1 ⲛⲁⲓ ⲛⲉ ⲛⲏⲉⲧⲁϥϫⲱ ⲙⲙⲱⲟⲩ ⲛϫⲉⲡϭⲟⲉⲓⲥ ⲉϫⲉⲛϯⲅ ⲙⲙⲉⲧⲁⲥⲉⲃⲏⲥ ⲛⲧⲉⲙⲱⲁⲃ ⲛⲉⲙⲉϫⲉⲛϯⲙⲁϩⲇ ⲛⲛⲁⲧⲁⲥⲑⲟ ⲉⲃⲟⲗϩⲁⲣⲟϥ ⲉⲑⲃⲉϫⲉⲁⲩⲣⲱⲕϩ ⲛⲛⲉⲛⲕⲁⲥ ⲙⲡⲟⲩⲣⲟ ⲛⲧⲉϯϩⲩⲇⲟⲩⲙⲉⲁ ⲉⲩⲕⲟⲛⲓⲁ .
Thus saith the Lord; For three sins of Moab, and for four, I will not turn away from it; because they burnt the bones of the king of Idumea to lime.
2 ⲟⲩⲟϩ ϯⲛⲁⲟⲩⲱⲣⲡ ⲛⲟⲩⲭⲣⲱⲙ ⲉϫⲉⲛⲙⲱⲁⲃ ⲟⲩⲟϩ ⲉϥⲉⲟⲩⲱⲙ ⲛⲛⲓⲥⲉⲛϯ ⲛⲧⲉⲛⲟⲩⲃⲁⲕⲓ ⲟⲩⲟϩ ⲉϥⲉⲙⲟⲩ ϧⲉⲛⲟⲩⲙⲉⲧⲁⲧϫⲟⲙ ⲛϫⲉⲙⲱⲁⲃ ϧⲉⲛⲟⲩϧⲣⲱⲟⲩ ⲛⲉⲙⲟⲩⲥⲙⲏ ⲛⲥⲁⲗⲡⲓⲅⲅⲟⲥ .
But I will send forth a fire on Moab, and it shall devour the foundations of its cities: and Moab shall perish in weakness, with a shout, and with the sound of a trumpet.
3 ⲟⲩⲟϩ ϯⲛⲁϥⲱϯ ⲛⲟⲩⲣⲉϥϯϩⲁⲡ ⲉⲃⲟⲗ ⲛϧⲏⲧⲥ ⲟⲩⲟϩ ⲛⲉⲥⲁⲣⲭⲱⲛ ⲧⲏⲣⲟⲩ ϯⲛⲁϧⲟⲑⲃⲟⲩ ⲡⲉϫⲉ ⲡϭⲥ .
And I will destroy the judge out of her, and slay all her princes with him, saith the Lord.
4 ⲛⲁⲓ ⲛⲉ ⲛⲏⲉⲧⲁϥϫⲱ ⲙⲙⲱⲟⲩ ⲛϫⲉⲡϭⲟⲉⲓⲥ ⲉϫⲉⲛϯⲅ ⲙⲙⲉⲧⲁⲥⲉⲃⲏⲥ ⲛⲧⲉⲛⲉⲛϣⲏⲣⲓ ⲛⲓⲟⲩⲇⲁ ⲛⲉⲙⲉϫⲉⲛϯⲙⲁϩⲇ ⲛⲛⲁⲧⲁⲥⲑⲟ ⲉⲃⲟⲗϩⲁⲣⲱⲟⲩ ⲉⲫⲙⲁ ϫⲉⲁⲩⲭⲱ ⲛⲥⲱⲟⲩ ⲙⲫⲛⲟⲙⲟⲥ ⲙⲡϭⲟⲉⲓⲥ ⲟⲩⲟϩ ⲙⲡⲟⲩⲁⲣⲉϩ ⲉⲛⲉϥⲟⲩⲁϩⲥⲁϩⲛⲓ ⲟⲩⲟϩ ⲁϥⲥⲟⲣⲙⲟⲩ ⲛϫⲉⲛⲟⲩⲙⲉⲧⲉⲫⲗⲏⲟⲩ ⲛⲁⲓ ⲉⲧⲁⲩⲑⲁⲙⲓⲱⲟⲩ ⲛⲁⲓ ⲉⲧⲁⲩⲙⲟϣⲓ ⲥⲁⲙⲉⲛϩⲏⲟⲩ ⲛϫⲉⲛⲟⲩⲓⲟϯ .
