1 ⲛⲉ ⲟⲩⲟⲛ ⲟⲩⲇⲣⲁⲕⲱⲛ ⲛⲧⲉⲛⲓⲣⲉⲙⲃⲁⲃⲩⲗⲱⲛ ϧⲉⲛⲡⲟⲩⲧⲟⲡⲟⲥ ⲫⲁⲓ ⲛⲁⲩⲉⲣⲥⲉⲃⲉⲥⲑⲉ ⲙⲙⲟϥ ⲡⲉ .
…
2 ⲟⲩⲟϩ ⲡⲉϫⲉ ⲡⲟⲩⲣⲟ ⲛⲇⲁⲛⲓⲏⲗ ϫⲉⲙⲏ ⲭⲛⲁϫⲟⲥ ⲉⲫⲁⲓ ϫⲉⲟⲩϩⲟⲙⲧ ⲡⲉ ϩⲏⲡⲡⲉ ⲓⲥ ⲫⲁⲓ ϥⲟⲛϧ ϥⲟⲩⲱⲙ ⲟⲩⲟϩ ϥⲥⲱ ⲙⲙⲟⲛϣϫⲟⲙ ⲙⲙⲟⲕ ⲉϫⲟⲥ ϫⲉⲟⲩⲛⲟⲩϯ ⲉϥⲟⲛϧ ⲁⲛ ⲡⲉ ⲫⲁⲓ ϯⲛⲟⲩ ⲟⲩⲛ ⲟⲩⲱϣⲧ ⲙⲙⲟϥ .
…
3 ⲡⲉϫⲉ ⲇⲁⲛⲓⲏⲗ ϫⲉⲡϭⲥ ⲡⲁⲛⲟⲩϯ ⲉϯⲛⲁⲟⲩⲱϣⲧ ⲙⲙⲟϥ ϫⲉⲛⲑⲟϥ ⲡⲉ ⲫⲛⲟⲩϯ ⲉⲧⲟⲛϧ .
…
4 ⲛⲑⲟⲕ ⲇⲉ ⲡⲟⲩⲣⲟ ⲙⲁ ⲉⲣϣⲓϣⲓ ⲛⲏⲓ ϯⲛⲁϧⲱⲧⲉⲃ ⲙⲡⲓⲇⲣⲁⲕⲱⲛ ⲁϭⲛⲉ ⲥⲏϥⲓ ⲛⲉⲙϣⲃⲱⲧ ⲡⲉϫⲉ ⲡⲟⲩⲣⲟ ϫⲉϯϯ ⲙⲙⲟϥ ⲛⲁⲕ .
…
5 ⲁ ⲇⲁⲛⲓⲏⲗ ϭⲓ ⲛⲟⲩⲗⲁⲙϫⲁⲡⲧ ⲛⲉⲙⲟⲩⲙⲃⲣⲉϩⲓ ⲛⲉⲙϩⲁⲛϥⲱⲓ ⲁϥⲫⲁⲥⲟⲩ ⲛⲉⲙⲛⲟⲩⲉⲣⲏⲟⲩ ⲟⲩⲟϩ ⲁϥⲑⲁⲙⲓⲱⲟⲩ ⲛϩⲁⲛⲙⲁⲥⲍⲁ ⲟⲩⲟϩ ⲁϥϯ ⲉⲣⲱϥ ⲙⲡⲓⲇⲣⲁⲕⲱⲛ ⲟⲩⲟϩ ⲉⲧⲁϥⲟⲩⲱⲙ ⲇⲉ ⲁϥⲫⲱϫⲓ ⲛϫⲉⲡⲓⲇⲣⲁⲕⲱⲛ ⲟⲩⲟϩ ⲡⲉϫⲁϥ ⲛϫⲉⲇⲁⲛⲓⲏⲗ ϫⲉⲁⲛⲁⲩ ⲉⲛⲏⲉⲧⲉⲧⲉⲛⲉⲣⲥⲉⲃⲉⲥⲑⲉ ⲙⲙⲱⲟⲩ .
…
6 ⲁⲥϣⲱⲡⲓ ⲉⲧⲁⲩⲥⲱⲧⲉⲙ ⲛϫⲉⲛⲓⲣⲉⲙⲃⲁⲃⲩⲗⲱⲛ ⲁⲩϫⲱⲛⲧ ⲉⲙⲁϣⲱ ⲟⲩⲟϩ ⲁⲩⲫⲟⲛϩⲟⲩ ⲉϫⲉⲛⲡⲟⲩⲣⲟ ⲡⲉϫⲱⲟⲩ ϫⲉⲁ ⲡⲟⲩⲣⲟ ⲉⲣⲓⲟⲩⲇⲁⲓ ⲃⲏⲗ ⲁϥϣⲉⲣϣⲱⲣϥ ⲟⲩⲟϩ ⲡⲓⲇⲣⲁⲕⲱⲛ ⲁϥϧⲟⲑⲃϥ ⲟⲩⲟϩ ⲛⲓⲕⲉⲟⲩⲏⲃ ⲁϥϧⲉⲗϧⲱⲗⲟⲩ .
