1 ⲟⲩⲟϩ ⲉϥⲉϫⲟⲥ ϫⲉⲥⲱⲧⲉⲙ ⲉⲛⲁⲓ ⲛⲓⲁⲣⲭⲱⲛ ⲛⲧⲉⲡⲏⲓ ⲛⲓⲁⲕⲱⲃ ⲛⲉⲙⲛⲓⲥⲱϫⲡ ⲛⲧⲉⲡⲏⲓ ⲙⲡⲓⲥⲗ ⲙⲏ ⲫⲱⲧⲉⲛ ⲁⲛ ⲉⲉⲙⲓ ⲉⲡϩⲁⲡ .
And he shall say, Hear now these words, ye heads of the house of Jacob, and ye remnant of the house of Israel; is it not for you to know judgment?
2 ⲛⲏⲉⲑⲙⲟⲥϯ ⲛⲛⲓⲡⲉⲑⲛⲁⲛⲉⲩ ⲟⲩⲟϩ ⲉⲩⲕⲱϯ ⲛⲥⲁⲛⲓⲡⲉⲧϩⲱⲟⲩ ⲉⲩϩⲱⲗⲉⲙ ⲛⲛⲟⲩϣⲁⲣ ⲉⲃⲟⲗ ⲙⲙⲱⲟⲩ ⲛⲉⲙⲛⲟⲩⲥⲁⲣⲝ ⲉⲃⲟⲗϧⲉⲛ ⲛⲟⲩⲕⲁⲥ .
who hate good, and seek evil; who tear their skins off them, and their flesh off their bones:
3 ⲙⲫⲣⲏϯ ⲉⲧⲁⲩⲟⲩⲱⲙ ⲛⲛⲓⲥⲁⲣⲝ ⲛⲧⲉⲡⲁⲗⲁⲟⲥ ⲟⲩⲟϩ ⲛⲟⲩϣⲁⲣ ⲁⲩⲥⲁϧⲧⲟⲩ ⲉⲃⲟⲗϩⲁ ⲛⲟⲩⲕⲁⲥ ⲁⲩϧⲉⲙϧⲱⲙⲟⲩ ⲟⲩⲟϩ ⲁⲩⲫⲁϣⲟⲩ ⲙⲫⲣⲏϯ ⲛϩⲁⲛⲥⲁⲣⲝ ⲉⲟⲩⲗⲉⲃⲏⲥ ⲛⲉⲙⲙⲫⲣⲏϯ ⲛϩⲁⲛⲁϥ ⲉⲟⲩϣⲓⲱ .
even as they devoured the flesh of my people, and stripped their skins off them, and broke their bones, and divided them as flesh for the caldron, and as meat for the pot,
4 ⲡⲁⲓⲣⲏϯ ⲉⲩⲉⲱϣ ⲉⲃⲟⲗ ⲟⲩⲃⲉ ⲡϭⲟⲉⲓⲥ ⲛⲛⲉϥⲥⲱⲧⲉⲙ ⲉⲣⲱⲟⲩ ⲟⲩⲟϩ ⲉϥⲉⲧⲁⲥⲑⲟ ⲙⲡⲉϥϩⲟ ⲉⲃⲟⲗϩⲁⲣⲱⲟⲩ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲉⲫⲙⲁ ϫⲉⲁⲩⲉⲣ ⲡⲉⲧϩⲱⲟⲩ ϧⲉⲛⲛⲟⲩϩⲃⲏⲟⲩⲓ ⲉϩⲣⲏⲓ ⲉϫⲱⲟⲩ .
thus they shall cry to the Lord, but he shall not hearken to them; and he shall turn away his face from them at that time, because they have done wickedly in their practices against themselves.