Thus saith the Lord; For three sins of the children of Judah, and for four, I will not turn away from him; because they have rejected the law of the Lord, and have not kept his ordinances, and their vain idols which they made, which their fathers followed, caused them to err.
5 ⲟⲩⲟϩ ϯⲛⲁⲟⲩⲱⲣⲡ ⲛⲟⲩⲭⲣⲱⲙ ⲉϫⲉⲛⲓⲟⲩⲇⲁ ⲟⲩⲟϩ ⲉϥⲉⲟⲩⲱⲙ ⲛⲛⲓⲥⲉⲛϯ ⲛⲧⲉϩⲓⲉⲣⲟⲩⲥⲁⲗⲏⲙ .
And I will send a fire on Juda, and it shall devour the foundations of Jerusalem.
6 ⲛⲁⲓ ⲛⲉ ⲛⲏⲉⲧⲁϥϫⲱ ⲙⲙⲱⲟⲩ ⲛϫⲉⲡϭⲟⲉⲓⲥ ⲉϫⲉⲛϯⲅ ⲙⲙⲉⲧⲁⲥⲉⲃⲏⲥ ⲛⲧⲉⲡⲓⲥⲗ ⲛⲉⲙⲉϫⲉⲛϯⲙⲁϩⲇ ⲛⲛⲁⲧⲁⲥⲑⲟ ⲉⲃⲟⲗϩⲁⲣⲟϥ ⲉⲫⲙⲁ ϫⲉⲁⲩϯ ⲛⲟⲩⲑⲙⲏⲓ ⲉⲃⲟⲗ ϧⲁϩⲁⲧ ⲛⲉⲙⲟⲩϩⲏⲕⲓ ⲉⲑⲃⲉϩⲁⲛⲑⲱⲟⲩⲓ .
Thus saith the Lord; for three sins of Israel, and for four, I will not turn away from him; because they sold the righteous for silver, and the poor for sandals,
7 ⲛⲁⲓ ⲉⲧϩⲱⲙⲓ ⲉϫⲉⲛⲛⲓϣⲱϣ ⲛⲧⲉⲡⲕⲁϩⲓ ⲟⲩⲟϩ ⲛⲁⲩϯⲕⲁϩ ϧⲉⲛⲛⲓⲁⲫⲏⲟⲩⲓ ⲛⲧⲉⲛⲓϩⲏⲕⲓ ⲟⲩⲟϩ ⲫⲙⲱⲓⲧ ⲛⲧⲉⲛⲏⲉⲧⲑⲉⲃⲓⲏⲟⲩⲧ ⲁⲩⲣⲁⲕϥ ⲉⲃⲟⲗ ⲟⲩⲟϩ ⲟⲩϣⲏⲣⲓ ⲛⲉⲙⲟⲩⲓⲱⲧ ⲛⲁⲩⲛⲁ ⲉϧⲟⲩⲛ ϩⲁϯⲃⲱⲕⲓ ⲛⲟⲩⲱⲧ ϩⲟⲡⲱⲥ ⲛⲧⲟⲩⲥⲱϥ ⲙⲫⲣⲁⲛ ⲙⲡⲟⲩⲛⲟⲩϯ .
wherewith to tread on the dust of the earth, and they have smitten upon the heads of the poor, and have perverted the way of the lowly: and a son and his father have gone into the same maid, that they might profane the name of their God.
