1 ϧⲉⲛⲡϫⲓⲛⲑⲣⲓⲧⲁⲥⲑⲟ ⲙⲡⲓⲥⲗ ⲟⲩⲟϩ ⲉⲃⲟⲗ ⲛϫⲉⲧⲕⲁⲕⲓⲁ ⲛⲉⲫⲣⲉⲙ ⲛⲉⲙⲧⲕⲁⲕⲓⲁ ⲛⲧⲥⲁⲙⲁⲣⲓⲁ ϫⲉⲁⲩⲉⲣϩⲱⲃ ⲉϩⲁⲛⲙⲉⲑⲛⲟⲩϫ ⲟⲩⲟϩ ⲉϥⲉϣⲉⲛⲁϥ ⲉϧⲟⲩⲛ ϩⲁⲣⲟϥ ⲛϫⲉⲟⲩⲣⲉϥϭⲓⲛϫⲟⲛⲥ ⲛⲉⲙⲟⲩⲣⲉϥϭⲓⲟⲩⲓ ⲟⲩⲟϩ ⲉϥⲉⲃⲱϣ ⲛϫⲉⲟⲩⲥⲟⲛⲓ ϧⲉⲛⲡⲉϥⲙⲱⲓⲧ .
When I have healed Israel, then shall the iniquity of Ephraim be revealed, and the wickedness of Samaria; for they have wrought falsehood: and a thief shall come in to him, even a robber spoiling in his way;
2 ϩⲟⲡⲱⲥ ⲛⲥⲉⲉⲣϣⲫⲏⲣ ⲛϩⲱⲥ ⲙⲫⲣⲏϯ ⲛⲛⲏⲉⲧϩⲱⲥ ϧⲉⲛⲡⲟⲩϩⲏⲧ ⲛⲟⲩⲕⲁⲕⲓⲁ ⲧⲏⲣⲟⲩ ⲁⲓⲉⲣⲡⲟⲩⲙⲉⲩⲓ ϯⲛⲟⲩ ⲁⲩⲕⲱϯ ⲉⲣⲱⲟⲩ ⲛϫⲉⲛⲟⲩⲙⲉⲩⲓ ⲛϩⲏⲧ ⲟⲩⲟϩ ⲁⲩϣⲱⲡⲓ ⲙⲡⲉⲙⲑⲟ ⲙⲡⲟⲩϩⲟ .
that they may concert together as men singing in their heart: I remember all their wickedness: now have their own counsels compassed them about; they came before my face.
3 ⲛϧⲣⲏⲓ ϧⲉⲛⲛⲟⲩⲕⲁⲕⲓⲁ ⲁⲩⲑⲣⲉ ϩⲁⲛⲟⲩⲣⲱⲟⲩ ⲟⲩⲛⲟϥ ⲛⲉⲙϩⲁⲛⲁⲣⲭⲱⲛ ϧⲉⲛⲟⲩⲙⲉⲑⲛⲟⲩϫ .
They gladdened kings with their wickedness, and princes with their lies.
4 ⲛⲑⲱⲟⲩ ⲧⲏⲣⲟⲩ ⲉⲩⲟⲓ ⲛⲛⲱⲓⲕ ⲙⲫⲣⲏϯ ⲛⲟⲩⲑⲣⲓⲣ ⲉⲩⲑⲱⲕ ⲉⲣⲟⲥ ⲉϫⲱⲕ ⲉⲣⲟⲥ ϧⲉⲛⲡϧⲙⲟⲙ ⲛⲧⲉⲡⲉⲥϣⲁϩ ⲉⲃⲟⲗϧⲉⲛ ⲫⲟⲩⲱϣⲉⲙ ⲛⲧⲉⲟⲩϣⲱϯ ϣⲁⲧⲉϥϭⲓϣⲉⲙⲏⲣ .
They are all adulterers, as an oven glowing with flame for hot-baking, on account of the kneading of the dough, until it is leavened.
5 ϧⲉⲛⲛⲓⲉϩⲟⲟⲩ ⲛⲧⲉⲛⲉⲧⲉⲛⲟⲩⲣⲱⲟⲩ ⲁⲩⲉⲣϩⲏⲧⲥ ⲛϫⲉϩⲁⲛⲁⲣⲭⲱⲛ ⲉⲙⲃⲟⲛ ⲉⲃⲟⲗϧⲉⲛ ⲟⲩⲏⲣⲡ ⲁϥⲥⲱⲟⲩⲧⲉⲛ ⲧⲉϥϫⲓϫ ⲉⲃⲟⲗ ⲛⲉⲙϩⲁⲛⲗⲟⲓⲙⲟⲥ .
