1 ⲟⲩⲟϩ ⲇⲁⲛⲓⲏⲗ ⲛⲁϥⲟⲓ ⲛϣⲫⲏⲣⲉⲛⲱⲛϧ ⲛⲉⲙⲡⲟⲩⲣⲟ ⲡⲉ ⲛⲁϥⲧⲁⲓⲏⲟⲩⲧ ⲇⲉ ⲉⲃⲟⲗⲟⲩⲧⲉ ⲛⲉϥϣⲫⲏⲣ ⲧⲏⲣⲟⲩ .
…
2 ⲛⲉ ⲟⲩⲟⲛ ⲟⲩⲓⲇⲱⲗⲟⲛ ⲛⲧⲉⲛⲓⲣⲉⲙⲃⲁⲃⲩⲗⲱⲛ ⲉⲡⲉϥⲣⲁⲛ ⲡⲉ ⲃⲏⲗ ⲛⲁⲩϭⲟ ⲛⲟⲩⲧⲁⲡⲁⲛⲏ ⲉⲣⲟϥ ⲙⲙⲏⲛⲓ ⲡⲉ ⲓⲃ ⲛⲉⲣⲧⲟⲛ ⲛⲥⲓⲙⲉⲇⲁⲗⲓⲟⲛ ⲛⲉⲙⲇ ⲛⲉⲥⲱⲟⲩ ⲛⲉⲙⲋ ⲙⲙⲉⲧⲣⲓⲧⲏⲥ ⲛⲏⲣⲡ .
…
3 ⲡⲟⲩⲣⲟ ⲇⲉ ⲛⲁϥⲉⲣⲥⲉⲃⲏⲥⲑⲉ ⲙⲙⲟϥ ⲟⲩⲟϩ ⲛⲁϥⲟⲩⲱϣⲧ ⲙⲙⲟϥ ⲙⲙⲏⲛⲓ ⲡⲉ ⲇⲁⲛⲓⲏⲗ ⲇⲉ ⲛⲑⲟϥ ⲛⲁϥⲟⲩⲱϣⲧ ⲙⲡⲉϥⲛⲟⲩϯ ⲡⲉ ⲟⲩⲟϩ ⲡⲉϫⲉ ⲡⲟⲩⲣⲟ ⲛⲇⲁⲛⲓⲏⲗ ϫⲉⲉⲑⲃⲉⲟⲩ ⲭⲟⲩⲱϣⲧ ⲛⲃⲏⲗ ⲁⲛ .
…
4 ⲡⲉϫⲉ ⲇⲁⲛⲓⲏⲗ ⲛⲁϥ ϫⲉϯⲉⲣⲥⲉⲃⲏⲥⲑⲉ ⲁⲛⲟⲕ ⲁⲛ ⲛϩⲁⲛⲓⲇⲱⲗⲟⲛ ⲙⲙⲟⲩⲛⲕⲛϫⲓϫ ⲁⲗⲗⲁ ⲫⲛⲟⲩϯ ⲉⲧⲟⲛϧ ⲫⲏⲉⲧⲁϥⲑⲁⲙⲓⲟ ⲛⲧⲫⲉ ⲛⲉⲙⲡⲕⲁϩⲓ ⲟⲩⲟϩ ⲉⲧⲟⲓ ⲛϭⲟⲉⲓⲥ ⲉⲥⲁⲣⲝ ⲛⲓⲃⲉⲛ ⲡⲉ ϯⲟⲩⲱϣⲧ ⲙⲙⲟϥ .
…
5 ⲟⲩⲟϩ ⲡⲉϫⲉ ⲡⲟⲩⲣⲟ ⲛⲁϥ ϫⲉⲭⲙⲉⲩⲓ ⲛⲑⲟⲕ ⲁⲛ ⲉⲃⲏⲗ ϫⲉⲟⲩⲛⲟⲩϯ ⲉϥⲟⲛϧ ⲡⲉ ϣⲁⲛ ⲭⲛⲁⲛⲁⲩ ⲁⲛ ⲙⲡⲉⲧⲉϥⲟⲩⲱⲙ ⲙⲙⲟϥ ⲛⲉⲙⲡⲉⲧⲉϥⲥⲱ ⲙⲙⲏⲛⲓ .
