⲛⲟⲩⲛⲁⲃⲓ ⲉϩⲁⲛⲟϧⲥ ⲟⲩⲟϩ ⲛⲛⲉ ⲉⲑⲛⲟⲥ ϭⲓ ⲥⲏϥⲓ ⲉϫⲉⲛⲉⲑⲛⲟⲥ ⲟⲩⲟϩ ⲛⲛⲟⲩϭⲓⲥⲃⲱ ϫⲉⲉⲃⲱⲧⲥ .

And he shall judge among many peoples, and shall rebuke strong nations afar off; and they shall beat their swords into ploughshares, and their spears into sickles; and nation shall no more lift up sword against nation, neither shall they learn to war any more.

4 ⲟⲩⲟϩ ⲉⲣⲉⲫⲟⲩⲁⲓ ⲫⲟⲩⲁⲓ ⲙⲧⲟⲛ ⲙⲙⲟϥ ⲥⲁⲡⲉⲥⲏⲧ ⲛⲧⲉϥⲃⲱⲛⲁⲗⲟⲗⲓ ⲟⲩⲟϩ ⲫⲟⲩⲁⲓ ⲫⲟⲩⲁⲓ ⲥⲁⲡⲉⲥⲏⲧ ⲛⲧⲉϥⲃⲱⲛⲕⲉⲛⲧⲉ ⲟⲩⲟϩ ⲛⲛⲉϥϣⲱⲡⲓ ⲛϫⲉⲫⲏⲉⲑⲛⲁϯϩⲟϯ ϫⲉⲟⲩⲏⲓ ⲣⲱϥ ⲙⲡϭⲟⲉⲓⲥ ⲡⲓⲡⲁⲛⲧⲟⲕⲣⲁⲧⲱⲣ ⲡⲉⲧⲁϥⲥⲁϫⲓ ⲛⲛⲁⲓ .

And every one shall rest under his vine, and every one under his fig-tree; and there shall be none to alarm them: for the mouth of the Lord Almighty has spoken these words.

5 ϫⲉⲉⲩⲉⲙⲟⲩϯ ⲛϫⲉⲛⲓⲗⲁⲟⲥ ⲧⲏⲣⲟⲩ ⲫⲟⲩⲁⲓ ⲫⲟⲩⲁⲓ ϧⲉⲛⲡⲉϥⲙⲱⲓⲧ ⲁⲛⲟⲛ ⲇⲉ ⲉⲛⲉⲙⲟϣⲓ ϧⲉⲛⲫⲣⲁⲛ ⲙⲡϭⲟⲉⲓⲥ ⲡⲉⲛⲛⲟⲩϯ ϣⲁⲡⲉⲛⲉϩ ⲛⲉⲙⲥⲁⲙⲛⲏ .

For all other nations shall walk everyone in his own way, but we will walk in the name of the Lord our God for ever and ever.

6 ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲡⲉϫⲉ ⲡϭⲟⲉⲓⲥ ϯⲛⲁⲑⲱⲟⲩϯ ⲛⲑⲏⲉⲧϧⲉⲙϧⲱⲙ ⲟⲩⲟϩ ⲑⲏⲉⲧⲁⲩϩⲓⲧⲥ ⲉⲃⲟⲗ ϯⲛⲁϣⲟⲡⲥ ⲉⲣⲟⲓ ⲛⲉⲙⲛⲏⲉⲧⲁⲓⲭⲁⲩ ⲛⲥⲱⲓ .

In that day, saith the Lord, I will gather her that is bruised, and will receive her that is cast out, and those whom I rejected.