In the days of our kings, the princes began to be inflamed with wine: he stretched out his hand with pestilent fellows.
6 ϫⲉⲟⲩⲏⲓ ⲁⲩⲙⲟϩ ⲛϫⲉⲛⲟⲩϩⲏⲧ ⲙⲫⲣⲏϯ ⲛⲟⲩⲑⲣⲓⲣ ϧⲉⲛⲡϫⲓⲛⲑⲣⲟⲩⲥⲁϩⲟⲩⲓ ⲁϥⲥⲓ ⲛⲉⲛⲕⲟⲧ ⲛϫⲉⲉⲫⲣⲉⲙ ⲙⲡⲓⲉϫⲱⲣϩ ⲧⲏⲣϥ ⲁ ϣⲱⲣⲡ ϣⲱⲡⲓ ⲁϥⲙⲟϩ ⲙⲫⲣⲏϯ ⲛⲟⲩⲙⲟⲩⲉ ⲛⲧⲉⲟⲩⲭⲣⲱⲙ .
Wherefore their hearts are inflamed as an oven, while they rage all the night: Ephraim is satisfied with sleep; the morning is come; he is burnt up as a flame of fire.
7 ⲁⲩϧⲟⲙϧⲉⲙ ⲧⲏⲣⲟⲩ ⲙⲫⲣⲏϯ ⲛⲟⲩⲑⲣⲓⲣ ⲛϫⲉⲛⲟⲩϩⲏⲧ ⲟⲩⲟϩ ⲁⲩⲟⲩⲱⲙ ⲛⲛⲟⲩⲣⲉϥϯϩⲁⲡ ⲁⲩϩⲉⲓ ⲛϫⲉⲛⲟⲩⲟⲩⲣⲱⲟⲩ ⲧⲏⲣⲟⲩ ⲙⲙⲟⲛ ⲡⲉⲧⲱϣ ⲉϩⲣⲏⲓ ⲟⲩⲃⲏⲓ ⲛϧⲏⲧⲟⲩ .
They are all heated like an oven, and have devoured their judges: all their kings are fallen; there was not among them one that called on me.
8 ⲉⲫⲣⲉⲙ ⲛⲁϥⲙⲟⲩϫⲧ ⲛⲉⲙⲡⲉϥⲗⲁⲟⲥ ⲉⲫⲣⲉⲙ ⲁϥϣⲱⲡⲓ ⲛⲟⲩⲱϣⲉⲙ ⲉϥϩⲏⲡ ⲙⲡⲁϥϥⲓ .
Ephraim is mixed among his people; Ephraim became a cake not turned.
9 ⲁⲩⲟⲩⲱⲙ ⲛⲧⲉϥϫⲟⲙ ⲛϫⲉϩⲁⲛϣⲉⲙⲙⲱⲟⲩ ⲛⲑⲟϥ ⲙⲡⲉϥⲉⲙⲓ ⲟⲩⲟϩ ϩⲁⲛⲥⲭⲓⲙ ⲁⲩⲣⲱⲧ ⲉⲣⲟϥ ⲟⲩⲟϩ ⲛⲑⲟϥ ⲙⲡⲉϥⲉⲙⲓ .
Strangers devoured his strength, and he knew it not; and grey hairs came upon him, and he knew it not.
10 ⲟⲩⲟϩ ⲉϥⲉⲑⲉⲃⲓⲟ ⲛϫⲉⲡϣⲱϣ ⲙⲡⲓⲥⲗ ⲉϫⲉⲛⲡⲉϥϩⲟ ⲟⲩⲟϩ ⲙⲡⲟⲩⲧⲁⲥⲑⲱⲟⲩ ϩⲁⲡϭⲥ ⲡⲟⲩⲛⲟⲩϯ ⲟⲩⲟϩ ⲙⲡⲟⲩⲕⲱϯ ⲛⲥⲱϥ ϧⲉⲛⲛⲁⲓ ⲧⲏⲣⲟⲩ .
And the pride of Israel shall be brought down before his face: yet they have not returned to the Lord their God, neither have they diligently sought him for all this.
11 ⲟⲩⲟϩ ⲉⲫⲣⲉⲙ ⲛⲁϥⲟⲓ ⲙⲫⲣⲏϯ ⲛⲟⲩϭⲣⲟⲙⲡⲓ ⲛⲁⲧⲕⲁϯ ⲟⲩⲟϩ ⲙⲙⲟⲛⲧⲁϥ ϩⲏⲧ ⲛⲁϥⲧⲱⲃϩ ⲛⲥⲁⲭⲏⲙⲓ ⲟⲩⲟϩ ⲁⲩϣⲉⲛⲱⲟⲩ ⲉⲛⲓⲁⲥⲥⲩⲣⲓⲟⲥ .