5 ⲛⲁⲓ ⲛⲉ ⲛⲏⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲉⲓⲥ ⲉϫⲉⲛⲛⲓⲡⲣⲟⲫⲏⲧⲏⲥ ⲛⲏⲉⲧⲥⲱⲣⲉⲙ ⲙⲡⲁⲗⲁⲟⲥ ⲛⲏⲉⲧϭⲓⲗⲁⲡⲥⲓ ϧⲉⲛⲛⲟⲩⲛⲁϫϩⲓ ⲟⲩⲟϩ ⲉⲩϩⲓⲱⲓϣ ⲉϩⲣⲏⲓ ⲉϫⲱϥ ⲛⲟⲩϩⲓⲣⲏⲛⲏ ⲟⲩⲟϩ ⲙⲡⲟⲩⲧⲏⲓⲥ ⲉϧⲟⲩⲛ ⲉⲣⲱⲟⲩ ⲁⲩⲧⲟⲩⲛⲟⲥ ⲟⲩⲡⲟⲗⲉⲙⲟⲥ ⲉϩⲣⲏⲓ ⲉϫⲱϥ .
Thus saith the Lord concerning the prophets that lead my people astray, that bit with their teeth, and proclaim peace to them; and when nothing was put into their mouth, they raised up war against them:
6 ⲉⲑⲃⲉⲫⲁⲓ ⲉϥⲉϣⲱⲡⲓ ⲛⲱⲧⲉⲛ ⲛϫⲉⲟⲩⲉϫⲱⲣϩ ⲉⲃⲟⲗϧⲉⲛ ⲟⲩϩⲟⲣⲁⲥⲓⲥ ⲟⲩⲟϩ ⲟⲩⲭⲁⲕⲓ ⲉϥⲉϣⲱⲡⲓ ⲛⲱⲧⲉⲛ ⲉⲃⲟⲗϧⲉⲛ ⲟⲩⲙⲉⲧϣⲉⲛϩⲓⲛ ⲟⲩⲟϩ ⲉⲣⲉⲫⲣⲏ ϩⲱⲧⲡ ⲉϫⲉⲛⲛⲓⲡⲣⲟⲫⲏⲧⲏⲥ ⲟⲩⲟϩ ⲉϥⲉⲉⲣⲭⲁⲕⲓ ⲉϩⲣⲏⲓ ⲉϫⲱⲟⲩ ⲛϫⲉⲡⲓⲉϩⲟⲟⲩ .
therefore there shall be night to you instead of a vision, and there shall be to you darkness instead of prophecy; and the sun shall go down upon the prophets, and the day shall be dark upon them.
7 ⲟⲩⲟϩ ⲉⲩⲉϭⲓϣⲓⲡⲓ ⲛϫⲉⲛⲏⲉⲑⲛⲁⲩ ⲉⲛⲓⲣⲁⲥⲟⲩⲓ ⲟⲩⲟϩ ⲉⲩⲉⲥⲱⲃⲓ ⲛⲛⲓⲣⲉϥϣⲉⲛϩⲓⲛ ⲟⲩⲟϩ ⲛⲑⲱⲟⲩ ⲧⲏⲣⲟⲩ ⲉⲩⲉⲥⲁϫⲓ ⲛⲥⲱⲟⲩ ϫⲉⲟⲩⲏⲓ ⲛⲛⲉϥϣⲱⲡⲓ ⲛϫⲉⲫⲏⲉⲑⲛⲁⲥⲱⲧⲉⲙ ⲉⲣⲱⲟⲩ .
And the seers of night-visions shall be ashamed, and the prophets shall be laughed to scorn: and all the people shall speak against them, because there shall be none to hearken to them.
8 ⲁⲓϣⲧⲉⲙⲙⲁϩⲟⲩ ⲛϫⲟⲙ ⲁⲛⲟⲕ ϧⲉⲛⲟⲩⲡⲛⲉⲩⲙⲁ ⲛⲧⲉⲡϭⲥ ⲛⲉⲙⲟⲩϩⲁⲡ ⲛⲉⲙⲟⲩⲙⲉⲧϫⲱⲣⲓ ⲉⲡϫⲓⲛⲧⲁⲙⲉ ⲓⲁⲕⲱⲃ ⲛⲛⲉϥⲙⲉⲧⲁⲥⲉⲃⲏⲥ ⲛⲉⲙⲡⲓⲥⲗ ⲉⲡⲉϥⲛⲟⲃⲓ .