7 ⲟⲩⲟϩ ϯⲛⲁⲭⲱ ⲛⲑⲏⲉⲧϧⲉⲙϧⲱⲙ ⲉⲩⲥⲱϫⲡ ⲟⲩⲟϩ ⲑⲏⲉⲧⲁⲩϩⲓⲧⲥ ⲉⲃⲟⲗ ⲉⲟⲩⲉⲑⲛⲟⲥ ⲁϥϫⲟⲣ ⲟⲩⲟϩ ⲉϥⲉⲉⲣⲟⲩⲣⲟ ⲉϫⲱⲟⲩ ⲛϫⲉⲡϭⲟⲉⲓⲥ ϧⲉⲛⲡⲧⲱⲟⲩ ⲛⲥⲓⲱⲛ ⲓⲥϫⲉⲛ ϯⲛⲟⲩ ⲛⲉⲙϣⲁⲉⲛⲉϩ .

And I will make her that was bruised a remnant, and her that was rejected a mighty nation: and the Lord shall reign over them in mount Sion from henceforth, even for ever.

8 ⲟⲩⲟϩ ⲛⲑⲟⲕ ⲡⲓⲡⲩⲣⲅⲟⲥ ⲛⲧⲉⲡⲓⲓⲟϩⲓ ⲫⲏⲉⲧⲟⲓ ⲛϩⲗⲟⲗ ⲛⲧϣⲉⲣⲓ ⲛⲥⲓⲱⲛ ⲉϥⲉⲓ ⲉϩⲣⲏⲓ ⲉϫⲱⲟⲩⲟϩ ⲉⲥⲉⲓ ⲉϧⲟⲩⲛ ⲛϫⲉϯⲁⲣⲭⲏ ϯⲙⲉⲧⲟⲩⲣⲟ ⲛϩⲟⲩⲓϯ ⲉⲃⲟⲗϧⲉⲛ ⲃⲁⲃⲩⲗⲱⲛ ⲧϣⲉⲣⲓ ⲛⲓⲗⲏⲙ .

And thou, dark tower of the flock, daughter of Sion, on thee the dominion shall come and enter in, even the first kingdom from Babylon to the daughter of Jerusalem.

9 ⲟⲩⲟϩ ϯⲛⲟⲩ ⲉⲑⲃⲉⲟⲩ ⲁⲣⲉⲥⲟⲩⲉⲛ ϩⲁⲛⲡⲉⲧϩⲱⲟⲩ ⲁⲛ ⲉⲧⲉⲙⲙⲟⲛ ⲟⲩⲣⲟ ϣⲱⲡⲓ ⲛⲉ ⲓⲉ ⲁⲛ ⲁϥⲧⲁⲕⲟ ⲛϫⲉⲡⲉⲥⲟϭⲛⲓ ϫⲉⲁⲩⲁⲙⲟⲛⲓ ⲙⲙⲟ ⲛϫⲉϩⲁⲛⲛⲁⲕϩⲓ ⲙⲫⲣⲏϯ ⲛⲧⲉⲑⲏⲉⲑⲛⲁⲙⲓⲥⲓ .

And now, why hast thou known calamities? was there not a king to thee? or has thy counsel perished that pangs as of a woman in travail have seized upon thee?

10 ⲙⲁⲛⲁⲕϩⲓ ⲟⲩⲟϩ ϫⲉⲙⲛⲟⲙϯ ⲟⲩⲟϩ ϧⲱⲛⲧ ⲉϧⲟⲩⲛ ⲛⲧϣⲉⲣⲓ ⲛⲥⲓⲱⲛ ⲙⲫⲣⲏϯ ⲛⲧⲉⲑⲏⲉⲑⲛⲁⲙⲓⲥⲓ ϫⲉⲟⲩⲏⲓ ϯⲛⲟⲩ ⲉⲣⲉⲓ ⲉⲃⲟⲗ ϧⲉⲛⲟⲩⲃⲁⲕⲓ ⲟⲩⲟϩ ⲉⲣⲉϣⲱⲡⲓ ϧⲉⲛⲟⲩⲙⲉϣϣⲱⲧ ⲟⲩⲟϩ ⲉⲣⲉⲓ ⲉⲃⲟⲗ ϣⲁⲃⲁⲃⲩⲗⲱⲛ ⲟⲩⲟϩ ⲉϥⲉⲛⲁϩⲙⲓ ⲉⲃⲟⲗϧⲉⲛ ⲡⲓⲙⲁ ⲉⲧⲉⲙⲙⲁⲩ ⲟⲩⲟϩ ⲉϥⲉⲥⲟⲧϯ ⲉⲃⲟⲗ ⲙⲙⲁⲩ ⲛϫⲉⲡϭⲥ ⲡⲉⲛⲛⲟⲩϯ ⲉⲃⲟⲗϧⲉⲛ ⲧϫⲓϫ ⲛⲛⲉϫⲁϫⲓ .