8 ⲟⲩⲟϩ ⲛⲟⲩϩⲃⲱⲥ ⲛⲁⲩⲙⲟⲩⲣ ⲙⲙⲱⲟⲩ ⲛϩⲁⲛⲛⲟϩ ⲛⲁⲩⲓⲣⲓ ⲛϩⲁⲛϫⲓⲛⲫⲱⲣϣ ⲉⲃⲟⲗ ϧⲁⲧⲉⲛⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲛⲁⲩⲥⲱ ⲙⲙⲟϥ ϧⲉⲛⲡⲏⲓ ⲙⲡⲟⲩⲛⲟⲩϯ .
And binding their clothes with cords they have made them curtains near the altar, and they have drunk wine gained by extortion in the house of their God.
9 ⲁⲛⲟⲕ ⲇⲉ ⲁⲓϥⲱϯ ⲙⲡⲓⲁⲙⲙⲟⲣⲣⲉⲟⲥ ⲉⲃⲟⲗ ϧⲁⲧϩⲏ ⲙⲡⲟⲩϩⲟ ⲫⲏⲉⲛⲁⲣⲉ ϭⲉϥϭⲓⲥⲓ ⲟⲓ ⲙⲫⲣⲏϯ ⲙⲡϭⲓⲥⲓ ⲛⲟⲩϣⲉⲛⲥⲓϥⲓ ⲟⲩⲟϩ ϥϫⲟⲣ ⲙⲫⲣⲏϯ ⲛⲟⲩⲇⲣⲓⲥ ⲟⲩⲟϩ ⲁⲓⲧϣⲟⲩⲓⲟ ⲙⲡⲉϥⲟⲩⲧⲁϩ ⲥⲁⲡϣⲱⲓ ⲙⲙⲟϥ ⲛⲉⲙⲛⲉϥⲛⲟⲩⲛⲓ ⲥⲁⲡⲉⲥⲏⲧ ⲙⲙⲟϥ .
Nevertheless I cut off the Amorite from before them, whose height was as the height of a cedar, and he was strong as an oak; and I dried up his fruit from above, and his roots from beneath.
10 ⲟⲩⲟϩ ⲁⲓⲉⲛ ⲑⲏⲛⲟⲩ ⲉⲡϣⲱⲓ ⲉⲃⲟⲗϧⲉⲛ ⲡⲕⲁϩⲓ ⲛⲭⲏⲙⲓ ⲟⲩⲟϩ ⲁⲓⲕⲱϯ ⲛⲉⲙⲱⲧⲉⲛ ϩⲓⲡϣⲁϥⲉ ⲛⲙ ⲛⲣⲟⲙⲡⲓ ⲁⲓⲑⲣⲉⲧⲉⲛⲉⲣⲕⲗⲏⲣⲟⲛⲟⲙⲓⲛ ⲙⲡⲕⲁϩⲓ ⲛⲧⲉⲛⲓⲁⲙⲙⲟⲣⲣⲉⲟⲥ .
And I brought you up out of the land of Egypt, and led you about in the desert forty years, that ye should inherit the land of the Amorites.
11 ⲟⲩⲟϩ ⲁⲓϭⲓ ⲉⲃⲟⲗϧⲉⲛ ⲛⲉⲧⲉⲛϣⲏⲣⲓ ⲛϩⲁⲛⲡⲣⲟⲫⲏⲧⲏⲥ ⲟⲩⲟϩ ⲉⲃⲟⲗϧⲉⲛ ⲛⲉⲧⲉⲛϧⲉⲗϣⲓⲣⲓ ⲉⲩⲧⲟⲩⲃⲟ ⲙⲏ ⲛⲁⲓ ⲁⲛ ⲛⲉⲛϣⲏⲣⲓ ⲙⲡⲓⲥⲗ ⲡⲉϫⲉ ⲡϭⲥ .