Surely I will strengthen myself with the Spirit of the Lord, and of judgment, and of power, to declare to Jacob his transgressions, and to Israel his sins.
9 ⲥⲱⲧⲉⲙ ⲉⲛⲁⲓ ⲛⲓϩⲩⲅⲟⲩⲙⲉⲛⲟⲥ ⲛⲧⲉⲡⲏⲓ ⲛⲓⲁⲕⲱⲃ ⲛⲉⲙⲛⲓⲥⲱϫⲡ ⲛⲧⲉⲡⲏⲓ ⲙⲡⲓⲥⲗ ⲛⲏⲉⲧⲥⲱϥ ⲛⲟⲩϩⲁⲡ ⲉⲩⲫⲱⲛϩ ⲛⲛⲏⲉⲧⲥⲟⲩⲧⲱⲛ ⲧⲏⲣⲟⲩ .
Hear now these words, ye chiefs of the house of Jacob, and the remnant of the house of Israel, who hate judgment, and pervert all righteousness;
10 ⲛⲏⲉⲧⲕⲱⲧ ⲛⲥⲓⲱⲛ ϧⲉⲛϩⲁⲛⲥⲛⲟϥ ⲟⲩⲟϩ ϩⲓⲉⲣⲟⲩⲥⲁⲗⲏⲙ ϧⲉⲛϩⲁⲛϭⲓⲛϫⲟⲛⲥ .
who build up Sion with blood, and Jerusalem with iniquity.
11 ⲛⲉⲥϩⲩⲅⲟⲩⲙⲉⲛⲟⲥ ⲛⲁⲩϯϩⲁⲡ ϧⲁⲇⲱⲣⲟⲛ ⲟⲩⲟϩ ⲛⲉⲥⲟⲩⲏⲃ ⲛⲁⲩⲉⲣⲟⲩⲱ ϧⲁⲟⲩⲃⲉⲭⲉ ⲟⲩⲟϩ ⲛⲉⲥⲡⲣⲟⲫⲏⲧⲏⲥ ⲛⲁⲩⲉⲣϣⲉⲛϩⲓⲛ ϧⲉⲛⲟⲩϩⲁⲧ ⲟⲩⲟϩ ⲛⲁⲩⲉⲙⲧⲟⲛ ⲙⲙⲱⲟⲩ ⲉϫⲉⲛⲡϭⲥ ⲉⲩϫⲱ ⲙⲙⲟⲥ ϫⲉⲙⲏ ⲡϭⲥ ϣⲟⲡ ⲛϧⲏⲧⲉⲛ ⲁⲛ ⲛⲛⲉ ⲡⲉⲧϩⲱⲟⲩ ⲓ ⲉϩⲣⲏⲓ ⲉϫⲱⲛ .
The heads thereof have judged for gifts, and the priests thereof have answered for hire, and her prophets have divined for silver: and yet they have rested on the Lord, saying, Is not the Lord among us? no evil shall come upon us.
12 ⲉⲑⲃⲉⲫⲁⲓ ⲥⲓⲱⲛ ⲉⲩⲉⲥⲭⲏⲧⲥ ⲙⲫⲣⲏϯ ⲛⲟⲩⲓⲟϩⲓ ⲉⲑⲃⲉⲑⲏⲛⲟⲩ ⲟⲩⲟϩ ϩⲓⲉⲣⲟⲩⲥⲁⲗⲏⲙ ⲙⲫⲣⲏϯ ⲛⲟⲩⲙⲁⲛⲁⲣⲉϩ ⲛϫⲓϫⲓ ⲟⲩⲟϩ ⲡⲓⲧⲱⲟⲩ ⲛⲧⲉⲡⲓⲏⲓ ⲉϥⲉⲉⲣ ⲙⲫⲣⲏϯ ⲛⲟⲩⲓⲁϩϣϣⲏⲛ .
Therefore on your account Sion shall be ploughed as a field, and Jerusalem shall be as a storehouse of fruits, and the mountain of the house as a grove of the forest.