Be in pain, and strengthen thyself, and draw near, O daughter of Sion, as a woman in travail: for now thou shalt go forth out of the city, and shalt lodge in the plain, and shalt reach even to Babylon: thence shall the Lord thy God deliver thee, and thence shall he redeem thee out of the hand of thine enemies.

11 ⲟⲩⲟϩ ϯⲛⲟⲩ ⲁⲩⲑⲱⲟⲩϯ ⲉϩⲣⲏⲓ ⲉϫⲱⲛϫⲉϩⲁⲛⲙⲏϣ ⲛⲉⲑⲛⲟⲥ ⲛⲏⲉⲧϫⲱ ⲙⲙⲟⲥ ϫⲉⲧⲉⲛⲣⲁϣⲓ ⲟⲩⲟϩ ⲉⲩⲉϫⲟⲩϣⲧ ⲉϫⲉⲛⲥⲓⲱⲛ ⲛϫⲉⲛⲉⲛⲃⲁⲗ .

And now have many nations gathered against thee, saying, We will rejoice, and our eyes shall look upon Sion.

12 ⲛⲑⲱⲟⲩ ⲇⲉ ⲙⲡⲟⲩⲥⲟⲩⲉⲛ ⲙⲫⲙⲉⲩⲓ ⲙⲡϭⲟⲉⲓⲥ ⲟⲩⲟϩ ⲙⲡⲟⲩⲕⲁϯ ⲉⲡⲉϥⲥⲟϭⲛⲓ ϫⲉⲁϥⲑⲟⲩⲱⲧⲟⲩ ⲙⲫⲣⲏϯ ⲛϩⲁⲛⲭⲛⲁⲩ ⲛⲧⲉⲟⲩϭⲛⲱⲟⲩ .

But they know not the thought of the Lord, and have not understood his counsel: for he has gathered them as sheaves of the floor.

13 ⲧⲱⲟⲩⲛⲓ ⲟⲩⲟϩ ϩⲉⲓ ⲉϫⲱⲟⲩ ⲧϣⲉⲣⲓ ⲛⲥⲓⲱⲛ ϫⲉⲛⲉⲧⲁⲡ ϯⲛⲁⲭⲁⲩ ⲉϩⲁⲛⲃⲉⲛⲓⲟⲩⲟϩ ⲛⲉⲓⲉⲃ ϯⲛⲁⲭⲁⲩ ⲉϩⲁⲛϩⲟⲙⲧ ⲟⲩⲟϩ ⲉⲣⲉⲃⲱⲗ ⲉⲃⲟⲗ ⲛϩⲁⲛⲗⲁⲟⲥ ⲉⲩⲟϣ ⲟⲩⲟϩ ⲉⲣⲉⲭⲱ ⲙⲡⲟⲩⲙⲏϣ ⲙⲡϭⲟⲉⲓⲥ ⲛⲉⲙⲧⲟⲩϫⲟⲙ ⲙⲡϭⲟⲉⲓⲥ ⲡⲕⲁϩⲓ ⲧⲏⲣϥ .

Arise, and thresh them, O daughter of Sion: for I will make thine horns iron, and I will make thine hoofs brass: and thou shalt utterly destroy many nations, and shalt consecrate their abundance to the Lord, and their strength to the Lord of all the earth.