And I took of your sons for prophets, and of your young men for consecration. Are not these things so, ye sons of Israel? saith the Lord.
12 ⲟⲩⲟϩ ⲛⲁⲣⲉⲧⲉⲛⲧⲥⲟ ⲛⲛⲏⲉⲧⲁⲩⲧⲟⲩⲃⲱⲟⲩ ⲛⲟⲩⲏⲣⲡ ⲟⲩⲟϩ ⲛⲁⲣⲉⲧⲉⲛϩⲟⲛϩⲉⲛ ⲉⲧⲟⲧⲟⲩ ⲛⲛⲓⲡⲣⲟⲫⲏⲧⲏⲥ ⲉⲣⲉⲧⲉⲛϫⲱ ⲙⲙⲟⲥ ϫⲉⲛⲛⲉⲧⲉⲛⲉⲣⲡⲣⲟⲫⲏⲧⲉⲩⲓⲛ .
But ye gave the consecrated ones wine to drink; and ye commanded the prophets, saying, Prophesy not.
13 ⲉⲑⲃⲉⲫⲁⲓ ϩⲏⲡⲡⲉ ⲁⲛⲟⲕ ϯⲛⲁⲥⲕⲉⲣⲕⲉⲣ ⲥⲁⲡⲉⲥⲏⲧ ⲙⲙⲱⲧⲉⲛ ⲙⲫⲣⲏϯ ⲉϣⲁⲩⲥⲕⲉⲣⲕⲉⲣ ⲛⲟⲩⲉⲃⲣⲉϩⲓ ⲉⲥⲙⲉϩ ⲛⲣⲱⲟⲩⲓ .
Therefore, behold, I roll under you, as a waggon full of straw is rolled.
14 ⲟⲩⲟϩ ⲉϥⲉⲧⲁⲕⲟ ⲛϫⲉⲟⲩⲫⲱⲧ ⲉⲃⲟⲗϧⲉⲛ ⲛⲟⲩⲣⲉϥϭⲟϫⲓ ⲟⲩⲟϩ ⲫⲏⲉⲧϫⲟⲣ ⲛⲛⲉϥϣⲁⲙⲁϩⲓ ⲛⲧⲉϥϫⲟⲙ ⲟⲩⲟϩ ⲡⲓⲣⲉϥϯ ⲛⲛⲉϥϣⲛⲟϩⲉⲙ ⲛⲧⲉϥⲯⲩⲭⲏ .
And flight shall perish from the runner, and the strong shall not hold fast his strength, and the warrior shall not save his life:
15 ⲟⲩⲟϩ ⲡⲓⲣⲉϥⲥⲟⲑⲛⲉϥ ⲛⲛⲉϥϣⲟϩⲓ ⲉⲣⲁⲧϥ ⲟⲩⲟϩ ⲫⲏⲉⲧⲁⲥⲓⲱⲟⲩ ϧⲉⲛⲛⲉϥϭⲁⲗⲁⲩϫ ⲛⲛⲉϥϣⲛⲁϩⲙⲉϥ ⲟⲩⲇⲉ ⲡⲓϭⲁⲥⲓϩⲑⲟ ⲛⲛⲉϥϣⲛⲟϩⲉⲙ ⲛⲧⲉϥⲯⲩⲭⲏ .
and the archer shall not withstand, and he that is swift of foot shall in no wise escape; and the horseman shall not save his life.
16 ⲟⲩⲟϩ ⲉϥⲉϫⲓⲙⲓ ⲙⲡⲉϥϩⲏⲧ ϧⲉⲛϩⲁⲛⲙⲉⲧϫⲱⲣⲓ ⲫⲏⲉⲧⲃⲏϣ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉϥⲉⲫⲱⲧ ⲡⲉϫⲉ ⲡϭⲥ .
And the strong shall find no confidence in power: the naked shall flee away in that day, saith the Lord.