…
7 ⲟⲩⲟϩ ⲉⲧⲁⲩⲓ ϧⲁⲡⲟⲩⲣⲟ ⲡⲉϫⲱⲟⲩ ⲛⲁϥ ϫⲉⲙⲁ ⲇⲁⲛⲓⲏⲗ ⲉⲧⲟⲧⲉⲛ ⲙⲙⲟⲛ ⲛⲧⲉⲛⲛⲁϧⲟⲑⲃⲕ ⲛⲉⲙⲡⲉⲕⲏⲓ .
…
8 ⲉⲧⲁϥⲛⲁⲩ ⲛϫⲉⲡⲟⲩⲣⲟ ϫⲉⲥⲉⲓⲏⲥⲟⲩⲥ ⲛⲥⲱϥ ⲉⲙⲁϣⲱ ⲟⲩⲟϩ ⲉⲧⲁⲩⲉⲣⲁⲛⲁⲅⲕⲁⲍⲓⲛ ⲙⲙⲟϥ ⲁϥϯ ⲛⲇⲁⲛⲓⲏⲗ ⲛⲱⲟⲩ .
…
9 ⲛⲑⲱⲟⲩ ⲇⲉ ⲁⲩϩⲓⲧϥ ⲉϧⲣⲏⲓ ⲉⲫⲗⲁⲕⲕⲟⲥ ⲛⲧⲉⲛⲓⲙⲟⲩⲓ ⲟⲩⲟϩ ⲛⲁϥⲭⲏ ⲙⲙⲁⲩ ⲡⲉ ⲛⲋ ⲛⲉϩⲟⲟⲩ .
…
10 ⲛⲉ ⲟⲩⲟⲛ ⲍ ⲇⲉ ⲙⲙⲟⲩⲓ ϧⲉⲛⲫⲗⲁⲕⲕⲟⲥ ⲡⲉ ⲟⲩⲟϩ ⲛⲉϣⲁⲩϯ ⲛⲱⲟⲩ ⲛⲥⲱⲙⲁⲃ ⲙⲡⲓⲉϩⲟⲟⲩ ⲛⲉⲙⲉⲥⲱⲟⲩⲃ ⲧⲟⲧⲉ ⲙⲡⲟⲩϯ ⲛⲱⲟⲩ ⲙⲡⲓⲉϩⲟⲟⲩ ⲉⲧⲉⲙⲙⲁⲩ ϩⲓⲛⲁ ⲛⲥⲉⲟⲩⲱⲙ ⲛⲇⲁⲛⲓⲏⲗ .
…
11 ⲟⲩⲟϩ ⲁⲃⲃⲁⲕⲟⲩⲙ ⲡⲓⲡⲣⲟⲫⲏⲧⲏⲥ ⲉⲛⲁϥⲭⲏ ϧⲉⲛϯⲓⲟⲩⲇⲉⲁ ⲟⲩⲟϩ ⲁϥⲫⲓⲥⲓ ⲛⲟⲩⲫⲓⲥ ⲛⲉⲙϩⲁⲛⲱⲓⲕ ⲉⲩⲟϫⲡ ϧⲉⲛⲟⲩⲥⲕⲁⲫⲏ ⲟⲩⲟϩ ⲛⲁϥⲛⲁ ⲉⲧⲕⲟⲓ ⲉⲟⲗⲟⲩ ⲛⲛⲓϭⲁⲓⲟⲥϧ .
…
12 ⲡⲉϫⲉ ⲡⲓⲁⲅⲅⲉⲗⲟⲥ ⲛⲧⲉⲡϭⲥ ⲛⲁⲃⲃⲁⲕⲟⲩⲙ ϫⲉⲁⲗⲓⲟⲩⲓ ⲙⲡⲓⲁⲣⲓⲥⲧⲟⲛ ⲉⲧⲉⲛⲧⲟⲧⲕ ⲉⲃⲁⲃⲩⲗⲱⲛ ⲛⲇⲁⲛⲓⲏⲗ ⲉⲫⲗⲁⲕⲕⲟⲥ ⲛⲧⲉⲛⲓⲙⲟⲩⲓ .
…
13 ⲡⲉϫⲉ ⲁⲃⲃⲁⲕⲟⲩⲙ ϫⲉⲡⲁϭⲥ ⲃⲁⲃⲩⲗⲱⲛ ⲙⲡⲓⲛⲁⲩ ⲉⲣⲟⲥ ⲡⲓⲕⲉⲗⲁⲕⲕⲟⲥ ⲛⲧⲉⲛⲓⲙⲟⲩⲓ ϯⲥⲱⲟⲩⲛ ⲙⲙⲟϥ ⲁⲛ .