And Ephraim was as a silly dove, not having a heart: he called to Egypt, and they went to the Assyrians.
12 ⲕⲁⲧⲁⲫⲣⲏϯ ⲉⲧⲁⲩϣⲉⲛⲱⲟⲩ ϯⲛⲁϩⲓⲟⲩⲓ ⲙⲡⲁϣⲛⲉ ⲉϩⲣⲏⲓ ⲉϫⲱⲟⲩ ϯⲛⲁⲉⲛⲟⲩ ⲉⲡⲉⲥⲏⲧ ⲙⲫⲣⲏϯ ⲛⲛⲓϩⲁⲗⲁϯ ⲛⲧⲉⲧⲫⲉ ϯⲛⲁϯⲥⲃⲱ ⲛⲱⲟⲩ ϧⲉⲛⲡⲥⲱⲧⲉⲙ ⲛⲧⲉⲡⲟⲩϩⲟϫϩⲉϫ .
Whenever they shall go, I will cast my net upon them; I will bring them down as the birds of the sky, I will chasten them with the rumor of their coming affliction.
13 ⲟⲩⲟⲓ ⲛⲱⲟⲩ ϫⲉⲁⲩⲫⲱⲧ ⲥⲁⲃⲟⲗ ⲙⲙⲟⲓ ϩⲁⲛⲉⲃⲓⲏⲛ ⲛⲉ ϫⲉⲁⲩⲉⲣⲁⲥⲉⲃⲏⲥ ⲉⲣⲟⲓ ⲁⲛⲟⲕ ⲇⲉ ⲁⲓⲥⲟⲧⲟⲩ ⲛⲑⲱⲟⲩ ⲇⲉ ⲁⲩⲥⲁϫⲓ ⲛⲥⲱⲓ ϧⲉⲛϩⲁⲛⲙⲉⲑⲛⲟⲩϫ .
Woe to them! for they have started aside from me: they are cowards; for they have sinned against me: yet I redeemed them, but they spoke falsehoods against me.
14 ⲙⲡⲟⲩⲱϣ ⲉϩⲣⲏⲓ ⲟⲩⲃⲏⲓ ϧⲉⲛⲡⲟⲩϩⲏⲧ ⲁⲗⲗⲁ ⲛⲁⲩⲉϣⲗⲏⲗⲟⲩⲓ ϩⲓϫⲉⲛⲛⲟⲩⲙⲁⲛⲉⲛⲕⲟⲧ ⲛⲁⲩϣⲱⲧ ⲙⲙⲱⲟⲩ ⲉϫⲉⲛⲡⲓⲥⲟⲩⲟ ⲛⲉⲙⲡⲓⲏⲣⲡ .
And their hearts did not cry to me, but they howled on their beds: they pined for oil and wine.
15 ⲁⲩϭⲓⲥⲃⲱ ⲛϧⲣⲏⲓ ⲛϧⲏⲧ ⲟⲩⲟϩ ⲁⲛⲟⲕ ϩⲱ ⲁⲓⲧⲁϫⲣⲟ ⲛⲛⲟⲩϣⲱⲃϣ ⲟⲩⲟϩ ⲁⲩⲥⲟϭⲛⲓ ⲉⲣⲟⲓ ⲉϩⲁⲛⲡⲉⲧϩⲱⲟⲩ .
They were instructed by me, and I strengthened their arms; and they devised evils against me.
16 ⲁⲩⲧⲁⲥⲑⲱⲟⲩ ⲉⲟⲩϩⲗⲓ ⲟⲩⲟϩ ⲁⲩϣⲱⲡⲓ ⲙⲫⲣⲏϯ ⲛⲟⲩⲫⲓϯ ⲉⲥⲕⲟⲗϫ ⲉⲩⲉϩⲉⲓ ⲛⲧⲥⲏϥⲓ ⲛϫⲉⲛⲟⲩⲁⲣⲭⲱⲛ ⲉⲑⲃⲉϯⲙⲉⲧⲁⲧⲥⲃⲱ ⲛⲧⲉⲡⲟⲩⲗⲁⲥ ⲫⲁⲓ ⲡⲉ ⲡⲟⲩϣⲱϣ ϧⲉⲛⲡⲕⲁϩⲓ ⲛⲭⲏⲙⲓ .
They turned aside to that which is not, they became as a bent bow: their princes shall fall by the sword, by reason of the unbridled state of their tongue: this is their setting at nought in the land of Egypt.