…
6 ⲉⲧⲁϥⲥⲱⲃⲓ ⲛϫⲉⲇⲁⲛⲓⲏⲗ ⲟⲩⲟϩ ⲡⲉϫⲁϥ ϫⲉⲙⲡⲉⲣⲥⲱⲣⲉⲙ ⲡⲟⲩⲣⲟ ⲫⲁⲓ ⲅⲁⲣ ⲥⲁϧⲟⲩⲛ ⲙⲙⲟϥ ⲟⲩⲕⲁϩⲓ ⲡⲉ ⲥⲁⲃⲟⲗ ⲇⲉ ⲙⲙⲟϥ ⲟⲩϩⲟⲙⲧ ⲡⲉ ⲙⲡⲁϥⲟⲩⲱⲙ ⲟⲩⲇⲉ ⲙⲡⲁϥⲥⲱ ϩⲗⲓ .
…
7 ⲉⲧⲁϥⲙⲃⲟⲛ ⲛϫⲉⲡⲟⲩⲣⲟ ⲁϥⲙⲟⲩϯ ⲉⲛⲓⲟⲩⲏⲃ ⲡⲉϫⲁϥ ⲛⲱⲟⲩ ϫⲉⲉϣⲱⲡ ⲁⲣⲉⲧⲉⲛϣⲧⲉⲙϫⲟⲥ ⲛⲏⲓ ϫⲉⲛⲓⲙ ⲉⲑⲟⲩⲱⲙ ⲛⲧⲁⲓⲇⲁⲡⲁⲛⲏ ϧⲉⲛⲟⲩⲙⲟⲩ ⲧⲉⲧⲉⲛⲛⲁⲙⲟⲩ .
…
8 ⲟⲩⲟϩ ⲉϣⲱⲡ ⲛⲧⲉⲧⲉⲛⲧⲁⲙⲟⲓ ϫⲉⲃⲏⲗ ⲉⲑⲟⲩⲱⲙ ⲙⲙⲱⲟⲩ ⲉϥⲉⲙⲟⲩ ⲛϫⲉⲇⲁⲛⲓⲏⲗ ϫⲉⲁϥϫⲉⲟⲩⲁ ⲉⲃⲏⲗ ⲟⲩⲟϩ ⲡⲉϫⲉ ⲇⲁⲛⲓⲏⲗ ⲙⲡⲟⲩⲣⲟ ϫⲉⲙⲁⲣⲉⲥϣⲱⲡⲓ ⲕⲁⲧⲁⲡⲉⲕⲥⲁϫⲓ .
…
9 ⲟⲩⲟϩ ⲛⲁⲩⲉⲣ ⲟ ⲡⲉ ⲛⲓⲟⲩⲏⲃ ⲛⲧⲉⲃⲏⲗ ⲥⲁⲃⲟⲗ ⲥϩⲓⲙⲓ ⲛⲉⲙϣⲏⲣⲓ ⲁϥⲓ ⲛϫⲉⲡⲟⲩⲣⲟ ⲛⲉⲙⲇⲁⲛⲓⲏⲗ ⲉⲡⲏⲓ ⲙⲃⲏⲗ .
…
10 ⲟⲩⲟϩ ⲡⲉϫⲉ ⲛⲓⲟⲩⲏⲃ ⲛⲧⲉⲃⲏⲗ ϫⲉϩⲏⲡⲡⲉ ⲁⲛⲟⲛ ⲧⲉⲛⲛⲁϣⲉⲛⲁⲛ ⲉⲃⲟⲗ ⲛⲑⲟⲕ ⲇⲉ ⲡⲟⲩⲣⲟ ⲭⲱ ⲉϧⲣⲏⲓ ⲛⲛⲓϧⲣⲏⲟⲩⲓ ⲟⲩⲟϩ ⲡⲓⲏⲣⲡ ⲑⲟⲧϥ ⲭⲁϥ ⲟⲩⲟϩ ϣⲑⲁⲙ ⲙⲡⲓⲣⲟ ⲁⲣⲓⲥⲫⲣⲁⲅⲓⲍⲓⲛ ⲙⲙⲟϥ ⲙⲡⲉⲕϣϭⲟⲩⲣ .