…
14 ⲟⲩⲟϩ ⲡⲓⲁⲅⲅⲉⲗⲟⲥ ⲛⲧⲉⲡϭⲥ ⲁϥⲁⲙⲟⲛⲓ ⲛⲧⲁⲫⲉ ⲛⲁⲃⲃⲁⲕⲟⲩⲙ ⲁϥⲧⲱⲟⲩⲛⲟⲩ ⲙⲙⲟϥ ϧⲁⲡⲓϥⲱⲓ ⲛⲧⲉⲧⲉϥⲁⲫⲉ ⲁϥⲭⲁϥ ϧⲉⲛⲃⲁⲃⲩⲗⲱⲛ ⲉϩⲣⲏⲓ ϩⲓϫⲉⲛⲡⲓⲗⲁⲕⲕⲟⲥ ϧⲉⲛⲡⲓⲟⲩⲟⲓ ⲛⲧⲉⲡⲉϥⲡⲛⲉⲩⲙⲁ .
…
15 ⲁϥⲱϣ ⲉⲃⲟⲗ ⲛϫⲉⲁⲃⲃⲁⲕⲟⲩⲙ ⲉϥϫⲱ ⲙⲙⲟⲥ ⲙⲡⲁⲓⲣⲏϯ ϫⲉⲇⲁⲛⲓⲏⲗ ⲇⲁⲛⲓⲏⲗ ϭⲓ ⲙⲡⲓⲁⲣⲓⲥⲧⲟⲛ ⲉⲧⲁϥⲟⲩⲟⲣⲡϥ ⲛⲁⲕ ⲛϫⲉⲡϭⲥ .
…
16 ⲡⲉϫⲉ ⲇⲁⲛⲓⲏⲗ ϫⲉϯϯⲱⲟⲩ ⲛⲁⲕ ⲫⲛⲟⲩϯ ϫⲉⲁⲕⲉⲣⲡⲁⲙⲉⲩⲓ ⲟⲩⲟϩ ⲙⲡⲉⲕⲭⲱ ⲛⲥⲱⲕ ⲛⲛⲏⲉⲧⲉⲣⲁⲅⲁⲡⲁⲛ ⲙⲙⲟⲕ .
…
17 ⲟⲩⲟϩ ⲁϥⲧⲱⲛϥ ⲛϫⲉⲇⲁⲛⲓⲏⲗ ⲁϥⲟⲩⲱⲙ ⲟⲩⲟϩ ⲡⲁⲅⲅⲉⲗⲟⲥ ⲛⲧⲉⲫⲛⲟⲩϯ ⲁϥⲧⲫⲉ ⲁⲃⲃⲁⲕⲟⲩⲙ ⲛⲟⲩϩⲟϯ ϧⲉⲛⲟⲩϩⲟϯ ⲉϩⲣⲏⲓ ⲉⲡⲉϥⲙⲁ .
…
18 ⲡⲟⲩⲣⲟ ⲇⲉ ⲁϥⲓ ϧⲉⲛⲡⲓⲙⲁϩⲍ ⲛⲉϩⲟⲟⲩ ⲁϥⲉⲣϩⲏⲃⲓ ⲉⲇⲁⲛⲓⲏⲗ ⲁϥⲓ ϩⲓϫⲉⲛⲡⲓⲗⲁⲕⲕⲟⲥ ⲁϥϫⲟⲩϣⲧ ϩⲏⲡⲡⲉ ⲓⲥ ⲇⲁⲛⲓⲏⲗ ⲛⲁϥϩⲉⲙⲥⲓ ⲡⲉ .
…
19 ⲁϥⲱϣ ⲉⲃⲟⲗ ⲛϫⲉⲡⲟⲩⲣⲟ ϧⲉⲛⲟⲩⲛⲓϣϯ ⲛⲥⲙⲏ ⲟⲩⲟϩ ⲡⲉϫⲁϥ ϫⲉⲛⲑⲟⲕ ⲟⲩⲛⲓϣϯ ⲡϭⲥ ⲫⲛⲟⲩϯ ⲛⲇⲁⲛⲓⲏⲗ ⲟⲩⲟϩ ⲁϥⲉⲛϥ ⲉⲡϣⲱⲓ .
…
20 ⲛⲏ ⲇⲉ ⲉⲧⲟⲓ ⲛⲉⲧⲓⲟⲥ ⲉⲡⲉϥⲧⲁⲕⲟ ⲁϥϩⲓⲧⲟⲩ ⲉⲡⲓⲗⲁⲕⲕⲟⲥ ⲁⲩⲙⲟⲩ ⲛⲟⲩϩⲟϯ ϧⲉⲛⲟⲩϩⲟϯ ⲙⲡⲉϥⲙⲑⲟ .
…