…
11 ⲁⲕϣⲁⲛⲓ ⲛϣⲱⲣⲡ ⲛⲧⲉⲕϣⲧⲉⲙϫⲉⲙⲟⲩ ⲉⲁϥⲟⲩⲟⲙⲟⲩ ⲧⲏⲣⲟⲩ ⲛϫⲉⲃⲏⲗ ⲉⲛⲉⲙⲟⲩ ⲧⲏⲣⲟⲩ ⲁⲛⲟⲛ ⲓⲉ ⲇⲁⲛⲓⲏⲗ ⲫⲏⲉⲧⲁϥϫⲉⲙⲉⲑⲛⲟⲩϫ ϧⲁⲣⲟⲛ .
…
12 ⲛⲑⲱⲟⲩ ⲇⲉ ⲛⲉⲁⲩⲉⲣⲕⲁⲧⲁⲫⲣⲟⲛⲓⲛ ⲉⲑⲃⲉϫⲉⲛⲉⲁⲩⲭⲱ ⲛⲟⲩⲙⲱⲓⲧ ⲥⲁϧⲣⲏⲓ ⲛϯⲧⲣⲁⲡⲉⲍⲁ ⲉϥϩⲏⲡ ⲟⲩⲟϩ ⲛⲁⲩⲛⲏⲟⲩ ⲉϧⲟⲩⲛ ⲧⲏⲣⲟⲩ ⲡⲉ ⲉⲃⲟⲗϩⲓⲧⲟⲧϥ ⲟⲩⲟϩ ⲛⲁⲩⲟⲩⲱⲙ ⲙⲙⲱⲟⲩ ⲡⲉ .
…
13 ⲁⲥϣⲱⲡⲓ ⲇⲉ ⲉⲧⲁⲩⲓ ⲉⲃⲟⲗ ⲛϫⲉⲛⲏ ⲁ ⲡⲟⲩⲣⲟ ⲭⲱ ⲛⲛⲓϧⲣⲏⲟⲩⲓ ⲛⲁϩⲣⲁϥ ⲏⲗ ⲁ ⲇⲁⲛⲓⲏⲗ ⲟⲩⲁϩⲥⲁϩⲛⲓ ⲛⲛⲉϥⲁⲗⲱⲟⲩⲓ ⲁⲩⲓⲛⲓ ⲛⲁϥ ⲛⲟⲩⲕⲉⲣⲙⲓ ⲁⲩⲫⲱⲣϣ ⲙⲡⲓⲉⲣⲫⲉⲓ ⲧⲏⲣϥ ⲙⲡⲉⲙⲑⲟ ⲙⲡⲟⲩⲣⲟ ⲟⲩⲟϩ ⲉⲧⲁⲩⲓ ⲉⲃⲟⲗ ⲁⲩⲙⲁϣⲑⲁⲙ ⲙⲡⲓⲣⲟ ⲟⲩⲟϩ ⲁⲩⲉⲙⲙⲟϥ ϧⲉⲛⲡⲓϣϭⲟⲩⲣ ⲛⲧⲉⲡⲟⲩⲣⲟ ⲁⲩϣⲉⲛⲱⲟⲩ .
…
14 ⲛⲓⲟⲩⲏⲃ ⲇⲉ ⲟⲛ ⲁⲩⲓ ⲟⲛ ⲉⲡⲓⲉⲣⲫⲉⲓ ⲕⲁⲧⲁⲧⲟⲩⲕⲁϩⲥ ⲛⲉⲙⲛⲟⲩϩⲓⲟⲙⲓ ⲛⲉⲙⲛⲟⲩϣⲏⲣⲓ ⲁⲩⲟⲩⲱⲙ ⲛⲛⲓϧⲣⲏⲟⲩⲓ ⲧⲏⲣⲟⲩ ⲟⲩⲟϩ ⲁⲩⲥⲱ ⲙⲡⲓⲏⲣⲡ .
…
15 ⲁϥϣⲟⲣⲡϥ ⲇⲉ ⲛϫⲉⲡⲟⲩⲣⲟ ⲛϣⲱⲣⲡ ⲛⲉⲙⲇⲁⲛⲓⲏⲗ ⲛⲉⲙⲁϥ .
…
16 ⲟⲩⲟϩ ⲡⲉϫⲉ ⲡⲟⲩⲣⲟ ⲛⲇⲁⲛⲓⲏⲗ ϫⲉⲁⲛ ⲥⲉⲥⲙⲟⲛⲧ ⲛϫⲉⲛⲓⲧⲉⲃⲥ ⲡⲉϫⲉ ⲇⲁⲛⲓⲏⲗ ϫⲉⲥⲉⲥⲙⲟⲛⲧ .
…
17 ⲁⲥϣⲱⲡⲓ ⲉⲧⲉⲁⲩⲟⲩⲱⲛ ⲛⲛⲓⲣⲱⲟⲩ ⲁϥϫⲟⲩϣⲧ ⲛϫⲉⲡⲟⲩⲣⲟ ⲉϫⲉⲛϯⲧⲣⲁⲡⲉⲍⲁ ⲁϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ϫⲉⲛⲑⲟⲕ ⲟⲩⲛⲓϣϯ ⲃⲏⲗ ⲙⲙⲟⲛ ϩⲗⲓ ⲛⲭⲣⲟϥ ϩⲏⲡ ⲉϧⲣⲏⲓ ⲛϧⲏⲧⲕ .
…
18 ⲁϥⲥⲱⲃⲓ ⲛϫⲉⲇⲁⲛⲓⲏⲗ ⲟⲩⲟϩ ⲁϥⲁⲙⲟⲛⲓ ⲙⲡⲟⲩⲣⲟ ⲉϣⲧⲉⲙϣⲉ ⲉϧⲟⲩⲛ ⲟⲩⲟϩ ⲡⲉϫⲉ ⲇⲁⲛⲓⲏⲗ ⲙⲡⲟⲩⲣⲟ ϫⲉϫⲟⲩϣⲧ ⲉⲡⲕⲁϩⲓ ⲟⲩⲟϩ ⲁⲣⲓⲉⲙⲓ ϫⲉⲛⲁⲛⲓⲙ ⲛⲉ ⲛⲁⲓϣⲉⲛⲧⲁⲧⲥⲓ .
…
19 ⲟⲩⲟϩ ⲡⲉϫⲉ ⲡⲟⲩⲣⲟ ϫⲉϯⲛⲁⲩ ⲉϩⲁⲛϣⲉⲛⲧⲁⲧⲥⲓ ⲛⲣⲱⲙⲓ ⲛⲉⲙϩⲁⲛϩⲓⲟⲙⲓ ⲛⲉⲙϩⲁⲛⲁⲗⲱⲟⲩⲓ .
…
20 ⲟⲩⲟϩ ⲉⲧⲁϥϫⲱⲛⲧ ⲛϫⲉⲡⲟⲩⲣⲟ ⲁϥⲁⲙⲟⲛⲓ ⲛⲛⲓⲟⲩⲏⲃ ⲛⲉⲙⲛⲟⲩϩⲓⲟⲙⲓ ⲛⲉⲙⲛⲟⲩϣⲏⲣⲓ ⲁⲩⲧⲁⲙⲟϥ ⲉⲛⲓⲣⲱⲟⲩ ⲉⲧϩⲏⲡ ⲛⲏⲉϣⲁⲩϣⲉ ⲉϧⲟⲩⲛ ⲉⲃⲟⲗϩⲓⲧⲟⲧⲟⲩ ⲛⲁⲩⲟⲩⲱⲙ ⲛⲛⲏⲉⲧϩⲓϫⲉⲛ ϯⲧⲣⲁⲡⲉⲍⲁ .
…
21 ⲟⲩⲟϩ ⲁϥϧⲟⲑⲃⲟⲩ ⲛϫⲉⲡⲟⲩⲣⲟ ⲁϥϯ ⲛⲃⲏⲗ ⲉⲧⲟⲧϥ ⲛⲇⲁⲛⲓⲏⲗ ⲁϥⲟⲩⲟϫⲡϥ ⲉϧⲣⲏⲓ ⲛⲉⲙⲛⲉϥⲕⲉⲉⲣⲫⲉⲓ .
…